كاتب الموضوع :
♫ معزوفة حنين ♫
المنتدى :
القصص المكتمله
فيصل: انا يا هند ما كنت اقصد كل الكلام اللي قلته وكل اللي سوته فيج لان انا ياهند احبج واموووت فيج وامووت ع التراب اللي تمشين عليه حتى يوم كلمتج وقلت لج ابيج تروحين تخطبين غالية كنت ابي اعرف ردة فعلج ولو شفت رد فعل واحد منج يخليني اعرف انج تحبيني جان على طول رحت وتقدمت لج انتي وما تقدمت حق غالية لكن بسكوتج وصمتج انتي اللي ضيعتي على نفسج فرصة انه نكون مع بعض فضلتي السكوت وقلتي حق سارة وغيرها ما يقولون لي عن اللي بقلبج وابيج تعرفين انه انا كنت اعرف انج تحبيني لكن ما توقعت انج لما تعرفين اني بتقدم حق غالية بتسكتين ولا بتقولين شئ وبتروحين تخطبينها لي انتي يوم كنتي تسوين اللي تسونه كنت اموت واحيا الف مرة لكن انتي ولا على بالج مع انه انتي كنتي تتعذبين مثل ما انا اتعذب..
هند قاطعته وعيونها مليانة دموع لانها تاثرت واايد بكلام فيصل..
هند: حرااام عليك يا فيصل انت شقاعد تقووول تحبني وتموت فيني بس تجرحني بكلامك وكنت تبي تمد ايدك علي أي حب هذا يافيصل اللي تتكلم عنه..
فيصل: الحب اللي خلاني واقف الحين جدامج لانه لولا حبي لج جان لقتيني بين الاموات الحين..
هند قاطعته بسرعة وبدون ما تحس: بسم الله عليك يعل عدوينك..انتبهت ع اللي قالته فاستحت ونزلت راسها..
فيصل ابتسم: اكبر دليل ع حبج لي الكلام اللي قلتيه الحين يا هند انا ادري انه انا فرطت فيج وانا اعرف انج تحبيني وانا احبج لكن كنت ابيج تبينين لي انج تحبيني ما كنت ابيج تقولينها بس على الاقل تلمحين لي يا هند انا كنت خايف لايكون حبج لي مجرد حب مراهقة لا اكثر ولا اقل كنت اتعذب وطبعا احمد ما خلاني لحالي ابدا تم فوق راسي كل يوم يذكرني فيج وانا اتعذب كل يوم اكثر من اليوم اللي قبله..
هند: وش اللي خلاك تكلمني بالطريقة اللي كلمتني فيها واللي خلاك تبي تمد ايدك علي يا فيصل..
فيصل: كنت مقهور منج ومن معاملتج لي .. معاملتج كانت قاسية يا هند كنتي ما تعطيني ويه وتحاولين تتجنبيني قد ما تقدرين انا ما كنت اقدر استحمل وهذاك اليوم اللي كنا طالعين فيه المستشفى ادري اني غلط عليج وااايد لكن ابيج تعذريني لاني كنت مقهوور ارجوج يا هند سامحيني ارجوج..
هند: ما اقدر يا فيصل ما اقدر ارجوج قدر اللي انا فيه انا عايشة تحت ضغط مو طبيعي وما اتوقع ان راح اقدر اسامحك لان كرامتي ما تسمح لي اسامحك يا فيصل..
فيصل تعب خلاص: يعني يا هند راح تمين طول عمرج زعلانة مني وما تكلميني..
هند: شوف يا فيصل راح اكلمك بصفتي بنت عمك كاخت لك لكن حب وزواج مستحيل يا فيصل مستحيل..
فيصل تحطم نهائيا بعد الكلام اللي قالته هند: خلاص يا هند اللي تبينه راح يصير..
راحت هند عن فيصل وهي مو مصدقة الكلام اللي قالته له هي ودها تروح وتقول له يا فيصل انا مسامحتك ع كل اللي سويته ويعيشون احلى عيشة لكن كرامتها ما تسمح لها تسوي هالشئ لكن وهي تمشي راجعة للفندق تمت تفكر >> شفيج يا هند ليش سويتي جي فيصل اعترف لج انه يحبج ويموت فيج ليش سويتي جي انتي ما فكرتي الا في نفسج ليش لالالالا اصلااا هو بعد يوم راح وتقدم لغالية وهو يعرف انه انا احبه بعد فكر في نفسه بس حب بس انه يعذبني بس يا هند هو بعد تعذب اااااااااااه ياربي شاسوي..انا لازم اسامحه انا احبه وما اقدر اعيش بدونه لازم اسامحه لازم لازم<<.. راحت هند عند البحيرة شافت فيصل وهو سرحان وحالته حالة يوم وقفت جدامه انصدمت بدموعه اللي كانت مثل الشلال تنزل على ويهه وما عرفت شتسوي حست انها دمرت فيصل حبيبها فيصل..
>> يالله انا قاعده اصيح و اناا اقرأ هالمقطع <<
هند نزلت دموعها غصبن عنها وهي تشوف فيصل وهو مكسور جدامها: حبيبي ليش دموعك تنزل علي انا ما استاهل انا ما استاهل..وانهارت بالصياح..
فيصل مات لما شاف حبيبته تصيح جدامه>>بس طبعا انتبه على كلمة حبيبي<<: هنود حبي انتي حياتي كلها اذا دموعي ما نزلت عليج بتنزل لمنوووو حبيبتي حسي فيني ارجوج انا اتعذب وانتي تعذبين لي متى تبينا نتم على هالحال.. >> طبعا اخونا ماانتبه الا على هالكلمه بس هو عيار اسمحوا له يمكن يخورها بعد شوي <<
هند وصوتها يتقطع من الصياح: انا يا فيصل رجعت بس عشان اقول لك اني مسامحتك واني ما اقدر اعيش بدونك انت حياتي وروحي وكل شئ فيني اذا تخليت عنك يا فيصل انا راح امووووت..
فيصل: بعيد الشر عنج يعل يومي قبل يومج..
هند:.................
فيصل: هنوووود بسج صياح عاد خلااااص..
هند: خلاص ها مسحت دموعي ماشئ دموع الحين..
فيصل: هنوود حياتي انتي تحبيني؟
هند استحت: فيصل عن العبط انت تعرف..
فيصل بعبط زيادة: لا ما اعرف انتي ما قلتي لي عشان اعرف..
هند: فصووول فصفص فصولي لا تستهبل..
فيصل: هههههههههههههههه الحين تدلعيني فصفص..
هند: يليق لك هالدلع..
فيصل: انزين يعني تحبيني؟
هند: انت تحبني؟
فيصل: انا احبج اموووت فيج اعشقج اموووت ع التراب اللي تمشين عليه..وقام يصرخ ويقووول: انـــــــــــــــــــــــــــــــــــــــــا احـــــــــــــــــــــــبــــــــــــــــــــــــ ــــــــــــــــــــج..
هند استحت: وانا بعد..
فيصل: وانتي شنو بعد؟
هند انقهرت منه ومن بروده وعبطه: اوووووووووووووه فيصل شفيج يعني انا قلت انا بعد يعني انا بعد احبك.. هند انتبهت انها قالت حق فيصل انها تحبه..
فيصل: وااااااااي قلبي لحقوني ما اقدر.. >> بيذبحني هالولد هو عبطه انا قاعده اصيح و التنكر خلص و هو يستعبط <<
هند خافت: فيصل حبيبي شفيك فيصل..
فيصل: بعد حبيبي لالالالالالالالا انا بموووت اليوم لا ما اقدر ارحميني..
هند فهمت عليه: هههههههههههههههههه سخيف..
فيصل: ماتدرين يا هند شلون ريحتيني بهالكلمة..
هند: حتى انت يا فيصل ريحتني..
فيصل:
لايمكن ولافكرت بيوم انسااك
ومهما غبت عن عيني اشوفك وانت بغيابك ..
"" اشوفك ""
صوره حلوه تصبرني بعد فرقاك
ونااار الشوق يحرقني بدمع صاار بااسباابك
ولو جسمي يصير بعيد ترى قلبي جلس ويااك
وقلبك صار من حظي ومهما صابني صاابك
"" احبك ""
يابعد عمري وشمعة حبنا ذكرااك
احبك حاضر وغايب واحب الليل لاجاابك
" خيااالك ""
هو رفيق الليل
الا سبحاااان من سوااك جميل اخلاق
ولك صوره جميله تقتل احبااابك
"" حزين ""
وطااالت الفرقى واناا صابر وااقول اهواااك
غريب الدآر يااحبي واقول اموت واحيااابك
"" ومهما قلت ياحبي ""
حيااتي كلها تفداك
انااا ودي اقربلك واصير اقرب من اهدااابك
بااواصل وحدتي واطلب من المولى عسى القاااك
ترى حبي رضا حظه وانا
ياحظــ برضاااابك
هند:
احبك موت في غيابك... ولا شفتك احبك زود
احبك في ابتسام الوقت
واحبك في جفى ايامي
اشوف الناس لا شفتك..... أسامي ما لهن وجود
ولا من غبت عن عيني..... اشوفك طيف قدامي
ابرحل في سما افكاري .....وبسكن في العيون السود
ابي اسكن بها لحظة.... وبروي ناظر ضامي
ابنسى ما مضى لأجلك... وبانده عمري المفقود... واقول العمر لك وحدك
وبانسى جرحي الدامي
ابجمع ما بقى من ورد ....وباصرخ يالهنى موعود
لقيت اللي تمنيته...... لقيتك يا هوى احلامي
واضمك حيل لا تبعد....... اخاف ان الزمان يعود...... وبأخذ عمري الغالي
وترجع ماضي آلامي ..فيصل: بعد بتضميني ..
هند: هاااااااااااا انزين شنو رايك نرجع لاني بردت ..
فيصل: وين لحد الحين ماشبعت منج ..
هند: وراك العمر كله ان شاء الله .. و راحت داخل .. جان يطلع في ويهها احمد ..
احمد: شفيج تركضين مثل المينونه ..
هند: محد المينون غيرك ..
فيصل: احمد ليش جي مبلله ملابسك ؟؟؟
احمد: هااااا ولا شي بس كنت امشي تحت المطر ..
هند: تحت المطر هااااااااا ..
احمد: جب انتي شنو كنتوا تسوون ؟؟؟
فيصل: ولا شي كنت قاعد في الحديقه ..
هند: انا بروح فوق .. >> تعرف انه احمد بيستلمهم <<
احمد: هند انتي ليش مبلله و فيصل بعد ..
هند: فيصل طلع مينون مثلك و وقف تحت المطر ..
فيصل: مشيتها هالمره بس لا تعيدينها ..
احمد: شنو صار ؟؟
هند: نونة حياتك .. و راحت ..
احمد: تعالي شنو صار و شنو تقصدين بنونة حياتك ؟؟ >> اونه يرقع يدام فيصل على باله مايعرف خخخخخخ <<
فيصل: شفيك احمد نونة حياتك ماتعرفها ..
احمد: تعرف انه ماعندك سالفه ..
فيصل: بابا انا كاشفك انزين على بالك مااعرف ..
احمد: و انت على بالك انا مااعرف انك تحبها ..
فيصل: هي.................................. .. انا ماارد على السفهاء مثلك .. و راح ..
احمد: وين بتروح انت ترقد معاي في نفس الغرفه ..
فطيم كانت قاعده في الحديقه عند البحيره بس فوقها مظله عشان ماتتبلل .. شوي الا اييها جاسم الله يغربل عدوه و يخرعها ..
جاسم: بووووووووووووووو ..
فطيم نقزت من على الكرسي: بسم الله الرحمن الرحيم ..
جاسم: شله شايفه يني ..
فطيم: ايه كاهو ..
جاسم: شنو تسوين بروحج هني ؟؟؟
فطيم: ماشي قاعده و افكر ولا حرام الواحد يفكر ولا عليه غرامه ..
جاسم: لا لحد الحين ماسووا على الفكره غرامه بس في شنو تفكرين ؟؟؟
فطيم: في وااااااايد اشياء ..
جاسم: فيني مثلا ..
فطيم: وييييييييييييه شله افكر ماعندي سالفه ولا ماعندي سالفه ..
جاسم: ليش ان شاء الله انا شنو فيني ؟؟
فطيم: جسوم مب فاضيه لك انزين والله راسي يعورني ..
جاسم بجد: شفيج هاااااااااا ؟؟؟
فطيم: مافيني شي بس بروح انام الوقت متأخر ..
جاسم: والله تقولين لي شنو فيج ؟؟
فطيم: جسيم قلت لك مافيني شي .. و قامت و لحقها ..
جاسم: ياحبيبتي قولي لي شنو فيج الحين انا جاسم شلون تقدرين تخشين عني ..
فطيم: ليش الشيخ شنو يعني جاسم ؟؟
جاسم: افااااااااااااااااااا الحين على بالي انج تحبيني ؟؟
فطيم: .................................................. ......... >> بل يضرب على الوتر الحساس و يمسكني من اليد اللي تعورني <<
جاسم: اشوفج سكتي ؟؟
فطيم: شنو تبيني اقول لك مثلا ؟؟
جاسم: شنو فيج و بعد ماتخلصين تقولين لي احبك ..
فطيم: قوم انزين .. و راحت ..
جاسم: باعرف يعني باعرف ..
كان لنا تقريبا اخر يومين في ابانت و كانت هند و فطيم قاعدين في الغرفه و يغسلون عباياتهم و الباقي قاعدين تحت في الحديقه .. كان في معانا عيله خليجيه هناك >> مابذكر البلد << و كانوا 5 شباب قاعدين تحت في الاستقبال .. اتصل بوفيصل و قال حق فطيم هاتي دلة الجاي من غرفة الشباب و ييبيها انتي و هند تحت ..
فطيم: يلا تعالي تحت ..
هند: وين ؟؟؟
فطيم: تعالي بننزل تحت ..
هند: انزين بنزل حافيه مافيني البس البوت ..
فطيم ابتسمت: انزين .. و نزلنا ..
انا على بالي انه بنروح غرفة الشباب و ماكنت اعرف انهم في الحديقه و نزلت حافيه .. لين وصلنا و نزلنا من الاصنصير انا هني شيرت .. و الشباب الخليجيين كانوا لحد الحين قاعدين تحت >> اففففففف منكم انزين الوقت متأخر شله قاعدين تحت لين الحين يالله شنو الفشله هذي << و انا لابسه عبايه و خبركم انا امشي بسرعه و ماانطر يعني مااحب امشي على بيض مثل فطوم ..
هند: ليش احنا تحت مب الشباب في غرفتهم ؟؟
فطيم: لا الشباب في الحديقه ..
هند: شنوووووووووو و خليتيني انزل حافيه ..
فطيم: انا قلت لج بننزل تحت ..
هند: لا انتي قلتي بنروح للشباب ماقلتي بنروح الحديقه ..
فطيم: والله شنو اسوي فيج يالغبيه ..
هند: الحين شنو اسوي و هذول قاعدين هناك ..
فطيم: انزين امشي شوي شوي ..
هند: انزين اذا وصلنا لهم انا بنطرج بعيد شوي و انتي روحي لهم و بعدين تعالي لي و لا تقولين لهم عن الفشله ولا بتشوفين شي ماشفتيه والله ..
فطيم: انزين مثل ماقلت لج شوي شوي ..
عاد انا مااعرف شي اسمه شوي شوي و مشيت بسرعه و طلعت ريلي >> لا والله البلاط كان واااااااايد بارد و انا ريلي تثلجت << اول ماطلعنا من الاستقبال ماسمعت الا صوت .......
الشباب: هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههه ... >> و يضحكون بطريقه هستيريه و بشكل مب طبيعي حشى اول مره يشوفون ريول وحده <<
هند: كله منج ..
فطيم: والله اعتقد اني قلت لج امشي شوي شوي مب ادابجين مثل حصان يلاحقه فار تعرفين انج حافيه والله لو الشباب و خوالي دروا جان ضحكوا عليج و ماسكتوا ..
هند: لاااااااااااااه كفايه اللي داخل ماقصروا ..
فطيم: هههههههههههههههههههههههههههه تستاهلين ..
هند: ضحكتي بلا ضروس قولي امين يلا امشي .. و رحنا ..
المهم مشينا شوي و انا واقفت و فطوم الخايسه راحت ..
فيصل: وينها هند ؟؟
فطيم: واقفه هناك ..
فيصل: شله ليش مايات ..
فطيم: تقول بردانه ..
فيصل: انزين خليها تتدفى عدل ..
فطيم ابتسمت: انزين .. و راحت ..
كنت واقفه انطر هالسباله فطيم الا شوي اسمع صوت من رواي و مااقدرت اتحرك من مكاني لساني انربط و تصنمت و ماعرفت شنو اسوي و ريلي ماتشلني .. خلاااااااااااااص بروح فيها من الصوت اللي اسمعه .. و فطيم يات الحمد لله ..
فطيم: يلا ..
هند: فطوم الحقيني ..
فطيم تخرعت: شنو فيه ليش شنو فيج ؟؟
هند: في قطوه .. >> عاد شنو ماقلت الا حق اكبر خوافه في العالم اللي تخاف من القطاوه و اهم اعدائها ماادري مساكين هالقطاوه وااااايد حلوين ليش تخاف منهم انا ماادري طالع منو يتحجى <<
فطيم الخوافه العوده: وين وين وين راحت ؟؟؟
هند: مادري ماادري اهئ اهئ اهئ ..
شوي الا ايي واحد من الشباب اللي كانوا قاعدين داخل ..
الشاب: لو سمحتي اختي ماشفتي قطوه سوده مرت من هني ؟؟؟
هند: هذي الينيه اللي واقفه هناك ..
الشاب: كاهي فديتها قطوتي و لوسمحتي اختي مره ثانيه انصحج انه تلبسين نعال ولا شي ترى ريلج بتتجرح من تحت ..
هند: اوامر ثانيه اخوي ..
الشاب: لا الشيخه .. و راح ..
فطيم: هههههههههههههههههههههههههههههههههههههههههههههههههه هههههههههههههه ..
هند: واااااااااااااااااااااااااااااااااااااااااااي فشله انا مره ثانيه مابيي هني ..
فطيم: شنو رايج اقول حق ريلج اييبج شهر العسل هني ..
هند: جب انتي جب شمعنى كل المواقف تصير لي انا ..
فطيم: المنحوس طول عمره منحوس ..
هند: فوق شينه قوات عينه بعد قاعده تتكلمين امشي يدامي .. و دخلنا ..
الشاب الاول: اختي تبين نعاله ترى عندنا وااااااااااااااااااااااايد .. >> طالع قوات عينه السبال <<
الشاب الثاني: اي ماركه Dior ولا شنو تبين ؟؟
هند: لا ابي ماركة اكل تبن عندك اياها ..
فطيم: تعالي فضحتينا ..
هند: ولا ماركة تخسي الا انت ..
راعي القطوه: لا عندي ماركة سدي بوزج ..
هند: صج ماتستحي على ويهك الظاهر انه اهلك ماعرفوا يربونك عدل صج لا قالوا فوق شينه قوات عينه ..
فطيم: بس سكتي و انتي كل ماشفتي حد قلتي له هالمثل التاريخي ..
هند: ماتشوفينه شنو يقول ؟؟
فطيم: عاد انتي الحين شنو يهديج ..
هند: ماابي شي انزين .. و رحنا فوق ..
تحت في الحديقه ..
شهد: عمي متى بنرجع اصطنبول ؟؟؟؟
بومحمد: يوم الخميس ان شاء الله ..
بوعبدالله: و بنيلس بعد اسبوع هناك ..
ساره: شنو رايكم نروح متاحف و اماكن جبليه لين نرجع ؟؟
فيصل: تتذكرون لين ركبنا ذاك الجبل بس عشان نشوف المطعم ؟؟
احمد: ايه عشان نشوف الشجره اللي عمرها فوق الـــ 200 سنه ..
حمدان: انزين باجر بنودي البنات السوق و انتوا ارتاحوا عشان يتشرون و ياخذون اللي يبونه ..
حميد: هيه شو رايكم ؟؟
بوعبدالله: انزين ..
نوره: محمد عطني نوف اوديها فوق ..
محمد: لا تسلمين انا بسير تعبان و باجر مابيي السوق .. و راح ..
جاسم((قطر)): يلا اشتلوا جميعا ورانا قعده من الصبح .. و قاموا ..
اليوم الثاني ..
قمنا و لبسنا و ركبنا الباص بس محمد و نوف و الكباره مايوا ..
فطيم((قطر)): ها هند لبستي نعال ؟؟
هند: لبست نعال ماركة سدي بوزج لا ابط راسج انزين ..
فطيم((قطر)): ههههههههههههههههههههههههههههههههههههههههههههههههه ..
خالد: شنو سالفتكم انتوا الـــ 2 ؟؟؟
هند: ولاشي بس امس فطيم و هي تمشي طار نعالها ..
فطيم((قطر)): جذابه انا اقول السالفه امس لين كنا بنيي عشان ناخذ المفتاح منكم اختك نزلت حافيه و كانوا في ناس قاعدين في الاستقبال و انا قلت لها امشي شوي شوي عشان ريلج ماتبين و هي خبرك ماتعرف شنو يعني شوي شوي و بينت ريلها و قاموا يضحكون عليها ..
الكل: هههههههههههههههههههههههههههههههههههههههههههههههههه ههههههههه ..
جاسم((الامارات)): دام الدرب طويل شو رايكم نلعب ؟؟
حميد: عاد شو نلعب لا هو اللي نروم ننقز ولا نقفز ولا شي ..
جاسم((الامارات)): لعبة جرأه و حقيقه ..
هند: انزين يلا ..
فيصل: عاد بشنو نلعب ؟؟
حمدان: بغرشة الماي ..
اللي قعد على الارض و اللي على الكرسي و سوينا دائره ..
هيا: انا اول شي .. و يات الغرشه على حمدان ..
حمدان: ادري تحبيني ..
هيا: حمدون خبرنا سالفه صارت لك تضحك ؟؟؟
حمدان: مو كل سوالفي اللي تضحك صارت مع اخوانج ..
هيا: انزين شو ؟؟
حمدان: لين سرنا ايطاليا و كان اخر اسبوع لنا هناك و خطبتها قبل مانرجع و قلت لها عطيني رايج بعدين و لين صار بعدين كنا انا و جاسم يالسين في الكوفي مع الربع و اتصل فينا هزاع اخوها المصون و قال لنا تعالوا البحر المكان اللي دايما نتجمع فيه اذا كانت فيه سالفه بيننا و لين سرنا قال لي هزاع انت تعرف انه قسمه و نصيب و انه انت مالك نصيب عندنا جان انا ماادري شو يصير فيني ينيت والله احبها و ماروم اعيش بدونها و شو سويت دخلت البحر و الماي وااااااااايد بارد و الجو بعد و يقول لي جاسم تعال تعال بخبرك شي و قال لي انه هيا موافقه و طلع مقلب من الكل حتى ربعنا و صوروني .. >> بحط لكم المحادثه <<
(( اتصل هزاع في جاسم و باين على صوته انه حزين ..
جاسم: مرحبا هزاع..
هزاع: اهلين جاسم شحالك ؟؟
جاسم: بخير ..
هزاع: تعالوا صوب البحر بغيتك انت و حمدان ..
جاسم: خير عسى ماشر ؟؟
هزاع: لاماشي بس تعالوا ..
جاسم: اوكي عشر دقايق و حنا عندكم ..و صكر..
حمدان: خير بلاه هزاع؟؟
جاسم: حنا نستأذن شباب ..و قاموا ..
في السياره..
حمدان: بلاه هزاع؟؟
جاسم: ماشي قال تعالوا البحر يبانا ..
حمدان انقبض قلبه..
حمدان: قلبي حاس انها ماوافقت ..
جاسم: هونها و تهون ..
وصلوا الشباب و نزلوا ..
في سيارة هزاع..
هزاع: ها خلوف جاهز ؟؟
خليفه: هيه انت بس سير و ارمس بصوت عالي شويه ..
هزاع: ادعيلي مااضحك وانا ارمس و اخرب كل شي ..
خليفه: انت سير و لاتخاف ..
نزل هزاع ..
هزاع: السلام عليكم ..
جاسم+حمدان: وعليكم السلام ..
هزاع و نبرة الحزن على صوته: شحالكم شباب ؟؟
حمدان: بخير بخير يلا اخلص ..
هزاع: والله مااعرف شوو اقول لك ياحمدان ..
حمدان: يعني ماوافقت؟؟
هزاع: انت عارف انه كل شي قسمه و نصيب و الله ماكاتب انه هيا تكون من نصيبك سامحني اخوي ..
حمدان: شووووووووووووووووووووووووووووووووووووووووو؟؟؟؟؟..
و قام عق السفره و طلع البوك و السويج و النظاره من مخباه و سار وقف في نص البحر و الماي كان هايج و باااااااااااااااارد..
حمدان يصارخ: لييييييييييييييش ليييييييييييييييش ماوافقت هي قالت لي تم لالالالالالا مااصدق انه هيا ماتكون لي.. انا احبها و هي تحبني.. انا عارف هالشي انت اللي قلت لها شوو كنا نسوي انا و انت ايام قبل اكيد انت اللي خربت علي اعرفك ماتباني اكون لاختك اناني اناني انت ترى والله ماازوجك اختي و انت عارف اني اسويها ...
جاسم بصوت واطي حق هزاع: حرام عليك خبره لا يسوي في عمره شي ..
هزاع: لالا خله انا ابا استانس و امتع ناظري بالمقلب الحلو ..
جاسم يصرخ على حمدان: تعال بخبرك شي و بعدين سوا في نفسك اللي تباه ..
وصل حمدان عند جاسم ..
حمدان: شووو مصيبه ثانيه ؟؟
هزاع: لا ثالثه..
جاسم: لحظه لحظه ..
و اتصل في حميد اللي كان ماشي في سيارته وراهم مع الشباب ..
جاسم: ها حميد انت وينك ؟؟
حميد: وراك وراك انت بس سير و خل الباقي علي ..
جاسم: اوكي باااااااااااااي ..
هزاع و جاسم قاموا من مكانهم و ركبوا سيارة هزاع ..
جاسم يصرخ على حمدان من بعيد: حمدان ..
حمدان: شووو ؟؟؟
جاسم: ترى هيا وافقت ..
ساروا و خلوه في حيره من امره ..
حمدان: شوووو ..
حميد: هلاااااا حمدان ..
حمدان: حميدوه شووو يالس يصير؟؟
طلال: الله يسلمك المقلب من اخراج هزاع و تصوير خليفه و فكرة جاسم اخوك ..
ذياب: و جراح و احمد مشتركين في الجريمه ..
حمدان: شوو يعني هيا وافقت علي و انا كليت مقلب ..
محمد: هيه ..
صقر: زين وصلت الفكره توك مستوعب..
حمدان: ودني بيت عمي الحين ..
حميد: لا آسف بتخيس سيارتي ..
حمدان عطس ..
حمدان: اخخخخخخخ خشمي ..
الكل: ههههههههههههههههههههههههههههههههه ))
الكل: هههههههههههههههههههههههههههههههههههه ..
جاسم((الامارات)): و بعدها صادته حمى ..
حمدان: دوري .. و يات الغرشه على فطيم((الامارات)) ..
فطيم((الامارات)): بل مالقيتوا الا حمدان يسألني .؟؟؟
حمدان: شو الشيخه هب عاجبج ..
فطيم(((اامارات)): اسأل و فكنا ..
حمدان: السؤال يقول .. امممممممممم .. تحبين حميد ؟؟
فطيم((الامارات)): لا احب ولد الجيران شو هالسؤال اذا ماحبيت حميد منو بحب ..
حميد: و نعم الاجابه ..
حمدان: انزين انزين كليتيني ..
فطيم((الامارات)): دوري .. و يات الغرشه على السايق ..
خالد: شنو بتسألينه ؟؟
فطيم((الامارات)): يروم يحذف حمدان من الباص ؟؟
هيا: شو له ريلي و ابو عيالي و اباه ..
حمدان: تبيني يالغاليه انا كلي لج ..
هيا: ايلس مكانك ..
هند: يلا فطيم مره ثانيه .. و يات الغرشه على ساره ..
فطيم((الامارات)): سؤالج يقول انتي موافقه على خالد ولا لا ؟؟
ساره: الجواب عند عمي محمد ..
خالد: اففففففففففففففففف لازم تخلي الواحد يقعد على اعصابه ..
الكل: ههههههههههههههههههههههههههههههههههه ..
ساره: دوري .. و يات الغرشه على نوره ..
نوره: شو سؤالج ؟؟
ساره: شنو كان شعورج لين قال لج جاسم خلاااص اللي بيننا انتهى ؟؟
نوره اطالع جاسم: لا اتذكريني يالغاليه حسيت انه روحي بتظهر من مكانها .. >> بحط لكم المحادثه عشان تتذكرون <<
((نوره: جاسم بلاك تغيرت علي وايد حتى رمسه ماتبا ترمسني شو صار لك ؟؟؟؟
جاسم: نوره سمعي بلا لف و دوران حنا لازم نفترق ..
نوره: شووووووو ؟؟؟؟
جاسم: نوره انا مااشوف شلون بتعيشين حياتج من انسان مايروم يشوفج ولا يشوف الدنيا خبريني شلون لا انتي بترضينها على نفسج ولا اخوانج بيرضونها عليج و حتى انا مابرضاها عليج مثل مادخلنا بالمعروف خلينا نطلع بالمعروف صدقيني انا احبج و مستحيل اتخلى عنج بس الظروف اجبرتني و خلينا نفرض انه عشنا مع بعض بعد سنه او اقل بتملين مني انتي لحد الحين صغيره و الدنيا يدامج و الف من يتمناج و مثل ماقلت لج الظروف اجبرتني ...
نوره منصدمه و نفس الوقت تصيح: مستحيل انت اللي تقول هالرمسه ياجاسم انا احبك و على طول العمر حبك هو الوحيد اللي سكن قلبي شلون تباني اتخلى عنك بهالسهوله لو تباني اعطيك عيني انا حاظره اعيش بدون عيون بس لجل اشوفك سعيد و مرتاح في حياتك مااروم اتخلى عنك مااروم انت تحس فيني انا كنت اتريا يوم زواجنا مثلك كنت اسعد انسانه بهالدنيا و الحين اتعس انسانه لاني سمعت هالرمسه منك حس فيني ياولد العم تعرف انا بدونك مااروم اعيش انت حياتي و عمري و قلبي شلون تباني اتخلى عنك لا بحارب الدنيا عشانك و اذا كان على بالك انه باستسلم لاي واحد ايي يخطبني بعدك فأنت غلطان بظل عايشه على ذكراك طول العمر حتى لو كنت معلقه على عمره ماراح يتحقق ...
جاسم: خلاص يانوره خلاص ماعدت اتحمل رمستج الجارحه خلاص اللي فيني كافيني انا اعزج و احبج بس الله يخليج اظهري من حياتي و خليني ابقى على ذكرى عشت فيها احلى ايام عمري و اللي الله كاتبه بيصير بس مستحيل اعيش معاج بهالحاله مستحيل ....
سارت نوره عند السرير و مسكت يده ...............
جاسم: تعرفين انه لمستج ترد الروح بس خلاص ابتعدي مابا اشوفج خلاص ))
و يات الغرشه على فيصل ..
فيصل: تعرفون شلون انا ماابي العب ..
نوره: مب على كيفك ولا هو بهواك ..
فيصل: بس سؤال مثل الناس ..
نوره: انزين .. انت تحب ولا لا و منو ؟؟؟
فيصل: امممممممممممم حبي لها ماله مثيل والله اني احب ثراها و سماها .. هني هند عرفت انه يقصدها هي و استانست ..
خالد: انزين منو ؟؟
فيصل: قوم انزين مب قايل لك ..
جاسم((قطر)): عاد تستاهل كل هالحب ؟؟
فيصل: تستاهل و زود ..
وصلنا السوق الساعه 4 و نزلنا .. اول محل كان محل بجامات روعه رهييييييييييييييييييييييييييييييييب >> انا ذبحتي البجامات لا تستغربون اذا خميت المحل وطلعت <<
ساره: عاد هند انتي دبحتج البجامات ..
هند: افففف اسكتي لا اطيرين عقلي زياده ..
و دخلنا المحل .. هند خذت لها 7 بجامات منها برمودا و منها شورت و منها اقصر من الشورت و منها بنطلون طويل و كلها الوان هاديه ترد الروح و الواحد يرتاح لين يلبسها .. و فطيم((قطر)) خذت لها 4 و ساره 2 و نوره+هيا 3 .. و شهد+فطيم((الامارات)) 2 .. و عطينا الشباب الاكياس و طلعنا من المحل و رحنا اللي بعده .. خذينا مكياج و اكسسوارات و ذهب و دخلنا محل فساتين و قلت لازم اخذ لي فستان حق عرس بنت خالتي نوره مريم هو عرس و ملجه مع بعض .. طلعوا لي الشباب و البنات 3 فساتين واحد احمر و الثاني عنابي و بيج و الثالث كان بني .. طبعا انا اخترت البني هو بسيط و حلو و كله شك و حاله بس بسيط و فخم و فيه لون ذهبي و تدرجات البني و الحمد لله خذيت اكسسوار عليه و طلعنا من المحل .. قعدنا ندور و جي و بعدين رحنا قعدنا عشان نتغدى ..
عبدالله: شو تبون تاكلون ؟؟
احمد: اي شي يترس هالكرشه الحلوه ..
طلبنا و قعدنا ناكل .. هني اتصل محمدوه .. و طلعت برع عشان اخذ راحتي ..
هند: هلا والله .. تمام الحمد للله و انت .. فديتك اشتقت لك والله .. زين شخبار الوالد و الوالده و ام خالد .. ادري انها امهم بس مااقدر اتحمل الصدمه اللي بشوفها على ويهم لين يعرفون بالخبر .. شنو يسمعون مني و من الناس لا .. خلها لين نرجع .. انزين ماقال الدكتور شي ثاني .. يعني في خطر على حياتها .. ممكن في اي وقت !!!!!!!!!!!!!!!! .. انت شنو تقول .. انزين انزين خلااااااااااااص سلم .. باي .. و دخلت .. محمدوه يسلم عليكم ..
الكل: الله يسلمه ..
مارجعنا الفندق الا الساعه 10 و تعشينا و قعدنا نرتب الشنط لانه حلااااااااص باجر بنرجع اصطنبول و بنبدأ رحله يديده ..
اليوم الثاني ..
الكل قام و نزلنا الشنط و قعدنا تحت ننطر الكبار يخلصون امورهم مع الاستقبال ..
حمدان: هاااااااا ان شاء الله استانستوا هني ؟؟
حميد: هيه ..
ساره: اكيد انتوا قعدتكم ماتنمل ..
هند: ايه و المواقف الحلوه اللي صارت لنا شي عجييييييييييييب ..
احمد: خلونا من هالسوالف الحين بنتغدى ولا لا انا يوعان ..
فيصل: عشان ماتلوموني لين اهاوشه ..
الكل: ههههههههههههههههههههههههههههههههههه ..
بومحمد: يلا شباب اشتلوا ..
احمد: عمي نبي نتغدى ..
عبدالله: لا ترمس بلسان الكل ..
محمد: ترى صج يواعه ..
نوف: انوده .. (( هنوده )) ..
هند: انتي وين كنتي ؟؟
يات و تكلمت بصوت واطي: لاعي (( راعي )) القتوه (( القطوه )) يقول لج انه هو اثف (( اسف )) ..
هند: انزين انزين انا اقول انتي وين كنتي .. و ركبنا الباص ..
نوف قعدت في حضن محمد و هو قاعد يلعبها .. اما الباقي كانوا كل واحد على كرسي بروحه و اللي قاعد يسمع في الـــ Mp3 و اللي في الــــ اي بود اللي ساكت يطالع المناظر اللي برع و اللي يسولف مع الثاني ..
(( في كل زاويه من هالمكان انحفرت و ارتسمت ذكرى حلوه و مره حق كل واحد فينا .. ذكريات ماتنسى لو مر الدهر بكبره عليها عمرها ماتروح من على البال و الواحد لين يتذكرها يضحك و يستانس و قاعد يتطنز عليها و على نفسه .. الانسان في اوقات الظلمه هالذكريات اللي تنور له طريجه و ادور له على المخرج اللي يدله للسعاده و الحياه الحلوه مع الانسان اللي يبي يعيش معاه و يتمنى يكمل العمر مع الانسان اللي يختاره قلبه ))
(( خالد )) .. تصدقون اني ماكنت اعرف طريج للحب ولا هو يعرف لي درب بس لين عرفت هند و شفت ساره حبيتها و شلون قلبي نبض لها و الحين انا انطر على اعصابي و ابي اعرف شنو ردها ..
(( فيصل )) .. و اخيرا ارتاح قلبي و قلت حق هند اللي في بالي والله المسكينه اعتقد انها نصدمت لين قلت لها اني اعرف انج تحبيني بس الله يوفقني ان شاء الله و يعطيني العمر و اكون معاها لين النهايه و اسعدها لانه قلبها من ذهب ..
(( هند )) .. شلون بقول حق خالد وجاسم عن امهم ؟؟ شلون بتكون ردة فعلهم لين يعرفون بالخبر .. و بعدين اللي صار معاي انا و فيصل صدمني واااااااايد شلون انا قلت له هالكلام و هو كان يعرف بحبي له من زمان بس ماقال ولا تكلم ولا نطق بكلمه يالله و شلون انا قلت له هالقصيده و هو بعد واااااااايد طلع جريء و صدمني بكلام وااااااااايد طلع منه .. بس شنو قلبي ناغزني و حاسه انه بيصير شي بس شنو ماادري انا احساسي مايخيب شنو بيكون .. بس ان شاء الله لين نرجع السالفه تعدي على خير ..
و لفت هند ويهها حق الشباك و قعدت تصيح و من الصوب الثاني انتبه عليها فيصل و يقول في خاطره (( لو اقدر اخفف عنج و اضمج لصدري و ماعلي من احد بس ودي اعرف شنو فيج )) .. و قام اونه يبي منها كيس الجبس اونه عشان ياكل و منها بيعرف شنو فيها ..
فيصل: ابتسمي ويهج مو حلو و انتي مكشره ..
هند مسحت دموعها: هلا ..
فيصل: انا يوعان ..
هند: اكوا كافي و شبس و العصير عند حمدان ..
فيصل: لا عيل مابقى منه شي اقول حمدان جيك العصير ماخلصته ..
حمدان: لا لحد الحين سليم و موجود مالمسته ..
فيصل: انزين عطني ..
الكل: نبي ...
حمدان: اووووووووووووه مالي شغل فيكم ..
بوفيصل: كاهو مطعم يلا ننزل ..
احمد: تونا فاتحين العصير ..
جاسم((الامارات)): الحين بيصر بارد ..
تغدينا و شبعنا الحمد لله المطعم كان وااااااااااااايد حلو و تبون الصراحه ضربنا على البطاطا المهروسه .. و خذينا لنا كيكتين كافي و اسكريم و ركبنا الباص و سرينا لين اصطنبول .. وصلنا الفندق الساعه 6 الفليل و رحنا على طول و حطينا راسنا و رقدنا لانه كنا قايمين من الصبح ..
بنروح جزيرة الاميرات الـــ 7 .. شنو بيصير لنا هناك ؟؟؟
و لين بنرجع الفليل شنو بيصير ؟؟؟
اليوم اللي بعده بنروح نشوف الشجره العوده .. شلون بتكون رحلتنا ؟؟؟
شنو بيصير اخر يوم في تركيا ؟؟؟
|
06-05-10, 06:53 AM
جديد مواضيع قسم القصص المكتمله
العرض العادي
