صباح طولة العمر

ول ول ول هالعناد عليه طولة عمر

ودم مايخلص بالله كم يوم وهو ينزف ولا قضى

لو انا من اول يوم حاشني فقر دم شديد بس شنقول

فدوة للوطن يستاهل طولة العمر



شوفي ضمضم ياانت ساحرتني يابعض العيون ساحرتني والارجح انه انت
تاركه اشغالي وجايه ارد عليك فتفضلي شوفي توقعاتي لان فيها شي
مادري احس اني بتصفق عليه

كان كل الحركات والكلام الي يسويه المراهق مع عناد اختبار له حتى يشوف
انه قد كلامه وانه اثر عليه فهو لانه مهزوز يبي يشوف الثقه بشخص ثاني
حتى يستمدها منه ويمكن يحول عليه فاتوقع انه هو الي بيتبرع انه ينقله بالسيارة
ويحرقه فيها لكنه بيخرجه منها وبيحرقها وبيقوله لهنا وكفايه مااقدر اساعدك اكثر
امكن كذا ويمكن يكمل للاخر

شي ثاني صاحب الرتبه الرفيعه الي كلم سطام ( راكان ) هل هو نفسه راكان الي يتلقى
يوسف منه الاوامر بصراحه جاء على بالي على طول انه هو الخاين الكبير بينهم لانهم
ماكانو ناويين يقتلونه الحين كانو بيخلونه ورقه رابحه بيدهم الى ان باغتهم اتصال ساري
السريع والي كانو يتدارسونه بحيث ياخذون وقت اطول وهالشي سرع من قراراتهم وقرروا
انهم يحرقونه الليله وهالسرعه بيكون سببها اخلال بخطتهم وهروب عناد بدون مايتأكدون

ههههههههههههههههه الله يسعدك يايسوري زي ماضحكتني انت وامك
بصراحه حتى كلامه ومناقره معها كانه يكلم اطفال او مراهقين ناقصين عقل وهي والله
ناقصة عقل وبقوة وتستاهل ماجاها لو تركز شوي بكلامها تلاقي نفسها
تناقض نفسها بنفسها فضيعه هالمرة

بتال وفلك : تدرين ترى انا مفسرة احلام بس اخاف انطق عين بس هالمرة بفسر لك
وبهج فو الله اعلم ان معنى هو واياها بحديقه كلها ورد يعني ذلفو العلتين مناير ومناهل
وراح الشوك وبقي الورد اما التؤم فيعني انها بتجيب ولدين واحد يشبه اخوه عبدالعزيز
الخالق الناطق والثاني يشبه ابوه بتال كربون وغير كذا مافيه تفسير ....

( وقات الحزينه تفرح مالأتلاهاش مطرح )
ياحياتي يالغيوض تعبتي وتعبتي واخرتها ولدك ماحد يدري وين ارضه من سماه
حالتك صعبه بين ناس قلوبهم قاسيه واصعب شي لما الواحد يتعود على قسوة القلب
يصعب عليه يرجع للطيبه والتسامح اصلا يصعب على الي حوله يتعايشو ويتاقلمو معه

موقف الغيوض وضرتها السابقه مع المخططين السابقين للخطف كله على بعضه الم بالم
والثنتين يدفعون من راحة بالهم وسعادتهم الكثير طول هالسنين وباغلى ماعندهم
الاولى بفقده والثانيه بتعاسة ومرض اولادها قدامها

اقول ضمضم وين شهيييييد اليوم مالها طله لا يكون العزاء بيصير عزايين ترى عادي
استقبلهم مرة واحده ليش الخساير كل يوم واحد وافتك منهم وعقبال ملوك بعد

جسار والي عمله اليوم هذي ردة فعل للصراع الي يدور براسه بسبب المقارنه الي
تشتغل براسه على طول بين الظبي وسيوف وبكذا ظهرت افكاره للعلن واعطت الظبي
الفرصه انها تنطق باللي تعرفه على اساس انها تعرفه من كابوسه وتتصرف بكل حريه
بس صراحه رحمته موقفه جدا صعب ومخجل

كأن مقرن كان متوقع هالخسارة وتعامله مع الموقف يدل على كذا يمكن من الثغرات
الي كان يقول عليها ساري فسكت وحب يديهم خبرة على حياته حتى يتفادونها مستقبلا
بشكل افضل والاجازة الي اعطاهم اياها كقرصة اذن لهم على اهمالهم
يالله كويس خلي فلك ورهف ينبسطو ويهيصو هههههههه


طبعا ردي سريع على قد دخولي بس ذكرت اهم شي جاء ببالي حاليا
ضمضم رااااااااااااائعه قليله بحقك وانتظر الاثنين اكثر من عناد ورابطته

رابطـــــ ياســــــــــــــــــر ــــــــــة

بارت رووووووووووعه
اهم شئ عرفت الحقيقة الغيوض وسطام والجده يمال الهد حشى حجر ما هي قلوب عندكم الحرمة تصيح وانتم ولا همكم بس عناد كل واحد يبي يثبت حقه بعناد حسبي الله عليكم
ساره ما ورى بك تكلمتي وما عملتي حساب لثورة سطام مو كاني أتذكر انه رمى يمين الطلاق لو قالت الحقيقة
ساري والله موهييييييييين وصار بالاستخبارات
عناد الله يستر عليه وان شاء الله ينجو من الموت بأعجوبة
يعطييييك الف عافيه
جورية لروحكـ

صباحك عبق من رياحين الجنه ان شاء الله
تسلمين يالغاليه على البارت بس تراه موجع
افضل جمله شدتني في البارت
وش الانسان بلآ دين او وطن...ولآشـي..,
اي والله صح لسانك ضمضم وش الانسان بدونهم الله يديم علينا نعمه الاسلام والامنوالامان تحت ظل ابونا الغالي عبدالله
عناد
لاترى تعبنا من حاله متى ربي ينقذه من هالشرمذه الفاسده واتوقع الولد المراهق راح يكون له يد في مساعدة عناد وانقاذه
ساري
اقعد شعندك يارجال والله وطلعت منتى هين لك مكانه كبيره في جهاز الدوله الحين عرفت كيف عرف ادق التفاصبل عن عناد وانه هو عساف تسلم والله تغيرت نظريتي عنك الله يقويك وتلقى عساف وترجعه لامه وزوجته وولده سالم غانم ولاتفرح الاعداء فيه تخليهم منقهرين منه الي ربي سلمه
الغيوض والجده وسطام
الموقف الي سار قطع قلبي حيل احسهم جالسين على كيكه وكل واحد يبي ياخذ حقه منها
مع انه ماحد له حق فيه كثر امه المفجوعه
والجده هيا الي الحين مصره على كذبتها ولا همها قلب الام المفجوع كله عشان ولدها سطام ما يزعل ونست او تناست عقاب رب العالمين والخوف منه
والي استغربت منه ساره وش جاها اعترفت ما خافت من حلف سطام عليها بالطلاق والافجئه صحى ضميرها النايم سبحانه بس وش عقبه
والغيوض كلامك يعور
الغيوض\ايه والله صدقتي يا هيا...علتي مافيها طب..و..فقد الضنى شفتي لـ لوعته طب...!
آذا حصـلتو هذا الطب الي صبركمـ وخلآكم باردين طول هذا السنين لا تدورن عليه ولآتسألون عنه ولآ كأن لكم ولد مخطوف...
عطوني من دواكمـ كود يتداوى الجرح وآقوم مافيني عله
الصوره البارده يحتضنها صدراً يغـلي..\قولي هو عساف...آلآ..هو..هذا الـجرح الي بحاجبه..هذا حاجبه مقطوع لـنصفين...
سبحان الله ماحد يعرف الضنا كثر امه حتى لو هي علامه بسيطه الله يرحم امي وامهات المسلمين ويخلي كل ام لعيالها
مناير وياسر
والله المشادات الي بينهم توسع الصدر كل واحد يعرف كيف يوقف الثاني
وشوفوا يلرابطة ياسر عناد من يواجه وشو هدفه
وياسر من جالس يعاند وشو هدفه
فرق السما عن الارض الله يخلي عنادج لاحبابه ويمد بعمره
وبتال فلك
ما اقول الاخيرا رايت وان شاء الله انها بشرة خير
تسلمين ضمضم على الابداع الا متناهي وننتظرك في ابداع اخر

يسلمو ضمضم على البارت الرائع
الجده هيا ياعجوز ارحمي نفسش رجلش والقبر تكذبين وتنكرين صحيح على شينه قوات عينه (هذا ولدي-- منين جا ولدش)
سطام ياظلمك وجبروتك حرمتها منه كل هسنين جاي تكمل لين الاخر بس نسيت ان لكل شيء نهايه
الغيوض اخيرا راح تشرق الشمس محد يقد يغطي الشمس بكفه
والله طلعت منت هين ياساري (خطير ياابو عود اسنان وصف اقلام)بس صحيح الرجال مخابر مو مظاهر
العاجي وش ناوي عليه الله يستر مساكين ياسر وبتال ياعميري
عناد الله يطلعك منها اصمد يابطل

السلام عليكم ورحمة الله
مساءكم ورد ياورود ليلاس
الكاتبه ضمني بين الأهداب رعاك الله ووفقك لما يحب ويرضى بجد بجد قصه رووعه الله لايحرمنا من أناملك الذهبيه توني اكتشفت القصه من اسبوعين واستمتعت اشد الاستمتاع بأحداثها وروعة صياغتك انا لا اجيد التعبير كثير وخاصة أمام ابداعك
للأمام دوما ودمتي كاتبه متألقه
هـــمـــس الـــوجـــود