يعطيك العافيه ع الروايه اروعه

على اني ماقريت البارتين الاخيره ولا ادري ايش صاير الحين
بس اتوقع ان جسار يتزواج الضبي

صباح الخير ضمضم .......... كيفك يالغلا .......... فاقدينك بقوة ماتعودنا هالغيبة الطويلة منك .......... بصراحة ردودك معانا كانت عاطية جو مميز جدا لسطورنا ........... فقدناك وفقدنا حضورك جد جد متعطشين لكل حرف لك معنا ........


بارت اليوم هاديء بعض الشي بس المشاعر الي فيه جدا عميقة ومؤثر ............ وخصوصا لقاء عناد وام جسار


.
آحتضان دافئ..
كآد ان يـشدها اكثر بين آضـلعه..
لـتدفئ ب آنسكابها مساحاتٍ شاسعه من الجليد..!
رآئحتها..
من قآع الذكريات العتيقه..!
لآ
ترويه..ولآ..هو يـرتوي..
يطمع ب المزيد...
والمزيد ذاك..
كـ السراب بـ آرض جرداء..!

كيـف ينسكب بـحب ب آضلعها..
يـغرق بين آوردتها..
تلتقطه متآهات خنادقها...
فـ تبعث بصيص نوراً بظلمات حنايها..
لآيريد ان يصل الى مرحلة الأشباع..!
يريد
فقط قـليلاً من الأرتواء..!
.كيـف ينسكب بـحب ب آضلعها..
يـغرق بين آوردتها..
تلتقطه متآهات خنادقها...
فـ تبعث بصيص نوراً بظلمات حنايها..
لآيريد ان يصل الى مرحلة الأشباع..!
يريد
فقط قـليلاً من الأرتواء..!
.آمالت رأسها قليلاً
لتقبل رقبته..
لـيقبل رأسها بـ شوقٍ موجع لـروحه المقاتله\يمه ضآيقٍ خآطرك منـي عارف..
آهتزت ب رقه\تو تفكر ب الخاطر..؟

آلتهم من جديد..
المساحات المقفرهـ..
لـيعانق الوجع..
بقبله..
من
ثم قبله..
وقبلآت متتابعه...


اللقاء هنا جدا مؤلم احساس عناد بالعطش الشديد من حنان وحضن امه وكيف انو وهو بحضنها مو قادر يحس لو بشوي من الارتواء ............ عادة لما نحتضن امهاتنا يجينا احساس غريب ولذيذ بنفس الوقت ننسى اعمارنا ونرجع لشم ذيك الريحة الي ترجعنا لاول يوم لما نخرج للدنيا لما نغوص في احضان ذاك الصدر ,,,,,,,, فعلا نحس بريحة مميزة وعميقة تجذبنا له مانبغي نقوم منه وخصوصا وقت اوجاعنا والمنا

بس عناد وهو بهذا القرب مو قادر يحس بهذا الشي ولا قادر يشم هالريحة الي تكون فطرية بين الام وولدها ......... بس على الرغم من هالشي يحاول بالرغم من جفافه واخفائه لعواطفه بس هذا الشي نابع من نفس جفاف الام الي المفروض تغذيه بولدها ............ز

تحشرشت بـصوتها\لـو لي خآطر كان حضرت ملكة اختك ومآكبر الهجر بينك وبين اخوانك..
خآطري ماهو حبة راس وخشم ويد..
خآطري خآطر ام تشوف عيالها متفرقين...و..يوجعهـآ ويذبحها جفوتهم من بعض..
عناد بـألم\يمه ..
عآنقة آصابعها شفتيه لـتجبره على الـصمت
و
ترحل من المكان..!

هو فعلا هنا ام جسار اخذت عناد بحضنها وعاتبته نفس عتاب الام لولدها ....... لكن لو كانت فعلا امه الحقيقية كانت مع هالعتب ماتركته لانو الشوق الي له بقلبها يمنعها يعني لو كان ريان مكان عناد بتعاتبه بس بتظل تحظنه اكبر قدر ممكن لانو مهما زعلت الام من ظناها بس عاطفتها غصب عنها تضعفها مو مثل الاب الي يكون متحكم بعواطفه اكثر


عناد عتابه واحساسه بالضيق منها لانو في نظره انها امه الي جابته والي ابعدته بأرادتها عنها ........... لكن كل هالشعور بيتغير وبيتلاشى لما يعرف الحقيقة وماراح يلومها ابد ويمكن يرتاح لانو على الاقل بيعرف انو هي مو امه وبعدها عنه مو لشي فيه هو لا بس بسبب انو مو من صلبها ومهما كان هو ولد انفرض عليها وهذي قدرتها العاطفية معاه ............

بس لومه بيكون كبير بقدر الحرمان والتعطش الي بداخله وخصوصا لما يعرف الحالة الي توصلت لها امه الحقيقيه ابد مابيرضيه اي مبرر من ابوه ولا امه هيا الي عارفة وراضية وساكته والمصيبة الاكبر انها صاحبة الخطة



اما لقائه مع شهد جدا حلو ............ حبيت ضعف شهد عند عناد وانو غيبته في ملكتها المتها حيل واثرت بنفسيتها وكسرتها نفس باقي اخوانها وانو مهما كان الجفا الي بينهم والبعد الا انو تواجده معاها في هالمناسبة تعني لها الكثير وجوده مصدر فخر واعتزاز وقوة لها عند زوجها المستقبلي

واحتواء عناد لها وتحسيسه لها انو هي تعني له الكثير وانو معاها وابد ماراح يتخلى عنها ولابيتركها عند حاجتها له يعزز العلاقة الاخوية بينهم وكأنه عهد ياخذونه من بعض ......... وانو الايام الجاية بتكون احسن وبيكونو قراب والبعد والجفا هو الي وصلهم لهدرجة واتمنى انو رواف مايكسرها ويخيب ظنونها فيه

جسار بعد ماسمع الي دار بين شهد وعناد اتمنى يجلس بينه وبين نفسه ويفكر هل اتخاد اخوه عضيده عدو له من الصواب هل البعد والفراق بيكون اريح او بيزرح بينهم جفوة هم في غنى عنها

وسالفة الاخو المفقود هل بيكون حلها وكشفها بيد جسار او مجرد مساهم لهالشي هل بعد ماجسار يواجه ابوه ويخبره انو الغيوض مازالت تدور ولدها وانها حية مو مثل ماقالو انها ماتت بحادث لا موجودة وانها متألمة من ضياع ولدها ومحروق قلبها لفقد الثاني هل هذا الشي بيصحي ضمير سطام وامه هل بيحاول يكفر عن جرمه الي مهما سوى مابيشفع له هالجرم .............. الحقيقة قربت بس كيف وبأيد من هذا الي ننتظره بشوق


درر ولقائها مع عناد حسسنا بمدى الم هالطفلة وعناد وحده بس الي عارف معاناتها لانو عاشها وعانى منها ومازال يعاني وتاركة اثار سلبية عليه بعواطفه ........... عندي احساس انو عناد بيتخلى عن جموده ورجولته لما يرتمي بحضن امه الغيوض ويشم الريحة الي من سنين يدور عليها بيرجع طفل مايفارق حضن امه ومااستبعد انو هو وامه
يظلون ليلة كاملة بحضن بعض هو يرتوي من الحضن الدافي وهي تعوض سنينها وسهرها الي اكيد وجود اولادها احمد ورهف ماعوضوها عن فقده والدليل انها مخبرة عيالها عن اخوهم .......... عكس سطام الي نسى السالفة وطواها الى اجل غير مسمى


علاقة جسار بعناد بترجع بعد هالموضوع وحتى علاقته مع شد وريان بتتغير وبيعذروه وبيلومو ابوهم على هالشي

رهف الدلوعة بعد اتوقع مابتفارق حضن عناد وبحكم جرأتها بتظل تبث شكواها وحاجتها له ومااستبعد تترك ياسر يحترق من القهر والصدمة والغيرة وتبات مع امها واخوها وتنسى عالمها معاهم


الله يعينا على عناد وياسر ونظرات الغيرة والحقد والكره او هل ممكن قوة المفاجأة تغيرهم الله اعلم عاد ياسر وعناد وقربهم لهاالدرجة وبشكل نهائي احس بيصير انفجار خخخخخخخخخخخ



نجي عاد لموضوع ارتباط جسار والظبي وانو الكل شايف انو هم مناسبين لبعض ............ طيب جسار بشخصيته الجديدة الكارهة للنساء والكارهة لتجربة الحب من جديد فعلا مناسبة للظبي لانو بيكون معاها شخص صارم جدا وقاسي بيكون عكس ماكان مع سيوف وتصرفاتها محسةبة عليها واي قوة فيها بيكسرها لانو عنده فكرة عن شخصيتها المغرورة والمتجبرة لذلك مابيخوض الارتباط فيها الا وهو مجهز حاله لشخصيتها واعادة بلورتها من جديد

وهذا الي مخليني اقول انو تستاهل هالمعاملة ................


بس في بعض المتابعات شبهو الي صار لجسار بنفس جرح الظبي واحس هالشي ظلم كبير ............. الحين جسار الي انطعن من اقرب اللناس جسار الي ذاق طعم الخيانة جرحه مثل الظبي

ليه هو طارق خان الظبي بصراحة ظالمين طارق كثير يعني علشان عصب على غيرتها من وحدة مراهقة صار هو الظالم انتو عطيتو للظبي عذر انها غيرانة من البزر وطارق لو كان حاط بباله انو يبغيها كان تزوجها من زمان وهو معاه الحق لانو الظبي فوق انها مو قادرة تجيب له الظنى الي من حق العاجي يدوروه لو تزوج ولدهم اربع دام مافيه عيب بس ممنوع ومحرم على زوج الظبي يطلب يشوف الظنى

فوق اهمالها له تاركتها وجاية وهي حامل وبدون ماتهتم انو هالمجهود ممكن يأثر عليه جاية بس علشان تطلق ملوك بنت البراق من ياسر بس رب العباد يمهل ولايهمل حرمها من ظناها وخربت بيتها بيدها الظبي هي الي هدمت بيتها بتفاهتها وصغر عقلها بالله وين الحكمة بتقولو من حقها تغار وزوجها مااخذ غيرها ولافكر اصلا

والكل قام على فلك وتهجم عليها بسبب غيرتها ليه لانها غارت على زوجها الي متزوج ثنتين غيرها ولامها الكل على قرار الطلاق من واحد اهانها وجرحها وقال لها مالك عازة وهو من قبل طلقها بعد ماعلقها بحبه وبا لكثير من الوعود الي ماقدر يحققها ............. يعني الظبي من حقها تطلب الطلاق وتغار من وحدة ماكانت بحياة زوجها ..........

وفلك مو من حقها تغار وزوجها كاذب عليها وبيسافر مع طبينتها الي الفت لها كذبة حرقت قلبها ............هذا غير انو بتال من اول مارجعها وهو يمدح ببنت عمه ويتفاخر عندها بزوجاته الثنتين حتى لو من ورى قلبه

يعني ماشفنا بتال تفاخر بفلك عند مناير ولا مناهل والله لفلك حرقت القلب ولمناهل ومناير لما احتاجو المواساة الاحضان ............ بتال غلطان لانو لو من البداية صرح لفلك بمشاعره لها وكيف عاش حياته بعيد عنها وكيف حياته مع زوجاته وانو مايبغي يظلم وحدة منهم مثل ماظلمها وحرق قلبها مناير ام بناته وحرام يشتت بناته حتى لو هي مو عاجبته ................ ومناهل مادامها ماضرته ولاضرت مناير وماطلبت الطلاق هو مايبغي يكرر نفس ظلمه الي سواه معاها ............ ساعتها فلك بتحس بالامان وبتعذر بتال وغصب عنها بتحاول تخفف من غيرتها لانو كلامه منطقي وهي جربت الظلم واكيد ماتتمناه حتى لعدوتها

بس الغلط على بتال مو على فلك لانو هو الي وصلها لهذي الحالة واتوقع بعد طلاقها بيزيد عليها اوجاعها وهي واحد من الاثنين ياانو فلك بتولد بالسابع بسبب النفسية او بتفقد الولد بسبب تعامل بتال معاها



الكل وقف مع غيرة الظبي وانو من حقها تتطلق لو كل وحدة متزوجة تعرضت لمضايقة من قرايب زوجها مثل الظبي طلبت الطلاق كان اغلب الحريم انخربت بيوتهم ........... بس الظبي لانها حاست بالنقص وانها غير عن باقي الحريم ومتوقعة انو طارق او اهله في يوم مابيصبرو بدون ضنى يشيل اسمه اخذتها حجة لانو غرورها مايسمح لها تكون مع شريكة لانو حلال على العاجي وعيالهم وحرام وممنوع على بناتهم


آسـر وهو يرتشف بـقآيآ الشاي..\الظبي خلآص اعتزلي التجاره بـدير لك كل شي...آهتمي بنفسك وبـس...
ومآهو بقاصرك شي..
فلآ تدققين ب اشياء مالها داعي..
آلظبي\آسمعني يآسـر..آنا انسانه متعوده على تـكوين آستقلاليه خآصه فيني آذا انت متعقد من آستقلالية المره فـحط عقدك ب رهف..
لكن آنا...
حط لـي مقرن العاجي مملكه خآصه فـيني من يوم عمري 19 سنه..
وانا شآيله لـي تجاره خآصه فيني...
مفتلين الاشناب مآ صآرت لهمـ..
لآيـغرك اني وقفة شغلي ها الفتره الي راحت ..و ...وكلتك فيه...آني خلآص ب اعتزل الشغل والكار..


والله هذا اول شي بيكسر جسارفيه غرورك لانو مستحيل بيرضى يخليك تشتغلين وسط الرجال اذا الي كانت ماسكة مشروع نسائي انطعن منها كيف الي تعارك الرجال .............. وهالشي بيجي بقسوة واجبار للظبي ومقرن مابيوقف معاها مثل ماوقف ضد طارق لانو هو الي طلب من جسار يتزوجها وهذا الشي ممكن جسار يتخذه سلاح يكسر كبريائها وغرورها فيه

وبيخليها جالسة ببيته ومربية لبناته ومابيكون للحب اي طريق لقلبه حياتهم بتكون تحديات وحروب والظبي الي شادة ظهلاها فيه مقرن مابيسمح لها تتطلق للمرة الثانية


نجي لرهف وسالفة الصورة اتوقع ياسر يخبرها انو هذي صورة ملوك بنت خاله وانو كانت خطيبته بس ماصار بينهم نصيب وهي عنده من زمان وكان بينهم حب مثل اي خطيب وخطيبته

وطبعا هالشي بيصدم رهف وممكن تزعل وتروح لامها بس الغيوض بتفهمها انو دامها كانت في الماضي وانو مادام كان مملك عليها شي طبيعي انو يكتب كلمات حب وغزل لها بس مالها حق تحاسبه على ماضي وخصوصا انو هي تزوجت وهو بعد تزوج ويمكن الصورة عنده من زمان وماصار له وقت يتخلص منها وانها المفروض ماتحاسب ياسر على الماضي وبكذا رهف بتهدى


الين وحدة من جوز الغفر بتكب السالفة كلها وخصوصا انو يمكن فضول رهف يخليها تسأل وتدور ورى القصة كلها وعاد عندها بتفتح عليها ابواب هي في نى عنها من سالفة عشق ياسر لملوك الين سالفة العلاقات الثانية وهذي عاد الي ممكن رهف ماتسكت عنها وبتجيب الخراب لنفسها لانو ساعتها ياسر مابيستحمل تدخلاتها واستجوابها له


ضمضم في انتظار المزيد والمزيد من الاحداث والمفاجأت والى اي مسار ستتجه الاحداث القادمة

السلام عليكم
صباح الورد يا ضمضم اشتقت لك زماااان ما رديت
لكن اليوم ببرد حرتي
ياسر ومرته ههههه
ياسر اناني مرة صراحه الحين بغيت تعلق البنت على المشنقه بسبه صورة اخوها وانت محتفظ بصوره ملوك الحبيبه بصراحه ما ني متوقعه رده فعل رهف لكن جنيت على نفسك ياياسر
بصراحه ضمضوم انا انتظر اليوم اللي ياسر بيدري انه عناد اخو رهف بيكون فيه شرارة من الحقد والنظرات الحارقه وسهام طايرة وسب بجميع الانواع طبعا كل واحد بقلبه هههههههه

الظبي
ليه دورك هادي ها اليومين ياترى بعد زواجك من جسار بترجعين الظبي الاولى ولا بتستمرين بهدوئك
احس انه تنفعين تكونين ام بديله لبناته بس بتواجهين مشاكل وتتعبين مع بناته كثير لكن الطيبه اللي دافنتها واغريزة الامومه بتتحرك وها ذا ممكن يقلب شخصيتك بعد
بتال وحريمه
بتال الله بلاك ولازم تصبر فاكهة الروايه ودعاويها انطرمت بسبه وفاة بنتها وفيها حاله نفسيه مع الايام بتقوم منها ومرتك الثانيه مريضه وتحتاج علاج بالخارج بسبب الحمل
والثالثه ذابحتها الغيرة ومطيرة عقلها والهرمونات لاعبه فيها لعب واستخفت تبي الطلاق لانك اهتميت بام بناتك
وقسم لو انا منه اطلقكم انتو الثلاثه حشا ماشي راحه كلش مشاكل البيت ولا الشغل
اعتقد بابتال انه صبرك على فلك بداء ينفذ راح تهجرها بس طلاق لاء

ابو جسار
والجده
شنو ها الجريمه اللي سويتوها تحرمون ام من ضناها ياويلكم من الله وشلون طاوعكم قلبكم اصلا امه انفطر قلبها على وليدها وانتم مرتاحين ومبسوطين الله لايبارك ببليس

نكتفي بهاذا القدر اليوم
بطلب منك طلب ضمضوم لا تسوين فينا مقلب مرة ثانيه
صدقته وقلت بنفسي الله يصبر قليبك يالطوف حنا يومين نحسها قليل لاصارت يوم واحد شنسوي لاكن الحمدلله وعساك عا القوة اكتبي لو سطرين حسب مقدرتك بس لا تحرمينا من طلتك كل سبت واثنين
الله يعطيك العافيه
باقه جوري لروحك الصافيه

[QUOTE]

اقتباس :-   المشاركة الأصلية كتبت بواسطة وردة الزيزفون

صباح الخير ضمضم .......... كيفك يالغلا .......... فاقدينك بقوة ماتعودنا هالغيبة الطويلة منك .......... بصراحة ردودك معانا كانت عاطية جو مميز جدا لسطورنا ........... فقدناك وفقدنا حضورك جد جد متعطشين لكل حرف لك معنا ........

لوو سمحتوا ابي اسال هذه اول روايه للكاتبه
والا فيه روايات قبل
اذا فيه ابس اسمها ؟؟