كاتب الموضوع :
dlo
المنتدى :
القصص المكتمله
[.. الفصـَل الثآنـي عشـر ..!~
:
\\ فـَّوضـَىّ {.. المِـشَّآعِر ..×..
:
{.. مسَآحه لمـَّنْ يُـؤمِن بِّحـَدِيـثْ الأَّروَآحْ وَ الأروَّآحِ ،، || فقَـط ..}
00
لبست ملابسها وهي حآسه ببرود يستوطن أطرافها .. وجموود غريب في مشآعرها ..
كل شي دآخلها منكسر .. وكل كلمــه ممكن تسمعها من أحد بـ الوقت هذا ممكن
تخلي دموعها تسيل ..
نآظرت بشكلها بالمرآيه .. وهي مب راضية أبــد على شكلها .. بالله هذا شكل وحدّه رايحه الجآمعه ؟
ما إهتمت .. ويمكن لميّة سنه قدام ماتهتم ..!
..♥ شَـذى ♥..
لميت شعر يلي يوصل لآخر ظهري تقريبا بشبآصه بإهمآل .. وأنا حاسه بملل فضيييييع وضيقة مو طبيعيه ..
أعوذ بالله من الشيطان الرجييم بس .!
شلت عبآيتي .. وشنطتي يلي فيها كتآبين كبآر .. وآحد برمجة شبكات والثآني كتآب مكتوب عليه [ A+ ] مدري وش دآخله .. من آخذت هـ المآده وأنا ما أحظر محآظراتها .. وأخلي وحده من البنات تسجلني حضور ..
أففف دكتورتها ملييغه وتجيب المرض .!
قفلت أنوآر غرفتي وطلعت وأنا أسكر الباب ورآي ..
نآظرت في باب غرفـة ليآن .. حسيت شي دآخلي مدري وش أسميه ؟
يمكن غيره !
معقولة غرتْ من بنت عمي إنها لقت من يهتم فيها ؟ لقت من ينسيها مُر 19 سنه عآشتها ؟!
هزيت راسي بقوة وكإني أنفض هـ "الخرابيط" يلي مالها مبرر ..
تحركت رجولي لا شعوريا وفتحت الباب عليها .. شفتها وشلون نايمة وغآطة بالنوم ..
إرتسمت على شفتي إبتسآمه بسيطة .. وأنا أتذكرها شلون أمس تحكي عن يلي صآر بينها وبين مشعل وهم ع البحر ..!
مشيت لسريرها .. وأنا أحس بالبرودة يلي تسكن الغرفة نفس البرودة يلي تغلف مشااعري .. غطيتها وطلعت ..
تصدقون .. من أول وأنا أحس في شي بينهم .. ميول أو يمكن حتى إعجاب ..
وكنت متوقعه إن نهآيتهم زواج ..
قبل لا أطلع من الجناح .. إنفتح باب غرفـة لمى .. وطلعت ووجهها كئييب ..
وتحت عيونها سوآد مو طبيعي ..
عقدت حواجبي " صبآح الخير .."
حكت خدها بملل " صبآح النور .."
قلت وأنا أنآظرها تجي لجهتي " وش فييك مو طآيقة نفسك ؟ "
فتحت الباب ومشت قدآمي " أبــد .. لايعه كبدي مو قآدره حتى أنآم زي الناس "
" أفاا لييش ؟ "
سكتت بدون لا ترد ..
هـ البنت أنا متأكده مليووون بالميه فيها شي .. وشي كبير بعد بس المشكلة مهيب راضية تنطق ..
وأنا أعرف لمى .. فيها عنااااد مو طبيعي وتحب على قولتها تحل مشاكلها بنفسها ..
حتى وإن كان هـ الشي على حساب تدمير نفسها ..
صرنّآ ننزل الدرج .. وكل وحده فينا ساكته ماغير صوت خطوآتنا هو يلي ملطف الجو ..
قلت بنبرة مدري شلون طلعت ؟ " الظاهر يآ إختي مكتووب لنـآ مآ نرتاح أبد .."
لفت ناظرتني ووقفت وهي بنص الدرج " وش قصدك ؟ "
نآظرت بعيونها الناعسة العسلية ،، ويلي هي نسخة من عيون تركي " نآظري بحآلتك الأيآم ذي وبتعرفين قصدي .."
قالت بعد فترة وهي تسند جسمها ع الدرآبزين " أنا وأعرف وش فيني .. [ ناظرتني ] إنتي وش فيك ؟ "
تنهدت " مدري ؟ يمكن ملل .. يمكن زهـق .. [ كملت طريقي ع الدرج ] يمكن شي أنا ما أعرفة .."
لحقتني ونبرة السؤال بصوتها " لييش ؟ هذا هو حآلك من يوم جيتي ع الدنيا .. وش تغير في هـ الكم يوم ؟ "
ما رديت .. مشييت وأنا أفكر بكلامها .. معها حق .. وش تغير يعني ..!
سحبت كرسيي وجلست " كل شي تغير .."
جلست قدامي " شلون يعني ؟ إلى الآن وإنتي مثل منتي ..[ إبتسمت ] إلى الآن وإنتي شذى إختي الحلوة الطيوبة والدلوعه الهآديه .. [ بمَّرح فقدته في لمى ] ولا عندك كلام ثآني .."
ضحكت غصب ،، " تمدحيني وتبغيني أعآرض ؟ "
أخذت لها زيتون أسود ورمته بفمها " تدريين .. فقدت جمعتنا .. أمي من صآرت مثل قبل وهي ماتنزل تجلس معانا .. وتروكي من يومة كسووول ويحب النوم .. وأبوي هذا حكآيه ثانيه بكل الأحوال ما نشوفة .. والآنسه ليان .. أووبس أقصد مدآم ليآن من ملكّت على مشعل وهي ماتنآم غير آخر الفجر .. يختي وش ذآ ؟"
قبل لا أتكلم .. جآنا صوت تركي وهو يضحك " من الكسوووول ؟ "
لفينا نآظرناه .. وكمّلت لمى بضحكتها " أوووهـ الشمس من وين طآلعه اليوم ؟ تركي بذآت نفسه جآي
ونآوي يفطر معنا .؟"
ضحك وهو يسحب له كرسي من الطآولة الطويلـه والفااضية " شفتي شلوون ،، يلا من قدكم .."
كشّت عليه " مااالت .. أفففف مغرور الله يعينها يلي بتآخذك .."
نآظرت بتركي وأنا أبتسم وهو قآل بغرور " إلا يآبختها ويآحسن حظها .. أمها داعيه لهاا .. بتآخذ ترركي بن عبدالرحمن .. تحط على راسها عظمة لا جآت تمشي بينكم "
قالت لمى بتحلطم وهي تنآظرني " عظمة من ألحيين وهو مابعد يتزوجها .. والله إني راحمتهاا .."
تصدقوون .. أستمتع كثيير لا صرت أسمع لمى وتركي يتكلموون .. مدري ليش ؟
نآظرني تركي وقآل بإبتسامة وهو يتجآهل لمى " شلونك شذآي ؟؟ والله غباااار من زمان عنك ؟"
ضحكت وتصنعت الززعل " إيــه مو لأنك قطووعي وماتنشاف بالبيت أبد .! ولا في أحد عنده إخت مثلي ومايشوفها ثلاث أيام ورى بعض !!!"
قالت لمى وهي تلوي بوزها " مدحنآهـآ وشافت نفسهاا .."
تركي " هههههههههههه ياحبي لك .. والله وش تسوين إذآ ربك بلاك بأخوو بزي .."
رفعت حواجبي " بــزي !! يآسلام تفضى للناس وتنشغل لأخواتك ؟!"
ضحك ضحكة عاليه " قولي تغااارين وفكينااا .."
حركت حواجبي " معصي .. "
رجع يضحك .. مدري وش فيه اليوم ؟
تركي بإستهبال " دادوو وينه ؟ "
لمى وهي تضحك " دادوو رآيح من السآعه خمس .. مدري وش عنده مشتط الحبييب .."
تركي " المشكلة إن السكرتير حقه رجآل لا وخشتّه تقطع الخميرة من البيت .. يعني لو هي حرمه كان حتى وإن راح الساعه وحدّه محد بيلومة .. "
قلت " هههههههههه عيب علييك لاتسمعك أمي والله تزعل .."
وقف " لا عاد تكفوون كلّه ولا ماماتوو .. أنا بطلع بدكون شي ؟ "
لمى " وين ؟ "
عدّل يآقة ثوبة " الشركــة .."
صَفرت " إكششششخ .. وش عنده ؟.."
قال " إحم ولا شي .. ناسيين إنها شركة أبوويآ ولي مكان فيهاا ..؟"
لمى " أبويآ ..! وشفييك قلبت جداوي ؟ "
مطها من خدودها " عندك إعتراض إختنا بالله .؟ "
قالت وهي تفرك خدها يلي حمّر " لأ .. إححح .."
جلسنا نفطر أنا وياها .. وسواليف بسيطة بيننا .. أعتــرف علاقتي بـ لمى الأيام هذي ماصارت مثل أول ..
ما أدري ليش بس يمكن لأن كل وحدّه مننا صارت لها مشآكلها ..
أو بمعنى أصح .. صارت لـ لمى إختي مشاكل خلتها تبعد عني !
طلعنا من البيت .. ووصلت هي لمدرستها ..
قالت وهي تنزل " يلا شذوو باي .."
قلت " بااي .. إنتبهي على نفسك .."
مآردت وسكرت الباب .. غريبه هـ البنت ..
مشى السواق ووصلت للجامعه ..
نزلت وأنا أبد الأخلاق تجارية .. مدري ليش بس مآلي خلق أشوف أحد ..
شلت طرحتي أول ما دخلت .. وأنا أشووف البنات الكثآر .. هذي تضحك .. وذيك تستحقر ..
وووو ...
بـ جآمعات البنات بالذاات .. إن جلست تراقب كل وحده ماراح تخلص حتى لو بعد مليوون سنه ..
حسيت بيدين يغطون عيوني ..
وصوت " مكتوم " يقول " حزر فزر من أناا ؟ "
حطيت يدي أتحسس اليد الموجودة على عيوني ..
قلت بخوف " مييين ؟ "
نفس الصوت بس هـ المره بضحكة " توقعي ؟ "
رجعت أتحسس يدها .. و بس خلآص عرفتهاا ..
قلت وأنا أضحك " فجر بنت سعيد بن مطلق الـ ...... ! صح علي ولا لأ ؟ "
بعدت يدينها ووقفت جنبي .. وقآلت وهي تبرطم " صح عليييتس .."
" علييتس ؟! خيير وش بها النفس قالبه ؟ "
ناظرتني ونزلت نظارتها الشمسية من على شعرها وغطت بها عيونها الواسعه " اليوم وش أول محآظرة عندنا ؟ "
هزيت كتوفي " وشو ؟ "
مسكت شنطتي وطلعت الكتاب المشؤؤم يلي مدري عنه شي " هذاا .."
عقدت حواجبي بضيقة " أماا .. أفففف مالي خلق على هـ الصبح .."
رجعت الكتاب " ولا أناا .."
ضربتها على كتفها بمرح " ولا يهمك .. وش الجديد يعني ؟ نسحب عليها مثل كل يوم .."
قالت " هههههههههه والله مدري ليش سجلتي بالحامعه إنتي .؟ مع إن يلي يشوفك يقول دافورة ومن المصآريه يلي أبد تمشي وتاكل وتنام وتجلس والكتاب بحضنها .."
رفعت حواجبي بصدمه " لا والله ..! حتى شكلي أبد مايوحي إني مصريه .. إنتي يمكن يالبهصآ .. أما أنا لأ .."
ضحكت " بهصآ بعييين العدوو .. وعع وش ذآ الكلمة أكرها ترااي .. وبعدين [ قالت وهي رافعه خشمها ] قررت أسوي تااان .."
مشينا " تاااان ! لييه ؟ والله إن لون بشرتك جنااان .."
وقفتني وقالت بحماس وهي تأشر " وش جناان إنتي بعد ؟.. أبيها أممممم .. تصير برونزي .. بــرونزي زي الموضه هـ الأياام .."
مشييت وهي لحقتني " والله فاضية ,, بالله في أحد يترك البياض علشان الموضه ؟ "
" وش يدريك إنتي ههه .. ؟ ألحين البيض ساحبين عليهم تراا .. شفتي شلون نجوى كرم غيرت لون بشرتها وسوتها برونزي ؟ "
قلت بقرف " وععع الله يقرفك .. والله إن شكلها مو حلو .. قبل أحلى !.. وبعدين نجوى من يومها حنطية . مهيب بيضآ ."
قالت وهي تحرك يدينها بالهوآ " ما أبي .. بسووي ومالي دخل .. إنتي لو شفتي شلوون البرونزي حلوو .. إنتي بس شووفي فآرس وبتغيرين رايك "
عقدت حواجبي" فآرس ؟ "
" إيه فاارس .. "
حآولت أتذكره .. إلى إن ضحكت " الضيف ..!"
إبتسمت " علييك لمبة .."
رفعت حاجب " الله يالدنيا .. ألحين تبغين تقنعيني إنك بتسوين تان بس لأنك شفتيه على فارس مدري فراس ؟"
تنهدت " آآه بس إنتي وش يدريك ؟ والله لو شفتيه لتخقيين عليه خقّه مهيب صآحيه .."
" الحمدلله والشكر .. الله يكملك بعقلك ياشييخة .."
قالت وهي تدور حول نفسها مو مهتمة للبنات يلي صاروا يطالعونها " والله مآبقى فيني عقل من شفته ..!"
...:::...
فتح عيونة وشآف نظرآت ضبابية مو وآضحة مرّه .. رجع غمض عيونة ثم فتحها من جديد .. إلى إن وضح شكل السقف قدآمه ..
..♥ فـآرس ♥..
جلست بسريري لدقآيق .. وأنا أحس .. أحس مدري وش فيني .
اللهم إحسآس غريب دآخلي ..! وش سببه .. أو وش مصدره .. مدري !
جلست وأنا أحك شعري بكسل .. مليييت من يلي أنا فيه .. وحآس نفسي وسييع وجه هههه ..
لا من جد فشلة إلى متى وأنا هنا ؟ مو نآوي أحس على دمي شوي وأترك بيت الناس .؟
ولا يعني لأنهم أكرموني أقط الميآنه للأبد ..؟
أنا ما أنكـر إني إرتحت هناا كثيير .. وأكثر من الكثيير بعد بس خلآص ..!
الشي لا زآد عن حدّه ينقلب ضده .. وهم مستعدين يتحملوني بس ما أظن العمر كله ..!
مهما كان هم عآئلة محآفظة عندهم بنات .. ويهمهم كلآم الناس ..!
تنهدت ومليون فكره في بآلي .. أحآول أتذكر شي بسييييط ..!
بسييييييييط حتى لو كآن إسمي الحقيقي .. بس أبد ..!
طلعت الصورة يلي تحت مخدتي ..
وجلست أنآظر بالبنتين يلي فيهاا ...
مدري وش هي ؟ أو من هم ؟ أو كيف صآرت صورة مثل كذا معي ؟
ركّزت نظري ع البنت يلي وآقفه بتمآيل .. وبملامحها .!
بشعرها الطويل بلونه الأسود الفآحم.. وعيونها الوآسعه الكحيلة السودآ .. والمتنآقضه مع لون عيون البنت يلي جنبها .. بوجهها الدآئري .. والبرآءه يلي فيه .. بخشمها الطويل الحآد .. وبرسمة شفآيفها الصغيرة .. وبشرتها الحنطية .. يلي تميل للبيآض أكثر من السمآر ..!
حآس نفسي عآرفهآ .. وربْ الكون أعرفهـآ .. بس ميييييين ؟؟ ميييييييين ؟؟
هذآ هو الشي يلي مو قآدر أعرفه ..!
ضميت الصورَة لصدري .. وكأني أحتضـن هـ البنتين يلي فيهآ .. ويلي مآيمسي مسآ .. ومآيصبح صبح إلا وانا أنآظرهم ..!
رجعت حطيتها تحت مخدتي .. وقمْت .. غسلت وأخذت دُش سريع أتنشط به ..
وإلى الآن حرارتي يلي بدآخلي مشتعله .. مدري لييش ؟؟
لبست ثوبي وحطيت شمآغي ع التسريحه .. وجلست أمشط شعري يلي طآل شوي ..
جلست أنآظر ملامحي بسرحآن .. وش هـ الملامح يآفآرس .؟ من وين إنت ؟
من أي قبيله ؟ من أي بلدْ ؟ لك أصل ولا ؟
ولد حمآيل ولا .. ولا صلبي ؟
تعوذت من الشيطان .. وحطيت المشط ع التسريحة .. نآظرت يدي .. وإنتبهت لآثر عضَّت أنياب الحيّه
إلى الآن مآرآحت .. إبتسمت .. وأنا أذكر البر يلي حبيته من بعد ذآك اليوم ..
وإني شلون قدرت أنقذ فجر .. ههههههههههههه من جد تراا حسييت نفسي بطل ..!
إندّق الباب .. ودخل فيصل بسرعة ..
قال بطريقة رسمية يقلد بها فتحي " الملييغ "ضحكتني " أٌستآز فآرص .. دآ الشُغل بينتَّزِرَك .. وحضرتكـ مُهمل قدآ .."
" هههههههههههههههههههههههه حيآ الله الخشه المليحه .."
عدّل شمآغه " الله يحييك .. [ نآظرني ] جآهزه حَضْرِتك ؟ كل ذآ تزين ؟ الله والخشش يلي بتقآبلها !! كلها خشتين ، خشـة فتحي و خشتي الجميلة طبعا .."
ضحكت " عااد خشتك تكفيني أناا .."
تلثم وقآل بطريقة مضحكة " هاااااو وش فييك يآوليدي ؟ وش ذآ الحتسي أستحي ترآآنن .."
شلت شمآغي وتوجهت له وأنا مستمر بالضحك " والله من شآف هـ الخشه قآل مابووه حيآ ."
فيصل " أفااا ثم أفااا .. [ فك اللثمه ،،، وكمل وهو يعدل شمآغه ] والله يلي يشوفن يقول أبد ،، رآضعيين هو والخجل سوَّآ .."
" هههههههههههه بالحيييييييييييل .. "
نآظرني بصدمّه " أشووفن طآيح من عينك ؟ "
قلت وأنا ألبس شمآغي وأنآظرة " تدري .! "
فتح فمَّه ببلاهه " لآآآآآ ؟؟"
كشّرت " الله يسد نفسك على ذا الصبح .."
ضحك وتوجه للتسريحه وقآم يبخبخ بالعطر " أحسسن على شآن تسوي ريجيم يالدب .."
طيرت عيوني " ريجيييييييييييم !! حرآآم عليييييييك والله إني عصنقل .. جلد على عظم .."
نآظرني بنص عين " عصنقل !! بالهووون عاااد .. عيني بعينك كم وزنك ؟ "
جلست أفكر .. هذاك اليوم يوم سويت مرآجعتي علشان تعقيم الجرح قآسوه ..
سكّت شوي وأنا أنآظر السقف بحيرة .. وأول ما تذكَرت قلت " 66 كيلوو .."
" شفت إنك دب ! "
" لا ياحلوو نآسي طولي ؟ يعني وزني على طوولي يعتبر ممتاز .. لا والممرضة تقول لازم أزيد كم كيلوو بعد ..."
ضحك " هرج حريم لاتآخذ به .. تدري لو قلت هـ الكلام لفجير وش بتقول ؟ "
تحمَّست " وشو ؟ "
قال وهو يعفس ملآمحه ويقلد طريقة فجر بالحكي ،، ويحط يدّه اليمين على يده اليساار " لآآآآهـ .. لا تسمع كلآم الهنديه وتآخذ مقلب في نفسك ..! ترآ البنات يبغون وآحد رشيييق .. ممشوووووق القوآم .. مو كييس رزْ ،، نحييف علشان تكشخ بهْ عند خويآتها .."
قبل لا يكمل كلامة إنفجرت ضحك على طريقته ..
وربي جآبهاا .. كذا تفكيير البنآت هـ اليومين ..
فيصل " ههههههههههههههههههههه وربي لا تسمعك .. إقسم بالله تفجر فييك .."
حآولت أمسك نفسي ،، يآحبي لك يآفجر " لا حبيبي .. هههههههههههههههههه .. والله جسمي رشييق وإسألها ..! "
طير عيونه " أماا ..! أقول إهجد يآورع ..منب سآئلها تبيها تغتر علينا جويل العرب !"
صدّق صدّق صدّق .. فديــت الغرور لا صآرت صآحبته فجـر !
...:::...
{.. لو كِْتمت الشـُوق فـِي صَّدْري ،،
الألــمْ عآآيـِشْ ..:: إحسَّــآسَـه ..×,,
:
في بنّك البـلآد .. كآنت جآلسه ورى مكتبهآ .. وروتينها اليومي مثل مآهو ..
السبت مثل الأحد مثل الإثنين .. وش تغير؟
..♥ مِشـآعل ♥..
تركتْ القلم ع الورقه .. وسندت ظهري ع الكرسي بضيق .. خلآص ملييت ..
إلا متى وأنا كل ما نآظرت بيلي حولي أتذكَره؟ .. إلى متى وأنا أشوفـه بالكل ..؟
أشوف يلي سببّه لي بعيون الكل .. أشوف نظرآت الإتهآم بعين كل شخص أعرفه أو
مـآ أعرفة !
إلى متى وأنا أعييش إحسآسك يآبسآم ؟ إلى متى و طيف ذكرآك بيستمر فيني ؟
إلى متى و كلآمك بيضل يُكرر كل ماجيت أنآم ..؟
إلى متى وأنا أكرهـ كل " آدم " ؟
إلـى متى وبظل شآيله بقلبي على أمي وأبووي ؟
إلــى متى وأنا بخـآف من النظر لعيوونك ؟
إلــى متى بس ؟ علمني تكفى .!
نآظرت بالسقف .. وأنا أسند راسي على ظهر الكرسي الجلد البـآدر ..
شهـرين ملكّه .. وليلـه ماتقل عن نص سآعه بين أحضآنك ..
وبعدهـآ .. أنهييت كل شي .. أنهيييييت كل معنى حلو لي معك ..
أنهييت أحلى " 1440 دقيقـه " في نص سآعه بس ..!
في 30 دقيقــه بس ..!
لييش ؟ أنا وش ذنبي ؟
وش ذنبي تهينني كذا ؟ تخليني على كل لساان !
مشآعل بنت فوآز الـ....... ،، طلقها ولد عمها في أول يوم من زواجها ، حتى قبل لا ينتهي الييوم ..!
إلى متى وأنا أسمع هـ الجمُل على لسان كل حرمه ألتقيها ؟
إلى متى وأحس بعيونهم كلآم ؟ أحس نظراتهم إستحقار ؟ ينآظرونني كإني أخطييت .!
وإنت أكثر واحد تدري إني بريئــة .. مثلك !
غمضت عيوني وإبتسمت بسخرية على هـ الحظْ وإحسآس الدمعه يلي نزلت على خدّي مثل إحسآسي .. تحس بنفس ذلي .. ونفس ضعفي ،، ونفس كل شي أكرهه فيني ..!
صدق دنيا غريبة .. كل ماحآولت تجمع ترجع تفرَّق .. وللأسـف يكون فرآقهآ
أقــوى وأمَّر من ليلة لقآهـآ ..!
حسيت بأحد يهزّني .. بس ما إهتميت .. حتى لـ " السؤآلات " العديدة يلي إنطرحت ..!
يلي أبي أعرفه بس .. نفس سؤال كل ليلة مرّت في هـ " السنة ونص " وأنا بعيده عنك يآبسآم ..
ندمـآن .؟ حـآس بلي أحســه ؟ حـآس بظلمهم لي ؟ وقبل كل هذآ حـآس بظلمك إنت لي ؟
رجع نفس الصوت المزعج يهزني " مشـآعل .. مشآعل .. يوووه إشبها دي ؟ مشاااعل رُدري علياا .."
فتحت عيوني .. وميلت رآسي وإنتبهت لوجه رؤى تنآظرني بخوف ..
إبتسمت بألم .. وعبست ملامحي بألم أكبر .. وجلست أصييح ..
لدرجة إن البنت إرتاعت ورآحت مدري لوين ؟
مآ يهم !
حطييت رآسي على يديني على الطآولة ،، وبديت أصيييح بقوة وشهقآت متوآصلة آلمت قلبي يلي مآعآد به حيل يتحمَل أكثر ..!
وكل كلمة قآلها لي بسـآم إلى الآن تهزّني .. وتذكرني بإنساان إشتقت له .
" خلآص حبيبي .. دموعك هذي ما أبي أشوفها .. لو لبسآم عندّك معزّه لا تطيح مرّه ثآنية "
مـآتبي تشوفها ؟ وإنت سبب فيهاا !
مـآتبي تشوفها وإنت ذبحتني بدون إنذاار ! ذبحتني للأبـــد .. للأبــــد يآبسآم ..!
...:::...
وصل للشركة يلي متعين فيها رسمي ومآ يدآوم فيها غيير مره بالسنة ،، أو وقت مآ صفّى له مزآجه بعد ما إنطرد من الجآمعَه بسبب إهماله ورسوبة أكثر من مرّه ..
وقّف سيارته الـ [ Bmw ] السودآ و الكشخـة . ويلي من تمر يخقون عليها نص بنات الشرق الأوسط ..
نزّل منها وهو يعدل نظآرته الشمسية من جورج آرمني .. وبكل غرور وقف قدام الحآرس الشآيب .
ورمى بيدّه المفتاح " عم يونس .. لو سمحت وقف السيارة بمكآنها .!"
هز رآسه يتجنب المشآكل يلي بتصير له لو رفض كلمه من كلام ولد " المعزِب " وراح لها ..
دخل للشركة وهو ينآظر قدآمه .. بدون لا يتوآضع ويرد ع الموظفين يلي يرمون عليه السلام وهم يتصافقون من الخوف ..!
يعرفون تركي وش كثر هو " شرّي " و " نذل " وإنه ممكن يطرد أي أحد فيهم ..
..♥ تركي ♥..
يآزين الهيبه والله .. شفتوا شلون الناس تخاف مني ؟
إحم إحم ..
وقفت عند الأصنصير وكآن فيه إثنين أول مره أشوفهم بالشركة .. وقبل لا يتصكر الباب رفعت حاجبي بأقوى مآعندي لدرجة إنه بغى يجيني شد عضلي بس ربكم ستر ..
نآظروا فيني بخوف .. وزي ماتوقعت فهموا الحركة ونزلوا ..
ركبت وصرت بالحالي ،، وحتى يلي جآو بيركبون معي رآحوا .. ضغطت ع الدور الرابع وأنا أضحك ..
يـآحبني لي بس ..!
وصلت بأقل من دقيقة .. نزلت وأنا أصفر .. وأناظر للي حولي بتعآلي ..
حلوو إنك تحس انك كبيير ..! ويلي حولك يتنآفضون منك ..
وقبل لا ينطقون يحسبون للكلمة ألف حساب ..
مريت على مكتب أبوي .. يلي يحتل أكبر غرفة هنا .. وبالدور الرابع بالذات لأنه يبي بعيد عن الإزعاج ..
جيت بدخل بس وقفني السكرتيير " الشيين " : على وين أخ تركي ؟ "
أعطيته نظرة وأنا أنزل نظآرتي " أبووي دآخل .. "
" إيه .. بس ألحين ما تقدر تدخل "
رفعت حاجب " لا بالله ! من متى ؟ "
تنهد " شوف لو سمحت لاتسوي لي مشاكل مع الوالد طول الله عمره .. هو قال لي لا أحد يدخل عليه .. "
شلت يده يلي ساد بها طريقي " بس أنا ولده مو أي أحد "
رجع حط يده بالشكل العرضي " حتى لو ! .. تبيه بشي إنتظر إلى إن يأمر .."
رجعت شلت يده هـ المره لكن بقووة .. وفتحت الباب من غير لا أستأذن حتى ..
نآديت بصوت عالي في المكتب الكبيير " يبـــــــــــه ! "
بس ردّ علي أكثر من صوت ويتكلمون مع بعض ..
الله ! ألحين كلهم صآروا أبوي ؟!
جآني السكرتير وقآل بترجي " لو سمحت لا تسويلي مشااكل .. توي فآتح بيت ما أبي أنطرد .."
تكتفت " لا مشاالله ..! تزوجت يا إستاذ عبدالصمد !! "
إبتسم " إيه "
" مبرووك مبروووك .. ومنهي بنت الفقر يلي أخذتهاا ؟ "
نآظرني بغضب " ملآفظـك لو سمحت .."
هزيت راسي " لا وتعصب بعد .. أقوول إقلب وجهك منااك يلا .."
ومشيت من غير لا أعطيه وجه وهو ينآدي .. مآبقى إلا هي والله ..!
رحت لغرفة الإجتماعات يلي مقفلين بابها .. وسمعت أصوات عاليه كثييير ..
فتحت الباب ودخلت .. وتوسعت عيوني بصدمة ..
الله كلهم ذوولي أبوي يعرفهم !
نآظرني أبوي وهو على طآولة الإجتماعات الطووووويلة والمليآنه نآس ..
يعني يجي كذآ أكثر من عشرين شخص ..
قال بصوت عالي " ما قلت مآ أبي أحد يدخل علي ؟؟"
رد عبدالصمد ورآي وهو يتنآفض " والله طآل عمرك قلت له بس مآرضى و .."
قآطعته وأنا أمشي بإتجآه أبوي .. والعيون الكثيرة كلها علي ..
قلت بثقة " السـلآم يا جمـآعة الخييير "
ما أحد رد ..
وجع وش ذآ الأخلااق ..
رحت لأبوي وحبيت رآسه .. يعني قدام ناس وعالم ولازم
أمثل دور الولد المُطيع على أكمَل وجه ..
نآظرني أبوي بغضب " خير تركي شتبي جآي ؟ "
قلت بتميلح " أبد .. مآشفتك اليوم الصبآح .. وحبيت أجي أسلم علييك .. [ بسخرية مبطنة ] تدري فيني ما أحب أبدآ يومي إلا لمن أسمع دعآويك لي .."
ردْ والشرر يتطآير من عيونة " وهذا وقته ألحيين ؟ ماتقدر تصبر شووي ؟"
نآظرت بالشخص يلي قدامي .. [ علي ] ويلي هو زوج عمتي صيته ..
وأبو المحرووس أحمد ..
إستحقرته وهو بانت على وجهه معآلم الإستغرااب ..
تكلم أبوي بنرفزة " ترركي وش بغييت ؟.. لو سمحت عجل ورااانا شغل .."
حبيت راسه من جديد " أبد سلآمتك .. بس دعوآتك لناا .."
من جد حسيت إن وده يذبحني .. قال بصرآخ خرعني " عبــد الصمد .. عبـــــد الصممد تعااااااااال بسرعه .."
قلت وأنا أبعد عنه " خلاص خلاص بطلع .. بس لو سمحت إرسل لي فلووس ما معي شي .."
تفشل وعصب أكثر " عبـــــد الصمد يازفــت .."
...:::...
توني حسبت حساب { بعدكـ وفرقاكـ
توني دريت اني بدونكـ ولا شي
خليتني مابين طيفكـ وذكراكـ
عذبت حالي ليش ما ترفق شوي
إرجع ولو تامر على الروح تفداكـ
إرجـــــــــع
تراني شفت موتي وأنا حي..
:
ضمّت جدتهآ أكثر .. وهي حآسه بنيرآن تلتهم كل شي حولهآ .. بدنيآ ضحكت لها في يوم .. وجلست تبكيها أيآم ..!
لـ " خـآلد " يلي رآح ومستحيل يرجع .. لذكرى سنين معه ،، وذكرى سآعآت ،، ودقآيق ..!
لذكرى قلبها يلي حب .. وروحهآ يلي عشقـت ،، وكرآمتها يلي إندآست ..
لوآقع حآولت تمحييه .. ولنوم جآفآها .. وكإنه يحآول يصحيها للي هي فيه ..
وإنها خلاص أصبحت مطلقة " ثلاث " مراات ..
ثلآث مرات وفي كل مره يزيد الحكي ..
صحـآهآ إن دنيآهـآ عآدتْ بلآ خآلد .. وشموعهآ ،، بتشعلها بروحهآ ..
من غير ضحكـآت " خآلد "
..♥ شـآدنْ ♥..
ضميتها أكثر .. وأنا حآسه بريحة أمي الله يرحمها فيها .. وبدموعي يلي تطيح تألم قلبها التعبان !
خلاص ما عدت أقدر .. وربي ما عدت أقــدر ..
هو وش سوى ؟! ليش ؟ ليش يقولها ببسآطة وكإن مالي أي معزه بقلبه ؟
حسيت بيدين جدتي الدآفيه تمسح على شعري .. غمضت عيوني أكثر .. وزدت بالـ بكـآ ..!
وعقلي مو رآضي يستوعب إني مآعدت له ..
قآلت بصوتها يلي يرتجف بسبب الصياح " خلآص يمه .. لا تقطعين قلبي .. "
قلت وأنا أشهق بكلمات متقطعه " يمه خالد رااح يمه ... ماعاد لي يمه ... خلآص يمه خلآص .."
حطت راسها على راسي المرتمي بحضنها .. وقآلت وأنا أحس بدموعها " هذآ قدر ربك .. وهذي كتبته ونصيبه .. لاهوبيدك ولاهوبيدي نقدر نرجع يلي صار .. وصدقيني بالأول والتالي خالد هو الخسران .."
رفعت راسي وناظرتها " تكفييين يمه قولي إني أحلم .. الله يخلييييييك قولي إني أعيش بكابووس .. قولي أي شي بس مو طلاقي من خالد الله يخلييك يمه .."
قالت وهي تمسح دموعها بطرحتها " لا حول ولاقوة إلا بالله .. حسبي الله ونعم الوكيل بيلي كان السبب ."
السبـب ..! إيـــــــه السبب ..
لا أنا ولا خآلد كنا سبب بيلي صار..!
قلت وأنا موحآسه بنفسي وأصرخ بهستيريا " هذااا فؤااااااااااااااد .. فؤااااااااااااااااااد الحقييييييييييير .. الحقييييييييييييييييييير سواها فيني يممه .. "
مسكت يديني " هاااو ! فؤاد !!! وش دخل الولد بالسالفه ؟"
صحت .. وهـ المره أكثر من قبل " هو يلي خربْ بيتي يمه .. هو من خلى خآلد يتركني .. هو من سوى فيني كذا يممه هووو .."
رجعت ضمتني " تعوذي من أبلييس يآقلب أميمتك إنتي .. نآمي وإرتاحي الظآهر قل النوم أثر علييك .."
قلت بهمس وأنا أرتجف " والله لا أورية ولد الـ...... ،، [ نآظرت جدتي ] والله لا أخلييييييه يندم ع اليوم يلي جآ فيه ع الدنياا يمــه .. والله والشاهد علي الله .."
...:::...
كل يوم يعيشة بعيد عنهاا .. يحس نفسه ضآيع ..،، تآيه .. ظـآلم ..
يحس نفسه تخلى عن من كآنت له الهوآ والمـآ ..
تخلى عن كل معنى سآمي كآن يعيشة معها ..
وعن كل دقيقــة فرح فيها بحياته ..
..♥ بسآم ♥..
نـآظرت في صورتها يلي ببوكي وأنا أتنهد بضيق .. والله لو إن الزمن يرجع ... كآن صلحت
يلي سويته .. وبديتها معك من جديد يا مشاعل ..
لو بس نقدر نصلح أغلاط يلي قبلنا .. كـآن ما صرنـآ هـ الحيين كذا .!
كـآن مآصرت أنا أضعف بشَر بالدنييا ..
كـآن مآصرت رجآل متخلي عن " مشااعل .."
كـآن خبيتها معي .. ومآتركت أحد منهم يأذيها ..
كـآن مآفقدت كل معنى حلوو لي معها ..
|
07-05-10, 10:40 PM
جديد مواضيع قسم القصص المكتمله
العرض العادي
