صباح الورد

بارت قوي ورائع ومفصلي بمعنى الكلمه البارت ماهو انكسار وتكسير لا البار ت تفتيت لحياة ومشاعر اكثر الابطال

ياسر وموقفه من اول ما عرف ان خطيب ملوك كان هو صاحب السياره على طول ما يمديك يا ولد العاجي الا ونطيت بحلق فلك

ههههه..قال حياء...قال؟اكيد الي ماخذها قليل حياء وآصل مثلها...ولآ ليه ماقدر حرمة الامواااات..؟
قليل حيا واصل من هو قليل الحيا ياياسر ؟؟؟؟

وعلى طول نفس موال اهلك العاجي قليلين الاصل

وهذي شي ياضمضم لي سنين ادور له تفسير ما لقيته ليه دايم الواحد اذا كان من عايله عريقــــــــــــــــــــــه وخواله اقل

عنده مؤشر التفاخر با النسب اقوى حبتين

يعني مثل الظبي وياسر كل ما نقرصو من الي حولهم ارتفع عندهم المؤشر

واحنا عارفين ان خوال الظبي وياسر اقل من مستوى العاجي
عكس بتال الاصيل ويعتبر خواله من طبقه بنفس مستوى العاجي بتال ولا مشهد له سمعنا كان ابي
كل مواقفه ها انا ذا


>>ضمضم ترى ما اعرف من هم خوال بتال بس قاهرني ياسر وابي اقهره !!

معرفة ياسر من هو زوج ملوك اربكته واقهرته

كان يظن شاه بندر التجار انه راح يتشمت بملوك واختيارها لشريك حياتها الي ما راح يكون بمستوى العاجي ونسبة خسارة ملوك بتكون اكثر من خسارته لكن

تجري الرياح بما لايشتهي ياسر

والصاعقه ان البديل يا ياسر عناد

اذا انت ذهب عيار 21
يا ياسر
عناد عيار 24

يا فرحه ما تمت يا ولد العاجي

..ياسر العاجي..او ..خلنا نقول..البطل الجديد لمقالتك ياحضرة المجاهد في سبيل الكلمه الحره..!

على طول حامي شغلك ما شاء الله تبي ذبح عناد وهو حي عن طريق جسار وبيت جسار ماهومن قزاز قلبك الي من قزاز يا ياسر بسرعه يبين الي وراه اذا هو يخص ملوكه
الي صارت من املاك عناد

ما دريت انك قدمت له خدمه لو حط ما وراه وقدامه ما لقى من يسويها له ويطلعه بريئ

على الاقل بدايه علشان يكافحون المرض الي اسمه سيوف ويقضون عليه

سيوف بنت الناس الي بينها وبين جسار كلمه وشنطه تضف عفشها ما يرده الا بيت السياف وجسار قلمه مداده من معاناة المواطن لايمكن انه يجف

والضربه الي بتضربها يا ياسر لجسار مكانها خفي بيقدر يداريها عن خلق الله لين التشافى صدق موجعه وبيكون لها اثر جامد في الايام الجايه على جسار وحياته الاجتماعية وخصوص الاسريه لكن بيطلع منها ابو سطام

ما سمتك ضمضم جسار من عبث ولكل من اسمه نصيب

الظبي وطارق ما راح اقول طاح الفاس با الراس لا الرصاصه الي شوهت ولا ذبحت والتشويه في مكان ما في مجال انه يتخبئ يا الظبي ماهو كل شي تنفع فيه المواجهه سداد دين هذا يا بنت مقرن من اول حفرتي لملوك تبين تشلعينها من العاجي جاتس هنادي البزر وحفرت لتس بكل سهوله وشعلتس من عايلة الفهد
كم مره يحذرك طارق لكن مشكلة شوفته ها النفس هي الي هدمت بيتس

الا الكرامه يا بنت العاجي مالها ثمن والعقوبه اذا جات عشان تستردالكرامه ما فيه الا الاعدام وهذا الي صار طارق طلق وحرم فوق الطلاق يعني ان ما ذبحك طلاقه وضعك الاجتماعي وحييتي يبيلك سنين على ما تتشافين

او عرق العاجي بيفرز عندك مضادات تقوي المناعه وتتشافين بسرعه ننتظر ونشوف مع ضمضم >>انا الي الان مع ان جسار والظبي لايمكن يلتقون والخوف ان العوض عن بنت البراق و ولد الفهد بيكون من بنت الدايس وابوها ما ريحني وصف رهوفه لظبي قدام ابوها
\آبسط حقوقي انا ماسمح لآي آنثى تطمع بزوجي وآظل اتفرج على مسرحيه نهايتها انا الزوجه الاولى
ويمكن بعد ماراح يحصل لك دور با المسرحيه لا زوجه او لى ولا ثانيه !!!!!!!!!!!

احيان شدة الاعتداد با النفس يسبب للواحد تصلب يعجزه انه ينجز اي شي يخصه شخصيآ ربما طارق الزوج الاول والاخير يا الظبي او يمكن يضعفه ويلينه بصوره معاكسه للي كان عليها

وهنادي عسى مامن هنادي يا ليت ضمضم تبرد كبدي فيها ولا يحصل لها طارق جعلها الجدري الهندري

ارتاحت يوم خربت بيت الظبي

طارق وخطوة الطلاق الي لايمكن تكون عشوائيه وانت صابر سنين الظبي لكن هي عوامل وضغوط اجتمعت في لحظة شيطان وصار الطلاق

لكن قرار وتحمل نتايجه يا طارق الي من قرادة حظك ان تجارتك على نفس خط العاجي

وانتظر الحرب القادمه من العاجي طحت ولا احد سمى عليك طن الحديد بيصير بقرش

علشان بس يهدون حيلك مصائب قوم عند قوم فوائد

والا كان تناهبوك نهب الكلاب للعظااااااامـ... احساسي يقول انك بتنهب ماهو نهب الكلاب الا نهب الأسود والسباع الضاريه

شهد واندفاعها ورغبتها با الزواج من رواف وتبي تحصل على رضا الكل

احيان الواحده يطمح لهدف ولو خسر اكثر من الي راح يكسبه ما يهمه بلحظتها
عناد له وجهت نظر من رواف ويشوفه من منظور عناد الخاص فيه لكن عناد بعد غلطان المفروض يوضح سبب ها الرفض محد يقرا الي في قلبك ولا عارف منك الا رفض وبس

شهد تشوف رواف من زاوية العاطفه والاحلام الورديه

بقية ال الراسي يشوفون رواف من زواية رضا شهد


مين الي راح يكسب با النهايه اتوقع عناد وهو الي بيكون رايه صواب

الاحلام لها وقت معين ويصحى الانسان منها وينصدم با الواقع

ومسألة خل كل من بكيفه وريح راسك موقف ال الراسي من رواف
نظريه مع اول مشكله بين شهد ورواف راح يكتشف خطأ ها النظريه >>اليوم شغاله نظريات من تأثير المناهج الجديده يادافع البلا

مناير بثوره\وانا صادقه من حلاته وحلاة وجه...مخليته لك آشبعي فيه..
خرجت بثوره عارمه وصوت الباب اعلن مقياسها..

كل مره اقول ما ودي يا مناير اقرب حولتس لكن انتي غصب تنقزين قدامي اذا جيت احط ردي

الحين يا عميري خايفه تصيرون علك المجالس وانتي نا شبه لبتال تبين الطلاق وهو ساكت عنتس علشان العود واقف له
ولا فوق هذا جايه تحطمين الضعيفه مناهل الي والله شكل هي الي حظها قام منكن يا الثلاثي المرح
والخبر الي نقلتيه لمناهل لا يطلع منتس لا يقضي على الي بقى لتس عند بتال تراه منتس على طريف يا خوفي لسانتس ما تقدرين تصيطرين عليه ثم تجبين العيد قبل وقته

مناهل واسلوبها مع بتال قمه با العقل والحكمه هذا الي اقدر اقوله كنت اتمنى اكتب رد كامل بس لمناهل لكن مشغووووووووووله
اليوم كسر خاطري بزود بيبان قصر العاجي

قوة صفيقها رج جدران بيتنا

اما ريان لا تعليق يا ام جسار خبزآخبزتيه يا ام جسار كوليه

هذي نتيجة الدلع

شخص لا مسؤل

مبدعه ضمضم بكل ما تحمله الكلمه من معنى

عندي تعليق بسيط على تعليق ضمضم

وهو من الي فهمته ان عناد كان مستغرب حياء ملوك وهي مجالها اختلاط من شخصية ملوك الي رسمتها ضمضم انها شخصيه دائمآتحب تكون با المقدمه ملوك حاطه في بالها الطب مهنه فقط ومهنه صعبه على صعوبتها تضمن لها دخل ممتاز يعني مشاعرها في اتجاه واحد حاله ويوصف لها علاج فقط لا اخذ ولاعطا

وجود ياسر معها في البدايه كان لها حارس من كل الاعين الي حولها وحماها من مواقف كثير كان ممكن تأثر عليها

وما ننسى ضيق دائرة المعارف له دور اكبر ان ملوك ما كان لها علاقات اجتماعيه عمتها فلك والوضع الي كانت فيها

اعتقد هذا مبرر يقنعني انا شخصيآ بخجلها لأن كثرة الاحتكاك اجتما عيآ وليس عمليآ يمكن يأثر على شخصية الفرد با المحيط الي حوله




المشاهد كـ كل
عناد تخبط في.. خجل ملوك.. و..وظيفتها في داخله..لأنه كان راسم انه آنتهازيه بـحركة الدائن وغير خجوله بـالوظيفه وانصدمـ في حواره الداخلي..بـخجلها وشكله الواضح انها مو جالسه تمثل الخجل...وحتى ملوكـ آنصدمت انها ماتخيلت شكله بهذا القرب..هذي فيها اشارهـ للقائهمـ في المستشفى صح لفتها بـشكله لكن ماكان متخيلته بهذا القرب..وحتى ياكوين لو تذكرين لما كان بيروح يدق الباب كان يقول معقوله تسكن هنا الي وصفتها جدتي.. لن ملوكـ اساساً ما لفتت نظره نهائياً الا باالاستفزاز.. و..رموشها الي كانت واضحه خلف النقاب ..فما رسمـ اي شي عنها الا انها فقط حركة له مشاعر داخليه هو اساساً ماعتبرها مشاعر...هذا الكلامـ قبل..يعني في المرحلتين قاعدين نتكلمـ..>>عارفه انك ماتبين قبل تبين بعد بس كـ توضيح للجميع =)


شدني المقطع هذا وذكرني بقصة لوحده من اقارب الوالد

ولدها اخصائي كبيريعمل في مستشفى ام الاخصائي كانت حايره مين تزوج ولدها وخطبت لها اكثر من مره لكن ما اراد الله الولد كان يطلب شوفه شرعيه وكثير من الي خطب الي اهلها رفضو الشوفه او هو شافها ورفضها

بعد فتره سمعت ان ولدها تزوج زميله له في المستشفى واراد ربي ان اشوف ام الاخصائي وزوجته في زواج وجلست انا وهي وقالت لي شوفي هذيك زوجة ولدي

انصعقت من الي شفته وقلت من صدقك قالت والله يا ام الوليد تعرف عليها با المستشفى وقال لنا اما هذي والا خلاص ما راح اتزوج تخيلي ولما رحنا نخطب منهم انا وابوه دخلت عليهم ابغى انطق كلمه ما عرفت اكلوني اهلها
كل شي مخطط له وكل شي مخلصينه مع ولدي هي واهلها انا بس منظر واسم ان امه جات تخطب

وفوق كل هذا اكبر منه بواجد ماعرفت ارد عليها الا قلت طيب محد طق ولدك على يده قالت الا طقه النقاب

ما شاف منها الا عيونها والبنت فعلن ما فيها ولا شرط من الشروط الي الولد يبغاها وشاف بنات كثير احلى منها شوفه شرعيه ورفضهم

زوجته من ورى النقاب شخص ثاني غير اذا كشفت نقابها سبحان الله

قلت اهم شي ولدك مقتنع ومرتاح قالت تدرين انه متحسف على زواجه مع انه يمشى وراها مثل الاعمى لكن وش يسوي ما يبي يشمت احد فيه >>سردت القصه وهي حقيقه والله حسب رواية ام الاخصائي لي



للمقارنه بين موقف عناد من ملوك على طريقة الغاليه ارادة الحياه