^
^
^

اوافقك بالراي لا عناد ولافلك
اختاري غيرهم ...مع ان كلهم حبوبين اشاريك بالجد مقرن ..؟ممكن تكون شهد بنوبه صرع
بارت راقي جدا تروق لي ابجدياتك في وصف الاحداث ...

مساء الورد
يعطيك الف عافيه

ويا قلبي والله كان مقصدي من التلميح للرواية الثالثة مزح لا اكثر ولا لو تجلسين في بعض العيون سنه تابعنا معك الله
يحفظك لعين ترجيك بس هذا ما يمنع اني متشوقة لـ [ثرثرة آرواح متوجعه]


وبعدين مدري ما تهنيت بالبارت والمشكلة مو بالبارت بردك اللي فوقه ليته جاء بين الصفحات ولا شفته خخخخخ ما نبي ابطالنا حد يموت منهم والله حسافه والله يتنكد علينا جو الرواية >>قولي وااللي بيشاوركم>>

حلو بدت تتضح سالفة عناد ويوسف حسبي الله عليه الله يستر ويحفظ عناد ان شاء الله بس اتوقع انه ما راح يطلع منها بسهولة اكيد بيلاقي صعوبات كثيره الله يحفظه ويوسف انا اشهد انه ما ينخاف الا من الساكت كنت على بالنا حمامة سلام وطلعت ياما تحت السواهي دواهي

شهد والله رحمتها ومبرراتها مقنعه الى حد كبير مع ان رواف ممكن ان فيه مية علة وعلة على راي عناد فيه بس واقع مجتمعنا كذا وللاسف لو يكون ادنى شئ بالبنت يأثر فيها يعني اعرف وحده ما شاء الله حلوة وانخطبت وكل شي تم ولما جاء فحص الزواج صار فيها سكر وهي ما كانت تعرف مع ان السكر مرض اعتبره عادي وللله الحمد لكن الشاب قال لاهله والله ما خذها يعني اصرار شهد عشان تقبله لوضعها وحبه لها وهي على هالوضع

ياسر ما عجبني ابد مع رهف ما احسه طيرة مخه بجمالها صح يتغزل بها بس عاد مو اللي متعودينه من لسانه اللي ينقط عسل
معقولة اللحين بس حسينا بحبك وتعلقك بملوك اللي خلت اشبه بالصقيع مع رهف ان شاء الله رهف تذوب هالصقيع اللي احسها صايره فاهية بعد الزواج خخخخ

يوووو يعني جبتي هاللحظه الرومانسية بين فلك وبتال تبي تهبلين بنا بس والله ان نفتن عليك ونرسلها لفلك عشان تشوف شغلها معك يعمري يا فلك والله لو تدرين خطر عليك وانتي مكانك تبكين على الاطلال >>فيس انقلب يتكلم بالعقل >>
رحمة مناهل من جد وهي تتكلم عن امور تتمناها قد تكون باعيننا بسيطة ولكن بعين كل محروم كبيرة يعني بتال ما غلط ابد يوم سافرها وانتي يا فلك ولا لك حق تزعلين وان زعلتي عندك اقرب جدار دام انها زوجته لها مثل مالك احنا بس تحمسنا معك عشان ما قال لك عن سفرته معها وعلى كلامه القاسي لك هو ووجهه>>فيس يحس ان كلام العقل يقهر بس هو الصح خخخخ>> الله ينول كل محروم يارب الذرية الصالحه ويحفظ لنا عيالنا ويخلي لك عيالك ضمضم ويذوقك برهم

تسلمين يا صاحبة الذوق
جورية لروحكـ

الى الان وبعد العواصف السابقه الامور راكده البارت هذا واللي قبله الامور مستتبه فيه عندي احساس ان بارت السبت بارت الانفجار وبتبشرينا ان شاءالله بمولود فلك وردة فعلها ان ابوه ماطان موجود وحتى بتال نسه بيندم انه انولد في غيابه
عناد ومهمته مع يوسف وش اللي منتظره مدري احس فيه قنبله السبت


ضمضم فكينا من حبكاتس مانبيها الا تموتين احد الابطال ترا مالنا غنات عنهم واذا لابد من احد يموت ترا الموجه تغيرت ولابطال تغيرو وبعد عليتس ابطال الروايه

مقرن العاجي
مناف
ساري
ابورهف
سطام
اختاري بطل منهم وخليه بفطس واذا تبين ريان ياللى خوذيه واذا خلاص خلاص صكيتي علينا وتبين شخص من اللي خبري خبرتس بتنازل عن ياسر لكن بتال و عناد وجسار لالالالالالالالالالا
وترا ماعلمتس شي ياسر وعناد وجسار وبتال مهوب ابطال ادوارهم ثانويه وانتي قلتي بتذبحين بطل وذولي يعمري مالهم دور ابد
ونجم الجماهير والبطل الاول واللي اسمها في اول الروايه وله البطوله مقرن العاجي جعل ربي ياخذ امنته وتصير الضربه فيه



تكفين لاتقولين عناد بيموت وملوك بتصير حامل وجسار بياخذها ويربي عيال اخوه
مدري ام البزيد قام الفار يلعب في عبي
بلا فار بلا قطوه وين تذبحين الرجال وامه تنوح عليه نوح خليها تهنى فيه وبعد لقت ظناها وتذبحينه ابي اشوف عناد اذا ذاق طعم الحنان من ام تدفق حنان ورهف اذا عرفت انه اخوها وشراح تسوي ولاهم ياسر بيسوي مثل عناد وبيمنعها مثل ماعناد حاكر ملوك



وبعدين تعالو بنات وشذ الذهبي اللي كلن يحتس عنه يانا حولى ماقراء زين ولا تغبون عن شي
من اللي فهمته شكل الذهبي رجال الظبي المنتظر واذا كذا السالفه فمافيه احد ذهبي الا جسار


انت قاعدنلي تخمم في ذاللي عندك وام ولدك تحترق في الرياض اقول انت وجهك تكلمها ولا لا خذت بخاطرها ولا لا سئلت عنها من يروحبها المواعيدها حالتها الصحيه وشلونها وبعد قهرك لها النفسيه زينه ولا لا مالت عليك بس ولله انك ماتستاهل الحب اللي تحبه لك فلك
قهرتها وذبحتها انت وحريمك الله يستر عليها ماتعسر ولادتها


اقول ضمضم انتي ماحددت اللي يموت حرمه ولا رجال يويل حالي عسا مهيب فلوكه ولا ملوكه لا تكفين الا ذا الثنتين على اني معجبه بظبي بس ماعليه موتيها ولا ملوك وفلك
مناير ومناهل وش موقعهم من الاعراب عذول موتيهم ولا نقول ذي عندها بنات موتي مناهل بالعمليه وريحينا منها وخلي مناير تنغجع عليها ومن الفجيعه تطب ساكته وزهلي بناتها ولله تربيهم فلك ازين تربيه من امهم

ام اليزيد بس افكاري تودي وتجيب من البطل اللي بيموت لاتفجعين الله لايفجعتس بحبيب يارب
منتظرينتس ضمضم يوم السبت بكل شوق الف مليون شكر على الانضباط بالبارتات وصدقيني مثل ماقلت ام اليزيد اللي يجي منتس حلو طال او قصر البارت وافيه وربي وماعليتس قصور

ضمضم لا تكفين عاد الا الموت مدري من وين جاتس ها الافكار العميا

وزودتها على النوفي يوم تقول الخوف انتس تبين تهفين راس عناد ما اتفقنا على كذا انا ماهو الفار قام يلعب بعبي فيران وجراذي قامت تناقز حولي

لا ضمضم روحة عناد مع التسلب الخاين يوسف >>يا خسارة اسمك بس

ما هي ماره على خير خليتيني ما غير انشد ربعنا عن الدرع الواقي من الرصاص ولا اخذت منهم لاحق ولا باطل غير علامات استفهام على روسهم

ما تسوين خير ضمضم اذا جات الرصاصه بدمجة عناد ما ينفع لا واقي ولا خوذه
خلي الرصاصه تطير بخشة الخاين ما عليه حسوفه

والا عناد فيه من ينتظرونه

تكفين تذكري اذا جاتس افكار مدري منين تجيبنها تسوين اكشن

تموتين عناد جسار بياخذملوكه ويمكن صدق تكون حامل ورعودي الضعيف وين يروح مافيه الا جسار هو المنقذ

والغيوض الي انفتت كبدها تنتظر ثلاثين سنه

لي عوده بعد ما اخذ نفس واعقد مشاورات معك ومع الي خلف الكواليس ندور حل