دخووووول سريع

ام المزايين تدرين ان اغرب مخلوق عاطفيآبرأيي هو الرجل ولا نقدر نعمم القاعده اكيد

ياسر هو طبعه كذاعصبي

شخصية ياسر من الاساس ترى ماهي سيئه اخلاقه
والدليل انه من تزوج خلاص ترك حركاته

يمكن يكون فراغ عاطفي ما نقدر ننكر ان ملوك لها دور في تصرفاته السابقه تأخره با الزواج اكيد له اكبر دور

فيه من الازواج يتجه للخيانه الزوجيه وزوجته هي الي تدفعه دفع ماهي قادره تحتويه ولا هو يتفق معاها يدور بعدها للي يفهمه

وفي ازواج عيونهم فارغه مهمه سوت زوجته يشوفه ولا شي يعني الزوجه عنده مستعبده ويحس انه غصب عنها الي تسويه وانها انسانه خلقت لراحته ولسانه معهاه سم وتوصل ا حيان لتقصيرالمادي على زوجته لكن شوفيه مع علاقاته الغراميه كيف اللسان عسل
غير الدفع بدون حساب هدايا شحن جوال بجنون

وفيه ازواج الي ماحصل الحب الاول عاد هذا حكايه ثانيه عايش بجسمه وعقله وقلب با المدينه الفاضله الي كان بيعيشها مع الحبيبه

يحسب نفسه لو تزوج ها الحبيبه كل مشاكله تنتهي اذا ماهي مشاكل العالم بعدها الحبيبه بتنهيها

والضعيفه الي عنده ماهي بعينه المقارنه 24ساعه قايمه بينهن وطبعن كفة الحبيبه بترجح با المقارنه حتى لو كانت الزوجه الافضل بمراحل
انا ضد ان الزوجه تستغل الزوج الخاين بهدايا وتهدده انها تفضحه لأنه يا اما انه كان مستحي منها ولا يبي يجرحها فيحاول انه ما يبين لها وبعضهم تجاهل زوجاتهم لخيانتهم سبب توبتهم

في مره كنت اتابع برنامج تعرض فيه مشاكل اسريه

وحده تقول اكتشفت ان زوجي له علاقه غراميه مع وحده وشفت خيانته بعيني لكن لا هو ولاهي يعرفون
وعندي منه اولاد ابغى اواجه زوجي

قالت لها صاحبة البرنامج اذا انتي تبين بيتك واولادك سوي نفسك عميا ولا تخبرين احدانتي ما راح تستفيدين شي با العكس تشويهن صورة ابو عيالك قدام الناس والمتضرربناتك وعيالك

وحاجز الاحترام بينك وبين زوجك راح تهدينه حاولي تخوفينه با الله بطريقه غير مباشره

وحاولي تشوفين السبب الي خلى زوجك يسلك ها الطريق وسديه عليه بذكاء فضح موضوع زوجك ماراح يجيك منه فايده كثر ما تلمين الموضوع

ام رأيي بضمضومه وشخصيتها من تشبه انا اشوف ان الكاتب كل شخصياته تاخذ منه

واكيد القاعده ما استثني منها ام اليزيد

لي عوده بأذن الله

همسة ام المزايين على قولة ضمضم وتستاهل اللقب
نعم المراة سلبية وان استقوت تضرب بمشاعرها عرض الحائط
لا الاولى تطاق ولا الثانية تطاق
وهناك رجال تجديهم باعوا العشرة تماما ومن تتممسك بهم اما لاطفال لا ترغب تشتيتهم اما لسند اختفى من حياتها او لنظرة مجتمع يصعب التخلص منها

تدرين شنو لا زم يصير لازم المراة تقوي المراة المشكلة بالمجتمعات العربية عندما تقف المراة بوجه زوج خائن اول من تقف ضدها هي المراة
والكلمة التي تتردد دائما (عيب الناس ماذا تقول خليج ستر على رجلج )
في حين ان خانت المراة ولكن لديها عشرة اطفال من الرجال لديه استعداد يخرجها عارية الى قارعة الطريق ولايوجد من يقول له (عيب الناس ماذا تقول خليك ستر على زوجتك )
في حين كلاهما امام رب العباد ذنبهم واحد

الخيانة هي الخيانة ذنب كبير سواء للرجل او للمراة
ولكن المراة لضعفها تقبلته والرجل لقوته لم يتقبله
ختامها مسك
بسم الله الرحمن الرحيم (((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))


لله درتس ام احمد صح كلامتس ولله ان عندنا مثل يرددونه امهاتنا اذا سمعته فار دمي اذا جتهم البنت شكايه اقص كلمه يقولنها لها (ذلي يمره تعزين ) تخيلي ذلي عمرتس الزوجتس تصيرين عزيزه باللى هذا كلام او مبدا تصدقين عندي تعليق وش طوله بس احس المثل كافي ومثل ماقلتي يجب المره تقوي المره مهوب تخليها تفقد الامل وترضى بالذل وفيتي وكفيتي ابلا


............................................................ .............

#يمكن المتزوجات همـ الي بيعطون نظره صآدقه لـشخصية يآسـر بحكمـ آمور كثيرهـ..
آذا خآن الزوج..مصـيبه والله كبـيرهـ..
آتذكر قريبه لـي الله يسعدها ب الدراين..
تشكي من خيانة زوجها لي..
المرأه محتسبه وصآبره..
جمال وآطفال وذرابه ب كل شي...بس سبحان الله يخونها...
ومع مين مع الخدمـ..
وكثير كانت تطيح عليه...
آقول كيف تتقبلينه...لو انا ماكانك ماراح اتقبل حتى اشوف رقعة وجه...
قآلت ضمضم الحب ماعاد فيه حب..والاحترام من يوم شفته مع الخدامه وهو طايح من عيني...
ماعاد فيه الا اطفال جالسه اربي فيهم وابيهم يكبرون
تقول صرت اقول له خن وسو الي براسك انت ماعاد تهمني وهذا شي بينك وبين ربك
لكن عيالي مابيهم يطيحون عليك مثل ماطحت انا عليك ..
تألمت كثير من كلآمها الـمتوجع على حآلهآ..
آهل...ماهم لها عزوه في هذي الحاله...لأنهم زوجوها خلآص مانبيك ترجعين ولآ بأي حال من الاحوال..
عشان كذا تحصلينها مجبوره وتبي بس تعيش مع اطفالها
حآلآت كثيره يختلف ردات الفعل لك على حسب بيئتك انتي
مثل لو تربيتي على قوة الشخصيه وعلى اسره تقوم بتقويتها لك وان انتي اهم من كل شي

وصحتك وبالك يكون مرتاح اهم بكثير من مساحات كبيره من كلام الناس
وان لو حصل اي شي بينك وبين زوجك وعلآقتكم وصلت لمرحله ماتكملين بعدها
تعالي البيت لك والعتبه لنا
رباك صغيره وماهو عاجز منك كبيره...
كان اشياء كثيره تغيرت..
وشفتي كثـير من النساء ماهو حالهم السكوت والحالآت النفسيه الي تعقبها خيانات الزوج..#


ضمضم انا ماقلت الحرمه تخلا عن عيالها وتروح تزوج لا طبعن انا اكثر وحده تايد بقى الحرمه في بيتها اللي اطالب فيه القوه واتخاذ الموقف اذا كان لي عون من اهله او اهلي كان بها اذا مافيه احد انا نفسي اوقفه عند حده وانا بصفي سلاح اللي هم عيالي وترا الرجال يضعف عندهم واطنشه وماخليه ياطا على رقبتي ياناس ولله اني اعرف كثير من الشباب يكلم ويتغزل قدام زوجته شفتي قمة الحقران ومثل اللي قلتي ضمضم قدامها يخونها مع الخدم وتسكت لا اذلف عن وجهي واذا جا البيت اطنشه له يشوف عياله وبس وانا لايحلم فيني وغير كذا ليش اقوله سو اللي تبي بس عيالي لايدرون ولله حاله حتى الشغاله تعيش معي وهي مستغفلتني اقلها اقضبها الباب الله لايردها هي وياه

............................................................ ............

#زوجي ولله الحمد آشوفه مستقيمـ على حد علمي=)
بس ماروح آفتش وراه وآشوف مستقيم مستقيم وآلآ فيه شوي انعواج=)
لأني عندي قناعه داخليه
ان لو اراد الله ان يكشف لي شي مخبي عني فـ هو راح يكشفه لي وانا جالسه بمكاني وماتعب نفسي ب التدوير والتنطيط وراه والتفتيش=)
هذا الشي انا قـلته لزوجي ب ايام زواجنا الاولى ومازال يتذكره=) ..
اذا اكتشفت خيانه فآ انا مستحيل اكمل معك...
.
انا ائيدتس ام اليزيد في النقطه هذي اي نعم ماراح اراقبه بس بدعي ربي يفضحه قدامي وقدام خلقه وبعدها يحط براسه انه ماراح يحلم فيني ............................................................ .........

فيه نساء ماشاء الله ولآحول ولآقوة الا بالله عندهم طاقه كبيره في تحمل الرجل بعد خيانته...و..ممكن الرجل يتعدل بعد الخيانه...
فيه رجال كثير اخلصو بعد الخيانه وبعد مسامحة زوجاتهم لهم
.
.
وفيه نساء ممكن ينمسح من حياتها نهائي وتضع نقطه على السطر وتبدا من جديد..=)
مو مشكله نتعثر ونطيح..
المهم مانرجع نتعثر بنفس الحجر ونطيح ونحس ب ألم ونقول [الصبر

ضمضم انا لا الاولى ولا الثانيه الله يلهمن الصبر بس بحد من غلط مثل ماقالت ام احمد يعاقب سوء حرمه او رجال ويوقف عند حده مهوب يخون وسامحه وقابله بالاحضان اسفه هذا مهوب في قاموسي ايها الرجل ............................................................ ..........

وفي ازواج عيونهم فارغه مهمه سوت زوجته يشوفه ولا شي يعني الزوجه عنده مستعبده ويحس انه غصب عنها الي تسويه وانها انسانه خلقت لراحته ولسانه معهاه سم وتوصل ا حيان لتقصيرالمادي على زوجته لكن شوفيه مع علاقاته الغراميه كيف اللسان عسل
غير الدفع بدون حساب هدايا شحن جوال بجنون

تدرين الزوجه اللي مثل هذي اقول تستاهل هي اللي خلته يوصلها الذا الموصيل الرجال اذا خذا زوجته اول الايام يعاملها بكل حب بشهر العسل اللي نسميها الملس لكن هي بغبائها واستسلامها خلته يوطي على رقبتها وغير كذا تشوفه اللي حارمها منه يعطيه غيرها مثل هذا نسكت عنه معصي ثم معصي بوجه هذا يبيله هيئه تفضحه قدامها وعلي وعلا اعدائي اذا هي سوت اللي يسويه ولله ان مصيره القبر واكبر دليل سيوف لو كان جسار مكانها وحب زوجة اخوه وحاول يرودها وشراح يكون جزئه زعل فتره ثم يرضى عنه الجميع اذا تاب وماكن شي صار

............................................................ .


وفيه ازواج الي ماحصل الحب الاول عاد هذا حكايه ثانيه عايش بجسمه وعقله وقلب با المدينه الفاضله الي كان بيعيشها مع الحبيبه
يحسب نفسه لو تزوج ها الحبيبه كل مشاكله تنتهي اذا ماهي مشاكل العالم بعدها الحبيبه بتنهيها
والضعيفه الي عنده ماهي بعينه المقارنه 24ساعه قايمه بينهن وطبعن كفة الحبيبه بترجح با المقارنه حتى لو كانت الزوجه الافضل بمراحل
انا ضد ان الزوجه تستغل الزوج الخاين بهدايا وتهدده انها تفضحه لأنه يا اما انه كان مستحي منها ولا يبي يجرحها فيحاول انه ما يبين لها وبعضهم تجاهل زوجاتهم لخيانتهم سبب توبتهم

هذا جعلها تسحبه على وجهه الحبيبه يستاهل ولله ان ذا الاشكال ودي ماتخلي معها ولا ريال وهذا اللي حاصل تخليه حبها الاول والاخير وتسحب قلبه وفلوسه وتخليه مثل الخبل
وبعدين ليش اللي تستغل زوجها الخائن مادين قولي لي لو هي سوتها وش مصيرها انا مهوب الغرض عندي ماد ولا فضحه لا انا الغرض ان الموضوع مايمر مرور الكرام اني ماعرف عنه وانا شاكه اوكي ماراح اتعب عمري وادور عليه لكن اذا فضحه ربي قدامي لاولله ماراح اسكت واللي يخون مره يخون عشر واذا عرف ان الخيانه لها عواقب صدقيني ماراح يتعودها
وحلوه مستحي منها ام الويد ومايبي يجرحها بعد الخيانه فيه جرح الله يفضح كل خاين ان شاءالله عند الله ثم خلقه
............................................................ ..................


في مره كنت اتابع برنامج تعرض فيه مشاكل اسريه
وحده تقول اكتشفت ان زوجي له علاقه غراميه مع وحده وشفت خيانته بعيني لكن لا هو ولاهي يعرفون
وعندي منه اولاد ابغى اواجه زوجي
الت لها صاحبة البرنامج اذا انتي تبين بيتك واولادك سوي نفسك عميا ولا تخبرين احدانتي ما راح تستفيدين شي با العكس تشويهن صورة ابو عيالك قدام الناس والمتضرربناتك وعيالك
وحاجز الاحترام بينك وبين زوجك راح تهدينه حاولي تخوفينه با الله بطريقه غير مباشره
وحاولي تشوفين السبب الي خلى زوجك يسلك ها الطريق وسديه عليه بذكاء فضح موضوع زوجك ماراح يجيك منه فايده كثر ما تلمين الموضوع

انا معها اذا الحرمه بتقدر تتحمل وماتصرح وتحافظ على بيتها اقول لله درها وهذي ماجوره بس منهي اللي منا تقدر تصبر من دون ماتقوله شي
لكن الله لايقوله انا ماراح اسكت وبوقفه عند حده

مساء الورد والنقاش الحامي الحاد
الخيانة شي موهين ابد بالحياة الزوجيه وان اؤيد القاعدة اللي تقول ان لكل شئ درجات وطبعا لكل درجه قاعدة خاصة
يعني لو كان خيانة الزوج للزوجه بمكالمات ونت ومسن والاشياء هاذي اكيد انها امر مو هين والزوجة المفروض ما تسكت عن هالشئ مو بس تدربي هالرأس وتقول وش اسوووي ما في شئ مستحيل تحاول معه بكل الطرق انها تكون وراه وراه تخليه يعاف عيشته وتهجره بمنامه وتروح لاهلها وتزعل يعني انا اعرف وحده زوجها دكتور و ما خلت من الزين شي تقول وحده صديقته هي اللي تدق عليه كل صباح تصحيه للدوام جعلها ما تقوم من فراشها والمسكينه ما خلت شي زعل وزعلت وراحت لاهلها والرجال والله ما فاد فيه ليش ؟؟لان زوجته على انها حبوبه وعسل بس انها موقويه الشخصية فهو ما سوى لها خبر وسبحان الله الرجل ما يرضي غروره بالمرأة الا قوتها لازم تحسس الزوج انها قووية الشخصية طبعا القوة اللي على سنع
هذا الكلام طبعا للخيانة على مستوى مكالمات
اما مثل السالفة اللي قتلي ضمضم وهي انه يخونها مع الخدم هذا والله ما ينجلس معه دقيقة اجرمت بحق نفسها واولادها انا اقول اللي زينت له نفسه انها يرتكب اكبر الكبائر وهي الزنا قولي لي بالله هذا كيف استامن نفسي وتربية عيالي عليه الله لا يبلانا قال تعالى : (وَلا تَقْرَبُوا الزِّنَى إِنَّهُ كَانَ فَاحِشَةً وَسَاءَ سَبِيلاً) يعني اللي يخونها زوجها بالشكل هذا بس تكتب بين قوسين (زوجي زاني ) وتحس ببشاعة وعظم الموقف
خلاصة القول الخيانه لو كانت باي شكل كانت ممكن انها تتعدل او تبدل بس انها توصل مواصيل الزنا والله اني حتى وانا اكتبها ما اقدر من هول هالكلمة لازم تنهي حياتها معه باي شكل كان وعيالك ربك ارحم بهم ما راح يضيعون
يختي عيالك هذولا المفروض تخافين عليهم من هالاب الوحده اللحين ما تفكر الا بعيالها اللحين زوجي من المحافظين على صلاة الفجر ولله الحمد على ان لي 10 سنوات متزوجه بس سبحان الله يوم جاني الولد اقول الحمد لله بيصير ابوه قدوة له بالصلاة وافكر بحال الحريم اللي عيالهم بالمتوسط والثانوي والابو مسطل نوم لا صلاة فجر ولا شي هاذي بالله كيف بتقوم عيالها للصلاة والابو نايم اقل ما فيها بيقول قومي ابوي قبل هاذي لو انا مكانها بدعي عليه بالموت عشان اعرف اربي عيالي صح
والله يا ضمضم الموضوع مو هين ابد ولو كتبنا من اليوم لبكرة ما راح نخلص الله يكفينا الشر ويحفظ لنا ويهدي لنا ازواجنا وذريتنا يا رب

بسم الله << اول مرة تعلق وبتجيب العيد خخ

انا من الحين اقولكم ... انا مع راااابطة عناااااااااااااااااااااااد ..<< يحيا عناد يحيااا عنااااد

والله هيبة وشخصية .. بس يكسر خاطري والله ليش يحرمونة من امة ...

ماالت على ابوة جعل تجينة في مناظرة ... <<< احس الدكتور يلبس مناظر خخخ

والا ام جسار ...والله انها طيبة ولو بيدها ماخلتة بعيد عن امة ....

ملووك فديت قلبها هي اكوس شي بالقصة << من بعد عناد طبعا

احسن شي ماخذت ياسر ذا ماااااا ادااانية مااا اواطنة في عيشة اللة

جعل تجيني في ذا الجبهه <<< اتخيل ان جبهتة ذاا الكبر خخخ....

احسة بيمووت قهر لما يدري ان عناد اللي اخذ حبيبتة هو نفسة اخو زوجتة من امهااا هاااااااااااااااااااع

واللي باضحك عليية لييين اقول امين

جسار ..شخصية راقية .. واحترمها والله ..غيرر كتابااتة الخطيييرة ...

مقرن العاجي ...<< جعل تنعوج ظروسك قول امين ...

شايف نفسك على ايش هااااة << بدت تعصب ..

ياخي لافرق بين عربي واعجمي الا بالتقوى ... مير مخك الميبس ذا شيفهمة ..

بتااال ...وفلك

فلك ودي امسكها بالعجرا همن امخطها لييييين تنطم وتفهم انها يوم رجعت لرجلها كان عندة ثنتين ..

بعدين تعاالي << تكلم فلك خخ

الحين وشولة تغارين ... هااااة ... الحين المرة بنتها ميتة ورجلها بيواسيها فيها شي ذي

اي بعد ذا ..


وشسمة ....

لاخلاص اذا لقيت فيني حرة على احدهم بكتبها .....

ضمضم ..روايتك روعة استمري هع

بس لو تطولين في الاجزاء لان اليومين اللي راحوا البااارتاات مررة قصيرة لو جمعتيهم ببنارت واحد افضل
لانها احدات ورى بعض واذا فصلتيهم .... خليتيهم شوي باارديين

<<< ارجوا انك فهمتيني ترى انا مالي ومال التعبير ...


الناااصرة

مساء الخير

الله يعطيك العافية على البارت

(فلك ) رح تصرعلى الطلاق مارح تتحمل تعيش معه بعد اللي شافته وسمته منه {مالك عازة} و لانه ما يهتم فيها واهم شيء له زوجاته وابوه واهي عليها بس تتحمله

(بتال )رح ينصدم منها انها تبغى الطلاق و رح يرفض بتاكيد وكلمته {لازم يعدل بين زوجاته : اهوعادل بين مناير ومناهل بس ماعدل مع فلك هم كل شيء يبونه ويحتاجونة يحصلونه ويحصلون بتال معه بس فلك يحسب انه عادل معها لان ضنه ان حبه لها يكفيها و مع كذا يجرحها و لا يهتم فيها واذا تضايق اوزعل يروح لها يبيها تريحه و تواسيه و اهو يزعلها ولا يعتذر ولا شيء اهم شيء راحته وبس }

واتوقع ان مقرن يعرف بطلبها لطلاق ويروح يراضها و يستسمح منها

متحمسه للقاء عناد وجسار

وكشف جسار لحقيقة الولد المخطوف

(ملوك) هل راح تقول سبب عرج عناد او تسكت او ان الجرح رح ينزف وينكشف

(رهف) وش راح تسوي لو ما يخبرها من صاحبة الصوورة وعلاقته بها

(ياسر) هل رح يتكلم عن ملوك وعلاقته بها وحبه لها