مساء الياسمين الابيض
كقلوبكم البيضاء

مساء الجوري الاحمر
كحماس واشتعال البارتات

مساءكم رضا ومغفرة من الرحمن
وجمعه مباركه

قبل ابدا بالبارت جاي على بالي ادردش واستهبل شوي >> خخخ ادري مو جديد علي


.
.
تعالي تقهوي معي الحين وآبـشري بنجوم ولدي الي فرحان فيها=)>>تبي تبلشك مع ولدها
.
.
الله طيب بليز حوليها كابتشينو جاي على بالي كابتشينو >> طرار ويتشرط
وبالنسبه للبلشه ياحبي لك مادريتي انك بلشتي ولدك فيني مو العكس لانه بيرجع لك بعقد الدنيا براسه


خوالي عمامي (ولا يهمكم عندي خيشه مليانه نجوم واللي تبي لايردها الا السانها بس ترا الابلا ولله ماينغار منها )
ياقلبي عليك انا مو غيرانه منها بس انا بوقتها لسى مااعرف عنها شي ولا لي اصلا اي علاقه بالمنتدى هناك
ووعدك بمسكه عليك هاتي لي درزن نجوم وكل وحده بلون عشان اغيض مناير فيهم هي عندها جلابيتين
وانا عندي درزن


( تهقون رئيس تحريرجريدة الرياض وآلآ الوطن مزوجتهم وحده من بناتي=) ........ يجوز..! )
احيييييييييييه تركي السديري ماخذ بنتك عز الله طلعتي عجوز مكركبه لا وبلا اسنان بعد
الحين عرفت ليه مسوسه بسن ساري الخبل .... طلع من الغيرة

خلاص انتهى وقت الهذرة لاتطب علي الحين وحده من الزرق وتديني صك مخالفه ببدا بالبارت :
( رآئحتها.. من قآع الذكريات العتيقه..! والمزيد ذاك.. كـ السراب بـ آرض جرداء..! )
استوقفني وصفك لمشاعر عناد مع الي يعتقدها امه بصراحه وصف جدا رائع يعبر عن فقدان اهم
شي الي هو الامان بحضن الام فعمر اللحظات الحلوة مع الام او الاب كانت ذكريات عتيقه او سراب
هي ذكريات متجددة بحلوها ومرها وماعمرها كانت سراب او عتيقه الا بفقدهم وحتى بالغالب مع فقدهم
تكون حاضرة بالقلب قبل الخيال وعناد فقدها وماحس بحلاوتها لانه محروم من الاحساس الحقيقي الي
ماحس فيه لانه فعلا ماجاء له من قلب ومرة عن مرة تثبت سارة انها فاقده هالشي او بالاصح ماتبي
تعطيه من قلب لاحد يقول هي مو امه وجزاها الله خير ماقصرت لاااااااا هي مقصرة وكثير بعد لان الي
قدمته اكيد ارضاء لزوجها وحتى تعمر بيتها وماتخربه فالطبع سطام شارط عليها ماتبين شي لعناد والاكيد
ان الجده هيا هي الرقيب لاي مخالفه فقامت بالواجب على قد ماتقدر لكن لو حاولت تتقي الله فيه وتعطيه
الي محروم منه ولو فرضت ان احد ابناءها بهالمكان كان عاملته افضل من كذا وماحسسته بالفرق بينه
وبين اخوانه >> ادري اشتطيت شوي وغريبه علي ادافع عن عناد بس فعلا يضايقني التفرقه بين الاطفال
وترسيب الكراهيه بينهم بايدينا احنا

( لآيريد ان يصل الى مرحلة الأشباع..! يريد فقط قـليلاً من الأرتواء..! )
قنوع اليوم عنادوه على غير العاده خخخخخ رجعت قلبت عليه الموجه يكفيه الي جاه مني فوق

( لـو لي خآطر كان حضرت ملكة اختك ومآكبر الهجر بينك وبين اخوانك.. )
قمة الانانيه والنرجسيه في ساروه ماهمها الا شهيد المغثه وعيالها الباقيين جسار وريان اما عناد
بحريقه تحرقه يعني مو مكفيها غيابه ماكان له اهل طول هالفترة ومااهتمت ولاحست باصابته عكس
ابوه الي انتبه على طول لانه ابوه ومهما كان يهمه امره نرجع لمحور حديثنا هههههههه العله سويره
لاااااا تعاتبه على مشاكل اخوانه وفرقتهم بعد لو هي امه الحقيقيه كان بكت وطوقته بحضنها وماخلته
الليله بكبرها يفك عنها
اللحظات هذي عمرها ماراح تنمسح من باله ولا الاحساس هذا راح ينساه ابد لان كان بامكانه يعيش كاي
طفل ومراهق ورجل طبيعي بشعور طبيعي وبدون الجمود والجليد الي مغلف به مشاعره وهم حرموه منه
بدون اي تعويض مقابله فالاكيد الجزاء من جنس العمل وماراح يلاقون منه الا الواجب الي اعطوه اياه
وغيره ماعنده لهم شي

( لكن .. قـلبي متسربلآ ب الحنين لـروحها النابذه لـي..! )
اول فرصه بتلاقيها بتقول الهجاج ... العوض ولا القطيعه

( ها الرخمه بـترفعينه فوق محبتك لي..آذا كان فيه محبه.. )
ربي فكك من هالعله ثقيلة الطينه تلاحقها ليه
اذا الشرطيه هنا قمة الالم للي يحس مو لشهيد المجردة من الاحساس

( سـ آقف ب القرب من آشآرة مروريه ب اللون الاحمر..! )
مو بيت الراسي بكبره قلب لاشارة حمراء واسلاك شائكه ومشاعر ظاهرها جليد وداخلها نار
يالله كلها كم بارت وتتفجر الدنيا بكبرها عندهم والاشارة الحمراء ينقلب مكانها للعكس

( آنا عزوتكـ وصدري لك درع من كل شي ..لآتحاتين ليله رآحت خلآص.. و..الله العظيم مآعاد تشوفين منـي جرح ولآ عبرهـ.. )
استعداد هائل لاعطاء الحنان واخذه بالمقابل لارواء شعور بالعطش شديد
اعتقد لو كان احد اخوانه هو الي بمكانه وعرف باللي صار فهو بتكون ردة فعله قويه وشديده وممكن
يطربقها فوق روسهم لكن كيف ياترى راح تكون ردة فعل اخوانه لما يعرفو بالحقيقه هل بيآآآزروه او
بتعدي كاي مشكله عاديه باي اسره .... اظن ان اقوى ردة فعل بتكون بنصيب جسار

( عشان خآطري..عشان خآطري...! )
شهيد ماصدقت اخذت لها حضن من اخوها صدقت حالها وشافت عمرها


( آهتـزت ملوك بـشجن روحي.. لآتدري لما آشتاقت لـ آحضان مناف.. لـتسكب بصدره هي ايضاً الخوف )
ياربي من غيرة الحريم حتى بالبكاء غارت وتمنت تبكي بحضن اخوها

( ملوكـ مقآطعه برقه\عنـآد..بنامـ هنا..آقوم آشوف الجناح... )
الاخت قاطه الميانه بنام هنا خير ان شاء الله بيت اهلك تعزمين عمرك عليه

( قفزة ملوك لـتشد درر بـخوف\عناد آتركها شوي ب ابوسها مشتاقه لها.. )
ياربي من اللقافه الي في هالملوك البنت ماصدقت لقت عمها وبتفرغ فيه حبها وحزنها بس شنو عاد تبي
تسوي يعني اني حنينه هاتها مشتاقة لها والله لو مشتاقة لها كان طلعتي فوق واخذتيها وبوستيها لما شبعتي

( سطآمـ بحزمـ وحس طبي بحت\آنت تـعرج...وش فيها رجلك..؟ )
ماعليه خوف عناد بيدبرها وبيمشيها عادي

( مفتلين الاشناب مآ صآرت لهمـ..لآيـغرك اني وقفة شغلي ها الفتره الي راحت ..و ...وكلتك فيه...آني خلآص ب اعتزل الشغل والكار..لآ يآبو عبدالعزيز..غـلطان )
اما عليها هالظبي اسلوب يرفع الضغط ليه ان شاء الله تكلم يسوري كذا عسى لها العله المرة الثانيه اذا جات
تكلمه تقوم واقفه وتعدل لسانها لايجيها كف طاير يعلمها السنع بس مالها الا جسار النار مع النار الاثنين
ماعندهم تفاهم على الاسس الي تربو عليها وعاشوها وكونه الرجال لابد يسيطر عليها ويفرض احترامه وهو
عنده فكرة وخلفيه عن غرورها فشي طبيعي انه بيجهز نفسه للسيطرة عليها باسلوب مايهينها فيه ويحفظ كرامته
بنفس الوقت

( غرق يآسر بعدها بـضحكه صآخبه.. )
دوم يارب مو يوم بس للاسف امك تحب تنقط عليك تضحك دقيقه وتغثك ايام

( ب حجره الكثير من آلآوراق.. و بـداخله اوراقاً مبعثره تماماً... )
وااااو... وااااااو عليك ياضمضم ايه ده يابت ايه الابداع ده كلمات قليله بمعاني كثيرة
لااله الا الله عليك لاتجيك مني عين *_^


( مقرن برجاء\عشـآن خآطري ياعمك ها الحال مايرضي ربك... )
لحظات نادرة من حنان مقرن وجاء على بالي هل بتمر بهاللحظات فلك والبيبي الجديد
اتوقع بيفاجانا مقرن بحركات كثيرة من هالنوع

( وكأن حضورها محض حلم او طيف آزره وآتكئ عليه من ثم اختفى... )
سبحان الله حياة بتال وفلك رغم الحب الكبير الي بينهم لكنه مايبين الا باشد المواقف
يآآآزرون بعض بالشدة ثم يختلفون ويفترقون وبس

( صـدقني...مآراح تبسطك ردة فعلي..! )
لالالالالا يارهف الحين ياسر مابيجيه النوم ابد
تدرين انا عاجبني الصدمة الي جاتها خلها تنفض هالغبار الي معشش بمخها وتشغله شوي
لسى عايشه دور العروس الرومانسيه الي ماتدري عن شي بهالدنيا غير شكلها وصورتها
طبعا هي بتقوم الدنيا وبتروح لامها وامها بتحاول تعقلها بان هالصورة قديمه وماضي وراح
هذا اذا قالها قصة الصورة وماطني فيها تعقل وبتركب راسها
ياسر انا من قبل قلت انه بيقاوم رهف وان حبها يتغلغل فيه بذكرياته لملوك وهنا الصورة كانت
اساس المشكله ووقتها بيحس ان حبه القديم ماله اي فايده بحياته بالعكس كل ماله وهو يهدم
ويهدم فيها وحتى يثبت لنفسه بدايه جديدة راح يقطع الصورة كاشارة رمزيه لنهاية مؤقته
لمرحله طالت بحياته وهالشي اكيد ماحيكون الحين راح ياخذ وقت من المقاومه لرهف
لسان حال رهف في الايام القادمه :
حسبــت اني طفلــه غـارقه ببحـور | الـدلع |
لقيـت نفسـي كبيـرهـ بـ | قلـب | كلـه " وجع "


ابداع وتميز وجمال دائما تتحفينا فيه ياضمضم
بانتظار جمال حرفك دائما وابدا وبكل الحب والشوق

رابطــــ ياســــــــــــــــــر ـــــة

صباح الخير على بلادي صباح الحب لوالدنا الغالي ملك القلوب ابومتعب إلي نحبه من غير شي عسى ربي يخليه لنا ويطول عمره على طاعة الله . اليوم الشعب كله فرحان ومستانس وزادة فرحتهم بالاجازه
عاد حنى نبي منك بارتين هديه علشان الراتبين من احلى كاتبه ضمضم ... فديت تراب وطني بدمي

اي وقت ينزل البارت لوسمحتوا