السلام عليكم ورحمة الله وبركاته

اخيرا قدرنا نلحق الركب

ضمني بين الاهداب ماشالله تبارك الرحمن ..الله يحفضج ياغاليه قمه في الابداع ..وقلم متميز ما شالله

اول شي ناتي للاسما الاسماء بروحها مسويه جو غريب وعجيب في القصه مع ان قصص كثيره تكون فيها بعض الاسما هذي الا ان اجتماعها في هذي الروايه له نكهه غيير واحس انها كلها اسما قويه وتعطي صفه قويه للشخص

كل شخص اعطيتيه حقه في اسمه ..الضبي الاسم بروحه ايخلي الوحده ترفع خشمها فوق يا ويلي ويلاااااه منها

ضمني شخصية الضبي هذي واقعيه وانا شفت هالفئه بعيني اعتداد بالنسب وفخر بالجد والجد الاول والغريب نظرتهم الدونيه للبقيه اقوول عطو عماااركم العافيه وحتى ان عيالهم تعازبو وهم فلانه ماتصلح وفلانه ماتليق يعني مادري من وين بييبون فلانه الي تصلح
تخيلي ان اخر مره سمعت سبب رفضهم لاحد البنات ان ابوها مش راعي عزايم يعني ماعنده ضيفان وايد والله انه عالم غريب

ضبينا الله يصلح حالها هي الي جنت على حالها وكشفت الي كان دايمن كاتمتنه وهي اعتقد نظرتها الدونيه لطارق يعني ما اهتمت في السالفه كلها الا بنفسها وبمركزها واسمها وما اعتقد انها كانت اتحب طارق لان الحب يستاهل الواحد يحرص عليه لاكن طاري انها الضبي بنت مقرن العاجي رفع خشمها فوووق وايد


جسار ياهل ترا بتكون لك حكايه مع الضبي مثل ماتتوقع النوفي وحتى انا كنت اقول ياليت لو تكون بينهم حكايه ويطيح الحطب عقب واكيد ان الحكايه بتكون غير بقلم كاتبتنا العزيزه

جسار...قضيت فتره طويله وانته نايم في العسلوالحين حان موعد طعم العلقم الله يعينك وينور بصيرتك ....وبعدين انته لييييش معور راسك مع هل الحديد يا اخي خلهم يصطفلون في اسعااارهم ...بنظري ان العالم الحين محد ايهمه الاعترضات والاعتراض الي ايي على الكيف هو الي يمكن نحصل له تااييدلاكن المصالح غالبه كل شي...نصيحه خذلك بلاك بيري مثل العالم وسو مسجات ارفع فيها ضغط مقرن العاجي مثل مايسون عندنا الشباب بالروس الكبيره ياليييل الشقى يا ودوووم

عناااد ياهلا والله بالشيخ عنااااد من سمعنا احنا اسم عناد الراسي واحنا مرتبشين معاه ضابط وولد سطام الراسي
شخصيته وااايد عجبتنيه عناده وهدوئه والحيا الغريب الي يتملكه لاكن تفكيره شويه مشكله مع الافكار الي اخذها عن ملوك وابوها

تدرين ضمني عجبني واااايد اسلوبج في ان كل واحد يتكلم عن نفسه في نفس الوقت والحديث ينتقل بين الاثنين يعني بالعاده بعض الكاتبات تنقل المشهد مرتين مره بلسان البطل ومره بلسان البطله لاكن انتي جمعتيهم في نفس الوقت اهنييييج ياغاليه على هالابدااااع

واللقاء الاخير بين ملوك وعنااد كان رهيب وحسيت فيه ان عناد صدق يستحي لدرجة انه تكلم عن موعد العرس وانهى الموضوع بسرعه وهو طالع عجييب هالعناد



مناير ومناهل ههههههههه اما هالمناير تحفه صدق... جعلني اسمع ونينج من ورا سلك المغذي ....تدرين يا ضمني الدعوه هذي لصقت بلساني والتفت على اختي وقلتها الها المسكينه فتحت عيونها منصدمه بعدها ضحكت وقلتلها لاااا هذي مناير الي تقول جذيه والمسكينه ماتعرف منو اهيه مناير خخخخخخخ بس بعدين وضحت الها السالفه والله يستر باجر ماتدعي علي ابها


هالبلوتين عجيبااات الله يعينك يابتااال والي احس انه صدق مايقدر يستغنى عنهن من رده على فلك

ياسر .... واحد عاش حياه بين الفقر والغنى ملك ملك في اجواء فقيره وطلب المزيد في اجواء غنيه وبما انه استغنى عن الفقر فاكيد ان الفقر اهو الي بيستغني عنه المره هذي

اجد في تصرفاته قوة البطوله لاكن اعماله ماتنبئ بخير





يا اللــــــــــــــه يا ضمني ودي انيه اعلق على كل جزء في الروايه وعلى كل شخوصها لروعة ماتخطه اناملج وما يصيقه فكرج.. وفقج الله ياغاليه وان شالله النا لقا اخر


محبتك وديمه العطا

ضمضم<< فيس يبوسج

تسلمين حبيبتي ع البارت<< الفيس راعي الورود

تصدقين<< فيس مصدووم يبيج تنصدمين وياه.. خطفت ع الصفحة اللي نزلتي فيها البارت اكثر عن مرة بس ما جفته.. جنيه الا خرفت<< فيس يتحسر ع شبابه اللي ضاع

ومن البارحه ابي ارد وما عنديه وقت<< فيس مشغووول

المهم فديتج خلينا في الرد<< فيس خلص قصه حياته وافتكر انه المفروض يرد عالبارت

طارق والظبي

طلاق مرة وحده<< فيس يهز راسه باسى.. هي صح قاهرتنيه.. بس بتم حرمة وضعيفه.. تجوف عدم قدرتها ع الانجاب عائق في حياتها.. والثغرة اللي بتتسلل منها الحرمة الثانيه "العديله" لحياتها.. فشي طبيبعي انها تدافع عن ممكلتها<< فيس واقعي.. الحاله اللي وصل لها طارق نتيجة لتراكم الضغوطات عليه.. وتجاوز الظبي له<< فيس يستمر التحليل.. للاسف هذا حال الكثير من الازواج.. يلجأون للطلاق وهم في قمة غضبهم<< فيس راسه عوره وهو يهزه من الصبح

ريان

خخخخخخخخخخ.. طحت ومحد سمى عليك<< فيس يتشمت.. بس اخير لك.. انته متخوف من مواجهة هلك بسالفه عرسك.. الحينه بتبعد عمرك عن الشبهه.. وتخبرهم بعرسك.. واهني تبدا المرحله الثانيه.. وهي تقبل هلك لحرمتك وسالفه عرسك اللي ظهرت لهم فجاة<< فيس ما يحبه بس يدور له حل لمشكلته

شهد

انسانه شفافه وان تسلحت ب لسانها اللاذع.. تحاول تقريب الاطراف.. والعيش في هدوء واستقرار<< فيس من الصبح يحلل

جسار

كم هو قاس سقوط الاقوياء.. والاقسى ان يكون سبب ذاك الانكسار قريب.. ان تبحث عن الكمال لتجد النقص في حنايا دارك.. وتجاهد دفاعا عن الانسانيه لتغتصب قسرا في عقر دارك<< فيس يهز راسه باسى.. وفيس ثاني اتصل بالاسعاف من الحينه.. هاي بالذات عادي تجتلها ما عنديه خلاف<< فيس يحرضه.. انا اقول ما لك الا انك تعلقها في المروحة وتشغلها للالف<< فيس حااااقد

نترياج فديتج<< الفيس راعي الورود

أول حاجة صبااح الورد ..

ثاني ابو شئ ..ابدا مافهمتي قصدي ..أنا أقولك ايش اقصد ..~


انا اقصد ذحين بعد ماصارو مرتبطين .. يعني عمرو عناد ما افتكر ايام المستشفى وماربط بينها وبين اي موقف يصير يعني مثلا يوم ابوها توفى وجا يزورها ما جاء في بالو اول ماشافها مثلا انو هذي في يوم من الايام قابلها بالمستشفى وصار بينهم مواقف .. اكيد عناد رسم لها شخصية قبل وذحيين بعد كم لقاء اكيد تغيرت الشخصية ... ماادري شلون اوصل الفكره بس انا لما اجلس اقرا حواراتهم ذحين بعد الارتباط ما اتخيل انهم هما نفسهم اللي تقابلو في المستشفى قبل كذا ..يعني احس كانهم اول مرره يتقابلو ..~

اشرحها لكي بفكرة ثاانية ::

يعني مثلا كنت متوقعة بعد مايخرج من عندها لما راح يحدد موعد الزواج .. يبدأ يربط بين الكم كلمة اللي قالتها وبين شخصيتها المرسومة بذهنه>>> ومو شرط يكون راسم شخصية مثالية ممكن يكون راسم شخصية عادية أو شخصية سيئة بنظره..

خاصة انو افتكر اذا ماخانتني الذاكرة انو كان مستغرب من عملها كطبيبة >> لا تدققي هنا يمكن الاسلاك دخلت في بعضها :)

و مو شرط يكون راسم الشخصية لها لانو يحبها او شئ .. بس احيان تقابلي شخص وتلاحظي انك رسمتي له شخصية في بالك حتى لو كان شخص مايهمك .. او شخص مر في حياتك مرور عابر .. يعني في ناس من اللقاء الأول يرسمو شخصية تستقر في بالهم بغض النظر عن اللي امامهم سواء فتاة ولا ذكر سواء شيخ ولا صغير .. لانهم يكونو حريصين على التعامل مع الطرف الثاني ..خاصة انو عناد شخصيته من النوع النبييه .. فضلا على انه رجل من السلك العسكري الممتاز فأكيد شخصيته مبنية على التحليل وربط الأحداث والاهتمام باللقاء الأول للطرف الثاني والحرص وتحليل الأمور والكلمات ...

امم ان شاء الله وصلت الفكرة .. بس حبيت ابين لك انو مو قصدي انو يكون بينهم علاقات قبل الزواج لانو اكيد بتكون علاقة محرمة ومو تربية ملوك ولا تربية عناد اللي يعملو كذا :)

>> ترى اسلاك مخي لها كم يوم مفصوولة لكي شوويا على التفكير ذي الأيام وآآسفة اذا دوختك معايا :)

يـارب بعد كل هذي الهذرة تكوني فهمتي وجهة نظري ..
>> مرره استمتعت اني حاورتك عن جد مرره استمتعت ..~

هلا وغلا البارت اليوم مفاجات وصدمات من كل جانب


اولها صدمت ياسر بزوج ملوك وهوعناد

وكلام الظبى لطارق وتستاهل عليه الطلاق وعلى شوفت نفسها حتى على زوجها

وطلاقها منه


وثورة ياسر من كل الجهات من ملوك وعناد والظبى وطارق وكلامه مع بتال

وختمها بجسار


بس حسيته انه تسرع بكلامه مع جسار وفضيحت زوجته وما عرف يتصرف


مع انه هذا هو الخيط الوحيد الى ماسكينه على جسار بس اتوقع جسار بيتصرف بحكمه واقرب شى بيسويه جسار انه اكيد بيطلق سيوف بس بيحاول انه يثبت ان العامله هى الى كانت تسوى كل شى بدون علم سيوف عشان مظهرهم قدام الناس


احسن شى سوته ملوك انها قربت زواجها من عناد عشان ترتاح من كل شى


بنتظارك بكل شوق