كاتب الموضوع :
ضمني بين الاهداب
المنتدى :
القصص المكتمله من وحي قلم الاعضاء
لبي قلبتس ضمضم على هيك بارت ريحتي قلوبنا فيه وشنبي بعد اكثر فلك ومسويه ليله رومنسيه البتال وملوك راضاها عناد ولو ماقال اسف بس كل اللي يسويه معها يعني الاعتذار
فاقدين في البارت هذا ابو درر وابو عبدالعزيز وخاصه جسار وشصار عليه
شوفي عاد مناير وربي فقعتي مرارتي بذا الحركات يقالتس الحين ذيبه وانتي يبالفيت تلفين وتدورين عند مناهل وتهزين فيها وفي حناها وان بتال مايحب الحنا وتتهزين بليلتها البدويه وانتي تنادين العامله تحنيتس وحتى صدرتس بتنقشين فيه وععع الله يحوم كبدتس معاد الا يدينتس تلطين فيها يبوعنتر
مالت عليتس وتحسبين اللي قلتي طنازه تراها دخلت براسي وفكره حلوي اسوي لبو العيال ليله رومنسيه بدويه واطق خيمه في الغرفه وتحنا والبس برقع وسروال خط البلده بس ها بما انها رومنسيه مافوقها فستان شيله وبرقع وسروال خط البدله ياسلام حركه ثم حصير وعليه طاسة لبن وطاسة تمر ودلة قهو ويمكن اربط عن باب الخيمه خروف ولا احلا شكرن مناير على الفكره
يعزتالك يبتال منذ الليالي الرومنسيه كل وحده تبي منك حته بس عاد وشرايك بليلة فلوكتك مهيب شي ولا تساويها عشر ليالي من رومنسية مناير و مناهل
كلش كوم والمفرش التوتي كوم اموت انا في الون التوتي
بتال صدق صدق مالك الا فلك ياخي ريح الضعيفه بتموت وانت السبه تغار والغيره دليل حبها الجنوني فيك ولا فلك بعنادها بتركض تسويك ليله رومنسيه وهي صادك عنها كل ذا الفتره
الحين سؤال يطرج نفسه ابو فلك مالفرق بين اليله اللي قضيتها مع مناير واللي جلست تسويها كمن يوم تشري الشموع من ابوريلين ودرزن جلابيات وغيره
ولا ليلة فلك اللي ماخذت فيها الا وقت مشوارك تجيب العشاء فيه
بس لاتقول شي انا بقول ليلة فلك طبعن بغض النظر عن الحب وغيره ماهان تبارك ولان فلك كانت ناعمه بكل شي جت ليلتها جنااااااااااااااان
فلك اثرتس ماتبين شي كلها كم كلمه جابت راستس على طول وين طلقني ومابيك تقرب مني واذا ولدت خلاص مابيك اثاري كله حتس ولا فعل مافيه ياحبيلتس من قال بتال عن الليالي الرومنسيه وانتي جايته ركض ومن غير ماتفكرين صدق فلك من قالتس بتال على لياليهم معه حسيتس مافيه مقدمات ولا تفكير مابين عيونتس الا بتال وحريمه ولياليهم الرومنسيه وطيران ماقلتي بكره اسوي لا حار بحار الغيره فيها واضحه
عسا ارتاح قلبتس الحين وعرفتي بغلاتس اهاا عاد بتال قالتس كلام ماعمره قاله الغيرتس وخذي نصيحتي فلك ترا كثر ماتكثرين عليه بسؤال بيطفش منتس انتي عيشي حياتس وكان مال بتال زوجه اللى انتي وهذا الصحيح هو مايشوف الا انتي ترا ماحب المره الحنانه اللي تبي كل شي لها وعندها صفت الان وتحب تتميدح بمكانتها مثل انا فيني كذا وقلي كذا وفلانه قالتي لي كذا بغض النظر عن العلاقه الزوجيه
ولله فيه ضمضم ناس تحوم كبدتس من ابراز عمرها بالغصب وتبي كلش لها يختي الكل يشوفتس تكفين لاتصيرين غثيثه مثل كثير ناس يافلك الناس كلها تشوف لاطالبين بالكثير مايجيتس الا القليل
انسيهم او تناسيهم الي هم طبعن حريمه اعتبري بتال عسكري يجلس عندتس يوم ويرابط بشغله يومين وتصدقين عاد روحاته لهم ولله كنها مرابطه بالغصب ياللى جعل مقابلهم تكفير يبتال وانت ماجور ان شاءالله
هاا فهمتيني فلوكه لاتخسرين بتال
لبي قلبتس ملوكه حسبي الله عليه كان من خذتيه ماخلاتس ترتاحين خلاص يقلبي مدري ليش متفائله بذا الجيه احس عناد جاتس بشخصيه غير وبقلب غير مادري كان الكل مثلي احس عناد الان يشوف ملوك غير يمكن بعد مافكر وقارنها بغيرها شاف وشلون جسار يعطي زوجته وهي ماتستاهل وهو عنده دره ومع ذلك ماشافت منه شي
ويمكن فكر ان القحط العاطفي اللي يسويه الملوك يخليها تفكر بغيره لا نقولين عناد مايفكر كذا لا سبق وسوى اطين وهو غيرته من خطيبها السابق ياسر
نصيحه عناد ترا الغيره طبعن اللي هي غيرة الازواج مثل غيرة فلك عل بتال وغيرة عناد على فلك مع انها غيرة حب الا انها تقضي على الحياة الزوجيه
طبعن هي تختلف عن غيرة الحقد اللي بين الناس عافان الله منها
صدق ضمضم لو ان الموضوع فيه اقحام بصراحه ودي اتكلم عن الغيره اللي صايره بين الناس ولله انها كثرت بذا الوقت الدرجة اعرف وحده من غيرتها ماتبي اي احد تحبه يتكلم معتس او يمدحتس القلوب حاقده ولله انهم تاكلهم قلوبهم اذا مدحتس احد او كنتي ناجحه ياناس صفو القلب والنوايا ترا الدنيا فانيه ماعليه ضمضم من حر مافيني تكلمت نرجع الملوك وعناد
تدرين عاد ضمضم انا حبيت حركة عناد في العتذار من ملوك ترا انا ماحب الرجال اللي كل شوي يعتذر ويتاسف من زوجته حتى لو هو الغلاطان مهوب ذل للمره حلو الاعتذار بطريقة عناد لو ماقالها تحسستس يرجولته لاتقولين جعل رجلتس يصبحت كف ويمسيتس كف لان الموضوع هذا تناقشت فيه مع مجموعة بنات وكلهم مايئيدوني ويقولون حلو الرجال اللي يعتذر حتى لو زوجته غلطت هذا معناه حب ورمنسيه بس انا اقول لا لازم تحسين اللي جنبتس رجال وصلب وله طرقه في الاعتذار منتس حتى لو ماقاله مهوب رخمه ويتاسف وابو دميعه يقاله يحبتس ورمنسي وعععععع مكان اللي معي رجال توافقيني الراي ضمضم ولا مثلهم تبين ابو دميعه يبالفيت حنون
مايختلف عليه ثنين العاجي يرسم على بعيد دنيته هي الظبي ويشوفها فوق وبما انه معجب بجسار فهو اللي يشوفه جدير فيها
وبصراحه حنا نقوله من زمان مال جسار زوجه الا الظبي لا طارق يستاهل الظبي ولا الحيه سيوف تستاهل جسار وفوله وانئسمت نصين جسار والظبي مالهم الا بعض
بس قلنا ياشيخ مقرن وشلون بتظمهم البعض
لاجسار يداني العاجي ولا الظبي داني جسار
ولا فوقها مثل مافهمت طارق طليق الظبي صديق الجسار
بس ارجع واقول الشيخ مقرن بيحلها وبيربطهم ببعض ومثل ماقلت قبل طنجره ولئيت غطاها تراتس يظبي انتي الطنجه وجسار الغطا
الف الف شكر ضمضم على الجز الهادي الرايق هذا
والف الف مليون شكر على الالتزام
ماشاءالله عليتس ام اليزيد ابداعتس كل بارت يزيد احبتس واحب ابداعتس واحب قراء روايتس اللي يبدعون في الرد على روايتس انتي بذات وتستاهلين ولله
|
08-01-11, 11:10 PM
جديد مواضيع قسم القصص المكتمله من وحي قلم الاعضاء
العرض العادي
