كاتب الموضوع :
dali2000
المنتدى :
القصص المكتمله
الجــــــــزء الســــآبع والثلآثون..
بالغرفه الخارجيه..
اريام ومدى وجانيت جالسات على الارض ويلعبون مع وداد وبدر..
اريام : يا حلاة الصغار في البيت يعطون جو...
مدى: بصراحه الاطفال احلى شي في الحياة..اذا شفتيهم شفتي الفرح..
جات ابتهال من غرفة النوم: لو سمحتوا ممكن شوي تقصرون اصواتكم اكلم انا..
جانيت: ابتهال تعي معانا..
بدر: ايوه ابتهال تعالي..
وداد: لا مانبي ابتهال تخرع..
مدى: هههههههه "وضمت وداد" لا في هذي معاك حق ابتهال وحشه ..
وفجأه انفتح الباب بقوه..
الكل لف على جهة الباب..
ومدى اللي لفت ولف شعرها معاها ودق قلبها من الخوف..
شافوا وجهه احمر مولع...ويتنفس بسرعه كبيره كأنه ثور هايج..والشماغ راجع على ورى..
ضاري اللي اقتحم الغرفه..وشاف وجيه الكل مرعوبه..وخصوصا الصغار..
وداد تمسكت في مدى..
اريام منصدمه من اخوها كيف يدخل كذا..بدون احم ولا دستور..
ابتهال وجانيت واقفين جنب بعض والخوف ملآ وجيهم..
ضاري اتجه بسرعه لناحية مدى ومسكها من ذراعها وسحبها..
مدى ماتت من الخوف...
: خير..انت وش فيك؟!!
ضاري لف عليها وعيونه حمراء من العصبيه: تعالي معاي وانتي ساكته..
وسحبها لبرا في الحديقه ..وسندها بقوه على الجدار..
وبصيغة تهديد: لا تظنيني غبي...وما ادري عن حركاتك..لكن شوفيني واقولك..ما راح تاخذينه لو على جثتي..
مدى عقدت حواجبها مو فاهمه: انت ايش قاعد تقول؟؟
ضاري: لا يا عمري عليك مره بريئه..بجد الكل هنا منخدع فيك..ومفكرك الملاك المقدس..
مدى عصبت : انت..اصحى على نفسك..واعرف من تكلم ولا تتجاوز حدودك..
ضاري وصوته كل شوي يعلى : شوف من يتكلم عن الحدود..اللي ما احترمت ولا أي احد..ولا حتى اهل البيت اللي احتواها...
مدى: انا محد احتواني..والبيت اللي تتكلم عنه هذا بيت جدي وبعدين انت وش تخربط..واي حدود اللي تتكلم عنها..
ضاري مسكها من ذراعها وضغط عليه: اقصد حبيب القلب اللي جبتيه هنا وبكل وقاحه..
مدى فهمت عصبية ضاري الحين..حبت تعانده رفعت حاجبها وببرود: قصدك ياسر !!طيب انا جبته باخذه على سنة الله ورسوله..وبعد ايدك عني ألمتني..
ضاري ولع...واعطاها كف: انتي اللي مثلك..ما تحط عينها بعيني وتنزل راسها..
مدى انصدمت من الكف اللي خلاها تلف بقوه وشعرها كله جاء لجهه وحده...قعدت ثواني تستوعب الحركه ورفعت راسها بهدوء وهي تبعد شعرها عن وجهها...وبنظره كلها تحدي..
: هذي اختك تزوجت حبيبها ما قلت شي واتوقع انت اللي زوجتها..
ضاري صدمه الرد وارتبك: اريام اختي وضعها غير..
مدى والدموع بدت تملي عيونها: ليش غير..هي شافته بمستشفى وانا شفت ياسر بالشركه ..وانا وهي وضعنا واحد وانا موافقه عليه..والكلام مو معاك..مع عمي ولي امري..
ضاري قرب وجه من وجهها لدرجه ان انفاسه الحاره والسريعه تحس فيها : لو فكرتي...لو فكرتي بس يا مدى انك توافقي عليه..صدقيني راح تخسري اشياء كثيره..ابوك واخوك ..وحتى حلالكم..وراح تحرمين اخوانك من عيشه هنيه من بعد العذاب..انتي فكري فيها ..وقرري..ولك مهله يوم واحد بس..وراح تشوفي ردة فعلي يا مدى سريعه..وخذي كل كلمه قلتها لك بمحمل الجد..
مدى عصبت وانقهرت منه وبكت..ودفته عنها...ومشت كم خطوه ولفت عليه وعينها تلمع من الدموع : واذا مديت ايدك علي مره ثانيه صدقني بتندم "وراحت"
ضاري سند نفسه على نفس مكان مدى ومسك راسه وطاح بالارض...ونزل شماغه من على راسها ورماه جنبه ..رجوله ما عاد تقدر تشيله..
مدى بسرعه اتجهت غرفتها..
شافت عيون ابتهال خايفه..واخوانها الصغار مع جانيت اللي تترقب كلمه وحده من مدى توضح لهم أي شي عن اللي صار..
مدى صرخت: بسرعه كلكم برى....بــــــــــــرى..
وفعلا تسارعت خطواتهم وطلعوا برى..
مدى رمت نفسها على الكنب وبكت وهي حاطه يدها على خدها من الالم...ظلم..وذل..واحتقار..عمرها ما شافت مثله..ضمت رجولها لصدرها وقعدت تبكي من قلب..
>>>>>>>>>>>>>>>>>>>>>>>>>>>>>>>>>>>>>>>
اريام اللي كانت واقفه قريب من الموقف والصدمه كان شعورها...وراحت عند ضاري..
: انت مجنون...لا مجنون رسمي...انا ما كنت اصدق فيك بس الحين صدقت..انت شخص اناني..
ضاري ما رفع راسه عليها ولا كلمها..
اريام قربت عنده اكثر: ضاري...ليش سويت بمدى كذا!! وانت وكلنا نعرف مدى واخلاقها..واذا جابت ياسر يخطبها..ماسوت شي غلط..
ضاري وقف وقرب من اريام بهدوء: احبها..تعرفين شنو يعني احبها..
اريام انصدمت..وكان جبل طاح على راسها..مومعقول ضاري يحب مدى !!
ضاري شاف عيون اريام اللي كلها دهشه..وعلامات التعجب ملت وجهها..
:صدقي ..صدقي يا اريام..انا ضعيف قدامها..ما اقدر اتخيلها لغيري..ضعيف لدرجه ان ما اقدر افرض عليها شي الا بالطريقه هذي..ضعيف ما اقدر احط عيني بعينها..وضعيف قدام عيونها وجمالها وسحرها...احبهآآآآآ
اريام سكتت..ما كان في كلام ممكن ترد فيه ..كل الحروف ضاعت وهي وتشوف ضاري لاول مره بالضعف هذا ..لهدرجه يحبها؟
ضاري ترك اريام وراح وهو يحاول يثبت خطواته لحد ما يوصل لسيارته..
>>>>>>>>>>>>>>>>>>>>>>>>>>>>>>>>>>>>>>
حمد اللي كان بيلحق ضاري..بس فجأه ارتفع عليه السكر وطاح وما عاد قدر يلحق على شي...
ابتهال كانت داخل جوا القصر..وميته من الخوف على اختها وتنتظر احد يدخل ويطمنها..
وشافت اريام داخله ووجهها متغير لونه..وراحت لها بسرعه..
: اريام ايش صار..وايش فيها مدى..؟؟
اريام: ما فيها شي..
ابتهال بتبكي: كيف ما فيها شي وكانت تبكي..ووجه ضاري ما كان يدل على خير..
اريام احتارت ايش تقول لها: طيب خليه بعدين..نتفاهم كلنا مع مدى..
ابتهال: وانا ايش يصبرني..!!
اريام حطت ايدها على كتف ابتهال ولا قالت ولا كلمه ..وراحت لمجلس الرجال..
وشافت ابوها جالس على الكنب ووضعه مو طبيعي..وراحت له بسرعه
: يبه..يبه فيك شي..؟؟
حمد: الابره يا اريام بسرعه..
اريام بسرعه جابت الابره ومعاها النيرس اللي دايم تهتم بصحته...
وبتعب: ضاري ايش سوى !!
اريام وهي تتذكر وجه ضاري قبل دقايق: ما سوى شي...
حمد: قولي يا اريام...
اريام سكتت شوي ...بعدين ردت: ما كنت حاظره معاهم..وهو جاء واخذها وكلمها بعيد عنا..
حمد: الله يهديه هالولد....الله يهديه...
&&&&&&&&&&&&&&&&&&&&&&&&&&&&&&&&&&
بسيارة ضاري...
تاهت الدروب..ما عاد في فضى ياسع تناهيده.وين يروح ووين ممكن يلاقي مكان يرتاح فيه..
وبسرعه قررر وحصل نفسه بالسجن..وقدامه سلطان..وصار لهم 5 دقايق وهو ساكت..
سلطان مستغرب مره من ضاري اولا وجهه شكله مو مريح..ثانيا واضح ان فيه شي وخطير كمان
: ضاري...وش اللي صاير؟؟
ضاري طالع سلطان كثييير..وبعدها تكلم: سلطان انا بأخطب اختك مدى..
سلطان انصدم من القرار السريع هذا..ووقته الغريب..والي اربك سلطان..
: والله يا ضاري..هذي الساعه المباركه..وانت رجال ما ينرد..
ضاري: ادري لا الوقت ولا المكان مناسب...بس انا ابي موافقتك..
سلطان: انا عن نفسي موافق..بس باقي لي كم يوم واطلع..ونتفاهم..
ضاري وقف: ا ن شا الله...عن اذنك...في امان الله "وطلع"
سلطان وهو يشوف ضاري طالع من عنده...عرف ان في سالفه كبيره وصايره وهو بعيد عن خواته..بيموت من الخوف عليهم..والحسره اكلت قلبه يتمنى يطلع بأسرررع وقت..
"وش اللي صار يا ضاري لاخواتي..وش اللي صار؟؟"
&&&&&&&&&&&&&&&&&&&&&&&&&&&&&&&&&&
في القصر وبغرفة دانا..
: فجأه كذا دخل علينا وسحب مدى..ونسمع اصواتهم وصراخ..بس ما فهمت شي..ورجعت لنا مدى تبكي..
دانا وهي تحاول تهدي ابتهال: ابتهال اهدي يا قلبي..ان شا الله خير..
ابتهال: بس ابي احد يطمني..
دانا: كل شي راج نعرفه لا تخافين..ضاري مستحيل يضركم..
ابتهال سكتت..مع الافكار اللي تاخذها وتجيبها..
&&&&&&&&&&&&&&&&&&&&&&&&&&&&&&&
على آخر الليل..
محد تجرأ يدخل على مدى من بهد ما طردتهم..واريام ما قدرت تقابل مدى بعد كلام ضاري..وهو قاعد يعاملها بطريقه محد ممكن يرضاها كل شي ولا يبتزها ويهددها..
مدى حالتها لله..ما عاد تدري وش تسوي المقارنه واضحه مثل الشمس..يا تكسب كل شي ويا تخسر كل شي..
سمعت ضرب الباب...
: مابي اشوف احد..
انفتح الباب بهدوء...ما حاولت تشوف مين هو..كانت جالسه على الكنب بطريقه مايله والباب وراها..وسانده راسه بتعب وضامه رجولها..والدموع ما جفت..صارت تنزل بدون استأذان..
حست ان اللي دخل قرب منها...وجلس وراها وكان هااااااااادي لدرجه فضيعه..مو هدوء ابتهال..جاء في بالها اريام..
: اريام رجاء لا تسألين عن اللي صار..
رد عليها: انا مو اريام..
سمعت الصوت وانتفظت في مكانها وتقززت منه وكأنه شي مقرف..ولفت عليه بقوه..
: انت !!!....انت شنو...ما تحس ..ما ترحم ..انا متأكده انك مو بشر بعد كل اللي سويته جاي عندي !!
ضاري اللي شاف دموعها تنزل..واكيد انها كانت تبكي من اول ما طلع..تمنى امنيه..انه يقرب منها ويمسح دمعتها ويحط راسها على صدره..ويقول احبك..بس الواقع شي والاماني شي ثاني..
: رحت لسلطان..
مدى سكتت منصدمه..اول شي هدوئه الغريب..ثاني شي كانت تهزئه ولا رد ..ثالث شي ايش جاب طاري سلطان..
عقدت حواجبها دليل انها ما فهمت..
ضاري وهو يطالعها..على نفس الكنبه جالسين..وهي بدون حجاب..وكأن كل الحواجز اللي بينهم انهدت..فكر يغير الموضوع ..ويقول لها موضوع ثاني...بس ردها غير رايه..
: شنو رحت تقوله عن ياسر !!
ضاري مع سيرة ياسر ..حس انه محتاج لسيقاره..صار يدورها بجيوبه..ما حصل علبة السقاير..بس حصل وحده طلعها وولعها..
وببرود وعينه بعينها: طبعا لا..
مدى وصلت معاها..يدخن عندها: اقول اطلع برى...
ضاري رفع حاجب: ايش؟؟..كأني ما سمعت اوكي..راح امشيها لك..انا رحت لسلطان اخطبك منه..وسلطان وافق..
مدى حست ان كف ضاري الاول رجع لها..وتغير لون وجهها ..
ضاري لاحظ صدمتها القويه: موافقتك علي معناتها طلعة سلطان بعد ايام بس..لكن رفضك انتظري سلطان بعد يمكن "حط رجل على رجل وهو ياخذ نفس من سيقارته" سنه او سنتين "ولف عليها" او حتى يمكن ثلاث..
مدى: انت شخص حقير ..وواطي ..ونذل..ولو انك رجال بمعنى الكلمه ما تهدد حرمه...ولو انك شهم وراعي نخوه..كان قلت ولد عمي ما ارضى عليه يكون بالسجن..بس انت شخص منحط..اطلع برى غرفتي..
ضاري وقف..
: بكره راح ارجع لك الصباح ..بعد الفطور اخذ رايك عشان اكمل اجرأت سلطان..
مدى غمضت عيونها وحطت ايدها على اذنها : اقول برى..بـــــــرى..
ضاري طلع وهو من برى حال ومن داخله حال ثاني..دخل الصاله وحصل موضي جالسه..
موضي: ضاري..ابوك يبيك واكيد مسوي بلوه ثانيه لان ابوك تعبان..يارب متى نرتاح منك ومن مشاكلك..
ضاري وهو معصب ابد مو ناقصها: صدقيني ما راح ترتاحين مني لما انا اطلع روحك من عيونك..
موضي انقهرت: غلطان يا ولد السوريه...انا اللي ما راح اسكت لك من اليوم وطالع..
ضاري وقف عندها ببرود: انا نفسي اعرف..ما تملين وانتي حاطه راسك براسي ..ما بعد فهمتي ..اني اكبر منك بكثير ولو بغيت انهيك انهيتك الليله..
موضي: انت عديم التربيه..حاولت اخليك مثل عيالي بس طلعت مو كفو..
ضاري: واضح انك تعبتي علي..اقول اقعدي في مكانك واستريحي..ترى بجد ماني رايق لك..
"وراح لغرفة ابوه"
دخل عليه حصله منسدح على السرير واريام جنبه..
: السلام عليكم..
اريام شافت وجهه يمكن هدا شوي...بس باقي معصب..
حمد: اريام اطلعي بكلم اخوك..
ضاري جلس: لا خلها جالسه..هي عارفه كل شي..
حمد طالع اريام..
اريام صدت عن ابوها لانها كذبت عليه..
حمد: ايش قلت لبنت عمك..
ضاري: فهمتها ان ياسر ما يصلح لها..وترى يبه رحت لسلطان وخطبت مدى منه وهو موافق..
اريام مصدومه: مدى ما همك رايها؟؟
ضاري: الا...راح توافق ا نشا الله..
اريام ما عاد قدرت تفهم اخوها..قاعد على يضغط على البنت ويلعب لعبه وسخه وما استوعب نفسه..
: ضاري انت مستوعب ايش قاعد تسوي؟؟
حمد: ضاري..بنت اخوي امانه عندي..مابي شي يضرها..
ضاري: ما راح اضرها..انا اعرف مصلحتها..
اريام: مصلحتك انت بس !!
ضاري تنهد: اريام رجاء اطلعي منها..
اريام: لا ما راح اطلع منها..ليش تحط مدى في الموقف هذا؟؟
حمد حس ان في شي اكبر من ان ضاري كلم اخوها..
ضاري: وبعدين امعاك يا اريام..هذي حياتي وانا حر فيها..واعرف كيف امشيها صح..وصدقيني كل شي راح يتغير ومثل ما قلت لك اليوم عن مشاعري..انا ماني قاعد العب..
حمد: اذا انت تحبها..حطها بعيونك..وانتبه لرضاها..
ضاري: يبه هذي امانه عندي...واذا صارت زوجتي اعرف كيف اصونها..
اريام وقفت وعطت ضاري نظره وطلعت لمدى..
ضاري: عن اذنك يبه..وتصبح على خير..
حمد: وانت من اهله..
ضاري طلع من غرفة ابوه متجه لغرفته..الا ابتهال طلعت بوجهه..وراحت له بسرعه وبلهفه..
: ضاري...بليز قولي ايش صار بينك وبين مدى؟؟
ضاري وهو يحاول يبتسم: انا خطبت اختك مدى من اخوك ضاري سلطان وان شا الله خير..
ابتهال طالعته بشك: بس كذا !!
ضاري وهو يطالع بعيد: بس كذا.."وراح وتركها"
دانا اللي كانت واقفه عند الباب وسمعت ضاري..وانصدمت "ضاري بيتزوج مدى !!"
شافت ابتهال نزلت بسرعه لمدى..وهي راحت لعند لانا..
&&&&&&&&&&&&&&&&&&&&&&&&&&&&&&&&&&
في الغرفه الخارجيه..
اريام: لا تقبلين اذا كنتي ماتبين...مستحيل يجبرك..وانا أوقف معاك..
مدى كانت ساكته طول الوقت وتهز جسمها ..الدنيا تسكرت بوجهها ومصيرها تكون تحت سلطة ضاري..اللي لا رحمها ولا رحم دموعها ولا حاول يشفق عليها لو شوي بس..
اريام: حبيبتي مدى..بليز ردي علي..والله اخوي ما راح يسوي شي..
مدى: اخوك هذا ذبحني..دفني بالحياة..
اريام: مدى اخوي مو سئ..بس والله ما ادري ايش فيه..صاير هايج واناني وغريب..والله غريب حتى علي..
مدى طالعتها: كنت مستعده اعيش طول العمر في فقر ولا يجي اليوم اللي يذلني بالشكل هذا..عمري ما تخيلت اني بشوف الظلم بعيوني..ابوك وامك ظلموا اهلي اول..والحين جاء دوري..
اريام حزنت بجد بنات عمها ما سلموا منهم ابد: هدي نفسك يا مدى..وقلت لك...اذا ما تبينه ارفضيه وابوي معاك..
مدى: انتي ما تعرفين اخوك..اخوك هذا مستعد يدمر الدنيا كلها عشان يكسر لي راسي..
اريام: مدى ...بصراحه ..ضاري اليوم قالي انه ...
وفجأه دخلت ابتهال وهي تبكي...وعلى طول حضنت مدى..
: مدى تكفين لا تبكين..
مدى حضنتها: لا تخافين يا قلبي...ما تعرفين اختك قويه..
ابتهال: انا عرفت السالفه من ضاري..هو طيب وحبوب بس اذا ما تبينه عادي...ما راح يقول شي..
مدى عرفت انه اعطى مدى بس اهم شي بالسالفه وما اعطاها الحقيقه اللي راح تصدمها فيه..
مدى بعدت ابتهال عن حضنها ومسكت وجهها ومسحت دموعها: سلطان بيرجع بعد كم يوم..
ابتهال اتسعت ابتسامتها: جد...مين قال لك..؟؟
مدى طالعت اريام: اخوها...
اريام عورها قلبها..حتى اسمه ما قدرت تقوله..وطلعت من عندهم وهي تفكر في حالهم..ليش الزمن ضدهم...وحتى اخوها ضدهم..ليش ما هم قادرين يلاقون الفرح ويفرحون..
&&&&&&&&&&&&&&&&&&&&&&&&&&&&&&&&&&
في غرفة لانا...
: انتي متأكده..!!
دانا: ايوه متأكده..
لانا : لالا ..مستحيل ..كيف هو عرف عنها ..
دانا استغربت: عن ايش ؟؟!!
لانا: ولا شي..بس ضاري لي شيبي مدى..!
دانا: اكيد يحبها والله وناسه...
لانا عصبت: أي وناسه انتي الثانيه..قديمه حركات بنت الفقر سوت اللي براسها لحد ما طيحت اخوي..
دانا: ما اتوقع..لانه اليوم كان معصب وأخذ مدى يكلمها ورجعها تبكي منهاره..
لانا: تبكي ومنهاره...ليش؟؟
دانا رفعت اكتافها: علمي علمك..حتى ابتهال ما تعرف...
لانا افكارها توديها وتجيبها وما رست على بر...
: والله في هالقصر تصير اشياء ما ندري عنها..
دانا: أي شي خافي اليوم..بكره راح يصير مفضوح..
لانا بحسره: والله يا ريماس بتموتين..
دانا: الا تعالي تتوقعين بتوافق؟؟
دانا بقهر: ليه تقدر ترفض..بس قهر كان اخذ مأثر على الاقل !!
&&&&&&&&&&&&&&&&&&&&&&&&&&&&&&&
النوم مستحيل يلامس جفونها..ومن وين يجيها النوم وقدامها حياة جديده كلها غموض واولها ألم..
ايش الحياة مع ضاري !!..كيف ممكن تكون..هي ما بعد شافته وهو ولد عمها يوم كويس معاها...كيف لا صارت زوجته بتعيش طول عمرها في اهانات وذل..!! في امل انه يتغير؟؟..معقوله تحبه في يوم ما !!..هل راح تتقبله ...بتقدر تعيش معاه ؟!
كلها اسأله اتعبت عقل مدى وبدون فايده,,لانها بدون اجوبه..حددت مصيرها...والرفض صار مستحيل بالنسبه لها...كيف تحرم اخوها الحريه..وتمسح فرحة ابتهال اليوم بالخبر..وتظمن مستقبل اخوانها ..وجود سلطان ضروري لها..
على الاقل راح يعطيها الامان.راح يعطيها احساس بأن وراها سند اذا تعبت تتكي عليه..سلطان طلعته الحين اهم شي صار بالنسبه لها ..وحياتها فدا لاخوانها من بعد وفاة امها..
" آه يا يمه..اكيد قاعده تشوفي حال بنتك..لو كنتي عايشه راح تسكتين له؟..ولا بتوقفينه عند حده...ضربني يمه وانتي ما قد رفعتي صوتك علي..يا ليت ألحقك ولا اخذ ضاري...ياليت..."
>>>>>>>>>>>>>>>>>>>>>>>>>>>>>>>>>>>>>>>
وبغرفته..وبين النور اللي ما قدر يطفيه ..ومع ذلك ما شاف الا السواد في عيونه..
راح ياخذ مدى جسد بدون قلب ..وبعدين !!..مدى ما تقبلته في يوم !! مستحيل تستمر معاه...قدر يمنعها من الزواج ويمنعها من كل شي يبعدها عنه..بس ما يقدر يجبر قلبها يحبه..
" مدى...مابي منك الا قلبك..اتمنى اشوفه يوم ينبض بأسمي...اتمنى اشوف الحب بعيونك لي..ابي تحسسيني اني انسان ثاني..واني ممكن اتغير..ابيك تعلميني الحب..والحنان..ابيك تعشقيني وتخليني اعشقك اكثر واهيم فيك..ابيك وأبي وابيك........"
كثير اشيا تمناها ضاري بقلبه...ولو تحققت بيحس انه ملك الدنيا وما فيها..مدى بس اللي ملكت قلبه وهي اللي تقدر تخليه من ضاري عديم الاحساس...الى ضاري ثاني..يعشق بجنون طيف مدى ...
&&&&&&&&&&&&&&&&&&&&&&&&&&&&&&&&&&
صباح اليوم الثاني...
صحت من نومها واستعدت مثل كل يوم للمدرسه..وقبل لاتنزل شيكت على موبايلها..وحصلت مسج..
" ابي اشوفك اليوم ضروري"
طبعا من قرت ان المرسل اياد وانقلب مزاجها...
: ضروري !!...ايش يبي هذا ؟؟؟
ونزلت ..وحصلت الكل مجتمع ..وهادين..جلست معاهم وهي تطالع مدى وضاري كل شوي...
مدى كانت جالسه كمالة عدد بس..ولا ودها تطلع من هالقصر هذا ولا ترجع له ابد..
ضاري كان متوتر شوي ..بس ما وضح عليه ..وكأنه شخص واثق..
اريام كانت ساكته ..ولحد الان ما رضت عن اللي سواه اخوها مهما كان عذره..ماله حق..
حمد طالع وجه مدى ..كأنه وجه وحده راح تروح لموتها برجليها ..مو وحده بتتزوج...وما اسعده هالشي..
موضي ساكته...ولا تدري عن اللي يصير من وراها..
مدى وقفت: الحمد لله..
ضاري وقف معاها: وانا بعد.. الحمد لله..
مدى طالعته باستحقار...وفي بالها " ايش قصده لما وقفت وقف"
طلعت مدى على طول برى وبخطوات سريعه...ضاري لحقها وقدام الكل...
موضي : خير...ليش يلاحقها...؟؟
لانا : ما عرفتي يمه !!
اريام بشده: لانا ...!!
حمد: من سمح لك تتكلمين...
لانا زعلت : وانا ايش قلت؟؟
موضي عصبت: وش اللي قاعد يصير من وراي...ادري فيكم تحسوني غريبه بينكم..
حمد: ما بعد صار شي عشان نقولك..
موضي: وليه تنتظر لحد ما يصير شي..
حمد: لا تسدين نفسي على هالصباح..
موضي: والله انتو اللي سديتوا نفسي ..كأن بنات محمد صاروا اقرب لكم مني..!!
ابتهال وقفت: الحمد لله "وراحت"
حمد: ما تعرف تضبط لسانها...الحمد لله على النعمه بس "وراح"
موضي : قولو لي وش صار..!!
اريام: يمه ...ضاري خطب مدى...
موضي انصدمت: نعم !!! مدى ...؟؟...وليه مدى بنت الفقر وش يبي فيها..
اريام: يمه هذي بنت عمي وما ارضى عليها..
موضي: ترضين ولا ما ترضين..ما يهمني...ليش ما اقنعتوا اخوكم ياخذ غيرها...فيه بنت اخوي مأثر كان اخذها..
اريام: يمه انتي اكثر وحده تعرفين ضاري...هو اللي اختارها ومستحيل يغير رايه..
موضي بقرف: بكيفه احسن...كفوه بنت الفقر...ولا قين على بعض...خلي ولدي يجي وياخذ بنت اخوي..
اريام انسدت نفسها: الحمد لله..
التوأم حسوا موقعهم غلط ...سحبوا نفسهم..
موضي : وانتي بعد...خذي هالبزران وروحي عن وجهي...
جانيت خافت وقالت للخدامه تاخذ الصغار..وطلعوا برى ..
&&&&&&&&&&&&&&&&&&&&&&&&&&&&&&&&&&
عند مدى...
وهي تمشي حست ان في احد وراها ...ووقفت..
ضاري وصل عندها...
: فكرتي !!
مدى لفت عليه: لا....اكيد ما فكرت ..ليه اتعب نفسي وما قدامي الا جواب واحد..انا احس وعندي قلب..ما اقدر اخسر اخواني عشانك..انا مستعده اعطيهم روحي ولا يصير لهم شي...
ضاري: يعني موافقه؟؟
مدى بحزن عميق مخلوط ببرود: غصب عني ..موبرضاي ..
ضاري سكت شوي ...وبعدها تركها وراح..
مدى جلست على الكراسي اللي قدامه ...وهي ودها تبكي لحدما تفرغ اللي في قلبها ...بس ضروري تخلق لنفسها مصدر قوه..مثل كل مره ...مدى تتغلب على كل شي ,,,بقوتها وصبرها..
" ما راح ابكي عليك يا ضاري...ولا راح انزل دموعي عشانك..لكن مصيرك راح تدفع الثمن غالي "
>>>>>>>>>>>>>>>>>>>>>>>>>>>>>>>>>>>>>>>
ضاري راح من عندها وهو مو مصدق..الحين مدى موافقه !! كان وده يرجع يسألها اكيد...يعني خلاص...انتي لي ,,بس فرحته طول عمرها ناقصه..لان فعلا مدى مو له وشكله مستحيل تصير في يوم له..
&&&&&&&&&&&&&&&&&&&&&&&&&&&&&&&&&&
بالمدرسه....
ريماس مو مستوعبه ...شي مستحيل..ولا في احد يقدر يصدقه..
: ضاري عارف انها تكلم شباب ومع ذلك بيتزوجها...وش يحس به اخوك؟؟
لانا: صدقيني يا ريماس قهري اكبر منك...كان معصب عليها ومع ذلك يبيها تتزوجه..
ريماس لحد الان ما استوعبت: وانا؟؟؟
لانا رحمتها: ريمو..من اول قلت لك...ضاري شيليه من بالك..
ريماس: ليش يفضل بنت الفقر علي !!
لانا: ريمو بليز...لا تفكري كذا ...
ريماس عيونها امتلت دموع: كيف ما افسرها كذا ...وهو عارف عنها كل شي ويبي يتزوجها...وانا اللي احبه وابيه ما قد فكر فيني لحظه..
لانا سكتت..
ريماس مسكت ايدين لانا: لنو بليز...مستحيل ياخذها ..انا اولى منها..انا مستعده اسوي أي شي عشانه ..انا احبه ..
لانا احتارت معاها: ريمو...تعرفين ضاري ..ما نقدر نغير رايه..
ريماس وهي تمسح دموعها: بليز لا تتركيني..لازم نفكر بأي شي ...اي شي يبعدهم عن بعض...تكفين لنو..
لانا رحمت ريماس: خلينا نفكر...والا ما نحصل حل..
>>>>>>>>>>>>>>>>>>>>>>>>>>>>>>>>>>>>>>>
وبمكان ثاني وبنفس المدرسه..
ابتهال: تتوقعين مدى توافق...!
دانا: والله ما ادري ..بس ليش مدى ترفض ضاري !
ابتهال بنفسها" عشانك ما تدرين ايش اللي دايم يصير بينهم "
: يارب تجي الامور كلها على خير..
جاء فيصل: امين..."وجلس جنب دانا وحط ايده على كتفها ."..ايش عندكم !!
دانا: اخوي وخطب مدى بنت عمي..
فيصل شال ايده من على كتفها: أي اخو !!
دانا: ضاري..
فيصل : الكبير !!
دانا : ايوه..
فيصل: ا ن شا الله خير...انتوا فرحانين ولا زعلانين الحين..!!
دانا: اكيد فرحانين..بس خايفين من الرد..
فيصل: مدى اختك بترفض ولد عمك!!
ابتهال : ما ادري كل شي جايز..
فيصل: ما عليكم..اكيد راح توافق...الا دنو..ترى عندي بارتي بكره تجين..؟
دانا بسرعه : لا ما اتوقع..
فيصل : ليه..؟!..وحتى انتي يا ابتهال معزومه..
ابتهال: لا شكرا..
دانا: ما اقدر بكره عندي ظروف..
فيصل قرب من دانا لحد ما لصق فيها : أي ظرو ف ما تخليك تجين ...؟؟
دانا ارتبكت واستحت من ابتهال بعدت عنه شوي...
: امي وكذا ...ما اقدر ..
فيصل اللي حس انه بعدت عنه انقهر..اخذ وجهها ولفه عليه وباسها من فمها..
:اليوم انتي محلوه..
ابتهال طيرت عيونها...هذي وقاحه او تعدت حدودها...بجد حقير..
دانا ما زالت مصدومه..ووجها لجهة فيصل المبتسم..ما استوعبت الحركه..
فيصل حرك ايده قدام وجه دانا: الووو..ايش فيك؟؟.."وطالع ابتهال وهو رافع حاجب"
ابتهال وقفت بعصبيه: دنو..تعالي معاي...
دانا طالعت ابتهال ..بس ما قدرت توقف معاها..
رد فيصل: وليه تروح معاك..
ابتهال: لان ما ينجلس معاك..
فيصل : سلامات يا انسه ابتهال ايش فيني...
ابتهال: مشكلتي ما انزل مستواي لك..ما راح اقعد اشرح لك وأبرر لك تصرفاتك الغبيه..
فيصل : اتوقع اني ما قربت لك ولا لمستك يا ابتهال عشان تتكلمي..
دانا صرخت: بـــــس..
سكتوا الثنتين..
دانا لفت على فيصل وعيونها دموع: فيصل..انا مابي كذا..انا برجع مثل ما كنت وابيك تتغير معاي..
فيصل انصدم من دموعها: وليه نرجع ..وليه نتغير احنا كذا حلوين..
دانا: انت مرتاح كذا..بس انا لا..
فيصل: دانا...انتي قلتي ما راح اتركك..
دانا: انا ما راح اتركك لو تغيرت..بس ما اقدراستمر معاك في اللي انت تبيه..لازم نتغير..فيصل انت اشواق في الحقيقه..ومستحيل تهرب من هالشي طول العمر..
فيصل وقف: ما اقدر اتغير...ما اقدر..
ابتهال: وايش اللي مانعك..
فيصل: اشياء كثيره..
دانا وقفت جنبه ومسكت ايده: فيصل انا احبك واموت فيك...بس مو بالطريقه اللي انت ماشي فيها..
فيصل طالع عيونها: انتي مثل غيرك..اذا طفشتي غيرتي نفسك..
دانا هزت راسها: لا...مو مثل غيري..انا راح اغيرك معاي..
فيصل سحب ايده من ايدها: روحي الله معاك...انا قلت لك ما اقدر اتغير..غصب عني ما اقدر..
"وراح"
دانا بكت...ولفت على ابتهال..
ابتهال حزنت على فيصل..اذا كان يحبها ولا يقدر يفارقها ليش ما عنده استعداد يتغير...!!
وقربت لدانا: خليه يهدا راح نكلمه..
دانا حضنت ابتهال: ما راح اتركه ....ما راح اخليه..
>>>>>>>>>>>>>>>>>>>>>>>>>>>>>>>>>>>>>>>
بالطلعه...
دانا طول الوقت تدور فيصل بس ما حصلته..وراحت لشلته..
: استأذن فيصل وطلع من المدرسه..
دانا :يعني فيه شي ..؟
: لا ما فيه شي ..بس حس انه تعبان شوي..وطلع..
دانا: اوك..مشكوره..
: العفو..
ورجعت لابتهال...
: طلع من المدرسه....تعبان..
ابتهال: اوك خليها بكره..
دانا: لا مستحيل اخليها لبكره ...بروح له في البيت..
ابتهال سكتت..
جات لانا..
: هاي..
دانا وابتهال: هايات..
لانا: كيف المدرسه ابتهال..ان شا الله عجبتك !!
ابتهال ابتسمت مجامله: لا ...حلوه..
لانا بغرور: كويس..بس اكيد انها احلى من مدرستك الاولى بمليون مره...اسمعي دنو..انا اليوم انا برجع مع ريماس.
دانا: اوك..انا بروح لفيصل..
لانا: ليه.؟؟
دانا: تعبان..
لانا : اوكي..روحي اللي تبين..بنات اذا صار أي حدث جديد في بيتنا ارسلوا لي مسج...خلوني معاكم على الخط اوكي..
دانا ما ردت عليها...وطلعت مع ابتهال..
لانا وريماس طلعوا مع بعض..
واتصلت على اياد..
: وين حبيبي !!
اياد: انزلي من سيارة ريماس..وتعالي معاي..
لانا : ما اقدر..
اياد: اقولك انزلي من سيارة ريمااااس الحين..ابيك 5 دقايق..
لانا خافت: طيب اوك.."وسكرت منه"..ريمو !!!
ريماس وهي مالها خلق لاي شي : نعم..
ريماس: روحي..5 دقايق وارجعي..
لانا: بس خايفه..
ريماس بتبكي: لنو..تبين تروحين روحي ..ما تبين براحتك ترى ماني ناقصه..
لانا ما عاد تدري ايش تسوي..وقررت تنزل بالاخير..وتشوف اخرتها معاه..
ركبت سيارته والخوف مالي قلبها...
: هاي حبيبي..
اياد ابتسم: هلا والله..واحشتني..
لانا: اهلين...
اياد: كنت بقولك..من اليوم وطالع أي مشوار معاي راح تجين بسيارتي..ليش كل واحد بسيارته..
لانا: وايش اللي تغير !!
اياد : من مبدأ دوام الحال من المحال...وانا شخص ارتاح اذا كنتي جنبي..
لانا: بس ما اقدر..
اياد: لا تقدري ..هذا انتي جنبي ما صار شي..
لانا سكتت..وسكت معاها اياد شوي..
: لانا...انتي تحبيني..!!
لانا: ها..ايوه اكيد احبك...
اياد : عال العال...وانتي بنت قد كلمتك..
لانا ارتبكت وبان عليها: كيف يعني !!
اياد: بعدين تفهمي...تبين تزلين ولا نروح مكان..
لانا خايفه: لا اكيد بنزل...باي..
اياد ارسل لها بوسه: باي..
ركبت سياره ريماس..وهي مستغربه..ولسه ما فهمت قصده..
ريماس: ايش قال لك؟؟
لانا: مريض..لا مجنون انا متأكده..قال تحبيني..قلت ايوه..قال انتي بنت قد كلمتك..
ريماس خافت : يعني ايش ناوي عليه !
لانا : ما ادري.....زواج !!
&&&&&&&&&&&&&&&&&&&&&&&&&&&&&&&&&&
وصلوا بيت اشواق..
ودخلتهم الخدامه داخل الفيلا الاولى تبع اشواق اختها..
جات سجى..
: هلا بالحلوين..اخباركم..."وسلمت عليهم"
: هلا فيك..
دانا بحياء: اجل وين اشواق..؟
سجى : هي جات بدري ونامت..راح تنزل بعد شوي...
الا اشواق نازله بطريقه عربجيه وعليها بيجامة نوم رجاليه..
جلست قبالهم: هلا والله..
دانا: آحم...هلا فيك..
سجى: اوكي عن اذنكم ..."وراحت"
دانا: هذي سجى !! يا حوبي لها مملوحه..
اشواق: ايوه هذه...ما قلتوا لي سبب الزياره..
ابتهال كانت طول الوقت ساكته بس يكفي التعبير اللي تنرسم على وجهها..
دانا: جيت لك..قالوا لي تعبان..
اشواق: ايوه .."وحط رجل على رجل بطريقه عربجيه"
دانا ما بلعت ابد اسلوبها ..قاعد يختصر الكلام بشكل فضيع..
شوي وسمعوا الباب ينفتح بشويش..
وأحد ينادي : اشواق....اشواااق..
ودخل شوي..
اشواق مسكت راسها ونزلت راسها و وسحبت شعرها القصيره بالمره على وجهها..كل شي ولا يفضحها عند البنات..
ووقفت وراحت له..
: هيه انت خير...وش تبي !!
فهد: اشواق...كنت ابيك في موضوع..
اشواق بعصبيه: مابيني وبينك مواضيع...يله روح عن وجهي ..
فهد: اشواق لحظه خلينا نتفاهم..
اشواق دفته وقفلت الباب الرئيسي للفيلا..
ورجعت لهم..وهي ساكته..
دانا وابتهال طالعوا بعض..."من هذا !!"
وطالعوا اشواق..
اشواق حست بنظراتهم بس ما اهتمت ...وما زالت ملتزمه الصمت..
شوي سمعت ضرب الباب وصوت امها...
: اشواق افتحي..
اشواق كانت شوي وتبكي....ملت منهم..خلاص ما عاد تتحمل ...فتحت الباب لها..
: ما تستحين على وجهك تطردين عمك..الحين عصب علي..
اشواق: هذا خروف ما عليك منه..
امها: يا قليلة الادب ...وربي يا اشواق لا اعلمك الادب من جديد..مهما كان هذا عمك اللي ضفك من بعد ابوك..
اشواق: يخسي يكون عمي..
ضربتها امها كف: بس ولا كلمه..ولا ترفعين صوتك على فاهمه..
اشواق عصبت ..ورجعت لدانا وابتهال..
: شفتي الكف..ارتحتي..يله البيت يتعذركم..
دانا وابتهال المصدومين طلعوا بسرعه..وهم يشوفون فهد جالس يشرب شاي ويقرا جريده..
رجعت اشواق لامها..
: اضربيني مره ثانيه عند صاحباتي..وربي لا اخلي لك البيت ولا عاد تشوفين وجهي مره ثانيه...وزوجك لا يقرب من عند فيلتي مفهوم "وطلعت فوق "
&&&&&&&&&&&&&&&&&&&&&&&&&&&&&&&&&&
بالسياره..
: ليش امها ضربتها ..زوج امها غلطان..
ابتهال: حقير والله ..قهرني وامها قهرتني اكثر..
دانا: يا قلبي عليك يا فيصل ...من جد رحمته..
ابتهال: شكل ظروفه صعبه..
دانا بحماس: ابتهال ما راح اخليه...بليز ساعديني..
ابتهال: اذا في امل انه يتغير انا معاك...
&&&&&&&&&&&&&&&&&&&&&&&&&&&&&&&&&&
بالقصر..
الكل مجتمع عندها..
: وافقتي !!
مدى: ايوه..
ابتهال : متأكده..!!
دانا: وربي وناسه..
اريام ما عجبها الخبر وما علقت..
جانيت: وربي راح تكوني احلى عروس ..من ألبي فرحت لك..
مدى تعابير الكل..وكيف واضح عليهم فرحانين بالشي هذا الا هي...من اليوم محرومه من الفرحه..
ابتهال قربت من عندها: يعني انتي موافقه موافقه ...؟
دانا: ما سمعتيها تقول وافقت..
ابتهال ابتسمت: وه يا مدو..يا اختي الكبيره بشوفك عروسه ..
دانا: ياي..راح نستعد للزواج ..احب الحركات هذي..وربي بيطلع زواج ضاري خيالي..انا متأكده..
اريام بنفسها " حرام يا مدى..راح تضيعين عمرك.."
مدى بنفسها " الله يعيني على الجاي.."
&&&&&&&&&&&&&&&&&&&&&&&&&&&&&&&&&
بالشركه..
ضاري دخل مكتبه ..وشاف ياسر...اللي اول ما شافه ارتبك ووقف..
ياسر: صباح الخير طال عمرك..
ضاري بدون ما يطالعه: ياسر رتب اغراضك بسرعه..
ياسر انصدم: ليـــه؟؟
ضاري : ياسر بدون نقاش ...اخذ اغراضك بهدوء ..وبكره راح احصل لك مكان ثاني..
"ودخل مكتبه"
ياسر رمى نفسه على كرسي مكتبه .."كل هذا عشان خطبت بنت عمه..طيب يرفضني انا ما غلطت ..بس وظيفتي مالها علاقه !!"
&&&&&&&&&&&&&&&&&&&&&&&&&&&&&&&&&&
بعد كم يوم....
الكل مجتمع بالصاله داخل القصر..
حمد اللي عرف بموافقة مدى..فرح للشي هذا ..وحس انها بداية جياة جديده لولده ..ومتأمل انها راح تغير ضاري للاحسن...
موضي ..من عرفت بالخبر وهي على اعصابها ..ما ودها يتم الموضوع وخصوصا ان مدى بتكون داخل القصر و حالها حال بناتها..
لانا ما فرحت وخصوصا لما شافت ريماس انقلب حالها وكل يوم اسوأ من الثاني ..
ابتهال ودانا اكثر ناس فرحانين ومتحمسين..
اريام..ساعات تتأمل انه ممكن يكون زواج سعيد..لكن لما تفكر بواقعيه تتمنى ان يصير شي يخرب هالزواج..
مدى..تحس انها تنتظر موتها..
دخل ضاري عليهم ووجه فرحان..
: السلام عليكم..
طالع مدى وابتهال مبتسم..
مدى صدت عنه...اما ابتهال ردت له الابتسامه..والباقيه مستغربين الحماس اللي هو فيه..
ضاري: معاي ضيف..
الكل طالعه بأهتمام..
ضاري: الضيف هذا جاي من مكان بعيد...وعزيز وغالي..
الكل ترقب يشوفه..
ضاري لف عليه: تفضل...
مشى بخطوات مرتبكه ..
: احم...السلام عليكم..
مدى وابتهال واقفوا من الصدمه..والبقيه يطالعونه ما عرفوه..
كان متغير شكله..لحيته طويله وناااحف كثير..بس هو مثل ماهو...هذا سلطان..
مدى ما كانت مصدقه عيونها..اخوها واقف قدامها..
ابتهال بكت على طول...وتحس انها تحلم ...واخيرا سلطان قدامها بشحمه ولحمه...
سلطان اللي طالع اخواته..بنظرات كلها شوق ولهفه...وألم وحزن وفرح وكل المشاعر اختلطت عليه "ودمعت عيونه"..وراح لمدى ركض بدون ما يحس ورمى نفسه بحضنها ..
مدى احتضنته بكل ما فيها وهي تبكي..ما تدري من تفرح ولا من الحزن على الاوقات اللي موت عليهم بدونه..
سلطان مسك ايدها وباسها : مدى والله ارتوت عيني بشوفتكم .."وطالع وجهها وبتعب " مشتآآآآآآآآق لكم ..
مدى باست خده من اليمين والشمال والكلام ضاع منها ..شوفة سلطان ردة لها الروح: اهم شي انك عندي ..والله اهم شي انك معاي...
سلطان مسك راسها وباسها..
: الله يخليك تاج على راسي ..وسامحيني يا مدى..تركتك بأكثر وقت محتاجتني فيه..
مدى حطت يدها على خده: مسموح يا خوي..وقلت لك رجعتك تسوى الدنيا وما فيها..
ولف على ابتهال اللي ما صدقت انه طالعها الا على طول رمت نفسها عليه..
: سلطان والله ماني مصدقه...ماني مصدقه..
سلطان اللي حضنها بكل حنان وشوق : سامحيني يا ابتهال...
ابتهال الدموع ملت ثوبه: مسموح والله مسموح "وضربته"..لا تقول هالكلام مره ثانيه..
بعد عنها وباس خدها وراسها: والله اشتقت لك ...
ابتهال اللي بكت اكثر من حركته ومسكت راسه وباسته: والله ان الدنيا ما تسوى بدونك..
سلطان بعد عن حضنها وهو يمسح دموعه بخجل وابتسم ..
: اسف عمي..."وراح وسلم عليه "
حمد شاف في سلطان اخوه..كان نسخته الثانيه ..
: انت محمد..والله كلك محمد..
سلطان وهو يطالع عمه..ملامحه ما كانت تدل على شره..او انه هو اللي سوى بأبوه كل هالسوايا..
وسأل بلهفه: تعرف مكان ابوي !!
حمد حط ايده على كتفه: بنحصله ا ن شا الله..والحمد لله على سلامتك..
سلطان اللي عارف انهم يظنونه مسافر واستحى من هالشي : الله يسلمك..
وانتبه للي جالسه جنب حمد..كانت موضي المنصدمه اللي شافت محمد قدامها ..مو كأنه ولده..ونظرتها كانت مو مريحه..
نزل عيونه: هلا مرت عمي..اخبارك بشريني عنك ؟؟
موضي ما قدرت ترد عليه..حست الخوف ملاء قلبها ..وكأن طيف محمد يلاحقها وارعبها..
سلطان استغربها وطالع ضاري..
ضاري شاف ردة فعل موضي وما توقعها كذا ...تخيلها مثل كل مره تصرخ وتهاوش والى اخره..
: سلطان ..هذولي بنات عمك...الكبيره اريام..
اريام مدت ايدها واستحت من حركة اخوها انه دخله وهي ما لبست حجاب وخصوصا وهي في الحداد ...بس البنات الصغار متعود عليهم ما يتحجبون من قرايبهم..
سلطان استحى ..كيف ضاري يعرفهم عليه وهم ما تغطوا ولا شي ..ومد ايده لاريام..
: هلا اريام..اخبارك يا بنت العم..
ايام: هلا سلطان ..والحمد لله على سلامتك..
سلطان: الله يسلمك..
ضاري : وهذي اللي شعرها طويل دانا..ما راح تفرق بينهم الا بشعورهم..
دانا ابتسمت ومدت ايدها: هلا سلطان والحمد لله على سلامتك..
سلطان سلم عليها: هلا الله يسلمك..
ضاري وهذي لانا..
لانا كانت تطالعه وهي مستغربه من شكله..ولد صغير ولحيه طويله ويستحي بالمره..مره مستغربته..
وما مدت ايدها وكلمته من بعيد : هلا فيك..
سلطان طالعها وشاف نظرتها..شكلها متقرفه منه..
: هلا والله..
ضاري: يله اخذ خواتك واجلس معاهم واشبع فيهم..
سلطان ابتسم: عن اذنكم..
مدى وابتهال بسرعه كل وحده مسكته من جهه واخذوه للغرفه اللي برى..
وهم بالطريق لها..
سلطان حط ايده الثنتين على اكتافهم وقربهم له..
: والله لكم وحشه..آآآآآآآآآآآآه ...الحمد لله يارب ...الحمد لله اني شفتكم..
مدى بنفسها " مستعده ابيع روحي واشتري موتي ..بس اشوفك واشوف بسمتك وضحكتك يا اخوي "
ابتهال الدنيا ما سعتها من الفرحه : سلطان والله الحياة بدونك ما تسوى ولا شي ...ولا شي..
سلطان طالعها وفيه الضحكه: الحين بانت مشاعرك..ولا أول كله هواش..
ابتهال: تدري اني احبك ...ومن اليوم وطالع انت هنا "وتأشر على راسها "
سلطان باس راسها: الله يخلي لي ويسلم لي هالراس والله..
واخيرا وصلوا للغرفه..
فتح الباب بقوه..
وصرخ: بــــــــدر..وداد..وينكم يا احلى اثنين بالدنيا..
بدر اللي كان يلعب وفجأه رمى اللعبه من سمع الصوت..وراح ركض يشوف صاحبه..
وقف قدامه متنح..وكأنه مو مستوعب..
سلطان ضحك: والله كبرت يا بطل تعال في حضن سلطان وسلم عليه..
مدى تشجعه: بدور..يله تعال شوف سلطان..
بدر وكأنه ما صدق وبسرعه انطلق لحضنه..وسلطان شاله ورفعه فوق وملاه تبويس..
: والله انت رجال البيت من بعدي..
وشاف وداد واقفه في الزاويه وتطالع بعيونها..
: ما شا الله وداد صارت احلى..تعالي سلمي علي ..ولا ما اشتقتي لي..
وداد سكتت شوي بعدين تكلمت: وين امي ؟؟؟
الكل سكت..واختفت ابتسامتهم..الفرحه دايما ناقصه ..والحزن حليفهم..
سلطان نزل بدر ..وجلس على ركبته قبالها : تعالي يا وداد...
وداد راحت له بخطوات متردد..ووقفت قدامه..
: ليش انت حاط هذي !! "وتأشر على لحيته"
سلطان: عشان انا سافرت...تعالي سلمي علي..
جات وسلمت عليه وهو حضنها وكان وده يبكي في حضنها..حس انه حرمها وحرم الكل من امهم..
مدى وابتهال طالعوا بعض ودموعهم حاضره الموقف ..امهم كانت ناقصتهم في كل شي..
سلطان شال وداد..ومسك ايد بدر ...وجلس على الكنب..يبي يغير الجو..
: ايوه تعالوا اجلسوا عندي..ابي اشبع منكم..قولوا لي..وصار بغيابي..
مدى..الي حاولت تطلع من جوها وتحاول تفرّح اخوها وتغير جوه..هو طالع من سجن ما تبي تحبس فرحته اكثر من الايام اللي مرت عليه..
ابتهال نفس الشي..
قعدوا عنده يحكون له عن كل الايام اللي راحت بدونه..ويحاولون يخفون الايام الصعبه وايام الحزن واليأس والالم..سلطان يعرف انه مستحيل كل الامور كانت تمام..بس راضي باللي يقولونه..ولو انهم يمثلون الفرح عليه...
>>>>>>>>>>>>>>>>>>>>>>>>>>>>>>>>>>>>>>>
بعد ساعه..
دخلت جانيت الغرفه..وحصلت واحد قدام التلفزيون وقاعد براحته.. تخيلته ضاري..بس مو مثل جسمه..ضاري على اضخم شوي ..
: انت لو سمحت..
سلطان لف عليها منصدم من هذي ومن وين طلعت : نعم !!
جانيت: شو عم تعمل هون؟؟؟
سلطان اللي كان لابس بيجامة نوم من عند ضاري..من بعد ما أخذ له شور جدد روحه..
: شنو !! انتي اللي وش تبين..
جات ابتهال وشافت جانيت وسلطان شوي ويتهاوشون..
: هههههههه جانيت ..ما عرفتيه؟؟
جانيت: ومن وين بدي اعرفه؟؟
سلطان: بعد انتي يا غبيه ..وين بتشوفني..؟
ابتهال: بالصوره...قد شافت صورتك ..هذا سلطان اخوي..
جانيت فرحت: هيدا سلطان..ياي كتير مغير علي ..سوري ما عرفتك..
سلطان تربع على الكنب ورز نفسه: والله صرت مشهور...اقول من الاخت؟
ابتهال: هذي مربية وداد وبدر..
سلطان مات من الضحك: ههههههههههههه اجل مربيات وحركات .ليش انا ما جبتوا لي وحده مثلها..
ابتهال تفشلت منه: هههههههه يا حليلك وانت تمزح..جانيت عم يمزح..
جانيت منصدمه من الاسلوب وضحكت مجامله: هههههه لا كتير مهضوم..
سلطان رجع يطالع التلفزيون: انا قايل لك يا ابتهال البنات يخقون عندي..
ابتهال جلست جنبه ومسكت ايده: سلطان...لا تروح تخليني مره ثانيه..
سلطان ابتسم لها: ما راح اخليكم ...صدقيني..
وسمعوا ضرب الباب..
وانفتح بشويش ووحده تهمس : ابتهال...ابتهاااااااااال..
ابتهال ضحكت وراحت لها : ههههه وش فيك ..؟
دانا وهي تدخل راسها بالغرفه : خليني اقز اخوك اول..
ابتهال بصوت عالي: عيب يا دانا تقزين العيال ..عييييب..
دانا سحبتها برى: يا دوبا..والله سخيفه..
ابتهال ماتت ضحك: هههههههه وش تبين الحين..
دانا: وين مدى ؟؟
ابتهال : داخل ...ليه؟؟
دانا: ابوي يبيها..
ابتهال: طيب راح اقول لها..
>>>>>>>>>>>>>>>>>>>>>>>>>>>>>>>>>>>>>>
بمكتب حمد..
مدى جالسه وتنتظر عمها يقول اللي عنده..
: مدى..انا عرفت بموافقتك..وما ادري كيف وافقتي لاني شفت ردك بالمره الاولى ..لكن يا بنتي ..انتي امانه عندي ..وحسبة وحده من بناتي..وما ارضى عليك.اذا ما تبين ضاري لا توافقي..
مدى اللي انحطت في الموقف..والكل عرف بموافقتها ولو فكرت بالرفض بتفتح على نفسها ابواب بس كلام عمها حطها بحيره..واعطاها فرصه للتفكير..
حمد شاف ترددها: لو ضاري ضغط عليك بأي شكل من الاشكال لا تهتمي له...اذا انتي مو موافقه قولي قبل لا يصير أي شي ..
مدى طالعت بعمها ..
وقررت قرارها الآخير...
@@@@@@@@@@@@@@@@
نهـــــــــــــــاية البـــــــــــــــارت..
بقايا شتات
*********************
الجــــــزء الثــــامن والثلاثون..
دخلت غرفتها..
بدت تحس بالفراغ..في شي ناقصها..لما شافت سلطان وموقفه لما شاف خواته أثر فيها كثر..
جلست على الكرسي وطالعت نفسها بالمرايه..وجهها لونه مايل للصفار..والسواد تحت عيونها واضح..ونحفت كم كيلو..كثير تغير شكلها..
تنهدت وهي تطالع تاريخ اليوم بالتقويم اللي على التسريحه..
"كم صار لك يا سامي وانت بعيد عني "..وبعدها طاحت عينها على الدرج المسكر ..الموجود فيه مذكرات سامي ..ولحد الان ما بعد تجرأت وفتحته..ما حست ان عندها القوه ترجع الماضي كله مره وحده..وتعيد الذكريات الأليمه..بس فضولها ذبحها ومازالت كلمة سامي تتردد بأذنها ..ان وصيته موجوده فيها .."امتلت عيونها دموع"..ومدت ايدها للدرج وفتحته بشويش..شافت الدفتر وشهقت من البكي...ياما كان في ايده ولا يفارقه..وبحضنه ومعاه في اغلب وقته..وكل فرصه يحاول يكتب فيه..اخذته وهي تتحسسه بحنان..وقربته لها ..وشمة فيه ريحة سامي..دموعها صارت تنزل بدون حساب..ما عاد تقدر تمسك نفسها ..ترددت انها تفتح اول صفحه ..حست نفسها ما راح تقدر تتحمل ..ما راح تقدر تقراء كلام سامي..طالعت فيه كثير..بس بالنهايه مسحت سيل دموعها واخذت لها نفس عميق وفتحت اول صفحه وشافت البياض والثانيه والثالثه نفس الشي ..بعدها وصلت لأول كلمات خطتها يد سامي ..
وبدت تقراها..
"اول شي كنت رافض العلاج..ومقتنع اني اموت بدون عذاب اهون علي..بس اليوم زراتني دكتوره بعد وجودي هنا ثلاث ايام..تبي تقنعني اني اتعالج.."
وهي تقرا وتتمعن في كل كلمه حرف بحرف ..وكأن صوت سامي يتكلم من وراها ويروي لها حكايته بنفسه..واول شي كتبه في مذكراته كانت اول يوم شافت فيه سامي بالمستشفى..
&&&&&&&&&&&&&&&&&&&&&&&&&&&&&&&&&&
في مكتب عمها..
القرار بيدها ..تقدر ترفض..وتتخلص من ضاري للآبد..ولا في شي يخليها توافق..عمها معاها..ايش راح يسوي ضاري !!
الا بفتحت الباب..
ضاري انصدم من وجودها..
: انتي هنا ..؟!!
مدى خافت..حست ان قرأ افكارها ..وحس باللعبه اللي كانت راح تلعبها.
حمد: تبي شي ؟؟
ضاري طالع مدى وابوه في نظرة شك..وقلبه مو مرتاح ..لان وجه مدى مرتعب..
: لا ...ولا شي .."وطلع"
مدى ارتاحت لما شافت الباب رجع يتسكر..وقدرت تتنفس..كيف فكرت ترفضه وهي بس من شافته مات قلبها خوف..
حمد : ها ..يا بنتي ايش قلتي؟؟
مدى على قد حيرتها ..بس ضميرها ما سمح لها ..هي من البدايه وافقت ومو من النوع اللي يتراجع عن كلامه..
: لا يا عمي ..انا موافقه..
حمد انصدم: اكيـــد !!
مدى نزلت راسها : اكيد ...عن اذنك "طلعت"
حمد اللي كبرت في عينه مدى ..على الرغم من كل شي الا انها عند موقفها لحد الان..
شافت ضاري واقف عند اول الدرج..واتجهت له لانها بتنزل ومرت من جنبه ونزلت كم خطوه..بس وقفها سؤاله..
: رفضتيني !!
مدى لفت عليه وطالعته..نبرته كانت غريبه ..وين اللي كان قبل كم يوم مستعد يكسر الدنيا..والحين كأنه طفل صغير ضعيف مافي ايده شي ..
ضاري استغرب نظراتها..وسكوتها..
مدى قطعت تفكيرها : لا....انا عند كلمتي..."ونزلت "
ضاري ما صدق..على انها تقدر ترفضه بس ما زالت متمسكه بكلمتها بجد تستحق حبه لولا سالفة ياسر ..."وراح"
>>>>>>>>>>>>>>>>>>>>>>>>>>>>>>>>>>>>>>>
قرت ايامه يوم بيوم...وفعلا وكانها رجعت تعيشها من جديد ..وفجأه سكرت مذكراته بقوه..وهي بين بحر دموعها ..ما عاد تقدر تكمل اكثر..رجع لها الحنين والذكريات ..وكأنها عاصفه تبي تقتلع قلبها من مكانه..
سامي طيفه ما قدر يفارق عيونها وهي تقرا كل كلمه وتتخيله ..بس ما قدرت تكمل لما وصلت لليوم اللي زار فيه اهله قبل لا يسافر..
واخر كلامه..عن هذا اليوم "اريام لا تتركي اهلي "
"امه وابوه ..كيف نسيتهم..مفروض ازورهم وابلغهم ..آه يا سامي تركت حمل كبير علي..كيف راح اوجههم واشرح كلهم كل شي !!!"
&&&&&&&&&&&&&&&&&&&&&&&&&&&&&&&&&&
صبـــاح يوم جديد..
الكل ومثل كل يوم افطر..واتجه لدوامه..
ضاري اخذ سلطان معاه..وطلعوا من القصر..
: اول شي ..راح اوديك الحلاق..وبعدها اخذك السوق تشتري لك لبس..
سلطان يطالع ضاري وهو يسوق وكيف رزته بالسياره..ومعجب فيه..
: اوكي..
ضاري: واخبار صديقك ثامر..
سلطان: هو طلع معاي..واليوم راح ازوره..
ضاري: كويس..
وفعلا بدوا يخلصون اشالغهم ...وهم بالمول الفاضي بالوقت هذا..
ضاري: سلطان..
سلطان طالعه: هلا..
ضاري: ليش ما تجي عندنا بالشركه تشتغل..
سلطان فرح بس ما حاول يبين فرحته..فعلا هو يتمنى يحصل وظيفه مرموقه وتناسبه : اذا في مجال ما عندي مانع..
ضاري: انا غيرت السكرتير حقي..تكون بداله..؟!!
سلطان ابتسم: اوكي ..
&&&&&&&&&&&&&&&&&&&&&&&&&&&&&&&&
بالمدرسه..
وفي وقت الفسحه..
دانا وابتهال نازلين..
: سلطان اخوك وين كان مسافر؟؟
ابتهال ارتبكت: آآآ ...آحم ..اتوقع انه.......
وفجأه وقفت دانا ..ومسكت يد ابتهال بقوه..
ابتهال طالعتها مستغربه ..ولفت للمكان اللي تطالعه دانا.. وشافت فيصل متجه للدرج ..وهو منزل راسه ولا معاه احد..طبعا هو نادر ما يكون لوحده..دايما البنات والمعجبات يحاوطونه..
دانا وابتهال ما تحركوا من مكانهم..
فيصل وقف بنص الدرج وهو يشوف ثنتين واققات..رفع راسه بشويش وانصدم لما شاف وجه دانا..
دانا: فيصل..
فيصل رجع بينزل..بس دانا بسرعه نزلت اسرع منه ووقفت قدامه..
: بليز فيصل خلينا نتكلم..
فيصل: ما عاد بينا كلام..
دانا مسكت ايده : بس انا محتاجه اتكلم معاك..
فيصل سكت شوي ..ولف على ابتهال ..اللي نزلت ووقفت جنب دانا بدون ما تعلق..
فيصل سحب ايده منها ..وكتف ايدينه : وايش عندكم..؟
دانا ما عجبتها الحركه..قاعد يتصدد عنها بشكل فضيع..
: طيب خلينا نجلس بمكان هادي..
وطلعوا فوق في الفصل..
جلس فيصل ودانا قباله..وابتهال جلست على الطاوله..
دانا: فيصل..انا اتمنى اكون قريبه منك..واشاركك بكل شي ..فرحك حزنك ألمك..كل شي بحياتك..وابيك نفس الشي تشاركني حياتي..ليش انت قاعد تبعدني عنك..
فيصل: انتي اللي ما رضيتي فيني..
دانا: طيب خلينا نحاول مع بعض نكون للأفضل ..انا ادري ومتأكده ان جواتك مو راضي عن نفسك..لكن تقنع نفسك ان انت كذا وهذي حياتك وخلاص..
فيصل: والمطلوب؟؟
دانا: انا ابيك معاي..وانت اذا تبيني راح اكون معاك..
فيصل سكت شوي وبعدها رد : انا ابيك..بس..
دانا وصلت للي تبيه وقطعت كلامه: بدون بس..فيصل انت امشي معاي واذا ما عجبك الوضع..راح اتركك براحتك..اتفقنا..
فيصل وهو يطالع ابتهال تلعب برجولها..:اتفقنا..
ابتهال ابتسمت: كللللللويش...واخيرا هههههههه
فيصل رجع يطالع دانا اللي واضح انها فرحت من كل قلبها ..وما توقع اهميته عندها لدرجه هذي...
&&&&&&&&&&&&&&&&&&&&&&&&&&&&&&&&&&
جالسين جنب بعض في الحاره القديمه,على درج بيتهم المهجور..
:سلطان..تغيرت الحاره كثير..
سلطان وهو يطالع الشوارع اللي فاضيه من الناس ..
: ليش الناس تركتها ...
ثامر: يقولون ان واحد رجل اعمال كبير اشتراها من الناس وناوي يسوي مشروع هنا..
سلطان مستغرب: هنا !!...ليش ..موقعه مو معروف ولا فيه أي مميزات..
ثامر: يمكن هو له نظره ثانيه..
سلطان سكت ولا علق..اخذ نفس عميق..هنا انولد..وعاش حياته..مغامرات الطفوله والمراهقه..وصراع الشباب..هنا كانوا اهله..امه وابوه..وفجأه كل شي اختفا من بين ايديه..واحد بدون رجعه..والثاني متمسك بضوء امل صغير في انه يحصله..
ثامر شاف سلطان سرح في عالم ثاني...وتنهد..
: احلى شي في الحياة الحريه.."وحط ايده على كتفه"
سلطان انتبه له: معاك حق..مستعد تخسر كل شي مقابل انك تكون حر ...الا يا ثامر انا راح اتوظف مع عمي..راح احكي له عنك وأوظفك معاي..
ثامر فرح: جد !!!
سلطان ابتسم له: اكيد جد..انت صديق عمري ..وما راح نتخلى عن بعض..انت معاي حتى في وقت ازمتي..وراح اكون معاك في ازمتك..
&&&&&&&&&&&&&&&&&&&&&&&&&&&&&&&&&&
وقت الطلعه...
: فيصل ضروري اليوم تزورني اوكي..
فيصل : اوك ولا يهمك..كم عندي من دانا..
دانا ابتسمت..اخيرا قدرت تمشي بأول خطوه لتغيير فيصل وعقبال ما تقدر تغيرها كلها للآبد..
وطلعوا الثلاثه للسياره..
لانا ما كانت تحاول تتكلم كثير مع ابتهال من بعد ما عرفت عنها مل شي..بس كمان ما حاولت تكون علاقه معاها..
وهم بالطريق..
رن موبايل لانا..وشافت الاسم اياد..
: هلا حبيبي..
لانا بدون نفس: هلا..
اياد: وليه تقولينها بدون نفس..
لانا: انا بالسياره الحين..
اياد: لانا...اليوم ابي اشوفك..
لانا: خليها وقت ثاني..
اياد بلهجه شديده: قلت لك اليوم...يله باي " وسكر السماعه "
لانا حست نفسها مخنوقه..من متى اياد يتأمر عليها ..او يفرض عليها شي..حست نفسها ضعيفه وغصب عنها ترضى بكلامه ..
ووصلوا للقصر..
وأول ما دخلوا شافوا سلطان يلاعب وداد وبدر والضحكه ماليه وجهه والفرحه بعيون الصغار مشعه ..
نزلت ابتهال وشافته..احمدت ربها مليون مره ان سلطان رجع لهم..ورجع الحياة لقلوبهم..
دانا وهي تشوف الفرحه بعيون ابتهال فرحت لها..من زمان ما شافت اللمعه هذي..
ونزلت لانا اخيرا..شافت سلطان تغير عن امس كثير ..الحلاقه الجديده مطلعته احلى بكثييير..وفعلا صاير جذاب وحتى ابتسامته روعه..
شافت ابتهال متجه له..وبسرعه دخلت معاهم في الجو وتضحك..
جاها شعور غريب..عمرها ما حست بالاخوه للدرجه هذي "ولفت على دانا " على ان عندها اخت توأم مفروض تكون قريبه منها..ما تتذكر مره في حياتها لعبت مع احد..او احد يلاعبها..ومن وعت على الدنيا حصلت نفسها لحالها وعاشت وحيده..
دخلت داخل القصر ...ولحقتها دانا..
&&&&&&&&&&&&&&&&&&&&&&&&&&&&&&&&&&
بعد الغدا..
وفي الغرفه الخارجيه..
سلطان: اليوم ضاري ..عرض وظيفه عندهم..
ابتهال : كووويس..
مدى : حلو..زين انه فكر فيك..
سلطان : والله ما تصدقون يا بنات قد ايش ضاري رجل كبير...كبيـــر..اكبر مما تتصورون..في قمة الاخلاق والادب والذوق..يا ليتني اعرفه من زمان ..بجد هذا اللي تمنيته في ايامي بالسجن..وقف معاي وقفه ما يسويها الا الرجال ..
ابتهال: حتى معانا..والله ما قصر..من اول ما صار اللي صار الى اليوم هذا ما تركنا لحظه مسؤول عنا حتى عن ملابسنا هو ياخذنا بنفسه وما يخلينا نروح مع السايق..
سلطان طالع مدى اللي كانت ساكته ومنزله راسها وتطالع اصابعها المشبكه
: ما راح تندمين يا مدى على انك اخترتيه..لانك ما راح تلاقين احسن منه..
مدى طالعت سلطان ووقفت ودخلت غرفة النوم بدون ما تعلق على كلامه..
سلطان استغرب: قلت شي غلط ؟؟
ابتهال تحاول ترقعها: لا ما قلت شي..بس هي يمكن خايفه من فكرة الزواج..
سكت سلطان وما اقتنع..
&&&&&&&&&&&&&&&&&&&&&&&&&&&&&&&&&&
موضي ..ما تدري ليش الخوف ماكل قلبها..وكأن شبح الماضي يطاردها..وطيف محمد ونظراته في اخر لقاء بينهم لحد الان تتردد في ذهنها..ونوره وموتتها ما غابت عن بالها...
: انا الحين ليش افكر فيهم..خلاص هذولي صفحه وانطوت..كفايه متحمله عيالهم..ودخلتهم بيتي..
دخل عليها حمد: انتي هنا ..؟؟..غريبه ما طلعتي..
موضي: وين ارو..وانا في بيتي رجال غريب..
حمد عقد حواجبه: ومن الغريب !!
موضي : ولد اخوك..كيف اخليه مع بناتي..
حمد: هذا ضاري مع بنات عمه ..ما خفتي عليهم..
موضي: وانا امهم..ولا خلفتهم ونسيتهم..انا علي من بناتي..
حمد وقف: هذي انتي يا موضي..عمرك ما راح تتغيرين ..الحقد والسواد مالين قلبك..خلاص انسي واطلعي من الماضي..حاولي تعيشين الحاضر بقلب ابيض..
موضي وهي تشوفه يطلع : ومن يجي قلب ابيض وانا اشوف عيال محمد استحلوا بيتي..وياخذون عيالي واحد ورى الثاني..
حمد ما حاول يسمعها لان النقاش دايما مع موضي ضايع..
&&&&&&&&&&&&&&&&&&&&&&&&&&&&&&&&&&
بالليل..
الكل استعد ..عشان فيصل راح يزورهم..
دانا رايحه جايه : كأنه تأخر..
اريام وهي جالسه : من ؟؟
دانا: فيصل ..
مدى استغربت: من فيصل..؟؟
دانا ضربت راسها وهي متوهقه: هههههه وش فيصل..اقصد اشواق..
اريام شكت: وايش سالفة فيصل ؟؟
ابتهال بصراحه: هذا لقبها بالمدرسه..
مدى طالعت اريام وهي متعجبه: لقبها؟؟؟...والله زمن عجيب صار للبنات القاب عيال..
اريام تذكرت شكل فيصل هذا وعرفت ليه سموه كذا...لانها اكيد تحاول تكون ولد بأي وسيله كانت..
اريام: والله زمن عجيب..
ووصلت اشواق..
تفاجأت ان الكل ينتظرها وانحرجت شوي..
: السلام..
الكل رد السلام وسلم عليها..وجلس..
مدى تطالعها ..كيف لبسها وشعرها..وجلستها وطريقة كلامها ونظراتها .والدهشه ماليه وجهها ..
اريام جلست معاهم شوي ...حبت تفهم البنت..وفعلا وصلت انها اكيد بنت تعاني من ضغوط نفسيه ..او احساس بالنقص وهو اللي يخليها تسوي كذا..وبالعاده يحبون لفت الانتباه لهم..
: يله مدى نخليهم على راحتهم..
مدى وقفت معاها: عن ذانكم ..."وطلعوا"
فيصل تنفس براحه: ليش خليتي اهلك يجلسون معانا..
دانا: هم حبوا يتعرفون عليك..
فيصل : شكلهم ما حبوني..
دانا: ومن اللي ما يحبك..ما عليك انت بس..
ابتهال دائما مع فيصل تكون فرد مستمع..
>>>>>>>>>>>>>>>>>>>>>>>>>>>>>>>>>>>>>>>
لانا تستعد للطلعه مع اياد..وتتصل على ريماس ولا ردت عليها ..
: وين هالبنت..!!..."وقلقت"
ورن موبايلها وبسرعه رفعته
: ريمو وينك؟؟
:لا مو ريمو..انا اياد..
لانا بقرف رجعت تطالع الاسم تبي تتأكد : هلا سوري...فكرتك ريمو..
اياد: انا عند القصر..
لانا اختفى الدم من وجهها: أي قصر؟؟..روح ..بسرعه روح لحد يشوفك..
اياد: واذا شافني احد انا ما سويت شي غلط..واقف حالي حال الناس..بس بسرعه اطلعي..
لانا سكرت السماعه بوجهه وبسرعه اخذت عبايتها وشنطتها ونزلت..وهي تدعي على اياد من كل قلبها..
دانا وابتهال شافوها طالعه بسرعه..واستغربوا ليش لانا مستعجله للدرجه هذي..!!
>>>>>>>>>>>>>>>>>>>>>>>>>>>>>>>>>>>>>>
برى القصر..
سلطان اللي كان طفشاااان ويدور في الحديقه..ولا حصل له شغله يسويها..الا انه يقعد مع الحارس ويسولف معاه..
شاف بنت متجهه لهم وخطواته سريعه ..ولما وصلت..
: بسرعه افتح الباب..
الحارس: امرك .."وراح يفتح البوابه.."
سلطان طالعها وانتبه لملامحها ..كانت جذااابه بشكل لا يوصف ..تعرف تطلع محاسنها وتخفي عيوبها..ومع ظلام الليل وانوار الحديقه عاكسه عليها معطيها سحر غريب...
لانا انتبهت لنظراته..وما علقت..متعوده على انها تاخذ اعجاب الجميع وبكل مكان..
: من ينتظرك برى ؟؟.."هذا السؤال اللي جاء على بال سلطان"
وفاجأ لانا : وانت وش عليك؟؟
سلطان: ليش ما رحتي مع السايق..!!
لانا حطت يدها على خصرها وبكل غرور: هيه انت من متى المعرفه.."وانفتحت البوابه وطلعت وتركته"
سلطان لحقها وشافها تركب سياره "اودي اخر موديل" وقدام مع واحد..وطار عقله !!!!
"من هذا ؟؟...تعرفه؟؟...يقرب لهم...ولا ايش؟؟"
>>>>>>>>>>>>>>>>>>>>>>>>>>>>>>>>>>>>>>>
داخل القصر..
فيصل بتردد: ابتهال.. دانا..عندي طلب..
لفوا عليه الثنتين بأهتمام..
وكمل: اتمنى الشي اللي شفتوه في بيتي ما يطلع لآحد..
دانا: فيصل...ممكن سؤال..!!
فيصل اللي عرف ان من بعد ذاك اليوم اللي شافوه فيه خفايا بيتهم انفتحت ابواب كثير كانت مسكره..ولا يحب يحكي فيها..
: تفضلي..
دانا: ليش امك دايما مع زوجها...مع انها عارفه انه غلطان..
فيصل: امي من توفى ابوي وهي تحس ان فهد زوجها هو المنقذ الوحيد لنا..وان احنا بدونه ما نقدر نعيش...
ابتهال: بس هو كان غلطان..
فيصل: غلطان او مو غلطان..في عيونها ملاك ولا تقدر تقول شي ..وساعات تشوف الغلط بعيونها وتسكت..
دانا: موانتي تقولين ان الفيلا هذي خاصه فيك انت وسجى..ليش كان جاي عندكم؟؟
فيصل سكت..ما يدري ايش يقول..ولا يقدر يبوح بسر الماضي..
دانا حست بسكوته,,وخافت..وابتهال نفس الشي..
فيصل: هو كذا..دايما يلاحقني..
ابتهاال انصدمت: وليه...؟؟؟
فيصل: انتي عارفه ليه..مو لازم اشرح لك..شي واضح ..انا مو بنته ولا يخاف علي او يهتم فيني..واصلا هو مو طبيعي فا ايش تتوقعي منه...
دانا: عشان كذا كل واحد منكم في فيلا؟؟
فيصل: وبدون فايده..يقدر يجي ويدخل في الوقت اللي يريحه..
ابتهال: وامك تعرف؟؟
فيصل: اقولها كثير عن حركاته..بس ما تصدقني او تحاول انها ما تصدقني..واقصى شي سوته انها اخذت لنا بيت مقسوم..
دانا: لا ..هذا شي ما ينسكت عنه..فيصل انتبه لنفسك..
فيصل ضحك بأستهزاء وكانت بعفويه: انتبهي لنفسي !!..هذا احلى شي سمعته..
ابتهال اخترعت وبسرعه جلست جنبه: لا يكون صار شي !!!
دانا لفت على ابتهال بقوه ..مستحيل....مستحيل يكون صار شي وطالعت فيصل تنتظر رده وهي تحس انها بتموت...
فيصل العبره خنقته ..حاول ياخذ نفس ويغير جو: اقول ما ودكم تضيفوني عصير ولا شي ؟؟
دانا تجمعت الدموع بعيونها ومسكت ذراع فيصل وهزته
: فيصل صار شي !!
فيصل شاف دموع لانا..لو عرفت ايش راح تسوي..خلاص اللي صار صار..
دانا مستحيل تصدق ورجعت تهز فيصل: تكفى جاوبني..قولي لا ..
فيصل حاول يخفي هالسر سنين في قلبه..محد عرفه غير زوج امها ..حتى اختها سجى ما حاولت تقول لها..ما بعد جاتها الجرأه انها تحكي لاحد ..عن اللي دمر حياتها..
دانا لاحظت سكوتها...ماله معنى الا شي واحد..ان اكيد صار شي ..هو هذا السبب اللي خلاها تغير شخصيتها..وهو نفسه السبب اللي مانعها ترجع بنت طبيعيه..
فيصل حس ان موقفه غبي..تحت رحمة دموع دانا ونظرات ابتهال اللي مو مصدقه...وقف..
: انا بطلع..
وبسرعه اخذت عبايتها ولبستها وطلعت بسرعه لسيارتها مع سواقهم اللي ينتظرها برى..
دانا طالعت ابتهال كثير وفجأه رمت نفسها بحضنها وبكت: تعاني لحالها..ما قد تكلمت وانا اللي ضغطت عليها..همها كبير يا ابتهال ..كبير ...كبر الجبال كيف قدرت تتحمله وحدها..
ابتهال بكت معاها...لان فعلا اشواق بنت بريئه وكان الزمن ضدها..بسبب مجرم حقير قليل في حقه الموت..
&&&&&&&&&&&&&&&&&&&&&&&&&&&&&&&&&&
بسيارة اياد..
: ايش فيك ساكته..
لانا: ما فيني شي..
اياد: ودك تغيرين جو !!
لانا طالعته..وشافته غير الطريق..وبعد مشوار عشر دقايق وقف قبال عماره.
: انزلي..
لانا وهي ترجف : على وين ؟؟
اياد: انزلي وشوفي..جو راح يعجبك..
لانا ماتت خوووووف: لالا...مابي...اياد ..رجعني للبيت..
اياد نزل من السياره وفتح بابها وسحبها معاه..
لانا نزلت دموعها بسرعه : اترك ايدي ..مابي اروح معاك..
اياد يمشي ولا حاول يشوفها ولا في شي ممكن يوقفه حتى توسلات لانا ..
اخذها على الطابق الثالث ووقف قدام الشقه..
ومسكها من كتفها: انا ابيك تغيرين جو..الحين ليش تبكين!!
لانا مسكت ايده بتوسل: تكفى اياد...رجعني للبيت مابي اغير جو..
اياد حط ايده على وجهها: في كل مره تكونين احلى..
لانا بعدت ايده بأشمئزاز..
اياد لاحظ هالشي ..ورن الجري بعناد..وفتحت لهم وحده ..لابسه لبس خليع ومنظرها مقرف.. ومن فتحت الباب والصوت والريحه طلعت منها..
تسندت البنت على الباب: مين ؟؟
اياد وهو يطالع لانا: اصحاب صالح..
البنت ابتسمت وهي تطالع لانا: هلا والله بأصحاب صالح..تفضلوا..
لانا واياد يسحبها وراه..وتشوف مناظر ما قد شافتها الا بالمسلسلات..بنات مع شباب في اوضاع دنيئه ومنحطه وفي قمتها..والجو مخنووق بريحه كريهه..وصوت الاغاني عالي بشكل جنوني..
لف عليها اياد يصارخ عشان تسمعه وهو مبسوط: ها كيف؟؟
لانا طالعت اياد بأسى..كيف وصل بها الحال انها تدخل الاماكن هذي...لانا بنت حمد..اكبر رجل اعمال تدخل القذاره هذي.؟؟
اياد صرخ مره ثانيه: تعالي نجلس..
لانا وصل بها الحد من الالم والقهر..مستحيل ترضاها على نفسها مستحيل..
: اقولك طلعني من هنا..
اياد: لانا..بلا فضايح ...خليك بنت عاقله..
لانا ودموعها تشق طريقها على خدودها وصرخت بصوت عاااااالي: اياااااااد ..طلعنـــــــــــي من هنااااا..
وسحبته معاها لبرى..
اياد انصاع لها...لان الكل لف عليهم وطالع وضعهم الغريب..وغير دموعها وانهيارها اول مره يشوفه..
وطلعوا..
: عجبك الحين خربتي علي جوي..
لانا: هذا جوك انت وقدرك..لكن انا بنت ناس ورجال معروف..
اياد: والله يوم انك عارفه انك بنت ناس ليش طالعه كل يوم مع فلان وعلان..
لانا سكتت..ما عندها رد..لسه بس صحت على نفسها ..لو كانت خايفه على نفسها وسمعتها وسمعة ابوها من الاول ما بدت هالشي..وين كان عقلها ...وين كانت كرامتها..اليوم اكتشفت انها فاقدتهم..صارت بلا كرامه من بعد هالمكان..وبلا عقل لما كانت تتعرف على هذا وذاك وبدون فايده..وفي الحقيقه ولا واحد فيهم كان يستاهل يشوف جمالها او يستحق يسمع صوتها..
اياد نزل ولانا وراه...ورجعها لقصرهم اللي من دخلته طلعت غرفتها على طول..
>>>>>>>>>>>>>>>>>>>>>>>>>>>>>>>>>>>>>>>
بالغرفه الخارجيه..
على غير العاده ..كانوا ساكتين ..وسكوتهم غريب..
اريام: ايش عندكم !! اشوف الهدوء اليوم زايد..
مدى: وخصوصا على ابتهال ..فجأه نزل عليها الادب..
الثنتين سكاتين ولا ردوا عليهم..
مدى شكت بالوضع: فيكم شي !!
اريام: من راحت صاحبتكم وانتوا مو على بعضكم...!!
ابتهال طالعت دانا..ودانا نفس الشي طالعتها وكل وحده متردد ولا تدري ايش تقول..
مدى من جد خافت عليهم: ابتهال..ايش صاير والله قلبي طاح..
ابتهال: احم...خلي دانا تتكلم..
دانا غصه بحلقها مو راضيه تروح..من لما راح فيصل وهي ما وقفت بكي..ورجعت تتذكر شكل فيصل وحزنه وغرقت عيونها دموع من جديد..
: فيصل...احم..فيصل يعاني من مشكله كبيره...وودي اساعده وماني عارفه كيف!!
اريام: ايش عندها..
دانا بكت: والله ما اقدر اقولها...ما اقدر..
ابتهال حست بدانا وقررت تتكلم عنها..
: اشواق اللي هي فيصل ابوها توفى...وامها تزوجت من بعده..بس زوج امها مو طبيعي ..وكان دايما يحاول يلاحقه وتقول انه...انه "ونزلت عيونها ولا قدرت تكمل"
اريام ومدى صدمتهم كانت قوويه..لهدرجه الدينا ما عاد فيها امان..الواحد صار يخاف من ظلاله لا يخون ويغدر فيه..دنيا بدا يكحلها السواد..ويختفي النور منها ..دنيا تخوف وتخلي الناس تشك ببعضها ..الثقه صارت من الاشياء اللي جار عليها الزمن ودفنها..!!
اريام: وامها تعرف !!
ابتهال: تقول انها تعرف انو يلاحقها بس ما اتوقع انها تعرف ان صار شي..
اريام: لا حول الله...
مدى: حسبي الله ونعم الوكيل ...يرضي نفسه على حساب بنت صغيره الوسخ..
دانا: بليز ابي اساعدها ..اشواق تعاني لحالها..وانا كنت اضغط عليها وانا ماني عارفه...كنت اقولها تغيري ..كانت تقول ما اقدر غصب عني..
اريام: اكيد اخفت نفسها تحت قناع بأسم فيصل..واتجهت للطريق هذا هروب من ماضيها ..بجد مسكينه..
مدى: ما راح نسكت لهذا المتوحش...مستحيل نخليه كذا..
اريام: انتوا شفتوا امها..
ابتهال: ايوه..
اريام: ممكن نتفاهم معاها ؟؟
ابتهال: امها على نياتها..بس دايما تخاف من زوجها وتوقف بصفه..
اريام: احنا راح نكلمها ونسوي اللي علينا ..والباقي عليها ..
دانا غطت وجهها بأيده وتبكي بنحيب: بس اللي راح منها راح..
اريام تنهدت: حسبي الله ونعم الوكيل..
وعم السكون المكان غير صوت بكي دانا..والكل راح تفكيره بعيد..ويبي يوصل لآي مدى او حد ممكن يوصل له ضعاف النفوس والايمان..
&&&&&&&&&&&&&&&&&&&&&&&&&&&&&&&&&&
على آخر الليل..
دخل سلطان الغرفه وجلس بدون ما يتكلم..ولاحظ وجه ابتهال ومدى..وما علق..
ابتهال قامت: انا بروح انام...تصبحون على خير..
سلطان وهو يشوفها داخله الغرفه: ايش فيها ؟؟
مدى: متهاوشه مع صاحبتها وزعلانه..
سلطان: اهااا..."وسكت"
مدى طالعت اخوها: انت فيك شي..!!
سلطان : مدى بسألك عمي لهم قرايب ..؟
مدى مستغربه من سؤاله: مافي الا عمتي لطيفه..
سلطان: عندها شباب كبار؟؟
مدى: لا ما عندها الا بنتين...ليه؟؟
سلطان ما يبي يوصل للنقطه اللي شاك فيها..
: طيب انتوا متعودين يجي احد ياخذكم غير السواق..
مدى اللي تعبت من اسألته: سلطان فيك شي ؟؟
سلطان: جاوبي اول..
مدى: لا..السواق او ضاري ..ما نروح مع غيرهم..
سلطان سكت وراح تفكيره بعيد..
مدى مستغربه اسألته: طيب وليه كل الاسئله هذي..
سلطان وقف : لالا .ولا شي "ودخل غرفته"
مدى: اليوم..اغرب يوم في حياتي...الله يستر..
>>>>>>>>>>>>>>>>>>>>>>>>>>>>>>>>>>>>
في غرفة لانا..
عمرها ما حست بالضيق والكآبه قد اليوم..اليوم بس اكتشفت ان حياتها كلها كانت غلط في غلط..وهي اللي مفكره نفسها ذكيه وفاهمه صح...طلعت اغبي غبيه..الحين اياد جالس يتحكم فيها وياخذها وين ما يحب ووين مايبي..اليوم اخذها للمكان هذا وبكره على ايش ناوي..
:يا حسرتك يا لانا..ايش راح تسوين..والله بتوب وبعقل بس ابي افتك من اياد..ابي اتخلص منه..يارب....يارب ساعدني..
هذي اول مره تعرف لمين تلجأ..اول مره تعرف لمين تشكي وتبث همها ...اول مره تدعي ربها وتناجيه...مهما ضاقت السب والطرق..ومهما كانت المشاكل والمصاعب..في رب كبير ما يخلينا..اذا دعينا من كل قلب بدعوه صادقه وبأيمان واخلاص..وفي نيتة التوبه..الرحمن راح يلطف فينا.ما بعد الضيق الا فرج..وما بعد العسر الا يسر..والحزن ما بعده الا فرح..بس كل ما صار العبد اقرب لربه..كل ما صار ربنا اقرب لنا..
"لا اله الا انت سحبانك ما عبدناك حق عبادتك ولا شكرناك حق شكرك..عز جارك وجل ثناؤك وتقدست أسماءك ولا اله غيرك.."
&&&&&&&&&&&&&&&&&&&&&&&&&&&&&&&&&&
في اليوم الثاني..
وبالتحديد في الشركه..
دخل سلطان مع ضاري...كان الكل يوقف لضاري ويحترمه وهو في المقابل يحترمهم ومتواضع معاهم..
واخيرا وصل مكتبه..
: وهذا مكتبك يا سلطان..
سلطان ابتسم وهو يشوفه وجلس عليه..
: حلووو..مشكور ضاري..
ضاري: على ايش تشكرني..انت لك في هذي الشركه مثل ما لي..ويمكن اكثر...بس انا راح اخليك هنا لحد ما تتعلم الشغل معاي خطوه بخطوه..بعدها راح اعينك في منصب احسن..
سلطان وقف وهو مبسوط..واخيرا الدنيا بدت تبتسم له ..
:وان شا الله اكون عند حسن ظنك وظن عمي..
ضاري ابتسم ..حلو شعور ان يكون عندك اخ صغير..تهتم له ..وهو بالمقابل يبادلك الحب والاحترام..خالشعور ما حسه مع اخوه من ابوه..لكن عرفه مع سلطان ولد عمه..
ودخلوا مكتب ضاري وعلى طول بدوا الشغل..
&&&&&&&&&&&&&&&&&&&&&&&&&&&&&&&&&
في المدرسه..
دانا: فيصل..
فيصل: لبيه..
دانا: في مجال نزورك اليوم مع اريام ومدى..؟؟
فيصل: حياكم...بس غريبه الكل راح يجي..
دانا: فيصل..انا قلت لك ما راح اتركك..راح اساعدك..
فيصل ما فهم:في ايش؟؟
دانا بتردد: مع زوج امك..ما راح نسكت له..
فيصل انصدم: من سمح لكم تتدخلون ..انا طول عمري كنت ساكت ومحد عرف بالشي هذا..انا ماني ناقص فضايح..
دانا: لازم نوقفه عند حده..يمكن هو سواها مره..لكن قاعد يحاول يعيدها..
فيصل: انا ما طلبت منكم مساعده..اصلا ايش الفايده خلاص ..كل شي انتهى..
دانا: ما انتهى..ما دام هذا فهد زوج امك معاك وفي نفس البيت وما زال قاعد يحاول وماخذ السالفه لعبه..
فيصل سكت..
دانا: فيصل..ما راح نخسر شي..على الاقل نحاول..خليه يعرف انك مو لحالك..
فيصل احتار وما زال ساكت..
>>>>>>>>>>>>>>>>>>>>>>>>>>>>>>>>>>>>>>>
: انا خلاص ..ما عاد ابي شي الا انه يتركني..بس يتركني..
ريماس كانت يأسه من كل شي من عرفت عن ضاري وهي حالها منقلب فوق تحت..
: قولي لضاري..
لانا طالعتها بصدمه: نعم !! تبيني اروح لموتي برجلي..
ريماس: مالك الا كذا ..
لانا بخوف: لا...لالالا...مستحيل اروح اقوله .انا كنت وكنت وتعال شوف السالفه..لا ما اقدر..
ريماس: اجل اياد ما راح يخليك..
لانا: ريماس !! ايش فيك تتكلمي وكأن الحياة انتهت..
ريماس بكت وهي معصبه: وليه باقي فيها شي..كل اللي سويته ضاع ..كل احلامي من كنت صغيره تبخرت..ضاري راح مني ولا في ايديني شي..
لانا: انسيه يا ريماس..
ريماس: لا ...ما راح انساه ..انا راح اجيبه لي..وتشوفين..
لانا خافت منها: انتبهي يا ريماس...ترى هذا اخوي..
ريماس: لا تخافين..ما راح يصير له شي..
>>>>>>>>>>>>>>>>>>>>>>>>>>>>>>>>>>>>>>>
على الغدا..
الكل كان جالس..وسكات وهادي..البنات مشغلتهم سالفة فيصل..لانا في همها وجهها اصفرررر ..وضاري عاده عنده الهدوء..
وسلطان جديد عليهم..
لانا كانت تاكل بهدوء وبدون نفس..حست ان في نظرات تراقبها ورفعت عينها بسرعه عليه وبعد عينه..
سلطان بنفسه" سلطان لا تحكم عليها لازم تتأكد"
لانا بنفسها" هذا ايش فيه يطالعني كذا !!"
بعد الغدا..
الكل جلس بالصاله بأمر من حمد يبي الكل يشرب الشاي معاه..
ضاري اللي شافها فرصه مناسبه يقول اللي عنده..
: بما ان الكل مجتمع..فا من بعد اذن ابوي وموافقة سلطان..نخلي ملكتي على مدى الاسبوع الجاي..
مدى انصقعت..ووجهها اختفى لونه..ما فكرت انه مستعجل للدرجه هذي..او حست ان الموضوع راح يمشي جد..كأنها كانت تتخيله حلم وراح تصحى منه..
الكل علت على وجه ابتسامه بعضها رضى وبعضها استهزاء..
حمد: انا عني موافق ولا عندي مانع..
سلطان وهو يطالع مدى بحب: وانا بعد ما عندي مانع..وانتي يا مدى !!
مدى : براحتكم "ووقفت وطلعت"
اريام لحقتها..
ضاري اللي جات في خاطره حركتها ..من اليوم وطالع كل شي راح يقوله ما راح يعجبها وما راح تتقبل أي شي يسويه..
موضي: وين راح تسوي الملكه ؟؟
ضاري: هنا...والزواج في قاعه..
موضي: ترى مالي دخل فيها..
دانا: ماما !!!!
ضاري: ما طلبت منك شي..
سلطان طالع موضي..في ام تقول لولدها هالكلام الا اذا كانت مو راضيه عن زواجه..
>>>>>>>>>>>>>>>>>>>>>>>>>>>>>>>>>>>>
اريام: مدى ...ما زلتي مصره على رايك..
مدى: اريام..احنا ما نلعب..
اريام ما تدري ايش تقول ؟؟بس ودها تقول ارفضيه لو على موتك..بس لا تجبري نفسك عليه لانكم راح تخسرون الاثنين في النهايه..
>>>>>>>>>>>>>>>>>>>>>>>>>>>>>>>>>>>>>>>
دانا وابتهال على فرحتهم بزواج مدى وضاري الا انهم شايلين هم فيصل وزيارته اليوم..
لانا وهي جالسه معاهم وما همها ضاري بياخذ مدى او ما ياخذها مو مهم عندها...وصلها مسج...وكان من اياد..
" ابي اشوفك في المول "
لانا قرت المسج وتنهدت..حست ودها تبكي..رفعت عينها شافت سلطان يطالعها من جديد ..."وقفت"
: عن اذنكم..."وراحت"
دانا شافت اختها اليومين هذي وضعها بالمدرسه او بالبيت ابدا مو طبيعي...
>>>>>>>>>>>>>>>>>>>>>>>>>>>>>>>>>>>>>>
بالليل..
والكل في بيت فيصل..
فيصل كان جالس جنب سجى ومرتبك..
اريام: وين امك ما شفتها !!
سجى : لحظه اناديها..
فيصل دق قلبه وسكت..
جات ام اشواق وسلمت عليهم..
اريام اخذت امها على جنب..
: ممكن احكي معاك كلمتين..
ام اشواق ..اخذت مدى واريام للمجلس الثاني ..والبنات كانوا ساكتين يترقبون الجاي..
دانا جلست جنب فيصل ومسكت ايده تطمنه: كل شي راح يكون اوكي..
سجى الوحيده اللي ما كانت فاهمه شي..
عند اريام..
: والله يا ام اشواق ماني عارفه من وين ابدا بس راح ادخل في الموضوع..انا اعرف ان زوجك توفى الله يرحمه وان المسؤول عنكم الحين زوجك فهد..لكن يا ام اشواق اللي ما تعرفينه ان زوجك قاعد يحاول يتحرش في بنتك..
ام اشواق تغير لون وجهها وبسرعه ردت: انتي جايه في بيتي وتشككي في زوجي..
اريام: انا هالكلام مو من عندي..ولا ألفته..هذا الكلام من اشواق نفسها..بنتك تعاني وانتي موح اسه..وحكت لك كم مره ومو مصدقه...لكن لو كان على كذا انا اقولك بنفسي كان هانت..
ام اشواق واضح الصدمه القويه على وجهها : ايش تقصدين !!!
اريام : زوجك فهد...اللي انتي وثقتي فيه ومأمنته على بيتك وبناتك تعدى حدوده..وتعرض لاشواق..
ام اشواق وقفت: اقول انتي ما ادري من وين جايه وجالسه تخربطي علي..
اريام: انا مالي مصلحه في الشي هذا..لكن ما لاحظتي على بنتك وتصرفاتها ..ما لاحظتي عدم احساسها بالامان ..ولا زوجك خلاك تعتمي عن بناتك..
ام اشواق: مستحيل اصدق اللي قاعده تقولينه...مستحيل..
مدى: لا صدقي...اذا انتي لاهيه عنهم كيف راح تعرفي الحقيقه..وخلينا نطلع عند اشواق واعرفي منها كل شي ...
>>>>>>>>>>>>>>>>>>>>>>>>>>>>>>>>>>>>>>>
بالمول..
دخلت لانا المول وشافت اياد قدامها ينتظرها ...واول ما لمحها توجه لها..
: هلا ..هلا بالزين كله...هلا حبيبي..
لانا ما ردت عليه..
اياد : تعالي نجلس "ومد لها ايده"
لانا طنشته وجلست في اول كوفي صادفها..
: خير..ايش عندك !!
اياد: شكل الحلو زعلان..ليه من زعل حبيبي..!!
لانا: ترى محد رايق لك...اخلص وش عندك..
اياد: مشتاق لك..وابي اجلس معاك فيها شي !!
الا صوت رجولي من وراه..
: ايوه فيها اشياء..
لانا وهي تشوفه قدامها...والخوف اكل قلبها : ســـ ســــلطان !!!
اياد لف عليه: من هذا !!!!...من سلطان؟؟
سلطان وهو ماسكه من ملابسه: انا ولد عمها ..عندك أي اعتراض ؟؟
@@@@@@@@@@@@@@@@@
نهــــــــــــاية البـــــــــــــــارت..
بقايا شتات ..
|
29-04-10, 05:34 PM
جديد مواضيع قسم القصص المكتمله
العرض العادي
