لا شيء يوقف صامد أمام عثرات الوقت
و لا شيء يُكفف اللحظات المسروقة من حضن الذاكرة !

من يمتلك قلب ثلجي كـ قلب الأم
ومن يصمد بفاجعة الكذب والبهتان
من يحتمل إثم رجل لا يعرف من الحُب إلا طعنتين
فـرجل يُشرع أبواب قلبه ويستبيحها لمئات النساء
يحتاج لسياط من الجحيم كي يروض خيبته !

بحق كيف سيمرر القابع خلف أسوار الليل
للوجوه الساكنة خلف سلطة
الحب و الأحقية جُرم خطف الماء من نبعها !

و للعيون حقدها و سُقياها !
لا أكاد أشتم رائحة هذه الرواية إلا وأغرق
في طيب نسائمها !
الأجمل فيها ,لغتها العاجية المغموسة بحبر الشهد !
ننتظر بشوق

ماعندي ولاكلمة توصف الي قريتة
شي ثاني
ضمني ابدعتي ابدعتي اولها بحالت عناد ثانيها بكلام الغيوض

الظبي انا للحين مو مستوعبة زواجة من جسار

سيوف جد قليلة حيا

ودي اعلق لكن قارية البارت من قبل كم يوم فاختلطت علي الاحداث بأحداث البارتات الاولى

صباح الخيرات على الجميع ............. والله مو عارفة من وين ابتدي والله على اي مشهد اعلق .......... البارت مليان ودسم بالاحداث ............. والحدث الي انتظره من بداية الرواية واخيرا جاء بس للاسف وقتي جدا مضغوط ومزحومة جدا بالافراح والليالي الملاح زواجات وخطوبات ماادري شالي خلاهم كلهم مرة وحدة يسوون افراحهم ورى بعض تقولو عدوة خخخخخخ مع انو احس الاخوات ماقصرو اغلب الي كنت بقوله ماشاء الله بدعو بس ماحبيت اترك البارت بدون مااكتب لو شي بسيط


راح ابتدي بجسار الي الكل متهجم عليه او البعض بسبب كلامه للظبي مع انو الكل كان مأيد مقرن لما عرضها على جسار لانو شاف فيه الي ماكان شايفة ولو مثل مالكل يقول انو مقرن متفضل على جسار يوم عطاه بنته انا اقول مو صحيح مقرن لو حاس انو بيجي لبنته احسن من جسار مازوجها اياه بهذي الطريقة هو صح بداها تلميح ومدح ببنته بس بعدين لما شاف مافي نتيجة وخاف يموت وهو ماامن على بنته مازوجها لجسار بالذات وخطابها كانو اقل منه او لغرض التقرب منه وهو يبغي واحد مايدور قرب العاجي لا ...............

ةبعدين شخصية جسار ماعليها غبار واذا كان على التغير الي صار له ............ بصراحة شي يكسر الظهر ومو بسهولة يقدر ينساه عشرته مع سيوف مو يوم ولا شهر سنين قديمة وزواجه منها اثمر بنتين مالهم ذنب ...........وسيوف كانت حاطة عناد ببالها قبل زواجها من جسار ومع ذلك اخذت جسار لغرض بنفسها .............وهو المسكين مايدري عن شي ........بصراحة مستغربة الهجوم عليه علشانه ماقدر الظبي مثل ماهي وخير يعني ترى الظبي فيها عيوب كثيرة موبس فخرها بعاجيتها والله مانسينا قلة احترامها لاخوها بتال وهو اكبر منها وتبغي تتحكم بحياته وتمشيها على كيفها وتزوجه الي تبغي وحتى طارق الي ماقصرت فيه ..............


الظبي مهما كان غرضها من اسلوبها وتعاملها وكلامها مع زوجها مالها حق تقلل من احترامه لانها لو ذاقت الخيانة من طارق كان عذرته والمصيبة الخيانة مع اقرب الناس له شي مو سهل زين انو مافقد عقله ولا انهار ولا احتاج لطب نفسي غيره كان انقلب لوحش شكاك لايطاق عدواني للمرأة تحمد ربها الظبي انو الوضع ماوصل لهذي الدرجة


بصراحة جسار ماينلام موبسهولة يقدر ينسى وهو لسى ماشاف شي ينسيه من الظبي يعني علشان جمالها سيوف كانت جميلة يعني مو شي جديد .......... صح المطلوب منها تكون الدعم لزوجها بس لازم تراعي حجم الشي الي مر فيه زوجته تعرض حالها على اخوه بجناحه يعني شي مو بسيط ولا هين .......ياليت تترك غرورها وخشونتها واسلوبها الي ضيع حياتها الاولى وتتصرف بحكمة مو وحدة ماكملت اسبوع مع زوجها بتغيره على طول لازم تعب مافي شي يرجع مثل الاول واهم شي انو جسار ماترك مهنة الصحافة وراح اشتغل شي ثاني ماله دخل بماضيه يعني رجوعه للكتابة وارد بس منتظر الحافز والظبي مهنتها كزوجة هي الي تنسيه ماضي الخبيثة العقربة الرجال كان عاشقها ومو مقصر بحقها وانصدم صدمتين فيها بوقت واحد ............... بس مافي شي يظل على حاله


الظبي تتمنى رجعة جسار لقلمه صحيح بس بعيد عن العاجي الا اذا كان بيكتب شي يمجد فيه ويمدحه اتحداها لو رجع لمبادئه القديمة ولقى شي على العاجي بشكل عام سواء مقرن او ياسر انها تسكت وترضى وخصوصا انها ماسكة شي اقوى من الي مسكوه قبل يعني جسار معذور لو احتاط منها وابتعد عن الي بيفتح بداخله جروح وبيكسره اكثر لانو الظبي مع العاجي مستحيل ترضى انو يرجع الهجوم عليهم ..............

الا اذا جسار روض الشر الي داخلها والي بناه داخلها مقرن وحولها لانثى ذكر فيها قوى ماتتناسب مع شكلها الخارجي لانو هو الي ربها بدون حرمة والبنت تطبعت بقوة ابوها الرجوليه واسلوبها دايم هجومي بس زين حافظت على شكلها الانوثي ومااهملته مثل الي بوضعها عايشين مع ذكور مافي انثى توجهها



بس النقطة الي عليها خط تجاه جسار اهماله الشديد لبناته من قبل وحتى بعد طلاقه للخاينة والي سوته سيوف الحين وتحديها وتجبرها بيكون درس قوي مايرمي بناته ويسافر ويغيب ويرميهم عند الناس ومايخلي شغله بالمركز الاول وبناته على الاحتياط وبعدين يجي يلوم اهله ماحد حريص على اولاده مثل الام والاب الحقيقيين ولايعتمد لي على الظبي اعتماد كلي مهما كان هي ماعاشت الامومة بحذافيرها وطفولتها خلت من امها بس ممكن تتعامل معاهم من باب العطف ومن باب تعويضهم الشي الي كانت تتمناه بطفولتها وماحصلت عليه



اما سيوفوه اتوقع جنت على حالها هي غرضها انو جسار يجي لبناته عندها وهي طبعا من وقاحتها بتقابله وماكأنها مسوية شي لا وبتحط الحق عليه بعد وانو ظلمها بس الي ماتعرفه انو جسار جايها بشي ماخطر على بالها وبيكون عقابه هالمرة مرة وقوي وهي الي دخلت عرين الاسد ............ هي الي حرق قلبها انو لقى له بديلة بسرعة واسرع مماتوقعت هي حطت ببالها انو بيجي لها راكع وبينسى الي سوته بس زين تنتظر وتشوف وهي الي جنت على حالها




لقاء عناد مع ملوك جدا رائع ............ والازمة الي صارت لهم قربتهم بشكل كبير وخلت عناد مايحبس مشاعره مثل قبل لانو رجع لها بعد موت كان مؤكد وقريب منه وهو مااخذ حقه معاها بالتعبير عن مايدور داخله والوضع الي كان فيه خلاه يحس بكمية العشق الي بداخله لها لذلك اول مافتح عينه وشافها استغل الوقت ومااجل الكلام لانو ضيع الوقت بمافيه الكفاية ............... واحسن شي انو ملوك خبرته بحملها على طول لانو لو درى بعد الشي الي عرفه كان مابيذوق طعم الفرح حتى لو كان قصير

ملوك اهنيها بصراحة على قوتها وتماسكها لو غيرها والله اقل شي تنهار وتروح قوتها تعيش فترة رهيبة وبعدين خبر اختفاء زوجها وماتدري بيرجع او لا وغير كذا هي حامل يعني بوضع حساس بصراحة جدا عجبني تماسكها لانو عناد الحين بحاجتها ............مااستغرب قوتها يمكن بسبب طبيعة عملها وشافت ناس تموت قدامها سبحان الله يصير عندهم تماسك وقوة تحمل غير عن الكل


اقول هالشي لانو فعلا الي يمارسون هالمهنة ربي يعطيهم شجاعة غريبة وقوة قلب انا شفت زوجي لما توفى ولد اخوه وهو معاه بالغرفة بعد دقايق من تنزيله من سيارة الاسعاف بسبب حادث وكان ابوه واقف عند باب الاسعاف لما شاف ولده واخوانه وعمامه وخواله انهارو وهو لسى حي ومايدرون عن حالته وعمه الي هو زوجي دخل مع الدكاترة لحد مفارق الحياة بعد دقايق وهو يشوف حالته يعني سبحان الله يمكن علشان يقدر يوقف مع اخوه مع انو تعود على هالمناظر بس احس الاقارب غير ......... صحيح مهنة انسانية بس احسها تقسي القلب من كثر هالمناظر وبنفس الوقت تعطيهم قوة في اقسى المواقف مهما كانت صعبة عليهم الله يعينهم ............ مثل مهنة عناد يشوف اعز اصدقائه يموتون قدامه وينذبحون وهو مايقدر يسوي لهم شي بس لولا وجود مثل هالقلوب كان مالقينا الامان الي متنعمين فيه الله يقويهم ويخليهم دخر للوطن وفخر لاهلهم واولادهم

اما حالة عناد الي جاته بعد ماحس بقرب امه وحس بتعمق الريحة وقربها مع انو ليلة زواج جسار كانت قريبة حيل منه وشافها بس ماصار له الي صار بالعكس حس براحة قويه ............. من شدة حاجته لها ومن قوة تعطشه لريحتها سبحان الله احساسه فيها اقوى من احساس الغيوض فيه لانو حتى يوم يغيب قبل ماتكتشف الحقيقة ماحست فيه ولا انقبض قلبها ولا حست بضيقة مثل بعض الامهات ............ عكس عناد الي حالته وصلت لزهق روحه يعني يطلع من موت ويدخل لموت بشكل مؤلم ومتعب ولا يعرف سببه


والصدمة كانت جدا قوية ماتدخل براس انسان .............سنين عايش مع ابوه وامه واهله ويطلع كل هذا كذبة وحتى اسمه كذب وتزوير مثل حياته .............. وجع عميق تغلغل بروحه ومافي اي مبرر بالوجود ممكن يشفع لهم الكذبة والجريمة الي ارتكبت بحقه ............ الكل تصرف بكيف وعلى طريقته واخر همهم وجوده ومصلحته وحياته كيف بتكون والى اي درجة من الانكسار بتكون حياته ................. ماينلام لو فقد ثقته بأقرب الناس له ............ اذا جدته الي هي امه الي كانت تشوف تعذبه بالكوابيس الي يشوفها وتشوف الحسرة بعيونه على معاملة سارة لعيالها دونه وهي ابد ماحن قلبها ولااهتزت مشاعرها كل واحد تصرف بأنانية وبالشي الي يريحه ويسعده بينما الى اي مقدار هو متعذب وحاس بشي مو طبيعي ومافي احد قدر يريحه ويعطيه السبب لدرجة انو صار يكبت مشاعره والي يدور داخله لحد ماحولته لانسان جامد وقاسي خلى اقرب الناس الي هم اخواه ينفرون منه والحين بعد هالعمر يكتشف السبب بعد ايش بعد ماانحرم من اجمل اللحظات الي كان ممكن يعيشها مين الي بيقدر يعوضها له الحين مين الي بيعوض له طفولته الناقصة


عناد بينهار بقوة وماراح يعدي من هالموضوع ببساطة وبسهولة الا اذا لقى شي يقويه عناد بيفقد ثقته في ابوه وجدته اقرب الناس له ويمكن حتى حياته مع ملوك تتأثر هالفترة وحتى قرب اخوانه مااتوقع بيساعده لانو بيفتكره او بيفسره انو شفقة عليه .............والله اي ردة فعل ممكن يسويها عناد من حقه وماينلام بصراحة موقف يهد الجبال الشامخة




اما ياسر بصراحة ماادري تصرفاته من الصدمة والله الغيرة والله شالسالفة الحين مو هذا رعد الي اول ماشافه ببيت عناد والولد كان خايف منه وهو عارف انو ولد عناد بس مابرد قلبه الا يوم جلسه بحضنه وخلاه يلعب بقلمة ويحوس على كيفه وهو عاجبه الوضع مااشوفه كرهه ..............وحتى شكله مانساه وظل براسه بس نسى صاحب الشبه لما شاف الصورة بمجلس بيت الدايس

والحين منقرف ومنقهر من الابو وبيحط الحرة بالولد اجل اذا صار الي مايخطر بباله وعناد من قهره انو هو زوج اخته وملوك ماقصرت طلعت الاولي والتالي والي مانطقته منايروه ملوك ماقصرت فيه وشكل عناد هو الي بيخبر رهيف والحرايق جاية بالدرب .............. والرجال حب وتعلق بالمرجوجة والظاهر الضربة عملت عمايلها .فيه .........

شكل منايروه عطته وحدة من دعاويها القوية بسبب جناحها الي يبغيه وجابت فيه العيد




في انتظر البارت او النظرة الجاية بكل حماس وبنشوف ماتحمله من احداث والام وردود فعل من الابطال بسبب المفاجعات القوية الي صارت لهم ..............يسلمو يالغلا

بارت جميل ومعبر ومبكي تسلمين أقوى شي ضمومةة

لو أكتب من اليوم لبكرآ م أوفيك روآئع قلمك الرآقي

ياسر ..

وععععععععع ي أني صايرة أكرهه وقتك الله يصلحك الناس بوآدي وهو بوآدي بس زين يوم بدآ يلتفت لره ويغار عليهآ أجل موجوع هآآه

عناد وأمه م أقدري أوفيهم حقهم والله بكيت لين قلت بس



تسلمين ضمومة وبإنتضار البارت ع أحر من الجمرر

مساء ضمضمي جميل

الله يعينك يا الغيوض ويصبرك ماباقي الا القليل عناد وعرف أنك أمه بس صعب عليه يستوعب الصدمة بسهوله يعني يبيله

وقت حتى يصدق لأن أغلى أثنين (أبوه وجدته) خدعوه وحرموه من أمه لكن يستاهلون اللي يجيهم منه


أما ياسر الصراحه ردة فعله غريبه ما تأثر بالي صار مع عناد ما أدري وين الجانب الأنساني عنده

يعني محكم حبه لملوك على تصرفاته الله يعينه على نفسه ويصير حبه لرهف أكثر من حبه لملوك

وسيوف جعلها للخناجر اللي تقطع بطنها وش رجعها بس أتوقع رجعتها بتقرب بين جسار والظبي

كثييير