الظبي ..ترفع الضغط ليه تتدخل في شؤون اخوانها ..

لو تحبهم تتركهم ع راحتهم وتفرح بالي يفرحهم بس صدق عين حقدها

في نظرها ..ويعجبني ما جاها من طارق مع انه ما تستاهله طيب وتاركه ع راحتها

بس ما تنعطى وجهه وبرد حرتي يوم قال لها ((آسمعني زين يا الظبي

دام طارق الفهد رجلك..لأسمعك مطوله صوتك على رجال..

ولآسمعك متدخله في حياة آحد...))

ويارب تجيب فلك الولد وتحر هالنسره ..

...
سيوف ..ربي ينتقم منها هالانسانه خاينه بمشاعرها وهي ع ذمة رجال

ما صانت الحب اللي من جسار و لو تركت عماد كانت عرفت أن عندها

رجال نادر وجوده مدللها ومايت عليها ونظرته لها كلها غرام وشوق ..

وهي ولا هنا حسبي الله عليها هي و جاكلين ويارب توريها جسار العين الحمراء

اللي تكرهها الحياه وتتمنى انها ما كانت في الحياه ..

...
عناد ...ياقلبي عليه رهيب ويارب يوفقه مع الحلوه ملوك الطيبه اللي تستاهله

وهو يستاهلها قلبها الطيب ومحافظه وربي عوضها بدل ياسر المسونجي ..

وعناد طيب وحنون ويعجبني لما يلبس البرود وقت الشده تطلع رهفته ورحمته

واكثر موقف يبين هالشي لما تنصرع اخته (شهد) احسه هالاخو اللي من جد

تلقاه اليد اللي تستند عليه وهي وهو مكابرين بس لما يتعب احد منهم تطلع المشاعر

صح والحب والاخوه والخوف ع بعض ..

وهو يساهل ملوك وهو محافظ وهو صورة الشاب اللي تستاهله (رزين صاين نفسه

ورجال )..

....
جسار ... الله يعينك ع بلاواك سلاحك بيصير ضدك وقلمك اللي كنت تهاجم فيه

بينكسر واللي بيكسره (سيوف) زوجته وبينصدم ويارب يوريها نجوم الليل بوسط القايله

الله يعوضه بدل عنها هالخبيثه ..اللي ما بلعتها من البدايه
....
ياسر ..تغير وقلب وشبه وش صاير به ..!!

ما يستاهل ملوك هالمسونجي مع انه في البدايه (حبه لملوك) كان يشفعله عندي

وحبه وخوفه ع خالته (فلك) سبب يخليني شويتين احبه <<حلوه احبه ههههههه

بس ياساتر لاعرف ان عماد خطب (طفلته اللي كبرت بين يديه) مع انه انهى

خطوبته منها بس ما يمنع انه باقي يموت فيها حب سنين مو يوم ويومين وشاب

وهو يستناها ..بس الله يستر لقلب وحش ويزيد فوق هذا انه اخو جسار كملت عاد

الحرب ..الله يستر من اللي بيصير اتوقع ياسر بيأخذ اخت احمد واكيد بيكتشف بعدين

بعد ما يحبها وتذوبه فيها بطيبتها وحلاتها وبرأتها (رهف) انها اخت عماد عدوه الاول!!

...
ريان ..يااااااااااه مدري وش اقول عنه هالانسان علاقته بأخته رهيبه واحلى علاقه

اخوه حب بئر اسرار بين هالاثنين ..

بس ما يمنع ان ريان مخطي بحق زوجته و عشيقته (ضي) اللي نحبه اكثر حتى من روحها

حارمه نفسها من العيال بالموانع بس عشانه و ساكته ع بعده عنها ..و جيته لها كنه متزوجها

مسيار مو زواج شرعي معلن عند اهلها الا أهله ..

بس هزني كلا عناد له (آسمعني ياريان ..عقلك براسك تعرف الصح من الخطى مو بزر ونعلمك ولآجاهل ونفطنك..

انت رجال طولي..وطول آبوك..ماهو قاصرك شي..يوم تخفي زواجك...ولآهو بحرام..لما تكون ماهي سعوديه ولآعربيه...

الشي الي مو زين وعيب..هو تحقيرك لها بها الشكل..وزواجك بسر...!)

يالله تلحلح وخبر أهلك ..
....
بتال الله يسعدك مع فلك ويارب تجيب لك ولد الا اولاد ..ويسعدك وهني ما نلته ..

(فلوكه)*__^
...
مناهل ..رهيبه هالانسانه اللي في قلبها ع لسانها ورهيبه يوم

قالت لبتال (لآ..ياولد مقرن..لآ..مالي بنت آسمها فلك..من اليوم

وطالع غيرة اسمها...بسميها على مزاجي..ومزاجي آختار سحاب..!)

ورده روووووووووعه عليه (مو مشكله..كلها بسماء..!!) ههههه وربي اني مت ضحك

وقريتها لامي واخواتي ماتوا ضحك ...

ومناهل ..رهيبه مع خلطاتها وزيوتها هي وذرتها رهيبات ..

كان همهم ما يتزوج 3 ويم تزوجها صار همهم اكيد ما تجيب له الولد ولا يعرس بـ4

بس اكيد لو تعرفوا ع فلك راح يحبوها ويارب تجيب مقرن ..

....
ام عساف ...اتوقع انها ام عماد الحقيقيه وكان اكيد ابو عماد متزوجها قبل زوجته

أم ريان وجابت له عساف بس طلقها واخذ ولده وسافر وغير اسمه لعناد ..

وعشان كذا ما يحن لام ريان اللي هي زوجة ابوه وتربى في حضن جدته اللي تموت ع ولد ولدها

وعوضته عن فقدان امه ام عساف ..

لو كان بكرها أحمد كان اسمها ام احمد ..مو ام عساف ..

واكيد بعدين(اتوقع) يوم يتزوج ياسر رهف راح يعرف انه رحيمه ..

...وبكذا اتنهت الفسلفه الصح مني اكيد هههههههههههههه

وربي ابدعتي حلوتـــــ ضمني بين الاهداب ـــي

في روايتك الاكثر من روعه وروعتها المحافظه والدين والتمسك بالحشمه

وتصوير الاحداث بتسلسل مشوق وواقعي ..والاحلى العادات والتقاليد اللي ما تجاهلتيها

وهذه روايه تستحق الاشاده والاشاره لها بالبنان من بين الروايات السعوديه الرائعه

تصور مجتمعنا بصوره صحيحه من ناحية (عادات وتقاليد والتدين والمحافظه) ..

أشكرك ع الذائقه العاليه الرفيعه

أن دلت دلت ع رقي كاتبتها ..فبعد صغيرتك الاولى(رواية غرورك صادف عزة النفس فيني )

ابدعتي بصغيرك هذه أكثر ..

لك حـــبي ..واحترامي

متابعتك دائما بصمت لرواياتك ..

دموع الشتــــــــــــــmercyــــــــــــــــاء