يوميات حلوه كثير

وفكره حلوه كمان يعطيك العافية

وراح انتظرك كل يوم

مساء الخير لكل من مر من هنا
اليوم هو الأثنين..يوووم جميل وهادئ
كالعاده رحنا دواماتنا ,,,
لقيت صديقاتي
بعد مامريت الاداره
رحت لغرفة المعلمات صبحت بالخير عليهم..
طبعا مشغولات اللي تعدل شعرها
واللي تكلم بتلفونها
واللي تحكي عن لخمتها اليوم الصبح مع البزوره(الاولاد)وغصب ندخل في جو بعض..
اليوم كان عندنا تفتيش على
الطالبات الحلواااات ولازم نمر الفصول فصل فصل...هههه
..واكثر شي كان يعجبني في الموضوع كلو خضة البنات لما يعرفو
انو احنا مداهمة تفتيش
ياعمري عليهم كأنهم شايلين
متفجرات في شنطهم..
الله يسعدهم وكل واحده تشوف
اظافر اللي جنبها واللي وراها تطمن انهم زيها..
.طبعا بعد لفه شاقه على الفصول بالذات انو انا صايمه ..
طبعا مرينا بمواقف
والله تموت ضحك بالذات
واحده من البنات الله يخليها
رأسها والف سيف انو
مانشوف أظافرها وبالقوه
طبعا ماهي القوه اللي في
بالكم يوم شفناها الا
كل الموضوع ملونه اظافرها بالمناكير,,
من ضمن اللي معنا مقراض اظافر مزيل مناكير
و,,و,في نهاية المطاااف طلعنا بكيس مليااان
امشااااط على مرايات على عطورات صغيره
اشكال والوان ..
والله تمنيت جوالي الكاميرا معي كان صورت الممنوعاات اللي تصادرت..
رجعنا البيت..
نمت للعصر ونزلت لماما ساعدتها
في الفطورلانو صايمين انا واياها ومعنا بابا
المهم اذن المغرب...
وبعده العشا جلسناانا وماما
سوالف واحكي لها عن الحلوااات (الطالبات)
اللي في المدرسه..
سبحان الله والله العظيم كذا من الله
محبتهم في قلبي ماادري ليش..؟
اخاف بس لايكون علشاني
جديده في التعليم..لا ان شاء الله
ياعالم انا مفتقده اختي الصغيره(صف خامس)من العصريه مالها حس في البيت
حابسه نفسها في الغرفه وياويل أحد يزعجهااا..طبعا أنا وماما
متعودين على كذا في بعض الايام منها..
قبل شوي تكرمت وفتحت الغرفه وصدمتني بعفسة الغرفه..ملابسي وجزمي الكعوب العاليه طبعا(الله يعزكم)..طبعا متوقعه الشئ هذا.
.الحلوه مسويه نفسها معلمه وتلبس
من ملابس الكبار وتحط روووج
وراصه عرايسها انهم طالباتها
وعايشه الدور....
والله زكرتني بنفسي وأنا صغيره اذا اجتمعنا هذي لعبة المعلمه من احب الألعاب لقلبي..
طبعا كنا نضرب صدق..والله كانت أياام خياااااال....
جهزت أغراضي لبكره واغراضها
والله يوفق ان شاء الله.....
تصبحون على الخير والسرور..

....عبيرجده....