اول شي ابي اوضح اني فتاة وداخله بمعرف اخوي

وسلامتك ياضمضم ماتشوفين شر
ماكنت اعرف انك توقفتي لهالسبب فالك العافيه ان شاء الله
ويردك لنا سالمه ا اذا على كذا خذي راحتك اهم شي صحتك

واسفه يمكن انت مافهمت قصدي

انا اقصد بطول المده والوقت وليس الروايه

مااعرف يكن انت لك نظره خاصه

وان شاء الله متى مانزلت البارت حنا بنتظارك بشغف


بس ابي اسال متى البارت الجاي

صباح الورد والفل والنرجس

اطلب من الله ان يلبسك بلباس الصحه والعافيه
وان ينير طريقك قبل عينك بالنور والصلاح

نجي للبارت هههههه بصراحه لسى مااشبع رغبتي ومخزنه بعض الردود
للبارت الي بعده ومازلت عند وعدي طائرة الاخلاء عندي فوق السطح خخخخ
تنتظر منك الاشارة

عناد وملوك :
( آطلت ملوكـ وبهدوء\رعد قوم ضيوفك على العشاء... )
هنا من جد تستاهل الي يجيها واللوح اخوها الي جوه شفايدته هي الي تقلط الرجال
خير وين حنا فيه قلتو عادي زوج عمتها قلنا اوكي مع انها مو اوكي انا زوج اختي بالقوة
اسلم عليه اذا ركبت سيارته عاد هالمرة زوج عمتها تقلطه واخوها فيه

( قـشعريرة سرت ب الجسد.. )
هههههههه يحق لك اتقشعرين الا شعر راسك كله يوقف فوق راسك من الرعب
قال شمالي رومانسي يظهر عواطفه لاهله بس قال

( ماان رئيته متوسط ب رجوله الـمجلس ..يكاد يقتلني بتلك النظرات...ويحكمـ تقطيعي الى قطعٍ صغيرة جداً... )
خخخخخخ ياقلبي حتى ماقدرت تشوف الا رجوله ولا جتها الجراة ترفع عينها لفوق ابوك يالخوف الي معيشها
فيه .... "يكاد" جبتيها يعني استعدي وتشهدي هو قاتلك قاتلك من غير شر بس شنهي الطريقه الله اعلم ثم ضمضم
شتفكر فيه المهم جهزي لك عمل صالح بهالاسبوعين يشفعوا لك بقبرك

( لمـآ..تلك المصادفة القاتله لـ آرواح.. )
مو مصادفه الا تخطيط وسهر ليالي وقبل ماتقولين شي تؤمي
ادري جاينا الدور بس مايمنع اني اتونس قبل ماانغث

( .لما رئيت تلك المسخرهـ التي مسرحها منزلي.. وآبطالها ملوك ويآسر..وضيف الشرف بتال..! )
صحيح انك معمي قلب وعين ياخي شالمخ الي براسك يعني هم مهابيل ولامجانين
يسوون شي بوجود بتال ومناف ورعود هذا فرضا لو بينهم شي

( آبتسمـ عناد بـصعوبه و وقف \حـيآكمـ الله..آقلطو على الي ماهو بحقكمـ... )
دامه ماهو من حقهم ليه تناديهم عليه وبعدين والحق يقال انت بهالوقت ماودك تقول حياكم الله
انت تبي تقول مع الباب دلوني الغبراء وينها

( الـنسوان يقربون البعيد يآولد سطامـ.. )
اي والله ولا من يقول يجتمع العاجي مع الراسي بسفرة وحدة
ولسى هالنسوان بيقربون بعد بس لما يتفضى لهم يسوري فديت قلبه

( على سفرهـ ممدوده.. منسقه.. و.... يـتخلله نافورة شكولآ صغيرهـ ب آخر طرف من سـفرة )
يامال الضربه على ايام يسوري ياحياتي عليه كان يخلص دوامه بدري وينتظر هالغبراء وبالاخير
تطلع وتخليه تحت لحاله ولابيوم جهزت له شي تحسسه انه زوجها وانهم بفترة ملكه ومع ذلك يلومونه
ماقول الا مالت على خشتها وتستاهل مايجيها باعت الغالي بال.......

( وان كان فيه خير يسوي لك شي الليله..؟ أنا بنامـ هنا..ماعلي منه جاء والا آنقلع.. )
هو بغى يسوي بس الاخت توزت بالحمام اصلا ماحط لوجودكم اعتبار ولاهميتوه

( قولي له ياهتلر )
فلك باحبي لك صدقيني احبك من بد بنات ضمضم كلهم ويمكن رهف شويه بس
لكنك جبتيها عالجرح من جد هو هتلر وان كان شارون اقرب له لكن فيه وجه تشابه
بين هتلر وعناد تدرون شنو ( ادري انكم بتستفيدون منه خخخخخ ) ان هتلر حرق اليهود
هذا اذا اصلا كان فيه محرقه وان عناد بيقضي على المجموعه الارهابيه يعني الناس استفادو
من هالاثنين بالقضاء على رؤؤس الفساد
يارابطة عناد غيرو مسماكم الى رابطة هتلر القرن الحديث :graaam (189):

( لـرعد النائم بملآئكيه..على الرخامـ البارد.. )
ويش هالحنان الابوي الي مقطع بعضه نايم المسكين على هالبراد ويتامل فيه
مااقول الا مالت على هالابو اصلا على السجاد بردانين كيف على الرخام

( وكأني غير موجوده..آيعقل آنه لم يشعر حتى بدخولي... )
يالدلخه مستعجله على رزقك الا قولي ليتني البس طاقية الاخفاء واطس من نظرة


( مآراح افتحه ...آذا فتحته راح تمد يدك علي...وانا مستحيل اقعد معك ليله بعد ماتمد يدك علي مستحيل... )
هذي الي بتجنني يعني ماهمها الا انه مايمد يده عليها عشان حلفانها انها تتركه اذا مد يده عليها
اصحي وين كرامتك وعزة نفسك ليه هالذل اخوك وفيه وماعاد مدمن ولا عاطل عن العمل يعني مالك
اي حجه تبقين عنده وتعيشين بهالشكل المذل ارفعي قدرك يرفعك نزلي منه يمسحك ويهينك يا....بنت الرجال


( آطلعي عشان نتفاهمـ آطلعي..! )
انت اصلا تعرف معنى كلمة نتفاهم شكلها غير متواجده بقاموسك
ويقولها نامي بمكانك بعقله هالثور تنام بالحمام صدق ماعندكم ذوق هذا شينحب فيه

( شـد سآقها..لـتحاول آبعاد احكام يده بربلة ساقهاـ. )
ههههههه خاطري اعرف اش كان بيسوي شكله كان بيربط رجولها وبيعملها فلكه بالاوله حزام على ذراعها
والحين فلكه برجولها المرة الجايه شنو والله انك موب سهل كل يوم تعيشها شي جديد فديت المتجدد دائما
كذا الحياة يكون لها شكل ولون جديد كل يوم

( متوعدته بتأديباً لـه..وترويض شكوكه..لمـ..آتي لـهذا البيت لـ آخرج منه ..آتيته لـتوج مـلكه. )
اقول ياشين السرج على البقر والثقه هذي مو لايقه عليك يمدحون الحمام بس
وبعدين من صدقك تتوجين ملكه انت السجين وهو السجان وبيدك المفتاح لكنك ضيعتيه وبالاصح رميتيه
اصلا من قالك شيلي هدومك وانقلعي وانت تخربطين بهالكلام الفاضي وانا اقول صدق بنت رجال

( آخر انسان تفكرين ياهانمـ انك تستغفلينه هو انا...فاهمه انا....هـ الكلب الي اسمه ياسر...مآراح يوصلها لبر الا لما اقطع له لسانه... وانتي ياهانمـ آشكالك مارين علي كثير...)
تدرون عاد من جد ملوك ماعندها سالفه شالرعب والخوف الي عايشه فيه انت ماسويتي شي غلط
وفلك اعطتك من اخرها ايش تقولين وهو الصح حتى لو كان مايتفاهم يعني تخترعين له قنبله عشان
يصدق وبعدين الله يقطع هالقلب وياخذ هالحب اذا بيخلي الوحدة تعيش بالذل هذا والخوف الي مالي قلبها
صحيح مااحب ملوك ولااطيقها وتستاهل الي يجيها بس لو توقف في وجهه نفس الوقفه القويه الي وقفتها
بوجه ياسر بيحس على نفسه وبيعرف ان الله حق ومو كل مرة هي سيوف ومو كل رجال حب هو جسار
ماحد قالك عيش وغطي على عينك وقلبك ودرعم وراها لكن بنفس الوقت ماتصير ثور وتحسب كل الناس
هم سيوف وجسار وتمسح الثقه من قاموسك
وبعدين هيييييييه اصحى لنفسك عسى لك كلب يعضك ويجيك داء الكلب تقوم تعوي تالي الليول
لاتدعي على الياسر يامال الوجع ترى هالي ماتطيقه وتشوف الموت لاشفته هو الي بيردك لامك
وجميله بيغرقك طول العمر


( يآقآتله... مرغتِ فؤادي حتى آستبحتِ آوردتي برماحكـ..)
ياخي حرام عليك لساني بينشل من كثر ماقلتلك انا وزيزفون وام الوليد والبقيه الطيبه اتركها بعد عنها
هي ماتسوى ظفر رهف لكن ابد راسك عنيد لالالالا مو عنيد زي بعض الناس راسك يابس

( بقدمي آتيت لسآحات محكمتكـ.. كي آكوي ذاك الحب هنا..وآدفنه هنا..وآنوح على قبرهـ هنا.. )
تدري عاد بسوي زي الهنود وباخذ جثة هالحب وبحرقه وبنثر رماده من فوق الجبل وبشوف اخرتها
مع هالحب العله

(كل شي من بنت خالي زين..)
شفتو شلون قلبه طيب وينسى القسوة بسهوله لبى قلبه

فديت الحنون الرقيق الذرب انا ياناس شوفو وفرقو شتان والله بين الاثنين تدرين عاد ام عساف طالعي
وجه ياسر وعلى طول السكر بينعدل عندك وبطيبين
مادري ليه دايما يجيني احساس ان علاقته برهف واهلها مو زواج وبس لا فيه شي ثاني
مااعرف ايش هو وهل صحيح احساسي ولالا ؟؟

( آبتسمـ..! )
فديت الذكي اللماح ومااظن انه مشى عليه كلام رهف لانه مو مقنع وبيظل يتردد بباله الصورة ورعد
والتشابه الغريب واذا هي غبيه وفلتت الخيط فهو ماحيفلته وبيسحبه حتى يوصل لنهايته

( لـيردف\ويغارون فـ..لآتجربين تـختبرينهمـ... )
ياويلي منك ياضمضم شكلك ناوية له على نيه خصوصا مع صورة احمد شبيه عناد


( حتى ريان تعبان حيل من بعد السالفه ...رحمته..والله العظيمـ..رحمته هو وضي الي ذبحت نفسها من البكا. )
بركات عقلك المصدي ولا في وحده عاقله اخوها بين الحيا والموت وتوه صاحي تروح تبشره هالبشاره
بس فيك الخير الي رحمتيه والله وطلع عندك قلب عقبال مايشتغل عقلك

( البنت محترمه وخلوقه وبنت عالم وناس )
اسمحيلي ياشهيد الغثه بنت العالم والناس والي محترمه نفسها تفرض احترامها على نفسها قبل
الاخرين وهي تنازلت عن احترام نفسها لما وافقت على الزواج السري وبكذا تتوقع اشكال وانواع
من التعليق على حضرتها ومالها اي فرصه بالرد لانها الغت هالشي من اساسه

( آلمرض وانا امتس ماهو براستس..المرض في قلبتس هـا الي غاطس مامنه فود..ولآمنه رجا...!
المهر فيها خسارهـ..وانا اشهد..! )
خشمك ياجده هيا من زمان ماحبيتك لكن بهالبارت عجبتيني
اما المهر فيها خسارة ههههههه قويه بحقك ياشهيد والصراحه هو بينبلى فيها عاد يدفع فيها زياده
مهر المفروض اهلها بحكم انها تخلصو من غثاها وبلاها هم الي يدفعون له مهر ههههههههههه

( آبي ابرد حرتي في آي احد )
اذا في شهيدوه خذي راحتك لاتتعقدين او يجيك شي ياحياتي انت كبرتي وقلبك مايتحمل ففرغي
قد ماتقدري لاتكتمي بصدرك وتنعلين كافي سطام عياله كل واحد مبلي بلوة شكل تجين انت تكملينها

المواجهه بين جسار وسطام كانت قويه ورائعه ويعجبني بسطام حكمته ورويته يعني مثل ماهو دكتور
مستحيل يقابل مريضه من اول مرة ويصدمه بمرضه لازم يمهد له ويهون عليه وهنا نفس الشي
انتظر ولده حتى يهدا ويفكر ويركز ثم قابله بكل قوة وشد عليه شدة رجال لرجال لكنه ماحسب حساب
كلامه وتبعاته انه الزمن يرجع له بعض ذنوبه بعياله
( سطام بحزمـ\وجع امه...وجع دوله...وجع آرض )
ووين وجع ام مظلوم مكلوم ... وجع طفل محروم من صدر امه ودفاها

( مادرستك وربيتك وصرفت عليك وسهرت معك الليل .. ماسمح لك تضيع تعب وحلم السنين )
بالضبط شتان بين الاثنين في كل شي بالاوله اهتميت بكل كبيرة وصغيرة بحياتهم وعناد لا
والحين مشكلة جسار وريان ماخذه كل وقتك وماتدري ان عناد على جرف
في كل الاحوال دامك مو معتبر له اعتبار ليه خطفته وحرمته من الي بيعطيه كل الحب والحنان
وعشان كذا مالك اي حق تسمح وماتسمح هذي عقوبتك تنزل فيك بعيالك

( لـيتني سميتك خاذل! )
حلوة خاذل اذن عناد الكاسح
جسار بعد مااخذ الموقف النهائي مع ابوه اول شي طرا له كلمات خلود اذن فيه مجال انه يلبي
الدعوة ويحضر وربما يفكر بعرض العاجي


نجي الحين بقفلتنا المحترمه الست مناير ام السعف والليف والله وطلعتي تعرفين للسنع وتفهمين فيه
الا اللقافه الي مقطعه بعضها هي الي خلتك تشغلين هالصخرة الي براسك وتشكين ان السالفه فيها
حريم خخخخخخ والهبله الظبي نزلت من برجها ومشت مع كلام منايروه يعني فيه امل تتحسن امورها
والاجمل تلقيطة وجيههم مااعرفو مين صاحبة الدعوة
اما مناهل تو الناس الحين تحس بعد ماراح العمر والعزوة تبي تطلق
صح لها تغار وتموت غيرة بعد بس مالها تطلب الطلاق والله لو تموت ماتلقى زي بتال عادل بكل شي
واذا قلبه حب فلك فهو مافرق بينهم وعادل لاقصى درجه يمكن بس حركه منها تلفت نظرة لها خصوصا
انها ماعندها شي بنظرها تمسكه فيه فترتجي طيبة قلبه ونخوته حتى تحسسه فيها وانها مالها غيره


ســــــــــاري : مادري ليش مع وصفك له وسب ياير له ووصف بجميع المسبات تبادر لذهني منصور
كان مهستر ويرفع الضغط بس ذكي ولماح وماينلعب معه واظن ان ساري نفس الشي لكنك لسى ماوضحتي
لنا ليش مقرن بجلالة قدره يعزه ويغليه بالشكل الي مايرضى عليه الكلمه البسيطه مو المسبه
وهل هو طلع بالصورة اتفاق بين الاثنين بطلب من مقرن وليش ؟؟

ضمضم الله يسعدك ويعوض تعبك بكل خير زي ماانت تسعدي قلوب جميع متابعاتك على حساب
وقتك وصحتك وخذي راحتك زي ماتبغي احنا موجودين وبانتظارك باي وقت يناسبك
وبعدين فين تبين تهجين عنا ياقلبي انت وين ماتروحين بتلقينا بوجهك مالك فكه منا

رابطـــ ياســــــــــــــر ــــــــة

سلامتك ماتشوفي شر ان شاء الله
انا كنت متابعة بصمت و اول مشاركة لي
بصراحة اعجبتني الروايه
لي عوده بالتواقعات
دمتي بود