في بيت خالة هند نوره ..
علي: هاااااااااا خالتي قلتي لها ..
ام خالد: الحين بشوفها .. و راحت .. مريم ..
مريم: نعم يمه ..
ام خالد: تعالي يمه ..
مريم: نعم يالغاليه ..
ام خالد: مريم انتي كبرتي و صرتي عروس و علي ولد خالتج خطبج و يبيج ..
مريم: ............................ >> وعليا الحيا نزل عليها العن بوالذرابه اللي نزلت عليها <<
ام خالد: هاااا مريم شنو قلتي يمه ؟؟
مريم: اللي تشوفونه ..
ام خالد: يعني موافقه ..
مريم: ايه ..
ام خالد: انزين تعالي سلمي عليه يبي يشوفج ..
مريم: عاد هني و خله يوقف عند حده .. و راحت فوق ..
ام خالد: هاااااااا علي اشوفك قاعد على اعصابك ..
علي: خالتي لا تحرقين اعصابي و قولي لي ..
ام خالد: مبروك واقفت ..
علي: الله يبارك في حياتج ..
اليوم الثاني العصر في المطار .. رحنا سلمنا على يدتي و بعدين رحنا المطار و احمد كان ينطر فيصل لين يوصل .. و على دخلتنا طلع فيصل و شافنا ..
فيصل: سلاااااااااااماااااااااات ماتشوف شر يالغالي ..
خالد: الله يسلمك بس سيارتك راحت فيها ..
فيصل: ماعليك عندي سياره ثانيه ..
جاسم: وين اختفيت ياخي اشتقنا لك ..
فيصل: مبين ..
محمدوه: لا و الله بالعكس ..
فيصل: تروحون و تردون بالسلامه ..
بوجاسم: الله يسلمك يافيصل ..
فيصل: هااااا هند مابتسلمين علي ..
هند: ليش انت تستاهل .. و رحت بعيد و قعدت على الكرسي ..
بوجاسم: شفيها ؟؟
فيصل: عمي ابي اكلمك بعدين ..
جاسم: اكيد مزعلها ..
فيصل: ايه والله و ندمان ..
(( اخطيت في حقك و انا اليوم ندمان ..
ارجع لي يالغالي تراني صدق ولهان ..
بعدك ذبحني و خلى قلبي ولهان ..
ضليت صاحي الليالي انادي باسمك و سهران ..
تراني غرقان بحبك و بك هيمان ..
سكران المحبه و مااطلب غير الغفران ..
ادري بك معصب علي و زعلان ..
بس والله مب قصدي اخليك حزنان ..
خسران حبك و قلبك و بداخلي نيران ..
بس ....
ارءف بحالي شويه بالأخير انا انسان ..
يمووت بك و يحبك ازمان و ازمان))
خالد: روح راضها ..
ياني فيصل ..
فيصل: هند انا اسف ..
هند: .............................
فيصل: عاد لا تذليني ..
هند: ............................ذوق اللي انا ذقته على بالك كل كلامك سهل و ماجرحني انت غلطان كلامك يافيصل ذبحني و قطع قلبي ..
فيصل: انا اسف والله اسف شنو اسوي عشان تسامحيني ..
هند: مافي شي تقدر تسويه .. و قمت لانهم نادوا على اسامينا سلمت على ابوي و تبون الصراحه قعدت اصيح .. و قبل مانروح ..
هند: احمد ..
احمد: نعم ..
هند: هالله هالله في نوره .. و رحت و خليته حيران مايعرف شنو السالفه ..
احمد: شنو تقصدين ..
هند: يوم كشف الاوراق .. مع السلامه ..
احمد استغرب من هند شنو تقصد بيوم كشف الاوراق و مسكين قعد يفكر ..
طبعا احمد اتصل في فيصل و قال له سالفة جاسم و خالد اخوان هند و هو انصدم و تذكر لين هند قالت له انه الغباء لاصق فيك شلون ماعرفت بتشابه الاسامي ..
في الطياره كنا قاعدين درجه اولى عشان خالد و قعدنا نسولف ..
جاسم: شنو فيج على فيصل ؟؟؟
هند: ولا شي ليش ؟؟؟ >> وقته تسأل هالسؤال <<
خالد: عيل ليش زعلانه عليه ..
هند: مابي اتكلم في الموضوع ..
جاسم: انزين على راحتج ..
خالد: عندج شي في اللاب توب نقدر نقراه ..
هند:
قصص ..
خالد: هاتي ..
كان في ملف عندي اسمه بدر و فيه كل القصص اللي كاتبتها و الاشعار و كل الاشياء اللي انا اسويها و فتحه خالد و قعد يقرأ .. اما جاسم عطاها رقده و انا قعدت افكر في حالي .. الرحله كانت وااااااايد طويله و انا نمت و خالد صكر اللاب توب و بعد رقد .. المهم وصلنا و ابوي كان حاجز لنا كل شي سواق و فندق يعني احنا بس نروح و نقعد .. وصلنا الفندق و كان الفليل و على طول رقدنا بملابسنا ..
اليوم الثاني قمنا الصبح ..
جاسم: صباح الخير ..
هند: صباح النور ..
جاسم: خالد يلا قوم ..
خالد: امممممممم ابي انام تعبان ..
هند: يلا قوم اليوم عندك موعد ..
خالد: انزين انزين .. و قام ..
تريقنا و رحنا المستشفى ..
خالد: خايف ..
هند: مافيك الا العافيه انت بس خل ايمانك بربك قوي ..
جاسم: اخبرك جبل مايهزك ريح ..
خالد: خبرك هالجبل انكسر بعد الحادث ..
دخلنا عند الدكتور و مبين عليه حليو و طيب .. الكلام اللي بيصير الحين كله بالانجليزي بس انا باكتبه بالعربي ..
الدكتور: انت خالد ؟؟
خالد: ايه ..
الدكتور: انا قريت ملفك و ان شاء الله بتمشي بالعلاج الطبيعي ..
جاسم: انزين متى بنبدأ ؟؟؟
الدكتور: بكره ..
خالد: و كم بياخذ العلاج ؟؟؟
الدكتور: على حسب حالتك و اصرارك ..
خالد: اوكي ..
و طلعنا من عند الدكتور و رحنا الفندق ..
خالد: جسوم تعال ابي اتسبح ..
جاسم: و انا شلي ..
خالد: يالسخيف تعال ..
جاسم: انزين ..
هند: انا بروح اتسبح بعد ..
جاسم: انزين و بنخلص و بنام ..
هند: انا بعدين بروح الحديقه ..
خالد: ماتخافين بروحج ..
هند: والله مب اول مره ايي لندن ولا اول مره ايي هالفندق ..
جاسم: انزين ..
هند: تبون تاكلون شي ؟؟
خالد: فديتج والله انا يوعان حدي ..
هند: انزين ..
رحت اسوي لهم شي ياكلونه و بعدين رحت اتسبح و لبست بنطلون جينز ازرق غامج و فوقه جاكيت بيج و شيله بيج و عليها ورود صغيره بالازرق و حطيت لي كحل و طلعت .. رحت الحديقه و خذيت لي شي دافي اشربه و قعدت اتمشي .. كان في نص الحديقه بحيره بط و بجع كانت حلوه و الشجر الكبار اللي مغطين الحديقه و الورود يعني شي رهيييييييب هالمكان تغير وااااااااايد عن قبل .. هني مره وحده اسمع صراخ ياهل صغير و التفت على مصدر الصوت الا اشوف الياهل ركض صوبي و يصيح و يقوم يلزق عند ريلي و يلمني لييييييييييييييييييييييييييييش .؟؟؟؟؟!!!!!!!!! اثر به البطه طلعت من البحيره و تلاحقه .. انا هني ضحكت على الموقف و شلت الولد .. كانت عيونه خضر و شعره اشقر و ابيضاني اينن ..
هند: what is your name ???
الولد: Im jason ..
هند: were is your mother ???
الولد: she is at home my father is here …
شوي الا ايي ابوه ..
الابو: what are you doing here jason … I am very sorry…
هند: its ok.. buy jason ..
الولد: buy .. .. و باسني على خدي ..
تذكرت منظر الولد لين يصيح و ايي عندي الله كان شكله يضحك ههههههههههههههههههه .. رحت قعدت على الكرسي و يوا اثنين خلجيين و قعدت البنت عندي و راح الولد يشتري شي دافي تشربه لانها كانت بردانه ..
البنت: السلام عليكم ..
هند: و عليكم السلام ..
البنت: انا نوره ..
هند: انا هند من وين ؟؟؟
نوره: من الامارات و انتي ؟؟
هند: من قطر ..
نوره: ياحيا الله هل قطر ..
هند: الله يحييج ..
نوره: مع منو يايه ؟؟
هند: مع اخواني ..
نوره: سياحه ؟؟
هند: لا علاج ..
نوره: عسى ماشر شو بلاج ؟؟
هند: لا فديتج مو انا اخوي..
نوره: عسى ماشر ؟؟
هند: اخوي مسوي حادث وريوله تاثرت من الحادث واحنا يايين للعلاج الطبيعي..
نوره: انا يايه مع ريلي جاسم و عمي و هزاع اخوي و طلال ولد عمي عشان عمي عنده ورم ولازم يستأصلونه ..
هند: الله يشفيه ان شاء الله ..
نوره: انتوا وين يالسين في اي فندق ؟؟؟
هند تأشر على الفندق: ذاك اللي هناك ..
نوره: نفس فندقنا ..
هند: زين عيل بنتقابل وااااااااااايد ..
نوره: شكلج حبوبه ..
هند: و انتي اكثر يالغاليه ..
جاسم و هو ياي >> طبعا ريلها << : اندوج حبيبتي ..
نوره: مشكور .. و قعد ..
هند: انا استأذن ..
نوره: لا وين لا تستحين منه ..
هند: لا مشكوره بس بروح اشوف اخواني قاموا ولا لا ..
جاسم: من قطر ؟؟؟
هند: ايه شلون عرفت ؟؟؟
جاسم: من لهجتج و بعدين نص ربعي من قطر ..
نوره: في اي غرفة تيلسون ؟؟؟
هند: غرفه *** ..
نوره: عادي ازورج ؟؟؟
هند: تعالي انا البنت الوحيده و قاعده مع شباب ..
نوره: هههههههههه اوكي ..
هند: مايشوف شر ابوك ..
جاسم: الشر مااييج ..
و راحت هند .. (( ماشاء الله عليها طيبه و تنحب بسرعه الله يخليها )) .. و رحت الفندق قعدت في المطعم و طلبت لي عصير لانه الولد الصغير طيح قهوتي و ماخلاني اشربها ..
شوي الا ايي واحد و يناديني ..
الريال: نوره انتي هني ..
لين التفت عليه هو انصدم لين شافني على باله نوره .. اللي كانت قاعده معاي في الحديقه ..
الريال: انا اسف يابنتي على بالي بنت اخوي ..
هند: لا عادي ..
الريال: في شبه بينكم ..
هند ابتسمت ..
الريال: اسمحيلي ..
هند: مسموح ..
الريال: طلال تعال بسك مغازل ترى بخبر اليازيه عليك ..
طلال وهو ياي: لاااااااا دخيلك عمي بروحها تتنسى فيني و مااطيق تشوف رقعة ويهي في البيت ماتشوفني مأجر لي شقه ..
هزاع: هههههههههههههههههههههه تستاهل ..
بوعبدالله هذا اسم الريال ..
بوعبدالله: و على بالك ريم راضيه عنك تراها تتنسى فيك بعد ..
هزاع: اسكت عمي طلعت لي بشي جديد تتنسى بزقاير و بعدين ماتشوفني انا بعد يالس مع طلال في الشقه ..
بوعبدالله+طلال: هههههههههههههههههههههههههههههههههه ..
كانوا قاعدين على الطاوله اللي مجابلي .. و هني اتصل فيني جاسم ..
هند: هلااااااااااا جاسم .. انا تحت في المطعم .. ايه بروحي يعني بكون مع منو .. انزين تعال .. صكرت ..
نزل جاسم و ماانتبه على الشباب اللي قاعدين و قعد و عطاهم ظهره ..
جاسم: هاااا ليش مانمتي ؟؟
هند: ماياني رقاد انزين ليش خليت خالد بروحه ؟؟؟
جاسم: خالد في سابع نومه و عليا تعبان ..
هند: انزين ..
جاسم: شنو سويتي في الحديقه ..
هند: ياني ياهل يركض.............................................. .............. و قلت له السالفه لين الحين شنو صار لي مع بوعبدالله ..
جاسم: هههههههههههههههههههههههههه انزين الوالد اتصل و يسلم عليج ..
هند: الله يسلمه ..
جاسم: احسج متضايقه ..
هند: لا بالعكس ..
جاسم: تبين تاكلين شي ترى انا يوعان ..
هند: لا بس عندي عصير خلاص ..
قام جاسم و طلب له و قعد ياكل ..
شوي الا ايون نوره و جاسم ريلها و قعدوا على الطاوله اللي قاعدين عليها بوعبدالله و هزاع و طلال ..
نوره: شحالك الحين عمي ؟؟
بوعبدالله: والله بخير و انتوا وين سرتوا ؟؟؟
جاسم: الحديقه ..
طلال: الله على الرومنسيه ..
جاسم: حبيبي مخلين الرومنسيه حقك انت و حرمتك اللي تتنسى فيك ..
نوره: ههههههههههههههههههههههههههههههههههههه ..
هزاع: الفال حق نوره ..
جاسم: لا لحد الحين كفايه 2 و بعدين يصير خير ..
عندنا انا و جاسم ..
جاسم: هالصوت مب غريب علي ..
هند: ليش تعرفه ؟؟
جاسم: ماادري بس هالصوت مب غريب .. و التفت بس ماقدر يشوفهم لانه طلال و هزاع معطينه ظهرهم ..
هند: انزين تعال نروح فوق انرتب الشنط .. و رحنا ..
جاسم ريل نوره: هالريال انا وين شفته ..
طلال: منو ؟؟؟
جاسم: هذاك بس سار ..
هزاع: يمكن مشبه عليه ..
جاسم: بويه باجر العمليه و بعدين بنيلس اسبوعين ..
بوعبدالله: ان شاء الله ..
فوق في الغرفه ..
جاسم: تتوقعين متى الوالد بيقول لهم ..
هند: ماادري والله بس مااعتقد اليوم خله يضبط اموره اول شي و بعدين ..
خالد قام من النوم و توه بيقوم من الفراش ..
جاسم يصرخ: لا تقــــــــــــــــــــــــــــــــــوم ..
خالد: انزين انزين نسيت ..
هند: شخبارك الحين ؟؟؟
خالد: احسن من امس ..
جاسم: انزين تبي تاكل شي؟؟
خالد: ايه شنو فيه ؟؟؟
هند: اللي تبيه ..
في غرفة بوعبدالله ..
نوره و بوعبدالله كانوا قاعدين مع طلال .. اما هزاع و جاسم طلعوا ..
طلال: اقول نوره اليوم لمحتج يالسه مع وحده خليجيه في الحديقه ..
نوره: هيه يالسين معانا في الفندق ..
بوعبدالله: تعرفينها ؟؟
نوره: لا بس يلسنا نسولف و قلت لها ليش يايين يعني سياحه خبرتي لا يايه مع اخوانها 2 و واحد منهم مايروم يمشي و ياي عشان العلاج الطبيعي و شكلهم بيطولون و قالت لي عن رقم غرفتهم ..
اليوم الثاني الصبح ..
قمت و احس انه البرد دخل عظامي وااااااااااااااااي هذي لو الف برنوص بعد مابيدفيني .. المهم رحت بدلت ملابسي و لبست بنطلون اسود و جاكيت اسود و ابيض و تحته تي شيرت ابيض و على الجاكيت رسمه ورده كبيره من ورى و عليها لمعه و شيله و وعيت الشباب و جاسم ساعد خالد انه يقوم و اثنينهم لبسوا نفس البدله سبورت لبسوا بتطلون بني و فوقه جاكيت بيج و لبسوا نظاراتهم الشمسيه و انا بعد و نزلنا الحلو انه كلنا نفس النظارات .. و احنا نازلين ركبوا معانا بوعبدالله و نوره ..
نوره: شحالج هند ؟؟
هند: بخير الحمد لله و انتي ؟؟
نوره: تمام الحمد لله ..هذي عمي ..
بوعبدالله: شفتها امس و على بالي انها انتي ..
جاسم: شحالك عمي انا جاسم و خالد اخوي .. >> يعني احترما له ينادونه عمي <<
بوعبدالله: تشرفنا ياعيال ..
خالد: الشرف لنا ..
و رحنا عنهم المستشفى .. و طلع انهم في نفس المستشفى معاها و اليوم بيسون حق بوعبدالله العمليه .. قعدنا انا و جاسم برع و خالد دخل عند الدكتور و بدأ جلسة العلاج ..
جاسم: مبين عليهم ناس طيبين ..
هند: حبوبين واااااااااااااايد ولا بنتهم ..
جاسم: متزوجه ؟؟
هند: من ولد عمها جاسم ..
جاسم: اهااااااااااااااااا ..
هند: تقول انه يوا معاهم اخوها هزاع و ولد عمها الثاني طلال ..
جاسم: هزاع و طلال ..
هند: تعرفهم ..
جاسم: عندي ربع من الامارات هزاع و طلال بس مااعتقد يطلعون هذول ..
هند: انا بروح اشم لي هوى احس اني مخنوقه ..
جاسم: انزين ..
لين طلعت لقيت نوره قاعده بعد برع ..
هند: شنو تسوين هني ؟؟
نوره: عمي داخل يسوون له العمليه ..
هند: عملية شنو ؟؟
نوره: يستأصلون له روم في المخ ..
هند: ان شاء الله مافيه الا العافيه ..
نوره: الدكتور يقول انه العمليه صعبه ..
هند: ماعليه شر ان شاء الله ..
نوره: الله يسمع منج .. عندج خوات ؟؟؟
هند: انا الوحيده ..
نوره: بين 2 ..
هند: كان عندي توأم اسمه بدر بس توفي ..
نوره: عظم الله اجرج ..
هند: اجرنا و اجرج و انتي ؟؟؟
نوره: انا اخوي سلطان العود متزوج و خليفه متزوج و هزاع اللي معانا متزوج و عندي توأم اخت اسمها هيا بعد متزوجه من اخو جاسم ريلي اللي عنده اخوه التوأم حمدان ..
هند: يعني انتوا الاربعه توأم متزوجين بعض ..
نوره: هيه حلوه صح ..
هند: كشخه ..
نوره: لا و عيالنا توأم على ابهاتهم واااااااااااااايد يشبهون بعض ..
هند: حلو جي ..
نوره: و انتي مب متزوجه ؟؟؟
هند: لا .. توى بروح اول سنه جامعه ..
نوره: بعدج صغيره ..
هند: ايه ..
شوي الا ايي اخوي جاسم و ريلها جاسم ..
نوره: جاسم ..
جاسم اخوي: نعم ..
هند: جاسم ..
جاسم ريلها: نعم ..
نوره: لا انا اقصد ريلي ..
هند: و انا اقصد اخوي ...
الشباب: هههههههههههههههههههههههههههههههههههههه ..
جاسم اخوي: شحالك انا جاسم ..
جاسم ريلها: والله تمام و انا بعد جاسم ..
جاسم اخوي: يلا هند الحين خالد بيخلص ..
هند: مع السلامه ..
نوره: حياج الله .. و رحنا ..
جاسم: هااا شخبارك ؟؟
خالد: مافي تطور ..
هند: انزين انطر توها الجلسه الاولى ..
خالد: انزين خلونا نروح الفندق لاني تعبانه و ابي انام ..
جاسم: انزين تعال ..
و احنا في الطريج اتصل بوجاسم ..
هند: الووو .. هلا يبه .. الحمد لله و انتوا ؟؟؟ .. خالد الحمد لله تونا طالعين من الجلسه الاولى .. احنا الحين بنروح الفندق .. انزين يبه قلت لهم .. متى ؟؟؟ .. انزين .. خلاص عيل سلم عليهم .. ان شاء الله و انتوا بعد .. اوكي .. و صكرت ..
خالد: ها قال لهم ؟؟
هند: لا لحد الحين يقول صبروا علي شوي و بعدين ..
جاسم: انزين شنو بعد قال ؟؟
هند: يسلم عليكم ..
خالد: الله يسلمه ..
هند: ايه و امكم اتصلت تسلم عليكم ..
جاسم: الله يسلمها ..
رحنا الفندق و عطوها الشباب رقده و انا فتحت اللاب توب و قعدت اكمل قصتي ..
في المستشفى ..
الدكتور: العمليه نجحت و استأصلنا الورم كله ..
جاسم: اوكي اممممممممم متى نروم نظهره ؟؟
الدكتور: بعد يومين ..
هزاع: مشكور ..
و راح الدكتور ..
طلال: الحمد لله ..
جاسم: انتوا سيروا الفندق و انا بيلس عنده ..
نوره: لا شو بيلس وياك ..
جاسم: شو تيلسين ويايه انتي سيري ارتاحي و الصبح تعالوا ..
طلال: انزين .. و راحوا الا جاسم ..
صكرت اللاب توب و هني رن جوالي و كانت المتصله نوره ..
هند: هلااااااااااااااااااااااااااااااااا
نوره: هلا فيج شخبارج ؟؟ >> نوره رفيجتي <<
هند: تمام الحمد لله و انتي ؟؟
نوره: والله تمام اقول انتي شنو قايله حق احمد في المطار ؟؟
هند: ليش قال لج ؟؟
نوره: لا قال حق ساره ..
هند: قلت له حط بالك على نوره و قلت له انطر يوم كشف الاوراق ..
نوره: غربل الله عدوج ..
هند: لازم تقولين حق احمد انزين حتى اذا انا مب موجوده لازم ..
نوره: هند انتي فيج شي ليش قاعده تقولن هالكلام من فترة و انتي توصيني عليهم ..
هند: والله مافيني شي بس اقول لج جي عشان مانطول في السالفه لو تشوفين شكله شلون في المطار والله حالته حاله يحبج من قلبه ..
نوره: خلاص عشان خاطرج باتصل في ساره ..
هند: انزين و بعد شخباركم ؟؟
نوره: لا يفوتج
عبير انخطبت رسمي ..
هند: صج الله يوفقها متى الملجه ؟؟
نوره: الشهر الياي ..
هند: اهاااااااااااا زين عيل ..
نوره: انتي مابتكونين موجوده ..
هند: والله ماادري لحد الحين اخوي اليوم بدأ اول جلسة علاج له ..
نوره: و انتي هنوده ؟؟؟
هند: انا شنو فيني ؟؟
نوره: تصالحي مع فيصل ؟؟
هند: لا لحد الحين كان راجع من البحرين و و احنا كنا بنروح داخل ..
نوره: و ماشفتيه ؟؟
هند: امبلى بس عطيته طاااف تعرفين اللي سواه وقاله مو شوي..
نوره: ياكرهج لين تسوين هالحركه ..
هند: شسوي انتي تعرفيني عدل واعتقد ان انا وانتي فينا نفس الطبع ان احنا ما نرضى بسهولة..
نوره: ههههههههه صاجة انزين عيل اخليج الحين روحي نامي ..
هند: تصبحين على خير ..
نوره: و انتي من اهله .. و صكرت و راحت تنام ..
اليوم الثاني في المستشفى ..
رحنا انا و جاسم و خالد عشان جلسة العلاج الثانيه و دخل و احنا قعدنا ننطر برع ..
جاسم: تتوقعين بوعبدالله سوا العمليه ؟؟؟
هند: شبلاك امس سواها بس ماادري اذا نجحت ولا لا ؟؟؟
جاسم: انزين روحي سألي ..
هند: يعني لازم نسلم على الريال والله عيب ..
جاسم: انزين انا باقعد عند خالد و انتي روحي و بعدين احنا بنيي ..
رحت و خذيت له باقة ورد حلوه و رحت الغرفه .. كان جاسم و طلال اللي قاعدين ..
هند: السلام عليكم ..
الكل: و عليكم السلام ..
بوعبدالله: هلاااااااا يابنتي اقربي ..
هند: قريبه شحالك اليوم عمي ؟؟ >> احتراما له اناديه عمي <<
بوعبدالله: والله بخير الحمد لله و انتي ؟؟؟
هند: عايشين عساك بخير الحين ؟؟
بوعبدالله: الحمد لله و اخوج يابنتي شحاله الحين ؟؟؟
هند: الحمد لله .. عيل انا استأذن ..
طلال: ولا وين اختي تقهوي ..
هند: لا مشكور بس سلموا على نوره ..
جاسم: يوصل .. و طلعت ..
طلال: عمي منو هذي ؟؟؟
بوعبدالله: يايه مع اخوانها و يالسين معانا في نفس الفندق ..
جاسم: مبين عليهم ناس طيبين ..
رجعنا الفندق لانه خالد خلص الجلسة الثانيه و قعدنا في المطعم ..
هند: انا بروح الحديقه ..
خالد: شفيج ؟؟
هند: مافيني شي بس ابي اقعد بروحي ..
جاسم: هند تعرفين انه احنا اخوانج و تقدرين تقولين لنا اي شي تبين ..
هند: انزين انا بروح .. و رحت ..
خالد: ماادري شفيها احسها وااااااااااااااايد متضايقه ..
جاسم: انت ماشفت شلون كلمت فيصل في المطار اكيد في شئ صاير بينهم ..
فيصل بيعترف حق بوجاسم انه يحب هند ؟؟ شنو بتكون ردة فعل الوالد ؟؟؟
شنو بتكون ردة فعل الكل لين يعرفون انه اخوهم بوجاسم متزوج ؟؟؟
و بوعبدالله و اهل الامارات اللي مع الشباب بيون قطر ؟؟ منو بيكونون و شنو بيطلعون ؟؟؟
خالد بيعصب لين يعرف بسالفه صارت ؟؟ شنو هي ؟؟؟
06-05-10, 06:49 AM
جديد مواضيع قسم القصص المكتمله
العرض العادي
