هووووووو هووووووو شكل الدعوه كبيره مدخلات واحزاب وعلوم
ضمتضضم انا مابعد قريت اللي فات بس دخلت على الصفحه الاخيره وماقبل الاخيره وشفت الدنيا تضرب تئلب واللي تهدد بعناد واللي واقفه معه بخسره وشره بس من الحين انا مع ام الوليد اللي بصف ملوك انا بصفه
الله يهديتس ام اليزيد ليش ماقلتي انتس بتمرمطين ملوك عشان ادعيلها بالحرم وعناد والذي على شاكلته اصكهم بكم دعوه تسدحهم

ضمضم بقراء ان شاءالله البارتات اللي فاتتني ولي عوده

السلام عليكمـ..
.
.
مساء الارواح المعانقه لــقلبي..,
.
.
.
متـصفحي يُنير بمناقـشتكمـ...=)
.
.
.
قـمرنا..

تصدقين ضمضم اني خلاص معاد ابي لقب الا ام المزايين خلاص تسميت بالاسم لبي قلبهم بس مزاييني
شوفي ضمضم اول ماقرين بعض الردود مدري تراولي ان عناد مخربها وبقوه مع ملوك وتمنيت اني بمكه وصاكته بدعوات التسخير الملوك بس بعد ماقريت البارتات ولله اني اشوفه باحسن حالاته مع ملوك وبدا ولو ماكان واضح بتصريح عن مشاعره اللي فضحته وخلت ملوك تتجرء وتسئل عن مكانتها عنده
ام وليد وشفيتس على الرجال نرا بدا يتقدم ولا بعد ينكت ويمزح ابشرتس هو وجهه ولا بعد يعرف يتغزل ويقول كلمتين وينحاش ياللى في تقدم ابو رعد



ام يزيد تكفين فكينا من ساري ليكون هو زوج الظبي دخلته بالعائله مهيب هينه لان زواجه من الظبي مهوب حار طارق ولا قاهره كثر مايكون زواجها من جسار
تدرين ضمضم مقرن هو اللي بيرسم زواج بنته من جسار وهو اللي بيقنع جسار
لكن الظبي انوقع انها توافق عليه اول شي انها هي اللي واقفه بوجه جسار من البدايه وتشوش الحرب ضده ودايم يقال مامحبه الابعد عداوه ثاني شي هي قصدها تقهر طارق وتبين له انها ماخسرت كثر ماهو خسر لانها اول شي خذت واحد يساويه او احسن منه لا باسم ولا بمكانه ولا بحسب او نسب ثاني شي صديقه الصدوق بس ياترا موقف جسار وش بيكون هل بياخذها وهو عاف بكل شي عنها هل بزواجه منها انتقام النفسه ولا الصديقه ولا الجنس الحريم كله عشان كذا خذا اقوى مره يشوفها ند للجميع اللي هي الظبي انا غدن لناظره قريب

الا ضمضم بسئلتس عن كاديه اللي مرسله الجسار هي كاديتنا اللي بالمنتدى ولا ثانيه
اذا هي بنتنا قولي وشلون وصلت رسالتها لابو درر ولله ان عندي رساله وشطولها تقريبن طول فاتورت مقاضي رمضان ولا اقلها دخليني بالروايه لو كنبرس

يمه منك جسار وشذا المعامله البنتك حرام ولله فقر وغلدمه لاام ولا ابو حنون حتى شكل اهل البيت مهملينهم لامن ام جسار ولا بنتها تربيت البنات على الخدم ابو درر البنات بيضيعون مثل ماضاعت امهم والسبب اهمالك وانشغالك عنهم مهوب حسن التربيه حرمانهم من امهم وبس لا البنات يبون تربيه وتوجيه ياخي اسئل اخوك وشلون ملوك مع ولده حبته وحنت عليه اكثر من ابوه نفسه
تدري اني اخاف عليهم من الظبي لو صار وتزوجتها لان تالحرمه شكلها مهيب حنونه وانسب لهم خلود بس مدري انا اتمنى الظبي لاني احس بيجي اكشن بزواجك منها



مالت تدرين عاد انتس جنيتي على عمرتس يامناهل اثرتس منتيب هينه بس ربي عارف لتس يوم مارزقتس العيال هذا وانتي مكسوره لارجل يحبتس ولا ذريه تلهيتس
تخيلي الكلام وصل البتال مع اني متاكده انه بياصله من اللي بينحرق قلبها من الكلام اللي قلتيه
تدري بتال انك غلطان انك ماعلمتها برحلتك وشهي بالاساس انا متاكده ان فلك عاقله ومهيب زعلانه من سفرتك العلاج مناهل لاكن الحيين لو علمتها بسبب الروحه ماراح تصدقك لانك خبيت عليها الموضوع من اساسه وكد انك ماخبيته الا لك انه فيه
فلك ولله انتس منتيب هينه هبلتي بالرجال تصدقين انتس اعجبتيني سحبيه على خشته وريهم كلهم منهي بنت البراق اللي يتتريقون عليها وذا الخايسه راحت الياسر وماقالت لها شي بس تدرين فلك هذي غسلي يدتس منها هي السبب في اللي يصيرلتس انتي واختس وبنت اخوتس
الملامه على ياسر اذا كان هو اللي مبلغ الظبي بدخلته
والملام اكبر لو كان بتال هو اللي مبلغها وماقال الفلك
يمكن الشايب مقرن هو اللي قال لظبي عاد جته اهانت فلك من الله هو وبنته
بس غريبه ياسر ماسئل عنها يمكن سبقنا الاحداث



الى بكره وانا معجبه فيتس ملوك واكثر مايعجبني فيتس تصريحتس الصادق بمشاعرتس وضوحتس وصدق مشاعرتس وشفافيتس سر جمالتس
يادلخ احد يفرط بجوهره مثلها ماحلك تفهم ان البنت تموت فيك ولله البنت مافيها ثقل ولا لف ودوران على بلاطه قالتها لك وفوقه مسجات عمتها اللي بينت البنت اكثر واكثر
انت ماشفت البنات وشلون يتفاصلون بالزوجه اللي ينكحها الرجال ياللجمال ولا اخلاق ولا ملح وانت عندك ماشالله اللي جامعه كلش بتاعت كله ولاهم انها تنازلت عن كل شي عشانك الوظيفه والاهل وبعد مابين بعينك لو شافت ربق حلو على تضحياتها كان مايخالف لكن فقر وغلدمه لاعاملتها زبن ولا هي اللي خذت حقها كامل
وترا منتب عارف قدرها الا اذا فقدتها والبنت لها طاقه وبتنفجر بعدها وعاد شف ياحرقك انفجارها ولا ماصابك الا شضايا
بس تدرين ضمضم احس لبارتين الاخيره فيها تقدم تدرين ليش اشو الرجال ماضربها ولا هدها ولا طردها
بس يتتريق عليها ويسخر منها ويعلق عليها شفتي وشلون يحبها وفي تقدم واصل ابو رعد على هذا المنوال وصدقني بتكسب قلب فلك اكثر واكثر لانك ماشاءالله دكتور في الرومنسيه <<<ولله انك منجبها



معقوله ياجسار انك بتقاطع اخوك عشان ذا الشيفه ياخي الرجال مهوب غلطان انت اللي تتحمل الغلط من راسك الساسك معطيها الخيط والمخيط اعماك حبها عن عيوبها ماتشوف وشلون لبسها ماتشوف حركاتها ماعمرك راقبت تحركاتها وين راحت وين جت اهمالها البناتها مالحضته ولا مغرقها بالهدايا وتزعل عليك وتراضيها واذا شفت عليها شي ماتوقفها عند حدها مجرد ماتعطيك وجه وكلمتين حلوين ركضت وراها والحين تلوم اخوك لانه صانك وماعطاها وجه ومابغى يكبر الامر بينكم خاصه بينكم عيال وفوق هذا يمكن عارف وشكثر انت تحبها ويعرف انها عقرب وبتقلب الموضوع عليه وانت بتصدقها لقى افضل حل يترك المكان لها ويبتعد بزوجته حتى انه مابغى ملوك تحتك فبها
مع ان اللي سواه عناد ابد مايوفق مع شخصيته الصارمه اللي مثله المفروض حاسم الامر معها من بدايته



لا ام جسار ابد مهوب حل طلاق ريان لضي خاصه ان ابو جسار ماراح يرضى ولا هوب السبب الطلاق او بقائه هو يب يادب الولد على فعلته مبدا انه ماخذ البنت بدون علم اهله وحملت البنت وبعد ماعلم ولا لو مسئلت النسب تهمه كان سوء مثل مقرن ورفض البراق مثل مامقرن رفضهم خاصه ان عائلتهم ماتقل عن عائلة مقرن العاجي



تصدقين مادري ليش عندي احساس ان ام عساف مطلقه ظلم مادري احس ان ابو جسار متهمها اتهام باطل وهي بريئه منه ويمكن هو بعد مغرر فيه لان لاام عساف ينشك فيها ولا ابو جسار ينشك فيه اكيد الموضوع ملفق لهم وبسبته تم الطلاق والرجال خذ الولد وغير اسمه ومحى شي اسمه امه من حياته شكل الرجال حاقد مايبيلها اي صله بولده



ضمضم الروايه كل مالها وتحلا اكثر ويزيد فيها التشويق ماشاءالله عليتس مبدعه وربي الله يارب يوفقتس
والله يسلمتس ياقلبي وان شاءالله شملناتس بالدعوه وينولتس اللي بالتس ودعيت لكل اعضاء منتدانا الغالي ربي يقبلها ان شاءالله منتظرين القادم والقادم احلا

يعطيك العافيه

بارت رووعه ونقله بحياة فلك احسن خليها تعقل شوي مو اي كلمه تمشين وراها

بنشوف وش يصير لملوك بعد ماعرف عناد عن الي يدور براسها

يالله ننتظر البارت القادم