يالبااا قلبك ياضمضم
يازينك ويازين هداياك كثري لنا منها جازت لي واجد
في انتظارك السبت

السلام عليكم ورحمة الله

الله يجزاك خير على هالهديه وجعلها عادة ماتنقطع تراتي غنيه واحب الهديه

اه وش راح تسوي يا سطام والسر الي حاولت تخفيه راح يظهر
اللحين عرفت ليه ام جسار بعدت عناد عنها لا ابوه كان يحب امه وحاولت انها تنتقم منها في بعد الولد عن ابوه عشان لايفكر في غيوض

الظبي على ايش رافعه خشمك وما تبين جسار بس ان شاء ان جسار راح يدق هالخشم ويكسرة لك

ياسر والله ان قلبك ذا هو اللي راح يضيعك زي ماضيع منك ملوك الخوف اته يضيع منك رهف فياليت انك تترك عن سوالفك ولا تفكر الا في زوجتك

ادام الله فلمك
و رفعك به في اعلى علين
و جعله حجه لك لا عليك

صباح الورد

بارت رائع ضمضم


الظبي ورفضها لجسار ماهو لشخص جسار لكن كان لوقوف جسار ضد ابوها ولوبتوافق هو من ضغط مقرن عليها
وغلط مقرن انه ما مهد للخطبه على طول المفروض انه قبل يفتح موضوع الخطبه بوقت كافي حاول انه يزين صورة جسارويغير مفهوم الظبي عنها
المشكله الحين ماهو بموافقة الظبي يمكن مقرن وياسر وبتال يضغطون عليها توافق وبترضخ لهم

لكن اذا تم الزواج كيف بتكون الحياه بينهم جسار مقرن هو الي عرض الظبي عليه

والظبي توقعت ان جسار هو الي تقدم لها من نفسه وافقت با لضغط عليها

اتوقع الحياه بتكون بينهم مابين شد وجذب

لكن بنات جسار بيلقون في الظبي نعم الأم المربيه

زواج سطام من الغيوض
تزوجتها ياهانمـ عشان آرجعك لـبيتك واغيضك مثل ماغضتيني ورحتي لـ اهلك وماكان فيه شـي بيرجعك لـي الا هذا الشي..

الغلط مدري على من في ها الموضوع هو على ساره الي استفزت زوجها حتى تزوج عليها

والا سطام الي مالقى غير ها الطريقه علشان يأدب زوجته ماخذ بمثل ادب النساء با النساء

والا الغيوض الي رضت انها تكون عصا تأديب بيد سطام على ساره

ومن كان الضحيه بعد ما هدت العاصفه بين ساره وسطام ولد الغيوض من سطام

مشكله حقيقيه بمجتمعنا وهي تعدد الزوجات لأي سبب وكثير نشوف بنات رضو بمعدد وبعد فتره يتطلقون ويشتكون ويدعون على الزوجه الاولى ويحملونها سبب الطلاق

واحيان لا يسحب الزوج على الزوجه الاولى والي خلفوها وبدال ما يكون الموضوع تأديب لا يتحول الموضوع الي نفي نهائي من حياة الزوج...

الغيوض مارضتها لنفسها لما واجهتها ساره انها تكون عصا تأديب وانسحبت من حياتهم

وبدلت موقفها بتحدي لسطام كان الضحيه فيه عناد .....


آردفت الغيوض بوجع ويدها تعانق يده\تكفي عبد المجيد اعزمه لـهنا ابي اشوفه..يمكن يشيل من ملآمح عساف والا من ريحته لو القليل..
تكفى عبد المجيد..!

السباق المحموم الي بين اكثر الابطال مين الي راح يكون حلقة الوصل بين عناد وامه

جسار اذا وافق على عزيمة عبد المجيد وطلعت له الغيوض بما انها زوجة ابوه السابقه واكيد بتسلم عليه ويشوفها راح يربط الشبه بينها وبين عناد

او انه بيشوف صور عناد وهو صغير واكيد في صور مشابهه عندهم بصور العائله ومن هنا بيعرف انها ام عناد

اوان ياسر بيحضر عزيمة عبد المجيد لجسار ويتفاجئ ان ام عساف بتطلع لهم وهو الي بيكشف الموضوع

او يمكن ساري او مقرن بما انهم يعرفون بزواج الغيوض من سطام لكن ما يدرون ان لها ولد مفقود

او قبل العزيمه في جلستهم هذي رهف تفك عنها فهاوتها وتقول لأمها ان اخو شهد الراسي يشبه اخوها احمد وبينحل الموضوع قبل العزيمه ...


ننتظر نهاية سباق الابطال على كشف وجود عناد للغيوض




هدية لأحلامي كبيره

من قال لك : في مجتمعنا مساواه
لا يقنعك .. ولا تصدق كلامه..
(الرجل) اذا اخطا نسينا خطاياه
و(البنت) اذا اخطت تقوم القيامه ..


مبدعه ضمضم

ولي عوده مع تسألك احلامي كبيره عن ليش الزوجين ما يخلون مشاكلهم داخل جدران بيتهم

صباح الخير ضمضم ............... كيفك ياعسل وكيف رجلك ان شاء الله احسن ..........بصراحة ماقصرتي يالغلا رغم الظروف الي تمري فيها وانشغالات اغرقتينا بكرمك الفياض ............ يعني هذا الاسبوع ثلاث بارتات غنية بالاحداث شي كثير وربي ماقصرتي تسلم ايدك على هالابداع ........... حبيت اعلق على البارتين مرة وحدة بما انو نزلو ورى بعض وعلشان اعطي كل بارت حقه مااحب اعلق على الماشي ............ حبيت اهنيك يالغلا على التكريم الي تستحقي اكثر منه وبجدارة .........


مدخل ابارت جدا جدا رائع .........قريته اكثر من مرة من كثر ماعجبني ودخلت جو معاه ............... نجي للبارت



ام جسآر بحنق شـديد وهـي تصـده بـ آطراف اصابعها بقـهر..
لـينتفض بوجع\يمه ..!
ام جسآر بـحزمـ\وآنت تعرف ها الكلمه وش تعني عشان تقولها بـها الحرارهـ..!
جسآر بملآمه\الله يخليك لـي..وش مزعلك فيه..ليه تصديني كذا..
يمه تدرين اني ماقوى زعلك انتي بذات!
ام جسآر\كل الـي كان تحت وصـلني وانا في مكاني...هاجـر اخوكـ و ماتكلمه..
هاجـر عناد...!
وآنت عارف وش كثر عناد حسآس ويتوجع ومايـظهـر شـي...
ومـع كذا تحمله كـل شـي..!


عجبتني ام جسار في هذا الحوار وهي تدافع عن عناد لانو فعلا هو مظلوم وكره جسار له عذاب ومرار لعناد وربي اكثر شي قهرني في جسار كلامه القاسي ةهو الي عارف اخوه لانه قريب جدا له عارف معاناته عارف كيف هو حاس بالنقص بسبب معاملة اهله المختلفة عن باقي اخوانه ............. جسار كان دايم مع الحق بس هالمرة من قهره خلط المذنب بالبريء .............. هو من البداية كان يتسائل عن سبب كره عناد لطاري سيوف ومافكر بيوم يعرف السبب ........... واتوقع انو حتى بعد ماعناد طلق عبير مااصر انو يعرف السبب وانو الحية هي السبب ........


واصلا قرار زواجه من الظبي في هالوقت بالذات قرار متسرع جدا اصلا دامه شايل كل هذا بقلبه ليه يدخل نفسه بمشاكل هو في غنى عنها واختياره لهذي الانسانه بيخليه يندم قد شعر راسه لانها تبادله بكره كبير جدا وراح تكون حياته جحيم معاه بسبب غرورها وسلاطة لسانها ................ واتوقع انها بتخبره انها سعت لكسر قلمه وبتعايره بالي سوته سيوف وهنا بتكسر جسار لانو مااعتقد حط بباله انها عارفة خياس سيوف بالمشغل بس هو الي جابه لنفسه ...........


ق هذا خاطب لـي وحده..آهلها مـدري وكيف وشلون صـرت تحبهمـ وتبي قربهمـ...

وهذا الي يخلينا فعلا نتأكد انو جسار الماضي القوي صاحب كلمة الحق انتهى ............. للاسف ماعاد ننتظر المقالات الي تنصر الفقير من جشع التجار وهذا الشي الي حاز بخاطري واتمنى انها فترة ويرجع اقوى من قبل ومايجامل احد على حساب صاحب الحق مهما كانت هويته


احسن مافي الحوار الي دار هو انو جسار فتح موضوع اخوه الضايع ............. واتمنى انو كلام ابوه لما يناقشه مايثنيه عن الي براسه ............. واهم نقطة انو يزور عبدالمجيد ببيته وقبل مايلهي بمشاكله مع الضبعة الي مابتخليه يرتاح يوم بعد زواجه منها .............

جسار لما يزور عبد المجيد اتوقع بيشوف صورة عساف الي شافها ياسر واكيد بيشوف الشبه الكبير الي بينه وبين رعد او حتى عناد لما كان صغير وهنا راح يعرف جسار انو عناد وعساف واحد بس كيف بيربط الخيوط هل بيواجه عبد المجيد بهذي النقطة او بيتكتم الين يواجه ابوه اتمنى انو يخبر عبد المجيد وهو والغيوض يروحون لبيت الراسي ويواجهون سطام وامه وعناد بعد ييكون موجود لانو مااتوقع سطام بيخر السالفة بسهولة الا لما يتواجهون كل الاطراف ووجود عناد دليل كبير لانو الشبه مستحيل يكون بين احمد وعناد بدون رابط ساعتها بس بتكون المواجهة قوية احس يبغي لها بارت كامل لحالها ............... بس موضوع زواج جسار السريع الي اتمنى الظبي تطول مدته بعنادها وغرورها احسه بيأخر الموضوع غير سالفة السفرة الي ماادري ليه الله يستر مانبغي شي يأخر ظهور الحقيقة نبغي نعيش مع عناد او عساف وهو مع امه وقت طويل نبغي نحس بنفس احاسيس الغيوض وعناد بحضنها وهل بيغير اسمه اعساف احسها جدا صعبة لانو الاوراق الرسمية تبعه لاوراق ولده لعقد زواجه لاوراقه الرسمية بالعمل صعب جدا يغيرها ..............ز



لآيدري لما آصـر
على زواجه السريع هذا..
لآ
يدري هل هو انتقام لكرامة أهدرت..!
ام
هو آختلآء روح خاويه بآت يشعر به..
ويريد احد يشاركه ذاك الاختلاء..
لـيمارس طقوسه عليه..!

والله تحلم كثير ياجسار انو الظبي بكل سهولة بتتنازل وتشاركك مرارة حياتك اصلا ببداية الزواج بتعيشك بجحيم وبتسمعك الكلام الي عمرك ماسمعته وتستاهل على هالزواج الي تسرعت فيه

لكن السبب الأكثر أهميه وأعظمها
أنه يريد لـ أبنتيه
آمرأهـ تحتضنهمـ بدفئ...
وتبقى عينه تراقب ذاك الدفئ ف لآيتحول لـصقيع..!
فـ
منظرهم بهذا التشتت الكبير..
يقطع اجزاء روحه ويقسمها لمئات الآجزاء..

يمكن هذا الشي الي ممكن تسويه الظبي بحياتها لانو ممكن ماعمرها تصير ام بيوم وهنا بعد غلط كبير لجسار لانو بكذا ماراح يجيب اخوان لبناته والظبي مستحيل ترضى لنفسها بشريكة حتى لو العلة فيها


قـلب علبة السجائر بين يديه ب حرقه غريبه
تتخلل روحه..
لتستوطن اعماقه...
آرتفع بـ السيجاره لـيضعها بين شفتيه..
فـ
تعبـر رائحة عطرها التي سكنت كـفه..
و
تعبق بـ آنفه وصـدره...
والله موقاهرني ياسر الا بهالزفت الي ماتفارقه بيحرق صدره من هالدخان الاغبر ياليت رهف تخليه يقطعه على طول بأيده سولء معصب والله مهموم والله مروق الله يعين


لآ
يدري لمـ تركها بتلك الطريقه ولمـ
يجبرها على المجئ معه..
فـليس لها مبيت الا ب آحضان زوجها
حـتى وان كانت غآضبه منه..
فـ
حل المشاكل بتلك الطريقه لآيجدي نفعاً
فـ
ما الفائده في ان يتدخل الكل بحل مشكلة كـ هذه..!


ياسر بمدة بسيطة بدى يحس انو رهف صارت تعني لحياته شي وهذي هي ليلة وحدة واشتاق لها وغيلبها اثر فيه مع اني ضد انها تتركه لاي مشكلة هي بهذا الاسلوب بتدفعه يتعود على غيبتها والمفروض امها ماتتركها تبات بعيد عن زوجها وهي لساتها بأول حياتها غير انو المفروض ماتخبر اهلها انو بينهم مشكلة على اقل سبب بصراحة هنا احط لوم كبير على رهف من اول مشكلة لبست العباية وهجت اجل لو كانت المشكلة كبيرة ايش ممكن تسوي ترى هي كذا بتخلي ياسر يتعود على غيابها ويمل من مراضاتها لانو الرجال بطبعه مايحب النكد ولا الحرمة الكثيرة السؤال

الزوجة الذكية هي الي تتعامل مع زوجها مثل الطفل تقدر تحتويه وتاخذ منه الي تبغيه ...........


رهف ب صوت مبحوح\يبه الله يخليك...قلت لك ياسر يبيني اجلـس يومين عندكمـ ليش ماتصدق..
عبد المجيد بصرار\رهف ماصدق لن توكمـ عرسان...كيف يتركك يومين والبيت جنب البيت...؟
ام عساف وهي تقطع قطع البرتقال لتمدها له\حبـيبي اتركها على راحتها ماقالت الا الصدق فديتكـ..


هنا انا ضد رهف وامها بدل ماتوقف معاها تخبرها انها تقدر تجلس معاها الوقت الي تبغيه بس ماتبات بعيد عن زوجها وكافي ليلة وحدة ولو هم مثل غيرهم كانو سافرو شهر عسل وهذا الي المفروض يصير دام مقرن جالس يدور العرس لبنته المدلعة ماله حق يمنع ياسر يسافر مع زوجته بدل السفرة الي خربوها عليه

ورهف مكبرة السالفة بعد ماعرفت انو كان مملك اعتقد هالشي مو من حقها تزعل عليه اللوم على ابوها الي ماصدق انو ياسر خطبها ولاسأل عن ماضيه اذا كان تزوج او لا وخصوصا انو عمره مو صغير واذا كان يدري موذنبه انو ابوها ماخبرها وبعدين هالشي مايعيب الرجال حتى لو كان عنده عيال فمابال اذا كان مملك بس واذا كان يحبها ويعشقها بعد ماتقدر تلومه لانها كانت حلاله بيوم وشي طبيعي لو حبها يعني ماتقدر تزعل عليه لهذي الاسباب

واتوقعها بعد ماترجع لازم بتدور ورى ماضيه وعاد مناير دامها رجعت بتخر الاولي والتالي مع بهاراتها المعهودة وخصوصا اذا الضبعة دلفت بيت زوجها وساعتها مااستبعد على رهف تطلب الطلاق



.
يآسـر بقلق\مـريت خالتي... اليوم خالتي ماعجـبتني..تاعبها الحمل ..,
بتال\ايه شـوي مرهقها..و..صآيره مالها خلق احد..
آبتسم يآسـر بخبث\لآ يكون الليله لليتها وطاردتك هي ..؟
بهدوء\شكله الليله وكل لليله..!
آستدار ياسـر ب استغراب\وش تقـول..؟
حرك كتفيه بتال بـصمت و ببرود................. والله الي جاك قليل بحقك يابتال والظالم مايلاقي الراحة ابد


حرك كتفيه بتال بـصمت و ببرود..
لـيشتد ياسر\بينكم اجل زعل.. آذا دلع مادلع ماعليك منها..شـد عليها..
خآلتي فلك ها اليومين مع حملها صآيره ماهي طبيعيه؟

والله ياياسر لو تدري بالي تاعب قلب خالتك ماقلت هالحكي من وين يجي الدلع وهي من عرفت عمك واهله ماشافت الفرحة عمرها كله ضاع احلى سنين عمرها راحت بسبب ظلم وسبب عنجهية مقرن جعله مايلاقي الراحة بباقي حياته ابد ............ جعله يذوق مرارة قلب فلك اضعاف مضاعفة


آبتـسم \مشكلتي انا وخالتك...الـبعد خيره لنا...لـما رجعنا لبعض زاد وجع قـلوبنا..وماشفينا...
شفت شقى اكبر من هذا الشقى...
آذا قربت انتحرت واذا بعدت آختنقت..!

والله هذا الي تعرفه اللوم والبعد والحقران لفلك بس مع محضوضة ومبروكة لهم السفرات والهداية والاحضان وتطييب الخاطر تبغي من فلك تعطي بدون ماتاخذ يعني عطاياك لغيرها علشان تحسس حالك انك معوضهم عن الحب بس فلك دام الحب لها مطلوب منها ماتشتكي ولا تعترض ولا تغار حتى لو كان السبب هو انت صدق اناني بس بعد فلك عنك بعد رجعتها لك بيخليك تعرف انو كرامتها فوق كل شي وبما انو مالها عازة بحياتك لاتضيق خلقك لانو انت بعد ماعاد لك عازة عندها



اما ملوك اتمنى تسمع عناد قبل تحكم عليه من منظرها هي يعني من حقه يدافع عن نفسه ولاتقارن بينه وبين ياسر وتحكم عليه بالجرم على الاقل ياسر كانت متأكدة منه بس عناد سمعت من غيره ولاشافت منه شي ياسر طول ماكانت معاه شافت بوادر الشي الين تأكدت بس عناد الي عاشرته وعاشت معاه هالشهور مالفت نظرها شي مريب بأخلاقه اصلا لو تقول لفلك عن هالموضوع فلك بتوقف مع عناد وبتخبرها انو سيوف ليلة زواجها تبلت على عناد واتهمته راعي حريم وهذا اكبر دليل انو بريء لانها كانت مقهورة منه وتبغي تخرب سمعته بليلة زواجه

لـتهذي بوجع\لآ سـلامتك بس الكلام الي دار بينك وبين جسار و ابوك وصـلني ..!
هذا بـس الي فيني..!

هذا هي قالت ابوك يعني ليه ركزت على كلام جسار واعتبرته الصدق وتركت كلام الشاهد الثاني ومافكرت فيه على طول اتهمت عناد بالخيانة وبعدين جسار لما قال كلامه عن سيوف سبب تفضيلها له عليه اكد لانو مااعطاها مجال وانو كان يصدها يعني اكد برائته ليه هي تدينه وهي سمعت الي انطعن يأكد على برائته والله هي سمعت الي تبغيه ويرضي تفكيرها المريض ويأكد عقدها شافت الوضع بينهم هادئ حبت تجيب نكد مثل اول يوم هي على ذمه ياسر وربي ماادري ايش الي محببهم بوحدة تجيب الهم

ماحبيت اوضح هذا الشي لـ احد ..
لأني ماقدرت اقول مرت اخوي وحده ماتخاف ربها..
و..
ماهي صاينه عرض اخوي...!

بصراحة موقف عناد صحيح وغلط يعني دامها تمادت اكثر بعد زواجه كان لازم يكون في طرف ثالث عارف حقارتها بس في نفس الوقت صعبة انو بسهوله يفضح زوجة اخوه يمكن لو مافي بينهم عيال بيكون الموضوع اسهل ممكن بسبب خوفه انو يحرم بنات اخوه من امهم ويعيشون بحرمان مثله وضميره يتعبه كل ماشاف حالتهم هو الي منعه غير انو حب يعطيها فرصة بس الي مايبغي الستر رب العالمين مايستر عليه


ماهي صاينه عرض اخوي...!
آنفـجرت بوجع\قول لـي انا....خبـرني انا...
آذا ماقلت لـي عن هذا الـشي من تقول له...؟
آذا ماعرفت انا بهذا الـشي ليش اكون زوجه لك...
كيف تبيني اصدقك الحين...!


كلام ملوك منطقي فعلا المفروض مايكون بين الزوجين اسرار لانو سهل يجي احد من برة من صالحه يخرب بينهم ويألف اكاذيب بس بعد عناد ماينلام لانو فترة ملكتهم ماكان بينهم ذاك القرب وتزوجو بسرعة مامدى يعرفون بعض غير بدايه حياتهم الي كانت بسبب غيرة عناد يعني الوضع ابد مايساعد وعناد ماكان عارف تفكير ملوك يمكن ماتصدقه او تروح تفجر الموضوع عند اهله وتصير فضيحة ماتنلم والي بيضيع فيها بنات اخوه الي العار بيلاحقهم للممات يمكن كذا صار الموضوع حصري بالعايلة وماحد عرفه واتمنى انو حتى الظبي ماتعرفه بالمستقبل لازم يندفن والي عرفته كثير عليها


آبعدته بوجع\آصدق...هو كل شـي تبونا نصـدقه تقولون لنا صدقوه ونصدقها احنا على طول..!
مآ آصدقك ياعناد مآصدقكـ ومستحيل اصدق رجال...
قـلبي آحسه بينشطر نصفين منك...
.
ملوك هنا اكبر غبية وتبغي بس مشكلة وسبب علشان تحس انها دايم المظلومة والمخدوعة ......... تبغي غصب تفتح الماضي للاسف مافيها فراسة الحريم الي يفكرون بعقولهم تفكيرها بس من الماضي ومن عاطفتها .
آحتضنها بشدهـ لـيدفنها ب آقـصى آضلعه\ملوك حبـيبتي وانتي تعتقدين ان يمكن آلتفت لـغيرك بعد مآعرفتك..
او
حتى ديني يسمح لـي قبل مآعرفك وبعد..
شـي بديهي مالتفت لوحده رخيصه مثل هذي فوق ماهي زوجة اخوي...

المفروض ملوك تركز على كلمة ديني لانها ارفة انو عناد الي عاشت معاه تصرفاته ابد ماكانت بعيدة عن ربه وهي شافته انو مش متهاون بصلاته والاهم من كذا انو حتى معاها كان مايقدر ينطق كلام غزل ويعبر عن مشاعره واعجابه فيها .......... واكيد لاحظت خجله ببعض المواقف لازم تعطيه فرصة ولاتحكم عليه بلحظة غضب

اما كلامها عن الماضي وعن خيانة ياسر حتى لو جرحت انوثتها بس التقصي كان منها ليه تخبت من المواجهة ليه ماكانت صريحة مع ياسر من اول ماعرفت بعلاقاته وخياناته مثل ماقالت ليه ماحاولت تعطيه الي غيرها يعطيه مو هي انثى وجميلة ومالكة قلب ياسر لاتقول بسبب الخجل ترى الرجال الي يكون بعمر ياسر وزوجته حلاله مستخسرة فيه الكلام الحلو لاتلومه اذا ناظر غيرها حتى لو كانت اقل منها .............. هي تعمدت تسكت لانو ياسر مايعني لها شي تعمدت تأخر الزواج على انو عمرها مو صغير وسنين متملك عليها ........... الرجال الي يشتغل بمكان فيه اناث حتى لو كان كبير بالسن غصب عنه بيلتفت لهم اذا زوجته مقصرة معاه ........... بعض الاحيان نقول كيف خان زوجته وهي قمة الجمال مع وحدة ماتجي ربع جمالها اذا زوجته جمال من برة بس مهملته ماتلبي طلباته ولسانها سليط ونكدية جدا وهو مو مقصر معاها زينها للي برة البيت وهو مايشوف شي من الي تشتريه من فلوسه اذا جات تطلع احلى طلة واحسن عطر ولما تقابله تشيل كل شي عنها وماكأنه من حقه يتمتع بزينها .......... غير كذا كل ماجاء يتغزل فيها قالت له انها مو فاضية لكلام المراهقين ليه خير شتحس فيه ترى الزوج الي مايشبع عاطفته من زوجته يدور بديل عند غيرها وخصوصا الي يشتغلون بمجال مختلط .......... وهي ابد مابادرت لاحتواه وهي اقرب الناس له لانها ماحبته نفس حبها لعناد .......... هذا عناد تزوجها بفترة قصيرة جدا من ملكتها وهي مامانعت ولاطولت مثل ياسر يعني اللوم يشملها هي بعد ............. خلاص لازم تنسى الماضي وماتكرر نفس المشكلة وتتهم عناد على اساس شي صار لها بالقديم .......... والا من حق عناد بعد يعمم على كل الحريم


نجي عاد للظبي وابوها الداهية والي اخذو البارت الثاني كله بس تكفين ضمضم مانبغي البارتات الجايه اغلبها عن الظبي وجسار وربي بيضيق خلقي ماتحمل انتظر البات بكل حماس علشان اقرأ سخافات الظبي بصراحة حرام بعد الحماس ينطفي علشان هالضبعة المغرورة ماتهمنا ولو تختصري وجودها يكون احسن خخخخخخخخخخ

مثل ماخففتي وجود منايروه تقدري تخففي وجودها لانها تجيب الضغط والسكري وتوني بعز شبابي ووحامي شكله جاء عليها ماقدر على طاريها وانا عاد وحامي ثقيل خخخخخخ............ ابد ماتفاول على عمرها الظاهر اشتقت لنومة المستشفى و12 مغذي طول الليل وربي معاناة الله لايذوق هالوحام الي من هالنوع لاحد ؟؟؟؟؟؟؟؟؟؟؟


يدري كيف رغبته الجامحه في
ان يـستحوذ على هذا الجسآر
لـ
آعجابه الشديد ب رجولته الخالصه ومبادئه العميقه
وثباته النادر..

والله ماصار مرغوب ومحبوب الا بعد ماانكسر قلمه صدق يقتل القتيل ويمشي بجنازته بعد ماكان يدور شي يسكت قلمه ويدري بمخطط بنته الخبيثة ........... مااشوفه منعها من هذا الشي ولا قال انو معجب بمبادئه والله يوم صار مايكنب ضده حب يضمن سكوته بتزويجه ببنته الي طاحت بكبده ومو لاقي الي بيرغب فيها لشخصها وهو عارف ومتأكد لو ماعرضها على جسار مافكر فيها اصلا ولاجاب خبر طاريها والموشحات الي يتغنى فيها على بنته قدام جسار بالذات


كيف نسـى تلك الجموح التي عندهـ
كيف يقنع الظبي..!
كيف يقنع تلك الظبي العنيده..!

والله هذي خبز ايدك يامقرن تستاهل الي بيجيك منها والله لايوفقك ولايهنيك على هالبلية الي بليت فيها ولد الناس .......

لاعاد والاسلوب الي من الخوف منها على طول حب يستعطفها ويلف ويدور بموضوع قديم مااشوفه تمنى لو يرجع ولده لحظه ويضمه ويعتذر عن تخليه عنه ونبذه له بهذي الطريقة نسى انو اليوم عنده وبكرة تحت التراب ربي حرق قلبه يوم تجبر وطغى وظلم وياليت اتعظ ظلم عبد العزيز وبتال وفلك وحتى مناير الغير كفئ لعقلية بتال ولايوم يزوج ولده بس لانها جابت بنت او بنتين وهي بعز شبابها الله يذوقه المرار بالظبي الي فضلها على الكل الظبي الي للاسف المفروض تكون متعلمة ومتثقفة اكثر من ابوها الجاهل المتخلف وتكن افكارها عن القبليه والسخافات العقيمة نابعة من انسانة فاهمة وواعية للاسف الظبي ماتفرق عن مناير بالعقل نفس التفكير النسب والدم الاصيل


اتحدى مقرن الي يطامر ورى جسار علشان يزوجه بنته لو كانت كل هالمواصفات فيه وغني بعد بس نسبه من نفس نوع عايلة البراق هل بيكون رغبته فيه نفس ماهو اصله الحالي يعني مقرن ماتغيرهو هو اصلا والافكار نفسها .....


آنتفضت الظبـي وهي تلتقط الموضوع\يبه لاتقول لـي خطبه جديدهـ…الموضوع هذا سـكر عليه…؟
وقفت الظبي لـيقف مقرن ويقترب منها..
ويضع كفه على عضديها لـيجلـسها بقربه\انتي مارفـضتي الزواج كـ زواج وماقفلتي بابه ابد…
انتي كنتي حاطه مواصفات معينه…صح كلآمي او لآ..

وهذا اكبر دليل المواصفات الي بنت البنوت الكتكزته حاطتها وتبغيها بزوجها الثانيييييييييييي بعد طليقها يعني من زود الي راغبين فيها كحرمة مو بسبب فلوس ابوها ومنصبه يعني لو كانت بنت فقر هل بتتشرط وتحط مواصفات


آمسـك آعصابه من الانفلات لـيقومـ بحوارها ب اسلوبٍ يتقنه\اني اجبرك على شـي هذا مآربيتك علـيه...
ومآرضيت احد يكسرك فـ اكسرك انا..
لكن ..انا يا الظبـي ابيه لك..
رجآل يآ الظـبي مثله قليل...
مآتمنيت لك رجآل مثل ماتمنيته لك...
فلآ..تخلين ها الشي بخاطري طلبتك..


لاتكفى عاد ورنا مراجلك الي ماطلعتها الا على بتال ومتحكم بحياته وخارب شخصيته عند جوز الغفر الي من اختيارك كأنو انت الي بتعاشرهم حسبي الله عليك من ظالم ............. يوم اخترت لبتال اخترت النسب والفلوس الي تناسب مزاجك ومااهتميت لقلب ولدك ولا مداواته


اما الظبي اخترت لها الي يسواها ويسوى طايفتها كلها اخترت لها واحد ماتستاهل ظفره كامل من جميع الجهات مثقف غني فاهم واعي واكثير من المواصفات لدرجة انك عرضها عليه ............ قمة التفرقة والظلم شتان مابين الاختيار وهذا انت الي كسرت قلبه وحرمته من السعادة بس الظبي اهتميت بالي بيداويها جعلها ترجع لك مكسورة محطمة وتحط اللوم عليك ....... جعلها تشرب من نفس كاس فلك الي جنيت عليها بالاول والاخر يمكن ضميك يصحى وترجع لربك تايب .................. ابغي اعرف شي واحد دام انو ماعنده احد اغلى من بنته ليه يزوج بتال لمناهل الحية علشان تجيب الولد بس ربي مانوله مبتغاه لانه اعترض وتجبر للمرة المليون على عطايا ربه

منايروه جابت بنات بس سليمات مافيهم اعاقات ولا بلا بس ماحمد ربه عليهم وزين ماكمل تفكيره الجاهلي ودفنهم حيات .......... زوج ولده وظلم انسانة ثانية ذنبها جابت بنات وربي عطب الثانية وماتقدر تجيب عيال ..........

وبنته ربي ماخلى امومتها تكمل كل ماحملت سقطت قبل ماتعيش امومتها كاملة ............ والعيب اكيد فيها والمفروض خبر جسار بهالعلة دامه يبغيه يصونها مو علشان طارق صبر عليها وتحمل الحرمان من الظنى جسار بيرضى فيها وياليت بعد عرفتو قيمة الرجال واولهم بنتك الي اهانت وجرحت الرجال بس ربي بيرجع لها هالاهانة من جسار وبيربيها من اول وجديد لانها بتاخذ جسار الجديد

.
آنتفـضت ..
وكأن سمـ ينتشر بعروقها...
لـيعبث بكل آوردت الحياه بـجسدها..
و
يجعلها تنتفض ب عنف

الظـبي بغضب\جسآر....جسآر ماغـيره....المتجسر...هذا الي كان يتطاول علينا بكل محفل وبكل مقال..
جسآر...!
جسآر يبه...هو الي انت تبيه اليومـ لي..!
جسآر الي ماكنت تطيقه ولآ حتى تقرا مقالاته تبيه اليوم ياخذ ظبيك...
جسآر الي لكينا وعجنا عشان نحط اسمه بتراب..تبيه اليوم يناسباً وياخذ بنتك الظبـي..

وهنا مربط الفرس انك اول من سعى انو اسم جسار ينحط بالتراب ............ والله يالظبي جسار الي مو عاجبك كثير جدا عليك وماتستاهليه ومو من مستواه ياخذ وحدة قلبها اسود من سواد الليل وياليت مقرن يعطيك الزبدة انو الي متكبرة عليه مافكر فيك ولابطيفك فلا تعطي نفسك حجم اكبر من حجمها لولا ماانعرضتي عليه بخبث ابوك المنافق كان مافكر بيوم يربط ايمه بأسمك

الظبي والظبي ومين الظبي يعني وحدة مغرورة متخلفة عقلها مريض وقلبها حقود مارحمت الي اضعف منها يوم تروح لها وسط بيتها ماصانت كرامة زوجها الي صبر عليها ............. الظبي الي بالرغم من فلوسها واسمها ونسبها وجمالها ماقدرت تصون زوجها وتحافظ عليه نفرته منها بسبب تكبرها الظبي الي ماقدرت فلوسها تحفظ واحد من عيالها الي حملت فيهم ............ وبعد متكبرة وشايفة حالك جسار الي مو عاجبك لو يطق اي باب بيعطونه الي اجمل واصغر واحن منك مئات المرات ......... وفوق هذا ماسبقهم له احد يعني مومطلقات


مقرن بجديه\وش نرد ولد الراسي فيه..حسب ..و..نسب...ورجال من ظهر رجال...

وهذا المهم الي خلاك تراكض عليه وتخطط بكل خبث النسب اهم ماعندك ومثل ماقلت لو نسبه مثل البراق ماقلت هالحكي


تى ماعاد شفنا له مقال واحد يذم فينا ويتهجم حتى الكادر الي تحت يده ماعاد نزلو مقالات مبطنه عنا..
تدرين ليش..؟
لأنه ماكان يعرف توجهنا الحقيقي بس لما وضحت لها نقاط مهمه في توجه شركات العاجـي...
هو بنفسه حط يده بيدنا..

ياكذبك يامقرن الي ماتبطله الحين هو ترك الكتابة عنك لانه عرف توجهك الحقيقي مو بسبب الي صار له وانتم اول من كسر وشرخ قلمه ............ يعني لو استمر بحملته عليكم كان ماقلت هالكلام ولا لاحقت وراه وبعدين انت الي رسمت عليه ورحت عنده مو هو الي سعى لك ولا لنسبك لاتكذب على بنتك لانو جسار مابيجاملها بطولة لسانها وبيخبرها انو انت الي رميتها وعرضتها عليه وتستاهل هالصدمة علشان تلزم حدودها وتعرف مين تتكبر عليه \


الظبي\لآ..لحظه....آترك منك راي في ها الموضوع بنشوف راي ولد عبد العزيز...
يمكن في راسي خلل من الموضوع او شـي...؟
مقرن بجديه\ياسر ماله دخل في هذا الموضوع فـ لآ تخلطين المواضيع ببعضها....
تدخل ياسر ب استغراب\وش فيه..؟
الظبي\فيه ان جسآر الـراسـي خاطب عمتك ياولد عبد العزيز..!

وانتي الصادقة يالظبي انو ابوك خطب جسار الراسي لعمته والله هو مادرى عن هوى دارك فلا تاخذي بنفسك مقلب لانو راسك الي رافعته بيطيح بالقاع


اما ياسر المفروض انو يثور ويرفض لانو جسار اخو عناد الي مايبغي قربه فكيف بأنو عمته تاخذ اخوه ,,,,,,,,,,,,

اما لو كان جسار مايقرب لعناد بيوافق عليه وبيكون بصف جده لانو جسار رجال تحلم بنت العاجي تلاقي الي يسواه اذا هي ماتسواه ولادرجة من اي ناحية بس تستاهل جسار الجديد الي بيطلع عقد سيوف كلها فيها وحوبات طارق بعد لاتتوق جمالها بيغريه او بيحرك شعره منها وهي الي بتراكض وراه واصلا هو الي بيعطيها الي ماتقدر تعطيه الي يسواه وهو الامومة من خلال بناته


سطام وقربت جريمتك تنكشف اجل السبب انك تحرق قلب الغيوض الي كانت لعبة عندك وماخفت من ربك بظلمك لها يعني علشان سعادتك برجعت ساروه دمرت وذبحت المسكينة حسبي الله عليك يالدجاجة

مراجلك على الغيوض وعند ساروه الي خربت عليك حياتك مع الغيوض الي ملكت قلبك ورجولتك رفضت هالشي رغم سكوتك على اتهام سارة لك عندها بس علشان لاتخسرها كسرت قلب المسكينة وطلقتها وحرقت قلبها على ولدها وناسي الي عيونه ماتنام ايام العذاب الي سقيتها للغيوض بتحصد مرارها الحين عناد وعيالك الباقي بتخسر شي كبير من عندهم والبادي اظلم

وحتى سويرة مالها حق تروح للغيوض وتخبرها هي ماسوت لها شي وهي الي فرقت سطاموه الي ماادري على ايش تركتيه يالسخيفة وعلشانك صار خروف ورمى ولده على امه تستاهلو الي بيجيكم



مناير هلا والله اخيرا هليتي بمصايبك اجل طلعتي من مغارتك علشان تحرمين بنياتك من اللعب يعني رغم الي صار والمخيخ مااشتغل ............. يااما تعطينك طفلة العاب ماتناسبها بدون مراقبة ياما تحرمين بناتك وتعاقبيهم علشان لاتتكرر المصيبة بصراحة عليك تفكير ماادري من كثر هالزيوت اليي حطيتيها براسك صغرت مخك وقلصته

منايـر و وجها محتقن ب الدم بعد ان امرت الخادمه ان تخرجها خارج المنزل...\آتركني اهتم ببناتي ب طريقتي وش تبي انت..!

تستاهل يابتيل ماجاك تفكر حالك رجال عندها اصلا لو انا منها كان قلت له روح سافر مع هالعليلة واهمل بناتك الي ماتدري عن هوى دارهم الا اذا تذكرتهم كل شهر مرة واجد بعد والل

لـيردف بتال\مجهز لك سفره تغيرين جو انتي وبناتك فيها...بس اجهزو الليله عشان بكـرا نطلع المطار...
آشارة مناير برأسها بحزم\لآ...مالـي خلق اطلع لمكان...هنا مرتاحه..
لآحد يسبب لـي صداع او ضغط بكثرة المدارت..
انا مافيني شي..مافيني شي..!

هذا انت سفراتك للعوجة والمنكسرة وين ربي يوفقك وانت اعمى قلب يعني منايروه موجوعة وتستاهل الي يغير لها جو بس الي مذبوحة من سنين بسبب ضعفك وكملت عليها بعد زواجها الاقشر منك مااشوف سفرتها يوم حتى لو داخل المملكة بس تستاهل جعلك ماتذوق الراحة بعيد عنها ولاتشوف النوم لاانت ولا مناهلوه الخايسة خرابت البيوت الي خربتها وجلست على تلها


منايروه ياويلك ان جلستي مع الدلوعة وخريتي لها الغسيل ............. ترى مااعطيك تنكة الزيت الي مخبيتها لك مخصوص بمناسبة رجوعك ............ بس نصيحة ياليت تستخميها وانتي بخيمة بالبر نصيحة من قلبي علشان لاتتسببي بضحاية من قوة ريحتها القوية والله انتي عندك مناعة واشك اشك انو حاسة الشم شغالة عندك خخخخخ


ضمضم منتظرين البارت القادم على نار متحمسة حيل للبراكين الجاية بالطريق
.......