كاتب الموضوع :
dali2000
المنتدى :
القصص المكتمله
الجــــــــزء الثــــاني والثلآثون..
سحبت لها كرسي وجلست قبال اختها...تسأل نفسها ليش صار لاختها كذا...هي تركتها سمنه على عسل معاه..ليش النهايه تكون بالشكل هذا..!!
: الله يهديك يا مدى..ما ادري ايش راح تكون نتيجة عنادك وغرور ضاري..
وحطت راسها على طرف السرير وراحت في غفوه من التعب..
بعد كم ساعه..طلعت شمس اليوم الجديد..
فتحت عيونها بشويش وهي تحس بألم فضيع..طالعت يمين وشافت اخوانها على سرير ابتهال نايمين..وعلى يسارها ابتهال اللي شكلها سهرانه عليها..
نغزتها: ابتهال...ابتهال.
ابتهال فزت بسرعه: هلا...هلا مدى صحيتي..؟
مدى : ايوه يا قلبي..روحي نامي وارتاحي..
ابتهال مسكت رقبتها مره تألمها: واخبارك الحين؟
مدى: تمام.."وتحركت من فراشها تبي تروح دورة المياه"..ايش صار امس؟
ابتهال مستغربه سؤالها: ايش صار امس!! انتي المفروض تقولين لي ايش صار امس..
مدى: انا شفت الموت بعيوني..بس انتوا ايش صار عليكم..
ابتهال: روحي لدورة المياه واذا خلصتي قلت لك كل شي...
>>>>>>>>>>>>>>>>>>>>>>>>>>>>>>>>>>>>>>>>>>>>
: وعمي ما سأل عني...
ابتهال تحاول تتذكر: هو اهتم وعصب ليش تاركينك بس بعد ما رجعتي ما اذكر..
مدى: اهااا..
ابتهال: الا انتي ليش تركتي ضاري..
مدى واحساس الخوف رجع لها من جديد وكأنها عايشه الموقف الحين: لانه شخص لا يطاق..
ابتهال: مدى حرام عليك..خفي عليه..انا ما بعد شفت سبب واحد لكرهك له..
مدى طالعت ابتهال: يعاملك غير..وياعاملني شي ثاني انتي ملاحظه يبي يجبرني على كل شي..واذا قلت لا قوم الدنيا وقعدها انا ماني على كيفه ولا على كيف مزاجه متى ما قال لي كلمه قلت له لبيه..لا يا قلبي انا حرة نفسي واسوي اللي يعجبني ابوي وهو ابوي ما قد تسلط علي يجي هذا بيجبرني على كل شي يبيه كل شي..اوف انسان فضيع..
ابتهال طالعتها وبنفسها" عاد كأن ابوك كان يعطيك وجه ..والله شكل مافيا مل تجتمعون مع بعض في يوم من الايام"
>>>>>>>>>>>>>>>>>>>>>>>>>>>>>>>>>>>>>>>>>>>
صحى من نومه...وطلع من غرفته بسرعه...وتوجه لغرفة دانا ودق الباب..
: دانا....دانااااا..
دانا اللي مستغربه جيته لعندها وبسرعه فتحت الباب: هلا ضاري "وطالعته من فوق لتحت"...فيك شي؟؟
ضاري انحرج شوي من نفسه: لا..مافي شي قومي خلاص كفايه نوم..
دانا حطت يدها على راسها : يعني ما في شي!!! ومصحيني كذا واليوم خميس!!!
ضاري: يله عاد عن المساخه قومي وانزلي بسرعه "وراح"
دانا: اوف ياربيه وش يحس به ضاري مصحيني هالوقت...
نزل تحت وطلع للحديقه..بعد ما قال للخدامه تجهز له كوب كوفي..مازالت بيجامة النوم عليه بس كالعاده النوم ماله اثر على عيونه..
وصل له كوب القهوه ويشربه بهدوء وهو يطالع غرفة الضيوف..
: بونجور مستر ضاري..
ضاري لف عليها ما توقع جيتها ولا حس فيها: هلا بونجور..
جانيت اللي كانت لا بسه شيرت "قميص" اسود كات وعليه جاكيت ابيض وبنطلون اسود..فسخت الجاكيت وحطته على الطاوله مع الشنطه...وجلست..
: كيفك؟؟
ضاري بدون ما يطالعها: تمام..
جانيت انتبهت لعيونه: مبين من عيونك مو نايم..سلامات مستر ضاري ألئان من شي( قلقان)
ضاري اللي بدا يطفش..ما يحب أي شخص كان يحشر نفسه بحياته ويكثر اسأله عليه..
: شوية ارهاق..
جانيت حست ان ماله خلق لها وقفت: اوك..سلامتك مستر ضاري..انا رايحه لعند البنات بالآذن..
ضاري وقف بسرعه: جانيت!!
جانيت لفت عليه...
ضاري قرب لها : ممكن خدمه..!
جانيت طارت من الفرحه: اكيد مستر ضاري انت بتأمور..
ضاري: ابيك تدخلين عند البنات تتطمنين عليهم وتجين هنا تطمنيني..
جانيت سكتت للحظه...الحين عرفت سبب الارق وسبب جلسته هنا..
: اوك مو مشكله...من عيوني..بالاذن "وراحت"
>>>>>>>>>>>>>>>>>>>>>>>>>>>>>>>>>>>>>>>>>>>>
ابتهال اللي كانت تشوف كل شي من الشباك..وسكرت الستاره..
: عمى بعينها جانيت هذي..تلزق في ضاري لزقه مو طبيعيه..
مدى: ليه ضاري هنا!
ابتهال : ايوه.."بدت تلمح لها"..يا عمري عليه ضاري البنات منكبين عليه بس ما عطى احد وجه..
مدى : لانه مغرور..ومن هذي الغبيه اللي راح تحبه..تصدقين يا ابتهال انا من الحين ارحم اللي بتاخذه..وودى انصحه بعزوبيه آبديه..
ابتهال: حرام عليك يا مدى والله انه ذوق..
وسمعوا دق الباب..
ابتهال: وصلت ست الحسن والدلال..."وفتحت لها"
جانيت كان وجهها متغير لونه من الكلام اللي سمعته قبل لا تدق الباب: بنجور..
ابتهال: بونجور.."وانتظرتها تدخل وما دخلت"...جانيت تفضلي..
جانيت: اوه سوري...هاي مدى..كيفك اليوم ا ن شا الله منيحه؟؟
مدى ابتسمت لها: الحمد لله منيحه..
جانيت: لا لا ما شا الله مبين انك تمام..
مدى ابتسمت مجامله: يسلمو..
وسمعوا رنة موبايل مدى..وردت ابتهال..
: هلا عمتي...يسعد صباحك..
لطيفه: هلا ابتهال اخبارك...واخبار اختك صحت؟
ابتهال: لا الحمد لله بخير وصحت..
لطيفه: الحمد لله اعطيني مدى بأكلمها..
ابتهال مدت الموبايل لمدى: عمتي على الخط..
مدى: هلا عمتي..ويسعدلي صباحك..
لطيفه: اخبارك ا ن شا الله احسن..
مدى: لا الحمد لله احسن انتي اخبارك؟
لطيفه: والله قلقنا عليك امس...طيحتي قلوبنا..
مدى: هههه ابي اشوف مكانتي عندك يا عمه..
لطيفه: غاليه يا بنت الغالي ما يحتاج تشوفينها..بس لا تسوين هالسواة..
مدى: الله يسلمك..ويطول بعمرك..
لطيفه: زين يا قلبي ما اطول عليك وانتبهي لنفسك..
مدى: ا ن شا الله .....مع السلامه..
جانيت وقفت متوتره: شوي بس بالاذن بنات.."وطلعت"
ابتهال: وين بتروح؟؟؟..."وراحت للشباك وشافتها متوجهه لضاري كلمته كلمتين وهو وقف ودخل"...ايش تبي منه؟؟
مدى: خير وش عندك؟
ابتهال سكرت الستاره: ولا شي..
ورجعت لهم جانيت..
دانا وهي نازله..
: هلا ضاري صباحو..
ضاري: بدري مره..كان ما نزلتي..
دانا: ايش اسوي خلصت كم شغله ونزلت..كنت تبي شي؟؟
ضاري: كنت ابي والحين مشكوره..
دانا:طيب وايش كان؟
ضاري وهو ينتظر اللفت ما فيه يصعد الدرج: خلاص مشكوره تصرفت بدونك..
دانا : ايه طيب شنو؟؟؟؟؟؟؟
ضاري : بلا لقافه ..."ودخل اللفت"
دانا انقهرت: الحين مصحيني من نومي وبالاخير ما يقول لي شي ...اوووف "وطلعت للبنات"
>>>>>>>>>>>>>>>>>>>>>>>>>>>>>>>>>>>>>>>>>>>>
: وكنت اسمع اصواتها بس..وفجأه لمحت عيونهم قدامي..وانا في في هذي اللحظه انشليت وما قدرت اسوي شي غير اني صرخت..
ابتهال مخترعه ومطيره عيونها: ايوه وبعدين...!!
دانا حاطه يدها على فمها: ايه وايش صار؟
جانيت اللي بالها بعيد وماهي معاهم..
مدى: سمعت طلق نار وعلى طول هم راحوا..وكان ضاري..
دانا تصفق: وناسه...كانه اللي في المسلسلات يعني ضاري البطل وانتي البطله..
مدى بقرف: بطل وبطلة مين؟؟؟...اقول انا كنت بموت وهذي تحلم بالحب والخرابيط..
ابتهال: والله ضاري رهيب ما شا الله عليه..
دانا باعجاب وهي تتذكر كل المواقف اللي مرت عليهم:اخوي ضاري شي..وخصوصا في المواقف الصعبه..عشان كذا ابوي يعتمد عليه بعكس اخوي الثاني..اللي ماخذ الدنيا لعب..
مدى: عندك اخو ثاني؟؟؟؟؟؟؟
دانا: ايوه بس طول حياته برى..نادر وجوده واحسن لنا ولكم لا يجي..
ابتهال: ليش؟؟
دانا: اخلاقه صفر..لا يعرف يتكلم ولا يتصرف ولا يعرف شي بس يعفس الدنيا ويطلع..طبعا عدوه الاول اخوي ضاري...
مدى: صاير بينهم مشكله يعني..؟؟
دانا: ما ادري ليه بالضبط..من عرفتهم وهم بمشاكل في مشاكل ..
وفجأه انفتح الباب بقوه..
: يعني لازم عزيمه يا حلوين؟؟
دانا: عزيمه لايش؟؟؟
لانا: على الفطور..يعني على ايش!...بسرعه دادي ينتظر..وترى تعبت عشان شي ما يسوى اخلصوا علي..
دانا: مدو..راح اقولهم يجيبوا لك فطورك هنا اوك..يله ابتهال..
ابتهال وقفت ونفسها انسدت من اسلوب لانا..
جانيت: انا راح ظل هون مع مدى..
دانا: اوك راح اخليهم يحسبون حسابك..عن اذنكم..
جانيت: تفضلي..
مدى تمددت على الكنب شوي: آه ظهري احسه انقسم نصين..
جانيت: مدى...!
مدى: هلا..
جانيت: انتي عايشه هون من زمان..؟
مدى: لا ...ليه؟
جانيت: لانك ما بتعرفي ابن عمك ..اخو ضاري..
مدى: لا..انا من كم شهر بس عرفت ان عندي عم..
جانيت: اهاااااا
>>>>>>>>>>>>>>>>>>>>>>>>>>>>>>>>>>>>>>>>>>>>
العصر..
الكل كان مجتمع بالصاله..حمد وموضي والبنات كلهم وجانيت وحتى بدرووداد..
لانا ماسكه اللاب حقها وسوالف ومطنشه العالم..
مدى حاطه يدها على خدها..دانا وابتهال سوالف...وموضي مولعه على الجمعه الاسريه هذي..
نزل ضاري اللي ما حضر الفطور مستعجل...انصدم لما شاف مدى وابتهال موجودين..
: السلآم عليكم..
الكل: وعليكم السلام..
ضاري: انا طالع الشركه..يبه تامرني على شي..
حمد: لا سلآمتك..
ضاري خطف نظره على مدى اللي واضح انها كانت تصد عنه: طيب سلام "وطلع للشركه"
حمد وقف: مدى..
مدى اخترعت: هلا..
حمد : تعالي معاي..
مدى وقفت: ا نشا الله.."طالعت ابتهال مستغربه"
ابتهال ردت لها نفس النظره..
دانا بهمس: روحي ما راح ياكلك..
مدى بلعت ريقها ومشت وراه وكان طريقه لمكتبه..
جلس على الكرسي..
: ادخلي وسكري الباب..
مدى سوت اللي قال لها عليه..
: اجلسي.."وهو يأشر على الكرسي المقابل مكتبه"
جلست مدى وهي متوتره..هذا اول لقاء بينهم من اول ما وصلت..
: ا نشا الله صحتك تمام..
مدى: لا الحمد لله تمام..
حمد: الحمد لله...وانتبهي لنفسك مره ثانيه..
مدى: ا نشا الله..
حمد: اسمعي وانا عمك..احس جاء الوقت اللي لازم نتكلم فيه عني وعنك واخواك ابوك..وكل واحد يقول للثاني اللي بقلبه..وبكل صراحه...
مدى تتابع كلامه وتبي الآخر..
حمد: انا ما انك راني اخطيت..وخطاي كبير..وادري مالي مبرر لو شرحت لك مبرري..واصلا ما راح تقتنعين بأي شي اقولك لك.. فا انا كذا راح اجيك من الاخر واصحح الخطاء..مدى صدقيني انا ما سويت اللي سويته كره في ابوك بس تأكدي ان القدر اللي ظلمني اجبرني اسويه..والحين بما اني ناوي افتح صفحه جديده ..راح ادور اخوي واعتذر منه..الانسان ما يدري متى يومه..وانا مابي يجي يومي وانا شايل مو ذنوب وبس...شيال جبال منها...كل شي صاير في حياتكم احس اني المسؤول عنه..من الاول للاخير..ابي اعتذر منكم واحد واحد..وابيكم كلكم تسامحوني من قلبكم..وعندي استعداد اعتذر لحد اخر يوم من عمري لحد ما ترضون علي..
مدى دمعت عيونها: اللي سويته موشي..
حمد: انا عرف حجم اللي سويته وادري ما ينقاس..بس اذا ربي يتوب ويغفر ويقبل التوبه...ليش الناس ما ترحم..انا الحين ما ابي منك تقولين مسامحتك..بس على الاقل فكري بالموضوع ..محمد اخوي راح ادوره واجيبه يعيش معي..ونعيد ذكرانا من اول وجديد..ونمحي الصفحه السوداء اللي كانت بحياتنا..
مدى حنت لابوها كثير..مشتاقه له حتى لو ما كان يوم لهم..تبيه بعيوبه لو كانت كبر السماء..هذا ابوها عزوتها وتاج على راسها..
: انت رجع لي ابوي لنا مثل ما كان قبل لا تخليه الصاحي المجنون..ابيك ترجع ابوي وهو عاقل وواعي وعقله معانا..في هذي الساعه اسامحك..
حمد: ا ن شا الله بقدر ارجعه لكم محمد اللي اعرفه اخوي عضيدي..
مدى وقفت خلاص راح تبكي ولا تبيه يشوف دموعها: انا الحين استأذن "وطلعت"
حمد تركها تطلع مع انه كان يبيها تحكي له ولو كان عن كرهها له..
>>>>>>>>>>>>>>>>>>>>>>>>>>>>>>>>>>>>>>>>>>>>
موضي اللي احترقت في مكانها والافكار تروح وتجي في بالها..
" يمكن يبي يسلمها الحلال..ولا قاعد يوصيها عليه ..اخ بس لو كان حمد مسجل الحلال باسمي والله ما يحصلون ريال واحد..بس ايش اقول حظي مثل وجهي .."
كلهم شافوا مدى طالعه من مكتب حمد وهي مسرعه وطلعت برى..
لحقتها ابتهال..
وهي تحاول توصل لها: مدى..وقفي...لحظه..
مدى تمشي وما عندها استعداد توقف لاي شي..
لحد ما وصلت لغرفتها ورمت نفسها على السرير وبكت..
ابتهال خافت عليها: مدى تكفين ايش قالك؟؟
مدى: ما قال شي..
ابتهال : كيف ما قال شي وانتي تبكين...لا يكون صاير في ابوي شي ولا سلطان؟؟
مدى: لا ما صار فيهم شي..
ابتهال: اجل؟
مدى قعدت وتحاول تمسح دموعها: وعدني انه يرجع ابوي بس بشرط نسامحه..
ابتهال غرقت عيونها دموع: صدق!!...بيرجع لنا ابوي؟؟...ايه مسامحته والله مسامحينه..
مدى: وراح يرجعه وهو متعالج..
ابتهال ما صدقت اللي سمعته..واخير راح تشوف ابوها طبيعي..صاحي معاها بعقله وجسمه مو جسد بدون احساس..."ورمت نفسها بحضن مدى..
: يارب ..يارب يرجعه لنا يارب..
>>>>>>>>>>>>>>>>>>>>>>>>>>>>>>>>>>>>>>>>>>>>
لانا تركت جهازها وراحت جنب دانا: تتوقعين ايش كان يبي دادي منها؟
دانا رفعت اكتافها: ما ادري..بس ليش بكت؟
لانا رفعت ايديها تدعي: يارب ان ابوي قرر يطردهم من البيت..
دانا طالعتها بأستحقار: لانا..عن تفكيرك السقيم..
لانا: امنيه ويارب تتحقق..والله ما عاد احس اني مرتاحه في بيتنا احس ان في احد مشاركنا فيه وينكد علينا..
دانا: اللي يسمعك يقول انك دايم فيه...طول وقتك برى ولا نايمه..علميني بس كيف نكدوا عليك.."ورن موبايلها" وه...هذا فيصل.."وبهمس" ..هلا حبيبي..
فيصل: هلا ومرحبا..هلا بهالصوت اللي يرد الروح..
دانا: ههههههههههه هلا فيك روحي..
فيصل: اخبارك؟
دانا: من سمعت صوتك بخير..
فيصل: يا جعله دوم يارب.
دانا: انت كيفك؟
فيصل: انا قلت لك..وانا معاك لا تسأليني عن حالي اكيد بخير..
دانا: دوم يارب..
فيصل: ايش عندك اليوم؟
دانا: ما عندي شي...
فيصل: اجل انا عازمك في بيتنا..
دانا: والمناسبه؟
فيصل: كذا بدون مناسبه..نفسي اجلس انا وانتي لحالنا..بعيد عن المدرسه والبنات..
دانا بتفكير: ما تخليها يوم ثاني..
فيصل: لالا...اليوم..ضروري اليوم الجو عندي تمام..
دانا ابتسمت: اوك بعد ساع هوانا عندك..
فيصل: يا لبيه يا انتي بس...انتظرك.
دانا: ههههههههههه باي..
"ورجعت لعند امها"...
:مامي انا طالعه لاشواق صاحبتي اوك..
موضي مو في وجو دانا: روحي روحي..
لانا بسرعه نطت عندها: بتروحين لها وين؟
دانا: في بيتها..
لانا: عندها بارتي؟
دانا: لا..
لانا: لحالكم..
دانا: ايه..ايش فيك هو تحقيق انا ما قد سألتك متى تطلعين ولا وين تروحين او مع مين...
لانا: دنو لا تروحين..
دانا عصبت: لانا...بليز بعدي عني...مالي خلقك اوووف.."وطلعت لغرفتها"
لانا: اشك ان هالبنت في راسها عقل..
موضي ما قدرت تصبر وراحت لحمد في مكتبه..
: حمد ايش فيها البنت طلعت تبكي؟؟
حمد وهو يطالع اوراقه: يعني هامك البنت ولا اللي بكى البنت؟؟
موضي : اثنينهم..
حمد: راح ارجع محمد اخوي..
موضي انصدمت: ايش؟؟؟؟؟؟؟؟؟؟؟؟
حمد : اللي سمعتيه..
>>>>>>>>>>>>>>>>>>>>>>>>>>>>>>>>>>>>>>>>>>>>
في الشركه...
وبالكافتيريا بالتحديد..
: اقول علياء...تصدقين فقدت مدى..
علياء: يؤ هوازن شخباري..مدى غبار عليها..
هوازن: والله رحمتها يوم عزاء امها كانت تكسر الخاطر..
علياء: الحين هي بنت عم ضاري...بس ليش مو نفس المستوى .؟
هوازن: البيوت اسرار ما تدرين عنهم..
سحب كرسي وجلس معاهم: من تحشون اليوم!!
علياء: ههههههه هوازن جابت غبار..تتكلم عن مدى..
هوازن:الا ياسر جد ما تعرف عنها شي..؟
ياسر سرح وراح باله بعيد..
علياء: ههههههههه ذكرتيه بالذي مضى..هيه ياسر..الوووو
ياسر: هلا..
علياء: وين رحت...نقول لك ما تدري عنها شي؟؟
ياسر: لا..ما اعرف عنها شي..
هوازن: ولا راح ترجع تشتغل...!
ياسر: والله ما ادري..
علياء: تشتغل ليه وعمها له الشركه..
هوازن: يعني اول كانت تشتغل وعمها صاحب الشركه ايش الفرق؟
علياء: انا مخي بدا ينلحس...اسكتوا تكفون..وانت قوم لا يجي ضاري ويشوفك ويعطي لكل واحد منا ملفه..
ياسر: اجل ضاري حاف...تحسبينه اخوك..هين بقوله..
علياء مخترعه وتأشر : المدير المدير..
ياسر فز من مكانه : وينه؟؟؟
علياء ماتت ضحك: هههههههههههه وربي حفله...انت حفله.
ياسر: والله انتي المخفه يا الغبيه...وبقول لضاري عنك هين..
علياء وهي تترك الساندوتش وتلحقه: ياسر واللي يسلم عمرك لا تقول له شي..
&&&&&&&&&&&&&&&&&&&&&&&&&&&&&&&&&&&&&&
اريام دخلت بعد ما اعطوه العلاج..حصلته مثل اللي ينازع روحه من الالم...
جلست جنبه وعيونها غرقت دموع..كل جلسة علاج تشوفه بالمنظر هذا..وهو لو يدري انه مو علاج اهون لها...من انه يتعذب وهو يظن نفسه راح يتشافى بيوم من الايام..
سامي: اريام..
اريام قربت عنده لان صوته منخفض مره: عيونها..
سامي: بعد العلاج لا تدخلين عندي..
ارايام: بس انت..
سامي وهو يلاحق انفاسه: لا بس ولا شي..لا تدخلين..
اريام بكت: حاضر.."ومسحت على شعره وطاحت خصله كبيره منه...انصدمت من المنظر خبت الشعر في كفها وسحبت نفسها وطلعت برى الغرفه"
سندت نفسها على الجدار وهي تطالع شعره بايدها وحطت يدها على فمها تكتم انينها ..شهقتها..وضرختها..لا تصم الكون منها...
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&&&&&&&&&&&
بدون نفس وبصوت عالي: سلطاااااااااااان زياره..
فز من مكانه بسرعه...صار هوسه الزيارات..كل ما شاف عسكري مآر او فتح باب السجن توقع زياره له...
طلع بسرعه..
وهالمره راح لمكتب الضابط...وهذي ما تصير الا اذا عزام زاره..
: هلا عزام..."وسلم عليه"
عزام: هلا بسلطان..اخبارك طمني عنك؟؟
سلطان وهو يشوف الضابط يطلع: الحمد لله تمام..انت اخبارك..
عزام: الحمد لله..ايش مسوي؟؟
سلطان تنهد: ابي اطلع..خلاص مليت ما عاد فيني صبر ساعات يا عزام احس ودي اكسر الجدارن واطلع ..ما عاد صار جسمي بس محبوس حتى قلبي صار سجين ما يقوى يتنفس..
عزام: خلها على ربك وتهون..الايام تمشي بسرعه يا سلطان..بس انت شد حيلك واحفظ بسرعه..يمكن تقل المده..
سلطان: والله كل حيلي في الحفظ عسى الله يكتب لنا الفرج..
عزام: امين..
سلطان: عزام ابي منك خدمه..
عزام: آمر..
سلطان بتردد: ابي اكلم اهلي..
عزام طلع موبايله: غالي والطلب رخيص...تفضل "ومده له"
سلطان ما صدق: جد!! "واخذه منه بسرعه وضغط رقم مدى وسمعه يرن وانتظر الصوت بلهفه"
مدى تطالع موبايلها: الرقم غريب..
ابتهال: لا تردين..اخاف واحد من الشباب وينشب لك..
مدى: طيب..
سلطان تحطم لما ما ردت عليه ولف على عزام..
عزام انفطر قلبه على نظرة سلطان فيها حزن اكثر من حزنه على انه سجين..
: سلطان اتصل من جديد..
سلطان رجع اتصل واللهفه للصوت قلّت..
مدى: يووووه..رجع يتصل..
ابتهال: هذا شكله من الشباب النشبه ردي عليه وعطيه كم كلمه..
مدى استعدت: نعم!!!
سلطان بيطير من الفرحه لدرجه انه سكت..
مدى استغربت: الوو....الو..
سلطان يبي يتكلم..يبي يحكي ..يبي يقول اللي عنده قد ايش مشتاق قد ايش هو ندمان وقد ايش كرهه حياته وهو بعيد عنهم..
مدى بطفش: الو..رد يا اللي ما تستحي على دمك.
سلطان والعبره مثل السكين بحلقه: مدى ....!
مدى سكتت...تبي تستوعب ..الصوت تعرفه..بس مستحيل يكون هو..
وبتردد: مين؟؟؟
سلطان: انا...انا يا مدى...سلطان..
مدى وقفت من الصدمه: سـ...سلطان..سلطان حبيبي ...انت سلطان اخوي؟؟؟
سلطان بكى: مدى والله اشتقت لكم..مدى والله بدونكم ما اسوى..مدى انا تعبت لحالي والله تعبت..
مدى دموعها جرت على خدها بدون ما تحس: سلطان يا قلب اختك...والله ماني مصدقه اني سمعت صوتك..والله ماني مصدقه ..اشتقت لك..سلطان يله ارجع لنا بسرعه..
ابتهال جاها الاسم مثل الصاعقه على قلبها شل كل خليه بجسمها...مستحيل يكون سلطان اخوها على الخط مستحيل..
سلطان: تكفين طمنيني عنكم..وش مسوين مرتاحين؟؟
مدى: احنا بخير..بس انت طمني عنك؟
سلطان: ادري نزلت راسكم وادري مو هذا عشمكم فيني..واعرف قد ايش تعانون بسببي سامحيني يا مدى..
مدى: لا يا اخوي والله مكانتك فوق..واحنا عارفين اخونا على ايش متربي...وربي نظرتي لك ما تغيرت ولا اهتزت..
سلطان: وين ابتهال .مشتاق اسمع صوتها..
مدى: لحظه..ابتهال سلطان يبي يكلمك..
ابتهال طالعت مدى وكأنها ما تفهم مدى ايش قاعده تقول..
مدى: ايش فيك سلطان على الخط..
ابتهال طاحت دمعتها: ما اقدر ....ما اقدر اكلمه يا مدى..
مدى: الولد ينتظرك يمكن ما يحصلك تكلمينه مره ثانيه..
ابتهال مدت يدها بتردد...وحطت الموبايل على اذنها وسكتت..
سلطان اللي سمع ايش قالت ..غمض عيونه يدري انه غلط في حقهم..الحن هم يعانون بسببه...لو كان معاهم ما صار لهم اللي صار...وسمع صوت شهقتها..
: ابتهال..
ابتهال انفجرت بكي: ليه يا سلطان...ليه تسوي فينا كذا ايش اللي حدك..
سلطان عوره قلبه: ابتهال اسمعيني..
ابتهال: مابي اسمع منك شي..سلطان ياخوي انت كنت غير عن كل الناس...ليش صرت مثلهم..انت الملاك انت اللي مالك مثيل صاحب المبادئ والقيم تسوي كذا!
سلطان سكت وما تكلم..
ابتهال صرخت: رد علي..لا تسكت..ما تدري قد ايش انا محتاج هلك..وما تدري قد ايش انتظرك كل يوم واحسب الساعات..رد علي لاني في كل لحظه اتمناك جنبي وفي كل موقف يمر على بالي انت فيه..رد علي ليش سويت كذا ليش؟
مدى سحبت منها الموبايل: سلطان ما عليك منها وربي هي ق اعده تخربط وما تدري ايش تقول..
سلطان انكسر ونزل راسه: عاذرها..والله ما الومها..ابي اطلع من هنا وارجع لكم..قولي لها تنتظرني "وقفل السماعه ومسح دموعه وراح لعند عزام"
: تفضل..
عزام اخذ موبايله ووقف جنبه وحط ايده على كتفه: خلهم يفرغون اللي بداخلهم..نرى كل شي جاهم فجأه وبنات ما يتحملون اكثر من طاقتهم..
سلطان وهو يحاول يتحكم في دموعه لا تنزل من جديد: ادري.عن اذنك ابي ارجع..
جاء العسكري واخذه ورجع للمكان اللي ما فيه طعم للانسانيه ولا لمحه لأحترام الذات..من ذل الى هوان واخيرا الى انعدام الشخصيه السويه..
&&&&&&&&&&&&&&&&&&&&&&&&&&&&&&&&&&&&&&
مدى: ليه قلتي له كذا...هو ناقص!
ابتهال: غصب عني يا مدى..من سمعت صوته حسيت بالقهر مفروض يكون هنا معاي مو هناك..هذاك مو مكانه ولا له..المكان اللي هو فيه ما انخلق لسلطان اخوي...سلطان اخوي سلطان عليهم كلهم..مكانه فووووق ما يطوله القاصي والداني..اخوي سلطان كبير وغير عنهم كلهم..سلطان اخوي ينضرب فيه المثل مكانه مو هناك عرفتي الحين لي شانا قلت له الكلام هذا غرفتي لي شانا مقهوره منه...
مدى جلست بتعب وما زالت دموعها تشق طريقها على خدودها: ادري واعرف ان السلطان مكانه فوقهم كلهم..
******************
&&&&&&&&&&&&&&&&&&&&&&&&&&&&&&&&&&&&&&
وقفت قدام بيتهم تنتظر احد يفتح لها.
: اهلآ وسهلآ ومرحبآ
دانا كشفت وجهها: هلا والله..
فيصل على طول ضمها: واااااااااااااحشتني مووووووووووت..
دانا وهي تحاوطها بأيدينها: اخاف بعدك اموووت..
فيصل بعد عنها وطالع وجهها وقرص خدودها: فديت الحلوين انا والمستحين..
دانا وهي تبعد ايدينه عن خدودها: ما استحيت..
فيصل يمشي وراها وحضنها من ورى: الا مستحيه..
دانا: ما استحيت..
فيصل: طيب ما استحيتي..
دانا فسخت عبايتها وعلقتها وتضبط شكلها قدام المرايه..
وفيصل يصفر وراها بأعجاب: وااااااااااو ايش الجمال هذا؟؟"واخذ يدها ويدور فيها" روعه..جنان..خوقآق.
دانا وهي تلف تضحك: عجبتك!..اليوم لابسه هاللبس لك..
كانت لابسه تنوره رمادي قصيره لفوق الركبه..وبلوزه توب اسود..مع شعرها اللي مسويته "ستريت" على غير العاده كيرلي طالعه "شي"
فيصل: تعالي تعالي..انا شاكه ان في احد يعلمك اشياء من وراي..
دانا ما فهمت: اشياء مثل شنو؟؟
فيصل بتردد: يعني نظام الـ.. يعني كيف افسرها لك..
دانا: تقصد نظام البويات..!!
فيصل يرقع: لا..يعني مو كذا بالضبط لان احنا غير احنا نحب بعض..
دانا: ايوه لا تخاف..محد قال لي شي...انا اعرف حبيبي ايش يحب ما يحتاج احد يقول لي..
فيصل : ويلوموني فيك..."واخذ يدها وجلسوا في الصاله" تدرين ان في كم وحده يبون يبعدوني عنك..وياخذوني منك..بس تعرفين قلبي ما يطاوعني ولا حب غيرك..
دانا بعفويه حطت رجولها على الطاوله اللي قدامها: ادري..انت قلبك ما يطاوعك تتركني..
فيصل طالع رجولها وضاعت علومه: ايش تشربين؟
دانا: اممممم أي شي..
فيصل وقف: تدرين حتى الخدم مو هنا..مافي الا انا وانتي..
دانا خافت شوي: ليش وين راحوا؟؟
فيصل: انا طلعتهم كلهم..ابي نعيش انا وانتي لحالنا "ودخل المطبخ"
دانا تطالع بيت فيصل..كبير بس ما يجي شي عند قصرهم..بس منقسم فليتين..
رجع فيصل ومعاه العصير..
: تأخرت عليك!
دانا: لا عادي "ونزلت رجولها"..الا اقول فيصل..
فيصل: لبيه..
دانا: ليش عندكم فيلتين؟
فيصل: وحده لي انا واختي...وحده لامي وزوجها وعيالها..
دانا: وانتوا لحالكم هنا!!
فيصل نزل راسه وطالع العصير: ايوه..واختي راح تتزوج قريب وما بيقبى فيها الا انا..
دانا : ليش طيب ما تروح عند امك..
فيصل: مجنون انا اعيش عند زوجها المريض..
دانا عقدت حواجبها ما فهمت..
فيصل وضح لها: زوج امي مريض نفسيا..امي بنفسها قاسمه البيت نصين..لانه..لانه قد حاول يتحرش فينا انا واختي.."وتنهد" فا عشان كذا امي اختارت الحل السليم ورمتنا هنا لحالنا ..
دانا كسر خاطرها..اكيد كان فيصل يعاني من قبل..
فيصل مرت عليه الصور لما كان صغير..وموقف زوج امها لما قرب منها مستحيل تنساه ..وفجأه صحت من تفكيرها..
: اقول ما علينا...اشربي عصيرك..
دانا اخذت العصير وشربته وهي تطالع عيون فيصل اللي مليانه غموووض...وحزن..
بعد دقايق..
دانا تضحك من غير وعي: هههههههههههه فيصل والله احس ان في شي في بطني يضحكني ماني قادره اسكت..
فيصل بأبتسامه: اكيد راح تحسي بالشي هذا..الله يخلي العصير..
دانا وقفتها مو متوازنه: ليش العصير ايش فيه؟
فيصل ثبت وقفتها: فيه حلاو..بس امشي تعالي معاي..
دانا وهي حاطه راسها على كتفه وتمشي معاه: فيصل حلاو فراوله ولا كرز ولا توت؟
فيصل: ههههه لا منوع لك..يطلع احلى..
دانا مسكت وجهه وباسته: احبك..
فيصل ضحك بصوت عالي: هههههههههههه كان من زمان عطيتك هالحلاو..
لحد ما وصل لغرفته وفتح الباب..
: وهذي غرفتي يا دنو...
دانا تركته ..تطالع الغرفه: واو غرفتك روعه..
فيصل: لما دخلتي فيها صارت احلى.."وجلس على السرير وشغل اغنيه اجنبيه بس هااديه" تعالي عندي..
دانا: ليه راح ننام؟؟
فيصل: ودك؟
دانا: ايه ليش لأ..
فيصل: حياك ما اقول بعد انا لا..
جات دانا ورمت نفسها على السرير..
وقف فيصل وفسخ الشيرت "القميص حقه"..: لزووم الشغل"ورماه بعيد..
و.....................
&&&&&&&&&&&&&&&&&&&&&&&&&&&&&&&&&&&&&&
تتابعه كل ليله كيف ينام مثل الملاك والاطفال الصغار..دعت ربها يهون عليه ويخفف عليه ويشفيه..
راحت دورة المياه تبي تتوضا عشان تصلي فيها ركعتين بأخر ليلها وتكون لربها اقرب..
طالعت وجهها بالمرايه حتى هي..صحتها ونور وجهها اختفى ..ما عاد حتى عيونها لمعه ..الحياة قدامها بدت تكون بالابيض والاسود بالنسبه لها..
غسلت وجهها تبي تبعد كل الوساويس عنها..واليأس ومثل كل يوم تجدد نفسيتها وروحها لليوم الجديد..
طلعت من دورة المياه وتوجهت لسجادة الصلاة رفعت عينها وانصدمت...ما كان موجود قبل لا تدخل!!!
قربت له ورفعته "باقة ورد منسقه بشكل حلو" من حطها؟؟
طلعت برى غرفة سامي تشوف في احد..لكن الهدوء عام المكان مافيا لا ممرضات يعملون جولات.. بنفس الهدوء رجعت..سكرت الباب وطالعت الورد..تدور كرت او شي يدل على صاحبه بس ما حصلت شي,,,
وقفت دقيقه تفكر..فيه شي قاعد يصير حولها وهي ماهي عارفه ايش هو...
&&&&&&&&&&&&&&&&&&&&&&&&&&&&&&&&&&&&&&
سحبها واخذها على المغسله وغسل وجهها بأيده كم مره ..
: دنو ....دنو..
ورجع يغسله من جديد وضرب وجهها..
: دانا ...دانا اصحي..
دانا تحاول تفتح عيونها: فيصل ايش فيك؟
فيصل وقفها ثابته: دانا ركزي معاي...انتي صاحيه؟
دانا صحت شوي: ايش فيك..!
فيصل : هذا وانا ما كثرت لك صار فيك كذا..اجرمت فيك يا بنت "ورجع يغسل وجهها من جديد" دااااانا اصحي..
واخذها للغرفه..
: دانا انتي معاي..
دانا صحت: ايوه معاك.."بس ما ننذكر شي او ما تتذكر التفاصيل" ايش فيك غسلت وجهي..
فيصل: ما ادري عنك فجأه اغمى عليك..
دانا: انا غمى علي...ليش؟
فيصل: وانا دكتور..بس الحمد لله على سلامتك انقذتك..
دانا مسكت راسها: آخ راسي والله صداع فضيع واحس فيني النوم..
فيصل: شكل الشي ما راح مره..البنت مره معاي ومره لا..دانا تروحين بيتكم..؟
دانا: كم الساعه الحين؟
فيصل: وحده ونص..
دانا وقفت بسرعه: يا ويلي من مامي...الساعه 11 مفروض اكون بالبيت.
فيصل: جد!...قولي لامك ا نام فيصل اصرت علي...
دانا: يارب ما انتبهت لي ولا حرمان من الطلعه..
فيصل: ا ن شا الله..يله بسرعه انزلي لا يضيع الوقت..
ونزلوا بسرعه وعند الباب..
فيصل: دنو..احبك..
دانا وهي تلبس عبايتها بسرعه: وانا احبك يله باي..
فيصل وابتسامته ماليه وجهه: باي..
دانا ركبت السياره مع السواق الللي نايم عند بابهم
: قوم بسرعه رجعني للبيت..
فز السواق من النوم: حاضر مدام..."وشغل السياره ومشى"..
وصلت للبيت بعد مشوار ربع ساعه بما ان الشوراع فاضيه..دخلت مافي احد صاحي..صعدت فوق بسرعه حصلت لانا تنتظرها..
لانا: تدرين كم الساعه؟
دانا خايفه: ادري..بس ايش اسوي..
لانا: كل هالوقت عندها بروحكم...
دانا: والله ما ادري كيف راح الوقت..
لانا طالعت وجهها: ليش الميك اب حقك سايح..
دانا: مغسله وجهي..
لانا: ليش؟
دانا:اغمى علي عند فيصل..
لانا : ايش؟؟؟؟؟؟
دانا: ما ادري كيف ..بس صحيت وفيصل يغرقني مويه..
لانا سكتت شوي...
: يغسلك وانتي واقفه؟
دانا: ايوه..
لانا: وفي احد مغمى عليه واقف؟؟
دانا : يعني ايش؟؟
لانا: افسخي عبايتك اشوف..
دانا: ليه؟
لانا سحبت الطرحه وشافت رقبة دانا وتقرفت: اقول ادخلي نامي ابرك لك يا المخفه وقسم تنحه...
دانا: لنو ايش فيك؟؟
الا صوت ضاري: ايش عندك انتي وياها؟؟
لانا بسرعه رجعت الطرحه على طتف دانا وهمست لها: امسكيها زين لا يطلع منك شي فاهمه..
ضاري قرب لهم اللي كان طالع للمطبخ العلوي يشرب مويه : انتي لسه جايه؟!!
دانا بخوف: من بيت عمتي..عند رهام..
ضاري: وحتى لو عند عمتي ليشت جين بالوقت هذا مع السواق بروحك؟
دانا: كنت بنام عندهم..بس هونت.."وشدت طرحتها"
ضاري سكت شوي طالع وجيهم الوانهم مخطوفه..
لانا خافت منه: يله دانا روحي لغرفتك وانا بروح لغرفتي..
ضاري مر من بينهم وراح للمطبخ..
لانا سحبت دانا لغرفتها ودخلت وقفلت عليهم..
: يمه ...قلبي بيوقف..انتي يا هبله يا مجنونه ما قلت لك لا تروحين لحالك..
دانا: ايه ليش؟؟؟؟؟؟؟؟؟؟؟
لانا: هالغبيه لحد الان ما فهمت..بقره والله بقره.."وسمعت رنة مسج" لحظه اشوف..انا ما ادري متى راح تكبرين وتفهميــ"وسكتت"
دانا: من مين؟
لانا تغير مزاجها: انا طالعه غرفتي..بكره نتفاهم..
دانا: لانا لحظه..
لانا طلعت وسكرت الباب وراها..
وهي تقرا المسج.."هلا حبي..ابي اشوفك بكره لحالك اوك باي.."
: البوي اللي عندك يادانا اهون من اللي عندي مليون مره..
دانا وقفت قدام المرايه وشالت الطرحه وشافت اللي شافته لانا وانصدمت وحست وكأن مويه باااااااااااااارده نازله على راسها...
@@@@@@@@@@@@@@@@@@@@@@
نهـــــــــــــاية البــــــــــــــــارت..
******************
الجــــــــــزء الثالث والثلاثون...
دخلت غرفتها وسكرت الباب بقوه وقفلته..
: انا متى راح اخلص من هالعله...متى راح افتك منك يا اياد..انا ما ادري ايش تبي فيني..عندك بنات كثير فكني منك ومن شرك..
ورمت نفسها على السرير بتعب..ولحد الان ما تدري كيف راح تتخلص من كابوس بحياتها اسمه "أيــــاد"
>>>>>>>>>>>>>>>>>>>>>>>>>>>>>>>>>>>>>>>>>>>>
واقفه قدام المرايه ووجها يعطي الوان..اخر شي توقعته ان فيصل يسوي فيها كذا...بسرعه فسخت العبايه ورمتها..وهي تتابع الاثار اللي عليها لحد ما وصلت عند صدرها ..هنا غمضت عيونها ما عاد تبي تكمل..اخذت منشفتها وبسرعه دخلت دورة المياه وعيونها غرقت دموع..
وهي تحت المويه: ليش تسوس فيني كذا...؟..ليش يا فيصل انا حبيتك وما توقعت انك تستغل حبي لك ..امنتك على نفسي هذي اخرتها!!
دانا الطاهره..الطيبه.. الملاك على شكل انسان ..روحها الصافيه عمرها ما تخيلت انها ممكن في يوم بتكون ضحيه للأشكال هذي..اللي استغلت حبها وتعلقها فيها بس عشان ترضي شهوتها...وحتى بدون وعيها..واللي مثل دانا كثير..واشبآه فيصل اكثر..لما الشيطان يزين لفيصل اللي تسويه..وتعتبره شي ممتع او مسلي ولا حتى تقليد..ما عرفت بعد عن عواقبه..اللي ربي حط لها حد في الدنيا والآخره..
عن رسولنا الكريم
((اذا استغنى النساء بالنساء والرجال بالرجال فبشرهم بريح حمراء,تخرج من قبل المشرق فيمسخ بعضهم ويخسف ببعض ,ذلك بما عصوا وكانوا يعتدون))
وحكمه بحكم الزنا ..اللهم استرنا فوق الارض وتحت الارض ويوم العرض..
طلعت من دورة المياه وهي منهاره..حست بغباءها وصغر تفكيرها...
: انا دانا يصير فيني كذا.؟؟"طاحت عينها على موبايلها واخذته بسرعه واتصلت وهي في قمة غضبها"
فيصل شاف رقم دانا بلع ريقه ورد بصوته العربجي: الووو هلا قلبي..
دانا بس سمعت صوته ضعفت وبكت: ليه يا فيصل...انا ....انا مابي كذااااا..
فيصل بحنيه: يا دانا يا حبي ايش فيك؟
دانا: ايش فيني!!...واللي سويته فيني شنو؟؟
فيصل: هذا لاني احبك..وانتي تعرفين مدى حبي لك..ما قدرت اتحمل ايش اسوي؟
دانا: وانا ايش علي منك ..قلت لك من البدايه ما احب الحركات هذي..
فيصل: دانا قلبو..انتي اتوقع عارفه ايش معني اثنين يحبون بعض ويعيشون لبعض..انا اكفيك وانتي تكفيني..
دانا انصدمت: نكفي بعض كيف يعني !!
فيصل: افهميها انتي...يعني حتى زواج ما نحتاج احنا راح نعيش لبعض طول العمر..
دانا: لالا...انت اكيد انهبلت..
فيصل عصب: وليش انهبل؟؟ اذا ما انتي فاهمه هالشي من قبل ليش كل يوم تقولين لي احبك واموت فيك ومن هالكلام...اذا يا حبيبتي استوعبتي السالفه تعالي كلميني.."وقفل الخط بوجهها"
دانا بعدت الموبايل عن اذنها منصدمه وطالعته..ومازالت في قمة دهشتها..
: الحين هذا من جده يتكلم؟؟....العلآقه اللي بينا شــــاذه!!
>>>>>>>>>>>>>>>>>>>>>>>>>>>>>>>>>>>>>>>>>>>>
يوم الجمعه..
على المغـــرب..
لانا بهمس: ريماس اقولك يبني لحالي مجنونه انتي اروح..
ريماس بطفش: وانتي غبيه ما تروحين..لانك اذا ما رحتي راح يرجع يهددك ويذلك وراح تروحين معاه غصب...فا سوي نفسك رايحه برضاك اكر ملك..
لانا: بس ما بعد بعت عمري اروح لحالي وانا ما ادري وين ناوي ياخذني..
ريماس: بطريقتك انتي حاولي تقنعيه في اللي انتي تبينه..
لانا بسرعه: يله سكري جاء ضاري..
ضاري وهو باين انه راح يطلع: وين اهلك؟
لانا وضح انها مرتبكه: اهلي!!...مامي ودادي طلعوا..ودانا بغرفتها..
ضاري: وبنات عمك؟
لانا بقرف: ما ادري عنهم..
ضاري: وانتي ليش هنا لحالك؟؟
لانا: وين اروح..طفشت من البيت بعد شوي بطلع مع ريمو..
ضاري: على وين؟؟
لانا بنفسها"سؤال ورى سؤال عمى"..
: بنروح نشتري لنا كم غرض ونرجع..
ضاري طالع الساعه: ارجعي بدري فاهمه..
لانا ابتسمت مجامله: ا ن شا الله..على آمرك..
ضاري طالعها شوي...لانا خافت منه واخذت موبايلها وسوت نفسها لاهيه فيه لحد ما طلع..
اخذت نفس: اوف..وش فيه اليوم؟..احس ان في شي يقوله ا نوراي بلوه..
طلع ضاري للحديقه وطالع لجهة غرفة الضيوف..وشاف جانيت تكلم وقرب لها..
: أيوه حبيبي..لا شو تجي لعنا هون كتير صعبه "وشافت ضاري" اوك بحاكيك بوئت تاني باي.."وقفلت الخط"
ضاري اللي سمع المكالمه: زوجك!!
جانيت بسرعه: لا شو جوزي..هذا اخي..
ضاري: اهاا"وعينه على الغرفه"..كيف الشغل معاك ان شا الله تمام..؟
جانيت وهي تطالع عيونه وعارفه لايش يبي يوصل: الحمد لله كل شي ماشي..
ضاري: الحمد لله..والبنات كيفهم؟
جانيت: مناح..كتير منااااح..
ضاري: الحمد لله.."سكت شوي وده يسأل اكثر بس ما قدر"..اوك انا استأذن "ولف بيطلع"
جانيت: مستر ضاري!
ضاري وقف..
جانيت قربت منه اكثر: ممكن شوي اكلمك بموضوع خاص؟؟
ضاري طالعها: أي موضوع!!
جانيت بربكه: ياريت نجلس شوي..
ضاري تقدم قبلها وجلس: خير في شي؟
جانيت جلست قباله: مستر ضاري..انا راح اكون صريحه معاك ويمكن صراحتي تزعجك..
ضاري البرود مرسوم على وجهه ويبي يعرف نهاية السالفه: بدون مقدمات لو سمحتي..
جانيت انصدمت من الاسلوب شوي بس كملت في محاوله منها لتغيير واقعها: مستر ضاري انا بعرف وما بيخفى علي أديش بتحب الست مدى..يعني حتى لو ما ألت هالشي عيونك بتحكيه..
ضاري ارتبك من هالسيره بس ما قاطعها..
: بس يا مستر ضاري ..والله ما هنت علي اتركك هيك..انا في كم مره سمعت الست مدى بتئول كلام عنك ما بينئال(ينقال)..بس...بس كمان ما قدرت اسكوت واشوفك هيك ضايع..انت تفضلت علي كتير بكرمك وعطاك وانا ما راح انكر هالشي..واشوف الوضع هيك واسكوت..
ضاري عقد حواجبه: ايش قالت!!
جانيت بربكه وخوف: مدى والصراحه ما بتحب تسمع بسيرتك..وما بتسمع عنك كلمه حتى بتئوم قيامه على ابتهال او غيرها,..انا استغربت هالشي..وما توقعت انها لهدرجه ما بتحب تسمع عنك أي شي..
ضاري عارف هالشي من زمان...بس الحين تأكد منه وصار واثق ان مدى مستحيل تحبه في يوم من الايام وقف وهو معصب
: اول شي مدى لا تحبني ولا احبها..ثانيا..انتي مالك دخل فيها..ثالث شي ان عرفت انك تنقلين كلام من هنا لهناك ترى راح يكون اخر يوم لك في هالبيت فاهمه" وراح"
جانيت انقهرت: ولك العمى بعيونك..هادا مجنون فيها مو بس بيحبها..
ركب ضاري سيارته معصب وراح لخويه مساعد..عسى الجلسه معاه تطفي قهره والنار اللي بقلبه..
>>>>>>>>>>>>>>>>>>>>>>>>>>>>>>>>>>>>>>>>>>>>
لانا فتحت باب غرفة دانا بشويش شافت الانوار طافيه والبنت نايمه..
: في احد ينام بالوقت هذا.."فتحت النوروراحت لعندها"..دانا...دنو..
دنو اللي مغطيه وجهها باللحاف ما تبي تشوف احد : نعم!!
لانا : فيك شي؟
دانا: لا مافي شي ..اطلعي بنام..
لانا: اذا كنتي زعلانه من فيصل ..ترى ما وقفت الدنيا عنده في غيرها مليوون..
دانا عصبت: لانا اطلعي وسكري الباب..
لانا: احسن خليك كذا..ورى هالفيصل كانك خروف مالت عليك "وطلعت"
دانا بتبكي: ايش اسوي اذا انا ما اقدر اتخيل يومي بدونها ايش اسوي..
لانا طلعت من عندها وراحت تستعد للطلعه مع اياد وقلبها يعورها وودها تكنسل الطلعه بأي وسيله..
>>>>>>>>>>>>>>>>>>>>>>>>>>>>>>>>>>>>>>>>>>>>
:ايش فيك جانيت..
جانيت: مافي شي..
ابتهال: اكيد!
جانيت تحاول تبتسم: أي اكيد..
مدى وهي تطالع نفسها بالمرايه: جانيت اقص شعري..؟
جانيت طالعت مدى ونظرتها لبعيد..ودها تعرف سر حبه لمدى اذا هي حتى وجه مو معطيته..
مدى لفت عليها: هيه جانيت..اسألك اقص شعري..
جانيت: لا هيك احلى..
ابتهال: قلت لك..شعرك يجنن..
مدى لمت شعرها: بس مليت من الطويل..ودي اعطيه حركه..
ابتهال: والله عندك فراغ..
مدى بطفش: لازم املاه مو؟...نفسي ارجع لوظيفتي..
ابتهال: ارجعي..محد قالك لا..
مدى تحمست: ايه ابرجع..انتي تروحين المدرس هوانا اطفش لحالي..واخواني عندهم جانيت..
ابتهال وهي تمسك لها كتاب تذاكر منه: سوي اللي يريحك..خلاص انا بأذاكر ويارب افتك من الدراسه واتزوج.
مدى: هههههههه عريس الغفله واقف عند الباب..
ابتهال انقهرت: ايوه واقف هو ينتظرني اتخرج....
بالسياره مع السواق..
: هلا اياد..
اياد: هلا قلبي ..هلا بروح اياد..
دانا بقرف: هلا...وينك انت؟
اياد: ادور بالشوارع..خلي السواق ينزلك وانا اخذك..
دانا خافت: لا شنو ينزلني...قدام الناس اركب معاك مستحيل..
اياد: طيب انتي حددي مكان ينزلك فيه وبعدها انا اجي واخذك..
لانا بتردد: ليه ما نروح المول مثل قبل حبيبي..
اياد بسرعه: لا...انا طفشت من المول ابي اغير جو..يله حددي مكان بسرعه..
لانا: طيب "وقفلت منه"..لاااا مابي اروح معاه وش هالمصيبه...رآج اطلع للكوفي اللي قدام..
دقايق نزلت من السياره وخلت راج يروح..واتصلت على اياد وحددت مكانها..
وقفت تنتظره ووراها مجموعة شباب..
: يا عيال هذي خيال ولا حقيقه؟؟
:هذي صاروخ..
: يا ولد قوم نكحل عيونا فيها...
لانا لاعت كبدها كفايه اياد..وشلة الهمج هذي كملوها عليها غطت وجهها..
وضحكوا كلهم باصوات عاليه..
: ليه القمر غطى نوره عنا..
: حرام عليك..خلينا نشوي نمتع قلوبنا...
وقف اياد سيارته.."بنتلي"..وشافهم يضحكون ويعلقون عليها..
فتح باب سيارته ونزل وطالعهم..
: انتوا هيه يا زبالة المجتمع..كل واحد يضف نفسه ويحط لسانه بحلقه..
رد واحد منهم: لا مره متنا خوف..
خويه: اقول يا ولد اسكت والله بكره يجيب البدي قارد حقه ويفرشك هنا..
اياد: انت وهو..يا زباله تفهمون ولا ؟؟
كلهم سكتوا..
لانا بالسياره..
اياد ركب سيارته: انا اعرف اتفاهم مع الاشكال هذي..
لانا بطفش: واضح انك خوفتهم..شفتك الحين ماسكهم واحد واحد ومأدبهم..
اياد يصرفها: لا هم عارفين نظامنا..
لانا: ايه قديمه حركاتك..يخافون من فلوسك مو منك..حرك حرك بس..تكلمهم وانت بسيارتك ومسوي فيها..
اياد عصب: لانا !!..ايش فيك اهم شي سكتهم..
لانا كشفت وجهها: ما قلت شي..قلت ما شا الله عليك تخرع..عضلات وجسم ما ادري ليش....!
اياد: لو انك من البدايه مغطيه وجهك ما كان صار اللي صار..
لانا سكتت وما ردت عليه النقاش معاه ضايع..
وبعد دقايق هدى الوضع...
: لانا..
لانا: نعم؟
اياد: لنو...انتي عارفه احبك مو..
لانا: ايوه حبيبي عارفه..
اياد: طيب ليش لحد الان ماني قادر اقرب منك...!
لانا خافت وقربت لبابها اكثر: تحبني ولا ما تحبني...ما تقرب مني..
اياد يبي يهديها: لا تخافين يا قلبي...ما راح اسوي شي الا برضاك..
لانا ارتاحت شوي: هالسالفه سكرها...وما ترجع تفتحها من جديد..
اياد: راح اسكرها الحين..بس برجع اتكلم فيها..
لانا تطمنت لحد الان وضعها ماشي تمام..والله يستر من الجاي ويعدي على خير..
اياد اللي كان مخليه ساكت وراضخ لها..موقفه مع الشباب اليوم اللي بين ضعفه للانا..لكن بعدين ما راح يسمح لها تحدد..هو اللي راح يقرر بنفسه..
>>>>>>>>>>>>>>>>>>>>>>>>>>>>>>>>>>>>>>>>>>>>
صبآح اليوم الجديد..
بوقت الفسحه..
: دنو في شي مشغلك طول وقتك تطالعين البنات...
دانا: لمو..ابي اشوف فيصل..
لمياء: ليه متهاوشين..
دانا بحزن: شكله تركني...
ليماء: الساعه المباركه ..بليز دنو اتركيه مليت منه ومن حركاته..
دانا: اتركه ليش؟....مجنونه انتي...فيصل ما اقدر اعيش بدونه .."وشافته وبسرعه فزت من مكانها وراحت له"
: فيصل....!
فيصل زعلان: نعم!
دانا: فيصل انا ما كنت فاهمه..
فيصل بطفش: والحين فهمتي؟
دانا: فهمت...."ونزلت راسها"
فيصل شاف هالشي: وراضيه؟
دانا سكتت..
فيصل: راضيه ولا؟
دانا: كيف راضيه..!
فيصل: أي شي اقوله لك تسويه...
دانا رجعت تسكت من جديد..
فيصل مشى: شكلك ما انتي راضيه..يله باي..
دانا بسرعه: لالا ..راضيه..
فيصل لف عليها وابتسم: ايوه هذي دنو..دلوعتي..حبيبتي..انا يا قلب فيصل من كثر حبي لك صرت مهووس فيك..وما اقدر اتخيل أي ساعه بدونك..
دانا: فيصل انت مالي حياتي..وما حسيت بالحياة الا معاك..ما اقدر اتركك واتخلى عنك..
فيصل: يا بعد قلبي"وباس راسها"..انتي الوحيده اللي حبك يكبر يوم بعد يوم انا صح عرفت بمات قبلك بس مثلك ما شفت..
دانا ابتسمت بأسى..ما تدري هي اللي تسويه صح ولا غلط بس كل اللي تعرفه وتبيه تكون جنب فيصل وبس..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&&&&&&&&&&&
بالشــــــــركه..
: صباح الخير ياسر..
ياسر وقفت يده عن الكتابه يعرف الصوت طالعها..الشكل متغير العبايه افخم..الشنطه واضح انها عليها القيمه وحتى الشوز حقها روعه..مره متغيره..
: مدى!!!
مدى ابتسمت من تحت غطاها: ايوه مدى..
ياسر بسرعه وقف: يا هلا والله منوره الشركه..اخبارك شنو راجعه هنا..؟
مدى ضحكت واضح لهفته: ابي ارجع..ضاري موجود..
ياسر: ايوه موجود...لحظه بس"وراح فتح الباب"..تفضلي..
مدى: زاد فضلك.."واخذت نفس ودخلت"
سكر ياسر الباب وراها..
: يا حليلها مدى..والله ماني مصدق انها هنا..
مدى: السلآم عليكم..
ضاري اللي ما يدري من هي: وعليكم السلام..."وفجأه حس انه ميز الصوت رفع عينه طالعها شوي متأكد ومو متأكد"
مدى كشفت وجهها: لا تخاف مدى مو غريب..
ضاري انصدم..بلع ريقه..وين عن اخر مره تلاقوا فيها وجها لوجه او حتى كلمها..
مدى قربت لمكتبه ووقفت قباله: اسفه جايه بدون موعد بس ابي اكلمك بموضوع..
ضاري حاول يمسك نفسه لا يبتسم بوجهها: ا ن شا الله خير..!
مجى: لا كل خير ....ابي ارجع لوظيفتي..
ضاري: ايش!!!
مدى: مثل ما سمعت ابي اتوظف انا وحده طفشت من البيت وعندي شهاده وتعبانه فيها..
ضاري بسرعه: للاسف مكانك راح..
مدى: دور لي غيره..
ضاري: ما عندنا وظائف شاغره...
مدى: انا لي نصيب من هالشركه..وابي اتوظف..
ضاري وهو يتذكر كلام جانيت عنه: وانا اقولك مالك مكان هنا وفلوسك وحلالك توصلك وانتي بالبيت..
مدى بعناد: بس انا ابي اتوظف..
ضاري سند ظهره ببرود وطلع سيقاره: انا اتكلم اسباني الظاهر...ما تفهمين...ما عندنا وظايف..بعدين ما تقدرين تمسكين منصب عالي..وما بعد ابوي وانا قررنا نضيع جهدنا على الفاضي..
مدى: انا اللي راح اضيعكم!! بعدين انا مابي منصب...ابي نفس مكاني..
ضاري نفخ دخان سيقارته: ما عندنا..
مدى عصبت: طيب اصلا الكلام مو معاك..مع عمي ..."وطلعت"
ضاري طفى السيقاره بقهر وعصبيه: ومن وين طلعت لي بالسالفه هذي!
مدى طلعت من مكتبه معصبه..
ياسر وقف بسرعه: مدى راح ترجعين؟؟
مدى: بالغصب راح ارجع.."وطلعت"
توجهت لمكتب عمها..شافت السكرتيره..
: استاذ حمد موجود؟
السكرتيره: ايوه...مين حضرتك؟
مدى: قولي له مدى..
السكرتيره: طيب ثواني.."دخلت لحظات وطلعت" تفضلي..
مدى دخلت لحد ما وصلت لمكتب عمها..
حمد منصدم اول مره تجي لعنده..
: فيكم شي؟
مدى: عمي انا ابي ارجع وظيفتي..
حمد: طيب ليش ما ترتاحين بالبيت واحنا ماسكين كل شي وحقوقك كامله توصلك..
مدى: لا انا ابي اتوظف لاني طفشت من البيت...
حمد: ورحتي لضاري..لانه هو المسؤول مو انا..
مدى: ايوه رحت له..وقال مافي وظايف..
حمد فهم السالفه كل واحد حاط براسه شي ويبي يعاند الثاني...
: طيب لحظه اخلي ضاري يجي..
مدى بسرعه: لالا..لا يجي...عمي ابيك تكلمه..
حمد يبيهم يتافهمون..صعبه يخلي مدى تتوظف ويكسر كلمة ضاري..
: قلت لك يا مدى مو انا المسؤول ضاري هو اللي اعرف بالشركه..
مدى سكتت وجلست..
حمد رفع السماعه: ضاري تعال عندي.."وسكرها"
ومتهي الا ثواني وضاري داخل..وانصدم من وجود مدى بمكتب ابوه..
دخل بكل غرور وبدون ما يلمحها من ارضها: سم يبه..
حمد:مافيه مجال توظف بنت عمك!!
ضاري: لا...مافيه..
حمد: احسن من انها تروح للغريب...
ضاري: اولا مالها بالوظيفه..ثانيا ما عندنا وظايف يبه...
مدى طالعت عمها بقهر: عمي!!
حمد احتار بينهم: انتي سمعتيه يقول مافي مجال..
وقفت مدى وطالعت ضاري باستحقار وطلعت..
حمد لف على ضاري: متأكد انت!!
ضاري فجأه تذكر شي ولا اهتم لكلام ابوه: الا هي جايه مع مين؟؟؟؟"وبسرعه طلع موبايله" ياسر شوف مدى مع مين بترجع واذا كان مع تاكسي وقفها واتصل علي..
ياسر اللي سكر على طول من ضاري ولحقها عند بوابة الشركه..وفعلا كانت تنتظر تاكسي..واتصل على ضاري..
ياسر: مدى..
مدى معصبه: هلا..
ياسر: ممكن تسمعيني شوي...ادري الوقت مو مناسب بس ما اقدر اوصلك الا كذا...
مدى لفت عليه: في شي !
ياسر: ايش اقولك..انا ابي رقمك اتفاهم معاك..
مدى استغربت: في ايش!!
ياسر: في موضوع خاص..
مدى: اذا عندك مواضيع خاصه تعال عند عمي في بيته انا عايشه عنده...
ياسر سكت وهو يشوف ضاري وصل لهم؟..
وصرخ: مــــدى..
مدى انتفظت من الصرخه بس ما ردت عليه..
ضاري قرب لها: انا كم مره قلت لك ما تركبين مع أي احد..عندك السواق ليش ما جيتي معاه..
مدى ولا كأنها تسمع وتأشر لتاكسي جاي..
ضاري خلاص وصلت معاه..ومسكها من ذراعها وهزها
:مدى وبعدين معاك انا لما اكلمك تكلميني..
مدى بتبكي: فك ايدي تراك المتني..ثانيا مالك دخل فيني..
ضاري طنش كلامها ورمى مفتاح سيارته على ياسر: قربها لي..
ياسر خاف: ابشر ..ابشر "وبسرعه راح لسيارة ضاري وقربها"
ضاري سحب مدى من ايدها وركبها قدام في "الرنج" وركب معاها ومشى بسرعه..
وبصعوبه يلحق انفاسه: وهذا اخر انذار لك يا مدى ..لا تعاندين كلامي..
مدى ما ردت عليه..العبره والقهر وغرور ضاري كلها مو مخليتها تتكلم...
ضاري: ثاني شي قلت لك وظيفه انتي مو بحاجه لها..ولو فكرتي فيها راح تخسرين حلالكم سامعه..هو باقي ورقه وحده وتمشي اموركم كلها..ويصير في حساب كل واحد منكم نصيبه..لكن وشوفي احذرك..اذا انتي مصرّه على رايك راح اكنسل كل شي..ويله روحي دبري نفسك من جديد..
مدى خلاص وصلت حد الانهيار..هذا اكيد مو بشر هذا وحش ما يحس..يحسب الناس عبيد عنده وعند كلمته..وجاها شعوره تفتح باب السياره وترمي نفسها وترتاح من هالذل يمكن يكون الموت ارحم لها من الجلسه جنب ضاري وكلامه...
وصلها للقصر وكانوا طول مسافة الطريق ساكتين..
مدى من لما وقفت السياره نزلت وسكرت الباب بقوه..
انا ضاري اللي تابعها لحد ما شافت دخلت غرفتها سند راسه على مرتبة السياره بتعب..
وفسخ شماغه ورماه جنبه...ومرر ايده بشعره ..
: يا الله..دايما الامور تمشي عكس ما ابي..ليش!!!!!!
ومن العصبيه رجع لورى بسيارته وهو ضاغط هرن للحراس عشان يفتحون له البوابه من جديد..وصوته يصم الااذان..
>>>>>>>>>>>>>>>>>>>>>>>>>>>>>>>>>>>>>>>>>>>>
مدى دخلت غرفتها معصبه ورمت شنطتها والعبايه وجلست على الكنب ميته قهر..وتحاول تمسك دموعها..
: اكرهك يا ضاري..كل شي بحياتي تتدخل فيه وكل كلامك تبي تمشيه علي..والله تقهر واكرهك واكره غرورك يا غبي..
>>>>>>>>>>>>>>>>>>>>>>>>>>>>>>>>>>>>>>>>>>>>
الظهر..
رجعت ابتهال من المدرسه..
: ها مدى بشري "وشافت وجهها وبلعت ريقها" ما توظفتي؟؟
مدى: لا...وين اتوظف وفيه ضاري..
ابتهال: ليش؟
مدى: ولد عمك جاي يهددني يقول لو فكرتي بالوظيفه انسي نصيبكم من الحلال..
ابتهال سكتت"والله ما عرفت يا ضاري تضبطها..كذا انت خربتها"...
:طيب وبعدين !!
مدى: رحت لعمي...وعمي يقول كل شي بيده...
ابتهال تبي تهدي الوضع: ايوه معليش احسن لك ايش لك بالوظيفه..
مدى: ابتهال انتي شايفه كيف انا كنت متحمسه..
ابتهال: خيره لك يا بنت..
مدى تذكرت ياسر وبنفسها" ايش كان يبي مني؟؟ معقول يكون موضوع زواج"
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&&&&&&&&&&&
ويمر يوم وراه يوم ثاني..لا جديد..كله نفس الروتين..
دخلوا الطلاب اجواء المراجعه..قبل الاختبارات النهائيه للفصل الاول..وكان كل واحد شاد حيله بطريقته..
لانا..كانت تحاول قد ما تقدر تركز بمذاكرتها ..لانها تعرف مصير اللي ما تجيب معدل عند امها..اكيد راح تحرمها من كل شي وتخليها تعيد السنه..
دانا...رجعت علاقتها مع فيصل..وصار فيصل يمون عليها اكثر من اول..ولحد الان ما تدري سبب تمسكها القوي فيه لحد الان مع انها ما هضمت الحركات هذي بس انها خايفه ترفض تتركها وبنفس الوقت ما ودها تطاوعها لانها بدت تحس ان علاقتهم فيها نوع من الغباء..
ابتهال ..شاده حليها مره..وكانت كل يوم عند وحده يا اما مشاعل او مرام..وبس ساعات يدخل عليهم الهبال ولا يخليهم يذاكرون؟..
ريماس..لا همها نسبه ولا شي واثقه من انها راح تجيب شي يمشي وضعها وكل اهتماماتها اللعب وتتغير الشباب واحد ورى الثاني ولا واحد مالي عينها..غير ضاري..
رهام كمان حاطه حيلها بما انها ثاني ثانوي واكيد تبي نسبه...
اما ضاري..فا ما زالت علاقته بارده مع مدى ولا زادت سؤ ..صار نادر يلتقي فيها او يطالعها..وما بعد جات فرصه يكلمها وجها لوجه...
مدى..تمارس حياتها عادي..بس ما زالت كارهه ضاري لدرجه ما تقدر تطالع بوجهه..
جانيت فقدت الامل فيه..وعرفت انها لو تزرع الشوك بطريقه لمدى راح يمشي عليه..عشان كذا قررت تجيب حبيبها عندها وتستفيد من خيرهم..
موضي...مازالت غير راضيه لا عن ضاري ولا بنات عمه..وكل ما جاتها فرصه ردت الصاع صاعين..وتستنى فرصه تأدبهم كلهم..
حمد..تعلق اكث بالصغار..وصار ما تحلى جلسته بالبيت الا معاهم..
اريام وسامي..على ماهم عليه..الصراع مع الموت زاد واريام كل يوم تخاف تفتح عيونها وتشوف سامي فاقد الحياة...لان حالته مرره زادت سؤ اكثر من اول وما زال صاحب الورد والظل متابع لها بس ما حطت في بالها كثير..
سلطان وثامر..قربت وقت طلعتهم وراح الكثير وما بقى الا القليل وهذا الشي هو الي مصبرهم..
لأخر اسبوع مراجعه..
: اقول مشاعلووه..تعالي بسألك..هالشاعر يوم كتب هالقصيده في حبيبته تزوجها!!
مشاعل: الا اكيد تزوجها...وحتى كان عندهم بنت سموها مشاعل..
ابتهال: هه ما تضحك بايخه..
مرام رمت كتاب الادب: اقول الماده سخيفه..شي يطفش بصراحه مفروض يحطون مواد توسع الصدر مو هذي..
ابتهال: انا اقول لو يعطونا ماده اسمها الحب واصوله اطلق هههههه
مرام: هههههههه لا يا الرومنسيه ايش عندك اليوم ماسك عندك الحب...
ابتهال: ما تدرين اني انا منبع الرومنسيه..
مشاعل: مقروده الرومنسيه يوم جات عندك..
ابتهال بغرور: اقول انتي من كلمك..انا اكلم الناس اللي تفهم مو انتي..
مشاعل وقفت: انا بروح اجيب لكم العشاء عشان تطفحون وانتي خليك مع الرومنسيه..
ابتهال: والله تسوين خير..زين فكرتي تعشينا متنا جوع..
مشاعل: مالت عليك كل يوم تبلعين عندي .."وطلعت"
ابتهال بهمس: مرام بسوي فيها مقلب..
مرام كتمت ضحكتها: كيف؟؟
ابتهال: اصبري شوي.."وطلعت على اطراف اصابعها متجهه للمطبخ ومرام تطالعها مع الباب"
مرام شافت عبد الله ودخلت وسكرته..
ابتهال ما زالت تمشي على اطرافها في نص الصاله..
وسمعت همس: ابتهال!!
ابتهال لفت تحسبها مرام: اوش يا الغبيـ.....عبد الله؟؟
ومن الصدمه وقفت..
عبد الله لف يمين ويسار وماشاف احد بسرعه قرب لها..
: ابتهال ابي اكلمك بموضوع بسرعه...
ابتهال مطيره عيونها منصدمه..اول شي كاشفه ثاني شي من متى المعرفه!!!
عبد الله يكمل كلامه: ابتهال..انا احبك..وانتظرك تتخرجي عشان اخطبك..فكري في الموضوع اوك...يله باي..."وراح"
ابتهال ما زالت على نفس وقفتها وصدمتها زادت..
"كيف...كيف عبد الله يحبني!!!" وما حست الا بضربه على ظهرها..
: ابتهال ووجع روحي جيبي الصحون..
ابتهال طالعت مشاعل شوي..
:اصلا بروح..."ورجعت لنفس المجلس اللي كانوا فيه واخذت موبايلها واتصلت على ضاري يجي ياخذها"
مرام قربت لها وهي شاكه: عبد الله قال لك شي؟؟؟؟
ابتهال بلعت ريقها وبسرعه ردت: لا..لا ما قاال..
مشاعل منصدمه: ابتهال فيك شي؟؟ابد مو طبيعيه..
ابتهال لبست عبايتها: لا ما فيني شي؟؟؟ضاري قريب لانه كان عند المشروع..شدوا حيلكم بكره يله باي..
مشاعل: انتظري اوصلك..
ابتهال من بعيد: لا ما يحتاج...."وطلعت وحصلت ضاري وركبت معاه"
ضاري حس انها اليوم هاديه مو على طبيعتها: ابتهال صاير معاك شي؟
ابتهال: لا...بس خايفه من بكره..
ضاري: لا تخافين ما شا الله عليك شاده حيلك ثلاث اسابيع وانتي تراجعين..
ابتهال: ا ن شا الله خير...
>>>>>>>>>>>>>>>>>>>>>>>>>>>>>>>>>>>>>>>>>>>>
في الغرفه..
: ابتهال ما صار لي ساعه اكلمك ردي علي..
ابتهال: انا بنام تصبحين على خير..
مدى خافت على اختها: ابتهال انتي مو طبيعيه...
ابتهال: بكره اختبار ايش تبين يكون وضعي..
سكتت مدى..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&&&&&&&&&&&
وبعــــــد الاسبـــوعين..
الكل حط حيله..وعلى حسب رغبته وطموحه واللي يبي يوصله راح يلاقي نتيجة تعبه..
ابتهال بتردد: مدى..!
مدى نزلت المجله اللي بيدها: هلا..
ابتهال جلست جنبها: بقولك شي..
مدى: شنو!!
ابتهال: عبد الله اخو مشاعل..في اخر مره رحت لبيتهم فيها قابلني وقال لي..انه...انه يحبني وينتظرني اتخرج ويخطبني ..
مدلا انصدمت: من !! عبد الله؟؟!!
ابتهال: ايوه..
مدى: وانتي من زمان حاسه انه يحبك.؟
ابتهال: لا والله كان عادي بس فجأه وكأنه غير رايه..
مدى: والله اذا كان ناوي جد خليه يجي ونشوف...وبعدين انتي لسه على تخرجك..
>>>>>>>>>>>>>>>>>>>>>>>>>>>>>>>>>>>>>>>>>>>>
: انت من جدك تتكلم ولا ايش؟؟
عبد الله: ايوه اكيد من جدي...
مشاعل: وتتوقع ابتهال بترضى فيك؟!
عبد الله: وليش ما ترضى فيني..
مشاعل: نسيت ايش كنت!!
عبد الله: قلتيها كنت والحمد لله عقلت..
مشاعل: اصلا ابتهال" وسكتت"
عبد الله رفع حاجبه: ايش فيها؟؟
مشاعل خافت: ولا شي....ولا شي..
عبد الله: مشاعل اذا في شي تكلمي لا تخبين عني..
مشاعل وبكل صراحه: اصلا ابتهال مستحيل توافق عليك لان طموحها اكبر منك..
عبد الله سكت شوي : يعني ضاري ولد عمها !!
مشاعل سكتت ما تقدر تقول لا وتخليه يسأل اكثر ولا تقدر تقول ايه وتكذب عليه..
عبد الله: كنت حاس..بس بروح اخطبها..
مشاعل بنفسها" ما ابيك تذل نفسك يا اخوي..حتى عمها ما راح يرضى فيك"
: تحب تفشل نفسك..انا قلت لك وانت حر..
طلع عبد الله ما عاد يبي يسمع من مشاعل اكثر..
" ايش راح اقول لابتهال...اخوي حاطك في باله من زمان!!"
اخذت التليفون واتصلت على مرام..
: مرام...عبد الله يبي يخطب ابتهال..ايش اسوي؟؟
مرام فرحت: عبد الله بيخطبها...طيب وش فيها؟
مشاعل: بس انا متأكده انها ماتبيه..
مرام: ليش؟
مشاعل: صديقتي واعرفها.."لانها تحب اخوك من قرادة حظ اخوي"
مرام: خليه يجرب ما راح يخسر شي..
مشاعل: راح يتحطم شنو ما راح يخسر شي..وفهمته هالكلام بس مو راضي يفهم..
مرام: الله يعين..وانتي يا مشاعل لا تسبقين الاحداث..
مشاعل: نشوف..الله يكتب اللي فيه الخير..
مرام: ا ن شا الله "وحطت يدها على السماعه وصرخت"...عزاام انتظر...يله شعول اكلمك بعدين باي..."وقفلت منها" عزام ايش فيك وين بتروح مو انت واعدنا نطلع..
عزام وهو ماشي: بيوم ثاني .."وطلع"
مرام: وش فيه هذا !! ليش فجأه غير رايه...
عزام وقف عند باب الشارع وتنهد
"عبد الله يحب ابتهال !!"
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&&&&&&&&&&&
بالقصر..
الكل مجتمع...من اكبر راس حمد..الا اصغرهم وداد وبدر..
حمد: طيب ما قررتوا وين راح نسافر..!
موضي: نبي مكان جديد..
لانا: واخيرا بنفتك من الرياض واللي فيها..
دانا: انا اقول نروح لجنوب شرق اسيا..
لانا: لالا مستحيل احنا نبي اوروبا..
دانا: ايش رايكم بنات!
ابتهال: على راحتكم..
مدى ما علقت ..
موضي: بسرعه قرروا..
لانا: انا ابي روما مآره تجنن مامي..
دانا: لا رايحين لها الصيفيه..
لانا: يعني عند مكان غيره..
ضاري طفش: بنروح لعند اريام بألمانيا..وخلاص قفلوا على الموضوع..
موضي رق قلبها على بنتها بس تكابر: لا ما نبيها العاقه...خليها تشبع في زوجها اللي ما ادري من وين جابته ولا في ايش عاجبها..
حمد: انا مع ضاري..
دانا بحزن: وانا بعد بصراحه اشتقت لاريام..
لانا: لا ايش نسوي اذا رحنا هناك...
ضاري: برلين حلوه وراح تنبسطي فيها..يله انا بروح احجز واضبط اموركم..
جانيت: لنو...سدئيني بتعئد...
لانا بهمس: وانتي من كلمك..
مدى همست لابتهال: شفتي حتى اهله مالهم راي عنده يا الله لك الحمد والشكر..
ابتهال: متعودين عليه ايش فيك انتي بس.. بالله ما انتي فرحانه انه بيصير عندك جواز سفر..
مدى ابتسمت: والله تبين الصراحه قلبي بيطير من الفرحه واخيرا بشوف شكل الطياره بس سوي نفسك ثقل..
موضي: انا ابي اخوي معاي..
دانا: اجل نبي عمتي وبناتها..
حمد: بليغهم كلهم..
وفعلا تم كل شي بسرعه وبكره رحلتهم لبرلين..
ضاري: ترى احنا جايينك..
اريام ما استوعبت: وين؟؟
ضاري: في برلين..
اريام انصدمت: ايش؟؟ وسامي!
ضاري: واذا عرفوا عنه..ما راح يتغير شي..
اريام طلعت برى الغرفه عن سامي لا يسمعها:ضاري سامي مره تعبان واخاف يسمع كلمه تغثه ويجيه شي..
ضاري: لا تخافين ما راح يجيه شي..
اريام شافت الجانب الثاني: والله اشتقت لكم..
ضاري: عشان هالشوق انا قلت لهم المانيا..ولازم اتطمن عليك..
اريام : تسلم لي والله..اذا وصلتوا انا راح استقبلكم اوك..
ضاري: اوك..
رجعت اريام لغرفة سامي اللي صار نادر ما يصحى وشافت باقة ورد..
: هذا ما بعد مل..ما ينسى في يوم ما يحط لي.."ولمحت كرت"
(اريام انتي مو لحالك انا معآك)
اريام رمته بدون اهتمام: انا اعرفك عشان تقول انا معاك..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&&&&&&&&&&&
الكل بدا يستعد للرحله وبحماس..
: واخيرا يا شعول بأسافر بالطياره..
مشاعل ما زالت خايفه من ردة فعل ابتهال لو عرفت بموضوع عبد الله..
: ايوه الله يسعدكم وان شا الله تنبسطوا
ابتهال: مشاعل انتي مو على وضعك..فيكم شي..امي فيها شي؟؟؟
مشاعل: لا جدتي بخير وكلنا بخير بس بفقدك..
ابتهال: ههههه خرعتيني...يله بجيب لكم هديه من قدك..
مشاعل: ههههه اهم شي هديه حلوه..
ابتهال : ولو..انا ابتهال اجيب شي مو حلو...يله الحين بسكر انتبهي لنفسك..
مشاعل: تروحين وترجعين بالسلامه..باي.......على الاقل اسبوع ما راح احط ايدي على قلبي وانتظر ردة فعلك يا ابتهال...
&&&&&&&&&&&&&&&&&&&&&&&&&&&&&&&&&&&&&&
: لالا ...انت ابد مو صاحي..ناوي تخطبها وعمها حمــد!!
@@@@@@@@@@@@@@@@@@@
نهــــــــــــاية البــــــــــــــــــــــارت..
بقايا شتات
****************
الجـــــــــزء الرآبع والثلآثون..
الكل جهز نفسه واستعد للرحله..
ضاري: ها كل شي جاهز..!!
دانا: ايوه كل شي تمام..
ضاري طالع مدى وابتهال وهم جايين لهم ويضحكون مع بعض وباين انهم فرحانين وفرح من قلبه لهشي...ودعاء ربه في داخله ان هالرحله تكون فال خير عليهم..
لانا انتبهت لنظرات ضاري لهم ورفعت حاجب وكتفت ايديها
:مطولين سيد ضاري!!
ضاري عطاها نظره ومشى وتركها..
موضي بدون نفس: ضاري كم حجزت لكم خدامه؟
ضاري: خدامتين والطباخه بس.
موضي ما عجبها: كان اخذنا ثلاث..
ضاري: ما راح نحتاجهم حتى السكن في فندق..في ايش تبينهم؟
موضي: انا حره..اخذ اللي ابي ا ن شا الله عشر انت وش عليك؟..لا يكون فلوسك بعد!
ضاري بدا يعصب: صبرا جميل والله المستعان..انا ما ادري ليش واقف واكلمك "وركب سيارته وفتح الشباك"..البنات يجون معاي والباقي معاك يبه..
موضي اللي عصبت وركبت السياره مع حمد والخدم في سيارتهم الجيب ورى..
دانا: نفسي اشوف ضاري وامي ما يتهاوشون..
ابتهال: بصراحه غريبين..
مدى : الغلطان ضاري...مهما كان ما يرد عليها كذا..
ابتهال همست لها: انتي ضاري غلطان في عينك لو على موضي النسره..
وفي الطريق..
جانيت: مستر ضاري..لما بنروح هونيك بدك تاخذنا على الساحه المشهوره..منظرها بيطئر العئل وفيها اماكن كتيره وراح تنبسطوا يا بنات..
لانا تحكي نفسها: الا تسوي نفسها فاهمه..
دانا تسلك لها: اجل يا جانيت شكلكم زرتيها كم مره...
جانيت: لا تئولي..زرتها كتير..والعرب فيها كتار..من فلسطين ولبنان..
ضاري بيسكتها: جانيت ريحي حالك..معانا مرشد سياحي.
مدى حاولت تكتم ضحكتها على حركة ضاري بس ما قدرت وفقعتها: ههههههههههههههه
ابتهال والبنات ضحكوا من ضحكة مدى..حتى لانا وهي قدام ابتسمت..
جانيت انقهرت شوي..بس الوضع عندها عادي..
ضاري ابتسم واخفى ابتسامته تحت لا يشوفها احد..بجد من زمان ما شاف مدى تضحك.
>>>>>>>>>>>>>>>>>>>>>>>>>>>>>>>>>>>>>>>
في المطار..
وصلت عائلة حمد وحصلوا لطيفه وبناتها..وابراهيم اخو موضي وزوجته وبنته..
وخلصوا اجرائاتهم وانتظروا الرحله..
الكل جالس بصالة الانتظار..
ضاري جاب له كوفي وجلس معاهم..وبالصدفه مكانه قبال مدى وعلى يساره ريماس...وكان يشرب شوي ويسرق نظره لمدى الشوي الثاني..مو دايم يحصل له فرصه يطالعها وهم هادين ونفسياتهم تمام..والوضع رايق..
ريماس لفت عليه وابتسامتها على وجهها: ضاري!
ضاري بدون ما يلف عليها: هلا..
ريماس قربت جنبه اكثر : تدري..لما اتخرج من الجامعه بتوظف عندكم..
ضاري حاول يبعد عنها بدون ما تنتبه: انتي تخرجي اول من الثانوي وادخلي الجامعه وادرسي..بعدها نوظفك ا ن شا الله..
ريماس: بس تدري انا طموحي عالي..ما ارضى بأي شي مثل بعض الناس..
ضاري ما رد عليها...
مدى طاحت عينها على ريماس وشافت حركاتها مع ضاري ..استحقرت ريماس كثير..كيف ترضى على نفسها تسوي الحركات السخيفه هذي..
ريماس انتبهت لعيون مدى ..وقامت تتدلع زياده تقهرها...مسكت طرف كم تيشرت ضاري وضبطته..
ضاري فاهم كل شي يدور حوله..وهمس لريماس حتى ما حرك شفايفه : شيلي ايدك..ماله داعي ارفع صوتي..
ريماس بلعت ريقها: ما سويت شي !!
ضاري وقف وضبط التشيرت حقه وراح..
ريماس انقهرت وهي تشوف مدى تضحك..ما تدري ان مدى ما جبت لها خبر..
: هههههههههههه الحمد لله والشكر بس هذا وش مسوي بنفسه..
دانا: هذا كدش بعيد عنك ههههههههههههه
ابتهال: هذا كدش!! هذا كائن فضائي وحاط شجره على راسه هههههههه
لانا جات وجلست جنب ريماس..
: قهرني اخوك..
لانا: شفت حركته من بعيد هههههه واضح انه انحاش منك..
ريماس دقتها بكوعها: عن الطنازه..قلت بقهر مدى شوي بس هو قهرني..
لانا: اصلا مدى ما جابت خبر ضاري...بس شكل اخوي والله اعلم هو اللي ميت عليها..
ريماس انفعلت: نعم!!!!..احم "وخفضت صوتها"..نعم ايش قلتي؟؟؟...ضاري ميت عليها وهي لا..مسكينه في حلمها ما يحصل لها..
لانا منقهره: شفتي عاد..انا ما قهرني الا هالمدى المغروره على ايش شايفه نفسها بنت الفقر...نست وش كانت..رافعه خشمها على اخوي..بس هين ولا انسيه مدى واهلها بعد..
ريماس بتموت: لانا !!! انتي متأكده انه يحبها؟؟؟؟؟؟؟؟
لانا: هو ا ن شا الله لا...واتمنى اني فاهمه غلط..بس اشك انه يحبها ومو أي حب..بس تعرفين ضاري ما يوضح شي...
موضي : ما صار مره تأخروا...
لطيفه: هذي مطاراتنا ساعه ينادون عليك...
احلام: الله يعين مافي ايدينا الا ننتظر..
دقايف وصوتوا لرحلتهم..
حمد: واخيرا..
سيف: مره تأخروا هالمره..
ابراهيم:اهم شي صوتوا للرحله..
&&&&&&&&&&&&&&&&&&&&&&&&&&&&&&&&&&
: وانت ما حبيت الا بنت عم ضاري!!
: ياسر راجع قرارك مره ومرتين..
ياسر: علياء..هوازن..انا جيتكم ترفعون معنوياتي مو تحطموني..
علياء: انا ما احطمك...بس اتخيل انهم بيرفضونك..
هوازن: احنا نكلمك بواقعيه..تتخيل ضاري بيعطيك بنت عمه..
ياسر: ضاري انا مشتغل معاه سنين..ما قد فرق بين الناس على اساس الفلوس..مبدئه غير..اللي كفو يعطيه..واللي مو كفو ماله مكان بينا..
علياء: هذا الكلام على الملفات ومشاريع الشركه..بس مو مع بنت عمه واهله..
هوازن: لا علياء..احس ياسر معاه حق بجد ما قد شفنا ضاري مفضل احد على احد عشان الفلوس...يمكن بعد ما يعارض..وياسر كفو ويستاهل كل خير.
ياسر تنهد: طيب خلو ضاري على جنب شوي..مدى راح توافق؟
علياء: مدى بنت ناس..وتبي واحد اخلاق وولد ناس..وهذا من خلال معرفتي فيها..
هوازن: ياسر طمن قلبك..اذا ربي كاتب لك نصيب فيها راح تاخذها ولو عمها وقف بوجهك..واذا مالك نصيب فيها ما راح تاخذها لو الكل معاك.
ياسر باين انه متوتر ومحتار: انا خايف ترفضني..
علياء ضحكت: هههههههه اقول ياسر..لا يكون متعلق فيها..
هوازن: ههههههههه شكله من اول يوم دق قلبه لها من النظره الاولى..
ياسر وقف: الشرهه على اللي يجلس مع بنات..انا ضاري الله يطول بعمره محذرني منكم..بس لسه فهمت العظه والعبره من هالتحذير.."وراح"
علياء بجديه: ايش رايك هوازن بالموضوع؟
هوازن رفعت اكتافها: والله ما اقدر احكم على شي...حتى ما اقدر اتوقع ردة فعلهم..
علياء: الله يعينه..
&&&&&&&&&&&&&&&&&&&&&&&&&&&&&&&&&
بالطياره..
: دانا ممكن سؤال...
دانا: اكيد تفضلي..
ابتهال وهي تطالع مأثر اللي جنب مدى: ليش هاديه بنت خالك؟
دانا طالعت مأثر:والله هي كذا..هاديه نعومه بزايده..يعني بالعربي دلوعة امها وابوها..
ابتهال: اهاااا...بس مره غريبه..
دانا: ما عليك منها...ابتهال ...لو تصاحبين وحده بويه عادي؟؟؟!
ابتهال لفت عليها بسرعه: بسم الله علي منهم... وع لو يذبحوني..انا ما عندي الحركات هذي..
دانا انصدمت من ردة فعلها: ليش!!
ابتهال: الاو حرام..ثانيا مالها فايده..يعني وبعدين بعد كل هذا ايش راح استفيد بعد ما اذبح عمري عشان هالبويه..ماراح استفيد شي..
دانا: شي يملي عليك كونك ودنيتك..وتحبينها وتحبك...
ابتهال سكتت شوي وسألت بجديه: دانا انتي تعرفين بويه؟؟
مدى: اجل انتي مأثر...دايم اسمع عنك بس ما التقيت فيك..
مأثر بنعومه وصوتها ناعم وهادي: ايوه..لما جيت المزرعه ما شفتك وصار اللي صار...ولا تعرفنا على بعض..
مدى ابتسمت لها وعلى طريقة كلامها: ايوه..معليش الجايات اكثر..انتي بأي سنه؟؟
مأثر وهي تأشر على لانا وريماس: انا معاهم بثالث ..بس انا اكبر منهم بسنه تأخرت بالدراسه..
مدى: اهاا..الله يوفقك واضح انك وحيدة امك وابوك..
مأثر: هذا اتعس شي..اتمنى ان يكون اخوات او حتى اخوان..مافي البيت الا انا لحالي..واهلي عيونهم علي...شي يطفش شوي..
مدى: هههههه وما فيه ولا ايجابيه؟؟
مأثر: ما اتوقع..غير اني مدلله بزياده كمان بس في عيني مو شي ايجابي بعد شي يملل..
مدى: والله الصراحه مشكله اجل ايش يملى عليك حياتك..
مأثر: انا ظل مامي..وين ما تروح ووين ما تجي...واكون مبسوطه..البنات مالي احتكاك فيهم كثير...احب دايم اكون مع مامي...
مدى: والزواج؟؟ايش رايك فيه حاليا احسه راح يغير حياتك.
مأثر: انا ما افكر فيه..بس عمتي حاطتني في بالها وانا كارهه هالشي..بس اتوقع دادي لو تقدم لي واحد من عيال اخته ما راح يرفضهم..
مدى عقدت حواجبها: من تقصدين ضاري ولا اخوه!!
مأثر نزلت راسها: لا ...ضاري...
ضاري جالس لحاله وفاتح جهازه ويشتغل عليه...
الرجال مع بعض..بس الكل ساكت..
الحريم وضعهم عادي ما بين صمت ولا سوالف استعراض من اكثر اناقه وفخامه وعز من الثانيه..
لانا حاطه السماعات بأذنها وعايشه جو..
ريماس نغزتها: لنو..
لانا بعد وحده عن اذنها: هلا..
ريماس: انتي من قلتي لي عن ضاري وانا ما هدا بآلي..
لانا: ايش تبينا نسوي!
ريماس : فكري معاي...
لانا نزلت السماعه الثانيه وسكتت شوي...وفجأه: لقتيها..
ريماس: شنو...
لانا: الخطه الي راح تخلينا نعرف ضاري يحبها ولا ..واذا كان يحبها نخليه يكرهها للابد...
ابتهال مصدومه: دانا انتي من جدك تتكلمين؟؟
دانا منزله راسها: ايوه..
ابتهال: مستحيل اصدق...طيب ليش؟...يعني ما كنتي عايشه بدونها..
دانا: كنت عايشه بدونها..بس ما حسيت بطعم الحياة..
ابتهال: ومو هذا طعم الحياة اللي انتي محتاجته..هذا قرف الحياة..انتي عندك الفراغ كبير..وحسيتي ان هذا فيصل ملاه عليك..ولا لو فكرتي فيها شوي..هو قاعد يدمرك بالبطئ..انتي كيف ما فكرتي بربك وكيف راح تقابلينه بأخرتك!!!!
دانا بتبكي: انا ما اعرف ايش اسوي...بس حبيته والله حبيته ومتأكده من هالشي..
ابتهال: ادري تحبيه..بس هو ما حبك..هو يستغلك بس ولا لو كان يحبك خاف عليك اكثر من نفسك..مو تقولين خدرك او خلاك تسكرين!!!
دانا سكتت ودموعها نزلت..
ابتهال: دانا ..ارجعي لعقلك..واسألي نفسك سؤال وجاوبي نفسك بصراحه..اللي انتي قاعده تسوينه شي طبيعي!!
دانا بتردد: لا..
ابتهال: أي شي مو طبيعي هو قمت الغلط...ليش رميتي نفسك فيه!
دانا: طيب ايش اسوي؟
ابتهال: انا اقولك ايش تسوين..وراح تطبقين من لما نرجع اوك..
دانا: اوكـ..
مدى: وايش راي ضاري بالموضوع؟؟؟
مأثر: ما يعلق...دايما يقول مو وقته او ما يفكر بالزواج وعلاقته مع عمتي دايم متوتره..
مدى بفضول: وما تعرفين ليش ما يبي يتزوج؟
مأثر:لا..حتى اهله ما يعرفون..هو شوي غامض ومزاجه صعب..
مدى: واخوه!!
مأثر: لا اخوه عكسه شي ثاااني...يمكن راح يعجبك لو اخلاقه تعدلت شوي..لان اخلاقه دايم زيرو..
مدى سكتت وتحاول تفهم غموض ضاري الغريب..واخوه الاغرب منه..
"صدق عائله ..ما ادري وشلون تجمعت"
&&&&&&&&&&&&&&&&&&&&&&&&&&&&&&&&&&
في المستشفى..
: حبيبي..اهلي جايين اليوم..وبروح استقبلهم بالمطار..
سامي وكلامه يطلع بصعوبه من التعب: انتبهي لنفسك..
اريام: ابشر..تبي شي قبل لا اطلع..
سامي: لا سلامتك..بس اعطيني مذكرتي اللي بالدرج..
اريام: من عيوني..."وراحت للدرج وطلعت المذكره ومدته له"..شي ثاني!!
سامي:لا سلامتك..
طلعت اريام ووصت النيرس تنتبه له اكثر...
رفع دفتره..وطالعه شوي..سند ظهره على السرير...وبدا يخط كلماته..
"... اريام..راح اسميك حياتي...مو لانها كلمه تنقال ودارجه بين الناس..ولا لانها كلمتة غزل وأقولها لك مثل كل مره..او حتى كلمه عاديه تنقال لآي حبيبن..
انا في كل مره بكتب لك حياتي..لانك انتي فعلا حياتي الي ضاعت وابيك انتي انتي تعيشينها..حياتي اللي راحت هدر ما بين الم..وجرح..ومرض..ونهايه حزينه..راح اروح بين ايديك..وانا كأني عصفور جريح...صغير الحجم وضعيف الحيل..ومجروح من الزمن..ساعات اتمنى القدر يغير مصيري..واكون سامي ثاني..والتقي فيك من جديد..واحبك اكثر من الحين..واعيش حياتي..وانا اداري حياتك واحافظ عليها..انا سلبتك حياتك معاي..تعانين معاي كل يوم...لكن بعطيك حياتي وعيشي فيها..وابيك تملينها بكل شي حلو..وسيعد ومفرح..لانها غاليه علي وانتي عارفه هالشي..راح اعطيك كم كلمه بتقريها وانا في عداد الاموات..
بس حققي لي هالكلمات وحققي الاماني اللي فيها واذا ما قدرتي معذوره..اللي بيني وبينك مسافه طويله..مسافة بين الارض والسماء..
ودي اشوفك ولامس اياديك
وأحكيلك عن قلبن ماليه بغلاتك
ودي تنادي ياحبيبي ولبيك
ودي أجيلك وأنت في منامك
وقولك..
وقولك ياحبيبي أنا اللي أبيك
أنا اللي فضل جنتك وعشق نارك
ياحبيبي والله ودي أحاكيك
وقولك أني أموووت بترابك
ودي ياحبيبي أني أوصيك
على قلبي اللي متابع أخبارك
ودي قبل لاموت ياحياتي وخليك
متمتع بدنياك مع هلك وأحبابك
على دفنتي ودي أني أوصيك
ودي أنها تكون عند بابك
لجل تمشي على تراب قبري برجليك
وقوم أنا وقبل ترابك
وسكر مذكرته وتنهد..ودمعته بعينه حايره...
&&&&&&&&&&&&&&&&&&&&&&&&&&&&&&&&&&
على اعصابها تنتظر..خايفه من ردة فعلهم .كيف راح يكون الاستقبال وكيف راح يقابلونها...ممكن يبادلونها الاحضان ولا بيردونها..ماتت من الشوق لهم..امها لحد الان ما كلمتها ولا مره..حتى لانا يمكن ردت عليها وبعدها طنشت اتصالاتها..
مافي الا دانا وضاري وابوها هم اللي تقريبا متواصلين معاها..
الوجيه اللي جايه اغلبها اجنبيه..واذا كانت عربيه فا اشباها شاميه..وعيونهاعلى الناس بترقب..لحد ما اخيرا لمحت ملامح وجه ضاري وابوها وخواتها وراهم واتسعت ابتسامتها..ومن الفرحه ودها تطير لهم..
بس كل اللي قدرت عليه..
رفعت ايدها واشرت لهم : ضاري يبه انا هناااا..
ضاري شافها وابتسم..وابوها نفس الشي...
دانا بس من لمحتها ..راحت تركض لها..
اريام وقف تنتظرهم يعدون بسرعه؟؟ويصولون لها..
واول واحد كان ابوها...
رمت نفسها عليه وباست كتفه: الحمد لله على سلا متكم..والله اشتقت لك..
حمد بادرها الحنان والشوق..بجد اريام غير عن بناته ووجودها بالبيت يضيف شي حلو وطلتها تريح قلبه..
: الله يسلمك..وانا يا بعد ابوك اشتقت لك..
اريام بعدت عنه وباست راسه وطالعت وجهه: الله لا يحرمني من شوفتكم.."وبعدت عن حضنه وحضنت ضاري"..ضاري والله واحشني..
ضاري ارتبك: هلا ..هلا.."وحط ايد وحده على ظهرها " وانتي بعد وحشتينا..
دانا: ريوم..يله ابي اسلم عليك والله البيت بدونك ما يسوى..
اريام بعدت عن ضاري وهي تمسح دموعها: دنووو تعالي يا بعد قلبي والله والله ميته من الشوق لكم..
دنو ضمتها بقوه: ريوم والله احنا اللي اشتقنا لك..ولا تسوينها مره ثانيه..وتسافرين بروحك...
دانا بعدت عنها تعطي مجال لغيرها..
اريام سلمت على ريماس ورهام ..وجاء دور لانا ضمتها بقوه..
: ما اشتقتي لي!!
لانا فقدت اريام بس ما حبت تبين لها: وجودك وعدمك واحد عندي..
اريام بعدت عنها وطالعتها: ادري مو من قلبك..
لانا وهي تسحب شطنتها : ايوه ما شا الله عليك ساحره..
اريام وقفت قبال امها وجها لوجه..
موضي مهم كانت تبقى ام..مهما قست وقلبها حجر الا انها ام..طالعت اريام بشوق ..بس من الكبر ما قدرت تحضنها..
اريام : اسلم عليك !!"وبعد السؤال ما تركت مجال لجواب ورمت نفسها بحضن امها..لو كانت قاسيه عليها..لو ما شافت منها الحنان راح تظل امها وتحبها وجنتها تحت موطاها"..يمه سامحيني ما كان ودي اعصيك..
موضي رفعت ايدينها تبي تحضنها بس ما قدرت: اخترتي ولد الفقر علي..خليه ينفعك .."وبعدتها عنها وقلبها مكسور عليها لانها شافت اريام منكسره وصحتها ونور وجهها مختفي..اكيد انها كانت اتعس عروس مع الحافي المنتف في نظرها..
سلمت على عمتها وخالها ومرته ومأثر..
وتوجهوا للفندق..اللي حاجزه ضاري..
طبعا كل عائله بسويت بس اكيد على قد المستوى..
اريام تطالع وجيه اهلها تبي تشبع عينها وابتسامتها ما فارقتها: واخباركم..الا وين بنات عمي ما شفتهم..
دانا: ما سلمتي عليهم بالمطار!!!!!!
اريام: لا ...ما شفتهم...
دانا: يا الله لهينا ولا عرفناكم على بعض..
لانا: لا تتحمسين عليهم تراهم شيون ويجيبون المرض...
اريام: وكيف عسولات ولا؟؟
دانا: والله انه معسولات وحبوبات ومره يجننون..وراح تحبينهم..
لانا: ما عليك منها بنات الفقر ولا ودك تجلسين معاهم دقيقه...
اريام ما تاخذ براي لانا باي شخص...اذا كانت هي في عينها مو شي اجل كيف الناس...
دخلت عليهم موضي: اجل وين زوجك المحروس..ليش مو معاك بالمطار ولا ما يقدر يتنازل ويستقبلنا..
اريام: الا اكيد وده يجي بس ما يقدر...
جلست موضي وحطت رجل على رجل: وانتي ليش صاير حالك كذا؟؟
دانا: الا مره متغيره ونحفانه؟؟
لانا: يمكن هو ياخذ الفلوس اللي يرسلها ابوي لها وياكلها ومخليها ميته جوع...
موضي: مالت..اكيد ايش راح يطلع منه..داخل على طمع..
اريام بحزن: سامي ماله علاقه باللي انا فيه..انا كنت ابي انحف..
لانا: عشتوا بعد تدافع عنه..
جاء ضاري..
: عجبكم الفندق...
لانا: واو ..ضاري بصراحه شي ..
ضاري: المرشد السياحي يقول هذا من افخم الفنادق في برلين..
دانا: اجل مرشدك عنده ذوق..
ضاري: هو عطيه كم جنيه زياده ويضبط وضعك..اجل وين بنات عمي..
اريام وقفت: ضاري نرى ما شفتهم ولا سلمت عليهم..فشله..
ضاري: ما سلمتي عليهم بالمطار..؟
اريام: لا...لهينا ولا انتبهت لهم..
دانا وقفت جنبها: والله فشله..هم بأي روم.
ضاري: تعالي معاي..
وطلعوا وراحوا للسويت حقهم..
دنو اتصلت على مدى تفتح لهم..
وفتحته مدى..شافت ضاري ودانا...ووحده..
: هلا حياكم تفضلوا..
اريام تقدمتهم: هلا والله "وسلمت عليها"..انا اريام..
مدى ابتسمت: هلا والله..انا مدى.. واخيرا شفتك يا اريام..
اريام: والله انا اللي اخيرا...اخبارك..
مدى ارتاحت لاريام واضح عليها الطيبه: انا تمام انتي كيفك..؟
اريام: تمام الحمد لله.
دانا: وين ابتهال..
مدى: داخل..
وجلست اريام ومدى..وبدت رحلة التعارف المبدئيه وضاري كان ساند نفسه على الجدار ويراقب حركات مدى بدون ما تحس...
طلعت عليهم دانا وهي تسحب ابتهال..
: وش تبين الحين؟؟
دانا: تعالي معاي..
ابتهال: مابي غصب..قولي لي وش عندك.."وشافت ضاري" ضاري شوف دانا.."وانتبهت ان في شخص جديد ووقفت عدل"..احم عندنا ضيوف..
دانا ضربتها على ظهرها: كسرتي ظهري يا الدوبه...اي ضيوف هذي اختي اريام..
ابتهال بدهشه: هذي اريام..يا هلا والله ومسهلا..."وراحت تسلم عليها" انا ابتهال..
اريام ضحكت عليها: ههههه يا هلا فيك..واخيرا شفت بنات عمي ..دانا وضاري دايم يحكون لي عنكم..
مدى طالعت ضاري..الي طلع سيقاره ودخنها ولا كأنه يسمع شي..
دانا: شفتي كيف يا ابتهال..دايم امدحك عند اريام..
ابتهال استحت: الله يسلمكم والله..
دانا: ههههههههه اول مره ابتهال تستحي..
اريام لفت على ضاري: ضاري اجلس معانا...
ضاري بسرعه. لالا...صح تذكرت عندي شغل .عن اذنكم..."وطلع"
جات جانيت..
: وانتي اكيد مدام اريام..!
اريام : ايوه انا "بهمس" منو هذي؟
دانا بصوت عالي: اعرفك يا اريام هذي المربيه جانيت..تبع وداد وبدر..
جانيت مدت يدها: اهلين تشرفنا..
اريام: لي الشرف..وين الصغار..
الا بدخلتهم..
: مدو ..شوفي بدر يبي ياخذ السرير الكبير...
بدر: لا لا ..هي نصابه...تبي تاخذه وانا اقول لها حق مدى
وضحكوا عليهم..
اريام قامت لهم: وه وه..وش هالحلوين..."وباستهم وقرصت خدودهم" بسم الله عليهم يدنون..
بدر مسوي رجال: لا تبوسيني..انا رجال..
وداد مسويه الكبيره: مات عليك منه...اصلا ما يعرف شي..انا بنت عادي...
اريام لفت على مدى.: الله يخليهم لكم..بسم الله عليهم قمرين والله..
ابتهال شالت بدر: هذي خاله اريام عرفتها؟؟
بدر طالع اريام: لا ..ما اعرفها..
ابتهال تعرّف عليها.."ونزلته"..ها وداد من هذي..؟
وداد: هذي خاله اريام انا اعرفها من زمان...انت ما تعرفها بدر...
ابتهال: هههههههه واضح ما شا الله عليك تعرفين تقولين صواريخ وانتي قد كذا..
والكل ضحك عليهم وعلى حركاتهم..
&&&&&&&&&&&&&&&&&&&&&&&&&&&&&&&&&&
في بيت ام ناصر..
: اجل وين ابتهال يمي؟؟
مشاعل: يمه ابتهال في برلين ما شا الله..
ام ناصر: وين فيه؟
مشاعل: ههههههههههه مسافره يمه..مو بالسعوديه..
ام ناصر ارفعت ايديها: يارب توصلها بالسلامه وترجعها لنا سالمه..
عبد الله وصل وشماغه على كفته: من الي ترجع بالسلامه..
مشاعل سكتت..
ام ناصر: ابتهال صديقة مشاعل..
عبد الله جلس جنب مشاعل: ليه وين راحت..
مشاعل: راحت المانيا..
عبد الله: انتي قلتي لها شي؟
مشاعل:لا ما قلت شي..
عبد الله : ليييييييه؟؟
مشاعل: البنت بتسافر خلها ترجع واقول لها...
ام ناصر: وش عندك عبد الله..
عبد الله: سلامتك يمه..انا بطلع..
ام ناصر: توك جاي...وين بتروح..
عبد الله: باخذ غرض وبرجع اطلع.."وراح"
ام ناصر: وش فيه اخوك..
مشاعل: ما ادري عنه يمه..شكل ولدك خرف مخه..
ام ناصر: بسم الله عليه ..ربي يخليه لنا..ويحفظه من كل شر يارب..
&&&&&&&&&&&&&&&&&&&&&&&&&&&&&&&&&&
بالسجن..
: جيت اقولك ان اهلك في سافروا برلين..
سلطان فرح لهم: الله يسعدهم وين ما كانوا..خواتي ما شافوا يوم هني خلهم يفرحون لهم كم يوم..
عزام وواضح انه ضايق صدره: آمين..
سلطان: عزام فيك شي؟!
عزام: لا مافيه شي...بس هم اكيد مع ضاري بأمان لا تقلق عليهم..
سلطان: ا ن شا الله ..انا واثق بضاري بس انت ما فيك شي؟
عزام ابتسم: لا الحمد لله ما فيني شي...انتبه لنفسكم وترى ما بقى شي على الخروج..
سلطان: آه يا عزام متحمس...ودي اشوف الدنيا والشمس والسما وانتفس هوا نقي ونظيف..واشوف الحياة برى..
عزام: هانت ما بقى شي..
سلطان: الله يعدي الايام الجايه بسرعه..
عزام: يارب...
&&&&&&&&&&&&&&&&&&&&&&&&&&&&&&&&&&
بعد ساعه..
ضاري دخل على اريام وهي بين البنات تاخذ اخر اخبارهم..
: اريام..تعالي ابيك..
اريام طالعت البنات بقلق ووضح عليها لان ضاري مرسوم على وجه الجديه: ان شا الله..
طلع ضاري بالممر واريا لحقته...
: خير ضاري وش فيك ؟
ضاري: ما في شي ايش فيك خايفه..
اريام: لا ما خفت بس وجهك ما يطمن..
ضاري: ابي اشوف سامي..
اريام سكتت شوي..سامي تغير كثير على اخر مره شافه فيه وحبت تمهد له الوضع..
: ايوه مو مشكله الحين نروح له...بس ترى سامي حالته لله..وربي يعطيه اجر كل شي شافه من المرض وتألم منه..
ضاري تنهد: آمين..خلينا الحين نروح له احسن..ما دام الكل جالس في الفندق ويريح..
اريام: اوك يله..
>>>>>>>>>>>>>>>>>>>>>>>>>>>>>>>>>>>>>
بالمستشفى..
وبغرفة سامي بالتحديد..
دخل ضاري عليه..الغرفه بيضا مافيها شي يدل على الحياة..الجدارن بارده..وجوها مقيت ويخلي شعر الجسم يوقف..طالع اريام اخته اللي قضت الايام كلها هنا..وفهم سبب حالتها اللي تقطع القلب..تقدم كم خطوه لحد ما وصل لسرير سامي...شعره مغطى بس السواد اللي كان موجود اختفى..حواجبه مختفيه..والرموش صاري قليله..مع ان سامي كانت كثافة رموشها اكثر ما كان يميزه..ووجه نحيف ومايل للون الاصفر بجد حالته لا تسر لا عدو ولا صديق..وحتى لو كان ما يعرفه..قلبه انفطر عليه...لسه صغير ولا عاش حياته..
(الحمد لله على العفو والعافيه)
ضاري حاول يجمع قوته...في موقفه مفروض يكون اقوى..وما يحسس اريام انو زوجها اللي تحدت الكل عشانه على مشارف الموت..
نزل راسه وهو معقد حواجبه بحزن: آحم ..وكيف حالته الحين؟؟
اريام اللي كانت بعيده شوي ما تبي تشوف ردة فعل ضاري لانها اكيد بتكسر قلبها اكثر..
تنهدت من قلب: الله يريحه من اللي فيه..وين ما كانت راحته..سواء بشفاء ولا...ولا...آحم...انا مابي سامي يتعذب اكثر ابيه يرتاح..
ضاري عوره قلبه اكثر واكثر: طيب الحين هو نايم!
اريام: ماخذ مهدي..ويخليه ينام اغلب الوقت..عشان ما يحس بشي..
ضاري طلع نظارته الشمسيه ولبسها: الله يشفيه ويعظم اجره..انا بطلع بتطلعين معاي ولا راح تجلسين..
اريام: انا بجلس شوي؟؟واذا كانوا اهلى بيطلعون اتصل علي على الاقل اطلع معاهم اول يوم..
ضاري: براحتك...يله سلام.."وطلع بخطى سريعه"
مشى بين الممرات واللي شافته عينه مو شوي...ربي يعظم اجر كل مريض ويعيطه الصحه ويلبسه ثوب العافيه يارب..
فسخ نظارته اللي كان مخفي بها عيونه عن اريام لا تشوفها..
حالة سامي ادمعت عينه ولأول مره بحياته في غير الطفوله..الللي ما كان يحب احد يشوفه يبكي...وعاهد نفسه من ذاك اليوم اللي قرر فيه ما يخلي شي في الحياة يبكيه ولا ينزل دمعته من عيونه..لا من موضي ولا غيرها..
اشترى له مويه وجلس شوي على الكراسي اللي بصالة الاستقبال بالمستشفى ..يبي ياخذ شوية نفس وراحه..
لفت عينه من بين الوجيه الاجنبيه وجه عربي..وقد مر عليه..
تقدم له لانه استغرب وجوده..
: انت ....انت مو دكتور خالد!!
لف عليه بصدمه والدهشه ماليه تعابيره..
: من انت؟؟
ضاري وهويحاول يتذكر: انت مو كنت تشتغل بنفس مستشفى اختي اريام؟
خالد ارتبك لما عرفه: ها....الا ..انا..
ضاري رفع حاجب: وايش جابك هنا؟
خالد: انا نقلت كل اوراقي هنا..
ضاري: وقبولك الالمان؟؟
خالد: ايوه...صح مو بنفس مركزي هناك..بس خبرتي لا تستهين فيها...
ضاري: وانت مشرف على حالة سامي...
خالد: لا ..مو مسؤول عنه..
ضاري: اجل اكيد متعاون مع اختي اريام..
خالد بتردد: لا...دكتوره اريام ما تعرف اني هنا..
ضاري استغرب تصرفه ..ليش اريام ما تعرف عنه مع انهم كانوا مع بعض في قسم واحد..
: وليش ما تعرف انك هنا...مو مفروض تقولها ..اذا احتاجتك في يوم...وهي في غربه ولحالها..ولا ما عندك نخوه؟
خالد: يا سيد ضاري..انا جاوبتك على كل اسألتك مع اني مو مجبور اجاوبها...وانا حر في قراراتي اذا كنت ابي اريام تعرف ولا ما تعرف..
ضاري لبس نظارته: اصلا اختي مو في حاجتك..ومشكور اخذنا من وقتك الثمين..يا..يا دكتور خالد" وتركه"
خالد فسخ نظارته الطبيه وحطها بجيبه: وهذا ايش جابه هنا؟ ..وكيف عرفني؟
ضاري من طلع برى المستشفى طلع سيقارته ودخنها..الجو بألمانيا شي خطير...مايل للبروده..مع انه النهار صح مافي شمس والشمس فيها ما تبين كثير.وحرارتها ما يوصل منها شي..بس الجو ما كان بالبروده المتوقعه..اخف شوي..
رجع للفندق...
مدى وابتهال من راحت اريام طلعوا لغرفتهم يرتاحون..وبعدها البقيه تفرقوا.
دانا..ارسلت مسج بس لفيصل انها وصلت ولا كلمته..لحد الان ما اتخذت قرار مع نفسها كلام اتبهال من جهه وقلبها مع فيصل من جهه ثانيه..
اما لانا..اللي اعطت اياد خبر قبل لا تسافر وقفلت موبايلها متعذره انها برى السعوديه..وماتبي تكلم احد..
وصل ضاري للفندق وكمان ارتاح معاهم...لان عندهم جوله على برلين بالليل..
****************
>>>>>>>>>>>>>>>>>>>>>>>>>>>>>>>>>>>>>>>
وفعلا ما صار الليل الا والكل مستعد..كل البنات رمو العبايات والحجاب..الا مدى وابتهال بحجابهم..والحريم نفس الشي حجاب وبس..
اما الرجال فا كان لبسهم سبور..
ضاري: اخلصوا علينا...ما راح ننتظر اكثر.."وسكر الخط بوجهه دانا"
دانا: واي سكر الخط بوجهي بسبتكم..من زين الوجيه اخلصوا علينا..
ريماس واقفه على راس لانا: لنو حوبي انتي حلوه بلا شي...وما تعرفين انو ما يحبون الميك الاب الاوفر..
لانا: ما حطيت اوفر ولا شي..ولا تغثوني..وضاري هذا ايش فيه صاير نار..
رهام: ههههههه يعني شي جديد..
مدى وابتهال ينتظرونهم بالممر..
مدى: مطولين؟
ابتهال: ما ادري عنهم..
طلعت لهم دانا: سووري تأخرنا..بس لنو الا تكشخ كانها رايحه زواج..
مدى: خلونا ننزل وهم يلحقونا...
رهام: انا بأجي معاكم..
وطلعت ريماس وطنشت الكل ومشت قبلهم..وبعدها لانا طلعت وسكرت البات وراها..
وشافت مدى وابتهال واستحقرتهم ولحقت ريمو بغرور..
مآثر طلعت من غرفتها..
: سوري تاخرت عليكم..
وتجمعوا كلهم ونزلو مع بعض..الفندق اللي هم فيه اغلب سكانه عرب فا ما حسوا انهم في مكان غريب عليهم..
وحصلوا ضاري مولع والرجال والحريم مروقين ويضحكون..
وطلعوا كلهم برى الفندق ..وراح يمشون مشي..
المرشد: انا معاكم ناجي من مصر..ارحب فيكم في برلين وائول لكم انكم راح تنبسطوا فيها على اخر وناسه..
ابتهال: هههههههههه يا شين اللي يبي يتكلم سعودي غصب.
دانا: ههههههههه خليه يوسع صدره..
وبدا معاهم من اهم الاماكن الحلوه في برلين..وهي ساحة بوتسدام كانت مره كبيره ورائعه بمعنى الكلمه وكان يتكلم عن كل شي فيها وعن المباني الي حولها والمعارض والمتاحف اللي راح يزورونها وبعد المسارح اللي موجوده فيها..
وكانت بجد مدينه فوق الوصف والكل مبهور فيها..
موضي: والله كويس اخترنا المانيا..
لطيفه: اجل الصيفيه هنا..
احلام: ا ن شا الله...اسبوع ما يكفي..
جاهم ناجي: لا يا ستي..لو حتيجوا راح تروحوا لميونيخ او فرانكفورت..
البنات ماتوا ضحك عليه كل شوي يقط بالسوالف..
جانيت: هيدي أي شي عند اللي راح تشوفوه..
واخذهم ناجي على الضواحي العربيه..
ناجي: هذي ضاحية نويكولن ..كولهاا عرب..
حمد: بجد كلها عرب...
سيف: اكيد راح يكسبوا من هالشي سياحه عربيه اكثر..
ابراهيم: معاك حق..
ضاري وكأنه المشرف عليهم..لانه مع الكل ووحيد بنفس الوقت بسمع تعليقاتهم بس ما يحب يعلق..واتصل على اريام مره بس جوالها مقفل..وارسل لها مسج بانهم راح يكونوا بالضاحيه هذي لحد ما يرجعون لانها مره حلوه..
مدى: وربي شي خيال ..احنا وين كنا عايشين..
ابتهال تنهدت: والله اني اتمنى امي وسلطان بكل لحظه..ما ينقصني الا هم..
مدى تنهدت..بجد لو كانت مع امها اخوها راح تطلع السفره احلى مهما فرحت فيها راح تبقى ناقصه..
جلسوا على ثلاث طولات قريبه من بعض شوي..وطلبوا لهم الاكل ..وكانت برى موداخل المطعم..والجو كل شوي ترتفع درجة برودته..
دانا وهي تقفل الجاكيت كويس: وربي برد...بديت ارجف..
لانا: ياريت كثرت كلابس تحت..
ريماس: الحمد لله حسبت حسابي..
رهام: معليش المره الجايه..
مدى فسخت الجاكيت واعطته ابتهال: قلت لك البسي ما رضيتي..
ابتهال: ما توقعته كذا ..
مأثر: هههههههه وربي ما شفنا خير..احنا متعودين على شمس الرياض..
ناجي نط في االسالفه من بعيد: يا قمورات انتو عارفين ان احنا بالصيف والجو حاليا معتدل يعني مش بارد..
جانيت اللي كان الوضع عندها تقريبا عادي: لا درجه الحراره ما كتير منخفضه..
بدر ووداد كانوا لابسين صح...
ابتهال: اجل ما دامه معتدل ليش نرجف..
دانا: ههههههه عشان احنا ما شا الله ما نحب الا شمسنا الحارقه..
مدى اللي صارت شفايفها زرقاء لان التيشرت اللي تحت كان خفيف: انا بموت برد..
ابتهال لفت عليها: لا مدو..صار وجهك احمر...وشفايفك زرقاء خذي جاكيتك..
الا ضاري وراها: لا خليه عليك ابتهال...انا لابس كويس مدى خذي هذا..
ابتهال ابتسمت وتمسكت بجاكيت مدى:اجل خذي حق ضاري انا بموت برد..
دانا ولانا وريماس ورهام ومأثر عيونهم كلهم على ضاري...اللي واضح انه قلقان عليها ..لدرجه انه سمع سوالفهم..
مدى انحرجت: لا...لا خلاص انا دفيت..
ضاري اللي حطه على كفتها غصب: خذيه لا تمرضين علينا احنا هنا ننبسط مو نقعد بالمستشفيات.."وراح"
ريماس لفت على لانا بقهر وهي ماهي مستوعبه الحركه..
مدى ماتت غيظ الى متى وهو يتحكم فيها ويجبرها على كل صغيره وكبيره..
دانا سكتت وحست الوضع عادي وهي مأثر ورهام...
لانا تأكدت شكوكها...وراح توقف هالشي بأي طريقه كل شي ولا ياخذ اخوها بنت الفقر..
مدى وقفت...وراحت لضاري عند الرجال نزلت الجاكيت من على كتفها وحطته قباله على الطاوله: خله لك.. ما احتاجه..
ضاري رفع عينه عليها وهو رافع جاحب: مدى...ماله داعي العناد..فكيني منه..
مدى تحاول تخفض صوتها : انا ما اعاند انت اللي تعاند..
ضاري وقف وصار قريب لها لانها كانت على راسه...ومسك يدها وسحبها معاه: ابيك شوي..
تحت انظار الجميع من حريم ورجال وبنات..وكل واحد وافكاره وين ما توديه..
ضاري بعد عن الكل بس مو مسافه كبيره..
: مدى انا بس ابي افهم سبب عنادك..
مدى ما تطالع عيونه تخاف منها: السالفه مو سالفة عناد..السالفه انك تبي كل شي تبيه الا يصير غصب يا اخي هذا مو حل..
ضاري: اذا انتي مو شايفه مصلحة نفسك انا اشوفها لم..
مدى: ومن طلب منك تشوفها.؟
ضاري: محد طلب مني ومو لازم انتظر طلب انا اسوي اللي يمليه علي ضميري..
مدى: طيب انا حره..اقبل هالشي ولا ما اقبله..
ضاري بدا يعصب : ترى السالفه كلها جاكيت..قولي ما ابي منك شي وانتهينا..
مدى اللي وصلت معاها من تصرفاته: ايه ما ابي منك شي..قلتها قبل واقولها لك الحين..ما ابي منك شي بالغصب انت سألتني وقلت لا..يعني لازم ارضى!!
ضاري حاول يمسك اعصابه لا تنتهي السالفه مثل كل مره: الجاكيت خليه معاك..لان الجو بارد اليوم...وبكره سوي اللي يريحك.."وعطاها الجاكيت"
مدى طالعته شوي..نتردد تاخذه ولا ماتاخذه وتصر على رايها..
ضاري خايف ترده وما يبي ينزل نفسه اكثر..وخايف عليها الجو بارد عليها مره..
مدى مدت يدها بسرعه واخذته وراحت..وهي مستغربه من نفسها ليش خذته يمكن لانها شافت في عيون ضتري انكسار وما حبت هالشي...
ضاري ارتاح وقدر يتنفس على الاقل ما ردته..
جلست جنب ابتهال..والعيون تترقب منها كلمه..بس كانت ساكته..والكل كمل ايش كان يسوي قبل لا تجي..
ريماس: مصيبه..مصيبه هالبنت شوفي كيف جات والجاكيت معاها..احس ضاري كان يترجاها تاخذه..
لانا مو مصدقه: لالا مستحيل اخوي يترجاها..هو اقنعها الا اكيد اقنعها..
ريماس: هو عنده اسولب اقناع...احنا نعرفه يا لانا..
لانا سكتت..
ابتهال همست لها: كان من البدايه وما سويتي هالحفله..
مدى: رحمته..
ابتهال باستحقار: انتي ترحمينه؟؟..ولا ضاري احد يقوله لا ؟؟؟حتى انتي ما قدرتي..
مدى: لا جد رجمته ما حبيت اكسر بخاطره..
ابتهال: ايش قال لك؟
مدى: تهاوشنا..وما قالي ولا قلت له..
دانا: مدو..بصراحه انتي كذا ما شا الله عليك ما تخافين من ضروي..
رهام: ههههههههه اول مره اشوف وحده ضد اخوها...
دانا: انا ماني ضد اخوي...بس اخوي طبعه أي شي..ابوي وامي مالهم كلمه بعد كلمته..
مأثر : بصراحه مدو..انتي سويتي شي عظيم..
لانا بغرور: لا تفرحين قلبي...لو ماهي بنت فقر وكاسره خاطره وقال ضعيفه ويتيمه ومالها احد ولا كان علمها شغل الله..
ريماس: ضاري اصلا يخاف ربه..ويخاف يقصر عليهم بشي تعرفون فقراء مساكين..
مدى اللي حاطه الجاكيت بحضنها وما بعد لبسته حطته على الطاوله: والله تنرحمين انتي وياها...اخوكم له كلمه عليكم انتم بس علي ماله كلمه..وذا على هذا اللي حرق قلوبكم "وتاشر على الجاكيت"..اشبعوا فيه..
وراحت لطاولة الحريم جنب عمتها وابتهال لحقتها...
دانا: والله يا لانا انتي وريمو اذا ما عقلتوا لا اقول لضاري عنكم..
لانا: لا تدافعين عنهم..ترى ما لهم امان..شوفي اخوك من لما جوا ايش صار..
دانا: واذا تغير!! موللاحسن؟
ريماس: عليهم يا قلبي ولا علينا نفسه..
دانا: ريمو..انتي مالك شغل وكل كلامي وعتبي على هذي..
لانا: منو هذي..انا لانا اختك..حتى انتي قلبتي علي عشانهم..
دانا: اوف وقسم تطفشون..انا بروح معاهم..
لانا: لالا..هالبنات مسوين لاخواني شي.
رهام: خلو عنكم حركاتكم البايخه وما يصير لكم شي...."وراحت معاهم"
ومأثر لحقتها بما ان ريماس ما تحب تشوفها..
ريماس: بنات الفقر االساحرات..لعبوا بعقولهم كلهم..
لانا: ما عليك منهم..
لطيفه: ايش فيكم جيتوا وحده ورى الثانيه..
رهام: قلنا نجلس معاكم شوي..
موضي: ما ادري ليش حاطين لكم طاوله بروحكم..
دانا: مامي...ماودك اجلس يعني اقوم؟..
موضي: لا انتي اجلسي..بس في ناس مضايقه..
مدى وصلت معاها..لا هنا ولا هناك..وين تروح بالاول بالقصر تروح غرفتها ..هالمره وين تجلس..
وقفت ترجف ايديها من البرد والعصبيه: انا بتمشى شوي..
ابتهال: بأجي معاك..
دانا فاهمه ليش قاموا: لا ابتهال تكفين طلبتك اجلسي..
ابتهال وهي تشوف مدى مشت كم خطوه عن الطاوله : بروح مع اختي..
دانا غمزت لها: خليها شوي بروحها,,بس انتي اجلسي لا تخلين احد يقهركم انتوا اقهروهم ل كانت امي لاني ادري انها على غلط..
ابتهال سكتت وقلبها مع اختها..
مدى بجد ضاقت فيها الدنيا..سافرت والحين هي في اقصى مكان والهم معاها ومو راضي يتركها..مستحيل تمر عليها لحظة فرح كامله..الا ما في شي بنغص عليها..يمكن موضي معاها حق ان احنا لي شمعاهم وماهي مجبوره تتحملنا..ويمكن لانا معاها حق في انها بنت فقر ودخلت على حياة مو لها...ويمكن ضاري معاه حق في انه يسوي اللي يسويه معاها وما تعرف مصلحة نفسها الا بطريقته..يمكن الناس كلها صح وهي خطاء..ويمكن هي صح والدنيا ضدها..ما عاد تدري هي ايش تبي ولا هم ايش يبون منها..
: ليش انتي بروحك؟؟؟
مدى لفت عليه وعيونها مليانه دموع..
@@@@@@@@@@@@@@@
نهـــــــــــــــــاية البــــــــــــــــارت..
بقايا شتات..
بقايا شتات
|
29-04-10, 05:16 PM
جديد مواضيع قسم القصص المكتمله
العرض العادي
