كاتب الموضوع :
ضمني بين الاهداب
المنتدى :
القصص المكتمله من وحي قلم الاعضاء
ضمضم بارت اليوم بصراحه قوي قوي بماتعنيه الكلمه وفيه مفاجئة عديده
1/روحة عناد البيت ابوه
2/اعتراف عبدالمجد الجسار باخوه المفقود
3/رغبة فلك بالطلاق
4/خطبة مقرن البنته وعرضه على جسار
5/صورة ملوك بين ملابس ياسر
شفتي وشلون ضمضم البارت القصير على القول فيه كم نقطه تستاهل انتس توقفين عندها وتكتبين وتكتبين لين تتعب الاصابع من الضغط ولله
الى متى تستمر الحياة بينكم بذا الشكل ملوك انتي وعناد رسميه بشكل ممل وثقل من الطرفين ماله سنع
فكر عناد بحياتك انت تدري ان مالك الا ملوك حياتك صعبه مع الكل وامك هيا مهيب دايمه لك عشان كذا لازم تغير طريقك معها وتحاول تزيل الحواجز بينكم بس تدري هذا متى بيصير اذا عرف عناد منهو ومنهي امه وسالفته في ذا الحاله الوضع بيتغير وماراح يلقى قلب حنون يشكيله ويبكيله غير ملوك اذا ماصار بينهم تقارب بذا الفتره من الحين شيلي قشتس ملوك وروحي العمتس تشكيلها وتبكيلتس وكل وحده تواسي الثانيه وتثبت ان بنات البراق ماقدرو يحافظون على بيوتهم
وبعدين تعالي انتي بعد تشتركين بذا الجفا والرسميه اللي بينكم تقربي يالخبله ذوبيه بالكلام اذا كان هو لوح تصيرين مثله خليه غصب يتحرك علقيه فيتس اكثر واكثر هو يحبتس وانتي تحبينه وشالمشكله بالموضوع
خطوه حلوه منك يبورعد سمعت كلام الوالد ورحت للبيت وبعدين اذا كان جسار مايبي يشوفك يصطفل ياخي البيت لك فيه مثل ماله معقوله بتنحرم من بيتكم والسبه جسار والمشكله ان السبب منه ماحم زوجته ولا رباها ودلعها ويوم جرحته علق السبب على غيره ادخل ادخل ولا تجلس تتريق على البنت وتستهزء اذا قامت تعطيك نصايح هي قصدها زين ماتستاهل منك كل هذا
وبعدين شوفة درر ماتغير فيك شي اذا شفتها وشفت حالتها يقلبي عليها راح يتغير موقفك ويتغير فيك شي كثير ويمكن اولها طالب فيها تعيش عندك عشان حالتها النفسيه
تدري جسار وش اللي مفرحني من جيت عبدالمجيد ان اكيد الوضع بينك وبين عناد بعد السالفه بيتغبر اي نعم ضمضم وضع عناد وجسار راح يتغير يمكن ماراح يكون فيه عتب بين الاثنين ولا واحد منهم بيتاسف للثاني لان موضوع عتاد اقوى بكثير بيحرك بجسار الاخوه اللي فيه وبيفكر بحال عناد وشلون 30سنه محروم من امه وهي موجوده وشلون عايش جفاف عاطفي من ام تفرق بينه و بين اخوانه وهو يظن انها فعلن امه بس تفضل اخوانه عليه هل هذا سهل لا بالعكس يقطع القلب ويخلي الواحد مشغول فكره ليه انا وبس وكل اخواني غير ليه ماحس بحبها لو ماكانت تكرهني بس القلب يحس ويدري انا غير وخواني غير
بس ياترا عناد راح يقبل بتقرب جسار مهوب جسار بس امه هيا وابوه واخوانه هل بيرضيه تبريرهم وعتذارهم عناد صعب ورضاه اصعب
تدري جسار زين ان عبدالمجيد طاح فيك انت انت حقاني وراح تسعى انك تعرف السالفه وتتحقق من الموضوع والدليل انك من بدايه الموضع سعيت له بس ياترا جسار اذا تاكدت من كل شي وعرفت بالموضوع بتهون عليك مصيبك وسالفة سيوف اتوقع ايه راح تنساها وتنسا طوايفها وبيتغير شي كثير عليك اولها بتقرب من اخوك وبتضم بناتك وبتفكر بحياتك وعرض مقرن عليك الايام يجسار بتكشش المستخبي
اقول اهجدي الله يجزاتس خير حنا قلنا ازعلي وادبي بتال لاكن طلاق مره وحده لا شكلنا هيضناتس وخليناتس تصدقين انتس مظلومه لايبنت انتي الحين حامل واللي بطنتس يبيله ابو يربيه وغيرك كذا من تروحين له يعني معتزه بذا المخربه بيت اخوتس البيت المناف الولد بيتزوج وبنت الناس ماراح ترضى بعمة رجلها عندها وانتي في بيتس معززه ومكرمه اقل شي انتي في بيت خيره واجد وبتال يدخل ويطلع عليتس حنا ماعليه لو قسينا عليتس نبي مصلحتس يالغاليه وبتال اصلح لتس
نقول اقرص اذنه بس لاكن طلاق لا لالالالالا حتى التفكي فيه محرم عليتس وبعدين تعالي انتي ماتعرفين كيد النساء بدال ماتكسبين رجالتس تسلمينه للحريم وتخلينتس شماته الحريم العاجي وينتصرون عليتس وينكلامتس اللي دمهم عند عتبت بابهم مدري اذا صغتها صح ولا لا
بدقة اصبع تجيبين راسه يخبله اللي بقلبه لتس مهوب اليغرتس وعاد جيت الولد بيكون لها المفعول القوي وبترزتس بينهم
تدرين عندي احساس ن زعلتس هذي مهيب معديه الا بتدخل من العاجي الكبير والظبي مادري احس مقرن والظبي بيتدخلون عشان يصلحون اللي بينكم وهذا اللي بيحر مناير ومناهل اكثر والشي اللي حارين فيه فلك خلاص بح رفض مقرن والظبي
تدرين فيه مثل يقول اخطب البنتك قبل ولدك وانا بصراحه ائيد الشي هذا وشفيها لو الرجال شاف الشخص الكفو وخطبه البنته حنا دايم ننظر للمنقود وهذا الشي خل كثير من الشباب الصالحين يطحون برذل الحريم وخلا البنات اللي والنعم اصل وفصل وتربيه تطيح بالخايب العايب وكله عشان العيب احيك ابو عبدالعزيز على خطبت جسار صحيح يمكن يتردد جسار بالزواج من الظبي والسبب مهو عدم رغبه فيها لا ولا السبب انها بنت مقرن العاجي برضو لا السبب انها طليقة صديقه طارق ياترا بتتغلب على ذا العقبه مادري يمكن اذا انت صرحت الطارق بالموضوع واستشرته اذا له فيها خاطر وان الزواج منها ياثر على علاقتهم
تدرين اعرف شخص مات ابوه وترك له 4خوات وكل وحد تقول الزود عندي ومن تصي اخته عمرها 18 يبدا يدور لها على رجل ولا استح من الموضوع و3من حواته تزوجو بطريقه هذي وعايشن احلا عيشه لانه يحس انهم امانه برقبته ولا اي واحد ينتامن عليهم
ياسر صوره بصوره والبادي اظلم انت سفلت بابو ابوها عشان صورة اخوها والحين هي بتوريك شغل الله عدل والسبب صورة ملوك
ياللى وش بيكون ردك على البنت اقلها هي مافي قلبها غيرك لكن انت لا قلبك مالكه غيرها
ننتظر ردة فعلك هل بتكون عاديه ولا بتهوش لانها تعدت على حقوقك ولا بتراضيها وتحاول انها ماتعرف تدري اشك يمكن بتجرحها وتقول السالفه لها عشان تخليها تحس باللي حاسه من صورة عناد
ضمضم مشكوره يقلبي ولله انتس تفاجئين كل مره بارت جنان يفوق اللي قبله واصلي الابداع وتاكدي ان ماراح نتضايق او نزعل اذا توقفتي لانتس وواضح تسعين لارضائن جعل ربي يرضى عليتس آمين
|
12-03-11, 06:30 PM
جديد مواضيع قسم القصص المكتمله من وحي قلم الاعضاء
العرض العادي
