هلا ضمضم انا متابعه من بعيد هناك
تعليق صغير واتمنى الا يكون هناك زعل اوضغينه
البارتا يومان في الاسبوع
لا بأس في ذلك لكن ان لا تكون قصيره
وشكراً

يسعدلي يومك

مشكورة على الروايه الغريبه والحلوه

وطبعآ الشكر موصول للغاليه طيف الاحباب ياعلني ماأخلى منها ,,,

اذا ماكنت غلطانه لك روايه قبل هذي ,,ولذلك قلت عشان اكون عادله

بقراء الاولى عشان اذا قريت الثانيه ومن ثم الاولى طبعآ بتنظلم لانه اكيد بيكون

في تحسن وخبره تكون واضحه بمولودتك الثانيه ,,,,لكن اعترف ماقدرت

قلت بس بشوف اسلوب الكاتبه ومن كم سطر باول جزء ,,,ولقيت نفسي

منجذبه بقوه للأحداث ,,,

الفكرة الاساسيه اللي كنت قاصدتها هي ان مو أصل وعروق الشخص اللي

ترفع منه ,,بل تصرفاته وتربيته وشخصيته والاكيد الاكيد دينه .

ومن ثم طبعآ سلطتي الضوء على عدة امور انا برأي الشخصي اشوف

انها مهمه وواقعيه .

اسلوبك حلو ماشاءالله ممم اتوقع انك تقرين كثير لان كتابتك ادبيه

واضح جدآ عزة النفس بشخصيتك ولذلك كانت واضحه بكل شخصياتك

مافي بطل واحد وكأنك تعطي قرائك مساحة خضراء خصبه ان كل واحد

يشوف الشخصيات القريبه منه ,,,,,ماشاءالله عليك واضح انك واعيه ومطلعه

على جميع قضايا البلد وقلتي رأيك ونظرتك وانتقادك وعلاجك بجميع القضايا

من خلال شخصيتك جسار ,,,,,بــــــــــــــرافو عليك .


=============================

مابي اثرثر كثير لان ينتظرك ثرثره وش كبرها عقب كل بارت <--ليتك ماجيتي .


لكن لي كم تعليق على احداث الروايه وعلى الشخصيات وبحاول تكون على السريع .


ممممم

بصراحه من اول الروايه ربطت شخصيتين بعيدتين عن بعض لكن

اشوف انهم بيكملو بعض مع ان الواضح انهم متضادين

الظبي وجسار

من جد هذول ثنائي رائع رائع جدآ ,,,,الظبي وحملها الغير مكتمل

وكان واضح جدآ ان علاقتها بطارق بتنبتر اكيد مهما كانت الاسباب ,,,,مثل ماكان واضح

خبث سيوف وانها بتختفي بس مجرد وقت ,,,من حلم ام عساف ومن تصرفاتها المخزيه.

ومن هنا انتقل لتعليق ثاني ,,,اهنيك عليه وبقوووووه ,,,,علاقة الظبي وطارق مثل علاقة

ملوك وياسر ,,حسستيني ان مو علاقه كامله تحسين فيها استفهام ولذلك كان واضح

انها ماراح تكتمل ,,,,مع انها كانت علاقه طبيعيه ,,,وهنا اقولك برافو ,,,لان قليل جدآ جدآ

من الكاتبات اللي يقدرون يعدو هالخطوه بنجاح .


الثنائي اللي عجبني ,,,,مناير ومناهل ,,,

ممممم

اللي فهمته ان قصدتي تحطين بنت العم واللي دمها العاجي يجري فيها

والعنجهيه اللي يعتزون فيها لكن بصراحه مافيها من اي صفه نقول والنعم فيها ,,,

مع ان فلك الي وصفها مقرن بمنهوبة الجد تصرفاتها وتربيتها تجبرك تحترمينها والاهم

الوحيدة اللي جذبت بتال وتملكت بقلبه ,,,,لكن بصراحه هالثنائي ذكروني

بمسلسل( خرج ولم يعد )زوجات سليمان ابو الريش ,,,,وخصوصآ مناير

مقلعه بقوه كل ماقالت شي ضحكتني ,,,,سواء بالليلة الرومانسيه او باهتمامها

بشعرها وجسمها .,,,,,,وحتى نظرتها للطلاق وخوفها من الشماته ,,,برافو كنتي واقعيه جدآ.

وكأنك تشوفين شخصية حولك تعرفينها .

الساري من وصفك له تذكرت الوجه الكريه اللي دايم يتذكرة عناد ويوم قلتي انه قريب لام عساف

من بعيد ,,ربطت بين خطف عناد وبينه .

=================================

باكتفي بهذا القدر من الثرثره

وبانتظارك اكييييييد .

الله يوفقك ويسهل امرك

الغالية ضمضم

بارت غاية في العذوبة ومليئ بالمشاعر الجياشة رائع كم هو رائع ومؤلم ومعذب موقف بتال وفلك ضاق ذرعا بغيرتها وزعلها لاتفه الاسباب ولكن هل من المعقول ان يتخلى عنها ؟؟ ولم يصبح لها اي عازة ؟؟ لا اتوقع ان يتخلى عنها مهما ضاق بتصرفاتها اتمنى ان يتحسن الوضع بينهم ولا يتفاقم اكثر من ذلك

ياسر ورهف احساس صعب ان لا ترى اي احد من اطراف عائلت امك تحس بنفسك وحيدا مهما اجتمعو من حوله اهله الباقيين فهو بحاجة الى رائحتهم وجودهم بقربه هيا يا ياسر انسى ملوك وربع رهف الرقيقة على عرش قلبك ولا تجرحها فاظن انها لن تقوى على جروحك

ضمضم صحيح ان الجزء قصير ولكن صدقا لو كان اطول لتبعثرت المشاعر ولن تبقى هذه الحلاوة والعذوبة بها كما هي الان جزء ممتع جدا بانتظارك يوم الاثنين بكل شووووووووووووووق ولهفة

مساء الخير ضمضم ،،،
بارت موجع ،،، كسرت خاطري فلك ،، واثنينهم غلطانين ،، بتال وفلك ... هو لأنه ماقال لها من البدايه ،، مع انه كان عشااان يداري خاطرها وخايف على زعلها ،، وهي غلطانه لأنها كبرت السالفه واااجد ،، واعتقد حتى لو كانت تدري قبل ماتقول لها منيهل ،، كان بتسوي نفس الشي ،، لأنها غيورره وااجد ،، مو مثل ملووك فديت قلبها العاقل ،، تغطي على تصرفات زوجها يعني ردة فعلها كانت كبيره وااجد وغير مبرره الا انها الغيره القاتله ،، وبتااال مايستاهل اللي يسووونه فيه هالحريم ،، لكن نصيبه .. شيسوي !!!

الظبي ،، ياويلك من ياسر على تجاهلك لخالته وحرمتيه من خزامى البراااق ،،، مب كافيه خزامى الدايس اللي قداامه ،،
والله يعينك على ثورة ياسر لما يدري انو خالت ماعرفت انه طلع جناحه مع زوجته ،، بيسوي ثوره تنافس ثورة 25 في مصر ،،، ههههه
لفت نظري كلمه قلتيها ،، وهي ،، كيف لعاج ان ينطق بالحياه ويحب ....
فكرت في اختيارك للإسم ،، واحترت ،، هل فكرتي في اسم العاجي قبل كتابة الرواية ؟؟ او فكرتي في العبااارات حتى تناسب الاسم ،،
فيه عباره يقولونها لما تشترين شي ويحطون سقف او لمت بالكيلو متر او المبلغ ،، ويقولون لك ،، ايهما اقرب ؟؟؟
فسبب توفيقك للاسم اي السببين اقرب ،، الأول والا الثاني ،،، واياً كان ،، فهذا يدل على ابداع عظيم وغير محدود منك ...