هلا بضمني بين الاهداب.. منوره ياعسل..

وكل مرا الجزء يقفل على شي حماسي .. ولا كانو الدوري السعودي !

بس قبل كل شي عندي تعقيب.. في الحوار اللي بين طارق والظبي

قعد يقول طارق انو ياسر يقدر ياخذ ورث ابوه ثالث ومثلث..

بس اللي انا اعرفوو ان الواحد اذا مات وابوه لسى عايش عيال الواحد

هذا مايورثون جدهم .. الا اذا وصى لهم او كتب لهم شي على حياته ..

فكيف ياسر يقدر يورث .. الا اذا جدو بيعطيه بس ..

هذا اللي اثار تساؤولاتي :)

الظبي من جد انسانه مستفزه .. مااعرف لوين بتوصلها افكارها المغبره !!

مناهل ومناير هم وخلطاتهم في زحمه خخخ ! بس مناير قويه راس يستاهل بتال > خخخ

عناد وحكايته دوختني .. مو قادره اركز .. ذحين عناد له توام مثلا..

او احمد اخوه من امه وسبحان الله طلع يشبهه ولا كيف !

منها لله سيوف هذي .. عساها بسيوف تقطع راسها ويدينها ورجولها

على اللي بتسويه هالمفتريه !!

ضمني ماقصرتي في هالجزء حمستينا بقوه.. لك الف تحيه وبانتظارك !


.. هــنــوف ..

يا هلا با الزين كله

بارت رائع وبداية لأحداث مصيرية لمعظم الابطال

شهد والمفاجئة الي ما قدر عقلها يستوعبها وتسبب لها بنوبة صرع مفاجئة خرجت منها با السلامه لأنه معروف المريض با الصرع يبتعد عن الاجهادوالزعل يزيد تقارب النوبات

احساس شهد في الي حولها اثناء النوبه وصفتيه ضمضم وصف يقطع القلب لدرجة ان راسي اوجعني ورحمتها ولا ابي اقول اكثر من كذارغم انها هي الي جابته لنفسها تنبش ورى عناد واخرتها ما استفادت شي لا هي ولا ريان

عناد كشف ريان وخلاه يدور حول نفسه الكلام با الهواء بسيط يا ريان لكن البلا المواجه الي انت خايف منها

والا وش الي يخليك تدور على شي تمسكه على عناد علشان يكون عندك مبرر لزواجك الي تحسه بداخلك انه غلط والا ما دورت ورى اخوك وحاولت تلقط عليه شي يمكن يخفف عليك زعل اهلك بما ان عناد الكبير العاقل سوى غلط اكيد بيكون هو الي بيمتص صدمة اهلك عنك وينسونك او يمكن يشوفون سواتك بسيطه قدامه لكن جات عكسيه وانقلب الوضع والحفره انت طحت فيها يا الله ياشاطر طلع نفسك يا تيتيان

ضمضم تيتيان انا مثل شهوده اسأل وشو لا يكون الرسام الايطالي والا لقب واحد من ها الهكر

عناد رغم انه مسوي حواجز بينه وبين اخوانه الا ان عاطفة الاخوه تبان وقت الشديد

دايم الانسان الي ما يحاول يبين مشاعره او يسيطر على ردات فعله نلقاه من احن الاشخاص عناد طفولته ومجال شغله وسيوف وملاحقتها له حتى انها قدرت تهدم بيته والمصيبه انها زوجةاخوه يعني مجبور يتخذ سياسه معينه معاها على حساب نفسه وكل هذا اكيدا ثر كثير على شخصيته

الظبي وردود افعالها الظبي انا اذا خليت نفسي مكانها يمكن اتصرف بطريقه اعنف من كذا الظبي تشوف نفسها انها الوحيده الي يهمها العاجي من اي شي با الدنيا هي بتصورها انها افضل الجميع افضل من اخوانها وياسر الكل غلط على اسم العاجي الاهي وهذا يدفعها انها تسمح لنفسها تدافع عن الاسم بكل ضرواه الظبي رباها مقرن وحط براسها انهم فوق الكل وكل الي ما قدر يوصله لعياله غرسه فيها
وشجعها عليه

الظبي من ها البارت اكتشفت ان نقطة ضعفها طارق ولا احد بيقدر يكسرها غيره ننتظر ونشوف مع ضمضم

صحيح ضمضم ليه اذا احد تزوج من وحده اجنبيه ماتجيه ملام مثل الي يتزوج من على راي العاجي من منهوبين الجدحتى لو كانت من ديرته


سيوف

تدار الكاميرات بحرفنة خبير بين الغرف...
لآيكشف أماكن وجودها..
أدق متفحص للمكان...!
لكن سبحانك ربي..
ننسى..
انك سميعاً بصير..!

زادت وتمادت بضلالها والنهايه قريبه
,


وبتقولين يا ليت الي جرى ماكان

انا ما الوم الظبي حتى لو ارسلت احد يدور اي زله او خطأعلى جسار هي لو بتكشفها بتكون ما تبلت عليها با العكس فكت ناس واجد من شرها بغض النظر عن الرواية كثرت مصايب المشاغل


الله يستر علينا وعلى بنات المسلمين


ام سطام تعجبني قررت وامرت بتنفيذ قرارها بأسرع وقت هل هو خوف من تراجع عناد او خوف ان خطيب ملوك يتحسف على طلاقها

ورد عناد على جسار لزعل عناد من جسار على موقفه من رواف او انه حاول يتفه امر خطبته خوف ان الخبر يوصل لسيوف يعني يبي يشغل جسار حتى يكتمل الموضوع جسار بيكون ما خذ على خاطره ولا راح يقول لسيوف شي

عكس لما يكون فرحان فرحته تنعكس حتى على الي حوله ويمكن تصدر ردة فعل من سيوف تكشف مشاعرها قدام جسار وهذا الي ما يبيه عناد

ياسر وموقفه مع ملوك زود على حبه لها صلة القرابه واحساسه ان خاله ضعيف ومناف الي هو عارف وينه يعني ملوك لاحول لها ولاقوه الابالله وياسر عارف ضعفهم مجبور انه يكون مسؤل عنهم

حتى مع طولة لسان ملوك

بتال وفلك والله انا استغرب من بتال ردت فعله يعني 15سنه وهي بعذاب تبيها بسهوله تقبل عليك وتتقبلك وتنسى المرار الي فات هي ما لها الا الظاهر انك تخليت عنها يمكن لو ماتزوجت غيرها وبقيت عزوبي لك حق بس والله مالك عذر يا بو فلك

بس الناس تحكم يظواهر الامور محد درى عنك يومك عازل عمرك وتمشي جسد بلا روح وعلى الرغم من زواجك مرتين الا فلك مكانها خالي
لا الخلاصه انك متزوج وعند ك اطفال وش العذر الي بتقدمه

بعض الجروح يا بتال مايدويها الهدايا وضحكت السن يبي لها علاج وقت علشان تبرى


خطبة ملوك يا حليلها رضية الوالدين الي بتوافق على عناد بس علشان ابوها ورى يومك باره ببوتس تركتي ولد عمتس ولد عبد العزيز الي باع الكل وشراكم

الا جاك يا مهنى ما تمنى ولا تنكرين ان عناد شغل حيز من تفكيرك واخذ له مكان قوي بنفسك


لكن الخوف من ردت فعل ياسر اذا صدمة الخطبه ارعبت بتال وشلون ياسر

وش راح يسوي والخطيب ولد صاحب المستشفى الي يشتغل فيه واخو جسار القلم الناري

اتوقع اولها بيتشجع ويستقيل من المستشفى ويعلنها علي وعلى اعدائي
بس وين موقع فلك الغاليه على قلب ياسر من الحرب الي بتصير

ام عساف واحساسها بقرب ولدها يمكن الي كان مسلي خاطرها من اول وجود بديل لكن الحين وفاة ولدها تركت فراغ كبير ومن يلوم الأم الي مات وانفن انعرف مصيره لكن الي ماله اثر ؟؟؟؟؟


حلم ام عساف وتفسيره حنا مشكلتنا صارت تفسير ها الاحلام وصرنا نبني عليها قررات مصيريه

الحيه الي تلاحقه هل هو شر بيجيه من جهت شغله او من سيوف طيب اللولو وش كان بعدين عناد كان صغير بالحلم وامه تناديه
هو والله اعلم شر او محنه بيمر فيها عناد !!!!!!

نجي للحلوات مناير ومناهل طقم الدلال البغداديه




يا وسع بالكن وحاطات خلطات على روسكن ياشيب عيني الرجال راح مراح مامنه رجعه فلك حتى وجه ماهي معطيته وهو عويناته طاير يبي بس تضحك ليت تسولف


وانتن على حالكن انتي جايه طاير شماليل ثوبتس تهاوشين وبنشوف الفهيمه الثانيه وش يجي منها درر

لا بعد ما شاء الله بتغيرين اسم فلك لسحاب والله ما عاد يهم لو تخلينها بدون اسم عاد سحاب مره وحده تبين تطيرين من حياة بتال بتال مثل السحاب ما عرفتي تختارين
وش رايتس ان شاء الله ان فلك بعد ما تجيب تؤم العيال الي هم مقرن ونمر
بتجيب ان شاء الله بنت وتسميها اصايل والا فخر والا رواسي علشان تعرفين كيف الاصل والا عندي راي يسمي بتال بنت فلك

هلا علشان تهلن فيها غصبن عنكن

عسى بس بتال ما ينصرع من ريحة الخلطه كنه داخل محل عطاره ماهو بيته ولا بعد جايب لكن رضاوه الماس وفلوس الرقم الي تحددنه


بتال والله ياضمضم اني اتخيل شكله وهو داخل البيت ويضاحك زوله من الوناسه ولا هو بذاك الاول الي ما يعطي وحده منهن الضعيفات تناقشه

تدرين اني طار قلبي من القهر وشلون حريمه بس لايدرن مناير ومناهل

مشكوره ضمضم ما عندي اكثر من هذا

ومشكورات خواتي كل الي سئلو عني واشتاقولي في متصفح ضمضم وغيره

وانا من فضل ربي بخير

روآـآيه رآـآئعه وتسستحق القرآـآءه

ششكراا لك

بس بسالك خيتي متى موآـآعيد البارت ؟؟؟