بسبب انشغالي ولله ماقدرت ارد مع ان موضوع نقاش البارت اللي قبل ماحبيت يمر ماقلت عنه شي لانه فعلن موضوع مهم
بس وش نسوي بالمزيون الصغير من حبا الله يصلحه ويهديه وهو مايخلي ولا حرف اكتبه مافيه سلك الا ومعطه وزر في الكيبورد الا ورصه
كرهني عمري ومجرد ماينام ركض على الجهاز ولله بعض الاحيان ارفع الجهاز على يديني عشان اقراه
بس ولله مافيه رد يعدي الا وانا قاريته وانقهر اني ماعلقت
على فكره ضمضم اعجب زوجي القبي اللي سميتيني فيه ام المزايين قال ولله انها صادقه لقت اسمهم (كل اب في ابنه معجب جعل والدينا بالجنه )ويوم شفته معجب فيه قلت خلاص من اليوم ورايح بيكون توقيعي وبما اني ماعرف احط لي تواقيع وحركات قلت مالتس الا تلطينه باخر الرد حتى صورت البنت ام قطوه اللي تحت اسمي ماغيرتها اول من قل الفضوه ثاني من عدم وجود صور زينه <<<<فيس يخز ويقول من زين ام قطوه
لله يامحسنين اللي تعرف تحط حركات وتواقيع تحطلي بسم عيالي ترا يدي ممدوده طول اليوم



شوفي بما ان نقاش حب الزوجه الاولى والثانيه فاتني قلت ام المزايين ماعندتس فايت علقي عليه ولو بعد حين
شوفي ام اليزيد حنا امهاتنا يعرفون مقوله ودايم يرددونه اللي يحب الاولى مايحب الثانيه وان اللي يحب الثانيه مايحب الاولى
عشان كذا اذا تقدم للبنت واحد مطلق انا اشوف كثير او مايسئلون عنه حبه الزوجته ومن فيهم طلب الطلاق
ولله اعرف بنت خطبها واحد ماشالله جامع كل الصفات من مركز ودين واخلاق وعائله ماشاءالله من عرفت امها ان سبب الطلاق ان البنت عايفته وهو يموت فيها بس لانها رافضته طلقها الكل لام امها على رفضها له وفعلن كان الرفض بمكانه تزوج الولد بنت ثانيه ماجلسها عنده اسبوع وطلقها على طول لان ربي ماجعل الحبب بقلبه
تدرين وش صار راح خطب البنت اللي سبق ورفضته امها شوف وش الصدفه وفقت امها عليه وتزوج وحياتهم الان من اروع مايكون
الود سئلها ليش ارفضت امتس المره الاولى مع اني ماطلقت الا مره ووافقت المره الثانيه مع اني مطلق مرتين قالت زوجته لان امي ماتبي البوره فيني تبي البوره في غيري وفعلن الطلاق ماجاني جا زوجتك الثانيه تقول البنت تصدقين ماقتنع مقتنع انه لو تزوجني بيحبني وان اللي طلقها الثانيه نصيبها ماحبها والبنت مقتنعه هي وامها انه لو تزوجها هي بعد طليقته الاوله صار الطلاق الثاني من نصيبها وان شور امها الصح
اعرفها عز المعرفه

اذن اذا كان فعلن ان قلب الرجال اذا حب ان اللي بعدها مايحبها
طيب وش نسمي كل زوج تزوج على زوجته وطار بالزوجه الثانيه هل كلهم مايحبون الزوجه الاولى طيب والعشره والعيال هذا كله مهوب حب لها
لالالالالالالالا هنا نوقف ونقول لا ان كثير ازواج يموتون بزوجاتهم بعد ماخذو الثانيه حبوها لكن هل حبوها كاعشيقه او لان الزوجه الثانيه ماعطت زوجها وجه ونقمت عليه بعد زواجه او ان سبب زواجه ان زوجته الاولى مافهمته مع انه يحبها والزوجه الثانيه قدرت تتفادا هفوات الاولى عشان كذا ارتاح لها
ولا قلب الرجال دكان وكلن له مكان
شوفي اعرف وحده ماخذها زوجها عن حب يموت يموت فيها والكلمه كلمتها والشور شورها راده فيه وفي اهله ضغطت عليه كثير وفوق هذا جابت 3اطفال وماصارت تحمل
زوجها تزوج عليها بعد ماصار طفله الصغير 11سنه بحجة يبي عيال
جن جنونها حاولت تثنيه من قراره حتى انها طلبت الطلاق تركت عياله سنه لكن ابد مارضخ خاصه انه شاف في زواجه استرجاع الشخصيته اللي هي كسرتها بسيطرتها
المهم رجعت له لكن ماعطته ولا ربع وجه وشافت نفسها وزعلت وقالت مارجعت الاعشان عيالي
الثانيه قال لها زوجها اسبب زواجه غير العيال انه ماعمره مارس رجولته عليها يعني هي الامره الناهيه ومتصرفه بكل شي وتطلع وتدخل من غير شوره مايشوفها بالعربي الا بالليل
الثانيه تفادت اغلاط الاولى وحسسته برجولته وانه سي السيد ولامر الناهي ماتطلع الا معه وعيالها اربطت نفسها فيه وربطته بالعيال معاد شاف الا هي وعياله وذيك روحاته لها تادية واجب سيطرت الثانيه على قلبه وعقله وخسرت الاولى كل شي


من كل القصتين نفهم ان الرجال مهوب واحد فيه منهم من حب وحده ماحب الثانيه وفيه اللي لو تزوج عشر كلن له مقه من القلب <<<<<وجهة نظر



نجي للبارت اولها نبارك الملوك وعناد الحمل ونبارك الجسار والظبي الملاك
عندي احساس ان تخبيت ملوك الحملها عن عناد بيكون لها سالفه تدرين ايش
عناد بيعرف قصته قبل مايعرف سالفة الحمل وبينصدم وبيكون فيه مشكله مع الكل ويمكن يرفض ابوه وجدتها وحتى ملوك وماراح يطلعه من اللي فيه الا حمل ملوك والبيبي اللي بالطريق
ملوك ماراح تحن على عناد الا بعد ماتعرف قصته
مع اني ماحبيت تهكمه فيها
تصدقين ياكثرهم اللي على شاكلته كثير شباب سعوديين مايرتاحون الا اذا رمو على زوجاتهم بالحكي



جسار والظبي بيكون اعجاب من الظبي واحترام من جسار
جسار لانه مجروح من سيوف ماراح يسلم الظبي قلبه وبيكون معها شديد مهوب مثل مرونته مع سيوف بالاضافه ان صورة انها كانت طليقة صديقه ماراح تمر بعد مرور الكرام
الظبي على اساس شخصيتها بتعجب بجسار خاصه انها هي بعد مجروحه من طارق وكانت تحبه
البنتين هم اللي بيقربون بينهم تدرين وشلون
حب الظبي للبنات من غير تصنع بيخلي جسار يحبها بالاضافه الى انه بيشوف شخصيه جديده بتبهره وبيتحول الاحترام الى اعجاب
اذا كان حوارنا عن حب الرجل او المرئه للشخص الاول بحياتهم هل بيحب الثاني هذا بينطبق على جسار بعد والظبي مثل ياسر اذا تبادلو الحب بينهم بيكون فعلن صح نقاط كثيره تخلي الحب يحيا بقلب البني ادم
من اعجاب او عشره او اطباع واخلاق وغير وغيره ويحب الثانيه مثل الاولى



الله يعين قلبك يبتال على ذا الدلوعه
ابشرك ترا حريمك صار لهم استنساخ او نقل الارواح او مدري شسميه نقدر نقول تبادل ادور
تدري سمها مثل ماتسميها اهم شي ان مناهل صابها جنون وتوقعت انها راح تختلي بالجو البتال
بس ادري ان هذا بعيد عليتس لان الحب الفلك ومناير ام البنات
تدرين احس ان فلك بتكون البتال مايخاشرها فيه احد مناير بياثر عليها موت بنتها وبتروح اشهار ان شاءالله وانتي لاولد ولا تلد اقعادتس بيت ابوتس ابرك الا امتس وابوتس عايشتين بري فيهم احسن وعيشي تالي عمرتس برعايتهم وخلي الرجال يتهنا مع حبه وهي تعيش باقي عمرها معه وبنات بتال لاتبتسونهم فلك مهيب مقصره علم


ماراح اقول شي عن وضع عناد ومعرفته بامه بس الاكيد ان ياسر اخبث مخلوقات الله اللي عرف وتاكد من قصته وهذا من فطنته وذكائه
ياسر تحسن علاقك بعناد بيكون حلك للسالفه ورجوع ام زوجتك ولدها الحضنها بيكبرك بعين رهف وملوك قبلها


ضمضم بارت اكثر من رائع الله يوفقتس يارب وشكر وعرفان لتس على الانضباط وانتي بظروفتس الصعبه هذي الله لايحرمنا من طلتس يالغاليه
ام المزايين

صباح الورد ضمضم

بردي هذا كل الشخصيات صارت بجهه عندي ودرر بجهه ثانيه

درر من شخصيات روايتك اليوم بدى يبان عليها فقد امها على الرغم من ان تصرفها بيكون طبيعي لو كانت امها عندها طفله وتقلد

وكلنا عانينا من ها الحركه عبث بناتنا با اغراضنا غريزه سبحان الله عند البنات

كم مره القى بنتي ماهي قدام التسريحه لا فوقها من زود الحماس

غير اشياء كثيره افقدها القاها بغرفتها

ولا حظو ا كل الي عندهم بنات عمرهم سنه او سنتين او اكثر وتحط قدامها روج او مناكير شوفو وش تسوي اول شي تقابلك وتمسكن كنها تشحذك وبعدين تزم شفايفها وتمدمد اصابعها
يعني مالك حيله حطي لي روج ومناكير

جربوها انا جربتها مع بنتي الله يصلحها تقعد فتره بمحلها خايفه على الروج والا المناكير يطير

لكن درر ها المره فعلها غير كل البنات والسبب انها بدت تشعر بفقد امها اكثر من اختها بكثير على ان وسن كانت اقرب لسيوف من وسن

درر فقدت امها وعناد بنفس الوقت والكل مشغول عنها ولا في احد فكر يسد ها الفراغ

سيوف ام صحيح لكن كانت بعيده عن بناتها سواء كانت موجوده عندهم او لما كانت تسافر علشان مشغلها يعني بناتها متعودات على بعدها

وكان في من يعوضهم سواء وجود عناد او حتى جسار واهله كانو يغطون الفراغ الي تتركه سيوف بحياة البنات بدون حتى قصدبنات ولدهم وعايشات معاهم والحياه ماشيه طبيعي

درر طفله كانت تجذب الي حولها بدلعها ولا تبي احد يتجاهلها حتى في بارت لما حضر رعد ولد عناد انجنت وصارت عدوانيه حست ان عناد خلاص راح منها
لكن بعد الزلزال الي الي صاير في بيت الراسي تغير حتى النفسيات لا شعوريآلكل الاسره والبنات من ضمنهم

طلاق سيوف ماهو طلاق طبيعي الاب والأم ما تفاهمو وخلاص انفصال لا كان طلاق بفضيحه وخيانه لا تغتفر من المجتمع ولو انتشر بين الناس ملاحقة سيوف لعناد

بيكونون وسن ودرر مثل الي اصيبو في وباء معدي الكل يبعد عنه لو كان طلاق طبيعي بيكون عادي اتصال بين سيوف وجسار ونقطة التقاء تلتقي فيها با الدرجه الاولى مصلحة البنات

لكن بوضع بنات جسار الوضع غير وخطير

لا زم جسار والظبي يتعاونون على اخراج البنات من الدائره المظلمه الي دخلوها

الظبي خصوصآاذا فشلت انها تاخذ دور الأم الحنونه

وجسار الأب الحازم للبنات

بيضيعون البنات
الظبي داخله على امتحان صعب مع البنات وخصوص دررلازم معامله خاصه

الظبي تزوجت جسار وهي عارفه بعض من وضعه ماهو كله واتمنى جسار ما يفتح ملف سيوف كامل مع الظبي لأن احيان جهل الطرف الاخر نعمه ولا يقعد في قلبه ان وحده من بناته بتكون مثل امها

و يترك عنه المقارنه بين الظبي وسيوف

صحيح سيوف خلت وراها جرح غائر بروح جسار

لكن بناته ومستقبلهم وتقويم سلوكهم فوق كل شي لأن سلوك الإنسان سلوك مكتسب من البيئة المحيطة به ........


الطفل لابد ان يجد من يعلمه الحلال والحرام من صغر سنه و من يقول له هذا صحيح وهذا خاطئ
ويقوم سلوكهم با الترغيب والترهيب


اول خطوه صحيحه اتخذها جسار هي انه طلع في سكن مستغل مع بناته والظبي وضيق الدائره على البنات


واتمنى ان الظبي وجسار يقدرون يربون البنات تربيه صالحه.....

والظبي في البدايه لازم تعلق البنات فيها وحتى لو في عقاب يكون من جسار ماهو عن طريقها

ماهو كل زوجة اب شريره وكثيرعاشوا مع زوجات آبائهم ووجدوا العطف والرعاية والحنان والقاعده ماهي عامه .....


مبدعه ضمضم

ام المزايين يا لبى قلبتس بس وانا اشوف الاملاء عندك مدري وش فيه مرات الحرف تعيدينه كم مره

اثاري المزايين يشاركونك با الكتابه

يا ليتني اعرف ازين تواقيع وافقد والله ردودك قبل ضمضم بعد

السلام عليكم..,
.
.
مسائكمـ آعطر من الـورد الطائفي..=)
.
.
.
الوزيره
لا الظبي ماشرطت هذا الشرط
و
تسلمين يا ذوق
.
.
شوشو
ياحبك لشوفة عناد متكسر=)
و
ساري له فايده خصوصا لـ الغالي=)
ههههههه ياسر لماح بس على الصامت لغايه في نفسه=(
تعليقك جدا جميل على مقطع الجروح الحاتميه
و
الاروع قربك من الروح
.
.
.
اثرني احبه
صورة احمد الي شافها عناد=)
و
مناف دوره لا محوري ولا رئيسي هو بطل مساعد وسبق وذكرت هذا الشي
.
.
عبق الرياحين
ياهلا وغلا
هذرتك عسل=)
وكلك على بعضك قطعة سكر بيضا=)
و
ب الفعل رسالة درر واضحه
وبتال وفلك يبي لهم شد وارخاء حتى تمشي سفينتهم
الله لايحرمني من التعليق المثري..
.
.

آم المزاين=)
نورتي المتصفح بعد غياب..
الله يخلي لك المزاين ويرزقك برهم يارب...
ترى التسميه الاولى من ام نواف...وبنت نايف كل شي يطلع منها حلو..
ذكرته ب رد من ردوها..و..من بعدها مسكت الاسمـ لك=)
.
.
.
تدرين يا الغاليه كلآمك الي طرحتيه فآجئني...عطاني وجهة نظر لـ زاويه من الموضوع كانت تجهلني...,
وخآصة المثال الي طرحتيه..
والله ان الآم داهيه=)
وحده من معارفي..
كان يحبها زوجها جداً مع ان شخصيتها ضعيفه ومو قياديه..كان عليها اطفال منه..ودخل بينهمـ شخص يقرب لرجال وزين في راسه يتزوج عليها من موظفه وضبط الفكره في راسه واخر شي تزوج ..!
هي ماصدقت خاصة انهم كانو مبسطوين وعايشين حياتهم بهدوء..حط الثانيه فوق وهي تحت..طبعاً هي مارجعت الا بعد حب خشوم=)
لكن لما تشوفه يطلع حتى ب الاكل من برا لها فوق..تقول احس روحي تنقسم نصفين...
ولما
كانت عند خالتي معزومه...
تقول خالتي طلعو الثنتين ورجعت هي بعد دقايق تستفرغ ب الحمام الله يكرمكم من القهر....
قعدة كم شهر وتطلقت منه والحين لها فوق الثلاث عشر سنه ماتزوجت بعده وهو يحاول فيها ترجع عشان اطفالها...
و
سبحان الله الثانيه خذت كل شي ..وفوق كذا فتح الله عليهم وصآرو من الطبقه المخمليه=)
وهي عاشت معه ايام شوي فيها صعوبه وضيق في العيش..
وطاير في الثانيه وتغير معها ميه وثمانين درجه..؟
الرجال يحب مرتين...
والقاعده ماتعمم..بس الاكيد ثابته من ناحية انها جارحه ...لـقلوب الرقيقه..
و
لآ عزاء لـ القلوب العاشقه=)
.
.
.
من ناحية جسار وطارق و الظبي..
ام المزاين متعمده اطرح قضية ان يتزوج زوجة صديقه..ونقارن بينه وبين عناد وياسر وملوك ونشوف ردة فعل جسار...!
متعه بذن ربي تنتظركم=)
.
.
لآتنسين ان ياسر مرده لـ العاج.. مهما اختلطت عروقه ب البراق..=),
.
.
و
نبي توقيع لـ ام المزاين=)
.
.
متعه ..متعه ..متعه.. نقاشك العذب...
.
.
.
ام الوليد..,
الله يخلي لك بنوتك يا ام الوليد..بوسي لي عيونها وربي انها تماما الأتكيت=)
ايه والله صدقتي من ناحية البنات..
دررو وسن...
اذا ماسلطنا الضوء عليهمـ
وطلعنا التأثير على حياتهم بعد انفصال امهمـ..راح نفقد مصداقيه لـ الطرح..
خاصة ان بودي اناقش هذا الجانب بشي من المحات والاضائات عليه...
لو ترجعين لـ مشهد درر والفستان...
راح تستشفين انها
تبي توصـل لـ جسآر ان تمثال سيوف امها باقي لـو لمحات منه فيها..
.
.

يا مرحبا اختي ضمني
نورتي المنتدى بردش
بعلق على القصه اللي طرحتيها
دمعت عيني عليها انا معش ان الرجال يحب مره ثانيه ولكن لو حبه الاول صادق ماراح ينسااه بسهوله قلبي موجعني عليها حسبي الله ونعم الوكيل فيه وفي خويه
الله يصبر قلبها ويعيضها باللي احسن منه ويقهر قلبه من بعادها يا جعله يذوب يهواها ويموت ماطال رضاها عشان يعرف ان الله حق بتقولون انانيه بقول لا بس حرام اللي سواه فيها

يعطيش العافيه ضمضم ‏
والله انك ذيب ياياسر وحليلت اللغز الله يعينك على مبتلاك وعناد وراك وراك
ملوك جاك الموت يتارك الصلاه هي وحده من الثنتين ‏
ياسكت من الصدمه ويفرح ويقلب عليكي الطوله ليش ما علمتيته
فلك والله كاسره خاطري بس مالومك صعب تشوف الي تحب مع غيرك ‏
لوه حلاله وبس رفق بصغيرك العاجي ‏
جاسر جاتك اللي بتقلب كيانك وبنشوف هو عرس السلام والا ‏