عند سميه و محمدوه ..
>> اللي صار انه محمدوه ما قال لي التفاصيل و شنو صار بينهم بس قال اني قعدت معاها و سولفنا شوي و بستها و بعدين ساعدتها عشان تفتح الفستان و بعدين ............. نمنا .. بس السبال مارضى يقول لي << ..
اليوم الثاني .. في بيت بوفيصل ..
فيصل: يبه بغيتك شوي ؟؟ و راحوا المكتب ..
بوفيصل: هلا يالغالي ..
فيصل: انا ابي املج على هند الاسبوع الياي ..
بوفيصل: شنو اللي يخليك تستعيل ؟؟
فيصل: ولا شي بس ابي املج .. ممكن تقول حق عمي ..
بوفيصل: ان شاء الله يالغالي .. و اتصل في بوجاسم ..
بوجاسم: هلا اخوي ..
بوفيصل: شخبارك ؟؟
بوجاسم: الحمد لله بخير و انت ؟؟
بوفيصل: انا تمام .. اقول اخوي فيصل مستعيل و يبي يملج الاسبوع الياي ..
بوجاسم: ههههه .. و انا ماعندي مانع ..
بوفيصل: زين ريحت قلب الولد .. ماكل فوادي ..
بوجاسم: ههههههههههههههههههههههههههههههههههه .. انا قلت بعد يعني تكون ملجتهم قبل عرس عبدالرحمن احسن ..
بوفيصل: يكون افضل .. يعني خلااااااص متفقين على كل شي ..
بوجاسم: اكيد .. عيل خلنا نقول حق المعاريس لا يسافرون ..
بوفيصل: اوكي الكل اليوم بيروح بيت الوالده و بنقول لهم ..
بوجاسم: اوكي .. و صكر ..
ام جاسم: شنو بلاه اخوك ؟؟
بوجاسم: فيصل يبي يملج الاسبوع الياي ..
ام جاسم: الحمد لله بس لازم نقول حق هند ..
بوجاسم: انا بروح لها .. و راح حق هند فوق و لقاها قاعده على النت و تكلم
عبير رفيجتها ..
هند: هلا يبه ..
بوجاسم: مشغوله حبيبتي ..
هند: لا الحين باطلع .. و طلعت .. تفضل ..
بوجاسم: بقول لج شي ..
هند: شنو ؟؟؟
بوجاسم: فيصل يبي يملج الاسبوع الياي ..
هند: ............... اوكي .. ما عندي مانع بس لازم اروح اييب فستاني من عند المصمم ..
بوجاسم: انزين سمعي انا بوديج اليوم عند المصمم و بعدين بنروح عند مال الكوشه و كل شي و نجهز و نتصل في فيصل اذا بيي ..
هند: اوكي ..
بوجاسم: الله يوفقج يالغاليه .. و اخيرا بشوفج عروس قبل مااغمض عيني ..
هند: يبه لا تقول هالكلام انت بتشوف عيالنا كلنا و بتعرسهم بعد ..
بوجاسم: ان شاء الله .. يلا اجهزي العصر ..
هند: ان شاء الله و بعدين بنروح بيت يدوتي ؟؟
بوجاسم: ايييه و امج بتروح بيت خالتج ..
هند: ذكرتني خله اتصل في مريم بنت خالتي و اقول لها ..
بوجاسم: اوكي حبيبتي .. و باس هند على راسها و طلع .. و اتصلت هند في مريم ..
مريم: هلا بالغاليه ..
هند: هلا حبيبي شخبارج ؟؟
مريم: الحمد لله بخير و انتي ؟؟
هند: تمام .. اقول مريم الاسبوع الياي يوم الخميس ملجتي ..
مريم: مبروك حبيبتي ..
هند: الله يبارك فيج ..
مريم: عيل خليني ابشر امي و عاشه ..
هند: اوكي حبيبتي ..
و قعدوا ياخذون علوم بعض ..
اتصل بوجاسم في فيصل و قال له تعال معانا عشان تختار انت و هند اللي تبونه ..
على الساعه 4 و صل فيصل بيت بوجاسم و طلعوا كلهم فيصل في سيارته و بوجاسم و هند في سيارة ..
راحوا اول شي عند المصمم .. و خذوا فستان هند .. وطلع واااااااااااااااااااااااااااااااايد حلو عليها .. و بعدين راحوا يختارون الكوشه لانه الملجه بتكون في بيت اليده .. و بعدين اتفقوا مع المطعم .. و بعديت المغرب راحوا بيت اليده و الكل كان هناك ..
فيصل+هند+بوجاسم: السلام عليكم ..
الكل: و عليكم السلام ..
اليده: هلا بعروستنا .. هلا بالغاليه ..
هند: هلا يدوتي ..
اليده: شخبارك يا فيصل ؟؟
فيصل: الحمد لله بخير يدوتي ..
بوجاسم: و انا مابتسلمين علي ؟؟
اليده: انت كل يوم اشوفك ..
الكل: هههههههههههههههههههههههههههههههههههههههههههههههههه هههههههههههههههه ..
بوفيصل: عندنا شي نقوله لكم ..
بومها: شنو يالغالي ؟؟
بوفيصل: ملجه هند و فيصل يوم الخميس الياي ..
الكل: و اخيرا ..
بوعبدالرحمن: و عرس عبدالرحمن الخمييس اللي بعده ..
اليده: الله يتمم عليكم كلكم ..
اتصل مايد في فيصل و قال له تعال برع انا قاعد في الخيمه .. و طلع له فيصل ..
فيصل: وينك يا ريال ما تبين ؟؟
مايد: الشغل ماخذ كل وقتي ..
فيصل: شخبارك ؟؟
مايد: الحمد لله بخير و انت ؟؟
فيصل: انا عال العال ..
مايد: مستانس اليوم شنو فيك ؟؟
فيصل: ملجتي يوم الخميس ..
مايد: الله يوفقك ..
فيصل: ليش جي ياخي صاير وااااايد اسمر ..
مايد: خلني اتفرك عدل بتشوفني ابيض منك ..
فيصل: ههههههههههههههههههههههه .. ويك ويك ويك موقفينهم تحت الشمس ..
مايد يعطي فيصل علبه: تفضل هديتك مني ..
فيصل: ليش كلفت على عمرك يا اخوي ..
مايد: هذي ولا شي حبيبي ..
فيصل: مشكور ..
مايد: و قلت خلني اعطي هند هديتها ..
فيصل: ليش مكلف على عمرك اهم شي انك تكون موجود ..
مايد: ان شاء الله بس حاس اني مب وااايد معاكم تعرف دايما انا في الشغل و ما اقعد معاكم ولا اطلع ولا شي .. و حاس اني مقصر واااااااايد .. حتى يدتي مقصر عليها و اااااااااااااايد صرت مااسأل عنها وااااااااااايد و اختي شيخه بعد مااتصل فيها ..
فيصل: ياخي لا تقول هالكلام والله مافي احسن منك انت و انت مب مقصر معانا .. كاهو احنا نشوفك و تشوفنا ..
مايد: .................................................. .................................
فيصل: مايد انت مب عاجبني حالك وااااااااااااايد تغيرت لين مها تزوجت .. او تقدر تقول من قبل شنو صار فيك .. مب انت كنت تبي مها و ميت عليها ليش الحين ماتبيها ..
مايد: الحين هي على ذمة جمال ..
فيصل: ادري بس ليش مابغيتها من الاول ؟؟
مايد: تقدر تقول عافها الخاطر ..
فيصل: مب من طبعك تعوف احد تحبه ..
مايد: اللي صار اني ما كنت احب مها ولا شي .. انا كنت احب بنت غيرها و لين ماتت اللي احبها لعلمك كنت ناوي اخطبها بس اللي ماراد و ماتت فــــجي قلت حق الوالده اخطبي لي مها .. بس حلمت في البنت اللي حبيتها تقول لي لا تخطب مها انت بتعذبها و بتظلمها معاك .. صج يا فيصل مها تستاهل واحد غيري انا صج اني بحافظ عليها بس ما مب كثر جمال و بتم على ذكرى حبيبتي ..
فيصل: ليش ما قلت لي من قبل ..
مايد: ماادري قلت مايحتاي احد يعرف ..
فيصل: على الاقل كنت تقول لي اللي في قلبك ..
مايد: ادري بس انا من النوع الكتوم و مااحب اطلع اللي في قلبي لاحد ..
فيصل: عظم الله اجرك .. والله اتك ماتستاهل ..
مايد: اجرنا و اجرك .. و الله يوفقك مع هند ان شاء الله ..
فيصل: يا مايد انت عزيز و غالي علينا كلنا و لا تشك ابدا في يوم عكس هالشي .. يلا الحين تعال داخل .. و دخلوا ..
مايد: السلام عليكم ..
الكل: و عليكم السلام ..
مايد: شلونج يدوتي ؟؟
اليده: هلا يمه انت شلونك ؟؟
مايد: بخير لين شفتج ..
هند: وينك ماتبين ؟؟
مايد: مشغول .. تفضلي ..
هند: شنووو هذي ؟؟
مايد: هدية ملجتج مني و من الشباب ..
هند: مشكورين ..
مايد: يدوتي و انا الوحيد اللي قعدت بدون زواج عاد الحين ما تبين تخطبين لي ..
اليده: اذا انت ناوي انا جاهزه ..
مايد: لا العب معاج ..
اليده: يالسبال ..
مايد: انا ابي اقعد عندج ..
بوفيصل: عيل شنو رايكم بهالمناسبه الحلوه نروح نتعشى برع ..
الكل: اوكي ....
يوم ملجه هند و فيصل ..
هند كانت واااااااايد متوتره و خايفه صج انها عادي مع فيصل تسولف و تضحك و كل المواقف اللي صارت بينهم الا انها كانت عاديه معاه ولا كأنه بيصير ريلها ولا شي بس الحين غير كانت واايد خايفه لانه بيصير ريلها و بيسوي اللي يبيه .. و نوره من الصبح مطفرتها كل دقيقه تتصل فيها و تتطنز عليها و اللي يخلي البنات ماقصروا فيها ..
اما فيصل الحياه حلوه عنده راقد لين الظهر ولا كأنه اليوم ملجته عشان يجهز الطاولات و الكراسي في بيت اليده لانها الملجه بتصير هناك .. الكل حاول انه يوعيه من النوم بس مافي فايده ..
احمد: فيصل قوم بسك رقاد ياخي قوم خست و انت نايم روح بيت يدوه جهز و شوف شنو صاير ..
فيصل: امممممممممممم .. ابي انام والله تعبان ..
ساره: مايسوى علينا بتعرس قوم ياخي الشباب ملوا من زود مايتصلون فيك ..
فيصل: اوووووووووه ماابي انا ابي انام .. و حذف عليهم المخده وطلعوا برع الغرفه ..
تحت ..
احمد: و بعدين يعني ؟؟
ساره: حشى نوم اهل الكهف مايرضى يقوم ..
احمد: حاولنا معاه بكل الطرق ..
و قعدوا يمخمخون و يفكرون شنو بيسوون عشان فيصل يقوم .. و مره وحده احمد و ساره طالعوا نوره .. و ابتسموا ابتسامه خبيثه ..
نوره: لالالالالالالالااااااااااااا مستحيل لا تفكرون ..
احمد: يلا عاد نونة دخيلج ..
ساره: يلا عاد ..
نوره: قلت لكم لالالااااا اخوكم لو تنفجر قنبله ذريه عند راسه لو يحترق البيت مايقوم ..
احمد: يلا عاد اذا شافج بيستحي و بيقوم ..
نوره: مااعتقد انه اخوك يستحي ..
ساره: يلا عاد نونة عشان يقوم يدوه من الصبح تتصل فيني ..
احمد: و انا الشباب يتصلون فيني عشان الخيمه بليييييييييز ..
نوره: قلت لا احنا وين قاعدين انا بروحي استحي ..
احمد: انتي مابتشوفين شي شبعتي بس روحي ناديه ..
ساره: ايه اوقفي عند باب الغرفه و ناديه بليييييييييييييز ..
و قعدوا يحنون على راسها لين وافقت .. و هي رايحه فوق على الدري و تتحلطم على فيصل .. دخلت الغرفه ..
نوره: فيصل قوم .. بسك رقاد خست ..
فتح فيصل عينه و طالعها و رد رقد مره ثانيه ..
نوره احترت عليه: مب انا اللي تحقرني .. و راحت خذت كوب الماي اللي كان على الطاوله و صبت فيه ماي بارد و صبته على فيصل و طلعت من الغرفه بكل هدوء ولا كأنها سوت شي و نزلت تحت و قعدت عند احمد ..
احمد: وين فيصل ؟؟
ساره: انا ما سمعت صراخ ولا حرب و لا تحذف مخدات ..
نوره: صبروا شوي الحين بينزل ..
شوي الا فيصل ينزل و معصب ..
فيصل: ليش تسوين جي ؟؟
نوره: مب انا اللي اناديك و تحقرني .. و بعدين انت ما قمت من اول مره و دايما اسوي هالحركه في احمد اذا ماقام ..
احمد: اوووووووووه الحركه .. ههههههههههههههههههههههههههههههههههههه ..
فيصل: قحصتي النوم من عيني ..
نوره: عشان تروح بيت يدوه و تشوف الطاولات و الكراسي ..
ساره: ايه والله يدوه من الصبح تتصل ..
احمد: و خليفه اتصل و قال خلوا الخيمه علينا .. هو و فهد و حسن و خالد و علي عيال خالة هند بيروحون و سعود و سيف عليهم الذبايح .. و في مفاجأه لك يا فيصل ..
فيصل: شنوووووووو ؟؟؟
احمد: الفليل بتعرف ..
فيصل: هند بتيي هني صح ؟؟
نوره: لا مب هذي ..
ساره: بعدين بتعرف ..
فيصل: انزين وين ثوبي و اغراضي ..
نوره: كلها في غرفتك ..
فيصل: مشكورين .. انزين الشبكه وينها ؟؟
نوره: لا تخاف عندي ..
فيصل: جهزتوا كل شي ؟
ساره: انت روح بيت يدوه و كل شي تمام ..
فيصل: اوكي .. و راح ..
في بيت بوجاسم ..
هند متخرعه و خلااااااص لحد يكلمها ..
هند تكلم فطيم: انتوا وينكم يلا عاد تأخرنا على الصالون ..
فطيم: انزين انزين خلي اعصابج هاديه اليوم ملجتج ..
هند: والله بطلع لج من التلفون بسرعه مروا على نوره و مها و ساره و ريم و بسرعه يلا عاد .. ترى والله قاعده على اعصابي ..
فطيم: اوكي اوكي ....
جاسم: شبلاج انتي شوي شوي على عمرج ..
هند: اسكت عني ..
خالد: هنوده ريلاكس حبيبتي ..
هند: انا هونت ماابي اتزوج خلااااااااااااااااااااص .. لالالالالا .. لا تحاولون تمنعوني ..
الكل: ايييييييييييييييييييييييييه انتي ...
هند: هاااااااااا .. اووووووه انا بروح فوق .. و راحت الغرفه ..
اتصل جاسم في فيصل ..
فيصل: هلا بالنسيب ..
جاسم: هلا فيك حبيبي شخبارك ؟؟
فيصل: هونت ..
جاسم: اووووووووووووووه منكم انتوا الاثنين هند تقول هونت و انت بعد ..
فيصل: لاااااااااا شنو هونت .. شخبارها ؟؟
جاسم: متخرعه ..
فيصل: ليش باكلها ..
جاسم: شدراني .. و انت بعد شكلك مب قادر تصلب عمرك من الخرعه ..
فيصل: اسكت عني ..
جاسم: ههههههههههههههههههههههههههههه .. انزين شوف كل شي جاهز خلاااااااااااص بس بنودي البنات الصالون و بنوديهم بيت يدوه ..
فيصل: يلا متى بدخل على حبيبتي ..
جاسم: ايييييييييييييييييييييييييييه اختي ..
فيصل: جب بتكون مرتي بعد كم من ساعه ..
الساعه 4 العصر ..
فطيم + نوره + مها + ريم + ساره كانوا في بيت بوجاسم عشان كلهم يروحون الصالون .. و هند كانت فوق ..
جاسم: هااا بنات اتفقنا ..
ساره: افااااااااا عليك يا جاسم ..
مها: بنفذ الخطه بحذافيرها ..
ريم: بس انتوا لا تخربون علينا ..
جاسم: لا تخافين اهم شي كل دقيقه تدخلون عليهم و في النهايه انا و خالد و محمدوه بندخل .. و ساره لا تنسين الجوال ..
ساره: اوكي .. و انت بعد ..
فطيم: بس قول حق عمي بوجاسم يصكر في ويهه ..
نوره: و ام جاسم بعد ..
خالد يطلع من المطبخ: كل شي بيكون تمام اذا انتوا ماخربتوا علينا ..
ساره: انزين انزين ..
راحوا البنات الصالون و وصلهم جاسم .. نزلوا كانت راعية الصالون نفسها اللي طفروها في عرس مها و جمال و مسكينه واااااااايد لعوزوها .. اول مادخلوا ..
راعية الصالون: انتوا مره تانيه ..
البنات: هههههههههههههههههههههههههههههههههههههههههه ..
فطيم: لا هالمره ان شاء الله بنكون هاديين ..
راعية الصالون: حياكم الله ..
هند: الله يحييج ..
راعية الصالون: عرس منو هالمره ؟؟
ساره: ملجة هند ..
راعية الصالون: مبروك حبيبتي ..
هند: الله يبارك فيج ..
راعية الصالون: انتي تعالي انا بدي اشتغل عليكي انتي بالاول ..
فطيم: انا .. اوكي ..
و بدوا يسوون حق البنات شعرهم ... خلصوا الساعه 4 و نص و الحين يا دور المكياج ..
راعية المكياج: اول شي فطيم الهاديه ..
هند بصوت واطي حق نوره: والله مادرت ..
نوره: هههههههههههههههههههههههههههههههههههههههههههههههههه ههههه ..
قعدت فطيم على الكرسي ..
راعية المكياج: شو لون فستانك ؟؟
فطيم: وردي و بنفسجي ..
راعية المكياج: اوكي ..
و بدت تشتغل عليها ..
فطيم: لو سمحتي لا تحطين لي وااااايد لون اسود انا عندي ريل و ماابيه يتخرع ..
راعية الصالون: ههههههههه .. اوكي ..
و كل دقيقه فطوم تتحرك ..
راعية الصالون: لو سمحتي يااخت فطيم ممكن ماتتحركي تعبتيني معاكي ..
فطيم: ان شاء الله عمتي ..
البنات: هههههههههههههههههههههههههههههههههههههههههههههههههه ههههههههههههههه ..
حطت لها مكياج و خلصت .. و بعدين يا دور نوره ..
راعية المكياج: و انتي شو لون فستانك ؟؟
نوره: انا الله يسلمج و يعافيج لون فستاني وردي و بطيخي ..
راعية الصالون: كتير حلو اللون و راح تطلعي احلى بالمكياج و اعتقد انك انتي كمان متزوجه ..
نوره: ايه فديتج ..
ريم: مب هالمقروده هندوه اليوم بتتزوج ..
البنات: هههههههههههههههههههههههههههههههههههههههههههههه ..
هند: والله صار فينا انا و فيصل اشياء و مرينا مواقف واااايد عشان نوصل حق هاليوم ..
سميه: فديتج والله ..
طبعا نوره اليوم فيوزاتها ضاربه وااااايد و طلعت روح راعية المكياج و هذيج كل دقيقه و قاعده تتأفف من نوره و نوره و البنات يضحكون ..
خلصت من نوره و تقريبا كل البنات الحين يا دور هند .. قعدت اختنا و كانت قاعده تتنافض من الخوف .. ماادري شنو بلاها البنت لهــالدرجه خايفه من فيصل ..
راعية المكياج: بلاكي حبيبتي ؟؟
هند: ولا شي ..
راعية المكياج: اي لون فستانك ؟؟
هند: ذهبي و بني و اسود يعني تقدرين تقولين درجات البني ..
راعية الصالون: اوكي حبيبتي بس انتي take it easy ترى الرجال ما بيخرع ..
ريم بصوت واطي: ليش شايفته و انا ماادري ؟؟
البنات: هههههههههههههههههههههههههههههههههههههههههههههههههه هههه ..
عند الشباب ..
فيصل: اووووووووه انا تعبت .. تعالوا ساعدوني ..
الشباب كانوا قاعدين على الكراسي و يسولفون او بمعنى اخر يتفقون على شي ضد فيصل و هند ..
جاسم: ها شباب اتفقنا ..
الكل: ايييييييه ..
فيصل: و بعدين معاكم تعالوا عاد يعني تعاقبوني لاني ماقمت الصبح ..
مايد: لا حشى عليك يالغالي الحين بنيي لك .. و قاموا يجهزون ..
طلعت لهم اليده ..
اليده: ها يمه فيصل شخبارك ؟؟
فيصل: الحمد لله يدوتي بخير ..
اليده: يمه شكلك تعبان روح اقعد داخل و اشرب لك ماي و انتوا يالسبلان قوموا اشتغلوا .. مخلين الغالي بروحه يشتغل ..
الشباب: ان شاء الله .. و قاموا ..
جاسم: اونه الغالي ..
اليده: شتقول ماسمعتك ..
جاسم: لا يدوتي ولا شي بس اقول متى البنات بيخصلون من الصالون ..
اليده: اتصل تطمن على هند ..
جاسم: ان شاء الله .. و اتصل .. هلا فطومتي شخبارج ؟؟
فطيم: الحمد لله بخير ..
جاسم: مااقدر انطر ابي اشوف شكلج ..
اليده: بسك مغازل و اسأل عن هند ..
الكل: هههههههههههههههههههههههههههههههههههههههههه ..
جاسم: ان شاء الله شخبار هند يدوتي تسال ؟؟
فطيم: هند المسكينه تتنافض من الخوف ..
جاسم: شله بعد مافي شي يخرع ؟؟
فطيم: ماادري فيها ..
جاسم: انزين انتوا متى بتخلصون ؟؟
فطيم: تعال الحين على ماتصول بنكون خلصنا ..
جاسم: أوكي .. و صكر ..
اليده: ها شخبارها ؟؟
جاسم: الحمد لله بخير .. و راحت اليده داخل ..
خالد: شخبار هند ؟؟
جاسم: شدراني فطيم تقول انها تتنافض من الخوف ..
خالد: وييييييه على اختي .. لا يكون بس تخاف من فيصل ..
جاسم: ههههههههههههههههههههههههههههههههههههههه .. اتخيل .. وراح لهم ..
فطيم: يلا بنات بعد شوي جسومي بيي ..
ساره: جسومج .. حلو الاسم يليق عليه ..
نوره: افففففففف هنوده طلعتي حلوه ..
هند: صج ماادري والله ..
فطيم: فديتج طالعه تيننين ..
ريم: والله فيصل بيتخبل عليج ..
هند: انزين انزين يلا تحركوا .. مشكره حبيبتي ..
راعية الصالون: الله يوفقج يا عمري ..
هند: ان شاء الله .. و طلعنا ..
جاسم: وينها العروس ؟؟
هند: جـــــــــــــــــــــب ..
جاسم: قولي حق فيصل جي .. شبلاج يالغاليه ؟؟؟
هند و في عيونها الدمعه: والله خايفه ..
ريم: من شنو من فيصل والله ماعندج سالفه ..
جاسم: ما عليج فيصل ماياكل البنات الصغار ..
هند: ايه انا لحد الحين صغيره ..
جاسم: شنو صغيره صايره طولي و تقولين صغيره .. ما عليج بس ليش ادشين بي يدوه لا تلتفتين يمين و يسار لانه الشباب و بينهم فارس احلامج قاعد ..
هند: انزين ..
وصلوا بيت اليده و دخلوا البنات .. اما الشباب كانوا قاعدين في الحوش و يسولفون و كل شي كان جاهز و طلعت الطالاوت و الكوشه و رهييييييييييبه .. اول مادخلت هند كانت متغشيه بس فيصل عرفها من مشيتها .. و فز قلبه لين شافها ..
احمد: الركاده زينه يااخوي ..
فيصل: فديتها والله ..
احمد: بتشوف اليوم الفليل و بتشبع منها ..
فيصل: ان شاء الله ..
راحوا البنات فوق عشان بيدلون لانها الساعه الحين 6 و نص ..
ساره: ممكن احد يصكر لي هالعله الفستان ..
نوره: تعالي يااخت ريلي ..
فطيم: ماتنلامين من هالكرشه اللي سابقتج ..
هند: شخبار النونو الحين ؟؟
ساره: تمام .. و انتي يعني لازم تسوين ملجتج وقت ماانا حامل ..
هند: والله محد قال لج احملي ..
ساره: كله من اخوج هــــالمستعيل ..
البنات: هههههههههههههههههههههههههههههههههههههههههههههههههه ههههههههههههههه ..
فطيم: يلا بنات اتصلت امي و تقول انهم الحين في الطريج ..
البنات: اوكي ..
و قعدوا البنات كل وحده تساعد الثانيه انها تلبس .. و في النهايه يات نوره تساعد هند عشان تصكر فستانها .. هند كان فستانها لونه اسود بس عليه كله شك بالذهبي و البني و درجاتهم شوي عاري من الظهر و نازل من عليه سلاسل و كريستال و ورود يعني كان رهيييييييييييب و شعرها سوت تسريحه بسيطه و رفعت شعرها و حطت فيه سلاسل من الفستان و مكياجها كان خفيف و حلو و طلعت ايه من الجمال و ناعمه ...
هند: ممكن تخلوني بروحي شوي ..
البنات: اوكي ..
نوره: قبل ماتنزلين بيي لج ..
هند: اوكي ..
نزلوا البنات و خلوا هند بروحها .. قعدت ساكته و تفكر ... شوي الا يتصل فيصل في هند .. ماادري يمكن حس انها متضايقه او شي ..
هند: الووو ..
فيصل: هلا بالغاليه ..
هند: هلا فيك شخبارك ؟؟
فيصل: تمام الحمد لله او انتي ؟؟
هند: بخير ....... يعني ..... خايفه ..
فيصل: هههههههههههههههههههههههههه .. ليش يعني انا مابسوي شي فيج ..
هند: ادري ..... مااعتقد انه كلامك صح انت مابتسوي شي .. مستحيل .. انت تنطر هاللحظه .. من متى .... ماادري .. من كنا صغار ..
فيصل: هههههههههههههههههههههههههه .. يعني تعرفيني .. خلاااااااااااااااااص ..
هند: انتوا وين الحين ؟؟
فيصل: كلنا في الخيمه ...
هند: اوكي عيل انا بخليك لانه بعد شوي بانزل ..
فيصل: بس بقول لج شي ..
هند: شنووو ؟؟
فيصل: انا وعدت نفسي اذا خذيتج اسوي شي ..
هند: شنوو هو ؟؟
فيصل: لا عاد لين اشوفج بتعرفين ..
هند: هههه .. اوكي .. و صكرت ..
عند الشباب .......
احمد كان واقف برع الخيمه و ينتظر احد .... و لين وصل ..
احمد: هلا هلا هلا بالغالي ..
عمر: هلا فيك حبيبي ..
احمد: الحمد لله على السلامه ..
عمر: الله يسلمك .. >> هذي رفيجهم عمر اخو سلطان ياي من السفر عشان يحضر ملجة فيصل و اليوم الثاني بيروح <<...
احمد: والله فيصل بيستانس ..
عمر: اكيد لاني هني ...
احمد: دومك خقاق .. و دخلوا ..
فيصل كان ملتهي مع الشباب و قاعدين يتطنزون على شكله لين يشوف بوجاسم ..
عمر: ايييييييييييه انتوا لا تتطنزون على فصولي ..
فيصل يوقف له: فديتك والله .. و تخاشموا .. الحمد لله على السلامه ..
عمر: الله يسلمك .. مبروك يالمعرس ..
فيصل: لحد الحين ماكتبنا العقد انطر علي شوي ..
عمر: ههههههههههههههههههههههههههههههههه ..
فيصل: متى وصلت ؟؟
عمر: توي بس رحت الشقه اكشخ لك و ييت ..
احمد: شنو رايك في المفاجأه ؟؟
فيصل: تسلمون والله هذي احلى مفاجأه ..
يا الملاج و وقع فيصل و هند وقعت ..
عند البنات .....
يا دور هند الحين عشان تنزل .. كانت وااااايد حلوه و هاديه و كل خطواتها ثقه .. قعدت على الكوشه و الكل سلم عليها .. و بعدين يوا البنات و قعدوا عندها شوي .. و يات سميه رفيجتهم .. تصوروا كلهم و تصورت هند مع سميه بروحهم صوره .. و بعدين نزلوا البنات و قعدت تتصور بروحها ..
نوره تكلم فطيم: في عيونها كلام واااايد تبي تقوله ..
فطيم: يا نونة هند اصلا من بعد حادث فيصل و هي وااااااااااايد متغيره ..
نوره: ادري شفتي شنو سوت في عمرها لين درت ..
فطيم: بس انا خاطري اعرف شنو صار بينهم لين راح لها فيصل بيت يدوه ..
نوره: احمد يقول انه فيصل كانت هند راقده لين دخل عليها ..
فطيم: تصدقين فيصل ..
نوره: تعالي نسألها .. و راحوا لها ..
هند: هلا ...
نوره: بغينا نسألج شي ..
فطيم: و تجاوبينا بصراحه دام الحين فيصل صار ريلج ..
هند: شنووووو ؟؟؟
نوره: شنو صار لين يالج فيصل بيت يدوه من بعد ماطلع من المستشفى ..
هند: هههههههههههههههههههههههههههههههههههههههههههههههههه هههههههه ..
فطيم: يعني صار شي ..
هند: اسفه مااقدر اقول سوري ..
نوره: ليش يعني ؟؟
هند: بس جي ..
فطيم: على العموم خلااااااااااص حبيبتي .. و نزلوا ..
البنات حطوا جوالاتهم في الميلس اللي بيقعدون فيه هند و فيصل وجاسم و خالد و محمدوه بعد .. دخل فيصل و الولد يحليله مستحي من الحريم الموجودين و كان منزل راسه بس لين وصل الكوشه و شاف هند .. فج عينه .. كانت حلوه .. ابتسم لها .. هند نزلت راسها من المستحى .. لبسها كل شي و الحين يا دور السلسله على رقبتها ..
قرب منها فيصل و هو يلبسها: مبروك عليج انا يا عروس ...
هند: الله يبارك فيك ..
فيصل: يلا عاد متى بنقعد بروحنا ؟؟؟
هند: صبر شوي ..
و قعدوا شوي و بعدين دخلوا جاسم و خالد و محمدوه من ورى البيت طبعا ما كان في باب فـــشقحوا الطوفه .. >> سبلان اخواني <<...
جاسم: ها فطيم كل شي جاهز ؟؟
فطيم: افاااااااااا عليك ..
ساره: انتوا بس دخلوا و خلااااااااااااص ..
دخلوا هند و فيصل و قعدوا في الميلس ..
فيصل: شنو تبيني اقول انتي اليوم ...... بتذبحيني ..
هند: لهـــالدرجه انا حلوه ..
فيصل: اقول لج بتذبحيني ..
هند: هههههههه ..
فيصل: ابي اسوي اللي في خاطري ..
هند: شنووووو ؟؟
فيصل: تعالي قعدي على حضني اول شي ..
هند: شنوووووووو ؟؟ قوم انزين .. شنو بيقول اللي بيدخل علينا ..
فيصل: انا ما علي من احد ..
هند: لااااااااااااااااااا والله ..
قرب منها فيصل و بــــــــــــــــــــاســـــــــــــــــــــــهـــ ـــــــــــــــــــــــــــــــــــــا .. و توها فطيم داخله عليهم الميلس ... الحمد لله انه فيصل خلص ..
فطيم: مبروك يالغاليه و مبروك عليك هند يا فيصل ..
فيصل: الله يبارك فيج ..
هند: الله يبارك فيج ..
فطيم: سوري بس بغيت اخذ جوالي ..
فيصل: تفضلي .. خذت فطيم جوالها و طلعت ..
فيصل: وين كنا ....
وقتها دخلت ساره ..
ساره: مبروك يا حبايبي ..
هند+فيصل: الله يبارك فيج ..
ساره: وين حطيت جوالي .. افففففففففففف .. كاهو .. وطلعت ..
هند: شنو هالسخافه ..
فيصل: لا يمكن صج ناسيين جوالاتهم .. ماعلينا .. وين كنا حبييتي ..
شوي الا تدخل عليهم المصوره .. و تقعد تصورهم .. و ما خلت حركه ما قالت حق فيصل يسويها .. بل عليه صج صج هالولد جريء .. طلعت المصوره ..
فيصل: و اخيرا قعدنا على راحتنا ..
وقتها دخلوا جاسم و خالد و محمدوه .. هههههههههههههههه ..
الشباب: مبروك يااختنا العزيزه ..
هند: الله يبارك فيكم ..
خالد: مبروك يالنسيب ..
فيصل: الله يبارك فيك .. و يطالعهم بنظرة احتقار ..
محمدوه: شبلاك فيصل تعبان ولا شي ؟
فيصل: لا مافيني شي ..
جاسم: زين عيل قلنا بنقعد معاكم شوي يعني نبي نتصور .. و نادوا المصوره و قعدوا يتصورون ..
فيصل و هند محترين عليهم و شوي و فيصل يخنقهم ..
خالد: شوف فيصل مااوصيك على الغاليه ..
فيصل: في عيوني ..
جاسم: ايه حط بالك عليها ..
فيصل: ان شاء الله ..
محمدوه: و لا تزعلها ولا تخليها تمد بوزها ..
فيصل: حاضر .. ممكن الحين تتلايطون برع ..
الشباب: هههههههههههههههههههههههههههههههههههههههههههههههههه ههههههه ..
جاسم: حبيبي انت يا فيصل .. و باس هند على راسها و طلعوا ..
فيصل: اخوانج وايد سخيفين ودمهم ثقيل ..
شوي الا تدخل يدوتي و قاعده تصيح ..
هند: يدوتي ليش تصيحين ؟؟
اليده: و اخيرا انتوا عرستوا ..
فيصل: فديتج يالغاليه ..
اليده: مبروك يالغاليين ..
هند: الله يبارك فيج ..
اليده: يغيت اعطيج شي ..
هند: شنو يدوتي ؟؟
طلعت اليده طقم الماس و كان وااااااااايد حلو و ناعم ..
اليده: تفضلي يمه ..
هند: مشكوره يدوتي ..
فيصل: عادي البسها الخاتم ..
اليده: يلا ..
لبس فيصل الخاتم في يد هند ..
اليده: انت يعني مستانس كل دقيقه قاعد تلبسها خاتم ..
فيصل: مرتي ....
طلعت يدوتي و على الساعه 12 و نص راح الكل بيته ..
احمد خذا جوال فيصل و فيصل قاعد يدوره يمين و يسار و ماقاعد يلاقيه لانه وعد هند انه يتصل فيها الفليل .. و جاسم خذا جوال هند و هي بعد قاعده ادور عليه و تلفون البيت خالد قاعد عنده و بوجاسم اونه راقد و ام جاسم بعد ..
فيصل: يلعن الساعه اللي خذيت فيها جوال وينه ؟؟
احمد: شبلاك يالغالي ؟؟
فيصل: ماادري وين جوالي ..
نوره: انزين دورت في غرفتك ؟؟
فيصل: دورت و قلبت الغرفه و مالقيته ..
احمد: انزين دور عدل ..
فيصل: اقول لك قلبت الغرفه ..
راح فيصل و اتصل من تلفون البيت على جوال هند و رد عليه جاسم ..
جاسم: شتبي الناس نايمه ..
فيصل: و انت جوال هند ليش عندك ؟؟
جاسم: هند مب فوق ..
فيصل: انزين باي .. و صكر ..
جاسم: ههههههههههههههههههههههههههههههههههههههههههههههه .. خلود روح عند تلفون البيت الحين بيتصل .. شوي الا يتصل فيصل على تلفون البيت و يرد عليه خالد ..
خالد: هلا بالنسيب ..
فيصل: و ان ماعندك الاهالجمله .. وين هند ؟؟
خالد: هند .. ماادري والله كأنها فوق ..
فيصل: توه جاسم يقول انها تحت ..
خالد: ماادري يمكن راقده ولا تتسبح ..
فيصل: انزين باي .. و صكر .. ماادري اتصل حق بوجاسم .. و اتصل .. والله ماعلي ..
بوجاسم: الووو ..
فيصل: هلا عمي ..
بوجاسم: فيصل تعرف الساعه كم الحين .. الناس نايمين .. و صكر في ويهه ..
فيصل: الله يغربل العدو ان شاء الله ..
هند: جاسم وين جوالي ؟؟
جاسم: شدراني ..
خالد: لا تسأليني ماعرف ..
هند: دورت عليه و مالقيته .. اففففففف وين راح ؟؟
جاسم: ليش يعني ؟؟
هند: فيصل بيتصل ..
خالد: اهاااااااااااااااااااااااا .. انزين دوري عليه عدل ..
مرت ساعتين و لا هند و فيصل لقوا جوالاتهم و تعبوا من زود مايدورون و راحوا قعدوا كل واحد في الصاله تحت ..
نوره: فيصل شفيك ؟؟
فيصل: ماادري وين جوالي و وعدت هند اتصل فيها ..
احمد: انزين روح دور في الغرفه ..
نوره: اقعد انا بروح ..
و راحت طلعت الجوال من عندها و يابته تحت ..
نوره: تصدق اول مره اعرف انك احول و غبي ماتعرف ادور عدل .. هاك جوالك ..
فيصل: وين لقيتيه ؟؟
نوره: على الطاوله ..
جاسم: مالقيتي جوالج ؟؟
هند: لااااااااااااااااااااااااااااااااا ...
خالد: روحي دوري عدل ..
هند: تعبت ..
جاسم: كاهو ..
هند: وين لقيته ؟؟
جاسم: على الطاوله هني ..
هند: شلون و انا توني مدوره هني ..
جاسم: شدراني فيج انتي اللي ماتشوفين عدل .. و عطوها الجوال و راحوا فوق ..
راحت هند فوق تكلم فيصل فوق في غرفتها ..
عرس عبدالرحمن و ريم شلون بيكون ؟؟؟
عرس هند و فيصل شلون بيكون بعد ؟؟؟
06-05-10, 08:08 AM
جديد مواضيع قسم القصص المكتمله
العرض العادي
