صباح الورد ضمضم

بارت اليوم بارت مميز بجد ومفصلي >>كل مره ضمضم اقول الكلمه القى نفسي غلطانه فيه بارت افصل من الي قبله


مفصلي لعدة اسباب حدد العلاقه بين ملوك وعناد

تضارب المشاعر بين فلك وبتال

حددتي مصير ياسر الاجتماعي من جهة رهف اذا ما جد جديد على الاحداث

اتضح بما لايدع مجال لشك ان عناد هو عساف الكوابيس الي تجيه الشبه الي بينه وبين رهف ولاحظته سيوف

والشبه الي بين احمد وعناد احيان تصير كثير بعض حريم عيالهم يغلب عليهم ملامحها حتى لو كانو كل واحد من اب

والشبه هذا يلاحظ اكثر شي الي بعيد عن محيط الاسره


اعجبني ضمضم طريقتك في عرض مشكلة وسن وطرح الحلول اضيف للي كتبتيه تجربة صديقه لي مع بنتها تعاني من نفس المشكله وطلعت مشكله نفسيه توصلت لحل المشكله بعد جهد جهيدانها كانت تلبس بنتها لبس جديد قبل تنام
فتره وقدرت تتجاوز المشكله وهذي روعة ماتسطره لنا الكاتبه متعه وفايده

اضحكني ضمضم لما بينتي كيف ان فلك عرفت رهف وانها الي خطبها ياسر طبيعي ضمضم انها بتعرف مين هي


الكاتبه تكتب روايه لكن ماهو كل التفاصيل الي تصير والابطال اكيد بينهم حورات ماكتبت من ضمنها ان ياسر اكيد قال لخالته عن بنت الدايس

ضايقني ضمضم انك تضايقتي من بعض التسائلات الي مالها داعي لأن الروايه ما بعد حتى وصلنا للمنتصف وفي احداث قادمه تشرح الي مضى لكن العذر هو حب المتابعات لما تسطرين من ابداع يبون يعرفون كل شي يعني يسابقون الاحداث


ومثل ماقلتي انه عمل بشري ويعلم الله قد ايش تتعبين فيه



ويا عابرة السبيل تستاهيل والله كل التكريم


نجي للأحداث مدري بمين ابدى

بتال وفلك ليه يا فلك يعني عقب ذا السنين وش انتي متوقعه من بتال تراه انسان ودم لحم وش يفرق نفسه عليه

يعني الحمدلله ان ياسر حاط يده بيد بتال والا كان علوم الكل يحاربه بتجين تكملين الناقص

بتال بسبب انه وقف بوجه الكل علشانك حتى ابوه واخته قلبو عليه غير هبال ام لسانين مناير الي من يوم تزوجتس وهي شاده حيلها اول منثبره عنه الحين تصيح وتنادي من يصيح يعني لا راحه في بيت ولا في شغل








يعني يا دافع البلا ما يستاهل انك تغمضين عيونك عن الي انتي تشوفينها اشياء كبيره


لا ابد ماهي منك يا ام مقرن مدري طلال مدري ........؟؟؟؟؟ظ


وتدعين على بتال ان الله يبلاه بالحب ويذوقه

والي كان فيه قبل ياخذتس وشو والله اني عجزت القى له اسم هيام عشق غرام

اتركي هبال الحريم عنك وكثر المعاتب يقسي القلب


بتال اكثر من كسر خاطري بالبارت اليوم انت انتظار كل ها السنين ولا بعد لقيت الراحه

فلك..انا مابي يصير شقي مايل يوم القيامه عند ربي..

يا ليت كل من عدد والا بغى مثلك

ما كان اخرب بيت ولا تشردت عوايل

ابو سنا ء الحل عندي انت طرحت الحل قدام فلك جاز لها كان بها ماجاز بس مافيه الا الرابعه وهي خاربه خاربه صدق القدر ما يركب الا على ثلاث بس اربع بيكون اثبت ومتى بترتاح ان شاء الله


موقف بتال من ملوك موقف لا يليق الا ببتال ورجولة وشهامة بتال عارف ان ملوك هي الي عايفه ولا ينجبر قلب على قلب وياسر خربها بزود

لكن مأثر عليك انه ولد اخوك وهذا انت يا بتال كبير بكل شي من خلقت

حتى همومك جات وحمولك جات كبيره



مناف والظهور الاول بعد الليله المصيريه بحياة الكل ظهور قوي



مناف بوجع\ياعسى مافيه صحه..دامـ ماحضرت عزا ابوي..؟


كلامك يبين انك ندمان وتايب والتايب من الذنب كمن لا ذنب له ننتظر مناف المسؤل اخو ملوك وتؤمها اتوقع بيرجع بشخصيه ثانيه اقوى واعقل واستفاد من الي صار له

مقرن العاجي والظبي ما عندكم تسويف على طول دقيتو الحديد وهو حامي بنشوف مع ضمضم اخرتها اجل يا مقرن خلاص بتسلم الرايه من بعدك لياسر وتطمن انه اخذ بنت الحسب والنسب

عسى بس ما تطلع مثل الي حنا خابرينهن ^ــ*

وياسر ماهو مثل بتال باله طويل والله ان يفضحكم با الدايس ياكل عبد المجيد وبنته ويلحقهم ام عساف بدون ملح

الله يستر منك رهوفه لاتجيبين العيد وشوفتس لعناد بتقلب حياة الكل ؟؟؟


مناير كل مره اقول ودي اني اشوفتس ولا اقول شي بس ماش انتي تحطين يدك بحلقي الحين كل الليل يحايل بتس لا عاد تكفين عسى رضيتي

يا قلبي الترضي ومحايل ماهو لتس المراضاه للي والله دقت طناب الغلا بقلب بتال قبل يتصبح بوجهتس

من كبر كذبتس العامله قصت شعرتس ليتها حلقته بعد ودي بس اشوف خشت بتال يوم يشوفتس


يا حليلتس اثاريتس
مغيره ننننننولوتكس علشان بتال والله لو تطلعين من جلدتس انتي هو انتي ادعي بس الله يطول بعمر مقرن الي واقف بوجه بتال لا يحذفتس

ومن زين السوايا ساحبه ها المقروده مناهل وراتس لمكان ماتدرين وش فيه وليتس كملتي معروفتس وسكتي تبينها تحمل بتؤم بنات بعد الله يستر لاتتسببين بذبح مناهل ثم عاد لا بنت ولا ولد مناهل شهيدة المطارد ورى الحمل وانتي بتال جته من الله يفتك منتس

وبعدها يخلى الجو صدق لفلك

كود المسكينه تبرد كبدها ذبحتنها وخصوص انتي يا كاثرين ومع الصلعه قصدي القصه الجديده بتقلبين الاميره ديانا سبنسر بزمانها ننتظر ونشوف ضمضم لوين بتوصلنا معاك
مناهل ياشين كسرة الجناح
تدرين اتوقع ان مناهل هي الي بتحمل وتجيب عيال وفلك ومناير بيجيبن بنات الله يعين قلبك يا بتال هذا اذا سلمتن من مشواركن المشبوه ولا طبت عليكن شرطه او صار شين ماهو با الحسبان
سيوف جايه ياباردة الوجه وش تبين وتأخرك تبين تقنعينا علشان السواق

يا خوفي مسويه مصيبه اكبر لايكون مركبه كاميرات مراقبه بجناح عناد وملوك تسوينها ما استبعد عنك شي


يا حليلك ضيعتي صرتي تشوفين الكل يشبه عناد والله لو صدق ضني با الكاميرات ان هذي الحفره الي بتطيحين فيها ولا عاد تطلعين غير لقبرتس ويمكن بعد يدفنونتس بحفرتس

قمت الندم
ماهو حبر وورق..!
زوجه..,
و
زوج..
وأنا
عـلى رصيف الهجر..


اكيد انك على رصيف الهجر وعلى الهامش بعد لو كل من حب وتعلق وفارق وقف في محله محد تحرك ولا دارت عجلة الحياه ولا انت اول ولا اخر من يتعلق من طرف واحد

وهذا من صالحك كل ماجات ملوك في بالك تذكر انها هي الي عافتك ماهو علشان بس محفظت لها مكانها يوم كانت زوجتك ملوك بينك وبينها اسم العاجي بكبره لاهي الي قدرت تخطاه وتطلع لكم ولا انت الي قدرت تنزل لها اسمك ياسر العاجي هو السد المنيع


الي كان بين قلب ملوك وقلبك

بتجيك رهوفه وبتحبها وتغني لها

ما يفيد الحب الاول مع التالي
ذاك راح وذا لها الروح نقلبها

لآيهمـ..
ليتها
تأتيني
آقسمـ..
لآتعود له
آبداً

والله ان تكره حتى طاري زعل ملوك وتقول وصلو لها ترى الحرمه مالها الا بيت رجالها


اليوم فزعتك لملوك ماهي بمكانها ابد النيران الي بصدرك نقلت حرارتها لولد الراسي
ام سطام ياربي يازين الجدات اذا لبسو الاحمر لا وبعد ديرم يا حظك يا عناد


الحمدلله ان ملوك جازت لشهد وام جسار معناته قفلنا باب المشاكل من عندهن


بقى الحيه الرقطه سيوف ولا يهون ريان ريان الي كل شوي طالع لعناد بمغثة ماصار
عرس مسيار الي انت اعرسته عقدك ولا عندك الا عناد تحرث وراه

ريان بهمس خفيف\هو نفسه الي كان متملك زوجتك..آنا سمعت ابوي وجدتي قبل كذا يتكلمون عنه..أنت ماكنت تدري..؟

لا والله ما يدري يا ريان وانت الله لايجيبك لا انت ولا ها السالفه ليت ربي يبلاك بوحده مثل مناير


خربت الدنيا على عناد وملوك وليلة عمر من وين بتصير ليلة عمر فكنا الله من هبال سيوف طلع لنا لسانك الي ماتقدر تمسكه كنك ما تدري بطبع عناد

يقول لي إنه غمامها..!
آقسمـ ان أجعل تلك الغمامه كـ سحابة صيف..
لم يطل مكوثها الا وهي راحله.؟


يا خوفي انك ما تخليها سحابة صيف الا بركان ثار با الصيف فوق حر ارة الصيف حرارته



ابدعتي ضمضم فوق الوصف بكل شي وعندي نعليق واجد لكن ما يخفاك الاتصال الي متعبني ومتعبك





ننتظر الاثنين


ونشوف عناد شهريار

وملوك شهرزاد


ومسرور السياف عليك ضمضم اختاري مين هو

السلام عليكم قصة بصراحة روعة شوي عليها
كتبتي قبل ان هاذي اللهجة النجدية...بصراحة كلام الجدة وايد حلو ...يعني كم كلمة بس ما فهمتها
لكن الاسلوب والحوار ابداع....ومناير طريقة الكلام اعجبتني ...يعني اشوفك بيوم ورى سلك المغذي معناتها ان يكون بالمستشفى وما يتعافى؟؟؟؟
شخصية عناد احلى شخصية ...يذكرني بطفلة عمرها الحين 8 سنوات وابوها وامها يشتغلون بمنطقة ثانية وييون على آخر الاسبوع ..تتخذ من الصراخ وضرب الغير وسيلة لها ...واضح وضوح الشمس ان البنت محتاجة حنان امها ..مثل شخصية عناد اللي محتاج لأمه الحقيقية
بالنسبة لشهد بصراحة كنت اسمع عن المرض وما اهتم لكن بالقصة ماقول غير اجر وثواب وتكفير للذنوب للي يعانون من هاذا المرض

وكثر الله من امثالج وجزاج الله خير عالأحاديث النبوية اللي تذكرينا فيها