صباح الورد

بارت رائع ضمضم

اللقاء الي بين جسار وام عساف جدآ رائع وفعلن لقاء بردات فعله يناسب شخصيات ام عساف وجسار

ام عساف المتلهفه لأي خيط يوصلها لولدها

وجسار الباحث دائمآ عن الحقيقه

ياسر اتوقع انه وصل للحقيقه لكن ما يبي

يصدقها لأنه ما يبي قرب عناد

يا حليلك يا ياسر ما سمعت وانا عمتك انه من خاف من علتن ذبحته

منحاش عن عناد وهو ومافيه متمسك فيك بيديه ورجليه

عسى الصدمه تجي خفيفه اذا انكشف الستار ما عاد بقى شي يا ياسر

انتظرنا انك انت والا المفهيه الي عندك تسوون شي تتقدمون وانتو بالشين بصور

نقطه تحسب لصالح رهف ما كبرت الموضوع اكبر من حجمه ورجعت مع ياسر


بعد ان كنت ربان بتلك الكلمات العابثه فـ أُصدق ببساطه من قبل الجنس الناعمـ..
واليوم آسوق القسمـ بأنها حقيقيه لـتصدقني تلك الرهف..!
يا حضرة الربان ترى صرت شايب وللحين قلبك اخضر

احمدربك بعد ان وحده مثل المفهيه صارت زوجه لك شفها كلمتين ورضت على طول

ولو كانت ملوك بمكانها لو تحفر با اظافرك علشان تصدقك ما صدقتك

مرات ترى الفهاوه نعمه !!!!!!!!!!!!!!!!

شايب وعايب وشايف نفسه مصدق نفسك ترى الي كبرك عندهم احفاد والا علشان مقرن عايش الي الحين وانت تقول ياجدي تحسب نفسك للحين مراهق

جهز جهز العده مناير ومناهل قادمات

يا طول ليلك منهن ....

قريب بنقعد ونتفرج



فلك انزلت البطاطا من يدها\سبحان الله السماجه فيك وش كبرها..

ماكذبتي يا فلك سماجه بها الانسان غير طبيعيه على انه تؤم ملوك الا ان بين شخصياتهم فرق كبير

ملوك شخصيه قويه وقياديه
لكن مناف مازال شخصيته ضعيفه
ربمان ان الفتره السوداء من حياته مازال لها تأثير عليه وهي الي كاسره شخصيته


فلك بوجع\حبه من صدري عشان اقدر انامـ مع الناس..تخيلي حامل وعاشقه وش بيطلع الجنين بضنك يا دكتورهـ...!

بيطلع مثل ما قالت لك فلك

لكن الحقي ابوه قبل لاتطلع روحه الله يستر بس لا ينهار ثم عاد ماعاد ينفع لا تغلي ولا تحسف ..


الله لآيحرمك ها الشعور..
ابتسمت ملوك ب ارتباك..
لـتقف ب السفرهـ..وتترك المكان..,

عندي احساس انك حامل والا ها الربكه ماهي لك يا ملوكه الا وانتي وراك بلا
فـ المرأهـ..
لآيجهلها حآلة الـرجل اذا كآن عاشق مولعاً بها..
لا والله لاحبتك عيني ماضامك الدهر الحب يعمي عن شوف الاخطاء
وملوك حبها لعناد كل صفه تشوفها سيئه تحط لها الف تبرير وعذر

يعني زعلها عليه مثل ما يقولون سحابة صيف وتعدي



كآن جسآر يريد مفاتحة والده اليوم ب الموضوع..
لـيجده قد غادر لـ المستشفى...
و
جدته ايضاً ليست ب الفله

سبحان الله دايم تجي كذا متحمسين لشي ونبحث لكن ما نلقاه

خيرها بغيرها يمكن لو انك لا قي احد منهم كان انشغلت عن لقاء مقرن العاجي

ولا حصلك تشوف الظبي الي على طول من شفت تسترها وانت تعزم امرك

حتى الشرط مر عليك مرور الكرام مستعجل تبي الملكه على طول
مع ان شرطها ما يرضي كثير من الرجال لكن الظبي
تبي تبدأ حياتها بياض وصراحه

مبدعه ضمضم

ننتظر ملكة جسار والظبي
وازاحة جزء من الستار الي بين عساف والغيوض

:


كلمة حق طلعتها ملوك بحق ياسر انو سند ... بس عيبه عن كل عيب معازلجي وبجداره ..مع انه ماعاد ينسمع لبناته حس بعد خسارته الفادحه ...ورهف قدرت عليه وهذا هو يدور رضاء طفله ...محد قالك من اول مايطحن روس الشياب الا البزور ...

على اني اموت بشخصيه عناد ..بس ياخي مالها داعي ماسك لها ع الدقه ..وقصة الشغل ما لك دخل فيه انت ما خذها دكتوره ..ماشرطت تترك قبل لاتعرس ..وهي صادقه وين الاستقرار اذا انت عادها غريبه في كل شيء لاتتدخلين ..لااهل ..لارجل ..ولاعمل ...شوي بتقول لاتنطفين البيت لانك تتحركشين في اثاثه ..خلك مرن لاتكسر ..وحاسه ان ملوك بتكسر راسك اليابس ..

مبروك جسار والظبي ..الملكه ببيت ظمظم ...بما انك تو ساكنه جديد مبروك عليك
غريبه ما حرد ياسر بيت خاله بعد تهزيء مقرن له ..توقعت يروح هناك ويلقى عناد بس زين سوى عاقل مافينا نفك بينهم

فلك ماعليك شدي ع بتال .. مشكلته يأخذ ما يعطي ..يحبها ايه بس خيار التخلي عنها مفتوح دائما
بذمتك ماهي غبينه مستكثر عليها سفره ...والا بعد في قلبك منزله سياحيه للبراق

منيف ياخي استرجل شوي ..منجد ملوك شخصيتها اقوى منك بمليون مره خلك سند في بيتك ثنتين ...
من حقها ملوك يوم قالت ودها انو ياسر اخيها ..ماكان استرجل عليها عناد وجلس كل شوي يهدد
بس مستوطي حيط ها الرخمه ...

ضمضم لك نيه تلبسين ملوك ثوب الطلاق للمره الثانيه ؟ شكلك مدري ليه عندي ها الاحساس تراها غلبانه ومسكينه ..يكفي ما جاها

المهم فصل جدا جدا راقي ..مفرداتك بجد تخلي الواحد شاعر

الود لقلبك

صباح الورد والياسمين

بارت حلو وخفيف وظريف والله يستر لايكون مقدمه لبارت فاجعه
وحسب ظني البلوة اول مابتطيح بتطيح على يسوري يؤبر البي


ياحليله الشايب عبدالمجيد موب سهل ابد على هالرومانسيه الي مقطعته
هههههه مو هاينه عليه مرته والمها مع جسار تستاهل الغيوض صبرت ونالت
ولسى بتنول بس ماظنتي عن طريق ياسر لانه شكله بيتجاهل الحكايه كلها لاياكل عناد
عليه الجو كافيه انهم يقدرون يسلمون عليها بعد عناد يجلس مع رهف اسمحيلي ضمضم
مو صداع ااااالا صداع نصفي متمكن وصدمه نفسيه وعصبيه ويمكن تجيه سكته قلبيه بعد

( لآيكون سطام خاطف ولدكمـ..و انتم تدورون في حلقه مغلقه من سنين! لآتصدقين خرابيطي بوقت الصبح..ترى تكون الآجواء عندي غائمه وضبابيه..! )
خخخخخخخ طلعو ياسر من الحسبه لانه نوى على الصمت
هو عرف ان عناد هو ولد الغيوض بس مايبيه ياخذ حضنها ودفاها الي لسى مالحق
يتمتع به لااااااااا ويكشف على مرته انتظر ياعناد لما يجيك الربيع دور لك على غيره يساعدك


( كيف ابن زوجها السابق..! جسآر...! آذن... عناد ايضاً محـرم لـها.. سـ آجن ورب السماء..!)
ياقلبي عليك سلامتك من الجنون بس شنسوي حكم القوي على الضعيف

( لكنها تريد قرصة لـ ذاك الياسـر )
دبور يقرصك قولي آآآمين مو كافيه الي فيه بعد انت ناقصك هو

( خلآص رهف لآتكبرينها امشـي معي..آرحميني انتي..والله العظيم مشتاق..!! )
حسبي الله سبع تحاسيب عليك يارهيف الي مهبلت بك
وحسبي الله على ابليس امك الي ملعوزتك


( هل آنا اتذوق الحب لـمرة الثانيه.. )
تقصد للمرة الاولى لان المرة الماضيه تتسمى باي شي الا الحب
ياسر لما اعتقد انه يحب ملوك فليش لانه فاقد الحب من جميع الاطراف فحب يعطي
الي فاقده لاقرب شخص له وطبعا ملوك هي الاقرب لانه كان دايما متواجد لحمايتها
لكونها الصغيرة والضعيفه وللاسف بخلت عليه كالبقيه بعواطفها وكانت هي السبب
بخيانته لها ولانها اساسا ماتحبه فعلى طول طلبت الانفصال بعكس الحين برغم انها
تتهم عناد بخيانتها الا انها مافكرت بالانفصال ابدا بس حبت تختلي بنفسها شوي

لي تعقيب على مشكلة ملوك بعضهم قال انها لها العذر انها تزعل لانه ماقالها.... ابدا مالها
اي عذر لان هذي مشكلة عائليه باهل عناد قالها كان بها ماقالها يكون افضل لان زي هالمشاكل
كتمانها افضل وهو كم له متزوجها يعني تقريبا كم شهر بالله على اي اساس تعرف بمشكله كبيرة
زي هذي فالنفرض انها حرمه لسانها مايدخل فمها اذن اذاعتها بتشتغل على طول والخبر
الي كاتمه عناد بسنين بينتقل في دقائق للعالم كله وكانك يابوزيد ماغزيت


( بكرا الـصبح بمرك اخذك لـ المستشفى.. آبوي نبه على كذا مرهـ وماراح اعصيه...؟ )
ياعيني على المطيع الي يسمع كلام ابوه الا قول تبي ترضيها وترجعها للبيت لان الشوق ذابحك
والا وين الي جاي بشراع ومجداف ومجرجرها بالمستشفى وتنسين الشغل نهائي وتقدمين استقاله
والله ياعناد طحت وماحد سمى عليك

( .والله والله يامنيف لو يصير فيني تسمم والا شي مايكفيني ذبحك... )
حلالك يافلوكه ولو الي جنبك بعد تذبحينها يكون احسن
وندبر لنا احد ثاني يفكنا من شهيد الغثه وريانها العله

( ماندري وش بيصير في الايام الجايه آتركوها لمستقبلكم آحسن..! )
والله يامناف مبين انك مسمع الدرس عدل حفظته من هناك وسمعته هنا

( وبعدين هو رفض نهائي يوم عرف بالفلوس الي جمعتوها من مهوركمـ ومن راتبك ياملوك عشان تسددون الدين )
وينكم يارابطات الابطال الثانيين تعالو شوفو الشهامه والنخوة والكرم
الي فيه لو يتوزعون على ابطالكم كلهم تكفي وتزيد الله مايحرمني من زوله

( مناف لـيش كل شي ياسر يسويه لنا... ليش يطوقنا ب معروف ورى معروف ورى معروف . )
الحين بس ليش يطوقنا ويسدد وقبل من كان يسدد وقبل من كان يعبي الثلاجه ولا عشانه كان زوجك
رضيتي لك ولاهلك والحين لا
اذا انت نسيتي الخير الي كان مغرقكم ياسر فيه فهو مانسي خير فهد البراق الي ضمه ورعاه تحت جناحه

( وعناد انا بسدده بنفسي...عندي كم طقم و با ابيعها...وبعطيه .. )
ههههههه ضحكتيني وانا مابي اضحك الي يسمعك يقول عندك خزنة الشربتلي
اصلا راتبك كله كنت تصرفيه على ديون ابوك يعني حدك شبكتك وان جاك طقم هديه
من عمك بتال فحليني كم بيجيب لك ياام كم طقم

( اي ديان...وش قاعد تقول..متى سددهـ..؟ )
والله شكله الي جاء من اول يطالب وماعطاه وجه وطبعا راح و سال واتقصى وبعد
ماقلبه بدا يطق ويهف للعله قال يالله نكسب فيها اجر وثواب ونسدد لواحد من الديانه

( ماراح يكبر..ماراح يفهمـ..ذبحني هذا الولد بتفكيرهـ...ذبحني... )
الله والتفكير الي عندك اثنينكم اردى من بعض

( يآ كبر حظها من كان ياسـر اخو لها..وصدقيني من كل قلبي اتمنى ان يذوق الحب مع زوجته ويتهنى بحياته معها)
بل بل بل مابغيتي تنطقين ذا الجوهرة اخيرا قلتي جمله حلوة بحقه
لا وبعد تتمنين له الخير لااااا شكلها بتمطر اليوم

( ابتسمت ملوك ب ارتباك.. لـتقف ب السفرهـ )
الهروب وسيلة الضعيف والعاجز وشكلك ياملوك حامل وماتبين تقولين بانتظار الاستقرار
الي تحلمين فيه وانت الحين ماحولك استقرار نهائيا مع مشكلة عناد وجسار سوى ومع
عناد ويوسف ومع الغيوض وعناد ووالله اعلم يابتتعرض لها المجموعه او بيصير لها شي
و بتسقط الجنين

فلك شكلها خلاص ارتاحت من الضغط والتوتر الي عايشته مع بتال وحريمه برجعتها لبيت
اخوها والحين بانتظار رد بتال على خروجها وكيف بيتصرف معها يعني الحين الكورة بملعبه

( فـ سينفجر تماماً اذا علم ان الضيف [سآري..] )
والله شكل هالساري راح ينظف سنه المسوس عشان يلحق ياكل من عشاء الملكه

طلب الظبي وتوضيحها لجسار انا اشوف فيها نقطتين :منها تشوفه لانها ماعندها فكرة عنه
ومنها تشوف ردة فعله على الطبيعه بدون مايوصلها باي رتوش لكن الي ماحسبت حسابه
( آيكون عمل لها..؟ ام بيتاً خاصٍ...؟ ام تريد ان تسكن مع والداها..؟ )
التساؤلات الي طرحها تعني رفضه لهالامور وطبعا هي متمسكه بشغلها ونسيت انه متعقد
من عمل المراة بسبت البلوة سيوف وهذي اول عقبه بتعترضهم

( لـيردف جسآر\الملكه الليله يا ابو الظبي...دام كل شي خلص..! )
والله شكل ياسر الحين نزل وعلى دخول واكيد سمع طلب جسار ومايندرى
ايش بتكون ردة فعله
او ممكن انه يسكت ومايتكلم عشان يلهى بسالفة ملكته عن حكاية عساف والبحث عنه

(شايب وعايب وشايف نفسه مصدق نفسك ترى الي كبرك عندهم احفاد والا علشان مقرن عايش الي الحين وانت تقول ياجدي تحسب نفسك للحين مراهق )
تؤ تؤ تؤ ماحبيتها منك ياام الوليد الحين ياسر 34 سنه شايب وعايب والمفروض عنده احفاد
حشا بغيتيه يتزوج واهو باللفه عشان يلحق يجيب احفاد لالالالالالا كلش الا ياسري لاحد يجي جنبه
الا صدق ماعاد قررنا منو المنكوب الي بيجيه الدور بملكة جسار والظبي تظنين مييييييين ؟؟؟؟؟

بكل الحب والشوق ننتظرك ضمضم ومقدرين لظروفك

رابطــــ ياســـــــــــــــــر ـــــــة

بسم الله الرحمن الرحيم
اول شي اســـــــفه اسفــــه ضمضم على التقصير في الردود الاتصال سي و اختبارات مشغلتني
ثانيا نجي لتعليق على الشخصيات
ياسر و الله وجابت راسك النتفة رهف و ان شاء الله تقدر تنسيك ملوك تماما ام بنسبة للقنبلة الي القاها ياسر هل من الممكن ان رهف تنقلها لامها او ابوها مدري بما انك قلتي ياسر راح يكون طرف في معرفة ام عساف لابنها
عناد وملوك بين مد وجزر يمكن تتطلع ملوك حامل وتعقل وترجع بس بنسبة لي يستاهل عناد قرصة اذن علشان يتوب انه يخبي عن ملوك ملوك مجروحه واجد وهذا من حقها ان ترتاح اتوقع عناد يتعرض للمصيبة بسبب تورطه في مهمة مع يوسف وراح تعالجة ملووووك
جسار والظبي الاثنين تعرضو للجراح من اقرب اثنين اتوقع في البداية راح تكون بينهم حواجز كبيرة بس بسبب تعامل الظبي مع بنات جساار راح يغير معاملته ويعرف معدنها بس الي ماني قادرة اتوقع ردت فعل طارق عن زواج صديقة من حبيبته سابقا
مقرن العاجي رجال بمعنى الكلمة في بداية الرواية ماحبيتك لكن الحين احسك قدع و ابظاااي
فلك و بتال هذولي ماعندي توقع لحياتهم القادمة بس ان شاء الله ولدهم عزوز يكسر الحواجز الي بينهم لاني متوقعة انهم يسمونة عبدالعزيز لان فلك تعتبر عبدالعزيز اخوها
ابوجسار و امه ماااادري وش ردة فعلهم عن موضوع عناد وانه امه لزالت عايشة بعد ماكانو متوقعين انها ماتت ومدري كيف بيتحمل عناد الصدمة هل ستعرض لصدمة نفسية ويدخل المستشفى لاكن عناد رجال راح يتحمل وسيتهجة الى ملوك لتخفيف صدمته من اقرب الناس له وبيفقد الثقة فيهم
ختاما الف الف الف شكر ضمضم ويعطيك العافية ويحقق لك كل امنياتك تقبلي مروري ارجوانة الياسر