ترنووومه.. تسلمين فديتج عالبارت<< الفيس راعي الورود

المعاريس

الف الف مبروووك<< فيس توه راد من عرسهم

الفهد والوليد وريما

شرا ما قلتي الوليد تاخر.. وتاخر وايد بعد.. عقب ام تعلقت خته في الفهد.. صح انها ما حست به كزوج.. بس استغنائه عنها.. وخيانته لها.. احتمال يكون لها دور كبير في زعزعه ثقتها بنفسها.. وتغير نضرتها للطرف الاخر.. البنت عدها صغيره واللي استوى عادي يخليها تجوف الرياييل ما فيهم خير<< فيس يحلل.. والفهد.. يمثل دور الظالم والمظلوم.. بغض النظر عن اللي سواه في ريما.. هو ريال يعني يبي له وحده تقوم به واتداريه<<فيس صريح.. بس بعد موقفه سلبي.. المفروض يفهمها عالاقل.. ويوضحها لها اسبابه<< فيس محايد

يوسف

هي يا ريال روح الشركه اخير لك من انك تفتر ب شهرزاد من مكان للثاني << فيس يشجعه

شهرزاد

حليلج والله.. اكيد ضايعه الحينه<< فيس يطبطب عليها.. وفيس ثاني معصب يجوف ابوها.. ومن الطبيعي انج توافقين ع انه يوسف يتوظف في الشؤكة خصوصا انه نسيبكم الحينه<< فيس يربط الاحداث.. وهب عدله يكون دريول<< فيس يحافظ على برستيجهم

حمدان وشهد

حليلك يا حمدان<< فيس متعاطف وياه.. ما مداك تفرح بملجتك.. الا زاد عليك المرض<< فيس قرر اييب له نيرس وفيس ثاني طرش تحاليله يدور له علاج..واممممممممم.. شكله والله اعلم<< فيس يتوقع بتوجس.. ان حمدان طرش لها تقرير بحالته.. والا ..امممممممم<< فيس ما يبي يتوقع اللي في باله

جود و شهاب

ويبقى تانيب الضمير اشد انواع العقاب.. ان ترى من دمرته امامك.. يذكرك بماضيك.. بانك كنت تلك الليله مججرد وحش كاسر هدفه الوحيد اشباع غريزته.. وانه من هتك عرض من كان هو حاميها<< فيس متعاطف وياه وحاس فيه.. بس اتوقع انه بيب راس جود.. وبخليها تحبه<< فيس مصر ع رايه

زايد ورهف

للاسف هالنوعيه موجوده في مجتمعاتنا.. شي بنات الله يهديهن ما يراعن ان خوانهن رياييل يتدلعن ويلبسن ثياب تكشف اكثر من انها تستر.. ويتمشن سايرات ورادات.. وجنه العيد..وما يراعن وجود مراهقين وياهن في البيت.. اروحهم المراهقين هب ناقصين.. تسد هالبرامج الماصخة اللي تخرب افكارهم اكثر من انها تفيد<< فيس يتنهد

نترياج فديتج<< الفيس راعي الورود

سلام أختي ترنيمه
الصراحه من الأجازه وانا متباعتنك بصمت وتقوعي شوو أنقلبت أماراتي ولله صرت جيه أتكلم أماراتي بعض الأحيان معني لا أشاهد ولا أكلم أهل الأمارات الصراحه عجبتني لهجتكم وفديتش روايتك روعه مرره شنو الروايات ألي سويتيها من قبل
أوكي خلينا نتكلم عن الروايه شوي ... ههههه
فهد وريما ما أتمنى يتفارقوا
و يوسف و شهرزاد أتمنى يكونوا مرتبطيني يعني يكون في تشويق بينهم
ووو أتمنى يكون لغزلان قصه تخصها وخالد أيضاً وكمان سعود
ووووو اتمنى بعد تكثري من شهاب جود
شكلي كثرت كلامي
أي وتراني سجلت مشااان أرد على أبداعك

ياهلا والله بترنومه
فديت قلبك وقلمك يااجمل هديه للقراء

بارت كلمة روعه قليله فيه
والله ياملح الامارات كل مااقرا لك سيمفونيه احس اني فوووووووق وماودي تخلص ابد الله لايحرمك هالموهبه

معزوفة حذام ليلة الدخله خياااااال كنت مبدعه ومبدعه ومبدعه اول مره اقرا لكاتبه سطور جريئه مغلفه بالحياء فعلا ابدعت
فرحت وااااااجد بزواجهم كنت خايفه يصير شي يخرب الزواج بس الحمدلله عدى على خير


الفهد وريما
اللي صار خالف توقعي تماما
ماتوقعت ريما ابدا تصمت لكن يمكن على قولك كانت مصدومه وخصوصا انها تحبه
بس احسن خليه يعرف قيمتها وهي بعيده عنه

وليد
اتمنى ان يكون سبب في تغيير هديل واتوقع يصير بينهم شي كبير <<فيس شاطح


ترنومه الله لا يحرمنا منك ولا من ابداعك

يسعدلي صباحك ,,,ترنيمة


مشكورة على البارت وتسلم الأيادي


تدرين كل ماأقراء بارت واشوف تصرفات بعض الشخصيات المقززه ,,استنكر

لكن ارجع واقول طيب هي ماقالت اسم روايتي اشعة الحب ,,ولا حديقة العاشقين

هي قالت سيمفونيات شيطانية ,,,يعني دام الشيطان لمساته موجوده طبيعي نشوف كذا!!



====================================

طبعآ ابداع مانقدر نوصفه ,,وأكبر دليل اللون الأزرق اللي لونت أدرة المنتدى به اسمك.

وتكتبين بطريقة وافكار ,,كأنك تقولين ((عفوآ انا مو مثل غيري انا لي بصمتي بالكتابه))


===============================

نجي للبارت


اتوقع بديهي نبدء بالفهد وريما ,,,

لانهم موضوع الجدل ببارت اليوم ,,,,,,,ترنيمة انا ماأغلط الفهد .

لو حكمنا بعقولنا بنلاقيه مو غلطان,,,,لكن لو حكمنا بقلوبنا بنلاقيه ظالم

لكن الأكيد ان لو حكمنا بعقولنا او بقلوبنا ,,,بنلاقي ريما مظلومة ظلم كبير!!


الفهد وش التصرف اللي سواه وقلنا خان الأتفاق ؟؟؟,,,,,,,,,,,,,ولاشي

رجال انفرضت على طفلة كزوجة ,,,,كان ايجابي بردة فعله ,,,,ثار وغضب ورفض

لكن رجعت انجبرت عليه ,,,,,شرط الشرط اللي يخلية يحافظ على نفسة ,,,,,

وتمت الموافقه على شرطه ,,,,,طيب واللحين يبي ينفذ الاتفاق ,,,,

ليش صار ظالم؟؟,,,,هو هذا اتفاقه من البداية مع الجده .

هو محتاج يعيش حياة زوجية ,,,لانه موصغير عمره 30سنه ,,,يعني وش المطلوب

يقعد يقابل طفلة ان ماأغرته اليوم اكيييد بتغرية بكره بدون قصد منها .

ويتصرف تصرف يكون فعلآ ذاك الوقت ظالم.

هو اللحين بيفقدها ,,,وبيفقد روحها وشخصيتها وكلامها وتصرفاتها ,,لان تعتبر

طفلة بعقل كبير ,,,ومثل ريما تكون تصرفاتها وكلامها بدون ادراك وعشان كذا

هذا يخليها مميزة جدآ لددرجة ان الفهد ينتظر ردة فعلها على الامور بفارغ الصبر

بدون ماينتبه .

نجي لحياته مع حنان ,,,,,

ترنيمة الفهد وحنان عيال عم يحبون بعض

ولكن النصيب فرقهم (من وجهة نظر حنان يوم تزوج من ريما)

طيب مهما كان مقدار حبها هل يبرر تصرفها ,,,,ترى ياترنيمة في ثنائي مثلهم بالضبط

جود وخالد,,,,ليش ماتصرف خالد تصرف غبي؟؟,,,,معناه تصرف حنان مرفوض

بغض النظر عن اثمة العظيم بالدين ,,,,,سواء نيتها تعمل عمل او تفك عمل

كون انها استعانت بساحر ,,,هذا بحد ذاته شرك .

هي اللحين تشوف نفسها انها فازت وتوفقت بالسحر ,,,,طيب اللحين بعيشون مع بعض

ويمكن تلاحظ ان الفهد مب فرحان فيها بالدرجة المطلوبة اتوقع وقتها بتقول

في عمل ثاني ,,,,,ويارب تستمر تهذري بكلامها لين يعرف الفهد عن سواد وجهها .

اما ريمــــــــــــا ,,,,,

اقول وبكل صدق اني انتظر تمتعيني بتصرفاتها وردات فعلها المقبلة .


===================================

حذام ورعد


كنت بستغرب جرئتها او خلينا نقول ثقتها ,,,,لكن شخصية مثل حذام بحياتها

تأهلها انها تتغلف بهذي الجرأة والقوة ,,,,يكفي تصرفها بتحرش زايد برهف

ومواقفها المتزنه مع جود وقت اغتصابها ,,,,الخ,,,تكون ردة فعلها الأولى

بكل موقف قوي معتمده على العقل قبل القلب.


ويمكن كمان انها دارية ومتأكده من ان عريسها مغرم لين الغرق.


=====================================

شهاب وجود

ناصر رجعته او حتى انتقاله لمكان ثاني جات بوقت مضبوط جدآ

لان خلاص راحت رهبة جود من انها تكون لحالها من شهاب وبالتالي

انتهى دور ناصر هنا ,,,,,,طبعآ هو بالندن كان بناء على قرار الأدهم لمصلحته

واتوقع اللحين رحيلة بناء على قرار الأدهم لمصلحة جود وشهاب .

ممممم

ترنيمة <-----تاخذ نفس عميق

عندي رأي شخصي مخالف لرأيك ,,,,ممكن نتفق وممكن نختلف لكن الاكيد

اعجابي بكل حرف تسطرينه,,,,,

بالموقف اللي صار لجود وشهاب وغسل قلوبهم ,,,,,برأي الشخصي استعجلتي عليه

رائع جدآ انك خليتي جود تنفجر وتكشف عن كل مافصدرها من كره تجاهه

وهذا ساعده, حبكتك المتقنه ان المكان خالي من ناصر فاأخذت راحتها

وطلعت كل مافي جعبتها,,,,,,وكمان الرائع اكثر ان شهاب ,,,خليتيه يسمع

كلامها ويمتصه وخلاها تنتهي ومن ثم قالها كل اللي بقلبه وبكل شفافيه

وكأنه يقولها اذا انتي بقلبك هم انا بقلبي هموووم ولكن الفرق بيننا ان

ضميرك مرتاح وانا ضميري متعذب.

لكن

ترنيمة ضحكها معه على البرق من بعد انفجارها بهذي السرعه انا ماقدرت اتقبلة

بتقولين لي وش معنى ماقلتي شي على اكثر من كذا انه شالها,,,صح كلامك

لكن الشيل هو قد شالها قبل ,,,لكن ضحكها وحديثها التلقائي معه عن ماتحبه.

انا عني شفته جاء بسرعه ,,,لان ترنيمة هذا اغتصاب!!!

اذا بنت احد بس تحرش فيها,, ساعات كثير تلجئ للعلاج النفسي فماباللك بالاغتصاب

اللي انا اشوفه قتل للنفس ,,,صح جسمها ماانضر لكن نفسيتها انقتلت.

صح ان جود قالت ان موسهل اعيش مع مغتصبني وبعد وش شعورها وهي معه

وكل ليلة شلوم حالتها,,,,لكن لو خليتي اريحتها بالكلام تجي على مراحل ,,,

وتبدء تستوعب داخلها كلام شهاب وتحط نفسها مكانه .

الا اذا

لك وجهة نظر وقصد من هالتصرف ,,,,هنا اعتذر على استعجالي.


===========================

حمدان وشهد

مااحب اتوقع بطبعي لكن اكيد انك بتمتعيني فيهم,,,,لكن اللي استغربت منه

يوم قالت له مبروك على المعاريس ,,,يكون جوابة المنطقي عقبالنا!!!!

=================================

زايد ورهف

شي مثير للغثيان بقوة ,,,,لكن ليش ماكان موجود يوم كنا حنا صغار مع اخوانا؟؟!

لان لبسنا غير ولان اخواننا نظرتهم لنا غير ,,,,مثل ماقلتي بالضبط وبرافو عليك

الغلط بالتساوي .

=================================

اتعب وانا اقول انك كاتبة رائعه بقصتك واخلاقك واحترامك لقرائك

كوني متأكده اني استحالة تنزلين سيمفونية واكون متواجده بالنت لازم اقراها بسسرعه

لان روايتك بالنسبة لي عالم ادخلة ويجذبني بقوه

===================================

الله يوفقك ويسهل امرك

باانتظارك ترنيمة عشق.