كاتب الموضوع :
غموض
المنتدى :
قهوة ليلاس
اقتباس :-
المشاركة الأصلية كتبت بواسطة ام الشهد  |
هلا غيومة كيفك وكيف البنوتات عساهم بخير
ياهلا والله فيتس يا ام شهوده الله يجزاتس الجنه بخير جعلتس بخير
بما انك من القصيم وش مكانه الكليجا في قلبك تراني صادقه ماتريق
ابد خذي راحتس وداريتن انتس ما تتريقين
اممممم الكليجا تدرين ياغناتي جيتي لعلامة القصمان والماركه لمسجله لنا في كل بيت مكانته كبيره كبيره هذي ياطويلة العمر كار أمي من قبله جدتي وبكل بيت بالقصيم يشهد بحبه
هل كنتوا راعين طلعات للبر اذا ايه اذكري لي موقف حصل لك فيه من طيحه ولا بنا بيوت وتهدم ولا للدغه لاسمح الله ولا موقف مخيف
ايه اكيد راعين طلعات ومكاشيت ما اخبر شبر من نجد ما شبرناه حتى الصمان والشمال والنعيريه تشهد لنا بكشتاتنا وقت الربيع والبراد
والمواقف كثره ما تنعد ياغاليه
بس اذكر حصل لنا موقف رعب بأحدى هالطلعات تخبرين بالليل
الكل يلتم ويلتفت حول الضوى ولا يشبر خارج الخيمه وبمره من المرات
أنا وبنت أختي وحده من خالاتي رحنا نجيب لنا حطب وسمر لان السمر اللي عند الحريم قضى ومابوه أحد بهاك الوقت سهران غيرنا وبعض البنات وقالو من الذيبه اللي ماتخاف وتروح عند قسم الرجال وتجيب لنا عاد أنا أحب المهايط والتحدي دقيت الصدر وقلت أنا اللي أجيب لكم وحلفت أختي الكبيره ماتخلين اروح لحالي وخلت بنته تخاويني
وقامت خالتي وقالت معكم مشينا ونمشي وقسم الرجال شوي بعيد عنا
ونمشي ونسولف ونضحك عشان نطلع الخوف منا خاصه بوقت الليل
والهدوء اللي يذبح عاد جينا مكان الحطب واخذنا لنا مجموعه على عجل
وبسرعه خوف يقمون العيال على حركتنا وناخذه ونشوت بسرعه واحد من عماني اخذ السكتون وراح ورانا يحسبنا حرميه وهو يصرخ علينا ويثور السكتون بالهواء ومن الخرعه طحنا من الخوف وانا اصرخ يا ولد لا تبلانى وتبلي روحك وش يجيب الحرميه بهالمنطقه تعوذ من بليس ونزل سلاحك بنت أختي انغمى عليه وهو الله يهداه عارفن أنا من حريمهم بس على قولته يبي يسوي اكشن الله يصلحه واخذ من عماني وابوي علقه وهواش ما ينساه عمي لين الحين
وسلامتك حبيبتي
والله حبيت خفة دمك من لقاءك الممتع
الله يسلمتس يا ام شهوده ونشهد أنتس بعد لذيذه وراعية طيب
سلااااااااااااااااااااااام
|
حياتس قلبي ,,,
|
07-06-10, 08:31 PM
جديد مواضيع قسم قهوة ليلاس
العرض العادي
