مالتفسير العلمي والمنطقي الي يخلي كل زواجه مقرونه بمصيبه كبيرة تخرب فرحة اهل العرس ؟؟؟؟؟

همسات ورده على حق ..ما شد شفت عرس الا وفيه مشكله مش بالضروره كبيره بس لازم فيه شي يغث ويعكر الجو .......!!

..

اختي ضمضم ان شاء الله استمتعتي بالاجازة مع من تحبين وموفقة باذن العالي القدير
البارت هذا يا الغالية ابتداء من ابياته المؤثرة الى نهايته بارت يدخل في فك الرموز وحل عقد الابيات احساسي يقول ان الابيات في هالبارت تعبر ان مؤاساة ياسر وحبه اللي خسر وحبه اللي ينجن على رضاه وترويضه بس الظاهر رضاه على حساب مناير وبناتها
مقرن يا العاجي ويش وراء هالفكرة اللي طبقتها هل يصلححال بيت بتال او فيه اشعال الفتيل بين الضراير بس الله يستر يكون ياسر مع الضراير هههه من قهره على مناير
ملوك بجد ابدعتي زين اللي صوابتيه الله لا يحدني عليه عز الله ما اعرف حتى امسكه عيالي كله هواش معاهم من نروح محل للالعاب ماما نبي مسدسات
عنادالله يفك اسرك حلك عندالاخت ضمضم
جسار والظبي سر يعجز يحله جسار ما يعرف عن قلب الظبي اللي جرب فرقى الام وما يترتب عليه من الحالات العصبية والنفسية وغيره الكثير
اعجبني في اصرار الظبي على عودة جسار الى قلمه اي بعد ما كان زوجها تبي ينشهر زوج الظبي مو عدوها الحال تغير
ضمضم اتمنى لك التوفيق اراد واعيد في كلامي اعجز عن الرد على البارت بسبب كبر حجم الكلمات وتعبيرها الرقيق اتمنى لك التوفيق لما فيه صلاح لك وللابنائك

مسائكمـ محبه صآفيه ونقاش بين شوشو وام الولـيد رآئحته مثل رآئحة الـبخور يعبق بكل ركن..=)
من الـي مستمتع بـمثل متعتي بـنقاشـهمـ=)
عذبات وربـي وآكثر وآكثـر...,
.
.
.
دخـلتي اليومـ سريعه...بس حـبيت آحدد الموعد لـ البارت القادمـ بيكون ان شاء الله يوم الاثنين
رآح اوصـل الرياض على السـبت لكن ماراح يكون لـي وقت ب مراجعة البارت الي بين يدي ولآ آلآضافه عليه..فـ بيكون الاثنين اذا الله اعطاني عمر ..,
.
.
.
محبه خالـصه مصـفاهـ..لكل من زاد المتصـفح بـ جمال حروفه..
الله يـسلم قلوبكمـ ولآيحرمني من قرب باذخ مثل قربكمـ....,
.
.
.
همسه لـ الـ آرادتنا\وربـي آنكمـ بين آلآهداب ب الحل والترحال=)و مسآئك مسك يآ الغاليه ...,

يا مرحبا يامرحبا
اسفرت وانورت واستهلت وامطرت ليلاس بدخلتش ولوانها سريعه

توصلين بالسلااامه وحن بانتظارش مهما غبتي فديتش

صحيح اشتقنا لش بس وش نسوي بننتظرش للاثنين والله يعينا

عنااااد الله يفك قيدك وتلعن خير خويك الخاين ملووك الله يعين قلبش على ماجاه من حزن

الظبي وينش نبي اكشنات وش هالسكووت اللي ماله لزمه

ضمضم عودي خلي الرياض يزيد نورها ياقلبي

مساء الخير على الجميع وحشتوني ووحشوني ابطال بعض العيون وربي لهم فقدة غير طبيعيه الله يعيننا اذا خلصت ياليت ياضمضم تخلصينها على اطول وقت ممكن وخليها هادية الين خلاص تنتهي كل الاحداث الممكنة وتتم على احسن وجه مانبيها تخلص وربي ماشبعنا منها وخصوصا انو ببالنا توقعات واحداث جديد لعناد بعد حياته الجديدة وجسار والظبي والمرحلة الجاية وكيف بتدرج المشاعر بينهم وبتتغير بشكل جذري



البارت مليء بالاحداث وصعب انو نخمن ايش هي الخطوة والحدث الجاي ............ يعني قبل بارتين كنا متوقعين اللحظة الحاسمة قربت لكن الامور تشربكت وتصعبت بعد الي صار لعناد


جسار مستعجل على ظهور شخصية الظبي الحقيقية وهي لسى ماكملت يومين على زواجها منه وبدى يشك بكلام طارق عنها ............ لاتخاف لسى ماجاء الوقت والموقف الي بيظهر غرور وعنجهية الظبي الايام جاية وبتشوف وبتسمع لانو مستحيل الظبي تتغير بين يوم وليلة والشي الي فيها فطري من نعومة اظافرها وكبرت عليه مابيتغير بدون سبب قوي لازمها شي كبير وحساس يكسر غرورها بالتدريج لانو مافي شي يجي مرة وحدة



جسار هل فعلا بيسافر بدون مايدري عن عناد والمصيبة الي طايح فيها ........... اذا فعلا سافر احس انو مافي موقف قوي بيخليه يظهر مشاعره الحقيقية لاخوه اتمنى في اخر لحظة يجيه اتصال من ابوه ويرجع لازم يوقف مع اهله مثل ماعناد انحرم من شهر العسل علشان حادث ريان وهم عارفين حالته كيف بعناد الي مايعرفون مصيره واذا بيرجع لهم او لا ............. احس جسار اذا عرف بعدين بيشيل بخاطره مهما كان هذا اخوه اهم من سفرة لشهر العسل والشغل هذا ياسر الي ماسبق له سافر شهر عسل هو ورهف والظبي ماقصرت خربت سفرتهم وهم بالمطار


وبعدين هو مخطط يسافر بعد مايرجع من هالسفرة طيب وبناته ماجاب طاريهم بالموضوع لايكون ناوي يرميهم كم شهر عند اهله الين يتفرغ بعدين لهم وبعدين يجي يعاقب المسكينة درر الي حاسة بحرمان عاطفي بسبب بعد امها واهمال ابوها الي بس عنده الشغل بالمرتبة الاولى ................اجل وين دوره واهتمامه من تدهور حالة بنته الي لها الاهتمام الاكبر من حياته خصوصا وانو مو ضامن انو بنت العاجي بتجيب غيرهم

جسار حتى لو سافر يمكن يرجع قبل مايكمل اسبوع اذا جاه اتصال من اهله عن الي صاير لعناد ومااعتقد قلبه بيكون حجر اذا عرف انو عناد ممكن يرجع لهم جثة وبكذا بيجي على باله كلمته القاسية لعناد وبيندم



عناد ووضعه الصعب احس مابيطلع منها سليم لانو واقع بأيد ناس ماترحم وحتى لو حاول يهرب احسها صعبة جدا لانو مصاب اصابات خطيرة غير كذا اكيد المكان مراقب منهم ومليان برجالهم الي غاسلين عقولهم وماادري كيف يقدرون يقنعوهم بهالاكاذيب يعني الجهاد مايكون الا بالتأمر على بلدهم وقتل الارواح الي مالها ذنب سوى انها واقفة ضد مخططاتهم الشيطانية بالله هذا الجهاد الي امر فيه الاسلام .......... مااقول الا ياخسارة كل يوم قضوه ببلد ماعرفوه قدره بدل مايرفعون راية الاسلام يشوهوها عند اعداء الاسلام لاحول ولا قوة الا بالله


زفـر بألم وهو يتذكر كلمات يوسف...
آسوء الاحتمالات ان يحضرون ملوك الى هنا ويقومون بما يخشاهـ..
عندها سوف يموت كمداً بمكانه..
او
قد يقتلونها هناك..!
ويلحقون رعد بها...!

اصعب شي على عناد انو مايعرف مصير ملوك وولده هالشي يعتبر حرب نفسية مميتة ومتعبة له جالس هنا مكتوف الايدي ومايدري شصار على زوجته وولده .......... والخوف الاكبر انهم يجيبونهم مثل ماقدرو يجيبوه مافي شي ممكن يمنعهم بس ليته سمع يوسفوه الخاين وهو مقهور على فشل مخططهم ........... وعقبال مايهرب عناد وهم ينمسكون ولايقدرون يهربون برة البلد يكملون جرمهم وخياناتهم والخوف بعدين لو ترصدو لعناد او احد من اهله للانتقام

بس لو يعرف الي سوته ملوك برجال يوسف كان رفع راسه فخر وحمد ربه على الزوجة الي عنده انها قدرت تتماسك في لحظات صعبة على اي انثى في موقف مثل موقفها الخطير

كسر خاطري عناد وهو يحاتي ردات فعل اهله كلهم على موته اكيد الكل بيندم على كل لحظة اذوه وجرحوه فيها والندم الاكبر بيكون من نصيب المجرمين الثلاثة الجدة وسطام وسارة لانهم حرمو عناد من شي كبير ومايتعوض ابد

اممممممم احتمال انو عناد يقدر يفك حاله بس هل بيقدر يهرب من وكر هالعصابة بدون اضرار كبيرة الله العالم


ملوك الله ستر عليها وماصار لحملها شي بس يمكن بسبب نفسيتها تنهار وتتأثر والله يستر بس هي مو طلعت من بيتها على اساس انها رايحة لبيت سطام كيف اجل هي عند مناف يعني غيرت رايها والله كيف ؟؟؟؟؟؟؟؟؟

ملوك ماراح تهدى ونفسيتها بتصير بالحظيظ وحتى صحتها لانها ماتعرف مصير عناد .......... وبما انو مناف الي اتصل لياسر اكيد خبره بأنهيار ملوك والله يامناف عليك حركات تقهر لو يدري عنك هناد ذبحك

بس يمكن حالة ملوك تصحي ياسر من القوقعة الي حابس عمره فيها طول السنوات الي راحت ويبتدي ينتبه لحياته مع رهف ويعرف انو ضيع سنوات عمره بما فيه الكفاية يجري ورى سراب والحين بعد مايشوف حالة ملوك بيقطع الامل انو ملوك ممكن ترجع له في يوم من الايام وخصوصا اذا عرف بحملها والاهم حبها وعشقها لعناد وحالتها هذي من مصيره المجهول ياليت يلحق على باقي عمره ويعيش حياته مع الي ذابحة حالها عليه وعلى حبه


اما سطام هذا هو بدت المصايب تحل على راسه وحدة ورى الثانية ............ هذا رواف الي الكل اهان عناد ورفض يسمع كلامه واولهم شهد الي لامته في اقصر مدة ربي كشف لهم بلاويه الي تشيب الراس هذا الي سارة ضربت عناد علشانه خليها ترفع راسها الي مو مقتنع انو رواف مايصلح لبنتها وهي تقول الرجال يشيل عيبه كيف ترضاها على بنتها الوحيدة يعني يروح لبنات الحرام عادي عندها اجل ليه سعت لطلاق الغيوض من زوجها الي ماخذها حلال والله هي من الحريم الي يرضون للرجال يروح للحرام ولا انو يتزوج عليها ............... يعني خايفة على مشاعر اهل رواف الي هي اختها ومو خايفة عى مستقبل بنتها شهالام ؟؟؟؟؟؟؟؟؟؟؟؟؟

اما ريان يستاهل تشكيك ابوه فيه اجل متغير ولايدري عنه ليه ماقال هالكلام يوم خطب شهد مو هو كان بيتذابح مع عناد لانه قال الحق مو هو مدخله وسط البيت بدون مراعاة لمحارمه وماعجبه كلام عناد يستاهل كل الي يصير فيه الحين طلعت الحقايق .................وحتى سطام المسؤل الاول لانو هو ولي الامر الي المفروض مايزوج بنته لرجال بس لانو زوجته اصرت على هالزواجه اشوف على الغيوض صار رجال هو وامه يوم يخطفون ولدها اما عند سويرة مايقدرون ينطقون لاهو ولاامه لانها ماسكتهم من الايد الي توجعهم بس لسى الثقيل جاي قدام وهذي عواصف صغيرة وتمهيد لبداية الحصاد


سطام بخوف\فال الله ولآ فالك...خل جسار يروح مع زوجته لآحق على الهم ...

وحتى في هالشي مافي عدل ياسطام يوم عناد بيسافر شهر العسل استكثرت عليه وخبرته بحادث ريانوه اما جويسر لاحق على الهم وانت ماتعرف مصير ولدك حي والله ميت شهالتفرقة مو كافي يوم هو صغير حتى الحين ليه ماتخبر جسار يمكن يحن قلبه على اخوه الي ظلمه ليه ماتستغل الفرصة مالت عليك بس تحرق القلب


نجي عاد لياسر خخخخخخخخخخخ اجل تبغي جناح منايروه والله بتجيك دعاوي من كل صوب من لسانها العسل مو كافي انها شايفة خالتك داخلة ليها متوسطة رجال العاجي جاي تكمل عليها اجل جهز الدفاع المدني لانو في حريقة كبيرة جاية بخرابة العاجي


منايروه هههههههههههه اللهم لاشماته شوفي لسانك ولقافتك مع ياسر شسوت فيك ياانك بتصرخي صريخ يأنك بتولعي الين تفطسي من صباح الله خير خخخخخخخخخخ ياويل حالك يامنايروه بينزلوك تحت خير شر بعيد عن جناح بتال تريحي وتستريحي جناحك بكبره بياخذه ياسر من قدك عاد قعدي حني على فلك وانها ساحرة رجال العاجي وميتة على خرابتكم هذا ياسر بكبره بينزلك بالجناح الصغير الي تحت الي يقول شايفته صغير خخخخ ........... اقول بس خمدي وراك فاجعة من الصبح علشان يصير عندك طاقة تصارخي فيها من الصبح بدل هالسهر ونفخة الكبد والله فلك نايمة بحضن بتال الليلة وانتي انذبي حظك بس



وعقبال مناهلوه السوسة هذا هي ماشافت الي شافته منايروه وشابة الحريقة بقلبها اجل لو تدري بحال بتال والسعادة الي هو فيها شسوت عاد يمكن ترمي حالها من فوق لتحت خخخخخخخخخخ

لآولد ولآتلد...!
آعترض بأي حق...!
واساساً انا لي وجود في ها البيت..؟
انا بس مجرد ظلال مبقيه بتال شفقه ورحمه...!
شجره في ها البيت من غير ورق ولآثمر...!
جافه ومايله...!

والله ياليت يكون عندك كرامة وتطلعين من حياة بتال على طول كافي عليه ام بناته بتال مايحبك ولا بيوم بيحبك لو شتسوين اجلسي بس صبغي هالوجه بجميع الالوان ابرك لك


جاب الحب القديم الي جلس بين سنين وسنين وهو لآروح ولآ حياه...
اليوم مثل الضرير الي آبصر...

ةل عليك بتصكين الرجال عين والله هو ماقصر معاك بيوم وصبر عليك وسفرك وعالجك شتبغين بعد الحب من الله مايحبك غصب هو مستكثرة عليه السعادة وراحة البال اجل اذا شفتيه كل يوم وعيونه بعين حبيبة قلبه فلوكة شبتسوين يعني والله اذا مو عاجبك الباب يوسع فيل


وهي..
فلك...
بين رجال العاجي كلهم لها اليوم مكانه...
ومكانه كبيره...
وفوق هذا...
بيشرف الولد منها الي بيقلب كل الموازين..
فلك
يآرب تموتين...!

ياجعلك اني الي تموتين ياخيال المأته على الاقل هي جايها ولد يبغي يتربى بحضن امه وعندها زوجها الي يموت فيها بس انتي ليه ماتدعين على عمرك لاولد ولازوج بينتكس لو متي بيذكرك وبيترحم عليك وبيرتاح من همك وغثاك وبلاويك بل عليك عيون جعلك تذوقي الي ذاقته فلك وتتحسري بقية عمرك


اما فلوكة عليك بألف عافية ياقلبي نامي نوم العوافي لانو جايك هموم وكلام مثل السم من جوز الغفر لما بتال يروح الدوام ياخوفي يضروك بس ............ اهم شي عرفتي قدرك عند بتال وهذا المهم علشان مايأثر فيك كلام العذال ياكايدتهم والله .......... خلي بتيل يتغزل فيك وهم مالهم الا قمل ثيابهم وحسدهم خخخخخخخخ


اما مقرن هالشيبة والله لو ايش ماسويت ماتكفر عن ذنبك بحق هالمسكينة ولا بتنسيها الي سويته لو تشعل اصابعك لها كلهم مالك الا الاحترام لشيباتك بس والله لاحب ولا غفران لانك ماتستاهل وخلي معتقداتك هي الي تغفر لك وتكفر لك عن ذنوبك يالاناني كل همه وكل تصرفاته انانية تطليق بتال وتزويجة منايروه وبعدين مناهلوه علشان الولد الي يرضيه هو بس اما بقية الاوادم بحريقة مو مهم


عجبني حيل نقاش ام الوليد وشوشو عن مقرن بصراحة انا اضم صوتي لام الوليد ........... يعني مو كافيه الي سواه من حرقة القلب لمنايروه لما زوج ولده مناهلوه وسكنها معاها يقوم يجيب فلك الي مفعول وجودها على منايروه اشد من مناهلوه لانها عارفة انو بتال ماحب مناهلوه ولها نفس الي يعطيها اياه بس فلك غير حتى لو هي من مستواهم ومن نفس النسب الاصيل بس لانها عارفة انو قلب بتال لها لوحدها بس ومقرن كل همه يرضي روحه هو حتى لو جميع الاطراف مو راضيين ومو مرتاحين ولا وحدة من حريم بتال بترتاح لوجود الثانية معاها

وفلك بطبيعتها غيورة حتى لو كلام بتال مطمنها انها الحبيبة بس بعد شوفته يجلس او يسولف مع وحدة من حريمه مابتريحها ........... يوم هي بعيدة ماكانت تشوفه يدخل جناح غير جناحها ولا تبات معاه بنفس البيت بس هو في مكان وهي في مكان مهما كان حرقة قلب ومقرن مافكر لافيها ولا في العلل الثنتين همه يحط راسه على مخدته وهو مرتاح بتنفيد رغباته هو حتى لو غيره بات دمعته على خذه هو ظلم منايروه كثير وكل مرة يزيد عليها لانها ماعطته في الصميم ولا اتخذت شي يوقف الي يسويه فيها


بس لو بنته الظبي وحيدتة عاشت نفس عيشة مناير بالظبط ماتفرق ولا شي هل بيرضى لها تنام ودموعها على خذها اتحداه يرضاها للاسف الي يرضاه لبنات الناس مايرضاه لبنته ولا هي ترضاها على حالها لانها شايفة نفسها تستاهل الي غيرها مايستاهله لانو ابوها رباها على هالشي

عيشة فلك ببيتها الاول احسن بكثير وجودها بخرابة العاجي حتى لو عيالها تربو بعيد عن اخوانهم على الاقل بيكون لها حرية التصرف بتربيتهم ومايتدخل فيها مقرن وتربيته العاجية الخايسة على الاقل بتشيل من راسهم الافكار المصدية والغرور الي ممكن يزرعها مقرن فيهم واصلا هو الي يشووفه يقول بيعمر وضامن يربي عيال بتال الله لايبلغه هذا فهد اصغر منه ومات يعني هو بياخذ زمنه وزمن غيره والله حاله


يسلمو ياضمضوم قريت البارت اكثر من مرة علشان لااحس بالانقطاع الي صار هالاسبوع وخصوصا المدخل قريته على اقل من مهلي وحتى ردي تأخر علشان احس اني قريت بعض العيون هالاسبوع وحطيت ردي خخخخخخخ ماانقطعت ولا اسبوع ......... ترجعين لنا بألف سلامة في انتظارك على نار