صباح الابداع
بارت رائع ضمضم

ضمضم لي كلمه رد على تعقيباتك

والي يطالبون ضمضم بالرومانسيه بروايتها المشكله ضمضم انك اكبر خجوله وربي الي يعلم

مشكوره ضمضم على مراعات الفئات العمريه الي تتصفح الروايه يمكن بيوم القى بناتي فاتحات روايتك ويقرونها ولا يصيبني هلع >>على اني ما اتوقع اشوفهن يوم يقرون شي هاجات من كتبهن خلقه

وبجد قهرني الي يطالبونك فوق طاقتك لكن اكيد من محبتهم لك يبون دايم يشوفونك وانتي سوي الي يريحك محد تعبان غيرك >>يوم شفت معاناتك زعلت على نفسي كيف كنت اطالب الكاتبات واستعجلهم

حكمتي الي احبها رب ضارة نا فعه >>مدري وش دخل المثل

الله يحفظ لك شبابتس وعيالك ضمضم ويشفي امك وامهاتنا ويحقق كل احلامك






الظبي كبيره يا بنت العاجي عن التوافه طارق صفحه وانطوت ومثل ما توقعت صامده من برى والدواخل ربي يتكفل بها

واحسن ما سويتي كل شي يتعلق بطارق غيريه ولا تجين بطريقه فتره وتعدي الجرح توه ما بعد التئم

ياسر والظبي كل واحد فيهم متماسك قدام الثاني مايبي يطيح ويطيح خويه على الرغم من ان عايلة العاجي تعتبر قليلة العدد الا ان صمودهم قدام المشاكل وتمسكهم في بعض ما يخلي لعدوهم ثغره عليهم
اسرة العاجي محظوظه ان اشخاص مثل هذولا ينتمون لها
ولا هم كثره على قلة فود



ياسر والحدث الجديد الخطبه من بنت الدايس البنت اعجبت الظبي ونقلت لك اعجابها بس هل انت فارس احلامها وهل بتوافق عليك بعد هي بنت الجواهرجي ماهي بنت والسلام اكيد لها مواصفات بفارس احلامها
لا تصير واثق حيل ابو عبد العزيز تراك مطلق وبيني وبينك لعاب ويمكن مناير تجيب العيد قبل وقته وهي جمال وعايله كبيره وش يحدها عليك
انا بصراحه تمنيتها لجسار ننتظر ونشوف مع ضمضم


اكبر قهر لاصرت تطلب من الغير
شي تبيه ولنت قادر تجيبه >>
هذي هديه لك ياسر
واترك عنك طرد السراب


لا والله اعرف من هو الي يبي كوي يا منير

اي بالله انتي وكواتس ابو مقرن ما يدور لتس طب عقبه

وش طلاقه..
خبله انا..!
لا منتي خبله من قاله حاشاتس من الخبال احمدي ربك طحتي في بتال والا كان علوم لا وفلك تغار منتس

فلك اليوم بينت صدق طاحت كل الاقنعه مهما كان طبع الانسان عامه والمراءه خاصه حب التملك يعني يا بنت البراق في لحظة صفاء
بينك وبين نفسك قلتي بتال انا اول زوجه له وضيعت عمري وانا اتحراه من حقي اميل فيه

ولا فكرتي الا بمناير من جهه بنت عم ومن جهه ام عياله هي الخصم الاقوى لك من مناهل الي الحين ما شفنا منهاشي تطمني يا بنت فهدالقلب لتس ملعب بس عاد كل شي بالحياه له ضريبه ولا تحاولين تقتصين الضريبه من ظهر بتال
ترى اذا دخل القلق والقرقره مع الباب هرب الحب من الشباك وما عليك من شبيهةكاثرين هيغل جعجعه بلا طحن
يا الله ننتظر الخبر السعيداحنا وملوكه فلك تدرين بديت احس ان حظ بتال بالحريم واحد كلهن يمتلكن روح الدعابه !!!!!!


بتال اعجبني انه عارف الامور وازنهاصح يمكن تجربته الاولى مع فلك كان لها اثر على اتخاذ اي قرار يخص حياته الشخصيه والله يعينك على الجايات يا زوج الثلاث


ملوكه يا شين العجله كان انثبرتي وشفت وش ورى عناد الرجال يبي ياخذك بنفسه يوديك لبيت عمته ويعطيتس المهر هناك

خير ان شاء الله ابو رعد وين حنا والا انخبصت من شفت مريوشة العين ماعاد تميز تبي بس تحارش يا دافع البلا

والله اني ناقده عليك اكثر من جسار

ياربي سترك ضيعت الجاده يا عناد هذا وهي ما بعد دخلت بيتك

سيوف مالها وصف عجزت القى لها شي يبرد كبدي فيها

تلعبين بكل اتجاه ما تبين تخسرين جسار وتطاردين ورى عناد وش جبروتك انتي اعوذ بالله

وش الي يضمنك ان العاملة سوت الي انتي قلتي عليه يمكن سلاح مزدوج بيكون ضد؟؟؟!!!!!!


ريان ماشاء الله عليك عرفت تتملص من امك بس اذا حشرك سطام الراسي بكبره من وين بتجيب اعذار

خذموقف من زواجك ماهو كل شوي تتلمس البطحه الي على راسك


شهد ورهف هل فعلن عناد هو عساف وحضور عايلة رهف الدايس الي بيت ال الراسي وش بينتج عنه >>ضمضم سبحان الله دايم حفلات الزواج تصير فيها مفجاءات عمومآبغض النظر عن البحث عن الطفل المفقود او الطفله


اتوقع البارت القادم بيصير وحده من ثنتين

ياان رهف تعتذر ماراح تحضر زواج عناد

او انهم راح يحضرون هي وامها وتنكشف حقيقة هل عناد هو فعلن عساف او لا




آبتسم بعد رمى الجريدهـ لتسقط ويعبث الهواء بوراقها..\آجل خلك بين شكك واليقين..!وكذا قدرك ..
ولو ترفع صوتك قصينا راسك..!


الظاهر يا يا سر ما بعد عرفت جسار صح وخانك ذكائك الحاله الي فيها ما تسمع عن استراحة محارب با الضبط هذي هي الزاويه الي انت حشرته فيها بيلقى له مخرج منها ويرجع قلمه سيف مسلط في وجه الجشع وسيوف بتعتبر حفره قذره انت ساههمت بتنظيفها ودفنها ما قلت لك يا ياسر رب ضارة نافعه





((عندما تصبح بين سنديان ألم..ومطرقة ضمير..ينولد من رحمـ الشك يقين..!))
الضمير يا جسار اقوى رادع للأنسان


الشك... قنبلة موقوتة بمجرد ما تنفجر راح تدمر كل شي صادف وجوده قريب منها
وجسار اتوقع راح يحاول انه يطلع بأقل الخساير


مبدعة ضمضم

وامتعتينا ببارت رائع امتعك الله بلباس الصحه والعافيه انتي ومن تحبين

هلا ضمضم
الصر احه في توقع جا عبالي لما قريت البارت
انتي قلتي انو عناد خجول فاتوقع انو مراح يدخل على الحريم بالعرس بس يمكن رهف تشوفه عند الباب
او شهد الملقوفه تخليها تشوفه من وراء الباب او يمكن الي تشوفو ام عساف وهما داخلين بما انو الفرح في البيت ويمكن يمكن مايسير لقاء بالمره
بس الجده او ام جسار يشوفن ام عساف ويعرفونها
فيس يقولك خرف والف قصه جديده مو
تحياتي لك
ننتظرك السبت ماراح نقولك نبا بارت الاثنين ماني بطماعه فيس يقول لاتلفون ودورون السبت البارت افهموا

الا الحين فيه شي غاب عن بالي بس ودي اسالك اياه

الي نعرفوا ان شهد ترعفت على رهف قريب

وشلون بهالسرعه صارت صديقتها المقربه اللي بس عزمتا هي للعرس يعني الاولى تعزم صديقاتها القديمات ...!!!!!

والله ياضمضم اني ناويه احط ياسر وعناد على جنب واتفضى لبتال <<<شخصيه صدق