كاتب الموضوع :
ضمني بين الاهداب
المنتدى :
القصص المكتمله من وحي قلم الاعضاء
بارتين هاديه طبعن مافيها ضرب وضريب كفان كسرت ظهر جسار من فعلت الحيه وعذاب عناد من تدهور علاقته بخوه
ام اليزيد خافي ربتس بضعيفة الله ملوك كل ماقلنا زانت جد علمن جديد
ولله اني فرحت يوم قريت كلمت عنودي ولله وصرتي ادلعين ابورعد ملوك
بعدين تعال ابورعد تسنك واحد متعود على الدلع ماعلقت على كلمتها من ورانا يعني ملوك الدلع ويمكن تغزل زين علمونا ان اوركم اوكي
حضور رعد يبورعد ابد مهوب وقته حلو الاستقلاليه انا اعجبتني حركة انتقالك في بيت بروحك والمفروض كان من الاول والحيه موجوده انت ماسلمت منها وهي ماتشوف زوجه لك والحين وهي تشوف زوجتك ويتسكر عليكم جناح انت وياها بتموت من القهر خاصه انها هي اللي خربت بينك انت وعبير
لكن البنت ببداية حياتها رامي بحلقها بزر تعابل فيه المفروض تتفرغ لك والنفسها المفروض في الوقت هذا كل واحد منكم يحاول يفهم الثاني لك الى الليل وبعدين ارسله لامه ولا تجيبه الا عقب سنه
ياخوفي ياخوفي ملوك من ذا العزيمه اللي بدمر بيتس ابورعد قال وشوله تعزمين بتال مهوب محرم لتس وزوجتس ماتقبله
قلنا زين المفروض تعزمينه لان له فضل عليتس طيب بيقعد بمجلس الحريم ويقابلتس انتي وفلك المفروض يكون عناد هو اللي عازمه وهو اللي يستقبله ولا مراجل خرطي الرجال السنع مايخلي الرجال اللي مهوب محرم الزوجته يدخل بيته وهو مو موجود
وعشان ابورعد رجال ولا يسمح مثل ذا الخرابيط بيرجع عشان يستقبل ضيوفه اللي بيدخلون لاول مره بيته ولو هو مهما كان يعرف السنع اخو زوجته وزوج عمتها لاول مره يشرفونه اكيد بيكون مستقبلهم بس تمنيت انك انت اللي متصل على بتال وعازمه عشان مايجي الطفيلي اللي بيخربها
ولله انها خاربه خاربه ملوك الله يستر
خير ان شاءالله انت ماراح تهجد لاتلفون عندك ولا بنات مغازلهم قلنا الرجال عقل لكن طلع شرك فيك ولا يقول بخبث يعني بتخرب على البنت خلاص راحت هي بنصيبها وانت بنصيبك هي خذت اللي تمنى وتحبه وانت خذيت وحده ماتحلم فيها حسب ونسب بس شاطر تهزء فيها وتحلتها بالحصى تسنك من عيال الجرديه ولله مصخره دكتور ومسؤول عن مجموعة شركات وتفر الحصاء على الشبابيك افرض ان امها اللي طل ولا افرض انك اصبت راس البنت وطشيت دمها وشاستفت انت
تدرين وشتمنى اتمنى ان عناد يكوفنك لين معاد تفكر مره ثانيه بطيف ملوك البنت ياخي خلاص ماتحللك شلها من بالك فكها من شرك ماصارت كرهتها بعيشتها هي ماتزوجت رخمه مثلك هي ماخذه فحل مايرضى عل محارمه فكها من شرط ياخي قسم بالله انك تمرض القلب وجه مغسول بمرق لامعزوم ولا شي وراز وجهه صدق اللي اختشو ماتو كل مارفعتك العيني عشان موقف تعود تطيح
لقاء جسار ومقرن العاجي لقاء كبار اعجبتني ثقة مقرن بنفسه ونظرتها البعيده في الرجال مقرن يشوف في جسار اللي ماشافه ياسر ولا الظبي
عندي احساس ان العلاقه بين مقرن العاجي وابو درر بتكون اقوى بكثير وراح تتعدا علاقة عمل بيكون الجسار احتكاك بالظبي وبيكون فيها كلام ثاني بس مهوب طارق طليق الظبي صديق جسار وكان طارق يتكلم فيها عنده عادي جسار تاخذ طليقة صديقك
ابودرر علاقتك بابوعبدالعزيز بتغير شي كثير بحياتك
بس ماحبيت علاقتك بناتك هم مالهم ذنب لاتاخذهم بذنب امهم وحتى اخوك وسندك عناد لاتعلق على العالم اهمالك ودلعك لها ايه نعم جسار انت اللي اخطيت من البدايه انت اللي خليت سيوف تمادا تطلب وانت تنفذ ماكنت مرراقبها واثق فيها ثقه عميى لين معاد شافت الا نفسها لابنات ولا اهل ولا زوج عملت لهم اعتبار تمادت في فجورها حتلا وصلت لاخو زوجها يمكن مايكون حب لعناد بس حب تملك وعجاب ولا وشيزود عناد عن جسار بس حب تملك متروكه تلعب على كيفها تبي هي محط نظر شباب البيت جسار وظمنته ليش ماترسم على اخوه والزوج المغفل نايم على ودانوه
ياتر حالة ريان زادت سوء من مكالمة شهد هل شهد قالت له عن اللي صار الجسار ولا ملكتها وهي اخته وحبيبته على صديق عمره وهو ماراح يحضر الملكه سبب تعبه
ولا ريان معاد انت طايق ضي اللي هي سبب اللي انت فيه ذهبت السكره وحضرت الفكره هل بتتغير معاملتك الضي هل ممكن تنازل عنها عشان تكسب ابوك وتعيش مع اسرتك
لا ريان مهوب هذا حل تقدر مع الوقت تقرب لبوك وصدقني راح يرضى عليك
باللى عليتس خليتي احد من شرتس وخير ياطير قالت زين بتال تزوج يجيه ذريه وهي الصدقه ماكذبت ثنتين وهي الثالثه ولا بعد جاه الولد راح عمره وهو ينتظر الولد انتي تدرين كم عمره الحين واذا جابت فلك الولد بيشيب راس ابوفلك وهو ينتظر كبره
دواعي عمى على ذا المسكينه ماتسوى عليها كلمه قالتها
قلتها قبل شكل نهايتس مناير تحت سلك المغذي وبنياتس يتدامعن حولتس خلي خلقله منذا الدعاوي بترجع لتس تالي خفي على المسلمين
فاقدينتس فلك وشاخر تطورات العلاقه مع بتال بعد الليله الرومنسيه لاحس ولا خبر
طارق اخباره تزوج او لا معقوله نس الظبي ونسا حبها نقول ظبي مجروحه منه ومعاد تفكر فيه لانه قهرها هو ياترا نساها معقوله وشذا الحب اللي بينهم قلوبهم ورق بصراحه عشان سبب تافه وطلاق ينسون العشره بكذا اكيد طارق ماعمره حب الظبي ولا الظبي حبت طارق
ضمضم الروايه تحلا وتحلا منتظرين حياة رهف وياسر وتعمق علاقة عناد وملوك فرحة بتال بولادة فلك
مشكوره ام اليزيد على روعة الانضباط في تنزيل البارت ولله مانوفيتس حقتس
|
15-01-11, 02:43 PM
جديد مواضيع قسم القصص المكتمله من وحي قلم الاعضاء
العرض العادي
