كاتب الموضوع :
dlo
المنتدى :
القصص المكتمله
×|| الفصـل السـآدس عَّـشر ||×:
.. أبَّسألكـْ وشهُو الشَّبـه بِيـنْ النِهـآيه وَّ {.. الأخِيـرْ ..!!؟
::
طلع أغلب من كـآن بالقـآعه ومآبقى غير جمآعتهم يلي من القصيم ..
فجر وهي تنآظر كآدي تتنقب " وشووله ؟ وين بتروحين بدري ؟"
كآدي " منب رايحه مكان بجلس فيذآ .."
أشرت عليها بإستغراب " ورآه طيب لبستي عبآيتك ؟"
نآظرتها " أمك تقول الرجآل بيدخلون .. "
فتحت عيونها بقوة " بيدخلون ؟ ليييش ؟؟"
هزت كتوفها " وأنا أدري ..؟"
جآتهم سآره وهي بعبايتها " هااو فجيير مابعد لبستي ؟"
لفت ناظرتها " لييش بيدخلوون ؟ ماله داعي !!"
سآره " بالله ..! روحي تفآهمي مع أعمامك .. يلا إلبسي شوي ويدخلون .."
مشت بطفش .. وش بيدخلهم ذولي أكييد الجماعه كلها بتدخل ..!
ومافي أحد أبثر من عيال خالاتها وخوالها أففف ..
راحت للغرفة يلي كانت جالسه بها فرح وخنقتها العبرة ماتدري لييش ؟
والله بتفقد فرح كثيير ..
شالت عباتها من الشماعه وهي ترسم إبتساامه على شفايفهآ ..
الله يوفقها إن شاءالله ..
لبست وتنقبت ونزلت ..
جلست ع الطاولة يلي فيها كل بنات جماعتهم وهي ساكته ..
تكلمت بنت خالها " أقوول فجر !!"
لفت ناظرتها ببرود " مممم قولي يآكثر ماتقولين إنتي "
ضحكت " بـ الله صدق يلي سمعنااه ؟!"
قلبت عيونها وبتنهيده " ليه وش سمعتي ؟"
" واحدن ساكن معتس بـ البيت !!"
طارت عيونها " وشوو ؟"
إرتااعت من صرخت فجر فيها " لا لا أ..أقصـ..صد خوي فيصل يعني "
وقفت " أقوول إنتي ناوية تخربيين بيتي ؟!! وش ساكن معي مالت علييك ..؟!!"
قالت وهي تناظرها " وراتس عصبتي ؟؟! هذا يلي سمعنااه .."
كـآدي " أمدآآه يوصل الخبر للقصييم ؟؟!! حشى ولا السي إن إن .."
فجر " أقول كادي قوومي قومي بس .. [ ناظرت بنت خالها ] الولد طاالع لبيت لحاله . وبعدين حسني ألفااظك وش بيسكنه معي ؟؟ [ بنرفزة ] بسسرعه كاادي .."
وقفت كادي وهي مخترعه ،،
شي يمكن ماتعرفونه عن فجر .. إنها لاعصبت ماترحم .. وتجلس تسفل
بيلي قدامها ..
مسكتها من يدها بقوة وراحوا لطاولة لحالهم قرريب من الكوشة ..
كآدي وهي تجلس " هااو ورااك هبيتي في البنت ؟ "
جلست بقوة وقهر " ماسمعتيها وش قاالت ؟ ووجع غبيييه اكرهاا .."
كآدي " ههههههههه حراام علييك بنت خالك تراها .."
ناظرتها " بتسكتين ولا .."
كادي وهي تحط يدها على فمها " لا بسكت بسكت بس لاتعصبيين .."
تأففت " وينهم ذوولي ذبحني الحر بيجون ولابفصخ عبايتي .."
نآظرت بـ الممر وقالت وهي ترفع جسمها " يلا هذاهم دخلوا .."
نآظرت بـ العيال يلي دخلوا .. وقبل كذا أبوها وعمامها يلي كانوا يتقدمونهم ..
فجر بضحكة " لبى قلبك سعدوني .. [ لفت ناظرت كآدي ] شووفيه شلون هيبه .."
كآدي " إذكري ربك .."
جلست تنآظر " بـ الخشش " الكثيرة يلي دخلت ..
كثرانيين والله ..!
إنتهبت إن فيصل مو موجوود .. وفآرس بعد .!
لفت ناظرت كادي " وينه فيصل ؟"
كآدي وهي تدور عليه بعيونها " مدري ؟!"
عند المدخل ..
فيصل " يا إبن الحلال إدخل وش فيهاا ؟"
فارس " وربي فشله إنتوا أهل أدخل أرز خشتي وسطكم وش أسوي ؟ "
فيصل وهو يتلفت حولة يدور شي يضرب به فارس " وش أسووي فيك أذبحك .. آآه بس علييت قلبي .."
فآرس " ههههههههه بسم الله على قلبك .. روح إلحق بس وش بيقولون أخو العروس ومادخل هههه .."
جلس ع الكرسي الذهبي " منب داخل إلا وإنت معي .."
فآرس " فييييييصل إترك العناد لو مره وحده بحيااتك ورووح .."
فيصل وهو يتكتف بطريقة طفوليه " منييب .. يا أنا وإنت ولا لأ .."
نآظر حولة .. " يآشينك لانشبت .."
جآهم وآحد يصير لهم ،، ووقف قدام فيصل " عمي يسأل عنك .."
فيصل وهو إلى الآن على نفس الوضعيه ويناظر قدامه " قله موب راضي يجي .."
" لييش ؟"
فيصل " ماراح أدخل إلا مع فارس .."
نآظر فارس بإستحقاار ،، ثم رجع ناظر فيصل " أقوول عن المخكره يلي إنت فيها وتعال .."
رفع حاجب بنرفزة " نعم !!"
" منت مستحي تدخل ذآ الغريب على حريمك ؟"
شآطت الشياطين بعيون فيصل .. وقف " أقوول عموور ثمن كلامك .."
فآرس وهو يكتم الغصه " معه حق فيصل .. أنا مهما كنت بتمي غريب .. إدخل لأهلك وأنا بروح البيت أصلني تعبان وبناام .."
عُمر " هه قالها لك .. إمشش عمي يحتريك .."
فيصل وهو يدفه من كتفه " أقوول ورى ماتضف خشتك من هنا .. ولا وربي لا أعطيك كف يطيرك للقصيم .."
عمر " وشوله الغلط ؟ غلطت عليك أناا ؟ "
فيصل بتريقه " لا والله محشووم !!"
عمر نآظر فارس " وش مسوي به إنت ساحره ؟ "
فآرس " أأ.."
قآطعه فييصل بسرعه " إيه ساحرني عندك شي ؟؟ [ لف لفارس ومسكه من يده ] وإنت تعال معي لا أحط حرتي فييك .."
وجرّه لداخل القاعه ..
فجر " أخيرا شرف .."
كآدي وهي تتلفت " منهو ؟"
فجر " فيصل ،، مابغى مااالت بس .."
كآدي بإستهبال " هييه حدّك عااد .."
نآظرت فارس يلي كان كاشخ بثووب وشماغ أبييض ومبتسم بعتب وهو يناظر فيصل يلي يسحبه من يده ..
إرتفعت حرارة جسمها وقلبها بغى يطييح من مكانه ..
كآدي بحالميه " وه ياازينه .."
لفت بسرعه "منهوو ؟"
كآدي بإستغراب من ردة فعل فجر " فييصل ..! وش فييك طارت بوهتك كذاا ؟"
فجر وهي تزفر براحه " لا ولا شي .. [ رجعت ناظرت فيهم ] ناظري شين الحلايا عميير وعع ياكرهي له .."
ضحكت " أموت وأعرف من تحبين إنتي ؟؟"
بمرح وهي تعد بأصابعها " ماماتي وباباتي و .."
شهقت بإستهبال " وأناا .."
بتفكيير " عاادي .."
ضربته على كتفهاا " سخييييييييييفه .."
جآتهم بنت خالها أميرة يلي تهاوشت معها قبل شووي .
فجر بتأفف " لاحوول .. وش تبغين ؟؟ أنا شاردة منك لاحقتني ليه ؟ "
تخصرت مو مهتمه لمجموعة العياال الموجودين " حد قالتس إنتس أخلااق ؟"
رفعت خشمها بغرور " من غير لا أحد يقول أدري .. [ لفت لكادي ] صح ؟؟"
كآدي بتأييد " أكييد .."
أميرة بنرفزة " أقوول . [ أشرت براسها ] هـ الحين هذا هو اللبناني يلي معكم ؟"
نآظرت مكان ماتأشر " لبناني ؟"
أميرة " يلي ساكن معكم .. أووه أقصد يلي ساكن بروحه .."
خزتها " لبناني بعينك ذآ سعوودي .."
بشهقه عاليه " سعوودي ؟ كذاااابه .."
سحبتها من عباتها " أصص الله يفضحك وطي صوتك .. خير عمرك ماشفتي عياال إنتي ؟"
جلست ع الكرسي يلي جنب فجر وعيونها شوي وتروح لفارس يلي جلس جنب أبو حمد وقاعد يسولف " بـ الله شلون ساكنه إنتي وياه بنفس البييت ؟"
بإنفعال " أقوول تراك ماتنعطين وجه .. يابنت الحلال قلت لك مو معي بالبيت مو معي .."
أميرة وهي تناظر فجر ثم ترجع تناظر فارس " من ولده ؟ "
فجر بإبتسامه وهي تناظر فارس " وأنا وش يدريني ؟"
أميرة " ولعنــه إن شاءالله وش ذآ الملامح ..؟!"
أبو حمد " ههههههههه من يومه خجوول .."
فآرس ووجهه بدآ يحَّمر " لا مو خجل ياعم شدعوة !"
فيصل براحه " إلا والله انك حياوي بشكل .. أفف مابغيت تدخل .."
أبو حمد وهو يخز ولده " الله يستر لاتخربه يالدااج .."
فيصل " أناا يبه ..!! حراااام علييك .."
عمر على غفله " والله ياعمي نآظر ولدك أبد أبد مافيه نخوة على خواته وحريم جماعته .. ولا بـ الله في أحد يدخل واحد غريب بيته ..؟؟"
توجهت الأنظار كلها لوجه فاارس يلي إختفت ملامحه من الإحرااج ..
فيصل " أ.."
أبو حمد " والله ياوليدي هذي تتسمى كرم وطييب أخلاق وأصوول .. حنآ من يومنا متعودين نكرم الضيف ونعطيه يلي بيدينا قبل لايطلبه .. [ حط يده على ظهر فارس يلي يتنافض ] وفارس صار واحد من عيالي مثله مثل فيصل وحمد .. عمره ماغلط ولا تعدى حدودة .. "
فيصل وهو مبتسم بفخر ويكمل يلي بداه أبوه " وغير كذا يا أخ .. أنا ماسويت شي غلط .. ناظر الحريم كلهم متغطيات مو باين منهم شي .. فارس زيه زيك وزي كل واحد دخل هناا .. "
عمر وهو رافع حاجب " بـ الله هـ الحين تقارني بواحد مـ..."
أبو حمد بعصبيه وهو يناظر بأبو عمر " ساالم ،، وراه ماتشووف ولدك .؟؟"
سالم وأخيرا نطق " خلآص عمر .. إسكت .."
سكت وهو ينآظر فآرس بحمق .. يآكرهي له ..
جآهم جآبر يلي كان جالس بـ الطاولة يلي جنبهم " أقول فيصلوة ماودك تعطينا شووط .؟"
وأشر ع الكوشه براسه ..
لف فيصل ونآظر بـ الطقاقه " وهـ المسيكينه إلى الآن موجوده ؟؟ "
جآبر بإستهبال " تحتريك .."
فيصل " قلها مرتبط الله يستر عليها .."
جآبر " هههههههههههه بالعداال عاد .. يلا قُم عطنا من جديدك .."
فيصل وهو يوقف " من يجي معي ؟ [ لف ناظر فارس وقال بسرعه ] إنت إسكت جاي جاي مو بكيفك .."
فارس " ههههههه طيب .."
أبو حمد " وشو بترقص ؟"
فيصل " إذا ماعندك مانع يبه .."
أبو حمد " ههههه لا عاادي وسع صدرك .. بس ترفق ع العذارى يلي هنا لا تسيح وحده منهن ههههههههه .."
" ههههههههههههههههههههههه "
عمر " وش طولك وش عرضك وبترقص ؟!! الله بـ العقل بس .."
فيصل وهو يستحقره " خير وش شايفني مُعقد مثلك ؟ إذا برقص برقص رقص رجال مو هز وربط وسط ..
وغير كذا انا ساكت عليك وعلى ذبآتك لأنك ضيفي .. فااهم !"
جابر وهو يجر فيصل من يده " أقول فيصل بس إمش عن المشااكل .."
طلعوا ع الكوشة وإنتبه لعدم وجود فارس ..
لف وشافه إلى الآن جالس .. صفّر بصوت عالي ونآدى " فـآآآآرس .. تعاااال .."
وقف وهو مبتسم بفشله .. كآن بيرفض بس خآف من فيصل خخخ ..
تعلقت عيون كل الحريم الموجودات ويلي قاعدات بعيد عن طاولات الرجال بمسآفه فييه ..
وبدآ الهمس ..!
طلع للكوشة وهو يبلع ريقه .. وبهمس لفيصل " تكفى عن الفشآيل وخل ننزل .. أشكالنا غلط .."
فيصل " إنت كل شي عندك فشله !! يآخي عييش حيااااتك .."
فجر بهمس لكادي حتى لاتسمعها أميرة " وي وي وي بيرقص كديه بيرقص .."
كـآدي " يمه لحقيني هههههههههه ..."
" تتريقيين يالزفته ؟"
ناظرتها " أجل ! وإذا رقص يعني وش فيها ؟"
تنهدت بعمق " مافيهاا شي ..فديت البرونزي أنا "
جآبر يلي واقف عند الطقاقه " وش ودكم ؟ "
فيصل " مدري ؟ فاارس وش تبي ؟"
هز كتوفه " أي شي .."
لف يناظر حولة وأول ماإنتبه لها إبتسم " لحظـه آخذ رآي فجــر وأسألهاا .."
جا بينزل مسكه فارس " خير تاخذ رايها ؟ ترآ كلها إغنية وإنتهينا .."
فيصل وهو يسحب يده وينزل " لحظة لحظة .."
ومشى للطاولات القريبه من الكوشة ..
نآظر بالثلاث بنات الجالسات وإبتسم " السلآم علييكم .."
فجر بشهقه " فصييل ..! وش عرفك إنه أناا ؟"
نآظر بـ البنت يلي جنبها " أفاا وهل يخفى القمر !!. نورك طاالع من هناا ."
فجر وهي تخز كآدي يلي ساحت بمكانها " أنـا ولا بعض الناس ؟!"
فيصل " لا طبعا بعض الناس ههههههه .."
كآدي " هههههههه .. إحم "
فجر "تضحكين ؟؟! ضحكتي بلى ضروس إن شاالله ."
أميرة " تراني هناا .."
لف لها وقآل وهو يناظر بالأرض " معلييش ما إنتبهت .. شخبارك ؟"
أميرة وهي تخزة " الحمدلله .. إنت وش علومك .."
فيصل " أأ.."
فجر وهي تقاطعه " أقول فصول يلا بس ورينا رقصك الجمييل .. في ناس هنا بتموت وتشوفك .."
وماحست غير بكعب ينحفر في قدمهاا ..
فجر " آآآح بشويش يالمتوحشه .."
فيصل بإبتسامه " أقوول فجير أعطينا إغنية حق رقص .."
فجر " لا شكرن ماأبي ذنبك .."
فيصل " يووه عاد يلا .."
نآظرت في فارس يلي واقف ويتكلم مع جابر ومجموعه من العيال وكلهم ع الكوشة ..
مدري شلون بتستحملهم كلهم ههههه ..
فيصل " هييه وين رحتي ؟"
فجر " قلها تغني خذآ عقلي مره فلّـه .."
فيصل وهو عاقد حواجبه " خذآ عقلي ؟ وش ذي بعد ..؟"
فجر " إنت قل لها خذا عقلي وهي بتعرفها على طوول .."
راح عنها وطلبها .. وبدت الطقاقه تغني .
لا يهمونك لا يهمونك,,لالا,,لالايهمونك لايهمونك
تصدق ويش قالوا يوم شافوني افكر فيك يقولو لي خذا عقلك
و قلت ايوا خذا عقلي حبيبي ماعلي منهم مدام القلب بين يديك
ابد لايشغلك حكي العواذل خــلــــه يــــــــولـــــــــــي
ترى هذي طبايعهم اذا دايم على طاريك
وش اللي فيك جننهم دخيلك يالقظي قلي
حبيبي لايهمونك بزعلهم عشان ارضيك
انا وش لي بمن في الارض دامك فوق متعلي
انا و اللي جمعني بك لاابيع الكون لجل اشريك
يشرفني يكون اجمل مخاليق السمى خلي
تعال نغيضهم اشر و انا قدامهم بجيك
و اعلمهم من انتوا من انا ياشمسي و ظلي
...:::...
في اليوم يلي بعدّه ..
:
مها بشهقه " من يووم الملكّه ماحاكيتهاا ؟"
طلال ببرود وهو يناظر التلفزيون " إيه .."
مها وهي تجلس جنبه " شلوون يعني ؟ ملكت عليها وأبد ماسمعت صوتهاا ؟ ياأخي حرام عليك .."
نآظرها " لو تبي شي راح تدق .. وبعدين الزواج مابقى عليه غير كم إسبووع وش بيصير لو تحملت شوي ؟"
مها بغصه " وإذا مو باقي عليه غير كم إسبوع يعني ؟ طلال ترا مهما كان هذي بنت صغيرة وتبي من يدلعهاا .. مايصيير تهملها كذاا .."
بعد فترة " أول مره أشووف حرمه زيك .. ياخي في وحده عااقله تبي تخرب بيتها بنفسها ؟"
مها " وش قصدك يعني انا مجنونة .؟؟"
ضحك " لاا من قال .. بس ،،"
" بس وشو ؟"
رفع حاوجبة ورجع يناظر التلفزيون " بس تصرفاتك غريبه .. على يلي أسمعه إن الحرمه تكره شي إسمه ضُرَّه وإنتي أبد ماخذه الموضووع بصدر رحبْ .."
لمعت عيونها بقوة " الوحده تكره الضره لاصارت كامله وماينقصها شي .. أما أنا تنقصني كثيير أشياء ومو من حقي أمنعها عنك .. إنت طيب والله يشهد وش كثر وقفت معي وقفاات ماأحد ينساها ومايصيير أرد على هـ الطيب بشي يأذيك .. إنت رجال والرجال يبي ولد .. ودامي عجزت عن هـ الشي روح دور لك على غيري .."
نآظرها بقهر " بس مافي أحد كامل في هـ الدنياا .. "
مسحت دمعه خانتها وطاحت " أدري مافي أحد كامل .. بس عاد وش أسوي ما أبيك تندم لاصرت بروحك بعد كم سنه "
إبتسم وهو يناظرها ويحاول يصرف الموضوع " تدرين إني أحب دموعك لاطاحت .."
طارت عيونها " وشوو ؟"
ضحك " لا ما أقصد .. بس يعني مدري شلون لاصحتــي يصيير وجهك كذا أحممر وعيوونك تصير بنيه .. شكلك يطلع برييئ مرره ."
ضربته على كتفه بخفّه " من يوومي بريئة بس إنت مايبيين بعينك .."
طلال " مو من كبرهم علشان يبيين هههههه .."
ضحكت وبشهقه " لا وربي تدري إن عيونك أحلى عيون شفتها بحيااتي .."
طلال وهو يخزها من الجنب " ياالعياارة ..!"
لفت وجهه لجهتها " أناا عياارة ؟! [ بإستهباال ] إنت ليه مو واثق في نفسك ؟"
طلال بقهـر " إسألي أبووي .."
مها ترّقع " إحم .. المهم طلال لاتنسى اليوم الليل مْر على باسمه .. "
طلال وهو يرجع يناظر التلفزيون وببرود " يصيير خير .."
...:::...
بـأسبانياا ..
:
مرام وهي تناظر أسيل يلي جآلسه جنب الهنوف " لا ياقلبي حنّـآ كنا ساكنين بـ الشقه يلي فووق ذي حق واحد مصري وبعدين نقلنا هنا [ لفت لمرام ] تصدقيين مرووم وحشتني شقة معتز .."
بضحكة بآردة وهي إلى الآن تنآظر الهنوف " ههههههه وش يوحشك فيهاا ؟ وععع مافي غيرها
بذآك الدور تقول سكَن جنْ .."
أسيل " بس بعد ،، قديمك نديمك خخخ .."
الهنـوف " وش دخل بـ الله ..! طيب وشووله نقلتوا في ذي ؟"
مرام " بعد ماسكنـآ فضَّت فجينا وسط النااس .. وغير كذا زي ماقلت لك هذيك بـ لحالها تقول مافي أحد غيرنا بـ العمااره .."
الهنوف وهي تنآظر مرام بتدقيق " أقول معليش أسألك ؟"
الله يستر " وهذا حالك إنتي وأخوك ماغير تسألوون ؟"
الهنوف وهي عاقده حواجبهـا " وشو ؟"
مرام وهي تحرك يدها بلامبآلاه " ولاشي .. هاتي وش سؤالك .؟"
الهنـوف" ليي.."
ترررن ترررن ترررررن ..
أسيل وهي ترد ع التليفون يلي قطعهم " Si "
<< نعـم >>
..:" ألو السلام عليكم .."
عقدت حواجبها " وعليكم السلام .."
..:" مرام موجودهـ ؟؟"
لفت ناظرت مرام وقآلت بإستغراب " مراام ؟؟! إيه من يبغآها .؟"
.." آآآ.. إنتي عطيني إياها وماعلييك .."
..أسيل :" لحظـه طيب .."
لفتْ تحاكي مرام " واحد يبيك .."
أشرت على نفسها " أنا .."
أسيل وهي تمد السماعه " إيه يلاا .."
قـآمت متوجهه لها " ميين ؟"
أعطتها السماعه " مارضى يقوول .."
مسكتها ولفت " نعم !"
..:" مرام !"
دق قلبها بقوة " خيير ؟!"
.." شلونك ؟"
جلست ع الكنب وهي تهمس " نعم مساعد وش تبي دااق ؟"
مسآعد " عرفتيني ؟! حلووو في تقدم بـ الحاله .."
مرام وهي تناظر بوجه الهنوف وأسيل " تكلم وش بغييت ..؟ ومن وين جبت الرقـم .؟؟"
مسآعد " أفـآآ يـ الغلا ؟ أنا لابغيتك أسووي المستحيل علشان أوصل لك .."
مرام بهمس صارخ " مسـآعد ..!"
مسآعد " هههههههه لبيه ياقلب مسآعد .."
" إن ماقلت وش تبي وربي لا أصكر السمـاعه بوجهك .. قوول جعلك الخرس إن شاالله .."
مسـآعد " شوفي لاتطولين لسانك علي ..! ترا وربي أجي وأسفل بك لأرض .."
مرام " ..... "
مسـآعد " إسمعي أبي أشوفك .."
توسعت عيونها بصدمة " نعـم !"
مسـآعد " الله ينعم بحالك .. أبي أشووفك .. بقولك شي خطيير ."
جعلك الماحي " خطيير ؟؟! وشوو ؟"
" بـ التليفون ماينفع .. تعآلي بمكان نتقـآبل فيه .."
مرام " وش تبغى قول .. هذا يلي ناقص أقـآبلك بعد .."
ضحك " إن ماجيتيني أنا بجييك .. عنوانك وصـآر عندي .. فتعالي بـ الطيب أحسن لك .."
[ بـ الشقه يلي قدآمهـا ..]
سـآمي وهو يمد الجوال لـ فهد " نـآظر نـآظر يالبى خشتها تهبـل .."
فهد بملل وهو يتأمل صورة البنت الصغيرة " من ذي ؟"
سآمي بحماس " بنت إختي .."
نآظره بغيض ،، ثم رجع ينآظر الصورة " أيوآ .. وش إسمهاا ؟"
إبتسم " منيرة .."
رفع حآجب "منييرة ؟!!"
ضحك " لاتشره ع الإسم ترا حتى إختي موع اجبها .. بس وش تسوي زوجها أصر يقول إسم أمه .."
رمى الجوال جنبه بملل " طيب .!"
تفشّل " أقوول .. هـ الحين إختك ليه جايه هناا .."
" شلون ليه جايه ؟"
سآمي وهو يهز كتوفه " يعني لاهي جآيه تدرس ولاهي جايه تشتغل ..!"
فهد " جآيه تشوف أخوها فيها شي ذي بعـد ؟"
وقف " لا مافيهاا اعووذ بـ الله منك أففف .."
فهد " ههه وش فيك ؟"
دخل الغرفة وقـآل بصوت عالي " مالت عليك صدق وش ذآ النفسيه يلي عندك ؟ يآخي روح تعالج !"
•.. مـرآم ..•
رجعت السمآعه مكآنها .. وقلبي بيوقف من الدق .. خير وش يبي ذآ دآق بعد ؟
أنا من شفته مآشفت الخيير أبد حسبي الله عليه بس ..
نآظرت بأسيل يلي سألت بإستفسار " مين ذآ مرام ..؟"
بشرود " هاه ؟!"
أسيل " من كان يحاكيك ..؟"
نآظرت بـ الهنوف يلي صرت أحقد عليها من معاملة أخوهـا لي ..
مع إني بصراحة أشك إنها إخته ..!
أبــد ماتشبه له أبــد ..
أسييل " مراام وش السالفه ..؟"
نقلت بصري من وجه الهنوف يلي نقدر نقول ودها تعرف لوجه أسيل " وش تبغين ؟"
أسيل " أنا أشهـد إنك منتي بصاحيه ..! وش صار لك صار لي ساعه أكلمك .."
قلت وأنا أوقف " تعالي أبييك .."
لفت نآظرت بـ الهنوف .. ثم رجعت تنـآظر فيني بتردد " وش تبغين ؟"
جريتها من يدها متعمده أبي أقهر إخت يلي مايتسمى " سآلفه ماتنقـآل قدام أحد .."
وطيران للغرفة يلي فيها أشيائي ..
سكّرت الباب ولفيت نآظرتها ..
هبّت فيني " وش هـ الحركه ؟ عييب علييك ترا مو حلوة منك .."
توجهت لدولابي " يرحم أهلك أسيل مو وقت أصول الذوق حقك .."
تنهدت وهي تجلس ع السرير " خير وش عندك ؟ وبعديم من هـ الرجال يلي كلمك قبل شوي .؟ شكله سعودي "
إرتبكت مادريت وش أقول ؟
فـ قلت اصرف " بسرعه وش ألبس ؟ أبي أطلع .."
رفعت حاجب " تطلعيين ؟ وين ؟؟؟"
قلت وأنا أناظر بـ الملابس " مشواار .."
بنبرة قهرتني " مع الشاايب يلي تو ؟ "
غمضت عيوني بقهر " أسيل لاتِدّخلين بـ الشي يلي مالك فيه .."
أسيل " تصطفلين زين ..! "
لفيت لها وإبتسمت " وش بلاك عصبتي ؟"
أسيل " لاتنسيين اليوم ع العشـآ ودآد إختي عازمتنا .."
يووه صدق شلون نسييت ..؟!
قلت وأنا أجلس جنبها " زعلتي ..!"
مـآردت .
ضربتها بكتفي " أسووله يالسخيفه .."
أسيل " هااه .."
رفعت حواجبي مع بعض " زعلتي ؟"
أسيل " وش بيهمك إنتي زعلت ولا لأ ؟"
تنهدت ووقفت " أقول .. ماراح أطول أناا نص ساعه بـ الكثير وراجعه .."
لبست وخلصت .. وماحطيت بوجهي ولاشي مثل العاده ..
أففف وش يبي ؟ أفكر أجيب معي إثنين شرطة إحتياط خخخ ..
نزلنا للصاله وإنتبهت للهنوف تلبس طرحتها ..
لفيت نآظرت أسيل ثم نآظرتها " طـآلعه ؟!"
لفت نآظرتني .. وقآلت ببرود " إيــه .."
أسيل وهي تتخصر بـ إعتراض " خيير كلكم طالعين إلا أناا ؟!!"
قلت أبي أغايضها " روحي لـ سامي .."
فتحت عيونها بقوة " سـآمي ؟ وش دخله بـ السالفه ؟؟!"
كتمت ضحكتي " علشان ماتصيريين بروحك .."
ضربتني بقوة على كتفي وقالت ووجهها إشتعل " إنطمـي .."
ههههههههههه ياحبي لها ذآ البنت مره عسل .. صدق ربي وفقني يوم صارت معي بنفس الشقه ..
نزلنا أنا والهنوف مع بعض .. وإنتبهت لفهد واقف عند باب شقته وينتظر ..
أول ماشافني أعطاني ذيك النظـرة يلي ذوبت كل شي فيني ..
من جد كرهت نفسي .. أنا وش يلي خلاني اعلمه ؟!
لو تميــت ساكته بـ الله مو كآن أحسن ..
قآل وهو يأشر علي بإستصغار " هذي بتجي معنا ؟"
لفيت نآظرت الهنوف وعيوني مفتوحه ع الأخيير ..
خيير يتحرش ذآ ؟ هيين وربي لاتندم يافهد والله ..
قلت وأنا أعطيه نفس النظرة " نعم ! تحكي معي إنتْ ؟"
رفع حاجب " وفي أحد غيرك يستاهل هـ النبرة ؟"
قلدته ورفعت حاجب بتحدي " والله على حسب صاحب هـ النبرة وحسب تفآهاته .. وإنت
أدرى بنفسك .. "
رجع ناظر الهنوف بقهر " وش تبغى ذي نآزلة معك ؟"
يسسس قهرتــه ههههه ..
الهنـوف " فهد الله يهداك وش فيك ؟"
قلت بسرعه قبل لا يتكلم " لا تخـآف منب جايه معك ..! الله والمكان يلي بتروح له عاد .."
تكتف وهو يرفع حاجب " أجل وين طالعه ؟ مع واحد من يلي تـ.."
صرخت وأنا أقاطعه بقهر .. حطيت سبابتي عند فمي بتهديد " ثمن كلامك قبل لاتنطـقه .. دامني محترمتك إحترمني ع الأقــل .. [ خنقتني العبرة ] أنا لو أدري إنك مو قد كلامك كان ماحكيــت لك .."
نزلت بسرعه وهـ المره من الدرج .. ودموعي طاحت غصب .. نزلت من عندهم وأنا أبي
أبعد عن وجهه ما أبييه يشوف دموعي وضعفي .. كـآفي يلي أشوفه منه ..!
وربي صرت أكرهه أكثـر من مسـآعد الحقير نفسه ..
الهنوف " فهد وش سويت بـ البنت ؟"
بقهر وهو ينـآظر الدرج " ماعلييك منها إمشي نطلع .."
الهنوف " في بينكم شي ما أعرفــه ؟"
فهد بنرفزة " الهنوف عن الحكي الزايد وإمشي خلينا نروح من هنا .. "
الهنـوف " عااد تدري مرام هي أكثر وحده حبيتها والله إنها طيبه ماتستاهل الشي ذآ منك .."
لييه إنتي تدرين عن شي " مرام ذي خرااب .. تعرفين وش معني خرااب .. لاتحتكين فيها واجد وخليك مع أسيل أحسن لك .."
...:::...
رفعت الغطى من على راسها بسرعه وصدمه بنفس الوقت " وشوو ؟"
أم محمد وهي تجلس ع السرير بإبتسآمه " عريـس .."
رمشت أكثر من مره " عريــس ؟ ليش ؟"
إبتسمت " حلوة ذي ليش ؟ كبرتي ومشاءالله عليك زي القمر .."
بضيقه " طيب وش معنى أنا بـ الذات ؟"
أم محمد " هوو شذى وش فييك ؟ ماقلت شي يخليك تنفعلين كذا .."
شذى وهي تجلس ع السرير وتناظر بـ ليان يلي جالسه ع الكنبه ومبتسمه " عريس ؟! ومن قآل إني أبي أتزووج أصلا ؟!"
أم محمد " مصيرك تتزوجين .."
شذى " يمه تكفيين سكري ع الموضوع ذآ .. لو تحبين بنتك ..!"
أم محمد " يمه شذى وش صار لك ؟ والله الرجال يلي متقدم لك أعرف أمه مره ناس أوادم وربي فاتحها عليهم .."
شذى وعيونها غرقت بـ الدموع " يمه مو كل شي بـ الحيـآه الفلووس ..! تكفيين خليك إنتي شآريتنا دآم أبووي بآيعنا .."
أم محمد وهي تنآظر ليان " وش تخربط ذي ؟"
شذى " يمه خلاص كلمتين مالهم ثالث .. زواج ألحين ماراح أتزووج خلااص .."
أم محمد " طيب لاتستعجليين .. صلي وإستخيري وشـ.."
قآطعتها وبدأت تصيح " يمه قلت لك ماابي .. خلاص تكفيين .."
قالت وهي تحرك يدينها قدامها " طيب طيب لاتصيحين . مع إنك المفروض توافقين بس.."
شذى " يممممه .. [ مسحت دموعها ] خلآص سكري الموضوع وتكفين لايدري أبوي لأنه لو درى بيجبرني وأنا ما أبي كذا .."
وقفت وهي تضرب يدينها ببعض " الله يهديك يمه الله يهديك .."
ليان بهدوء وهي تناظر باب الغرفه يتسكر " شذى .."
شذى وهي تمسح الدموع الجديده يلي طاحت " نعم !"
نآظرتها " ممكن أعرف وش فيك ؟"
" مافيني شي .."
ليان " ليه رفضتي طيب ؟"
شذى " بس كذآ بدون أسـبآب ..! وبعدين أنا توني صغيرة وماأفكر بـ الزواج ووو.."
ليان " و ؟ وإيش كملي ؟!"
شذى " ..."
ليان " لاتتعذرين بـ العمر شوفيني أنا بعمرك ورضيت بمشعل .."
شذى بإندفاع " إنتي غير وأنا غير .."
" غير !؟ في وشو بـ الظبط ؟"
شذى " يووه ليان لاتدققيين .. وبعدين أنا [ شهقت ] بعد عبدالله مستحيل أتزوج .."
غمضت عيونها بالم " عبدالله راح ياشذى .. مصير غيره يجيك ويطلبك .."
صاحت " راح من الدنيا إيه . بس معي هو موجوود .. موجووود يالياان .."
...:::...
نجـلآ " ههههههههههه وش بعد ؟"
روان بحماس وهي تأشر بيدينها وتوصف " وبعدين مسكه من شعره وضربه .. وقال له لو تضرب روان الحلوة القمر البطله بضربك .."
نجلا بقوة " هههههههههههههههههههههههههههههههههههههههههه "
ريآن وهو يتكتف بزعل " كذآآبه والله هو ماقال كذا .."
روان " إنت الكذاب أنا ما أكذب .."
ريـآن " ذوولي شوفيهاا .."
نجلا " ههههههه خلآص خلآص إثنينكم كذابيين زيين ههههههههههههه .."
نزل وليد من فوق بسرعه وهو يخطر درجتين درجتين وبيده زي الشي خخخ ..
وينآظرة وهو عاقد حواجبه بقوة ..
وقف قدامهم " بـ الله نجلا وش ذآ ؟"
لفت نآظرت وأول ماشافت يلي بيده إنصبغت أحمر وإمتحت إبتسامتها " هيييي من وين جبته ؟"
رفع حاجب بمكر وقال وهو يتخصر ويحرك الجهاز يلي بيده فوق وتحت " لقيته ع التسريحه .."
قآمت بسرعه تبي تـآخذه منه بس هو رفعه فووق ..
نجلآ وهي تناقز " يووه وليد تكفى جيبه .. ياااربييه منك ولييد والله ماللك دااعي .."
و يدَّه اليمين مرفوعه فوق " ههههههههه أول قولي وش يسوي ذآ الشي عندك ؟"
نجلآ " شي شخصـــي ياأخي .. "
نآظرها وهي تتنآقز مثل الأطفآل ..
إبتسم بشقآوه ولف يده اليسار حول خصرها ورفعها بسهولة وخفه ..
تشقق وجهها من الفشله " وليييييييييييييييييييييد نزلنني وليييد .."
روان " هههههههههههه فووق فووق هههههههههههههههههههههههه .."
نجلآ " إسكتي ووجع .. [ نآظرت وجه ولييد وهي بتموت من الخجل ] ولييد بلييز نزلني .."
رفع حاجب .. ولمعت عيونه بخبث " أول علميني وش هذاا ؟"
نجلا " ولييد نزلني وربي بطييح .."
قربها من وجهه وهو مو حآس بوزنها أبد ..
بهمس ذوبها " حـآآمل ..؟!"
ضآعت ولفت على روان وريان يلي ينآظرون وساكتين " عيب علييك العيال هنا .."
هزها بإصرار وبنفس الهمس " تكلمي نجلآ حامل .؟ تكفيين فرحي قلبي .."
لفت نآظرت فيه .. وإرتسمت على شفتها إبتسامه حزينه " .."
عقد حواجبه " والجهاز طيب ؟"
نجلا وهي تاخذ نفس " قبل كم يوم جتني دوخه وصرت أستفرغ الله يكرمك و.."
قآطعها بحماس " " أكييييييييد حامل !"
نجلآ بتنهيده " لأ ولييد مافي حمل .."
" وش دراك طيب ؟ إمشي أوديك المستشفى نتأكــد "
هزت راسها " مايحتاج حللت بـ البيت وماطلع شي .. [ نآظرت الأرض ] ربي ماكتب .."
حس بضيقتها .. وإنها شوي وتصيح وهـ الشي باين من صوتها يلي بدآ يرجف ..
بآسها على خدها وقآل بموآساه " العمر قدامناا ليه مستعجليين ..؟"
حس بـ مثل " القرص " على فخذه .. نزل راسه وإنتبه لرووان ..
نزل نجلا من يدينه وقال بقوة وهو يفرك مكان القرص " آآآي وش تسوين ؟"
روان وهي تحرك سبابتها بتهديد مثل العجاويز " عيييب .. عيييب هذا حركآت .."
إنتقل بصره لـ ريان يلي جالس ع الكنب ويلي قال بنرفزة " غللط يالغبيه كم مره أعلمك أناا ؟ مو هذا حركاات ..! قولي عيييب كذا حركات .."
< يقآله صححها ..
نآظر وليد نجلا يلي كتمت ضحكتها وقآل بقهر " ويقولون عياالي آآخ بس .."
...:::...
سجى " يابابا ياحبيبي إنتّآ قولتلك خلآص لاتتعب نفسك رؤى رآحت مش حترجع أبدا .."
أبو رؤى وهو يفرك يدينه ببعض " وإيش أقول لأخويـآ ؟"
سجى ببرود وهي تحط رجل على رجل " عادي قولوا البنت هربت ماتبغى ولدَّك .."
أبوها بنرفزة " واللهِ ..؟! والله وجبتي الديب من ديلو يابنت أبوكي ..!"
زوجتـه " أنا عندي ليك حل .. بس مدري بلكن يعجبك وبلـكن لأ ؟"
" قولي يآمره خلينا نشووف .."
قآلت وهي تناظر سجى بتحدي " إش رآيك لو تزوج وآئل لسجى .. دام كدا أو كدا إنتّـآ تبغى تزوجوا وحدّه من بنـآتك .."
سجى بقوة " إيييييييش ؟ إيش شكلوآ دآ ؟"
أبو رؤى " واللهِ فِكرة مُمتآزة كيف ماخطرت على بآلي ؟"
سجى وهي توقف بقوة " أقوول بابا لاتسمع كلآم دي .. والله إن قلتولوا واللهِ راح أسوي متل رؤى وأطلع وأخليلكم البييت .. أفففف إش العيشه دي ياارب ؟"
|
07-05-10, 10:49 PM
جديد مواضيع قسم القصص المكتمله
العرض العادي
