تسلم يدينك ياالغلا على البارت
فلك الله يهون عليها ويكون ولدها بخير.. واعتقد ان مقرن بيجبرها تعيش مع بتال يعني ماراح يرضى بطلاقهم بعد ما تولد فلك وتجيب له عبدالعزيز ..
الله يعطيك العافية وبانتظارك بكل شوق

رباااااااااااااااااااااه

اين انا من هكذا فن ؟؟؟؟؟؟؟

بالصدفه وربي بالصدفه وقعت اناملي على رابط هذه الروايه

ورب صدفة خير من الف ميعاااااااااااد

اي عذوبه تلك التي اجدها بين حروفك

واي قسوه وقوه يتسلح بها ابطالك

واي حنان وحب ذلك الذي وقع فيه ابناءك

واي واقع مر ذلك الذي يسطره جسار بانامله

واي كاتبه انت جعلتني حبيسة لحروف لا اريد بشده ان تنتهي بنقف هنا

اهنيك بحق على جمال الحرف وسلاسة الاسلوب وقوة المعنى وعذوبة الكلام وصدق المشاعر

عادة لا احب ان احلل او اتوقع الا اذا استدعى الامر

ولا احب ان ابدي اعجابي بالشي بسهوله

ولكن بحق اجبرتيني على الحديث

فمن يقرا لك ولا ينصفك لايفهم شيئا في الابداع والجمال

بارك الله لك ووفقك الى مايحبه ويرضاه

رذاذ المطر

يعطييك العافية ضمضم
تقولين مشتاقيين لك ورب هالكون ان لك فقده قد الدنيا عسى الله لا يفرقك عنا من شر ودام انك بخير يهون كل شئ
والله يخلي لك الوالدة ويديم عليها وعلينا العافيه يا رب
بارت رائع والغموض اللي بقصة عناد بدأت تترابط أطرافه يعني الناس المهمين اللي حوليه صار عندهم فكره جزئية من هنا وهناك من صورة لمعلومات في انتظار اظهار الحقائق اللي تدين الكل
يوسف ورب هالكون أنك روعتني انا كيف عناد انسان خبيث بالفعل ما راعى حرمة بيت ولا شي حتى لو كان شايف زوجته طالعه ما يحق له الدخول بالشكل هذا هل دخلته عشان يعلم عناد بمقدرته على الوصول له بكل سهولة وانه مراقبه وعارف تحركاته بس هالشئ ما يمشي على عناد اللي بتكون انت واللي معك كورة بملعبه
ياسر اقول والله انك مسختها بصراحة على ملوك والله لو انك تحبها حب حقيقي ما كان جبت خبر رهف بس اللي نشوفه انك تميل لرهف يكفي انك ما صبرت لحد ما رجعتها وملوك شوفتك لها مجرد أثارت شجون وذكريات مقترنه بأخوالك اللي تمجدهم تمجيد عظيم كل هالذكريات اللي عشتها معهم وربطتك بقصة حب مع ملوك اللي كفيل الزمن والاطفال بنسيانك لحبها اللي ارتبط فيك مع ظروفك
بالنسبة يا ضمضم لسؤالك عن هل الرجل يعشق مرتين اتوقع يا ضمضم ان هالشئ يعتمد غالبا على العشرة واللي اقصد بها عشرة زواج وبيت ونظام وحياة عايشينها مع بعض شاف منها الحلو اللي حببه فيها وشاف فيها المر اللي ما كرهه فيها فمثلا لوكان متزوجها وحصل بينهم طلاق لا ي سبب كان وهو يحبها وتزوج بعدها اتوقع انه ما راح ينسها يسهولة حتى لو كان مبسوط وسعيد بزواجه تبقى ذكرى تثير شجونه ولا أعمم هالكلام على ياسر لانه كان متملك على ملوك ما عاش معها 24 ساعة ببيت واحد اللي كان يجمعهم لقاءات بالبيت او المستشفى تحت انظار الكل
ممكن اضرب لك مثل لواحد من قريبي تزوج وقعد معها شهر وطلبت هي الطلاق وطلقها تزوج بعدها وجاب اطفال لكن كان معروف عنه انه يحب زوجته الاولى مع ان زوجته الثانية درة ومبسوط معها بس الحب للاولى وسبحان الله بعد 10 سنوات من طلاقها تزوجها مرة ثانية طبعا هي ما تزوجت بعده واللحين ما شاء الله له ممكن 15 سنة مرجعها وعايشين الزوجتين مع بعض وكل وحده منهم ما شاء الله اعقل من الثانية
يعطيك الف عافييه
طوق الياسمين لروحك

صباحكم سعااادة ورااااحة بال


احلى شي بهالبارت التكتيمه الي اكلتها مناهل من مناير
( هاتي راسك مناير ابوسه .... لاتفرحين مومن قلبي بس شماتة فالحربايه الي عندك )
من جد ايش تحسب نفسها يعني ماعندها خبر بحديث الرسول :" استعينوا على قضاء
حوائجكم بالكتمان " مصدقه حالها بتجي الظبي تاخذ برايها او بتشاورها مع وجهها من
زود الذكاء ولا الفطنه الي فيها

الي مستغربته هالصدمه لمتى بتطول مع مناير صحيح مااحبها ولااواطنها بعيشة الله
بس طولتها معقوله مااشتاقت للحش بخلق الله ولمد لسانها مترين قدامها

( تبين الصدق...الحنان مني شـرق وانا منه غـرب. )
يالبى قلب الصدوق والله ... اذا انت الحنان منك شرق وانت بالغرب اجل عناد وينه منه
خخخخخخخخخخ شكله مضيع البوصله وينها فيه اذا جاء يحدد وينه مع الحنان

( باقي لك احقاد قديمه عليه صح والا انا غلطانه وها القصه تألمك وانت تحكيها؟ )
ياسبحان الله هالنقطه قدرتي تلقطينها لانها تتعلق بياسر وعاد رادارك شغال 24 ساعه اذا
الموضوع يخص ياسر واخوك الي ازعجتينا بحزنك عليه جاتك كذا فرصه لعندك وطيرتيها وبنفس
الوقت اثبتي انك قدرتي تستشفي الي بقرارة نفسه بكم اسبوع والي ماقدرت عليه ملوك بسنين
طوال وبكذا لازم تستمري حتى توصلي لمرحلة وليفة وتؤم الروح له الي مايقدر على فراقها

( وهذا الخبل ولد خالي...يحبني بشكل ماتتصورينه..! )
تدرين ضمضم كل ماجاء موقف لياسر غصبا عني اقارنه بعناد الاثنين نقيضين لبعض كقطبين
متشابهين ماعمرهم يتحدون ياسر وعناد الرقه والخشونه - المرح والصلابه - الطيبه والقسوة -
الحنان و الجفاء - التلقائيه والتصنع - البساطة والغرور - التواضع والتكبر -
خخخخخخخ ادري الحين بتلاقوني مصلوبه على اول صفحه لبعض العيون من رابطة عناد
الشي الوحيد الي يشتركون فيه هو الغيرة الشديدة والي بسببها لايمكن الدنيا تصفى لهم


( يآسـر\..أنت وش تحسب الحب..!آبعد بس خلني ادخل..؟ )
كونك مانفيت شي طيب يمكن بقرارة نفسك شي غير المعلن

( ملوك بوقتها كانت ب الباب الـداخلي المطل على السور..تنتظر دخول مناف لـ تعتذر له.. )
ماتمنيت شي كثر ماعناد يجي وياسر واقف يشوفها عشان يعلقها مكاني باول صفحه
يعني ابفهم باب الشارع مفتوح مافيه احتماليه اي احد يمر ويشوفها واقفه قباله تستعرض
لا وتعتب على ياسر يامال البلاء اقول روحي تستري واحشمي نفسك

(يآرب..آغثتني ب قمراً منير بعد ان حرمتني من بدر مكتمل.. فـآمطر على روحي نسيان ذاك البدر فما عاد ب الروح حصون..! )
ياربي من هالي بيفقع مرارتي كافيني القولون بعد المرارة
اسمعني ياياسر ان كان هالحقيقه غايبه عن بالك ترى البدر تابع للارض وهو مظلم ويستمد نوره من
الشمس يعني فكنا من الظلام الي تجري وراه وامش مع الحقيقه الي ذكرتها قمر منير يعني يستمد نوره
منك وفيك تابع لك ويدور حولك

الصورة الي مع ملوك مادري ليه احس انها ماراح تروح لعناد لا بتروح لشخص ثاني عاد مين
مادري خصوصا الحين والعلاقه بينهم مقطوعه

المفهيين كثرو حتى فلك راحت عليها هذا وهي عندها السالفه كلها ومن الام بعد يعني باسلوب
ماينسى وصلت لها المعلومه لكن عذرها الحمل بصراحه اغلب الحوامل الحين ارحم ازواجهم عليهم
فيهم كميه غباء وفهاوة عظيمه من واقع اتكلم >> ياويلي الحين بتلطش

( لـم ينتبه..! اوب الآحرى مشوش ولـم يكن تأهب عناد الـمعروف عنه..!لـيلآمس جبينه...جسم بآرد... )
يمكن هالشي فيه خير له انه كان مشوش وماانتبه لدخول يوسف لانه بكذا بيثبت له
فعلا انه بدا يفقد مميزاته الي تاهله لاستمراره بالعمل وانه فعلا بعدم الممارسه وفضاوته
شارد وعقله مو معه وماحس بدخوله ونجح بالاختبار الي جاي عشانه

يوسف للمرة الثانيه يتعرض لبيت عناد هل المرة الثالثه بتكون وملوك فيه وعناد بالمهمه السريه
جهزي حالك ياملوك لاتنامي الا والمسدس تحت مخدتك قدامك ايام عصيبه

( فـ لو لآ... الوضع الحرج الذي يرى جسآر يغرق به لـ اذنيه لما وافق ابداً على جنونه... )
الا والله يوم دريت ان عبدالمجيد بلغه بالطفل المخطوف قلت اوافق على ملكته واتممها له
بسرعه على طلبه عشان ينشغل بها ويندوش بين الظبي عروسه وبين بناته وينسى السالفه كلها

( سطام ب استغراب\وين ياسـر ماشوفه..؟ )
( لـيفاجئهمـ مقرن\وين بقية الاهل يا ابو جسار..؟ )
هههههههههههه مافيش حد احسن من حد

جسار بدا يرجع لمسار حياته الطبيعي ولو بخطوة خطوة كونه يرجع لصوت المواطن
ويطرح بالاراء ويناقش فهذا تقدم ومع ملكته والتمهيد للتؤم باللي بيصير شي كويس
لان درر يبي لها مو تمهيد الا تدريس ومقابل حتى تتقبل الفكرة من اساسها

( قم اسبق عمك وجهز لـهم سرير ب المستشفى ..! )
فعلا كبر العمر يغير مفاهيم كثيرة ويحنن قلوب قاسيه
مين كان يصدق ان مقرن يطلب تجهيز سرير لفلك على ماتجي للمستشفى والله اشك انه
يبقى مكانه شكله بيركب سيارته وبيوصل قبل بتال حتى يكون باستقبالهم ويطمن على الحفيد
نمبر تو المنتظر

ودامها لسى باقي ( شكلها اقل من سبعه لانها تقول لرهف بعد كم شهر بكون قمر مو الحين )
فاكيد انهم بيطلبون انها تبقى للراحه وحتى يثبت حملها هذا لو ماكانت بالسابع وتمت ولادتها
بتال ياقلبي عليه يلاقيها من وين ولا وين صراحه حاله مايسر لاعدو ولا صديق

مبدعه دوما ضمضم وبانتظارك بكل الود والاحترام
ومنتظرين هديتك >>فيس يحب الهدايا

رابطــــ ياســـــــــــــــر ـــــــــة