الجــــــــــــــ/18 /ــــــــــــــزء
أم ماجد طلعت للبنات فوق وهي مبتسمه ودخلت غرفه شيماء .....
أم ماجد .. لمى أمك وافقت تنامين بس تبيك تحت قبل لا تطلع
لمى وقفت .. إن شاء الله
وتوها بتطلع وتذكرت أم ماجد شيء .. لحظه لمى ترى ماجد تحت لأنه هو اللي بيوصل أمك
لمى رجعت .. ليه وين السواق ؟
أم ماجد .. قلنا له يرجع مايصلح ترجع لحالها معه
لمى .. صح كلامك ,, طيب خالتي ولا عليك أمر ناديها بس عند الدرج
أم ماجد طلعت .. أن شاء الله
وراحت تناديها وبعدين دخلت لغرفتها تصلي الوتر قبل لا يأذن ونزلت لمى ..........
لمى تنادي بصوت واطي .. ماماااااا
ماجد فز قلبه يوم سمع صوتها وكان وده لو نادته هو بدل أمها بس ويييييييين مستحيلات ...
أم عبدالله توجهت للدرج .. لحظه ماجد (ومشت)
لمى بفرح .. جد ماما عادي أنام ؟
أم عبدالله .. أيه بس لا تنهبلين
لمى .. هوو شقالوا لك بزر تراني كبرت
أم عبدالله .. المهم تبين شي
لمى .. أنتي بيوصلك ماجد ؟
أم عبدالله .. أيه ليه تسألين ؟.
لمى .. حلوو ,, أبي أغراض من البيت وأبغاك تعطينها ماجد ع شان يرجع بها هنا
أم عبدالله .. ووش تبين ؟
لمى .. بيجاما و .... و...... و..... و...... و...... و...... و......... و........ و.......
أم عبدالله قاطعتها .. بس بس بس بس وين بتقيمين عندهم أنتي ؟
لمى .. مامااااااااا تكفين
أم عبدالله .. خلاص طيب (ورفعت طرحتها على راسها) يلا مع السلامه
لمى حبت راس أمها .. مع السلامه
طلعت لمى فوق لغرفه شيماء وأم عبدالله توجهت للبيت مع ماجد اللي وصلها .... ولما وصلوا ألتفتت أم عبدالله لـ ماجد ....
أم عبدالله .. يمه ماجد ماعليه بتعبك معي شوي
ماجد .. أفا خالتي شهالكلام أنتي تامرين
أم عبدالله .. طيب تفضل جوا وأقول لك
سكر ماجد سيارته ونزل ودخل معها للبيت وبما أن البيت مافيه أحد يتغطى عنه فـ دخلته للصاله
أم عبدالله .. ماجد يمه معليش تنتظرني شوي هنا لمى موصيتني تبي أغراض وبروح أجيبها على شان ترجعها معك لها للبيت
ماجد فرح مادام السالفه فيها لمى أنا بنتظر ليما يأذن الفجر ...
ماجد .. عادي خالتي خذي راحتك
طلعت أم عبدالله فوق وجلس ماجد في الصاله ألتفت ع التلفزيون وكان على MBC3 وفيه فيلم كرتون (ديكستر) قام سحب الريموت وقلب في القنوات ووقف على قناه (الجزيرة الرياضية) وشوي وطلعت له ليان من المطبخ ومعاها سفن آب لمّا شافت ماجد قربت منه .......
ليان مستغربه : ماجد ..!!
ماجد ألتفت لأنه توه ينتبه لها : هلاااا ليوووون >> (تدليعه)
تقدمت ومسكت السفن آب بيدها اليسار وسلمت باليمين : ......
ماجد : وش لونك ؟
ليان بحياء : الحمد لله (وتطالع التلفزيون)
ماجد أنتبه لها : معليش غيرت القناه مادريت أنك هنا (وبدا يقلب لين وصل للقناه)
ليان أبتسمت له : تحب ديكستر
ماجد ضحك : ما أشوفه
كشرت ليان : ليه
ماجد : بس ما أحب الفيلم كرتون
ليان : وأنا ما أحبك
ماجد كشر أوفففف ماعندها وقت تطقها في الوجه .. وليه ماتحبيني
ليان :............
ماجد : ليان أنتي بسنه كم
ليان مبسوووطه : بـ ثاني
ماجد : يعني عمرك أمممممم 8 صح
ليان : صح (وطالعته) .. تبي سفن آب
ماجد ضحك : لا بس ممكن تجيبين لي كاس مويه
ليان قامت : بارد ولا نص ونص
ماجد : لا باااارد
كشرت ليان : يالخبل ترا تمووووت
ماجد : ليه
ليان : لأنك تشرب بارد (وهزت كتوفها) لمى تقول
ماجد قال مادام لمى اللي قالت خلاص أبي نص ونص على قولتها .. خلاص جيبي نص ونص
ليان أبتسمت وراحت............
نزلت أم عبدالله ومعاها شنطه سبور كات ( وردي وأبيض)
أم عبدالله .. ماعليه تعبتك معي
ماجد .. شدعوى خالتي تعبك راحه ,,(وأخذ الشنطه) يلا تآمرين شي
أم عبدالله .. لا مشكور سلامتك
ماجد .. يلا مع السلامه
أم عبدالله .. مع السلامه
وشوي وطلعت لهم ليان .. لحظه لحظه ماجد
ألتفت عليها وهي تمد له الكاس .. هذي المويه
ماجد .. شكرااا يا أحلى ليان .........
وشرب ربع الكاس وعطاه ليان ومدت له كولا
ماجد .. وبعد هذا لي ؟
ليان .. أيه بس ترا بارد
ماجد .. مو تو تقولين ماينفع البارد
ليان تغمز له وتبتسم .. بس الكولا والبيبسي لازم تكون بارده صح ولا لا ماجد قبص خدها خفيف وباسها .. ياحبيلك والله يلا مع السلامه
ليان وأم فيصل .. مع السلامه
طلع ماجد من بيت خالته وركب سيارته وحط شنطة لمى بجنبه ....
ولمّا وصل نزلها معاه للبيت ودخل للصاله ولا شاف أحد
(لأن أمه تتسنن وشيماء بالحمام وسعود بغرفته ولمى بالمطبخ)
يخاف يروح لغرفه شيماء ويحرج لمى دخل المطبخ بيحط الكولا فالثلاجه .......
لمى كان معاها كاس مويه وتوها بتطلع إلا ويطلع لها ماجد .....
ماجد أرتبك من الموقف يمكن هذي رابع أو خامس مره يتصادف معاها ,, تعلقت عيونه بعيونها ماقدر يشيل عينه عنها ,, وهي الثانيه كانت خايفه من هالشيء خاصه بعد ما هزأها بالتلفون ........
وأخيرا صحوا من التفكير ...
ماجد بإرتباك .. آآآسف ... ما كنت أدري أن فيه أحد .... هنا (ومد لها الشنطه وطلع لفوق بسرعه)
بعد ماطلع ماجد فوق أبتسمت لمى / ياربي شهالصدف بحياتي ماصادفت أحد كثره (وتذكرت كلمته لمّا قال لها أحبك) أبتسمت بمراره / مثل حالتي بالضبط متعلق بوهم حب من طرف واحد (وتوها بتنزل دمعتها ومسحتها بكل قوه) ../ خالد مايستاهل ولا دمعه من عيني يكفي الدموع اللي نزلتها ع شانه حقير أكرهك .. أكـــرهك
صحاها من تفكيرها صوت شيماء .. ألوووو
لمى .. هلا
شيماء بنظرة خبث .. وين رحتي تفكرين بخالد
لمى بعصبيه .. وش خالد أنتي الثانيه خلاص خالد مايعني لي شيء متى بتفهمين
شيماء .. أشك بهالشي
لمى .. أوهووو وبعدين يعني (وتطالعها) والله ياشيماء ماصرت أحبه .. أكرهه
شيماء تطالع الشنطه اللي بيد لمى .. ماشاء الله ماجد اللي عطاك أياها
لمى أستحت .. أنقلعي دخل وماكان يدري وعطاني أيها وطلع فوق
شيماء أبتسمت .. وشافك
لمى .. شيووووم
شيماء مسكت يد لمى لفوق .. تعالي معاي (وطلعوا الدرج)
دخلوا الغرفه وسكروا الباب
لمى .. أووووف كسرتي يدي
شيماء .. أسمعي بقول لك على شيء
لمى تحمست .. أيش
شيماء .. ماجد أخوي يحبك
لمى ولععععععع وجهها وضربت شيماء بالدبدوب اللي بجنبها
شيماء .. آآآي والله جد شفيك ؟
لمى .. على بالي بتقولين عن فيصل شيء
شيماء نست الدنيا واللي فيها لمّا سمعت أسم فيصل .. صح نسيت أقول لك
لمى .. يلا قولي ترا تحمست
شيماء .. شوفي تذكرين أبوي لمّا توفى الله يرحمه
لمى .. الله يرحمه ,, أيه أذكر
شيماء .. مو بصح دخلت المستشفى كم يوم
لمى .. أيه
شيماء .. مره من المرات ,, ثاني يوم ,, دخلت علي النيرس مبتسسسسسسسسسمه سعوديه مره طيبه دائما تسولف معاي المهم لمّا كانت المرافقه عندي غادة ,, لأن مره غادة ومره ماجد ,, المهم لمّا شافت أن غادة في سابع نومه قالت لي أن فيه واحد كل يوم يسأل عنك وعن حالتك أستغربت أنا ولمّا سألتها مين قالت لي أنه ماقال لها ,, المهم أنا زاد خوفي هذيك الليله وماقدرت أنام لمّا أذن الفجر وصحت غادة ولا قلت لاشي وكل يوم صارت تدخل علي وتقول لي و عرفت أن أسمه فيصل ولمّا قالت لي ,, أنا ماجاء في بالي أي واحد أسمه فيصل يقرب لي بس تذكرت وأنا كنت بنام أنه ولدخالتي (حنان) لأنها صادفت أنهم جايين للشرقيه ............
مداخله للقراء ..
تذكرون لمّا قلت لكم أن أم فيصل مره يسكنون في الرياض ومره في الشرقيه وصادفت أنهم جايين للشرقيه ................................................. وبس (كملّوا)
لمى مستغربه .. يووووه شهالصدفه
شيماء .. أستني وماشفتي شيء بعد ,, آخر يوم لمّا كنت بطلع من المستشفى كان ماجد مو بالغرفه لأنه تحت يسوي إجراءات الخروج ,, فـ دخلت علي النيرس ومبتسمه وقالت لي أن فيصل معطيني أمانه لك ولازم أوصلها قبل لا تطلعين ,, وقالت لي أنها بتعطيني إياها قدام ماجد وكأنها منها ,, وأنا وافقت ,, المهم لمّا رجع ماجد وشال الأغراض دخلت النيرس ومعها بوكيه ورد كبير وروووعه (جوري أحمر وأبيض) وكيس صغير خيش وفيه كرتون بيج داخل ,, أستغرب ماجد وتقدمت لي النيرس مبتسمه وقالت لي : " هذي هديه بسيطه مني قبل لا تطلعين ع شان تتذكريني فيها " ,, وبعدين قربت من أذني وهمست لي " وش رايك فيني ؟؟ " وأنا وياها أنفجرنا من الضحك وحتى ماجد أستغرب بس ماسأل .................وبس
لمى .. طيب واللي في الكيس وشو ؟
قامت شيماء نطت من سريرها وراحت للشوفنيره وجلست ع الأرض وفتحت الدرج الأخير وجلست تحووووس لمّا طلعت علبه ,, وراحت للمى ع السرير ومدت له إياها ........
لمى .. هذي هي ؟
شيماء مبتسمه .. وي (يعني أيه {نعم} بالفرنسي)
لمى أبتسمت وفتحت العلبه لقت عقد فضي ناااااعم فيه 3 كرستالات متلاصقه في بعض بأحجام مختلفه (أو بالأحرى كانت 3 ألماسات مو كرستالات)
لمى أبتسمت .. ماشاء الله روعه ,, ألماس ؟؟
شيماء .. أيه ألماس ياحبي له والله
لمى .. متأكده
شيماء .. وي ,, %100
لمى .. وأيش اللي يخليك متأكده كذا
شيماء .. وريته أمي وقلت لها من صديقتي وقالت لي أنه ألماس وتعرفين أمي عاد تعرف بالأمور هذي
لمى .. آآآآآآه يابختك
شيماء .. لمى ماجد يحبك بس أنتي مو معطيته وجه
لمى .. ياربيييي ترا صجيتيني يحبك ويحبك مين اللي قال لك
شيماء .. والله يحبك يالمى هو قال لي بنفسه
لمى .. ـــــــــ
شيماء .. لمى عارفه أنك مو مصدقتني بس والــ.......
قاطعتها لمى .. ولا راح أصدقك
شيماء حطت يدها على كتف لمى .. لمى أنا عارفه ليه ماراح تصديقيني
لمى لفت وجهها .. ـــــــــــــــ
شيماء .. ماتبغين تعيدين التجربه .. صح ؟؟؟
لمى .. ـــــــــ
شيماء .. لمى لو أقول لك أيش قال لي ماجد عنك وأحنا في بالطريق ماراح تصدقين
رفعت لمى عيونها الرماديه بإهتمام وكأنه تقول " أيش قال "
قالت لها شيماء على كل اللي قال لها ماجد (من طأطأ لـ سلام عليكم)
,,,,,,,,,,,,,,,,,,,,,,,,,,,,,,,,,,,,,,,,,,,
ـــــــــــــــــــــ
,,,,,,,,,,,,,,,,,,,,,,,,,,,,,,,,,,,,,,,,,,
ـــــــــــــــــــــ
,,,,,,,,,,,,,,,,,,,,,,,,,,,,,,,,,,,,,,,,,
ـــــــــــــــــــــ
الجـــــــــــــ/ 19 /ــــــــــــــزء
" ألووو " >> قالها بونااااسه
طلال بعصبيه .. فففففف نعم
ماجد .. هوو شفيك ياكافي
طلال بصوت كله نووووم .. ماجد ؟
ماجد .. أيه ماجد
طلال .. تكفى ماجد الله يخليك كلمني بكرا والله داااااااااايخ وتافل العافيه
ماجد بضيق .. هذا وأنا أقول ماعندي غير طلول حبيبي يسمع لي تقول لي كلمني بكرا
طلال .. ماجد الله يخليك والله نصي نوووم قومتني بإزعاجك
ماجد .. يلا يلا باي الشرهه مو بعليك الشرهه علي اللي أكلمك
طلال .. بـ...
طوط طوط طوط طوط ................
مسكين ماجد كان بيبشره أنه أعترف وأخيرا ً للمى أنه (يـحـبها) .. وأنها فسخت خطوبتها من خالد ,, اللي الكل يعرف سوالفه وخرابيطه ولعبه بالبنات حتى أهله عارفين هالشي بس مو قادرين عليه .. وهو أكيد ما خطب لمى ويبي يتزوجها لله .. لااا أكيد فيه شيء ولااااازم يعرفه ماجد ع شان يوقفه عند حدة ... بس ماجد ألحين خلااااااااص مادم أنفسخت خطوبة لمى أكيد ماراح ترجع لـ خويلد لأنها ماتحبـ... لحظة لحظه ياماجد ........ وأنت وش دراك أنها ماتحبه ...... لو هي ماتحبه جد كان ماوافقت عليه وهي عااارفه خرابيطه ........ المهم أنا شعلي من هذا كله ............. أهم شي عندي أن لمى أنفسخت خطوبتها ......... وماراح أخلّي قنديل أملي يغرق في بحر الظنون >>(بالله يمديكم ع التعبير) ............
............................................................ ............
............................................................ ............
............................................................ ............
كل هذا وساكت
شيماء .. وش أسوي له يقول كنت خايف من ردة فعلها
لمى مو مستوعبه .. شيماء لمّا قلتي لي كنت متوقعه أنه من أسابيع أو شهور أو بالكثير من سنه .. أبد ما توقعت أنو من 3 سنين
شيماء .. شفتي عاد .. وأنتي تراكضين ورى خالد
لمى بضيق .. شيماء أنا شقلت لك تكفين لا تجيبين سيرته قدامي
شيماء .. آسف لمو بس والله شي يقهر لمّا تحبين واحد مادرى عنك صح كلامي ولا أنا غلطانه
لمى بقل حيله .. لا ,,,,,,,,,,,,,,,, صح كلامك
/ـ/ـ/ـ/ـ/ـ/ـ/ـ/ـ/ـ/ـ/ـ/ـ/ـ/ـ/ـ/
/ـ/ـ/ـ/ـ/ـ/ـ/ـ/ـ/ـ/ـ/ـ/ـ/ـ/ـ/ـ/
/ـ/ـ/ـ/ـ/ـ/ـ/ـ/ـ/ـ/ـ/ـ/ـ/ـ/ـ/ـ/
في اليوم الثاني في بيت أم ماجد الساعه 6.30 المغرب بعد ماصلوا شيماء ولمى نزلوا تحت للصاله ...............
وهم نازلين قابلتهم أم ماجد مستغربة .. توكم قايمين ؟؟؟؟
شيماء .. وي
شهقت .. مو بصاحيات ,, متى نايمين أمس ؟
شيماء .. الساعه 10.15 الصبح ,, بس لا تخافين (وألتفتت للمى) بنت أختك هذي كل شوي تصحيني للصلاه ,, أول شي صحتني الساعه 12.45 الظهر صلينا ورجعنا نمنا وبعدين صحتني الساعه 4 العصر صلينا ورجعنا نمنا (وتبتسم) وألحين صلينا المغرب ونزلنا
أم ماجد .. الله يشفيكم (ضحكت ومشت عنهم)
ضحكوا لمى وشيماء ونزلوا للصاله وتمددوا ع الكنبات
شيماء تتثاوب .. آآآآآآه تصدقين ماشبعت نوم
لمى عدلت جلستها .. هييي أنت ياهبلا ,, قومي ألحين صدق تنامين
شيماء عطتها ضهرها .. ـــــــــــ
قامت له لمى .. قومييييييي ,, خذي لك شاور ع شان تصحصحين
شيماء .. ــــــــــــ
لمى .. أنا بطلع فوق بتروش وبنزل يااااااويلك لو شفتك نايمه
شيماء .. ــــــــــــــ
سفهتها لمى و طلعت فوق وهي تطلع سمعت صوت ,, وشكله ماجد بيطلع من غرفته .. قامت بسررررررررعه تركض ودخلت غرفه شيماء وسكرت الباب / أووووف الحمدلله مو ناقصه صدف مره ثانيه .. بس والله أنه يجنن أشتقت له ياليتني شفته ع الأقل أحسن من خالد اللي مايدري عني .. أحسنننننننن عسى عمره مادرى عني من زينه المغرور .. وأنتبهت لنفسها ... هييييي وش قاعدة تقولين أنتي ........ أشتقتي له .. للللللا أنتبهي لاتعيدين الكرّه مره ثانيه ... أنا خلاص ماراح أحب أحد ولا أبغى أحد يحبني..
.................... أبعد عن الشر وغني له ....................
أخذت من شنطتها ترنغ بناتي سماوي وأبيض (قماشه زي الجاكيتات) وملابس ومنشفتها وشاور جل و... و..... إلخ ........
ودخلت تتروش ولمّا خلصت لبست وراحت للمرايه نشفت شعرها بالمنشفه بس وحطت لوشن وتعطرت ومسكت شعرها (إلى نص ضهرها) بـ كليب أبيض على ورا ولبست شب شب بيت سماوي وطلعت ......
وهي نازله كانت متوقعه أن ماجد خلاص طلع لأن بهالوقت يكون مو موجود فـ نزلت وهي تدندن بـ...
ياخوي وينك صرت ماعاد تنشاف
زعلان ولا هذي قــطـاعـه
في غيبتك قلنا عسى مابه خلاف
حتى بصوتك باخل ٍ في سماعه
وين العداله بالمحبه والأشواق
يومك تغيب أيام وتطل ساعه
والعشره اللي مالها حد وأطياف
أتغيب في لحظة زعل أو إشاعه
أنا أعرفك طيب القلب شفاف
مخلوق من طــ..... (وصلت للصاله تحت وأبعد صوتها وصار مايسمع)
كان صوت لمى مع بحتها روووووعه وكان ماجد بغرفه أمه بيحاكيها في موضوع بس كانت تكلم فـ جلس ينتظرها وطلع من الغرفه بس كان بوسط الجناح وجالس يسمع صوتها اللي أنجن عليه ......
لمّا شاف أمه مطولّه دخل أشر لها أنه بيجي بوقت ثاني وطلع وقف عند الدرج وتنحنح ع شان تتغطى لمى .......
لمى من سمعت الصوت ماعرفت وين تروح فـ دخلت المطبخ وسكرت الباب وراها .. والخدامات يضحكون عليها ومستغربين ......
نزل ماجد وطلع للحديقه اللي بالحوش وطلع من البيت وركب سيارته ومشى .......
أما لمى طفشت من القعدة مع الخدامات .....
ألتفتت على وحده منهم وأبتسمت .. ميسي شوفي مستر ماجد موجود
طلعت الخدامه ودخلت بنفس اللحظه شيماء وهي ملتفته تبي تشوف وين بتروح الخدامه (ورجعت ألتفتت للمى وهي مبتسمه) .. طلع طلع لا تخافين
لمى طلعت من المطبخ وتبعتها شيماء .. ياربيييي فشيله
شيماء .. ههههه عادي ذاتس إيزي أصلا ً هو حافظ وجهك
لمى تقرب من شيماء .. شيماء أقول لك على شي بس ياااااويلك لو قلتي له
شيماء تحمست .. وشو
لمى .. لحظه بتأكد أول من شي
شيماء تطالعها وكأنها تقول كملي ....
لمى .. ممكن نطلع فوق
شيماء .. ليه
لمى .. أخاف أحد يسمع
شيماء .. أوكي يلا
وطلعوا فوق .. وأول مادخلوا جلست لمى ع الكنب اللي بالغرفه
شيماء .. ماعليه لمو بدخل آخذ شاور ع شان أصحصح وبجي
لمى .. أوكي بسرعه
دخلت شيماء للحمام بعد ما أخذت منشفتها وروبها ............
ملت لمى من جلستها لحالها ألتفتت وشافت البلكونه وحبت تطلع تشم هوا راحت لها وفتحت أول شي الباب الخشبي وصار بس باقي الباب القزاز فتحته وطلعت برا وسكرت نور البلكونه لأن لو فتحته راح يشوفونها اللي برا .............
جلست على واحد من الكراسي اللي حول الطاوله الدائريه .. ومع الجو الأكثر من رائع لأنه بدايه الشتاء .. تمنت لو ينزل مطر ويبلل شعرها بس وين المطر هي ووين المطر لساع ماجاء وقته .. وبما أنها تمووووت بالشعر وكتابة الشعر .. جاء في بالها كلمات حلوة وحبت تكتبها وراحت دخلت بسرعة تجيب لها دفتر ع شان ماتنساها ... أخذت شنطتها ودورت ومالقت دفتر أخذت بس قلم وراحت تسأل شيماء .. طقت عليها الباب ..
شيماء وهي تفتح المويه .. أصبري ما أمداني أدخل
لمى تكلم شيماء من ورا الباب .. لا لا طولي ماعلي منك بس أبغى دفتر
شيماء .. دفتر أيش ؟!؟!!؟!؟
لمى .. أي دفتر بسرعه
شيماء .. شوفي بدرج الشوفنيرة الثاني
راحت لمى بسرعه وفتحته .. وشافت دفاتر أشكال وألوان .. عجبها دفتر كبير لونه سكري وفيه وردات كأنها مرسومه (رسم أطفال) لونها أورنج وأحمر وفوشي .. حطته ع الأرض وفتحت أول صفحة .. وتفاجأت لأنه ماكان دفتر كان ألبوم صور كبيييييير .. شافت أول صورة لـ شيماء مع أختها غادة وهذي الصورة كانت بيوم زواج أختها وبما أن التصوير (تصوير أستيديو أضواء) كان شكلهم رووووعه مع الخلفيه السوداء .. عجبتها لمى الصورة وكان ودها تتفرج عليه كله بس سكرته ورجعته مكانه ع شان تنتظر شيماء تطلع وتستأذن منها وأخذت لها دفتر ثاني (مو ألبوم) وطلعت للبلكونه .... وبدت تكتب كلمات وتحذف بعضها وتكتب وتحذف وعلى هالحال إلى ماطلع معها هذي الكلمات ........
من كل قلبي قلتها اليوم ما ابيك ...
ويشهد على ماقلت دمع بكيته ..
ليت الليالي ماتجيني بطاريك ..
ودي بنسيانك ولو ماقويته ..
وليت الحنين أللي بعيني يراعيك ..
يموت .. وأنسى اللي لنفسي جنيته ..
كلمتني وتقول: " قلبي يناديك " ..
يشفق على شوقك وحبك رجيته ..
قلت : الله أقوى قلبي اليوم ساليك ..
والله مايرجع فؤاد رميته ..
يوم أن قلبي ياعشيري مصافيك ..
لا ياحسايف بالخيانه جزيته ..
أمشي لك بـ(( نية سليمة )) وأداريك ..
وأثرك بـ(( نية شر )) قلبي نويته ..
مابيننا رجوى ولاني بـ راجيك ..
هدمت قصر في غرامك بنيته ..
قلبي عقب موت الوفاء جاء يعزيك ..
ويغسل بدمع العين حب نسيته ..
ويكفنه بـ(( الورد وعهود ماضيك )) ..
ويدفن معه " ذكرى " حبيب كويته ..
تنهدت بعد ماخلصت منه وتعلقت دموعها على رموشها وتنبهت وبسرعه مسحت دموعها ماتبغى تنزل أي دمعه لـ خــالــد هو صحيح مايستاهل ......
طلعت شيماء من الحمام ولبست لها ترنغ رياضي بناتي ولفت المنشفه فوق راسها وتعطرت وطلعت للبلكونه لعند لمى ....
شيماء وكأنها تنادي بسه .. بس بس بس بس
ألتفتت لها بعصبيه .. خير وش شايفتني بسه
شيماء تضحك على شكل لمى وهي معصبه .. ههههههههههههههاي هدي هدي شوي ريلااااااكس
صدت عنها لمى (يقال لها معصبه)
شيماء .. أقول تزعلين ولا ماتزعلين ماعلي منك أدخلي بس الجو برررررد (ودخلت للغرفه)
أخذت لمى الدفتر والقلم ودخلت جوا وسكرت وراها باب البلكونه
شيماء كانت تنشف شعرها بالمنشفه وواقفه قبال المرايه .. جلست لمى على السرير وهي تقلب في الدفتر
شيماء .. لمى
لمى .. نعم
ألتفتت شيماء .. شاللي كنتي بتقولي لي أياه قبل شوي تحت ؟؟
لمى توهقت مو عارفه وش تقول قامت صرفت الموضوع .. فيصل
شيماء من سمعت أسمه نست كل اللي حولها وحمرررر وجهها وقامت ترفع شعرها بـ كليب يقال الموضوع مو هامها .....
وبلا مبالاه .. وش فيه فيصل ؟!!!!!!!
لمى أبتسمت .. لا بس حبيت أقول لك أني تأكدت أنه يحبك
شيماء ودها تطحنها .. ويعني ؟؟؟ أيش الجديد ؟؟
لمى .. لا بس بطمنك
شيماء عصبت .. تطمنيني على أييييش ؟؟؟؟
لمى راحت فيها .. هااااه ...... أيه بس ..... ع شان ماتشكين فيه يعني (وش دخّل) ..... (وغيرت الموضوع) .. أقول شيووم .
شيماء ترتب فراشها .. هممممم
لمى .. تو وأنا آخذ الدفتر من درجك شفت ألبوم صور .. ممكن أتفرج عليه ؟؟
شيماء .. أيه عادي وش دعوى
قامت لمى بسرررعه للدرج وأخذت الألبوم وجلست ع الكنب .. فتحت أول صفحه (أللي هي غادة مع شيماء) وقلبت الصفحه بسرعه لأنها قبل شوي شافتها .. لمّا قلبت الصفحه شافت صورة غادة مع شيماء وأم ماجد وماجد والصغير سامي ... جلست تتأملها شوي وبعدين قلبت الصفحه على صورة ماجد مع أخته شيماء وكانت الوقفه في الصورة خطييييره وبدت تقلب في الصفحات وكل مرة تهتم في صور ماجد وشكله بالثوب الأبيض والغترة البيضاء وطوله وأبتسامته ونظراته ....... كل شي فيه حلووو... ورجعت تقلب في الصفحات ووقفت عند صفحه وفجأه شهقت وهي تشوف صورتها ..
وألتفتت لشيماء اللي عند التسريحه بسرعه .. شيماء من وين هذي ؟؟
شيماء وهي تحط لوشن على يدينها .. أيش (وتلتفت لناحية لمى) .. آآآآه هذي صورتك
لمى .. عارفه أنو صورتي .. يعني ما أعرف شكلي ..؟؟!!!!!!
شيماء .. هووو شفيك أقلبي اللي بعدها فيه صور لـ شدا وريما وهناء وهاجر الكل مصور .. ماتذكرين
لمى .. إلا أذكر بس مادريت أنها عندك
شيماء بنظرة شك .. أفاااا مو واثقه فيني تراني بنت خالتك ..
لمى عصبت .. ياهبلا مو قصدي بس أنا من زمان أدورها ع بالي عند امي
شيماء تبتسم .. عادي إذا تبغينها خذيها
لمى جلست تتأمل في شيماء وهي بصراحه مو معاها كانت تفكر هي ليه بغت الصور .. وأخيرا ً ذكرت أن خالد يبغاها وعلى طول نطقت .. لا لا خلاص ما أبغاها
شيماء أستغربت وسكتت وراحت تتفرج معاها ع الصور ولمّا وصلت لمى لآخر صفحتين شافت كللللل الصور اللي تو شافتها بس صغيرات وعجبتها 3 صور وألتفتت لـ شيماء
لمى مبتسمه .. شيوم ممكن آخذ منهم ؟؟
شيماء بادلتها الأبتسامه .. أفكووورس ,, (وسحبت الألبوم منها) .. أي وحده تبغين
لمى تأشر على صورتها .. هذي ,, (وتأشر على صوره ثانيه جماعيه فيها غادة و شيماء و هناء وريما وشدا وريم مع بناتها التوأم شهد ورند و لمى وأختها الصغيره ليان) .. وهذي (وتطالع صورة لـ ماجد وكان ودها تقول لها وهذي بعد بس أستحت وبلعت لسانها)
شيماء بعد ماطلعت لها الصور اللي أختارتهم لمى ألتفتت لها مبتسمه .. تبغين غيرهم ؟؟
لمى قالت خلاص مايحتاج أفشل نفسي وردت .. لا مشكوره
وسكرت شيماء الألبوم وتوها بتقوم توديه إلا وتناديها لمى .. لحظة شيماء
شيماء .. نعم
لمى عفست وجهها مع أبتسامه مثل الأطفال .. ممكن بعد وحده
رجعت جلست شيماء ومدت لها الألبوم .. أي وحده
فتحت لمى ع الصفحه وبعد تردد أشرت على صورة ماجد .. هذي (وألتفتت بسرعة تبي تشوف ردة فعل شيماء)
أبتسمت شيماء أبتسامه غريبه وطلعت لها الصورة ومدت لها إياها .. تبغين غيرها ولا خلاص
لمى ووجهها محمممممممممر .. لا مشكورة هذولي تكفي
قامت شيماء تدخل الألبوم في الدرج وسمعت أمها تناديها فـ طلعت من الغرفه وتركت لمى .....
ولمى على طول جلست تتأمل الصورة (صورة ماجد) .. ياااملللللحك ياناس تجنن
وحطت صورتها بجنب صورة ماجد .. ويالله وش قد كانوا لا يقين على بعض .. لمى بالصورة كانت مسويه ميك آب لبناني ولكم أن تتخيلو كيف كان شكلها أكثر من رائع مع فستانها البينك كان شكله مررره كيوت وناعم لأنه حرير ساده وفيه كرستاله صغييييره على شكل فراشه عنابيه على أسفل كتفها اليسار لأنه بدون سيور وقصته سمكه يعني قصير من قدام وطويل (ذيل) من ورا وصندلها من (فنسي) .. وطبعا ً أنتو عارفين صنادلهم كيف حلوه وناعمه .. لونه بينك وفيه نفس الفراشه العنابيه ..
(بيني وبينكم) ....
راح أقول لكم كيف حصلت صندل فيه نفس الفراشه اللي بالفستان .؟؟
شافت الصندل بالمحل وأعجبها لأنه نفس درجة الفستان فـ شرت من الصندل 2 واحد مقاسها (ع شان تلبسه) والثاني (شالت الفراشات اللي فيه وحدة ثبتتها بالفستان والثانيه على شعرها)
وشعرها بعد كان في قمة الروووووعه مثل ماقلت لكم قاصه فراوله وبما أن شعرها لونه بني فاتح شوي ولامع كان شكله مره حلو مع البف الناعمه أللي مسويتها .. كانت مسويه نص شعرها بف وباقي الشعر الطبقه الأخيرة ناثرته شي على ورى وشي على الجنب يمين ويسار وكان طوله متوسط تقريبا ً إلى نص ضهرها .. والفراشه ثبتتها على جنب ........
رجعت شيماء للغرفة وفتحت الباب وهي تووو متشنكحة (يعني مرة مبسوطة)
أستغربت منها لمى .. شعندك ؟؟
شيماء راحت بسرعه لعند لمى وهي مبتسمه .. بكرا .... بــ (ن ر و ح) لــ..... فيصل
لمى تقلدها وتبتسم .. و .. م ي ن .. ق ا ل .. ل ك
شيماء .. مامتيييييييي
لمى .. هههههههه وأنا أقول شفي البنت مولع وجهها
شيماء .. أيه تو قالت لي بكرا الساعه 8 كلنا بنروح حتى أنتو
لمى .. والله !!
شيماء .. أيه أصلا ً تو أتصلت على خالتي هند (أم لمى) وأتفقوا أن أمي وأمك ومرة خالي أبو فهد الله يرحمه وخالي عبد العزيز وخالي نواف
لمى أستغربت .. خالي نواااف ؟!؟!؟!
أبتسمت شيماء .. أيه أنتي مادريتي أنه وصل ؟
لمى .. لا متى ؟
شيماء .. ما أدري يمكن الأسبوع اللي راح
لمى .. ياحلييييله والله أني مشتاقه له
شيماء .. أيه والله حتى أنا ........... (وتذكرت شيء) ..... ألا أقول لمى
لمى .. هلا
شيماء .. ودي أعطي فيصل هديه شرايك
لمى بإبتسامه .. هديه ,, خووووش فكره
شيماء .. طيب شتتوقعين يناسب له
لمى .. أمممممم ساعه
شيماء .. لااااا كل الناس تعطي ساعه وعطر وقلم .. أبي شي جديد
لمى لمحت فكره مررررت من عيونها .. عرفت
شيماء تحمست .. أييييش ؟؟
لمى .. بقول بس لا تضحكين
شيماء .. عادي قولي ماراح أضحك
لمى .. مصحف
شيماء .. وجععع المصحف يضحك ع شان تقولين لا تضحكين
لمى .. يعني عجبتك الفكرة ؟؟
شيماء .. أنا كان ودي بشي غريب بس حتى ولو مافيه أحلى من كلام ربي ..
لمى .. شااااااطرة يلا أجل روحي أشتري له جديد وحلو أنا شايفه بـ مكتبة بلنسيه أشكال حلوه شرايك
شيماء .. بس مكتبة بلنسيه بعيييدة
لمى .. عادي روحي بكرا
شيماء .. بس المستشفى بطريق والمكتبه بطريق ثاني
لمى .. أمممم هو بأي مستشفى ؟؟؟؟؟
شيماء .. مستشفى الـ......
لمى .. أهاااا مره بعيد
شيماء .. مالي دخل أنا حطيت الفكره براسي لو أجيب من مكتبه ثانيه
وعم الهدووووء لحظاااات
شيماء .. لمووو
لمى .. يس
شيماء وبعد تردد .. شبتسوين مع خالد
لمى أول ماسمعت أسمه ضااااااق خلقها .. بخصوص أيش
شيماء .. الخطبه بعد أيش ؟؟
لمى بضيق .. بفركشها
شيماء .. يعني ملزمه ؟؟
لمى .. أيه شتبيني أسوي والله تعبت معاه أصلا ً من أول وأنا حاسه أنه مايحبني بس كنت غبيه لمّا وافقت
شيماء .. طيب كيف بتقولين لأهلك
لمى .. والله ماأدري هذا اللي خايفة منه
شيماء .. ـــــــــــــــــــــــــــــ
لمى .. ـــــــــــــــــــــــــــــــ
شيماء .. لمى
لمى .. هممممممم
شيماء .. أنتي للحين تحبينه ؟؟؟؟؟؟؟؟؟؟؟؟؟؟؟؟؟
رفعت لمى عيونها بعصبيه .. نعمممم ... أنتي كم مرة سألتيني هالسؤال ؟؟
شيماء .. ــــــــــــــــــــــــــــ
لمى وخانقتها العبرة .. أكذب عليك أذا قلت لك أحبه .. والله العظيم كنت أحبه أحبه من كل قلبي وكنت دائما ً أفكر فيه وأحاول أرضيه .. بس ألحين ما قـ......... (نزلت دموعها وبدت تبكي بشكل يحزن)
شيماء تواسيها .. لمى أنا ماقلت لك هالكلام ع شان أضيق صدرك والله أني حاسه فيك بس أبغاك تقنعين نفسك أنك خلاااااص ماتبغينه ولا تبغين ترتبطين بواحد مثله
لمى وهي تبكي .. والله أكرههههههه ولا أبيه بس مو عارفه كيف أبعد عنه وأكنسل الخطبه
شيماء .. أفضحيه قولي لهم عاللي شفتيه
لمى .. والله مايهمني ولاني بـ خايفه منه بس أنا خايفه ع مها مسكينه ما أبغاها تتعلق بوهم مثلي
جلست شيماء تفكر في كلام لمى / يالله يالمى وش قد قلبك كبير معقوله وحده مثل هذي تسترين عليها ..؟؟؟ هذي سرقت منك خـــــــالـــــــــــد اللي حبيتيه طول عمرك وتمنيتي هاليوم اللي تجتمعون فيه ومع كذا تسترين عليها!!!!!!!!!!!!!!!!!!...
شيماء .. طيب قولي لخالي نواف ما دامه عارف السالفه يمكن يلقى حل
لمى .. لا ياشيماء والله فشله كل يوم أرز وجهي بسبت خالد كيفه أنا بتصرف بنفسي أحسن
شيماء .. براحتك
01-05-10, 07:57 AM
جديد مواضيع قسم القصص المكتمله
العرض العادي
