مساء الخير "
بارت اليوم موجع بنسبة لملوك وهي تستمع لحوار اللي دار بين سطام وجسار وعناد .
بصراحة الخاينه اصعب شي على الانسان . ايضا الغيرة مشكلة مما جعلت فلك تطلب الطلاق من بتال .
الله يسلم يمناج"

ياربي ماني قادرة اهضم عناد هذا
ما حبيته بالمره ولا حبيت شخصيته المتناقضة

يارب يارب يصير شي وترد ملوك حق يسوري فديته :

والله هو اللي يصلح لها وتصلح له

ملوك ما تعجبني شخصيتها مع عناد احس انها انسطلت
مع انها كانت قوية مع ياسر

لا تقولون لي من الحب لان الرجال يحب المره القوية وهي معاه حييييييييييل ضعيفة مستسلمة

ودي ترد الاكشنات بينها وبين ياسر

احسن من رهف هذي اللي ما تصلح له بالمرررررررره
احسها تافهة وسطحية

يالله الله يعيني على الهجوم من رابطة عنااد

السلام عليكم ورحمه الله

مساؤكم ورد معطر مساؤكم عطايا ملك الانسانيه الذي لاينتهي نسال الله ان يمد لنا في عمره ويقهر جميع اعداءة

انا اول مره اعلق بصراحه بارت اليوم اليوم على كثر ما استمتعت فيه على كثر ما وجع قلبي على عناد مسكين يلاقيها منين والا منين من هالفئه الضاله الي جالس يتعامل معاهم واخرها صوبوه و اخوه جساروه الي ما قوى على الحمار تقوى على البردعه لاكم عجبني رد ابوه عليه وبرد قلبي بالكف والاهالي مسميه روحها امه وهي بعيد ان تكون امه لا وبكل قوة وجه جالسه تعاتبه انت لوفيك خير ما شاركتي في هالجريمه لكن اشوى بيسافر ريانوه وبيوريك كيف حرقة القلب على الظنى

وجسار الصراحه كنت في اول الروايه احترمك اما الحين طحت من عيني ولااحد سمى عليك رح لظبعه اللي بتاخذها توريك نجوم القايله

فلك ماتنلام لان اللي يحب يكون اناني في حبه ووده يمتلكه ولانها انلدغت من بتال كثير وخافت يتركها فقالت انا تركه اول احسن وهو اساسا من سافر حتى ماتنازال وتصل عليها وتطمن خاصة وهي حامل بس يارب يكون عاقل هالمره لاويتهور ويطلقها لانه راح يلحق جسار ويطيح من عيني

ياسروه انت وش تحس فيه تبي تكون مع الذكريات الي المفروض انك ام تحتفظ فيها لانها اصبحت ملك غيرك وحارمها من انها تحتفظ بصورة اخوها سبحانك يارب على هالعايله هندها من التملك والعنجهيهى ماادري على ايش

اما بطله اليوم من غير منازع فهو الجده على الرغم من اني زعلانه من الي سوته في عناد وامه الا اني سامحتها في هالبارت بسبب كلامها عن فقيه الدجاجه الي لوفيه خيروصدق رجال واجه الرجاجيل مو تخبى ورى وقص على عقول بعض المتخلفين لاكن الله له بالمرصاد وحافظ هالبلاد لانها تحكم بشره وسنة نبيه عليه السلام وجعل ال سعود لنا حكام ليوم الدين

مسائك طلة ابو متعب الا منه عرض بالسيف

والا منه تنسف للملا ياملح هالطلة

مسائك ميلة عقاله وبشته لالفاه الضيف

فديته يابعد شمس المغيب ويابعد ظله
يامسائااات الوطن الكبير وملك القلوب يامسائااات الفرح والسعاده لكل الشعب السعودي الله يحفظ لنا ملكنا وديننا وامننا ولجميع الشعوب العربيه والاسلاميه
بارت رائع رااائع كالعاده كل مره تفاجئينا بشي جدييد ماشاءالله عليك عندك حس وطني كبير وهذا يزيدنا فخر فيك ككاتبه وطنيه تدخل افراح واتراح الوطن في ثنايا القصة بشكل رهيب وكانها من صلب الروايه وليست دخيله عليها هالاحداث
انا تراني وطنيه حتى النخااااع والى الممات وانا احب وطني وديرتي وحكامنا والله يديمهم فوق روسنا يارب وتكفينا شر الفتن وانك تخذل الفقيه ومن مشى وراه
صراحه الجمعه اللي فاتت الشعب السعودي اثبت للجميع انه مخلص لوطنه ولال سعود وانه مواي احد يقدر يغرر فيه ويضحك عليه بكلمتين ويمشي وراه وخصوصا من هذا السفيه اللي زابن ديار اليهود وقاعد يتكلم عن الاسلام والشرع لو فيك خير ماطلعت عن ديرتك لين تموت فيها ياسفيه والله انه انخزى الجمعهىاللي فاتت شر خزيه
الجده صح لسانك عزالله كفيتي ووفيتي قلتي اللي كلنا بنقوله وفعلا الفقيه مايمثل الا نفسه الخبيثه فقط لا غير
والله انا نحبك يابو متعب من قبل المكرماات وشوفتك طيب تسوى عندنا الدنيا وما فيها
اتمنى اتمنى من كل قلبي من الجميييع الدعاء لابونا الغالي اللي عطانا الكثير وما طلب منا الا لاتنسوني من دعاكم يالبى قلبه
الله يحفظ ابو متعب ويشفيه ويعافيه ويديمه عز لكل السعودييين اللهم خذ بيده في المضائق واكشف له وجوه الحقائق
اللهم اجعله ممن يقال له ياولي الله ادخل من اي ابواب الجنة شئت ااااااامين
نرجع للبارت اليوم بارت موجع لعناد ولاخته رهف ولملوك ولبتال
عناد موقفه صعب مره وكلام جسار قوي بالحيييل على عناد الكل محترق من جوى لكن محد بيوصل للمرحله اللي وصلها عناد ولسا بيوصلها بعد مايدري بحقيقته المره ويعرف سبب حزنه العميق وشخصيته المعقده والمشاعر اللي كان يحس فيها مع ام جسار صراحه ماقدر اقول انها امه او مثلت انها امه هوصحيح لنها ماعذبته ولكن فرقت بينه وبين اخوانه والعتب والله مو عليها على ابوووووه وجدته والله انهم اجرموا فيه وحرموه من امه وحظنها الدااافي وبابشع طريقه ومالهم ولا ربع عذر لا عند الله قبل ولا عند عناد واالللله انه يقطع القلب حاله وبعد بتزيد حالته سوووء اذا تركته ملوك بسسبب ماله دخل عناد فيه المشكله انه يتحمل اخطاااء غيره في كل مره اول زعل ابوه وامه والثاني غلطة الكلبه سيووف وتساهلو تغاضي جسار بالله وينه طول سنينه عن هالعقرب ليه مايراقبها والغلط الاكبر انه جناح عناد قريب من جناح جسار المفروض الشباب يكونون تحت او في الملحق صح والا لا بشكل عام بغض النظر عن هالمشكله الحمو الموت او المفروض ان جسار يكون في بيت مستقل ترى تحصل هذي المشاكل وتعلق الزوجه بحماها من هذي الاشياء
وعناد بعد غلط انه ماقال لا لابوه والا امه اذا كان صعب يقول لجسار لانها تمادت بالحيييل وكذا والا كذا اكيد بيجي يوم وبيشوفهم احد لو انها فترة وهونت ماعاد تحرشت فيه اقول يستر عليها لكن سنين وكمان هدمت حياته مع زوجته يعني شي ماينصبر عليه
ملوك لاتتركين عناد اسمعيله لا تقارنينه بياسر ابد ابعد مايكون عن الخيانه كان صاين نفسه وصاين عرض اخوووه
فلك اعقلي يابنت الحلال لاتهدمين بيتك وتيتمين ولدك الا عاد اذا كنتي ماتقدرين تصبرين على الغيره اللي بتذبحك هذا شي ثاني بس عندي احساس يراودني انك بتكونين لوحدك في حياة بتال عاد شلون ماادري بس شكل مناهل عقرب الطين اللي طلعلها لسان سم بتتطلق من بتال اذا درى بكلامها لفلك يوم زواج ياسر ووكلامهاعن فلك مع الظبي
اما مناير مادري وين بتروح يمكن مو مطلقها بس بيهجرها والله اعلم شكلي شطحت بخيالي واااجد
ياسر ذوق ذوق من اللي تذوقه ملوك وذوقتها اياه والله يعينك تراني ماني ضدك انت غلطتك الوحيده خيانتك لملوك وال الباااقي رجال بمعنى الكلمه مع الجميع شديد وقت الشده حنون الى ابعد حدود الحنان وقت الحنيه وخصوصا مع خواالك
تسلم ايدينك ضمضم والله يسعدك دنيا واخره ويسلم غاليك يالغاليه

يسعد مساء الجميع..,
.
.
.
يآسـر وملوكـ والعوده المرسومه من البعض لهمـ..=)
يآ اخوات...,
يآسـر صآرت له ملوك مثل ليت الشوارع تجمع اثنين صدفه
وملوك صآر لها ياسـر مثل ها البيت..دورني في زوايا الياس... في ياس المدينة !
فـ
عناد لـملوك
و
رهف لـ ياسر..
وقفلنا ها التوقع بكلمة لآاله الا الله..=)

.
.
.
عشوقه...يآحلآة الرد وراعيته..,
.
.
دقآيق واتواجد مع الغوالي لـرد..,