يعطيش العافيه ياضمضم بارت رائع جدا
اتمنى الغيوض تلتقي بولدها تبرد حرت جوفها
الجده هيا ليش انانبه كذا حرام عليش العمر اللي سرقتيه من الاثنين وابصرار تبين تمتلكينه للاخر
سطام احس من كلمتك عناد نور عيني من غلى امه الي بقلبك للحين وخوفك من معرفت عناد للحقيقه
ياسر عبقري بس اناني مافكرت الا في نفسك لانه عناد خذا منك ملوك تبي تخذ منه الغيوض

بارت قمة الروعه بدينا بكشف او امساك خيوط الحقيقه
وين بتودي يسطام انت وامك وجيهكم يافضحكم فضحاه
ام اليزيد شكلنا بنطالب بارتات يوميه ولا اقل شي يوم فيه ويوم لا الروايه بدت تشتعل



حسبي الله ونعم الوكيل على سطام وامه
معقوله ذولي اوادم على كثر ماحبيت امي هيا بداية الروايه على كثر ماحقدت عليها الحين تشوف الحرمه وشلون جوفها بينقطع من القهر والحزن على ولدها ومع ذلك ماكنها تقول شي
الحرمه محزونه ظنا فقدته تحت التراب والثاني مخطوف خوفو رب العالمين
الله يلوم من لام الغيوض ورهف تبي سند البنتها بعد عينه هي وعبدالمجيد خوفو ربي البنت وحيده لا اخو ولا اخت وهي لها عزوه وحارمينها منه
ضاق صدري عليها يوم حضنت ولد عناد سبحان الله قلب الام دليله
ابشري يالغيوض الله ماراح يضيع صبرتس بتشوفين عناد صغير برعد ويكبر قدام عينتس وبتشوفينه رجال بصورته الحاليه
يعني راح عساف وجاتس عناد وولده ولله بيعوضتس خير ان شاءالله



جسار ترا ماحب حركات الثقل وتعليق وحده بذنب الثانيه
الظبي ماصار منها الا الزين جتك بكل احترام والواضح من شكلها انها تبي تبني حياة جديده بينك وبينها وتبي تستمر بزواجها معك سواء فيه حب او لا
يعني المطلوب منك يبودرر بما انك رجال وفاهم لانتب مراهق وصغير انك تقبل وضعك واحترام البنت لك عاملها بما يرضي رب العالمين واذا شفت منها قصور في ذيك الساعه لاتقصر
لكن انا عندي احساس ان الظبي بتعجبك في كل تصرفاتها وصدقني على قد ماتعطيها بتعطيك
اذا حب اذا احترام وتقدير
الظبي كبيره وفاهمه ومن تصرفاتها مهيب بنت ذا اليومين تطير فالعجه لا بتازن الامور قبل وبتشوف مدى تقبل جسار لها
ومتاكده انها راح تخاف الله في بناته وبتعاملهم بما يرضي الله
عندي احساس ان الوضع بينهم بيكون جد ممتع وماراح يكون للمشاكل طريق



معاد الا تماطون الشوش انتي وياها
بلا هذا تصرف بنات راقيات من عائلات مرموقه
صدق انكم تحفه قلت بضف النعال الحين كل وحده بتصك الثانيه بجبهتها
وبعدين يالدخله يارهيف معاد فيها نشدت شيخ الحين وش يجيب شبه امتس للراسي اخو رهف اللي يشبه امتس وش معناه معناه انه ولدها وماخطفه الا سطام
فكري مثل ماياسر فكر فيها وبتعرفين الجواب
عندي احساس ان ياس بيحن على الغيوض وبتمضه وبيوقف معها لين يلقي لها ولدها واللي هو عناد ومتاكد من انه عناد



ماراح يكلم عناد عبدالمجيد حاسه كذا لان خشتك يعبدالمجيد بعينه مالها داعي بيقول متى المعرفه ياصاحه المفروض تعرفه بنفسك ثم تاخذ وتعطي معه بالكلام بعدين تاخذ رقمه وتعطيه رقمك
تاكد ان عناد مهوب بذا الخفه بيركض يكلمك مجرد ماعطيته الكرت



سخيف وماتستاهل من ياقف معك بليلة زواجك الحين الرجال متعني وبيوصلك للفندق وتجرحه بالكلام ومنيب طايقك ومدري ايش ياشيخ استح
حنا كم مره قلناهالك انت اللي غلطت وانت تحمل اهمالك هو السبب لايكون عناد شماعه التعليق اخطائك
اعجبتني حكمك ياعناد على العصبيه اللي بشخصيك وعدم قدرك على التمل الا انك تماسكت وماحبيت كلامه ياثر فيك ويخرب عليه وعليك ليلة زواجه


يالليل اجل صرنا ماخلصنا رجعت مناير القديمه الحالها
انتي الحين وش تبين بالبنت موضوع وانتها وتفاهمت فيه هي وزوجها الا تعلمينها انه يموت بتراب رجلينها وان هي اللي رفضته وان قلبه متعلق فيها
الحين الرجال معها زين ويعاملها بمايرضي ربه ومعطيها حقوقها ومايحاول يزعلها ليش تبش يالماضي
رهف خلي عقلتس براستس ولا تضيعين الرجال من يدتس انا اشوفه ماقصر معتس ويعاملتس انتي واهلتس بكل حب وتقبل انتس صرتي زوجته وان ملوك ماضي لو له ذكر بس اهم شي ماشفتي اهمال
لاتخلين بليش يشيشتس عليه وتخربين حياتس ياسر صاير زوج لتس ولد لامتس


............................................................ ......

زيزفون انا ابد منيب معتس برايتس في البنت اذا تطلقت ونصيبها
شوفي يمكن انا اتكلم عن مجتمعي ويمكن كل عوائل او قبيله تختلف عن الثانيه
حنا بصراحه مايعيب البنت عندنا طلاقها اللي يعيبها ويكهرنا فيها رفضها للزواج بحجة ان تجربتها الاولى فاشله والثانيه لازم تريث فيها فمايكون منها الا تشوف العمر يركض ونصيبها بالزواج يقل
شوفي بضربلتس مثل وحده من قرايبي تطلقت وماعندها عيال البنت تتميز باخلاقها اكثر من جمالها يعني ماشاءالله عليها تتمتع باخلاق كل اللي حولها حبينها عليها
جاها الشاب والمتزوج وا والمطلق واللي اصغرسن منها وكلن تحط فيه عذاريب
الشاب تقول اخاف بكره يعايرني ويقول انا خذتس شاب وانتي مطلقه ولازم اتزوج اجرب البنت واللي اصغرمنها رافضته الصغر سنه والمطلق تقول اخاف يرجع زوجته والمتزوج تقول لا انا اشوف النفسي مثل ماشوف الزوجته وماسمح اني اكون ضره واتعب الحرمه وغيره وغيره من الاعذار
حتى اني اعرف لتس وحده مطلقه ولها ثلاث اطفال ولانها جميله ولها سمعه حلوه بين الناس خطبها كثير واخر شي تزوجت من ارمل عنده اربع اطفال وسبحان الله اراد ربي انها ماتكمل معه وطلقها بعد 5شهور لان الرجال ماتقبلها وعجز ينسى زوجته وكان زواجها خير لها لانه حلت الزوجها ورجعها بعد ماكان مطلقها ثلاث وماكان لهم نيه يرجعون البعض مع ان زوجها ماتزوج عقبها
وغيره وغيره من القصص شباب كثير ماخذين مطلقات وماعابهم شي من مده قصيره حاضره زواج واحد ماخذ بنت مطلقه ماجلست مع زوجها الا شهر وبعد ازيدتس من الشعر بيت ياللى البنت وافقت لانها توها طالعه من تجربه
وماقول الا لكل قاعده شواذ
يعني انا اشوف ان الطلاق ابد مهوب عايق ولا تضغط البنت على نفسها وتجيب العمره الامراض النفسيه مع زوجها مجرد خوفها من كلمة مطلقه
صدقيني هذا نصيب ومحد يدري نصيبه وين ولله انهم بنات يتزوجون مطلق ولا متزوج
الحين البنت تسئلين عن عائلتها واخلاقها وثم شكلها
طبعن فيه ناس عقليتهم متحجره وينظرون للمطلقه بنظره غير بس مانعمم ابد نظرتهم


الف شكر ام اليزيد على البارت الروعه وبدى العب يحمى وبعدين تعالي ليش مالي من شنطة يزيد نصيب ولا عشان ماعندي عروس للزواج

همسه : الحمد الله على السلامه ام الوليد لتس وحشه يشيخه

هلا وغلا ضمضم والله انك رائعه دائما وبكل بارت

وش هالابداع كيف وصلتى الغيوض لود عناد ابدعتى بجد ومادامها وصلت لرعد بتوصل لعناد وقريب واتوقع رعد يسولف لبوه عن هالحرمه الى مسكته


وملوك بتكمل الناقص بالى صار بينهم وطلب عبد المجيد بيكملها


جسار والله بتعانى كثير حتى تشيل من راسك سيوف وبلاويها


مناير قاهرتنى ماكفها مصيبتها ببنتها مافكت الناس من شرها


اتوقع ان عناد يروح لعبدالمجيد بالبيت وبتدخل الغيوض وتعرفه


بنتظار فلك وبتال واتوقع عاصفة رهف وياسر بنفس البارت

صباح الورد ضمضم

قصه انا وردي على البارت

سبحان الله بارتين مارديت احس اني ماعاد اقدر اجمع كلمتين على بعض

هذا وانامجرد قارئه

الله يعين الكاتبات الي ينقطعون عن القراء با الشهور بصراحه ما ينلامون يوم ينسونا ....

الحمدلله اني مانيب كاتبه ^ـ*

بارت اليوم بارت المواجهات الحاسمه وبداية ربط خيوط الروايه لبداية النهايه

اليوم رهف ومناير حالهن حال

مناير تنصح رهف ورهف تبيها تصفي النيه ليش ماخذه موقف من ملوك علشان عمتها فلك

وانتي يا ام النصايح تبين تحاسبين ياسر بعد ما ينتهي الحفل

الله يعين قلب مناير الي فلك نايمه على تسبدها

والا انتي عطتس مناير الصوره كامله ملوك كشتت فيه وبدلته بولد الراسي
يعني وش بتنبشين منتي بمحصله الا المثل الي يقول غبر يا ثور وعلى قرنك

وكيف لو تدرين ان ياسر يتمنى ان عناد يختفي علشان ترجع له ملوك وش بتسوين ساعتها


مناير الهامسه\تكفين مابي يقولون مناير قالت..الوجه من الوجه ابيض انا مابغيت يكذبون عليتس ويمشون بهذي الطريقه...,

يا كثر اشباهك يا مناير يخربون بيوت والمقصد النصيحه يكشفن امورآ الله ساترها والاسم نصيحه


الغيوض موقف لا تحسد عليه حتى لو ما كان بينها وبين الراسي ولد يكفي الذكريات المريره

والله مدري من نلوم انتي الي رضيتي تجين على راس حرمه والحجه ان ما عاد فيه تفاهم بينه وبينها لكن ما حصل طلاق

ومع هذا وافقتي على الدكتور سطام بعد ما اعطاك هو اهله كل المبررات وزينو لك الوضع هذا من غير تشويه صورة ام جسار ...

والا نلوم ام جسار الي فرطت في بيتها وكان التأديب لها ان سطام تزوج عليها

وبعد زواجه حلى بعيونها وبدت المعارك علشان تسترجع زوجها ....



يمه ليش ماقلتي لي من قبل...ليش توك تقولين لي ها الشي..
وانا مستغربه وش في العالم منصدمين وحالتهم قـشرا..؟

انا والله الي مستغربه من دلاختس الي ماربطتي شبه احمد بعناد وعساف الراسي الي بنفس العمر
مدري فهاوه والا ماعاد تجمعين تبين العرس يخلص علشان تحاسبين ياسر


عناد لـي...!
حتى عناد لويدري مايبيك مايبي الا انا.!
انا
امه....!
وانتي حتى لو انتي حقيقه مخفيه
الا
انس ولآشـي..!

غلطانه يا ام سطام

الولد ولد امه والخيبه على من ضمه

ادعي ربك بس اذا عرف الحقيقه ما ينسى كل الي سويتيه علشانه الوحيده الي ينسى ضرب عصاها وما ينسى ضمة حضنها هي الأم

سطامـ بحده\قوم ياعناد جهز السياره لـ اخوك وانت سق فيه...

ما عاد يفيد يا سطام وين بتخفي عناد ما بقى شي قليل وينفتح الستار وتعرف الحقيقه لو تطير بعناد للمريخ خلاص انكشف مكان عساف للغيوض
والدليل رعد الي يوم شافته الغيوض طار عقلها تحسبه عساف

وضعت انفها ب صدره لـتشتمه ب وجع\يارب ارحمني يارب لآيكون حلمـ حقيقه والله العظيمـ حقيقه...
آستنشقته مره اخرى لـيرتفع صدرها ب انفاس متسارعه.. وتضمه من جديد..

تدرين ضمضم لو ما كتبيتي بروايتك الا ها المشهد با النسبه لي روايه كامله
لوعة أم فاقده ضناها الله يصب الصبر بقلب كل ام ثكلى

اليوم كنت اطالع برنامج عن المظاهرات الي في الوطن العربي كان في مشهد تعذيب لولد عمره اقل من 14سنه يعذب من ابناء جلدته عرب

والسبب انه قبض عليه وهو يكتب يسقط الرئيس والله ما جاء في بالي الا امه الي تشوف كيف لوحوش يطلق عليهم اسم بشر تعذب ولدها نسأل الله لهاالصبر

عبدالمجيد وعناد هل بيكون بينهم لقاء ثاني او مصادفه تجمع بينه وبين الغيوض ننتظر ونشوف مع ضمضم


ريان بفزع\ياخاله هذا ولـدي اتركيه...أنا شايفك من يوم طلعتي من قصر العاجي وهو يلحقك مشبه عليك بجدته..تعوذي من الشيطان وش فيك...,
الله لا يعطيك عافيه من اول الروايه وانت عله مستعله ورى ما قلت انه ولد اخوي عناد الراسي كان حليت المشكله
ولدك يا الاشهب منين يجيك

والله ما لوم عناد والجده هيا يومهم ناشبين دايم لك اليوم عرفت السبب بلا من دلا ختك


ياسـر\الا والله حاس بلوعتك بس هذا ماهو بولدكـ..

وانت الثاني والله ماعندك من الاحساس شعره والله محد وصل للحقيقه من ابطال الروايه قبلك

ليش ما كذبت الاشهب وقلت ولد اخوه ماهو ولده كل هذا حقد على عناد وخايف ان الحقيقه تنكشف وتقرب المسافه بينك وبين عناد

لكن الغيوض الله يغنيها عن واحد اناااااااااااااااااااااني مثلك

وفاهيه مثل حرمتك وبتوصل لها الحقيقه وهي في بيتها .......

رد عليه جسار ببرود\الله يبارك فـيك...خلآص عناد رح انت الحين..
وانتي يا جسار وش بلاك لا يكون خايف بعد ان الظبي تحط عينها على عناد

كنت رافض انه يوصلكم والحين تبي بس قلعته هذا جزا ها الضعيف متى بس يكشف انه عساف ويسحب عليكم كلكم ويعلمكم كيف الجفا والبرود

قـسم بالله هـ الرجال ماعنده لآذوق ولآيعرفه..
كيف يتجاهلني بهذا الـشكل


الله يعينه يا الظبي لا تشرهين عليه صاير عنده حساسيه من شي اسمه عناد ماهو حولك الرجال فاقد الثقه با الكل واولها نفسه ..

لـينصدمـ تماماً
بـ الـسواد الحالك الـذي بيدها...!
وهذا المفتاح الي بتدخل منه الظبي قلب جسار

اظفر بذات الدين تربت يداك

لـينزل عينيه عناد لـ الورقه الصغيرهـ...
ويصعق تماماً ب الشخصيه المدونه ب الورقه...
يوسف عجل بنهايته او نهاية عناد

والحمدلله انك ما ذكرتي اي اسم علشان لايطلع الاسم .........و........


مبدعه ضمضم خيال يعيشنا معاه كأنه واقع

ننتظر القادم بحرارة قلب الغيوض لشوفة عساف

وانتظار عبد المجيد لقاء عناد


الله يسلمك ام المزايين ترى شحذت لك توقيع وما قصرت نودي صلحته لك

السلام عليكم
وهذا انا جيت مره ثانيه (فيس يحمد ربه انه باقي كم قطره يحطهم بالعيون
المهم
اليوم البارت دسم وخطير ومثري بشكل ضمضم
ضمضم اندمجت بالاحداث لحد الوجع
شفت كل التفاصيل قدامي
ابدعتي ابدعتي ضمضم
مشهد ام عساف وحفيدها يااااااااااااااي بجد مؤثر لحد الاختناق
بعد كل ذا وياسر له جلد يسكت
بصراحه ما اتوقع
اتوقع اللقاء بين عبد المجيد وعناد راح يوضح تفاصيل
بس مدري اتخيل عناد تخوف من اسلوب عبد المجيد
وبعد الموقف بين رعد والغيوض يمكن يطنش الموعد ولا يجيهم
********
اتوقع عناد بعد ما يكتشف السالفه وانه ولد الغيوض اللي راح يعرف ريحتها من اول ما تظمه بما انه اكيد راح تنفعل لو شافته خصوصا شبهه الكبير باحمد اكيد راح يعرف الريحه اللي يدورها كل ليله ولا يلقاها
وهنا راح توضح امور كثيره
وتتبدل الادوار بين ابو جسار والغيوض
وفي النهايه اتوقع عناد راح يلقى امين وابوين بما ان حنان عبد المجيد وشوقه لولده راح يظهر في شخص عناد
(ماله داعي تكملين القصه ضمضم انا كملتها (برااااااااااااا فيس بينظرب بطماط على راسه
******************
مناير ياربي الحين ليه ماكمله الحاله معها وسكتت على طول والله تقهر هالعله
وحسابها ياسر اللي بيتولاه مو حد غيره
**********
جسار الحين ضمضم وش هالحركات اللي حطيتينا فيهم
مره يشوفها جريئه ومره يدوخ من القفاز الاسود رمز الحشمه
واللي بيذهل جسار ويدوخه هو مضاهر احتشامها اللي كل يوم راح تظهر على السطح حتى لو توقع انها تمثيل بالبدايه
راح يكتشف مدى صدقها بعدين
لان العادات اليوميه راح تثبتها له
*****************
بالنسبه لغرور الظبي فهذي عنجهيه انفرضت عليها بتربيتها من اول يوم انولدت فيه بنت مقرن
وجسار خير من يتعامل معها بدون لايكسرها
****************
والله تحمست مره ضمضم الله يجيب الاثنين على خير

همسه طيوف اخر الغيبات يالغلا