السلام عليكم ورحمة الله وبركاته

حبيت ابلغكم رساله عن اختي ضمضم ان البارت راح ينزل بكره في موعده

ودمتم في رعايه الله

صباح الخير ضمضم كيفك ياقلبي وكيف رجلك ............... اشتقنا لك فوق فوق ماتتصوري والله طلتك عندنا ونقاشك الممتع والمميز لك كان عاطي جو غير مسبوق .......... بس مقدرين ظروفك ياعسل وماقصرتي رايتك بيضة ......... واذا على النت عندنا وعند خير هذا الاشتراك بفلوس وهو كذا اجل لو ببلاش كيف بيكون ..............


بارت اليوم كان منوع فيه الصدمات وفيه المشاعر المؤلمة جدا ..............



كنت متوقعة ردة فعل ياسر وانو بيرفض جسار لانو اخو عناد بالذات مااعتقد محتج عليه بس لانو كان يهاجمهم .........مع اني احط اللوم كله على الشايب المنافق لانو هو الي كان يزرع الحقد والكره في قلوبهم وهو الي كان يدور شي يوقف الهجوم الي عليه .............. ولو هو فعلا ماكان مثل مايقول عنه جسار كان مااهتم كثير للمكتوب ولا كان يتكلم عليه عند بنته يعني لايلومهم على ردة فعلهم


يآسـر بغضب\تناسـبه على ايش بضبط..على فـضيحة مرته..وسواد وجه...والا على ايش بضبط...؟
مقرن\آقطع واخس واحشم ولد سطامـ..
ماهو بذنبه يومـ طلعت مرته مواطي خسيسه..وانذال...وماهو بذنبه آذا مسك عثرته واحداً ب جنس فعولها ربان...!


هنا عاد مقرن اهان نفسه قبل مايهين ياسر ............. صحيح كلامه عن جسار انو مو ذنبه انو حرمته طلعت حقيرة

بس مو من حقه يتكلم على ياسر لانو هو الي زرع الحقد بقلبه على جسار وهو الي كان يتشكى له وانو يبغي شي يكسره ويمنع قلمه ليه يحط اللوم بس على ياسر والي دورت ورى حرمته هي نفسها بنته الي يبغي يدبس جسار فيها وهي ماعندها احترام ولا تحشم احد مثله هو بالظبط ومنافقة مثل ابوها تظهر عكس ماتخفي


تراجع ياسر بـصدمه\يبه...الكلام هذا موجه لي..!
مقرن بـغضب شديد\ايه لك ...انت تحسب اني غافلاً عن دروب الـردى الي تمشي فيها..!
تحسب اني ماعرف عنك شـي..!
انت حتى من نظراتك اعرف وش مسوي وش مخبي ..؟
وانت وجه مناسب فحول العرب..!
انت حدك رخومها وانذالها..!

والله اذا كان ياسر كذا ماينشره عليه لانو تربيتك يامقرن انت اخذته وهو بسنن جدا خطير بسن المراهقة وان طلع فيه عرق فاسد او تربيته خبيثة فالشرهة كلها على الي رباه وعلى البيئة الي تربى فيها واعتقد يامقرن انت مو احسن منه في شي كل همك كيف تكبر فلوسك وثروتك وكيف ترفع خشمك على الناس واعطيت الحب والحنان لبنتك الخايسة وبس ................ ومخك كان لاهي بزواجات بتال وبمين تجيب لك احفاد ذكور يعني مربيه على الاخلاق الي مثل وجهك واذا عيبت على تربيته واخلاقه فهذا خبز ايدك


انت تدري ليه كل من قال انا ولد فلان الجبل الي فوق راسه نار وجاي اخطب عندكـ...
تحسب انهمـ جايين عشان سواد عيونك والا عيون عمك..!
لآ
ياولد عبد العزيز...
تراهمـ..
متعنين عشان مقرن بن عبد العزيز العاجي...!
متعنين لـي ب الاسمـ...
و..
شآرين النسب الي مناطح له غمام..!

والله ضحكتني يامقرن ومالي نفس اضحك خاطبين بنتك علشان فلوسك بس وانت الي خطبت جسار مو هو الي تنزل لبنتك وخطبها ياليت بس تعطيهم العلوم لانو بيجي يوم وبتنكسر بنتك بكذبتك الي اذا جسار علمها قدرها وانو ابوها رماها عليه لانو الي كانو يخطبونها مو حبا فيها ولارغبة بشخصها لا بس علشان مقرن وهو خاف يموت وبعدين مافي احد بيطق الباب ............... ديباجة كاذبة وهو ادرى بالموضوع يكذب الكذبة ويصدقها



آبتسم بخبث\مقـرن العاجي الصـغير انت صنعته بيدك ومسـتحيل تدوسه او حتى تخفيه بسابع ارض...
بكذا تكسر نفـسك وتحطمها لـمية كسـره...!

هذا ياسر قالها انو انت الي صنعته وشكلته يعني لما سبيته سبيت نفسك بالدرجة الاولى وهذا اكبر اعتراف انك ماعرفت تربي لاعيال ولابنات لذلك بهرتك شخصية جسار وقمت تراكض وراه ياترى لو رفض عرضك ومابغى بنتك هل كنت بتتقبل هالشي والله بتعيد العرض للمرة المليون


بتال يتدخل ب الموقف لـيهدئه\آذكـرو الله...ترى الـسالفه كلها خطبه...
والراي الاولي والتالـي بيد الظبي لـحالها...
ماحد بغاصبها على شـي...!
مقرن بـزمجره\الظبـي ماهي بكاسرة كلمة ابوها....!

يعني اذا قلت هالكلمة مع وجهك تفرق عن الغصيبة .............. يعني هو ضامن بنته ماتخورها مع جسار وترجع له مطلقة ومنهانة بسبب غرورها الي زرعه فيها والحين يلوم حاله على عنادها يوم جت عند رغبته


مقـرن بشده\تبي بنتي الظبي تبعد عن عيني آتعقب ...ماتبعد عن عيني الا اذا غابت عنها عيني..

حلوة دي يعني البنت تخيس ببيت ابوها اذا ماجاها عريس يخليها ترابط عندك وبعدين يعني تبغيها ترابط ببيتك وتترك بيت زوجها اصلا جسار بيكون عليها شديد ومابيخليها تطلع الا معاه وللضرورة ووقت مايفضى هو مو مثل طارق الي تتركه بالشرقية وتجي ترابط عنده وفوق هذا يذمون بالرجال على صبر ببنته سبحان الله ليه يرضون لبناتهم بشي ويرفضونه لحريم عيالهم صدق تفرقة

والظبي ماصدقت على الله شبت النار وبعدين قالت رايها بس علشان ترضي غرورها كان قالت بستخير على الاقل بس طلعت على حقيقتها الا تتمنع وهي ماصدقت يجيها واحد مثل جسار ولا بأكبر احلامها توقعته

وبعدين مصدقة حالها تتشرط هذا لو هو الي خاطبك من نفسه ورغب فيك مو ابوك بعد ماعجز من التمديح والتغزل بأسمك عنده وعرف انو مااصاب الهدف رماك عليه وطلب منه يتزوجك والله لو تعرفي قدرك كان افتشلتي وبعدين ايش قلة الحيا يلومو رهف مع ياسر بصباحيتها وهذي من قلة الحيا تبغي هي الي تقابل الخاطب وتتشرط عليه بوجه يعني ابوها مو مالي عينها اذا كانت تبغي تعرف ردها بأمكانها توقف بمكان قريب وابوها يقول شروطها بالحرف وتسمع الجواب اما وجه لوجه بصراحة قمة الوقاحة حتى لو كانت مطلقة مو معناتها يروح الحيء منها هذي فلك تزوجت بتال وغيره ولما رجعت لبتال اول ايامها ماكانت تقدر ترفع عينها من الارض بس شتان بين تربية بنت البراق على الادب والحشمة والخجل وبين بنت العاجي المغرورة الي تناطح الرجال بعالي الصوت بشركات العاجي لاحيا ولا خجل وجهها مغسول بالمرة ماادري كيف جسار بيتحملها اكيد بيسب اليوم الي تزوجها فيه

اما هي ماصدقت اختلت نفسها وراحت تدور على صورة له تبغي تتذكر شكله وهذا وهي مو مهتمة اجل لو مهتمة وتدعي انها تبغي تشرط عليه بس علشان تعرف نوعية تفكيره يعني بس هالموقف الي بتعرفيه وتضمنيه صدق نفاق



اما ملوك عن جدا كرهتها لابعد حد على تفكيرها ومقارناتها بين عناد وياسر .............. كأنها ماصدقت هالشي يصير بس اتمنى عناد هالمرة مايروح لها لانها جرحته بأتهامها وهي متأكدة من برائته بس غصب تبغي تصدق اوهامها المريضة وتطلع عقدها الي مخزونة براسها خليها تدلف زان شاء الله ماترجع لعناد لانها ماتستاهله زادت همومه هموم المسكين هو من وين يلاقيها بدل ماتوقف معاه بسبب جرحه من كلام اخوه القاسي تقوم تشيل خلاقينها وتروح عنه صدق ماعندها وفء ولا اخلاص ولا حس بالمسؤلية

عناد هالمرة مابيجي عندها ولا بيبات والمسكين بيتعذب من فراقها لانو حبها بس هي صدمته واتهمته مثل جسار وكملت بظلمه مو كافي ابوه والي سواه اتوقع انها بتجلس الين تنكشف الحقيقة وبعدين بتسوي حالها مهتمة وبتراكض وراه بس هو لازم مايرضى بسهولة لانو هالمرة ماغلط وخليه فاضي لامه وينسى ملوكوه حتى لما تمنى تجيب له ولد منها دبت الكلام بدون ماتراعي مشاعره وكأنه شي معدي وتحججت بالاستقرار الي هي زعزعته بعقلها الغبي والصغير والظاهر راق لها لقب مطلقة للمرة الثانية وتبغي تحمله

يمكن ياسر من قهر يروح لخالته ببيت خاله وهناك بتكون ملوك والله يعين اذا صادف عناد طالع اتوقع عناد الي بيشك هالمرة انها متفقة مع ياسر يمكن اذا عناد ظلمها مثل ماظلمته تحس على نفسها وتصحى من غبائها


ام جسار هذا كم يوم بعد فيها ريان عنها او خبر انو بيهاجر وبيسافر جننها وماتحملت الفكرة اجل كيف الغيوض الي عذبوها وهي كانت السبب في طلاقها من سطام بسبب غيرتها واتوقع انها كانت تبعد عناد عن ابوه بس علشان الشبه الي بين الغيوض وولدها وهي تبغي تنسي سطام الغيوض ولذلك كانت كثير يسافرون ويتركون عناد يتعذب بدون رحمة ............... خليها تذوق حرقة الام على فراق ولدها وتشوف كيف يعذب ويحرم الام حتى من النوم


اتوقع بتصير مواجهة قوية بين ام جسار وسطام وجسار بيكون جاي من بيت الغيوض وبيفتح الموضوع او بيسمع كلام امه انها ماتسمح لسطام يبعد ولدها عنها مثل مابعد عناد عن امه وجسار اصلا بيكون عنده شك او متأكد بسبب الصورة الي بيسأل الغيوض عنها وعناد بيكون راجع من عند ملوك محطم وبيجي لجدته وبتنكشف السالفة كلها


لقاء جسار بالغيوض جدا مؤثر لابعد درجة الغيوض تذبح القلب هذا اذا جاء لقائها بعناد كيف بتكون حالتها اكيد بتنهار وهو بينها ر بعد .............. اتوقع جسار يشوف صورة عناد الصغير وهو نسخة من رعد بس هل جسار من الصدمة بيخبرها بهالشي اتمنى والغيوض تصر انها تروح معاه وتواجه ابوه وجدته وبيكون عناد جاي واكيد عناد القوي بينها ر اذا يوم يشوف رهف بغى قلبه يوقف وحالته كانت حيل صعبة كيف اذا التقى بأمه ................ اكثر شي متشوقه له هالقاء وهاللحظة ماادري احس بتستنفذ منا طاقة بسبب المشاعر احس يبغي لها بارت طويل لحاله

بس ماشكله البارت الجاي بينكشف الستار لانو جسار بينشغل مع ست الحسن واللال وشروطها وزواجها منها مستعجل على التعاسة بس لازم يحل السالفة زواجه من وجه الفقر بعد اسبوعين وهو يقول بيسافر يعني بيخلي بناته وبيهج مع هالضبعة لاكملت على هالبنات المساكين



ضمضم في انتظار بارت بكرة بكل شوق ومافيه من مفاجأت واكيد بينتهي بقفلة قوية ومشوقة للسبت

صباح الورد ضمضم

بارت كان نفسي القى له اسم لكن احداثه متضاربه يصعب فيه التسميه

تضارب الاراء بين مقرن العاجي وحفيده ياسرحول شخص جسار لكن متفقين ان الظبي ما ياخذها الا الي يستاهلها

مقرن ابعد نظره من ياسر في عدة نقاط ابرزها

جسارمطلق صحيح وعنده اطفال لكن سبب طلاقه من زوجته اشبه بموتها يعني لا يمكن بأي حال ان سيوف ترجع ومقرن عارف شخصية بنته انها لايمكن انها تكون الا زوجه وحيده لزوجها

شخصية جسار والظبي فيها تشابه من ناحية الذكاء والا عتزاز با النفس وقوة الحجه

حتى ان الشخص الي قال عنه ياسر خطب الظبي ما التفت مقرن لكلام ياسر عنه ولا حتى الظبي والسبب في رأيي

ان الظبي واثقه ان كلام مقرن ابعد با التفكير من ياسر

حتى مقرن يوم كشف اوراق ياسر قدامه وانه ما كان يجهله تصرفاته له مغزى من كلامه ماهو كسر ياسر بكلامه لكن بيوصل له ان جسار مستقيم حتى لوزوجته كانت عوجه

ولا ضرك يا ياسر حركاتك لأنك رجل

ولا سيوف اشكلت على جسار بسلوكها الاعوج وهم اصلن ما يعرفون ان سيوف كانت تحاول توقع عناد با الخيانه لاابدآ حكمهم عليها من افعالها بمشغلها قاسو عليها انها الي تلعب بشرف بنات الناس وخانتهم من خلال الي سوته

الأكيد انها لها سوابق با الخيانه بنفسها

موقف بتال جدآ متوافق مع شخصية بتال لا ظلم ولا خلط للأوراق مع بعض مهما كان الخلاف الحق حق

وجسار رجل ما ينعاب

موافقة الظبي المشروطه اتوقع انها بتجي على موقف الشوفه الشرعيه وتفرض الظبي شرطها واكيد جسار بيوافق عليه بعد ما يشوف جمال الظبي لكن عسى بس ما يقعد يقارن بينها وبين سيوف

ولاهو سبب طلاقها من طارق لأنه صديق طارق وعارف جزء من المشكله

اتوقع الشرط له علاقه بتجارتها او انها بتحاول تعرف منه شخصيآ سبب طلاق سيوف ومنه تحكم على جسار؟!

ملوك وعناد والوضع جدآ صعب ملوك كانت مجروحه من ياسر وجرحها جرح خيانه يعني ما استغرب انها تنصدم من الي سمعته عن سيوف حتى لو برر لها عناد الي صار
موقف عناد وسيوف ماهو الا كشف عن جرحها من ياسر حتى لو ما كان جرح من عناد

جرح ياسر كان مؤلم لها في نظرها لأنها كانت تشوف نفسها انثى كامله جرحت بخيانة زوجها مع عدة نساء

والي سمعته عن عناد كان مثل لمس الجرح القديم حتى لوكان المقصود تطهير ها الجرح وان الرجال ماهم واحد مثل مافيهم الخاين فيهم الوافي لكن في كل الاحوال الشعور با لألم ما نقدر ننكره او نتجاهله ....



حركة شفتيها بألم\عناد ابي آنام الليله عند اخوي مناف وعند عمتي فلك..؟

خروج ملوك من بيتها لبيت اهلها وخروج ياسر من بيت اهله
هل بيجمعهم نفس المكان

ويحول موقف سيوف من مهاجمه الي مدافعه او ان بيكون في هذا الاجتماع الغير مرغوب من كل الاطراف فيه المرهم السحري الي بيعالج جروح الثلاثه

ملوك وعناد وياسر

مواجهة جسار في ام عساف لقاء جدآ مؤثر وصوره بدت تتضح من مقارنة الشبه بينهم

لكن عسى ياسر ما يجي ويحوس الدنيا طالع من معركه مع جده بسبت جسار يجي في بيت نسيبه ويلقاه بوجهه اتوقع بتصير مذبحه

جساروياسر الاثنين وصلو نص الطريق بمعرفة شخصية عساف الحقيقيه

لكن من الي راح يسبق الثاني لكشف الستار

او ان ام عساف بزواج الظبي هي الي راح تكشف ستار الحقيقه وتلقى ولدها

ننتظر ضمضم البارت القادم بشوق

والف سلامه عليك

صباحكم قطرات ندى
تلطف الاجواء وتخفف من هالغبرة الي تاعبتنا

اسفه بالنسبه للبارت السابق ماعلقت لعارض صحي الم بي لكن فيه نقطه
حابه استفسر عنها هل قصة زواج سطام تنتهي عند كذا ولا وراها ماوراها
عندي احساس اذا فيه شي ان سطام ماتزوجها لهالسبب الي ذكره لساره وكأن
عنده خلفيه مسبقه عن الغيوض اما شكلا او سماعا يعني فيه حب مسبق لها وتزوجها
كغطاء بعقاب ساره لتركها له وايضا ان المصارحه الي تمت امامها مو هي السبب بس
لفراقهم كان ساره ادخلت بطريقه ثانيه هي الي خلت الغيوض تعند وتوقف على رايها
وسطام يقرر يحرمها من عساف ويمكن الجده هيا لها سبب يمكن كونه وحيدها ولانه مااحب
ساره الحب القوي ولما شافت حبه للغيوض تدخلت مشاعر الحب المتملك بالموضوع وصارت
المشكله بتخطيط من الجميع وتفرقت الاسره على هالاساس طبعا هذا كله يرجع لفرضية ان
قصة زواج وطلاق سطام والغيوض توقف عند هالحد او لا ؟؟؟؟!!!


الحين نرجع لبارت السبت :
قسم قسمات يااني ودي افجر راس شيبة قريح واخرمها زي الجبنه الفرنسيه بعصاه
الي طق بها كتف ياسر عشان معزته العله الي ماينعرف لها يوم شحلات ياسر عاقل وفاهم
ويوم عرقه البراقي قوي ولاينوثق فيه عيله كل يوم براي

( آقـطع واخس يا التعبان )
والله مالتعبان غيرك يالي رجل بالدنيا ورجل بالقبر اقول قوم توكل واقضب سبحتك وتوجه
للقبله صل لك ركعتين ينفعونك باخرتك

( آنتي تحامين بها الـي مافقش من بيضته من مقرن العاجي... )
ودامه مافقش من بيضته ليه حفيت وراه عشان يترك المستشفى ويمسك شغلك ويدير
املاكك مو على اساس انه الفكر الجديد والتطور اللازم للرقي بالشركات يالمخرف

( بينك وبينها....لآ....الموضوع هذا يخص كل العايله ...! )
بعدي والله هذا الكلام السنع يالشيبه مو على اساس انك خايف عليها عقب عينك
ماتنقلع من الدنيا وقتها لو صار شي مو بتلجا لبتال وياسر فكيف تقول الموضوع
بيني وبينك هالمواضيع بالذات ماتكون شخصيه لازم راي جماعي طبعا بعد موافقة
البنت ففيه شي اسمه "وامرهم شورى بينهم " فاللي يغيب عن بالك يتواجد ببال الاخر


( وكزه مقرن بعكازهـ بـكتف ياسـر لـيتراجع ياسـر قليلاً من شدة وكزة مقرن.. )
يالله ياكريم تنكسر عصاه وهو نازل الدرج ويتعكرف على وجهه ويطيح درج البيت كله
ويتكسر ويتدشدش ومايبقى فيه عظم واحد سليم >> قلبت مناير على غفله خخخخخخ

( وماهو بذنبه آذا مسك عثرته واحداً ب جنس فعولها ربان...! )
(انت تحسب اني غافلاً عن دروب الـردى الي تمشي فيها..! )
هذا الي باط جبدي اذا هو غلطان مرة فانت غلطان الف مرة دامك عارف انه سلك طريق
الخطا فهذا اكبر غلط منك تدري ليش لانه جاء تربى عندك من هو 15 سنه يعني بهالوقت
الواحد تتكون شخصيته وتتوجه الاتجاه الي تمشي عليه بالغالب ففين كنت عن توجيهه للصح
ليه تغافلت وانت على كلامك ماتخفى عنك دبة النمله ورمشة العين عن عتابه وعقابه
الغلط راكبك من ساسك لرجليك يابونسب مناطح الغمام ياشين الغرور لازاد بس

( آدوسك تحت رجلـي..و...آخفيك بسابع ارض لو تدري..! )
فيه مقطع لبيت لشاعر يقول :علمته الرماية فلما اشتد ساعده رماني
انتبه منه كثير يامقرن لان ياسر خبز ايدك وتعليمك الي شربته له سنين
لازم مايبين خصوصا ان فيه نقطه بقلبه فيها حقد عليكم من ناحية البراق
الي تعتبرونهم عار عليكم وتعايرونه فيهم

( لآ بارك الله بهبال ها الولد.. )
لابارك الله فيك ياشيبة عرعر لاتدعي على ياسر ولا حتى على هباله مالك شغل فيه موليه


(أختك ماهي راعية فضايح ياولد ابوي...وهذا الي عندي...والشرط بيني وبينها..مافيه ثالثاً الا ابوي...وبس..! )
على بالك انها معبرتك او ياسر لا يالدلخ هذي متى مابغت استعانت فيكم ومتى مابغت اعطتكم اكبر طوفه
احلى شي تسويه انت وياسر تطنشونها هي وشايبها ويكون شعاركم فيهم ياداخل بين البصله وقشرتها
ماينوبك الا ريحتها والله لابق عليهم المثل هالاثنين كانه مفصل تفصيل فيهم

( شرط خاص فيني وفيه وانتهينا. )
ياربي منك ياضمضم ماتتركين طبعك يعني شنو بيكون شرطها ...!!!؟؟
اكيد فيه شي يفرض شخصيتها وسطوتها يمكن تطلب انها تستمر بشغلها وادارته لان
عندها فكرة بسابقة سيوف وطبيعي انه مايخليها تشتغل فهي بتستبق الاحداث وتفرض رايها

( مابال تلك الكراهية المبطنه بحقد.. آنقلبة عند والداها لـكميه كبيره من الاعجاب الشديد.. )
نظرت الظبي لاصرار والدها خلتها ترجع عن قرارها بعد ماخلت ياسر يقوم البيت ومايقعده
لانها عارفه بغلاها وان ابوها يبي لها الخير وين ماكان طبعا انا الموقف ككل مانرفزني منه الا
الهجوم الكاسح من العله على ياسر فمهما كان النقاش في هالموضوع ماينبدا ولا يستمر بهالعصبيه
المفروض فيه هدوء ونقاش حضاري بين جميع الاطراف حتى تتضح الرؤيه

الحين الظبي بكلامها ونقاشها مع نفسها بدت تفترض الموافقه لانها تدري انه رجال كفو ووالنعم فيه
ونجي للنقاط المشتركه بينهم طبعا جمال الظبي نقطه حلوة لكن ممكن تكون سيئه عليها لان سيوف كانت
جميله وكان يحب جمالها وهنا بيحس ان الجمال نقمه عليه مو نعمه فبيتحرز منه غير انهم الاثنين مرو
بتجربة حب فاشله فبيبدون حياتهم على اساس واقعي وفرض اراء حتى مايضعفهم الحب ويجرحهم
التساوي من ناحية قوة النسب والمركز المالي فهنا مافيه حد احسن من حد
الشي الوحيد الي يفرقهم ان جسار عنده بنات من زواجه الاولي ويمكن هالنقطه لصالح الظبي لانها
محرومه من الامومه وبقوتها امامه بتفرغ عواطفها وحبها المكنون للتؤم ومن هنا بيشوف الي
هي مخبيته عنه وغصبا عنها بيبان لان الحنان الطبيعي يبان غير المصطنع

نحول الحين على العله الثانيه ملوك وسخافاتها
( قبلاتٍ آستيقضت عليها لـتنكمش بـ حزن عميق...! )
والله شكل جلدك صار سميك وماتاثر فيه الرقه شكلك اشتقتي للحزام والمكافخ والتهزيء
صدق حريم ماينعطون وجه يعني سنة مالرجال ربي فرجها عليه وبدا يتغزل فيك صديتيه
تستاهلين المرة الجايه مابتجيك الا على جبهتك يوم يغسلونك ويحطونك بالقبر

( ..لما نبهتني ولـبسها الي كان خفيف قدامكـ...! )
يعني اشد شعري ولا انتفه بالله هذي ماتسمع ايش تقول بلسانها تقول لمــــــــا نبهـــــــتني
فماادري كيف اوصف حالتها من جد عاجزة عن وصفها قمة التخلف والغباء


(لآ تدري لما تلك الذكرى القديمه.. لـخيانات الـرجل اصبحت هاجسٍ يسكن جوارحها.. )
مسكينه هالشماعه الي اسمها ياسر كل من عنده مصيبه قطها عليها
ابي افهم من هالمنظور المعوج لملوك فين الخيانه متواجده فيه عجزت ادور واقلب
يمين يسار ماشفت شي انتو متاكدين ان هذي دكتورة بصراحه اشك من ضيق افقها

( مآعندي مانع.و..بدال الليله اسبوع..او شهر اذا تبين! )
هههههههههههههه ابشري ماطلبتي شي على بالك بيجي يبوس الايادي ويطلب الرضا
هههههههههههههه مسكينه ضيعتي العنوان انت عند الجلف المتسمي بعناد

( كله من ابوك كله من ابوكـ... )
الا من عملكم الردي ويامالكم من الخير انتو انتظرو بس والخير جايكم

جسار والغيوض :
( جـدتي...! )
وااااااااي ياجسار مالقيت غير العقل المدبر تروح تساله


( لبيه يمه..!!! )
ايش الاجرام الي ارتكبتوه بحق المسكينه حراااااااام والله قطعت قلبي عقبال العلل
مايقطع قلبهم عناد بالانتقام والجفاء

( .وانا عسافك لـين تـضمينه بصدركـ..و..تروين عيونك منه..! )
اي حظ نزل لك من السماء ايتها الظبي لعلك فقط تقدرينه وتعوضينه عما فات
>> خخخخخخخ ادري ياشيني لا قمت اتفصحن بالعربي

جسار يارب تكون اشطر من ياسر وزوجته الخبله رهف وتحل مشكلة هالضعيفه
وتلاقي لها ولدها الضايع مع اني اشك انه مايصير الا وهو بالمهمه السريه

ضمضم الله يسعدك ويعوضك خير على تعبك ومعاناتك معنا ننتظرك باي
وقت واي مكان وعاذرينك ومقدرين واعذريني على غيابي غصبا عني فالعذر والسموحه منك

رابطـــــ ياســـــــــــــر ــــــة