سلامتس ام اليزيد وماتشوفين شر يقلبي وان شاءالله اخر الغيبات
وخذس راحتس لاتجين الا وانتي مستعده للعوده ولله ان نعرف ان الواحد يمل من الكتابه يجيه ضروف نفسيه او صحيه
واللي مثلتس ضمضم ماقصر منظبطه معنا وبارتين فالاسبوع والبارت يغني وشامل وليت جنستس واجد وربي



تدرين الكلام هذا يقال عن وحده تنزل بارت باسبوع وتغيب اشهر ولله لو روايتها روعه تحوم كبدي منها اذا انتي ماتقدرين تنضبطين معنا لاتنزلين لين تنتهي الروايه ولا لاطالبينا بتواصل معتس والرد تدرين اعرف كاتبات نزلو رواياتهم ومنضبطين فيها بس لان الروايه اول رواياتها والقراء قليل كانت ماشاءالله تنزل بنضباط مع ان الروايه مهوب لاهناك
بعدين بدت تتحسن في الكتابه ونزلت روايه احل واقوى وكان لها متابعين ومع تشجيعهم اخذت تتحسن اكثر وهم زادو اكثر بالتشجيع لكن وش جازتهم فيه قامت تتفنن بالاعذار ماعليه عذرناها مره مرتين ثلاث لكن مصختها ولله اني ماعاد اشوف جمال بروايتها حتى لو شفتها منزله البارت مادخل اقراء الا على فضوتي واطلع واحيانن اقول خل لين تكملها او يجتمع ثنين ثلاثه بعكس الروايه اللي تنزل بستمرار وبنتظام اتشوق للبارت واحرص على اني مانسى ارد عليها يعني بالاساس خسرت ماربحت وبدال ماتكسب قراء خسرت
ليت كل كاتبه تحط ام سعود انفاس قطر وام اليزيد ضمني بين الاهداب وا البنوته الحلوه الغرنوقه والغائبه الحاضره حبيبتنا شارمي وغيرها وغيرها مثل تحتدي فيه
روحي ام اليزيد حافظتس الرحمن ورتاحي ولله راحتس راحتنا وحنا بنتظارتس
ماعليه طولت بس ولله مجروحه من بعض الكاتبات اللي يحومن كبدتس



ياسر حيبي الله عليتس الف مليون تحاسيب

تدرين ودي انط وزنطه حسبي الله عليه يعني انت تغار وغيرك لا زوجك يوم بس شفت زولها مع الشباك قمت تفر الحصى على الشبابيك لو فالق لك بز ولا شغاله ولا سواق مايتفدت شي
وانت ووجهك راز خشك عند بنت خالك وانت طليق لها سابق وزوجها غايب ولا بعد تمدح فيها عند رجله مايجي منها الا الزين انت وشدخلك وش عليك منها صدق انك تقتل القتيل وتمشي بجنازته
الله يلهيك يارب برهوف وتنس ذا الضعيفه وتتركها هي وحياتها




عناد تدري متى ترتاح اذا فقدت ملوك وقعدت تصيح على الاطلال

ياخي فيه شي اسمه تفاهم فيه شي اسمه اخذ وعطا ماصارت شك وتهام وكلام وقذف غير لايق البنت محترمه نفسها ومحترمتك لالبسهاولا فكرها ولا اخلاقها يبين انها راعية حركات
تصدق انك مريض نفسي واللي سوته ملوك اثر عليك وعممت عليه كل الحريم
عناد قبل ماتحاسب ملوك حاسب نفسك لو مثلا سلمنا بان ملوك هي اللي مناديه ياسر وعازمته زين من زين فعايلك وتعاملك معها ريق حلو ماعطيتها كلمة حلوه ماسمعتها البنت في سنين الملس يعني اول الزواج اجل بعد شنيتين وش راح تسوي بترجفها مع الباب بليا عباة
اقول لاتسوي فيها رجال وتلايط ولله لو تحرك ملوك وتاخذ ثيابها وتطلع من عندك ان توطوط عند باب بيتهم وترا هي الان ضروفها الحين احسن اخوها فيه وبيتهم مفتوح لكن انت وش بيصير لك اللي بينك وبين اخوك ماراح يخليك ترجع البيتكم
تخيل نفسك ضربته وهي حالفه لو سويتها ماترجع لك وانا معها مافيه اخيب من حرمه ترضى بمدة يد رجالها عليها فيه شي اسمه تفاهم البنت ماجت من بيت ابوها عشان تصبحها وتمسيها بجد ماحب الاسلوب هذا
صدق ضمضم كرهت اسلوب كثير من الرجال اللي يمد يده على زوجته بحجة تاديبها ولله ماعتبره رجال البنت جت من بيت اهلها معززه مكرمه تقوم انت تضربها خير ان شاءالله ماخذها من الشارع وكرهت ضعف الحرمه واللي تسمح له يضربه لو كل وحده وقفت رجلها عند حده من اول مره ضربها ماتمادو الرجال في الضرب والاهانه وشلون تعيشين مع واحد هان كرامتس ولا تتحجج الوحده بعيالها وتقول ماصبرت الا عشانهم لان الوضع هذا لاهو في مصلحت العيال ولا في مصلحت امهم



ملوك خشمتس يبنت ولله انتس تخبين على عناد وقبيلته كلها

تدرين ملوك انا لو مكانتس مديت الساني ووريته شغله وبدال الكلمه عشر وهددته بتركه ومن زيم الفعايل يطردها من البيت وعمتها واخوها تحت ولله الوجه مغسول بمرق
بس طلعتي حرمه والحريم قليل ترا عناد لو يبي يضربتس مارده عنتس قومت رعد بس هو خذها حجه خاف تتركينه يوم ذكرتيه بنتس ماراح يعرفتس لو سواها بس هو تحجج برعد علينا يعناد انت راجعت عمرك لا تفقد ملوك لكن غرورك ماخلاك تعترف وتتراجع عن ضربها لانها سبق وحذرتك من الشي هذا
تدرين احسن حل انتس ماشلتي عفشتس وطلعتي من البيت اثبتيله انتس صح وفوق كل الشبهات واذا هو فرط فيتس مع اني اشك في ذالك انتي ماراح تفرطين فيه
اتوقع ان عناد راح يتفاجى من وجودها وانها ماراحت وتركت البيت مع انه طردها بس ماراح يعيرها اي اهتمام وبيعتبرها مهيب موجوده وتبين الراي ملوك مع اني ماشك ابد في حسن تصرفتس وانتس ماراح تسمحين النفستس بالاهانه
شوفي ملوك انتي قومي بواجباته الزوجيه وحقوقه بس لاتتاسفين وتتقربين له ابد اعتبريه مهوب موجود سلي نفستس وعوديه على عدم وجوده ولا تعبرينه ابد لين يطق وترا هو اللي بيتلزق لو ماعتذر او قال كلام سنع ييتقرب بكلام مغثه بس انتي سوي نفستس ماتسمعين
ضمضم تصدقين الى الان وانا قلبي مو مطمن من كلام عناد الملوك تتعلم على السلاح وتقف يمكن يصير الملوك وولده شي وهذا اللي بيقربهم بين بعض اكثر



مناهل تصدقين على حبي الفلك لكن ولله كسرتي خاطري

صدق ابوفلك حال مناهل مثل ماقالت مثل البيت الواقف لاطالت بلح الشام ولا عنب اليمن مناير عندها الذريه وفلك لها القلب وغيرها حامل لكن هي وش لها لا قلب يمها ولا ظنا مالي يدها
بس كفو ابوفلك ولله كل مالك وتكبر بعيني اكثر طيبت خاطرها وخذت به تصدق عاد على فعلك هذا تحير من الحبيبه يعني انت عادل باللي تقدر عليه واللي ماتقدر عليه القلب بيد الله ليت كل من تزوج صار مثلك ماهو اللي رز الحبيبه وخلاها تشوف نفسها وركض وراها صحيح احبتس بس على الهون لتس حقوقتس وواجباتس وهم لهم علي حق مع اني حبيت قهر فلك المناير عشان اطلعها من طورها
مناهل وحده مسالمه ماجاء منها العيب ومحترمه نفسها سافر فيها ابوفلك كود ربي يرزقها خلنا نشوف ردة فعل مناير ام الرومنسيه وفلك بس مناير اكيد ماراح تهمك لكن القلب عشان تسلم من السانها وغيرتها اللي واضح انها ماتقدر تحكم فيها معاد قب غيرتها من ليلة مناير الرومنسيه يوم زربها فيها بتال ولله لو تدرين فلك بليلة مناير الرومنسيه كان بردتي عصابتس
سافر بمناهل وقت انفاسها اريح لك



ام اليزيد ضمضم منتظرينتس متى ماجيتي لبي قلب التعبان ولله بس ها نبي بارت طويييييييييل وفيه احداث تخلي خششنا مفتوحه مانصكها الا على نهاية البارت في وداعة الرحمن وبتوفيق للعيال في الامتحانات

السلام عليكم ورحمة الله وبركاته ........... كيفك ضمضم اشتقت لك موت ياعسل ........ طمنيني عنك يالغلا اخبار عينك والصداع يارب احسن مماتشوفين شر ياقلبي


انا حابة بس اشارك بمداخلة بسيطة على الي زعلو واحتجو على الاجازة القصيرة الي ماخذتها ضمضم كلنا متشوقين ومتلهفين للاحداث والمفاجأت الي تنتظرنا مع الابطال ........ وكلنا ننتظر السبت والاثنين على نار ........ وكلنا ضاق خلقنا على توقف الرواية مؤقت ولفترة محدودة


بس السبب قوي وصحي ومالاحد انو يزعل او يحتج على ضمضم بسبب غيبتها القصيرة عنا لانها معذورة وعلى الاقل هي قدمت اعتذار انها بتوقفها وبينت لنا السبب غيرها يوقف ومايكلف خاطره حتى تعتذر وتغيب شهور ويالله تنزل بارت او تتشرط انو الردود وعددها مو مثل ماتصورت وتذل القراء على بال ماتنزل بارت واذا نزل البارت قصير حيل ومايمدي حتى نندمج بالاحداث ...........

على العموم الي تابع مع ضمضم روايتها الاولى بيكون واثق ومقدر غيبتها ......... تعودنا من ضمضم الالتزام بروايتها ووقت الي تحس نفسها راضية عن البارت واحداثه وظروفها تساعدها تنزله لنا

وبعدين روايات ضمضم مميزة ومن النوع الي يعيشنا مع الابطال وكأنهم عايشين حولنا واي حدث ومشهد مؤثر مايطير من الذاكرة بالعكس يظل محفور داخل راسنا الين ينزل حدث اصعب واصعب وحتى مشاعرهم نحس فيها ونتخيل كل همسة وكل نظرة مهما كانت نعيشها وندخل جو كل هذا محتاج مجهود عقلي وهذا اصعب من المجهود الجسدي

ياليت بدل اللوم وتضييق خلق الكاتبة تلقى التقدير والدعاء لها بالصحة والعافية ويعطيها القوة علشان ترجع لنا بكل طاقتها



امممممممممم راح اضيف مداخلة على الي يدافع عن مناهل ويقول انها مظلومة ......... اول شي مناهل يوم يخطبها بتال هل كذب عليها وخبى عنها انها بتكون الزوجة الثانية وانو الهدف من الزواج هو انها تكون مكينة تفريخ بس وتكون خلفتها ذكور لانو زوجته الاولى خلفتها بنات ........ ليه وافقت ساعتها ليه مافكرت بالحرمة الي بتشارك زوجها فيها وين عقلها انها بتكون بالرف والله ذيك الساعةهمها تتزوج وتطلع من بيت اهلها وخصوصا انو بتال غني ووسيم فشي طبيعي ماصدقت على الله ............

ويوم تزوجته وعرفت انها مابتاخذ قلبه وانو في قلبه وحدة ومتربعة فيه غير مناير مااشوف اهتمت وطلبت الطلاق . ... ولما ماحملت والسبب هي وعلاجها بيطول مااشوف حست انها مركونة وطلبت الطلاق بعد


بس يوم تزوج الي يحبها بعد عدة سنوات وهي ماحملت وماتخلى عنها وظل يعالجها وصابر عليها ولا بيوم سمعها انها عالة عليه وماتقدر تجيب له ولد ولا حتى بنت ........... هي هنا غارت وخصوصا لما حملت فلك في شهور بسيطة من الزواج منها والي خلاها تقول هالكلام غيرتها وحرقت قلبها بعد مااخذ بتال الي يحبها واكيد فرحته وراحته باينة بعيونة وطبعا هذا الشي قهرها


بس يوم هي تتزوج بتال ماهمها مشاعر زوجته ام بناته والله حلال عليها تقهر ضرتها وحرام عليها تعيش نفس الشعور

تحمد ربها انو بتال ماعايرها بمرضها ولا مل منها ولابعد ماتزوج فلك قصر معاها ولا مع مناير والبرود بتال معاها مثل مع مناير من قبل مايتزوج فلك يعني مااحد ضربها على يدها ولاجبرها تتزوج واحد متزوج غيرها


وبعدين مالها حق تنكد على بتال وتبعده عن فلك بحجة انها تبي تتعالج وهي اذا بتحمل بتحمل وهي مكانها واذا ربي ماكتب لها لو تطوف العالم ماراح تحمل وبعدين هو مو مسؤل عنها بس عنده مسؤليات غيرها وهي الغلطانة يوم حملت راحت بدون شور زوجها وضرت نفسها وخسرت حملها

وتحمد ربها انو بتال اكتفى بهذي العقوبة لها مارمى يمين الطلاق عليها واتهمها انها قتلت ولده


ياليتها فكرت بهالشي قبل تتزوج من بتال وتزيد عليه همومه ....... بس للاسف هي ومناير همهم حالهم وبس الانانية متغلغلة بدمهم .......... وفلك هذهي عايشة مثلهم ومازادت ايامها عنهم لها مثل الي لهم وبكل مناسبة جاب الرضاوة وترس تجوريهم بهالذهب جعله ينسرق ومناير تطله الشارع تشد شعرها من الحرة خخخخخخخخخ



ضمضوم ياقلبي ماتشوفين شر وجعلها خيرة لك وماتكون شي كبير ومضر لك خذي اجازة على كيف كيفك واحنا وراك وراك ماراح نبتعد عنك ولا عن ابطالك

ضمضم ما تشوفين شر يارب واخذي راحتج
انا من اشد المعجبين في روايتج
صراحة من اروع الروايات اللي قريتها

وعلى فكرة انا من المعجبين في ياسر وودي لو ترجع له ملوك


عندي مداحلة على رد :: همسات وردة ::

ماان رئيته متوسط ب رجوله الـمجلس ..يكاد يقتلني بتلك النظرات...ويحكمـ تقطيعي الى قطعٍ صغيرة جداً... )
خخخخخخ ياقلبي حتى ماقدرت تشوف الا رجوله

هههههههههه حبيبتي اعتقد ان الكاتبة تقصد انه متوسط المجلس برجولة يعني بقوة شخصيته ورجولته
مو مثل ما فهمتيها