البارت 45
=============
الام (توقف وبفرح) : احلى غداء للصلحه بين سمر وعبدالرحمن
سالم : بس عبدالرحمن ترى يفكر ان غداه معي مسوي له مفاجئه انا بدخلت سمر عليه
الاب (ابتسم) : الله يسعدك يا ولدي
سالم : ولا يحرمني منك انا بروح المجلس انتظره
الأب : انا بدخل اهدي خوله صوتها عالي ورافضه تقتنع اخاف ابوي يعصب عليها بهدي الوضع
سالم : الله يهديها
الكل : امين
اتجه سالم للمجلس واتجهت ام إبراهيم للمطبخ تحضر الغداء من الحين فرحانه برضى بنتها وزوجها وابو إبراهيم اتجه لغرفة ابوه واهو يسمع اعتراض خوله على سالفة السحر ضرب الباب ودخل شافها واقفه قدام ابوها ودمعها على خدها تهز رجلها بعصبيه وتوتر لما شافت فهد ركضت له ورمت نفسها في حضنه وهي تبكي
خوله : شوف ابوي يا خوي وش يقول
ابو إبراهيم (يضمها) : اهدي
خوله (وهي تبكي) : كيف اهدى واهو يقول اني مسحوره
أبو إبراهيم : طيب واذا كان
خوله (تبتعد عنه ) : يعني انت بعد نفس فكرة ابوي اني مسحوره
الجد : يا خوله هذي مو فكره هذي حقيقه
خوله : حقيقه بس انا ما احس بوجع يا يبه ما احس
الجد : سحرك اسمه تفريق ازواج يعني تكرهين زوجك ضاري
خوله (بعصبيه) : لا تقول اسمه هذا الشخص لا تنطق اسمه
الجد (وقف بعصبيه) : شفتي هذا دليل السحر كرهك الغير مبرر لزوجك
خوله (هزت راسها) : لا انا مو مسحوره
أبو إبراهيم (يمسك يدها ويجلسها ويجلس جنبها) : سمعي انتي رافضه هذا الشيء واحنا متاكدين خلينا نقطع الشك باليقين
خوله : كيف
أبو إبراهيم : يعني ترضين نروح العصر لشيخ اللي ابوي يعرفه وواثق فيه
خوله : لا انا بخير وهذي الامور ما ااومن فيها وكلها خرافات
الجد(ضرب بعصاه الأرض بقوه وبعصبيه) : هذي حقيقه وانذكرت بالقرآن والسنه تبين تكذبين شيء انذكر
خوله (خافت من العصبيه فجأه) : لا ما قصدت بس انا ما فيني شيء اصلا من يبي يسحرني
أبو إبراهيم : عيال الحرام كثير والناس اللي ما تخاف الله اكثر
خوله (حطت ايديها على وجها وبكت) : انا مو مسحوره صح اكره ضاري صح بس مو دليل سحر
الجد (هز راسه ) : يا بنتي ريحيني والله من عرفت باللي صار لك وانا ما انام الليل قلبي يوجعني لما اشوفك تتألمين ولما اشوف احاولك مع رجلك اللي البارح من همه شكى لي بعرس ليالي الولد طال انتظاره الولد نفذ صبره
خوله (بعصبيه توقف) : خله يطلقني
الجد وإبراهيم : شنوووووووو
خوله : ايه يطلقني دام مو متحملني (بعصبيه زياده) انا اللي متحملته ونفسي عايفته اووووووف
الجد (بعصبيه ) : جـــــــــــــــــب
خوله (التفتت له) : وش جب عشان ابي افتك منه و ابي ارتاح
الجد (وقف بعصبيه) : وش ترتاحين انتي مو صاحيه عقلك طاير
خوله : انا ما ابيه ما ابيه انتوا تتعذرون بالسحر لا انا مو مسحوره انا بخير وبعقل بس نفسي ما تبي قربه انا حرررررررررررررره
الجد (بعصبيه يقرب لها) : لا منتي حره
أبو إبراهيم (يوقف قدام ابوه وخوله خلفه) : يبه اهدى
الجد (يأشر لها بعصبيه) : الساعه 4 يا خوله اشوفك جاهزه بعباتك بالصاله لما ارجع من الصلاه نروح لرجال
خوله : لا ما ابي
الجد(رفع عصايته وبعصبيه) : غصب عنك لو ما مشيتي بكيفك اشيلك في عباتك وكلمه زياده اكسر هالعصاه على راسك
خوله (بصدمه ) : تبي ضربني يبه
الجد : ايه
خوله(بعصبيه) : عشان ضرووووووووي الزفت الحيوااااااااااااااااااااااان تضرب بنتك حبيبتك
الجد (زادت عصبيته) : استحي على وجهك وش حيوان هذا رجلك
خوله : اكررررررررررررررهه وصرت اكرررررررهه اكثر لانك بتضربني بسبته الله ياخذه
أبو إبراهيم (يشوف خوله تطلع من الغرفه وهي تبكي ومعصبيه) : يبه اهدى
الجد (يبتعد ويجلس على السرير) : لا حول ولا قوة إلا بالله
أبو إبراهيم (يجلس قدامه على الكرسي) : ليه عصبت كذا وكنت تبي تضربها
الجد (يمسح على وجهه) : والله عصبتني يا ولدي
أبو إبراهيم : معليه يبه هي انصدمت باللي انقال لها وان السحر صايبها يمكن ترفض حقيقته بس اكيد لما نروح للشيخ راح تقتنع وترضى تتعالج
الجد : اختك عنيده ومدلعه
أبو إبراهيم (ابتسم ) : هذي آخر العنقود ودلعها يحق لها الدلع والكل يحب يدلعها
الجد (ابتسم) : صدق يحق لها
أبو إبراهيم : معليه خلنا بشويش نحل الامور ما نبي نعاندها اكثر تركب راسها ولا تروح
الجد : والحل
أبو إبراهيم : اسمع عندي الحل
الجد : وش
أبو إبراهيم : نقدر ناخذها بالحيله بدون لا تعرف (طالع لنظرات ابوه اللي تستفسر) افهمك انت روح مع ضاري للشيخ اسبقونا وانا بخلي إبراهيم يوصلها لمكان الشيخ
الجد : اختك مهي غبيه
أبو إبراهيم : لا يبه ادري مو غبيه بس إبراهيم بخليه يفكر بشيء على اساس يبيها تروح معه لمكان يشتري شيء وعشان تصدق بقول له ياخذ سلمى معه
الجد : وعيالهم
أبو إبراهيم : بخلي سمر تنتبه لهم هي وعهد
الجد : تكفه يا ولدي لازم ارتاح اليوم ابي اعرف صدق البنت مسحوره حالها مو عاجبني بموت من الهم
أبو إبراهيم : بسم الله عليك يبه بنرتاح واليوم نعرف وش قاعد يصير لها وش السبب
الجد : الله يريحك يا ولدي مثل منت مريحني
أبو إبراهيم (باس راس ابوه) : امين ويخليك لي انا بروح ارتاح من البارح عيني ما غفت كله احاتي سالم خايف يصير عليه شيء
الجد : صدقت حال سالم كان يخوف بس الحمد لله عدت الازمه واهو قوي اكيد راح يتغلب على اللي صار
أبو إبراهيم : ما اكذب عليك اعرف ولدي يكابر ويمثل قدامنا ولا من الداخل محطم
الجد : الله يرزقه وينسى
أبو إبراهيم : اللهم امين يالله مع السلامه
الجد : مع السلامه
أبو إبراهيم طلع من غرفة ابوه متجه للسلم صعد وابتسم لما شاف عهد تنزل ومعها جلالها ابتسمت وقربت باست راس عمها
عهد : صباح الخير
أبو إبراهيم : صباح الورد كيفك
عهد : بخير وانت
أبو إبراهيم : بخير هاه وين فيصل
عهد : راح الدوام
أبو إبراهيم : محتاجه شيء قاصرك شيء قولي لي
عهد : لا مو قاصرني شيء وانت يا عمي ما تقصر بس فيصل مو مقصر علي شيء
أبو إبراهيم : الله يسعدكم اسمحي لي يا بنتي بروح ارتاح راسي مصدع
عهد : سلامتك تحب اسوي لك عصير ولا شيء
أبو إبراهيم : لا تسلمين برتاح وراح يهدأ
عهد : ما عليك شر
نزلت بعد ما صعد عمها شافت محد فيه وانتبهت للخدامه تشيل صحون الفطور
عهد : صباح الخير كاتي
الخدامه كاتي : سباح نور
عهد : مدام وين
الخدامه : في متبخ
عهد :
مطبخ طيب شكرا (اتجهت للمطبخ وشافت خالتها قربت وباست راسها) صباح الخير
أم إبراهيم : صباح الورد كيفك يا بنتي
عهد : بخير وش تسوين يمه
أم إبراهيم (تبتسم) : بسوي الغداء عبدالرحمن بيتغدى عندنا
عهد : ما شاء الله
أم إبراهيم (تمسك يدها وهي تبتسم) : وأبشرك سمر رضت تشوفه
عهد (بفرح ) : الله يبشرك بالجنه الحمد لله هي وينها
أم إبراهيم : بغرفتها تتجهز
عهد : هههههههههههههه محد قدها لازم تطلع الزين اليوم اكثر من اسبوعين مو هين
أم إبراهيم : والله ان فرحت لما سالم الله يحفظه لي عقلها وكلمها
عهد : سالم ما في مثله الله يسعده (فسرت عن كمومها) هاه وش تحبين اسوي
أم إبراهيم : ما تقصرين بس الخدامات فيه بيكفون ما ابي اتعبك
عهد : لا يمه عادي انا فاضيه وابي اسوي شيء طيب بسوي سلطه حلوه وبسوي عصير وش رايك
أم إبراهيم : على راحتك (تشوف عهد تتجه للثلاجه) وش صار على الدكتوره
عهد : قربت من آخر الجلسات والحمد لله بتقدم
أم إبراهيم : اصدقيني وجود فيصل يضايقك
عهد(ابتسمت) : والله احب وجوده (وبحياء نزلت راسها) صرت اتقبل قربه شوي
ام إبراهيم : ولدي ما يصدق صح متأكده انه له حركات
عهد : ههههههههههههه والله يا يمه اهو ما يقصر بس انا ما اعطيه فرصه
أم إبراهيم : ما فهمت يعني متقبله بس رافضه
عهد(تقرب وتهمس لها بحياء) : لما اكون واثقه منه بكون له يمه بس اصبروا بحضر له مفاجئه
ام إبراهيم : هههههههههههههه مفاجئه
عهد : ايه وكلمت منى وخوله وما بيقصرون معاي
أم إبراهيم : محد بيقصر معاك والكل يتمنى يشوفك بسعاده مع فيصل
عهد : يارب دوم
بدت تحضر عصير فرحانه لسمر كثير حست بيد حوله خصرها وبوسه على خدها عهد التفتت وابتسمت
عهد : هلا وغلا
سمر : هلا فيك وش تسوين
عهد : عصير لزعلانين
سمر :هههههههههه فديتك
عهد : فداك الكون هاه لبستي
سمر : يس احترت بس (طالعت لنفسها) لبست هالفستان قلت حلو اوف وايت مع كرستال نيلي
عهد (تطالع لها) : وااو روعه بسيط بس ملفت خصوصا (غمزت لها) قصت الصدر خطيره مره
سمر(تطالع للقصه) : مو كبيره ألبس تحتها شيء
عهد : لا شنو تلبسين بعدين كمومه صغار والفتحه كذا حلوه
سمر : طيب كعب ولا صندل
عهد : لا خليك كعب الفستان قصير واحلى كذا
سمر : خايفه ومرتبكه اخاف تخوني دموعي بشوفته
عهد : خليها تعبر عنك دموعك مو عيب لانها بتكون صادقه شوقك وحبك وفرحتك في شوفته بعد كل هذي الفتره
سمر : صح (مسكت شعرها تبي تغير السالفه لا تبكي) اجمعه كذا ولا اخليه
عهد : لا اتركيه صاير حلو بعد عرس ليالي لما قصيتيه لين آخر ظهرك واهو طويل
سمر(ابتسمت بحياء) : مره قالي انه يحب الشعر الطويل فما حبيت اقصه امس بس عدلته كذا
عهد : كل شيء حلو عليك
: والله الحلى انتي ولسانك العسل
ألتفت للباب لما شافته متسند بكتفه ويبتسم ابتسمت لشوفته
سمر : هههههههههههه احرجتها
فيصل (يقرب لعهد وبلوس خدها وشافها استحت ونزلت راسها) : تونا ههههههههههههههه
سمر(تغمض عيونها) : يوووه منك
فيصل (رفع حاجبه وطالع لها) : يقول يعني استحت هاه ولا عبدالرحمن مو مقصر
سمر(ارتبكت واستحت) : .................
فيصل : ياربي يا بنات هالعائله كله حياء ههههههههههههههههههههههههه
سمر : انا انا بروح اتصل اشوف لولو شخبارها باي
فيصل : تصرف ههههههههههههههههههههههه
عهد (بهدوء تخفي خجلها وهي تملئ الاكواب) : رجعت بدري
فيصل (يتثاوب واهو يحرك ايديه) : نعسان استأذنت وطلعت
عهد(تطالع ساعتها) : باقي ساعه على اذان الظهر لا تنام
فيصل : طيب انام وتصحيني
عهد (تلتفت له) : لا انت نومك ثقيل تتعبني
فيصل (يقرب لها وحجزها بين الدولاب وايديه) : طيب مو تعبي راحه
عهد : هاه
فيصل : من قال هاه سمع
عهد(نزلت عيونها و استحت كثير) : ف ف فيصل
فيصل : قلبه روحه عمره حياته
عهد شافته يقرب لها بوجهه استحت وتعرفه متهور وينسى خوفها منه ومن قربه مدت يدها للكاس العصير وحطته قدام وجهه
عهد : تبي عصير
فيصل (طالع لها وطالع للكوب ورجع طالع لها ) : آآه منك طيب ابي عصير
عهد(ابتسمت) : بالعافيه
عطته الكوب وطلعت بسرعه من المطبخ وهي تكتم ضحكتها طلع فيصل وشافها جالسه على الكرسي جنب سمر اللي تتصل على ليالي
فيصل : امي وين
عهد : فوق عند عمي
فيصل (يشرب عصير) : لذيذ تسلم ايديك
عهد : بالعافيه
فيصل : عهد
عهد : هلا
فيصل : حاطه فيه شيء
عهد(استغربت) : لا ليه
فيصل (يشرب) : يا اخي طعمه غريب
عهد (رفعت حاجبها) : طعمه غريب كيف
فيصل : مدري صدق في شيء غريب (يرجع يذوقه) مدري كيف
عهد (توقف) : بروح اشوفه
فيصل : وين
عهد : بروح اذوقه
فيصل (يمد كوبه لها) : لا تعالي ذوقي هذا
عهد(تقرب وتنزل لين مستواه وتذوقه) : ما فيه شيء عصير فراوله عادي
فيصل : لا صاير سكر زياده (ابتسم بخبث وقرب بسرعه وباس خدها) انتي حاطه اصبعك فيه
عهد(استحت وعضت شفايفها ووقفت مبتعده ) : احم لا اسمح لي بروح اشوف الاكل
سمر(صدت عنهم وتكتمت ضحكتها ولا كانها شافت شيء) : ..................
فيصل(يطالع لعهد واهو يضحك) : ههههههههههههههههههههههههههه
عهد (تبتعد وفي نفسها) : حمااااااااااااااااااااااااار
سمر(تكلم ليالي ) : هلا وغلا بعروستنا
فيصل(أخذ الكوب وقرر يصعد ويغير لبسه ويترك اخته براحتها) : ......................
ليالي : هلا بقلبي
سمر : صباح الورد
ليالي : صباح العسل
سمر : توك صاحيه
ليالي : ايه والله راحت علي نومه
سمر : وين المعرس
ليالي : نايم شوي بصيحه
سمر : واخبارك
ليالي : تمام وانتي
سمر : تمام اممممممم
ليالي : وش فيك
سمر : تصدقين بسألك بس لا تزعلين وين نام اهو
ليالي : ههههههههههههههههه سؤال غريب
سمر : والله تراهنا البارح ينام في حضنك ولا حضن امه
ليالي (بحياء) : استحوا على وجهكم بعد تتراهنون
سمر : أحلى ههههههههههههههههههههههه
ليالي : بسكر بوجهك ترى
سمر : ههههههههههههههههههههههه لا صدق نام عندك
ليالي : سمر عيب وربي
سمر : لا ههههههههههههههههه
ليالي : ايه خلاص ارتحتي
سمر : ههههههههههههههههههههههههههههههههههههههههههه
ليالي : يوووه وش يضحك يالبقره
سمر : تصدقين ضنيت انه بينام مع امه ومن سابع المستحيلات يقرب لك او ينام عندك
ليالي : زوجته انا شنو يعني يترك عروسه
سمر : علينا ياللولو
ليالي : والله ما اكذب هذا اهو نايم جنبي
سمر : سبحان اللي يغير ولا يتغير المهم الله يسعدك يارب
ليالي : تسلمين وهذا نصيبي
سمر : يا جعله نصيب السعد يارب
ليالي : امين
سمر : يا عيني يعني سهر البارح
ليالي : هههههههههههه ايه
سمر : بتروحين لاهلك
ليالي : لا امي كلمتني قبل شوي تقول العصر بيزرونا
سمر : زين
ليالي : تعالي سمر
سمر : سوري بكون مشغوله
ليالي : وش فيه بالبيت الأبيض
سمر : لا بحبيب الروح
ليالي : من بعد
سمر : حمني
ليالي (بصدمه) : عبدالرحمن كيف
سمر : رضينا عنه
ليالي : هههههههههههههههه لا صدق من متى
سمر : من اليوم اعفينا عنه
ليالي : يا حنونه ههههههههه والفتره اللي فاتت
سمر : عقاب له ههههههههههههه
ليالي : احلى هههههههههههه طيب كيف رضيت فجأه
سمر : لا طبعا بمساعدات خارجيه
ليالي : من
سمر(بتردد) : سالم
ليالي : ههههه وش قال ونزل جنونك اللي راكبه راسك
سمر : قال ان غلط اخلي المجال لمشاعل كذا بيمل مني لما يشوف اني صديته كلام كذا
ليالي : صح وخصوصا ان ما بقلبه ذرة حب لها بس ترى ان كيدهن عظيم
سمر : صح بس لا تلوموني والله حره بقلبي
ليالي : ما نلومك بس هذا زوجك ونصيبك لازم تحاربين عشانه شوفي يا سمر بقول لك شيء عندك انا جاسم مو متقبلته ابدا ولا احس ان رجال اعتمد عليه بس لما امس تكلمنا عرفت انه غير وان اسلوب امه او طريقة حياته مو عاجبه تصدقين ان يعرف اني مو راضيه عليه او متقبله فكرة زواجي منه واني اظن انه طفل بس بجسد رجل استحيت منه
سمر : ليه
ليالي : اكتشتف ان بقلبه لي مشاعر من الصغر وان كان يتمناني ولما صرت له فرح كثير لدرجه خاف من ان يفقدني انا صح تمنيت سالم بس هذا نصيبي ومو سهل اني اتزوج واتطلق ولما تكلمنا البارح حسيت ان وده يعطيني كل شيء اتمناه من حبه لي انا بحاول اني اسعده عشان ربي اول امرني بطاعته ولا اعارض زوجي وعشان اني ابي اغيره للاحسن ابي ابعده عن سيطرة امه بحاول
سمر : يعني تنسين الماضي وتعيشين الحاضر
ليالي : دام ما اقدر اسعد نفسي ليه ما اسعد اللي حولي جاسم وامي وابوي اللي يتمنون يشوفوني اسعد وحده واذا قصدك سالم اتمنى الله يسعده ما اقول اني انساه او اقدر اتنساه لا صعب بس بحاول اني ما اغضب ربي بالتفكير بغير زوجي
سمر : كل هذا من ليله بس
ليالي : لا صار لي اسبوعين وانا افكر بكل شيء الحياه مو سهله مع واحد مثل جاسم امه متحكمه فيه لدرجه كبيره 26 سنه مو قليله لازم اكون معاه أخذ بيده اعلمه ان خطأ وافتح عيونه على كلام الناس كذا ما يصير
سمر : اخاف امه تكرهك
ليالي : ما همتني المهم جاسم لان ربي بيسألني عنه يوم القيامه عن زوجي وبس
سمر : بتتحملين يا ليالي
ليالي : مجبوره مو برضاي دام اسمي مكتوب باسمه
سمر(ابتسمت) : الله يكملك بعقلك
ليالي : سمر حافظي على رجلك لا تخسرين من يحبك صدقني الخساره مره وما يحس بالنار إلا واطيها لو عبدالرحمن تقرب من مشاعل صدقيني مستحيل يرجع لك مثل اول
سمر : غلطه وما راح اكررها عرفت ان امنيتها تبعدنا وهي حققة هذا الشيء بس فتحت عيوني وشلت الغشاوه بكون سمر اللي قبل بحتويه بحبي وبقربي وابعدها عنه لين يطلقها وافتك منها ومن بلاويها
ليالي (تطالع ساعتها) : اوكيه انا بخليك بروح اصحي جاسم
سمر : على راحتك مع السلامه
ليالي : مع السلامه
حطت الجوال على الطاوله واتجهت لغرفة النوم وقفت عند الباب وشافته نايم ملامح وجهه رغم ان رجل بس ملامح طفل دبدوب شوي ابتسمت على هذا المسمى دبدوب وقربت وجلست على طرف السرير بحياء تستحي منه مهما كان رجال غريب للحين ما تعودت عليه
ليالي (بتردد) : جاسم .. جاسم
جاسم (يضم البطانيه له) : همممممم
ليالي (تسحب البطانيه بشويش) : قووم بسك نوم الظهر بيأذن
جاسم : يمه بس شوي
ليالي(ابتسمت) : شنو يمه انا ليالي
جاسم(فتح عين وسكر عين) : من
ليالي : زوجتك
جاسم(تعدل واخذ النظاره وطالع لها) : ...............
ليالي (استحت ) : وش فيك
جاسم : ك ك كنت اظ ظن احلم
ليالي : تحلم وليه تلعثمت
جاسم : اممممممم ولا شيء ( طالع لها يتأملها)
ودي اصـرخــ واقـول انـي احبـــكـ ...
واعترفــ قـلــبـي ماتــ في ودكـــ ...
لكن الخوف سيطر على احساسي ...
اخـافــ اتفـاجـىء بــرده القـاسـي ...
ليالي : قول وش فيك
جاسم : ولا شيء بروح اتروش
ليالي (تشوفه متجه للباب) : وين رايح
جاسم : بروح غرفتي
ليالي انتبهت للبجامه كانه طفل كبير ابتسمت وقفت وقربت منه واشرت على الباب
ليالي : هذا الحمام
جاسم : وغرفتي
ليالي : هذي غرفتك
جاسم : .............
ليالي : يالله ادخل وتروش بطلع لك لبس عشان الصلاه لا تتأخر
جاسم : لبس امي
ليالي (فهمت عليه قاطعته) : من اليوم ورايح انا مسؤوله عنك انت زوجي وامك خلاص
جاسم : بس هي
ليالي : بس انا وبس
جاسم : وإذا زعلت
ليالي : ما تزعل يالله عاد مو تبي ننزل نسلم عليها كذا نتأخر
جاسم : حاضر (ابتسم) لولو اقدر اقول لولو
ليالي (ابتسمت) : ايه تقدر
جاسم : ههههههههه حلو بروح قبل اتأخر
ليالي (تشوفه يدخل الحمام واتجهت تطلع له لبس) : آآه شيء غريب عقل طفل وجسم رجل كلامك غير وتصرفاتك غير وش الحل
طلعت ثوب وشماغ وجلست على طرف السرير تفكر باللي صار البارح لما قفلوا الباب عليهم وصاروا لوحدهم
جاسم قرب وحط يده على جبينها هي انتفضت من حركته ما ضنت يتجرأ ويقرب لها وطالعت له كان معه ورقه يقرأ ابتسمت لما سمعت يقرأ دعاء الزواج وبعدها نزل وباس جبينها وجلس بعيد عنها هي استحت اكثر منه
يا هلي لا تغصبونـي ** بالهوى لا تظلموني
افهموني وارحموني ** ما ابي ولد الكرام
قـالـوا غصـبن تاخذينه ** ما هو كيفك تقبلينه
كان قصـدج تكرهينــه ** تعشقينه عقب عام
قلت الهوى ما هو غصيبه * وان جبرتوني مصيبه
سببتوا جروحن عطيبه ** انوح والعالم نياام
اغصبوا نفسي جبروها ** ودموع عيني هملوها
قيمتي اااه ضيعووهــا ** عـقبها عفت المنام
قلــت يامـــا ويا لــيت ** هل دمــعي وتمـنـيـت
لي اخو ساكن البيت ** انخاه في عسـر الايــام
ابرضى بقسمتي وقدري **صبرت وبزيد صبري
لو بكيت طـول عمـري ** مانفع والله حرام
ليالي ( في قلبها) : هذا ورع امه يا ويلي هذا رجال كامل والكامل الله صدق بديت اخاف
جاسم (يفرك ايديه بتوتر) : مبروك
ليالي : يبارك فيك
جاسم : ليالي انا بصراحه فرحان كنت انتظر هذا اليوم من زمان
ليالي : تنتظر
جاسم (ابتسم) : ايه يمكن انتي ما تعرفين غلاتك عندي من كانت عمتي حمده تسولف لنا عنك كله تذكرك اتذكر لما كنا صغار كنت قويه بنت ما في مثلك
ليالي : كنت مثل الولد
جاسم : بس لك سحر وشيء يجذب
ليالي(مستغربه اسلوبه ) : ............
جاسم : وش فيك
ليالي (طالعت له ) : اسمح لي بس صاير غريب انت مو جاسم اللي شفته قبل اسبوعين في بيتنا يعني اقصد امممم
جاسم(قاطعها) : حياوي صح
ليالي : صح
جاسم : انا ما انكر هذا الشيء بس انا نفسي ما اعرف مرات اكون انسان غير ومرات اكون طفل
ليالي : ما فهمت
جاسم : بقول لك بحضور امي احس اني طفل ايه ما اعرف اسوي شيء معودتني من تشوفني تسوي لي كل شيء بنفسها لدرجه صرت اعتمد عليها وبس ما اقدر اسوي شيء بس لما ما تكون موجوده اكون جاسم رجل عمره 26 سنه (شافت نظرت الأستغراب اكثر) انا اعرف انك ما تثقين فيني واعرف انك تشوفيني طفل او بمعنى اصح ورع امه
ليالي(انصدمت) : وش عرفك
جاسم : قبل اسبوعين جيتكم صح
ليالي : صح
جاسم : طلعنا انا وأمي بس انا حسيت قلبي يعورني لما بكيتي قررت ارجع بالليل واتكلم معك دموعك غاليه علي ولما وصلت للمجلس سمعت ابوك واخوانك مجتمعين هم ما عرفوا اني موجود بس سمعتهم وعرفت وجهة نظرك فيني
ليالي (حست باحراج وتضايقت لانه عرف) : اسفه
جاسم : لا تتأسفين هذ حقيقه ما كنت اعتقد ان تصرفاتي طفوليه كنت اسميها دلال ودلع على امي بس فكرت اذا انتي تنظرين لي كذا وانتي زوجتي الناس شنو تقول
ليالي : صدق انا اسفه ما قصدت
جاسم : لا انا اللي اسف وصلت لك فكره خطأ عني بس تأكدي اني مو مثل منتي مفكره يمكن تضايقك بعض تصرفاتي بس انا تعودت من 26 سنه اكون مطيع لأمي
وانها دايم معاي وحولي
ليالي : اسمح لي باللي اقوله بس امك مو بس معودتك امك متحكمه في حياتك
جاسم : ما انكر صح بس لاني ما شفت حولي احد غير امي لما ابوي توفى صارت لي الأم والاب والاهل ما عندي خوات واخوان وحيدها انا ما اعترض على تربيه امي بس يمكن هي من حبها لي زادت في الدلال لي وطلباتي اوامر اللي ابي اطلبه منك ثقي فيني في زوجك يمكن مرات اكون طفل قدامك ولكن انا رجال قدامك اوعدك احميك واكون لك الامان جايز تستغربين كلامي في اول ليله لنا لازم يكون كلام كله حب بس انا حبيت احط في الصوره واشيل من بينا الحواجز
ليالي : جاسم انا مو معترضه عليك بس على طبعك
جاسم : طبعي بيتغير صدقيني بس يبي له صبر ابيك تكونين معي قولي لي اذا في خطأ خليك معي مو ضدي ترى صار لي اسبوعين احاول اكون جاسم الرجال عشانك بس ابيك تفتخرين فيني عند الناس واغير صورتي في عقلك من الورع للرجل
ليالي : انت صرت زوجي ودايم بكون سند لك يمكن حياتنا
جاسم (ابتسم) : كذا تطمنت
ليالي (ابتسمت لأبتسامته) : على شنو
جاسم : خفت انك ما تتقبليني و تضلين على تفكيرك اني ورع امه
ليالي : لا تكررها هالكلمه اسفه اني ضايقتك فيها
جاسم (وقف وقرب لها مسك يدها ووقفها) : الله لا يحرمني منك ويقدرني اسعدك
ليالي : امين ويقدرني اصونك واكون خير زوجه ارضي ربي وارضيك
صحت من سرحانها على قطرات ماء على وجها رفعت نظرها وشافته واقف بالروب وشعرها يحركه كله ماء
ليالي : خلصت
جاسم : ايه
ليالي (وقفت وعطته ثوبه) : البس ملابسك على السرير
جاسم : لبسيني
ليالي (استحت) : شنو
جاسم : امزح
ليالي (حطت ملابسه) : بنتظرك بالصاله لين تخلص
جاسم : هههههههههههه (يطالع لها واهي تطلع ويبتسم وبهمس) احبك والله
مابيك بالقوه ..ولابيك بالطيب
أبيك من كيفك تحس بحنيني
مابيك تقبل باخر العمر وتغيب
أبيك دايم بين رمشي وعيني
خذني وغربني عن الناس تغريب
مابي اشوف انسان غيرك بعيني
بعد ما خلص جاسم اخذ شماغه ونزل اهو وليالي تحت شاف امه جالسه بالصاله تشرب قهوه وقفت لما شافته وقربت سلمت عليه وسلمت على ليالي وباركت لهم شافت شعر ولدها ماء
ام جاسم : ماء ما جففته ليه
جاسم : جففته بس ماء شوي حتى اسألي ليالي
ليالي : خالتي جففه هذي رطوبه بس
أم جاسم(توقف) : لا اخاف تمرض سلينا سلينا
سلينا : ايوه يا مدام
أم جاسم : جيبي لي منشفه بسرعه
سلينا : حازر
ليالي (هزت راسها وهي تطالع لجاسم اللي استحى) : ..............
أم جاسم(تأخذ المنشفه وتجفف شعره مثل الطفل ) : لازم تنتبه
ليالي(حست بضيقه) : جاسم لا تتأخر على الصلاه
جاسم(حس فيها وقف وابتعد شوي يعدل شماغه) : ............
أم جاسم : انتبه لنفسك لا تسوق بسرعه
جاسم : حاضر يمه
أم جاسم : ولا تتأخر
جاسم : حاضر
أم جاسم : ما أكلت شيء تطلع كذا
جاسم : لما ارجع اتغدى يمه تأخرت (قرب وباس راسها) مع السلامه
أم جاسم : الله يحفظك يالغالي
ليالي (بقلبها) : امين يارب
ام جاسم(تجلس) : هاه كيفك يا ليالي
ليالي : بخير
ام جاسم : سلينا خذي المنشفه وسوي لنا قهوه
سلينا : حازر
ليالي : خالتي ترى اهلي بيزرونا اليوم
أم جاسم : الله يحييهم
أخذت القهوه من الخدامه وهي تطالع لخالتها ام جاسم اللي تتقهوى بصمت وحاسه تطالع لها بطرف عينها
ليالي (في نفسها) : اففففف يعني لازم حركات الام الخايفه تراه رجال زين ما صرخت فيك وقلت لك تراه طول بعرض بسك معامله لطفل
أم جاسم(في نفسها) : وش فيها كأني مو عاجبتها انا لازم اتصرف وتصير مثل ولدي تحت امري لازم كلمتي المسموعه
نترك ليالي وام جاسم كل وحده تخاطب الثانيه بصمت ونروح لمكان آخر
------------------
في بيت مي
مريم جالسه جنبها ودمعتها بطرف عينها تغير الكمادات على جبينها وتسمعها تأن مسحت دمعتها بس تألمت لمست خدها وتذكرت الكف اللي عطاها اليوم الصبح لما اتصل وخلاها تجي بسرعه ولما وصلت شافت البيت فوضوى وانتبهت لجسد مي على الأرض كله ضرب ودم
مريم (جلست جنب مي) : مي مي
ألتفت لسلطام اللي جالس وساند ايديه على ركبه ويطالع لهم وثوبه مبهدل وأزراره على الأرض مقطوعه انتبهت لمي ولبسها فستانها غمضت عيونها
مريم(بصراخ) : ليييييييييييه حراااااااام عليك وش سووووويت فيهااااا
سطام (قرب ومسك شعرها بقوه وبعصبيه) : جـــــــــــــــــــــــب
مريم(تدفه بقوه وبعصبيه) : ذبحتها أحنا لازم نوديها المستشفى
سطام : لا طلعيها غرفتها وانتبهي لها
مريم : البنت بتموت شوف حالها والدم انت وحش مو انسان لييييييييييييه حرام والله بيذبحونك لو عرفوا باللي سويته
سطام (مسكها من كتوفها ووقفها بعصبيه) : من بيعرف محد بيعرف
مريم : تظن ما راح يسألون عن بنتهم شنو
سطام : لا محد راح يسأل
مريم : كيف تفكر
سطام : مالك دخل خذيها لفوق وبعد شوي بتجي الدكتوره
مريم : لا ما راح اسكت البنت محتاجه تروح مستشفى
سطام( مسكها وعطاها كف قوي وبغضب) : لا تعترضين لا تلحقينها وتشوفين نفسك جنبها على الأرض فاهمه
مريم (بقهر وألم) : حسبي الله عليك
سطام : نادي الخداااااااامه وخذوها فوق ونظفوا المكان
مريم حطت عباتها وساعدتها الخدامه وطلعوا مي لفوق وهي تسمع اناتها ودموعها على خدها من الألم
مريم : مي سامحيني
مي(مو قادره تتكلم وهي تتالم) : بندر
مريم (تدخلها الغرفه وتحطها على السرير) : ما اقدر سامحيني
مي : بندر
مريم(تمسح دموعها) : راح اغير ملابس وش سوى فيك الحيوان الله لا يسامحه
مي (تبكي بألم) : ابي بندر تعبانه
مريم (حست بحركه خلفها شافته) : حسبي الله عليك يا سطام
سطام (بعصبيه) : شنووووو
مريم : شوف وش سويت فيها هذي زوجتك مو حجر بشر
سطام : هي اللي جابته لنفسها
مريم(تتجه للدولاب) : يعني قالت لك اضربها
سطام (بعصبيه) : مالك دخل
مريم : ربك بيحاسبك (انتبهت له يطلع اشرت للخدامه تطلع وساعدت مي تغير انتبهت لها تتألم) وش فيك
مي : يدي
مريم(شافت يدها مزرقه ومنفوخه) : اخاف مكسوره
مي (تبكي) : ابي اهلي
مريم : خليني لين اقدر اجيب لك جوالك اهدي
دخلت الدكتوره اللي فحصت مي وقالت ان بس كدمات وعطتها مسكن مريم تتحسبن عليهم تعرف انها كذابه واللي في مي مو بس كدمات واهي تغض البصر عن ألم مي وجروحها عشان الفلوس اللي عطاها سطام وطلب تكتم الشيء واجبرها تعطي مي منوم عشان يضمن سكوتها مريم رفضت تقرب لها بس سطام مسكها غصب عنها لين عطتها المنوم ودمعتها على خدها مو قادره تتحمل الالم ولا تتحمل الحاله اللي وصلت لها وهي تكرر
حسبي الله عليكم حسبي الله عليكم
مريم (تشاهق من البكي وتهمس) : مي تكفين اصحي
مي(مو قادره تفتح عيونها اللي مورمه وحده من الضرب) : مريم
مريم (تقرب ) : يا قلب مي
مي : يدي مو حاسه فيها
مريم (لمست يدها وهي زايد حجمها) : مي
مي (تتألم ) : آآآآآآآآآآآآآآه
مريم(تتصل على سطام) : ما يرد لازم نوديك للمستشفى
مي : مو قادره آآآآآآآآه
مريم (بعصبيه) : عنه ما رد انا بتصرف لو كان الامر وصل للطلاق انتي اغلى شيء عندي
مي (تبكي ) : تعبانه خالتي خوووووووله
مريم اخذت شريحه جوال مي وحطتها في جوالها لان جوال مي انكسر وفتحت الأرقام شافت اسم بندر بس استحت تتصل قررت تتصل بخوله اللي كانت في غرفتها تفكر في حلف ابوها تروح معه لشيخ وهي رافضه مبدأ انها مسحوره رن جوالها كان مي فضلت ما ترد تحس مالها مزاج تكلم احد وقررت تتصل عليها بعد ما تهدأ اعصابها بس رن من جديد لين سكت ومره ثالثه حست ان مي فيها شيء دام مصره تكلمها رفعت الجوال
خوله : ألو
مريم : الو السلام عليكم
خوله(استغربت الصوت) : وعليكم السلام هذا مو جوال مي منو معي
مريم : انا مريم
خوله : هلا مريم كيفك
مريم : بخير
خوله : وش فيك
مريم(تبكي) : خوله تعالي خذي مي هي تعبانه
خوله (توقف) : وش فيه
مريم : سطام ضرب مي وهي تعبانه معها حراره وكلها جروح مي تعبانه وانا ما اقدر اسوي شيء
خوله (بصدمه) : شنووووووووو
مريم : تكفين تعالي قبل سطام يرجع خذيها من هنا
خوله : انا جايه
مريم : لا تأخرين مي تعبانه
خوله : لا تخافين جايه لك (طلعت من الغرفه بسرعه ) ابراهيم
ابراهيم (اللي يصعد السلم) : هلا وغلا خوخه
خوله (تقرب منه) : إبراهيم ودني مي بسرعه
إبراهيم (مسكها) : وش فيك مي فيها شيء
خوله : مي تعبانه وسطام الحقير ضربها لين خلها طريحه الفراش
إبراهيم (بصدمه) : شنو من قال لك
خوله : ضرتها مريم توها اتصلت وتقول تعالوا قبل يرجع
إبراهيم : كيف نتصرف مانقدر ندخل بيت الرجال بدون علمه انا مو محرم لها
خوله : بندر
إبراهيم : كيف نجيبه بنت لو قلنا له يطلع ألحين للبيت وممكن يصير شيء
خوله : خلنا نمر ونأخذه وطلع تكفه يالله
إبراهيم : جيبي عباتك خلينا نروح
خوله ركضت لغرفتها جابت عباتها وشنطتها وطلعت من البيت ولا قالت لاحد ولا شافت احد كل واحد في غرفته ومشغول بس الخدامات شافوا تطلع بسرعه .. ركبت مع إبراهيم اللي حرك سيارته لبيت بندر طلع جواله واتصل
إبراهيم : الو السلام عليكم
بندر : هلا وغلا
إبراهيم (يخفي ارتباكه ) : وينك
بندر : توني واصل من المسجد بدخل البيت
إبراهيم (يسرع) : لا تدخل ابيك ضروري
بندر : طيب بدخل وانتظرك في المجلس
إبراهيم : لا انا دقيقتين واصل
بندر : خير فيك شيء
إبراهيم : لا موضوع عادي لا تدخل انتظري مع السلامه
بندر (طالع جواله اللي ما انتظر رد) : وش فيه
فعلا دقيقتين وصل إبراهيم شاف معه حرمه عرفها من هي بس استغرب نزلت وصعدت للخلف اشر إبراهيم لبندر اللي قرب لهم
إبراهيم : اركب
بندر : وش فيه
خوله : بسرعه اركب يا بندر
بندر(فتح الباب وصعد ) : وش صاير
خوله : حرك يا إبراهيم
بندر(يطالع لهم وبعصبيه) : وش فيكم
إبراهيم : اهدى
بندر : وش اهدى تتصل تقول ابيك ضروري وخوله معك وين رايحين
خوله : لبيت مي
بندر : مي (ألتفت لها ) مي فيها شيء
إبراهيم : خلاف مع زوجها وهي زعلانه اتصلت على خوله وقالت تبيك تجي
بندر(بعصبيه ) : زعلها والله لاخليه يندم
إبراهيم (يطالع خوله بالمرايه وفي نفسه) : هذا عرف عن زعل بس عصب اجل لو يعرف ان ضربها
خوله (تطالع بندر وفي نفسها) : الله يستر
وصلوا البيت وخوله طلبت ينتظرون لين تتصل عشان زوجة سطام مريم صعدت خوله وشافت مي على السرير ومريم تحط على راسها كمادات قربت وانصدمت على وجه مي
مريم (توقف وتمسح دموعها) : خوله مي تعبانه
خوله(بلعت ريقها ودمعت عيونها) : حيوااااااان (قربت لمي وجلست جنبها مسحت على جبينها نار ) مي
مي(فتحت عيونها وبكت) : خالتي ابي بندر
خوله (طلعت جوالها واتصلت على إبراهيم ) : خل بندر يصعد بسرعه ( سكرت الجوال ) مريم بندر بيصعد
مريم ( تآخذ جلال من جلال مي ) : انا بنزل وطمنيني عليها
خوله : حاضر
بندر(بعصبيه) : وين اصعد
إبراهيم : لبيت اختك
بندر : وش صااااااااير قول لي
إبراهيم (نزل عيونه ) : اصعد وبتعرف
بندر(ترك إبراهيم وصعد يركض على السلم دخل الجناح) : مـــــــــــــــــــــــــــي
خوله (وقفت واتجه لباب الغرفه ودموعها على خدها) : تعال هنا
بندر أنصدم من دموعها دخل بسرعه وشافها على السرير قلبه طبول خايف شاف وجها وحس توازنه يختل مسك بطرف السرير واهو يشوف وجها كدمات وعينها وحده زرقه وشفتها مجروحه ودم منها نزل على ركبته وقرب لها واهو يشوف دموعها وهي فاتحه عين وبهمس
لولا العذاب اللي أنا فيه
ما كان عيني هلت الدمع هتاف
ولا كان قلبي بيحترق فيه
ولابيصيب نبض القلب رجاف
لكن العذاب قلبي إتعود عليه
وذاق منه طعم و مر الأحساف
وبات قلبي دايم الهم طاريه
وكن الفرح فدنيتي ماله أطياف
مي : بندر جيت
بندر(دمعت عيونها) : جيبت يا قلب بندر جيت يا طفلتي
مي(مدت يدها السليمه له وحطتها على خده وهي تبكي) : رجيتك خذني
بندر(مسك يدها وباسها) : والله لاخليه يبكي بدل الدموع دمع
خوله (تبكي) : لازم نأخذها للمستشفى
بندر : عطيني عباتها
غطى اخته وهي عليها بجامه وشالها واهو يسمع انينها على كل حركه ضمها بشويش لصدره خايف يعورها اكثر وتتألم وقلبه يتقطع من اناتها طلع اهو وخوله وصعدوا السياره وإبراهيم يسوق خوله جلست قدام وبندر جلس خلف ومي في خضنه وتبكي واهو يضمها بشويش وبقلبه يتحلف لسطام بس يبي يتطمن على اخته وصلوا للمستشفى وإبراهيم نزل طلب سرير وبندر حط مي بشويش ودخلوا للطوارئ جلس اهو وإبراهيم بالأستراحه وخوله دخلت مع مي والدكاتره تجمعوا
--------------------------
في بيت سالم .....
كان جالس يلعب في جواله بالمجلس ينتظر سالم اللي دخل يجيب القهوه والشاي حس الباب انفتح بس ما رفع عيونه لانه اعتقد ان سالم شم رائحه عطر حلوه كثير رائحه يحبها ابتسم واعتقد ان يتهيأ من شوقه لها
عبدالرحمن (على وضعه ) : تصدق اختك وحشتني لدرجه اتخيل وجودها ( رفع راسه) أحبهـ..
طاح الجوال منه ووقف يوم شافها قدامه
عبدالرحمن (بلع ريقه) : سمر
سمر : ..............
عبدالرحمن : اتخيل ولا صدق انتي
سمر (بهمس) : انا
عبدالرحمن (ابتسم) : دام انتي ليه ما تسلمين ولا للحين زعلانه
سمر (دمعت عيونها وهي تشوفه) : ............
عبدالرحمن( زادت ابتسامته) : طيب لو اقول لك (بدأ يغني) أحم
يازعلان يازعلان
خليت قلبي حيران
ماقلت لك ياحبيبي بطل دلع من زمان
ليه ماترد السلام وين الغزل والغرام
تراضيني ولا بروح واسيب لك هالمكان
يزعلان يازعلان
خليت قلبي حيران
لاتخلي راسك عنيد كثر الدلع مايفيد
يا ماخذ العمر كله غيرك انا مااريد
اتعبتني ياحنون والعقل صابه جنون
شلي حصلك ياغالي وقلبك تناسى الحنان
يازعلان يازعلان
خليت قلبي حيران
سمر نزلت دمعتها اشتاقت له وشوفته زلزلها ضنت انها راح تمسك دموعها قدامه وتكون قويه وتقول له كلام كثير بس ضاع قدام هيبته
عبدالرحمن : هاه يالريميه تراضيني ولا بروح واسيب لك المكان (فتح ايديه لها) تعالي يا قلبي
سمر(كأنها تنتظر اشارته ركضت له وضمته بهمس) : وحشتني
عبدالرحمن(يضمها ومسك دموعه) : وانتي اكثر
سمر : ليه
عبدالرحمن(عرف وش تقصد بس حب تتكلم وتفضفض) : شنو
سمر (تطالع له واهو حاضنها) : وش قصرت فيه عشان تجازيني
عبدالرحمن (باس جبينها) : والله غصب علي رضى ابوي فوق كل شيء
سمر : ما اعاتبك بس اعاتبك انك ما دافعت عن نفسك
عبدالرحمن : دافعت بس ابوي كان بلحظه غضب وحلف ما قدرت ارده
سمر : صدمتني
عبدالرحمن : صدقيني لو بكيفي ما مكنتها من انها ترتبط فيني
سمر(حطت راسها على صدره وبكت) : قلبي يوجعني كل ما اتذكر ظلم والله ظلم مشاعل حسبي الله عليها
عبدالرحمن(قلبه يوجعه عليها واهو يسمعها) : بس يا قلبي والله محد بقلبي انتي وهي تخسي
سمر(ابتعدت ومسحت دموعها ) : وسخت ثوبك بدموعي اسفه هههههه
عبدالرحمن(يطالع ثوبه) : فداك (مسك يدها وقربها له) خليني اسلم عليك
سمر : مو سلمت
عبدالرحمن (ابتسم واهو يبوس خدها) : سلام عن سلام يختلف
سمر : هههههههههه طيب سلمت اتركني
عبدالرحمن : لا كفايه بعد بعوض فقداني لك ابي اعوض فراقك واشوفك ألحين قريبه لي ما سمعتي كاظم وش يقول
سمر : لا وش يقول
عبدالرحمن : يقول
اراضى خدودها تزعل شفايفها
تسبل عيونها لو لمست كفها
هيه قبالى تتنهد
اريد احضنها اتردد
اخاف احرجها يا سيدى
وهيه بلمسه من ايدى
تتحرك مشاعرها وعاطفها
اراضى خدودها تزعل شفايفها
تسبل عيونها لو لمست كفها
على ايقاع اصابعها بدات سينفونيه الاهات
ونبض قلبى بدا يعزف على كل المقامات
حبيبتى ....حبيبى
اراضى خدودها .. تزعل شفايفها
تسبل عيونها لو لمست كفها
على ايقاع اصابعها اغنى ليل يا عين
وادلع على خدودك واتحايل على الشفتين
حبيبتى .. حبيبى
اراضى خدودها شفايفها
تسبل عيونها لو لمست كفها
هيه قبالى تتنهد
اريد احضنها اتردد
اخاف احرجها يا سيدى
وهيه بلمسه من ايدى
تتحرك مشاعرها وعواطفها
حبيبتى حبيبتى حبيبتى
سمر : هههههههههههههه لا مو زعلانه
عبدالرحمن(بخبث ابتسم) : مو كيفك
سمر (بحياء) : عبدالرررررررررررررررحمن
نترك عبدالرحمن وسمر مع بعض العناد ركب راسه والحياء تملكها منه ..
----------------------
المستشفى .......
ونرجع للمستشفى عند مي اللي طلعت الدكتوره ومعها خوله من الغرفه وبندر وإبراهيم وقفوا وقربوا لها
بندر : وش صار
الدكتوره : انتا تئرب لها شي
بندر : اخوها طمنيني
الدكتوره : مي عطيناها مهدئ جسمها كلوا كدمات وفي جروح عند شفايفها احتاج لغرزه وحده وكمان في كسر مضاعف في يدها وعند الكتف اضطرينا نجبس اليد
بندر(عصب) : حقيررررررررررررررر
الدكتوره : انا مضطره اني ابلغ هذي حالة اعتداء بالضرب وكويس انها ما ماتت بين ايديه وهي راح تكون عندنا تحت الملاحظه 24 ساعه مشان نتأكد مفيش نزيف عندها من الضرب
بندر (يصر على ضروسه) : لا والله اهو بيموت بين ايدي
إبراهيم : بندر اهدى
بندر (بعصبيه) : وش اهدى طفلتي داخل مرميه على السرير كانت بتموت ما رحمهااااااااا
خوله : اهدى بندر احنا في المستشفى
بندر : أأأأأأأخ لو اشوفه لأشرب من دمه
أبراهيم : دكتوره ممكن ان الموضوع ما يوصل للشرطه
دكتوره : اسفه بس الأمر لازم يوصل هيدي مسؤوليه عن أزنكم
إبراهيم (يطلع جواله) : انا اتصرف
بندر (يتركهم ويدخل الغرفه ويقرب لسرير) : يالغاليه والله لاعلمه قدره
خوله (توقف جنب إبراهيم ) : وش تسوي
إبراهيم : مو حاب يوصل الأمر للشرطه خلنا نكتم لين نتصرف
خوله : وش ناوين عليه
إبراهيم (يطالع لها) : بنعلمه ان حفيده سالم وراها رجال
خوله : والمعنى
إبراهيم (ابتسم) : يجيك الخبر مي ما عندها اخو واحد مي عندها 10 اخوان وهم بياخذون حقها منه
خوله : إبراهيم
إبراهيم (يرفع يده تسكت) : الو هلا مشاري
مشاري : هلا إبراهيم كيفك
إبراهيم : بخير بطلب منك خدمه
مشاري : عيوني
إبراهيم : ابي منك تتصل على مدير المستشفى تقول له ان ما يبلغ الشرطه
مشاري(عقد حواجبنه) : وش الشرطه وش صاير
إبراهيم : بصراحه مي بنت عمتي عايشه صار بينهم زعل هي وزوجها وتجرأ وضربها وهي بالمستشفى والدكتوره اللي فحصتها قالت تبي توصل الأمر للشرطه
مشاري : الحيوان كيف يتجرأ
إبراهيم : للحين مو فاهمين شيء البنت مخدره وأحنا نبي الموضوع يتم بسكوت وهدوء
مشاري : خلاص بتصل واخليه يقفل على الموضوع
أبراهيم : مشكور ( سكر الجوال سمع رنه شاف رقم جده ) ألو هلا جدي
خوله (طالعت له وابتعدت للحين زعلانه) : ..............
الجد : وينك قالوا لي خوله طلعت معاك
إبراهيم : ايه
الجد : وين اخذتها
إبراهيم : مي بالمستشفى
الجد (بصدمه) : شنو
إبراهيم : زوجها ضربها وسبب لها كسر في اليد
الجد (بعصبيه) : شنوووووووووووو كيف يسوووووووي كذاااااا
إبراهيم : اهدى يا جدي هي بخير ألحين
الجد : كيف يسمح لنفسه وش يحسب ما وراها اهل
إبراهيم : لا تحاتي يا جدي بس نتطمن عليها بيشوف ان ردنا عليه قاسي وبدل رد واحد 10 اخوان راح يطلعون له
الجد : كفو طمني عليها اذا صحت
إبراهيم : حاضر (ابتعد شوي عن خوله) بخصوص الشيخ وش صار
الجد : خوله راح تخلي مي حجه لها وما تروح اعرفها
إبراهيم : كانك حاس
الجد : بنتي واعرفها راح ااجل الروحه لبكره بس بدون لا تعرف بنخليها على اساس تزورون مي انت وسلمى وبتاخذون لها شيء هديه شيء وتوصلونها لين الشيخ وبعدها اتصرف انا
أبراهيم (ابتسم) : وانا اقول خوله من طالعه عليه منت هين يا جدي
الجد : ههههههههههههههههه اقول احشم يا ولد
إبراهيم : هههههههههههه حاضر
الجد : بخليك وطمني عليكم
إبراهيم : حاضر
الجد : مع السلامه
إبراهيم : مع السلامه
الجد يحط الجوال ويطالع ولده فهد وزوجته ..
ابو إبراهيم : وش صاير
الجد : سطام ضرب مي
إم إبراهيم وأبو إبراهيم : شنووووو
الجد : وهي بالمستشفى ألحين
أبو إبراهيم(عصب) : والله لأذبحه هذي مي كيف يسوي كذا
الجد : اهدى بس نتطمن عليها راح يشوف شيء ما يعجبه
إبو إبراهيم : بنتنا لازم يطلقها ما يستاهل مي ولا ظفرها
الجد : اكيد بس راح يطلقها بعد ما نأخذ حقنا منه
أم إبراهيم : حسبي الله عليه كيف يسوي كذا
الجد : لانه حقير وما هو رجال مهي رجوله اللي يمد يده على حرمه
ام إبراهيم : صدقت يا عمي مهي رجوله (وقفت بجهز الغداء) اسمحوا لي
الجد : والعيال وين
أبو إبراهيم : سالم قال مو مشتهي بغرفته بنام عشان السفر اليوم وفيصل صعدت عهد تصحيه و إبراهيم بالمستشفى
الجد : وسلمى وسمر
أبو إبراهيم : سلمى الله يعينها على عيالها ما تقدر تنزل وام إبراهيم أرسلت لها الغداء بدري وسمر مع زوجها في المجلس يتغدون
الجد (ابتسم) : الله يهينهم يارب
أبو إبراهيم (ابتسم) : امين تصدق كنت بروح اخرب عليهم بس أم إبراهيم قالت لا ووقفت قدام الباب ما اروح
الجد : ههههههههههههه ما تسويها بس حبيت تطفر ميثه
أبو إبراهيم : ايه صدق هههههههههههه
الجد : الله يهنيهم
سمر حطت الشوكه وهي مبوزه وكتفت ايديها
عبدالرحمن(قرب وحاوط خصرها) : وش فيك زعلتي رجعنا لا تكفين
سمر : حركاتك
عبدالرحمن (رفع حاجبه وابتسم بخبث باس خدها) : وش فيني
سمر : يووه (بحياء) خف بسك
عبدالرحمن : كيفي حلالي واعوض الشوق والوله
سمر : طيب بس مو كذا ترى استحي
عبدالرحمن(يبتعد شوي ويأكل سلطه) : يعني تبين اروح لمشاعل
سمر(وقفت تخصرت وبعصبيه) : شنوووووووووووو
عبدالرحمن(ببرود يتصنعه) : مو انتي ما تحبين قربي وانا احب اعبر عن حبي وشوقي لك
سمر(دمعت عيونها) : يعني عشان تقهرني تذكر اسمها هين روح لها خلاص ما تهمني
عبدالرحمن (وقف بسرعه لما شافها متجه للباب وضمها له ) : ههههههههههههههههههههههههه
سمر(تدفه وهي تبكي) : اتركني مو تبي تروح لها خلها هي معاك
عبدالرحمن : يا فديت قلبك محد ابيه معي غيرك (رفع راسها وباس جبينها) والله انتي وبس اضحك يا بنت انتي بس بقلبي
لايهمك حبيبي شف مكانك هنا
بين ضلع وقلبي ياحبيب العيون
كل ماقلت احبك قال قلبي وانا
انتخاشر غلاك اللي ذبحنا بهون
لاخذك من خيالي في خيالي سنا
لاخذ الحب كله او عشانك تمون
منو مثلك ومثلي من مثل حبنا
انت ياااحلى حكايه انتى جنون
هات يدك بيدي خلنا وحدنا
خلها حب وانسى من تكون واكون
كل قصه محبه تبتدي باسمنا
يبتدون بمحبتنا ولاينتهون
سمر(تشاهق) : ومشاعل
عبدالرحمن : نقطه سوده بدنيتي بس قريب راح امسحها لا تصيرين حساسه كذا
سمر : اكيد اكون حساسه وانت تطري لي اسمها احس نار بقلبي
عبدالرحمن : بسم الله عليك وعلى قلبك
سمر : طلبه لا تكرر اسمها وتحرق قلبي يكفي انها واقع بحياتك ما ابي تكون بينا حتى في لحظاتنا الخاصه
عبدالرحمن : من عيوني تعالي نكمل غدانا بكون معك طول الوقت لين وقت السفر بتركك واسافر وقلبي معاك
سمر(ابتسمت وبدلع) : بحفظه لين ترجع
عبدالرحمن (ابتسم) : بتخليني اتهور ترى
سمر : ههههههههههههه يعني مسكين من اليوم مؤدب
عبدالرحمن : حلالي هههههههههههه
سمر(مسكت يده) : طيب تعال نكمل غدانا
عبدالرحمن : تأكليني
سمر(تأشر لعيونها) : من عيوني
عبدالرحمن : تسلم العيون وصاحبها
سمر : ويسلمك لي
جلست تكمل الغداء وهي تحاول تعوض كل الأيام اللي فاتت وتدعي ربها يسخره لها وتسعده
---------------------
في مكان آخر والنار تشتغل في صدرها من سمعت جدتها تقول لها
فهد راح يوصلنا
وضحه رفضت تتغدى انسدت نفسها وهي جالسه في غرفتها دقيقه توقف ودقيقه تجلس وهي تعض اصابعها قهر حلفت جدتها ان فهد يوصلهم يزورون ليالي لان ام فهد راح تمر اختها ام وليد والأم حمده وفرح والجده قالت راح تروح معهم وحلفت على الوضحه ما تجلس لوحده وترروح معهم اتصلت على فرح وطلبت ما تروح عشان تقدر تجلس بس فرح قالت ان فهد اصر تروح حست وضحه ان فهد عنده خبر بروحتها وان يخطط على شيء ارتعشت خوف وضمت نفسها لها تحس اليوم في شيء كبير بيصير بس شنو ما تدري قلبها ينذرها هالروحه فيها مصيبه والمصيبه من ورى راس فهد طالعت ساعتها باقي ساعه كامله على موعد وصول فهد عشان ياخذهم لبيت زوج ليالي وهي تفكر كيف تتخلص من الروحه معهم وكيف تتجنبه واهو يحاول بأي طريقه يوصل لها
---------------------
23-05-10, 06:27 PM
المشاركة رقم: 51
جديد مواضيع قسم القصص المكتمله
العرض العادي
