ألألم كان نصيب مشاعري

في هذا البارت على حسااار

ضمضم ابدعتي يالغلا في تصوير

مشهد هذا الأنهيار الموجع


********

عناااد


وبعدين معاك يعني


كل ما قلنا بتضبط الأموور تخربها زياده يعني ؟؟


*******


ياسر اجل مكبر المخدة


أتمنى رهف تجييب راسك


و توريك النجووم في عز الظهر


باين عليها قوية حتى وان ابدت موافقة فورية


لسالفة غطا الوجه


******


مشهد الليلة الرومانسية

توحفة ياني استانست على التجهيزات


والشمموع الملونة والا المفرش البتقالي


بتال رجولة وحقاني

لله درك

صاير الحج متولي على سن ورمح


و احلى شيء حكيه لفلك


خليها تسنع عمرها

مساء كل شي حلو ضمضم

على ان اشياء كثيره ماهي حلوه با البارت لكن لابد منها


كسرت جسار ومكابر عنادبكاء درر واحساس مناير بحقيقة بتال


والله يا مناير مدري من هو الي اخذ ذنبك الذوق من الله لا ينشرى ولا ينباع لكن الي حابب يتعلم شي بيتعلمه لو كان صعب ويحصل منه شي

مناير مثال لكثير لبنات عوايل كبيره ارصدت اهلهم با الملايين لكن حرمو من التعليم ماهو علشان عادات وتقاليد لا

اما ان البنت تكون بليده في الدراسه والاهل ما ضغطو عليها مخلينها على راحتها وش تبي با الشهاده محفوله مكفوله
وكأن الشهاده وظيفه بس عند كثير من الناس

والا زوجوها صغيره وحصروها في بيت وزوج واولاد

وهذا ماهو ذنب ولا هو قاعده عامه با العكس في كثير حفرو با الصخر وحصلو على شهادات عاليه

وفي كثير رضو بلي هم فيه

مشكلة مناير ماهي بنفسها وبس لا المشكله في بتال الي من اخذها ما طور فيها شي كان في يد مقرن العاجي مثل الآله يبرمجه على كيفه

تزوج بنات عمه الي من ثوبه ولا حاول يجدد فيهن شي على حالهن على حطت يد مقرن

وقوقع نفسه على حب فلك لمه بقلبه وبلع جرحه لكن الآله صار فيها روح يا مقرن العاجي وانتفضت ورجع لها الاحساس

القديم الي حاولت تقتله في بتال وحولته لآله مطيعه لك

الحين بتال رجع انسان ويحس ويشعر ولقى في فلك ربيع ذيك السنين الممحله وابتلت عروقه بوصل فلك

لكن يا مقرن المحل والجفاف الي صاب قلب مناهل ومناير من وين له غيث يحييه

حفلة مناير بقدر ماهي مضحكه بقدر ماهي موجعه

لكن العزاء هو بعدل بتال ولا رجح كفه على كفه

وهذا بحد ذاته نقطه تحسب لبتال



مناير ياحبي لتس استمري على كذا عاد هذا الي ربي عطاتس وش تسوين زيني من ها الحفلات بس انتبهي من الشموع اما تخنقتس والا تحرقتس


اما عاد الرقص حفله ثانيه كني اشوفتس تنتفضين كن ضاربتس خط 220 بما ان عروقك عاجيه الحمدلله ان ما صار خفس بس شوي هزه وصلت بيتي من قصرال العاجي

انتي سوي الي عليتس والباقي على الله

والظاهر انه انتي الي داعيه على فلك شوفي حالها مع بتال كنهم مراهقين
ماهي ملوكه على عناد

اهم شي بالتس مرتاح وراعي بنياتس وش نفع الذوق والكشخه سيوف هذا هي صارت كنها وباء الكل يبي يتخلص منه

وكل شي با الحياه له ضريبه يا بنت طلال


لآ ان يـتشمت بها كل شامتٍ قريب..
آو..
عدوٍ يـفرح ب آنهيار زواجها ان هي رفضت
ذاك القرب البارد..!
با القلب تجرح ولا عند الناس تفضح واتمنى ان مناهل تحذو حذوك في ها الليالي الرومانسيه العجيبه

لكن عاد قولي لها لاتجيب طرطعان وشراخيات تفجرون علينا بيت العاجي يكفي مفطح تسد وكل شي منكم حلو بتال مرضي الله يرضى عليه ابد ما يخالف بشي

عزي لكن مجتهادات والقلب ماهو حولكن والي تسدح بصالة البيت ماهي معطيته وجه شابه تسبده عليها حرايق ما يبي ليالي رومانسيه يبي كلمه تبل ريقه بها

جسار ولملمت جراحه من جهه وبعثرت ذكرياته مع سيوف من جهه ما يكفي يا جسار انك تشققها لا احرقها علشان ما يبقى لها اثروالضربه الي ما تذبح تقوي يا بوسطام

والألم من الطاعن يجي بقدر العطاء الي من المطعون

ابدعتي ضمضم فعلن بتصوير حالة جسار وحتى حالة القيئ الي صابته وان المسكن ما قدر يعطي مفعوله كامل معاه لشدة صدمته بسيوف على قدر نهر الحب الي كان يتدفق حب وعطاء من جسار لسيوف الا ان بركان الصدمه جاء اضعاف مضاعفة

لكن مصير البركان يقذف ما فيه من حمم

وتبرد ناره ويصيرمرباع وماء زلال لناس قلوبها عطشى تنتظر ازالة الدخان ؟؟!!


\مآآآمآآآ...مآآآمآآآ..آفتحي بآب...آفتحيه...
لـتعادوها مرة آخرى وبصلآبه\آفتحي الـباب آبي آنومـ...مآمآآآ
عآودت الطرق بـكلتا يديها\مآبي آنومـ بغرفة هيآ..ريحة غرفتها حنا...مااااماااا
.
.
لآجواب..!
اكيد لاجواب يا درر مع ام مثل سيوف

اكثر موقف حز بنفسي موقف درروبكائه عند باب غرفة امها من يفهم درران لها ام مثل سيوف !!!!!!!؟؟؟؟؟؟؟؟

وقف بـ عزمـ\آنا رايح لـشركه و الـليله ب يبات عندكـ يآسر..آذا محتاجه شي ضروري خبري يآسر لآتزعجيني ب اتصالتكـ الي على غير سنع ...وهي غيرة حريم لآ آكثر ولآ آقل...
خطى بخطوات واسعه وباردهـ لـيترك لها المكان خالي..
قلنا لك يا فلك الشي اذا زاد عن حده ينقلب ضده

يعني وش تبين بتال يسوي

تحدى الكل علشانك ولا هو عاجبك هذا هو ترك المكان خالي وانتبهي لا يجي يوم يخلي حياتك كلها خاليه من بتال

وانتي عندك درس قديم المفرو ض ماتنسينه من فراق بتال

الي ينطبق على مناير ينطبق عليك كل شي با الحياه وله ضريبه يعني بتال ماله حق يرتاح

اوزني الامور بمخك وهي تضبط وترتاحين وتريحين بتال كل ما جا الا وانتي منمغطه بصالة ما كأن عند ك غرفه
ياسر عاجي حتى بأمنياتك

آستغفر الله يآرب..مآودي آدعيكـ ان حبها يروح من صدري..لكن يآرب..
خفف على صدري آثقالـه..وعطني صبر...
وعطني آمل..وعطني رجا...وهي
لآيـتغير مكانها..آبيه مثل ماهو...مثل ماهو..مثل ماهو..!

احمد ربك ان القلوب قافله عليها الضلوع والا كان علوم يا ياسر

ادعى ربك يشيلها من بالك

ملوك اصدق منك هي طلبت ربها يزين حالها مع زوجها

وانت تطلب ربي ما يشيل غلاها من قلبك

انت وملوك خطين متوازيين لايمكن تلتقون

انت طلبك قمة الانانيه

وهي طلبها قمة العطاء

والعطاء والانانيه ما يجتمعون يا ياسر


تصدق اتخيلك بعد ما تكون رهف زوجه لك فعليه تستغفر ربك من ها الاماني الي انت تمنيته وتضحك على نفسك يومك تطرد والسراب تحسبه غدير

عناد وملوك
خطوه قويه جدآ تحسب لملوك انها ما ناقشت عناد ولا اثارت شي في وقت حضور عناد وهو مهزوز من الي صار تعاملت مع الوضع كأي زوجه محبه ماتبي خراب بيتها

حتى طريقتها بطلب اعتذار عناد ما كانت الا استراد لكرامتها

لكن عناد والعناد وما يسوي

وهي احيان صفه في بعض الرجال يستصعبون الاعتذار بشكل مباشر ويمكن يكون الاعتذار بأي شكل غير انه ينطقه اما بهديه او اي شي يحاول الرجل انه يمتص غضب زوجته بدون لا يقول كلمة اسف

وش يدريك يا ملوك ان حضور عناد با الحاله الي انتي شفتيها وجا لبيتك وهو مكسور حتى انه كان معك لين با الكلام وخاف انك دعيتي عليه

هذا اكبر اعتذار يا بنت الحلال غضى الطرف بس

ومشي السفينه لا تغرقينها ما تلقين من ينقذك وخصوص انتي با الذات

مبدعه ضمضم من الاول للأخير

اسأل الله العظيم رب العرش الكريم انه يعدي مشوار الاثنين على خير وسلامه
ويحقق لك يارب كل ما تتمنينه

كتبت ردي ولا راجعته

ولا زال خيال درر وبكاها بين عيوني


مبدعة ملتزمه مميزه

يعطيييك الف عافيه يالغلا

المعذره على انقطاعي بالرد كنت امر بظروف جعلها ما تمر على صديق او عدو والحمد لله

انتي بشري عنك ان شاء الله انك تمام

*****
ههههههه والله ضحكت من قلبي على حفلة مناير خخخ واجواءها الرومانسية والتايقر نكته وربي اول مره

تسوي شي سنع..هو موسنع بالمعنى المقصود بس بالنسبه لنا وسعة صدورنا هههههه

جسار آهات مثقلة بالوجع والقهر والحسره على مافات مو ذكريات يوم وليله مع زوجته عشرة عمر واطفال

وعاطفه مشبعه بالحب والحنان والاحتواء من طرف واحد اللي هو جسار وبعد اعترافات جاكلين اللي صدمته

بالحقيقه المؤجعه المؤثقه من جانبها وجاء ليسكب غضبه واستيائه على سيوف لتاتي اليه

الضربه القاتله كالسهم المصوب ليجد زوجته تراود اخيه بجناجه ويسمع الحقيقه من اخيه الذي كان يحرص

على جعلها مدفونه بين طيات الزمن خوفآ على صدمة أخيه ما اقول الا اه واه واه من قهررر الرجال

أبداعتي جدآ يا ضمممم بوصف لنا مشاعر جسار..

عناد اسم على مسمى لوتترك العناد شوي وتعتذر للنسمه شوف يااخي كيف احتوتك لما حست بضيقتك

وتعبك..

يعطييك الف عافيه

اكاليل الموده لروحك