كاتب الموضوع :
dali2000
المنتدى :
القصص المكتمله
* الفصل السادس عشر *
الجزء الثاني :
ندى كانت تفتش فالثلاجه على حبوب مسكنه وتسمع كلامهم عنها ومطنشتهم ..وأنقهرت لماسمعت نوف تقول الطرما ..قفلت الثلاجه بعصبيه ومادرت الا أبرار في يدها صينيه الزيت اللي تغلي ونقزت بأسرع ماعندها لين لصقت فالجدار ..قد ان أبرار خلاص رشت الزيت في مكانها اللي كانت واقفه فيه ..
نوف وهاله صارو يصارخون جات عليهم بعض قطرات الزيت ..
هاله : هبــــــــله أنـتــــــــي وش سويتي ؟؟أييي يدي ..
نوف : وش هالحركات الماصخه صدق متخلفه ترشين الزيت وأحنا جالسين ؟؟
أبرار : كنت أبغا أشوه وجه هذي ..
طالعو ندى كانت لسا لاصقه فالجدار وترجف من الخوف وماجاها شي من الزيت...
أبرار بقهر : قطوه بسبعه أرواح ..
نوف تبخر الزعل على أبرار ..بخبث : والله فكره تصدقين ؟؟
هاله قامت واقفه وتطالع ندى.. بخبث : أبرار روحي سخني زيت ثاني أنا اقوم بالمهمه عنك ..
دخل وليد المطبخ ومعاه أكياس حطها عالطاوله : هذي حطوها مع الفطور ..وطالع ندى اللي باين شكلها خايفه ..وطالع نوف وهاله وابرار كانو واقفين وساكتين ..بستغراب : وش فيكم ؟؟؟
الكل : .....................
وليد طالع ندى : ندى وش فيه ..اصلا غريبه وش جابك معاهم في مكان واحد ..
ندى بكت على طول وركضت لوليد ودفنت وجهها في صدره وهي تبكي ..وليد حضنها وطالع زوجاته بقهر وهو يضغط على أسنانه : وش سويتو لها بعد ياغجر ..
الثلاث صارو ينكرون وأنها هي كذابه وأنهم ماسوو لها شي ..
وليد وهو لسا حاضن ندى : بـــــس حسابكم مواللحين ..بعد الفطور ..أصبرو علي وان اوريكم ..ناس غجر ماتمشي الا بالهواش والضرب ..
ورفع راس ندى : ندى تعالي نطلع فوق أبغا أفهم منك السالفه ..ومشى معاها وطلع فوق الغرفه ..
ندى جلست عالكنبه ووليد جلس جمبها : وش سوولك ؟؟
ندى صارت تأشر له أن أبرار كانت بتشوهها وحاولت تفهمه ..
وليد موفاهم شي : وشو عيدي ماني فاهم ..
ندى بكت ورمت نفسها في حضنه وهو حضنها : ندى طيب أبغا افهم وش السالفه ..
ندى ماردت عليه وأكتفت بأنها في حضن وليد وهذا عندها بالدنيا ..
بيت حسام ..
بعد ماأفطرو حسام وشجون ..حسام راح جلس يقلب فالتلفزيون بملل وهو ساكت ..وشجون صارت تلم الصحون من على الطاوله وعينها على حسام اللي من أمس ماكلمها وزعلان عليها ..راحت المطبخ وجلست تغسل الصحون وهي سرحااانه : كيف أراضيه ..أففف بس أنا ماغلطت وش فيها لوساعدته ..الله يهديك ياحسام مره زعلك شين ..يعني من امس مطنشني عشان قلتلك خذ مني فلوس!!..خلصت غسيل ورتبت المطبخ ونشفت يدينها بالمنشفه:اروح أراضيه امري لله ..مرت على غرفه النوم وعدلت لبسها اللي كان برموده جنز كحلي وبدي مقلم بكذا لون : انشالله يرضى بسرعه ومايتعبني..
وراحت للصاله وقفت شوي : حسام ..
حسام مالتفت لها : فيه فلوس ثانيه تبين تعطينياها ..ولا اقولك أحسن هاتي مجوهراتك الي أهديتها لك ..وش رايك ؟؟
شجون بتوتر : حسام لاتكبر الموضوع ماكان في نيتي أني أهينك أو شي من اللي تفكر فيه ..بعدين الزوجين مابينهم كرامه وهذي الأشياء ..
حسام : خلصتي ؟؟
شجون بدلع : حسااااام يالله عاد أرضى أمانه ..
حسام خق وهو من أمس مشتاااق لها ..بس ضغط على نفسه وسو نفسه لسا زعلان : ......................
شجون راحت جلست جمبه : حسومي كفايه زعل ..
حسام يضحك في نفسه ..بس حافظ على مظهره الخارجي وركز نظره عالتلفزيون : ................
شجون أخذت الريموت منه وقفلت التلفزيون ..ومسكت يده بحب : يعيني أهون عليك من اول جالسه أترجى فيك ؟؟
حسام : ......................
شجون أنقهرت وقامت بتروح بس حسام سحبها من وراها وجلسها على فخذه وهو يضحك : خلاص رضينا ..
شجون حاولت تفك يدينه اللي محاوطه خصرها وهي مبوزه : ممكن تخليني أروح ؟؟
حسام : لا ..
شجون : وش تبي فيني خلك زعلان مع نفسك ..
حسام : هههههههههههههههههههههههه يالبى هالقلب ياناس وباسها بوسه طويييييييله ..
شجون : ليش تلعب بأعصابي ؟؟
حسام : كذا أستمتع لما اشوفك مهتمه بزعلي ..
شجون : لا ياشيخ ؟؟
حسام : ورب الكعبه ..
شجون : ههههههههههههههههههههههه ..
حسام يقرص خدها : ايوه كذا أضحكي أموت بهالضحكه ..
شجون بدلع : بس الضحكه ؟؟؟
حسام : وصاحبه الضحكه ..ويعضها في خدها بقوووه ..
شجون بدلع : اييييييي متوحش ..
حسام بخبث : اللحين اوريك المتوحش الصدقي .............
بيت أبوحسام ..
مها كانت تدور فالغرفه وهي ماهي عارفه كيف تتصرف مع زياد اللي صار لها أسبوع تدق عليه وترسل له رسايل وهو معطيها طااااف : ياربي وش أسوي فهالمصيبه ..البس عبايتي اللحين وأروح له المستشفى ؟؟ بس أخاف يفشلني ..أكيد بيفشلني وماراح يرد علي ..جلست بخيبه أمل : طيب وش أسوي ؟؟ أففففف وش هالورطه ..لازم أستشير أحد يشور علي وش أسوي ..مومعقوله أتصرف من حالي ..أممممم اقول لميييين ؟؟ أقول لأروى ..لالا ..بس لقيتها اقول لهديل بس هديل ماعنها ماعند جدتي وبتقولي لييييش ماقلتيلي من أول وبتفتح لي مواااال ..أقول لها وأشوف وش عندها هالغبيه ..فتحت أيميلها وسجلت دخولها ولقيت هديل متصله ونكها " يارب تقوم نواف أخوي بالسلامه وتتم زواجه على خير ..وزواجي بعد وحاطه وجه خجول "
مها : هههههههههههههههههههه هذي البنت وش أسوي فيها مشفووووحه عالزواج .كتبت لها :
" هااااي هدوله "
هديل :
" هلا مها ..اخبارك "
مها :
" بخير ..وش هالنك الغبي ؟؟؟؟؟؟؟؟"
هديل :
" غبي بعينك "
مها :
" كل هذي شفاحه عالزواج ؟؟؟وحاطه وجه يغمز "
هديل :
" وجع يوجعك أنشالله أنتي وتفكيرك الخايس "
مها :
" هههههههههه المهم عندي موضوع وحابه آخذ رايك فيه ..بس لاتعصبين ..وحاطه وجه يبتسم "
هديل :
"اذا يرفع ضغطي اكيد بعصب ..يالله سمعينا يام المواضيع "
مها تربعت وحطت الاب توب في حضنها وبدت تحكي لها قصتها مع زياد من يوم ماقبلته في مكتب الدكتور خليل الى آخر مره شافها فيها مع عبدالعزيز ..طبعا من غير ماتذكر لها كيف تعرفت على عبدالعزيز وسالفتها مع جهاد ..
فالمستشفى ..
ماهر يكلم أبوه فالجوال : طيب يبا أنا أجيكم بسيارتي وآخذكم ..............................أيه أشتريت سياره جديده بس تقسيط على الراتب ...........................طيب بكره من الصبح أمشي ............................سلم على الوالده ...............................مع السلامه ..
قفل من أبوه وأبتسم : أيوه كذا تلحلح يابوي ..ههههههه يافرحتك يامجود بجده ..
: أنهبلت تكلم نفسك ؟؟
ماهر : ههههههههههههههه والله اكلم نفسي أتضارب معها موشغلك انت ولقافتك داخل من غير أستاذان ..
زياد يجلس ويحط رجل على رجل : شاسوي من اول منلطع برا استنى اختى عند الدكتور خليل ..
ماهر : سلامات وش فيها اختك ؟؟
زياد : مافيها شي ضعف نظر ..وأقنعتها تسوي الليزك ..
ماهر ضحك في نفسه ..يعني كل هذاك ضعف نظر ..جالس قدامها وتحسبني أخوها : ليه ضعف النظر عندها عالي ؟؟
زياد : مررره عالي ماتشوف الابالنظاره أو العدسات ..وبالقوه أقنعتها تسوي العمليه ..
ماهر : أذا عند الدكتور خليل ..حط في بطنك بطيخه صيفي ياراقل ..
زياد : ايه عاد الدكتور خليل ماعليه كلام ..الا ليش اليوم ماشوف عندك مرضى ؟؟؟
ماهر : شوفه عينك من المغرب فاضي ماعندي شي ..
زياد انشغل في جواله بتوتر وقفل الجوال وحطه في جيبه ..
ماهر : وش فيك زياد لك كم يوم لاتنكت وتضحك مثل العاده ؟؟
زياد تنهد : مافيني شي عادي مزاجي مورايق ..
ماهر : كثر منها هذي.. مزاجك مورايق أسبوع ؟؟
زياد ..وش اقولك ..مها اللي حبيتها من كل قلبي أكتشفت أنها خوانه !!: صدقني مافي شي ..
ماهر : مره صدقتك عاد ..
زياد : اقول قم خل نروح الكفتريا دامك فاضي نخذ لنا كوفي ..
ماهر : يالله ..وطلعو وهم يمشون فالأسياب ..
لين كانت توها طالعه من غرفه الدكتور خليل وشافت زياد وماهر ..وحست قلبها يرقع من شوفه ماهر ..تكلمت بحيا : زياد ..
زياد التفت وراح لها : خلصتي ؟؟
لين مستحييييييه من ماهر اللي واقف على جمب ويطالعها بعفويه : أيه وقال العمليه نسويها بعد العيد ...وطمني أنها مررره سهله وماينخاف منها ..
زياد : طيب نمشي البيت ..
لين : يالله ..
زياد راح لماهر : أودي أختي البيت وراجع لك أنت روح الكفتريا واحصلك هناك ..
ماهر : أوكي ..وراح زياد عنه ووقف يطالع لين بأعجاب ..لأنها كانت محتشمه ومو باين منها شي عبايتها ساتره وباين عليها حياويه ..في نفسه : هذول البنات اللي الواحد يتشرف فيهم ويرفعون الراس ..وطالع نفسه لسا واقف ك وش قاعد اخربط أنا !! وكمل طريقه للكفتريا ..
عند نواف ...
كان الضابط عنده يسأله عن تفاصيل اللي صارله بالتفصيل وهو يجاوب بكل برود ..كان حاااقد على مصعب وحاط في باله أنه هو أول بياخذ حقه منه بعدين بيسلمه للشرطه ..
العقيد : طيب أخ نواف أنت شاك في أحد معين ؟؟
نواف : لا ..
العقيد : طيب مالك أي عداوات ؟؟
نواف : لا
العقيد بتشكيك : مومعقول يجيك واحد كذا من الباب للطاقه يطعنك عن سبق أصرار وترصد ..
نواف : هو ماكان يقصدني أنا ..كان ناوي على أخوي وأنا جيت فالوقت الضايع وكنت بكشفه عشان كذا هجم علي أنا ..
العقيد : طيب أخوك حالته ماتسمح للأستجواب ..وانت منت راضي تعطينا المعلومات الكافيه ..وش السواه يعني نقفل المحظر ؟؟
نواف : عادي مايهمني قفلوه ..
العقيد : أخ نواف باين من لهجتك أنك عارف كل شي عن اللي طعنك وانك انت بنفسك بتاخذ حقك ..وانا أحذرك لأن هذا مو من مصلحتك ..وأظن فيه قانون ممكن أنه ياخذ حقك ..فأرجو أنك تتجاوب معنا ..
نواف : وأنا قلت كل اللي عندي ..
العقيد وقف : أوكي براحتك ..وأذا حسيت في أي وقت أنك ودك تعترف بأي شي يدلنا على المجرم تعال عندي المخفر وصافحه : معك العقيد عبد المجيد ..
نواف : تشرفنا ..
العقيد يبتسم : ترا بانتظارك ..
نواف : هههههههههه والله أذا عرفت أي خيط يدلني على طول بتلقاني ناشبلك ..
العقيد : هههههههههههههههه يالله فمان الله ..
بيت حسام ..
حسام كان واقف عالتسريحه يمشط شعره المبلول ولابس بنطلون بدون تيشرت : والله أنا شايف أني اوديك عند نجلاء احسن تسولفين معاها وتنبسطين لين أرجع من عند نواف ...
شجون جالسه تحوس فالدولاب تطلع لها لبس : بصراحه متفشله منها كل يوم والثاني وأنا رازه وجهي عندها ..
حسام : هههههههههههههه والله هي تغثني بالأتصالات كل يوم الا تجيب لي شجون تسولف معي ..
شجون : والله ؟؟
حسام : قسم ..على قولتكم ياهل الجنوب ..
شجون تخصرت : لااااااااا؟؟ وش فيها لهجتنا أنشالله ؟؟
حسام يطالعها فالمرايه ويبتسم : ههههههههههههههه والله أني أحب الجنوب واهلها ولهجتهم وكل اللي يتعلق بها بس عشانها ديره حبيبتي ..
شجون : يابكاااااش ...
حسام : والله اني مااكذب ..بالأول صح كنت أستحقر الجنوب واللي يروحون لها ..ويبتسم : بس بعد مارحت لها ولقيت ذيك البنت اللي طولت لسانها علي وخلتني ماسوى ..هذيييييك البنت اللي قلبت كياني وخلتني عايش وماني عايش ..هذييييييك البنت اللي سوت فيني الهوايل بس من سلهمت برمشها هذاك اليوم وأنا دوروني بعدها ..صرت اعشق الجنوب وترااب ترابها بعد ..
شجون أبتسمت بحيا وصارت ترمش بعيونها ..
حسام طرح المشط على التسريحه وراح لها حضنها بحب..وهمس عند أذنها : أحبك بجنون ....
شجون رفعت راسها وطالعت عيونه وشافت فيها حب, لهفه ,عشق ,هيام ..وهمست : كلمه أحبك قليله على الأحساس اللي في داخلي لك ..ماني قادره أعبر بس اللي اعرفه أني مقدر أعيش بدونك ..ورجعت حضنته بقووووه ....
بيت أبونواف..
هديل لسا قاعده عالمسن وتسولف مع مها وعصبت عليها بعد ماعرفت سالفتها هي وزياد ..
هديل :
" طيييييييب قلتلك خلاص أفكر في حل مع ان مشكلتك مرررره عويصه "
مها :
" الله يخليك هديل في أسرع وقت ابغا حل ..وربي صرت ماأنام من كثر ماني متوتره وخايفه أخسر زياد "
هديل :
" والله محد ضربك على يدك وقالك تعرفي على واحد ثاني وأنتي تحبين زياد "
مها :
" هديل عاد صار اللي صار ..لاتقعدين تذليني عشان قلتلك السالفه "
هديل :
" طيب ضفي وجهك بروح اتقهوى مع أمي وابوي ولجين "
مها ..يابختك ياهديل بالجو العائلي اللي انتي فيه :
" اوكي باي "
هديل :
" بايات "وسكرت الاب توب ونزلت تحت فالصاله ..لقيت أمها ولجين يتقهوون ويسولفون : هاااي مام وين باب ؟؟
لجين : هههههههههه باب !!!! ؟؟
هديل تجلس وتصب قهوه : ايه باب ..يعني أبوي ..هذي اللغه الجديده ..أسمها لغه الأدرياتاتو >>لاااا مثقفه مره ..
زهور : باب عاد ؟؟ أبوك تسمينه باب ؟؟
هديل : هههههههههههههههههههههههههههههههههههههههههههههههههه هههههههههه وانتي بسميك شباك ههههههههههههههههههههههههههههه هههههههههههههههههههههههههه اي يابطني ..
زهور : يالله عاد بلاقله حيا ..انتي صايره هاليومين فاصخه الحيا ..
لجين بالقوه كاتمه ضحكتها : ماتستحين تقولين لامك شباك!! وأبوك باب!!
هديل : ههههههههههههههههههه شسويلكم أنا قصدي باب أختصار بابي وأنتو قلبتوها على كيفكم قلتك أكملها وهي ناقصه ..
زهور : المهم سيبيك من الحكي الفاضي ..ليش مارحتي معانا التراويح اليوم ؟؟
هديل : جلست عالمسن مع مها ..
زهور : وأنتي أربع وعشرين ساعه ياتكلمين رائد ياعلى هالمسن ؟؟
هديل : أوووووه ذكرتيني ماكلمت رائد من بعد الفطوووور لين اللحين تخيلو ..
زهور تتريق : والله مايجي فالخيال حتى ..
لجين : خالتي ممكن أروح أزور نواف اللحين ؟؟
زهور تطالع ساعتها : أيه يمدينا يالله نروح له اللحين وعمك ابونواف سبقنا ..بس انتي خلاص طيبه تقدرين تمشين من غير ماتحنين ظهرك ؟؟
لجين : أيه الحمدلله صرت زينه ...
بيت نجلاء ..
شجون ونجلاء كالعاده جالسين ويسلفون ..بعد شوي أندق الجرس ..
نجلاء : أوووه مافي أروح افتح توني جلست انا وكرشتي ..وجات بتقوم ..
شجون : لا لا خليك انا أروح افتح بس اخاف يكون زوجك ..
نجلاء : لايوسف معاه مفتاح ..خليك انا بروح افتح ..
شجون وقفت : لا خلاص أنا رايحه يمكن حسام رجع ..وراحت فتحت الباب ودخلت أروى وهي تطالعها بستغراب : السلام عليكم ..وفي نفسها : واااااااااااو من هذي الحلوه ..
شجون أبتسمت : وعليكم السلام .. أتفضلي ..
أروى وهي لسا مستغربه : وين نجلاء ؟؟
شجون : في غرفه الأستقبال ..وراحو يمشون للغرفه في صمت وأروى في نفسها : من هذي ؟؟يمكن صديقه نجلاء ؟؟بس اللي أعرفه أن صديقات نجلاء مايجون الا فالمناسبات ..دخلت وسلمت على نجلاء وجلست وهي ساكته ..
نجلاء تفاجأت بأروى وتوهقت وخايفه من ردت فعلها لاعرفه أن شجون زوجه حسام ..وأرتبكت وهي متردده تعرفها فيها ولا لا : أ..أروى شفيك البيت بيتك شيلي العبايه وصبيلك قهوه ..
أروى قامت وصبت لها قهوه وهي تطالع شجون اللي تبتسم لها وردت لها الأبتسامه : نجلاء ماعرفتيني بالحلوه ..
نجلاء أرتبكت ..وتشجعت أنها تقول واللي فيها فيها : هذي شجون زوجه حسام ..وتطالع شجون : شجون هذي أختي اروى ..
شجون ابتسمت : تشرفنا يااروى ..ماقالي حسام ان عنده أخوات أمورات كذا ..
أروى دوروها ماتلاقونها من الصدمه والأستنكار ..ماردت على شجون وصارت تطالعها من فوق لاتحت وتطالع نجلاء بحقد كيف تجيب عدوتهم بيتها ..
شجون أنحرجت من تطنيش أروى لها ومن نظراتها الناريه ..
ونجلاء أنحرجت اكثر من الموقف اللي ماتنحسد عليه : أ ..هههه هذي أروى أختي كذا الناس اللي ماتعرفهم تقعد تبحلق فيهم كذا ماعلينا منها خلينا في موضوعنا وش كنا نقول ..وحاولت تسحب شجون فالسولف وجلسو يسولفون وأروى مانزلت عينها من على شجون وفي نفسها : بصراحه الواحد مايقدر ينزل عينه عنها من جمالها وش الشعر ولا العيون وييييين طبيت فيها ياحسام وأنا اقووول حسام مستحيل يكون ذوقه شين ..حتى لبسها وشكلها الخارجي مره حلو ..شجون كانت لابسه تنوره رمادي فاتح قصيره تحت الركبه وبلوزه فوشي غامق ساده قطنيه اللي موديلها يجي واسع ومن عند الوسط ضيق ولابسه عليها سلاسل فضي طويله وصندل فوشي ..وحاطه روج فوشي..شعرها الأسود مفتوح واصل لين آخر ظهرها ولابسه طوق عريض فضي ..كان شكلها يجننن ..
أروى عاجبتها سوالفهم ونفسها تشاركهم وكل ماجات بتتكلم تتراجع في نفسها : معقوله أتنازل وأسولف مع هذي ..أفففف وش فيها هذي شكلها طيبه ومثل ماقالت عنها نجلاء ما هي شريره زي ماحنا نتوقعها ..فالأخير أندمجت معاها فالسولف من غير ماتحس بنفسها ولقيت أن شجون متقبلتها وتسولف معاها بصدر رحب ولاكأنها فشلتها قبل شوي ...
"""""""""""""""
& لندن &
كانت منسدحه على سريرها بعد ماطلعت من المستشفى والدكتوره منعتها من أي حركه وأو محاوله أجهاض ثانيه لأنها هذي المره هي اللي راح تموت مو الجنين ..كانت حاضنه المخده وتبكي بحرقه من الحال اللي وصلت له ...بللت المخده بدموعها وحاسه أن نهايتها قربت ..كيف لو يشوفوني أهلي وانا بهالمنظر ..حامل بالحرام !! ومريضه بالأيدز !! وش باقي بعد هالشيين ..قامت جالسه ومسحت دموعها ..أنا لازم اختفي من هنا ..عشان محد يشوفني وأنا بهالشكل ..أحتمال أحد يجي من اهلي ويشوفني ..لازم أختفي ..قامت بكسل وأخذت شنطه صغيره وحطت فيها ملابسها واغراضها ..ولما خلصت شالتها وشالت شنطتها اليدويه وطالعت غرفتها اللي قضت فيها سبع سنوات ..وتنهدت : هذاك لما كنت شريفه بس اللحين أنا مالي حق أني اعيش ...ضحكت بسخريه : ههههه أعيش !! اصلا أنا من هذاك اليوم اللي ضاع فيه شرفي ميته ..وطلعت من البيت وهي تجر شنطتها ..حطتها فالسياره وحركت ....
عند سعد ..
كان جالس فالكوفي شوب وسرحاااااان ويحك لحيته اللي بدت تطول وشعره اللي باين شكله وطوله أنه مهمله ..نزل يده لرقبته وصار يحكها لين صارت حمرا ..غمض عيونه الحمرا من قل النوم وفتحها بكسل حاس بصداااع وحاس بحرارته مرتفعه وكل أمراض الدنيا فيه ..طالع كوب الكبتشينو قدامه وحس كبده لايعه من ريحته ..له مده ماأكل ولا شرب ويحس بدوااار في راسه لما يوقف ..الظاهر أن النهايه قربت ياسعد ..دق جواله بسم رائد ورد بصوت مبحووح : الو ...........هلا ...........................رائد لاتصجني قلتلك جاي زواجك ............................طيب أول يوم فالعيد وانا عندكم هاه استانست ؟؟.........................طيب ...........................سلام ..
ورمى الجوال على الطاوله : مدام اني مودع عالأقل ألبي طلبات اللي حولي وأحاول أسعدهم ...بعدها خلاص ماراح يشوفوني راح يفقدوني للأبد ..
& جده &
كان جالس في وكره الجديد ويفكر وعيونه تلمع حقد دفيييين ..طلع السكين اللي في جيبه وصار يطالعها ويقلبها وهي تلمع قدامه مثل لمعه عيونه الشريره : يعني طلعت منها يانواف ومامت ..طييييييب وهذا وجهي ان المره الجايه سلمت منها بس بعد ماأخلص شغلي مع بنت عمكم المصون أروى ..أتفضالك يانواف انت وأخوك جهاد حسابكم عند مصعب عسيييييير ياعيال البدر ..وباقي ناس واااااجد ماخذو حسابهم ..أولهم سحر الحقيره تهاونت معاها وهي تمادت ..ومهند معقوله ماني قادر أحصله كل يوم طالعلي بشك جدييييد ..في حاجه تصعب علي أناااااااا مصعب عماد !!
أخذ جواله ودق رقم سحر : ألو............... اسمعي أنتي يازفت أنا لي مده سايبك دايره على حل شعرك والطلب اللي طلبتك ماسويتيه لي ‘شان كذا أبغا اوريك شغلك يا*** ................................سحر أسمعيني وقسم بالله لو ماجبتيلي اروى لاتشوفين شي عمررررررك ماشفتيه ..............................موشغلك أنا أحدد اليوم اللي أبغاها فيه وأنتي تنفذييييين فــــــــــــــاهمــــــــــــه ؟؟............................أيــــــــــــــــش تتحديـــــــــــني يعنــــــــــي ؟؟...................
طيييييب خلي عنادك ينفعك وأنا اعلمك الشغل مظبوووب يا***** ..وقفل في وجهها ..
وصرخ : جمــــــــــــــــــــيــــــــــــــل يازفت انت ..
جاه جميل يركض : نعم يالبرنس ..
مصعب : تروح وتراقب لي كل تحركات سحر من جديد ..
جميل : امرك طال عمرك ..
مصعب : يالــــــــــــــــــله أنقلع انت لســــــــــا واقـــــــــف ؟؟؟؟؟
جميل راح يركض ..
ومصعب جلس يكلم نفسه : اووووكي ياللي توقفون في وجهي ..راح أوريكم من هو مصعب عماد ..اصبرو علي بس راح أمسككم واحد واحد ..بدايه من أروى وسحر ..بس خل المراقبه تخف علي اللحين وبعده راح أوريكم .......
فالمستشفى ..
نواف : لا ماراح أأجل شي كلها كم يوم وبطلع من هنا متعافي والزواج باقي له شهر يعني يمديني بالراحه ..
أبونواف : طيب على راحتك والله يفوقكم أنت ولجين ..
نواف في نفسه : هه يحسبني ميت عليها : الا وين خالتي وهديل ماجو اليوم ..
ابونواف : وأنت كله تسأل عن خالتك واختك ؟؟ماشوفك تسال عن لجين ؟؟
نواف توهق : هاه أيه وينها ماجات ؟؟
ابونواف : جايين فالطريق ..
دخلت زهور : وهذانا أحنا جينا ..شلونك يما نواف ؟؟
نواف : يبتسم بخير الحمدلله ..
لجين بحيا : شلونك نواف ؟؟
نواف كشر : تمام ..وين هديل ماجات ؟؟
زهور : هديل راحت السوق هي ورائد ..وقالت سلموني على نوفي على قولتها ..
نواف : هههههه وكيف سمحتي لها ؟؟
زهور : شاسوي لها صجتني من المغرب ..
وجلس نواف يسولف ويضحك مع أمه وابوه وصاف لجين على جمب حتى ولا يطالع فيها ..لجين حزت في خاطرها معاملته القاسيه ..لين اللحين ماتعدل معاها ..وقفت : خالتي أنا برجع البيت ..
زهور : ليش يما مالنا نص ساعه ؟؟
لجين : لا خالتي انتي اجلسي انا بروح لحالي مع السواق ..
ابونواف كان ملاحظ تطنيش نواف لها وحاس أن نواف من يوم ملك عليها وهو مو طايقها : تروحين تجلسين لحالك فالبيت ؟؟؟ اجلسي سولفي معانا يابنيتي ..
لجين تحاول تكبت دموعها : لا ياعم خلاص أنا بروح ..
أبونواف وقف : أجل أنا ماشي معك ..يالله فمان الله يانواف ..
اليوم اللي بعده الصبح ..
بيت زياد ..
لين كانت صاحيه من بدري وطفشاااانه وماهي عارفه وش تسوي من الطفش وكل شويه يمر عليها طيف ماهر وتبتسم ..أفففففف مابغى أتمادى في مشاعري ناحيه هاللي أسمه ماهر وهو لاهو داري عني ..بس شاسوي أحس أن قلبي بدا يميل له غصب عني ..وبصراحه هو ياخذ العقل ..خلوني اشغل نفسي احسن لي أروح اشوف جدتي ..نزلت تحت لغرفه جدتها وراحت جلست مقابله لها على السرير : صباح الخير ياجده ..
الجده : ليييييين ؟؟
لين : أيه ياجده لين ..كيف حالك اليوم ؟؟
الجده : بخير دامك بخير ياغناتي ..وش اللي مصحيك من بدري مو بالعاده ..
لين : عشان أجي أسولف معاك وماتجلسين بلحالك ياجده ..
الجده : هاه ..
لين تعلي صوتها : عشان أونسك ياجده ..
الجده : ايه كثري منها تسولفين معي وانتي كل يوم ماتقومين الا أذان الظهر ..
دخل زياد اللي مانام من البارح كان شكله معفوس وشعره نص نازل على عيونه ونص طاير فوق ولابس الثوب ومو مسكر الأزارير : صباح الخير ياجده ..
لين : هههههههههههههههههههه وش فيه شكلك كذا ياساتر ؟؟
الجده : هاه ..
زياد يجلس : موشغلك ..
الجده ترفع عصاتها : ايا قليل الخاتمه أنا تقولي موشغلك ..وينك أنت وين جالس فيه عشان أكسر هالعصا على راسك ..
لين : هههههههههههههههههههه تستاهل ..
زياد : أنا ماكلم ياجده انا أكلم لين ..
الجده : ايه رقع رقع ..وأنت وش مصحيك من صباح ربي ؟؟
زياد ..لوتدرين وش فيني ياجده : البارح نمت من بدري ..
لين : يالكذاب أنا من البارح ماشفتك ..
زياد : اششش لأفقع وجهك ..احد سألك اللحين ..يالله ياجده أنا طالع غرفتي تامرين على شي ؟؟
الجده : هاه .
لين بسخريه : مو توك قايم من النوم ياشيخ ؟؟
زياد : أقووول ترا من فايق لك وطلع ..وسمع جدته تهاوش وراه : اياقليل الخاتمه منت فايق لجدتك ..وضحك غصب : ههههههههههه خطيره ياجده ماتسمعين الا الأشياء اللي تبينها ....
"""""""""""""""""
& الجنوب &
المغرب ..
ماهر توه واصل لبيت أهله ولقاهم جالسين على سفر الفطور ينتظرونه ..ماجد وشروق سوو حفله لما شافوه ..
ماهر يضحك على شروق اللي حاضنته : هههههههههههههههه خلاص ماصارت هذي أحضان ..شروق بعدت عنه وبوزت : ليش ماذبت شذون ؟؟؟
ماهر يبتسم : بكره أوديك لها وتشوفينها ..
شروق فررررررررحت وصفقت بيدينها من الفرحه ..
ماجد : ماهر تكفا أقنع أبوي نطول في جده ؟؟
ماهر طالع أبوه ليش يبا أنتو بس بتسوون عمره وترجعون ؟؟
ابوماهر : أيه يومين وبنرجع ..
ماهر : لا يباا انتو بتعيدون عندي في جده ..
أم ماهر : قله ياماهر أنا تعبت وأنا اقنع فيه ..
أبوماهر : علامك يامره نقعد في جده وش نسوي ؟؟
ام ماهر : أنا ودي اقعد مع بنتي شجون وماهر أونس صدري بشوفتهم ..
مساعد : ايه يبا واللي يعافيك بنقعد في جده نتونس لين العيد ..
ماجد يرفع يدينه يعني أنه يدعي : الله يخليك ويبقيك ويديمك يايبا فوق روسنا فخر يـ
مساعد : قام الشايب يدعي ..اسكت خلنا نشوف رايه ..
كلهم يطالعون ابوماهر اللي كان ساكت ..
ماهر : يبا لاتكسر بخاطرهم قل تم ..
أبوماهر يبتسم : معزمين ؟؟
الكل : ايــــــــــــه ..
أبوماهر : اجل توكلنا على الله نعيد عند ماهر ..هاه فرحانين ..ماجد وشروق ومساعد قلبوها صراخ ..
ماجد يصارخ : يعيــــــــــــــش ابوماهر ..ردو وراي : يا
مساعد وشروق : يايعيش ..يا يعيش ..يايعيش ..
أبوماهر : بــــــــس اسكتو ..اذن المغرب يالله افطرو ...وجلسو يفطرون وهم فرحاااانين .....
الباحه ..
موضي جالسه عالسفره وهي ماده البوز ..وأمها واخوانها يفطرون ..
فيصل : خير انشالله موضي ليش ماتفطرين ؟؟
موضي : طلال قال بيفطر هنا وتأخر مادري شفيه ..
فيصل : اللحين المفروض تفرحين أني انا أخوك جاي من جده متعني عشانكم ..وانتي مطنشتني وتنتظرين طلال ؟؟
موضي : طيب أنت سلمت عليك وجلست معك من أمس ولاعت كبدي منك ..
ام فيصل : طيب ليش طلال ماجا معاك ؟؟
فيصل : أنا خليته ينطق هناك يقابل الشغل ..كل يوم والثاني وهو ناقز الباحه وانا اكرف هناك ..
موضي : حرام عليك لاتقسا على طلالي كذا ..
فيصل : مو المشكله وجهه لوح مايسمع الكلام والدليل أنه لاحقني ..
: هههههههههااااي مسكتك وأنت تحش فيني ..
موضي بفرحه : طلاااال خوفتني عليك ليش تأخرت ..
طلال يجلس : مامشيت بدري من جده ..كيف حالك خالتي ؟؟
أم فيصل : الحمدلله ..
طلال بدا ياكل : وانت من حبك فيني حتى وأنا غايب سيرتي على لسانك ؟؟
فيصل شرب التوت وطالعه : ايه والله مرررره ميت عليك وعلى حركاتك اللي ترفع الضغط ..اللحين ليش لاحقني ؟؟
طلال : كذااااااااا عنااااااااااد وش عندك ؟؟تحسبني بسمع كلامك وأجلس على ذكراك لين تشرف حضرتك ؟؟
فيصل بقهر : والسوبر ماركت لمن خليته ؟؟
طلال ببرود : للبنغاله يحوسون فيه على كيفهم ..ويهمس لموضي : وحشتيني ..
موضي أبتسمت بخجل : وانت بعد ..
طلال بصوت واطي : آآآآآآه ياقلبي ..
موضي بدلع : سلامه قلبك ..
فيصل : أقول خذها وتغزل فيها بعيد عنا ..
طلال : وش حارق رزك ؟؟ولا عشان أهل زوجتك مهم معطينك الحريه مثلي ؟؟ومايخلونك تشوفها الا بطلوع الروح ..نيهههاااهاها ..ماعندك رد ..وكمل سوالف مع موضي بصوت واطي ..
عند حسام ..
بعد ماطلع من عند نواف اللي كل يوم يزوره في مثل هذا الوقت ..في اللموزين متجه للشقته ..كان سرحااان : اللحين جيبي مافيه حتى حق اللموزين اللي راكبه ..اففف وش السواه ؟؟طالع ساعته 9:45 فالليل ..طالع ساعته مره ثانيه : شلون فاتتني هذي ..الساعه والخاتم أكيد بتجيب لي مبلغ أمشي به ..والتفت للسواق : بالله وديني على اقرب محل الماس ..
السواق : فيه قدمنا التهليه ..
حسام : مافي أقرب من التحليه ؟؟
السواق : لا ..
حسام : طيب يالله التحليه التحليه ..
في محل الأماس ..
حسام : معقوله ساعه الماس مشتريها من رولكس بأربعين الف دولار تجيب أربع الآف بس ؟؟
البايع : والله هذا اللي جابته ..تبغا نشتري ؟؟
حسام تنهد : أوكي ..وطلع الخاتم اللي في أصبع يده الصغير : وهذا بعد ابغا ابيعه ..تراه حجر نادر مشتريه من أفخم متجر في فرنسا ..
البايع يطالع الخاتم ويقلبه : فعلا الحجر اللي فالخاتم نادر ..بس راح اعطيك فيه ثمانيه الآف ..
حسام : اييييش ثمانيه الآف وأنا مشتريه بميه وعشرين الف دولار ؟؟؟؟؟؟؟؟؟
البايع : ماقدر أرفع أكثر من كذا ..
حسام بملل : اوكي ..وأخذ الفلوس وفي نفسه : اللحين هذي وش أسوي فيها ..أثنعشر ألف!! ثلاث الاف لراعي العماره صار لي ست ايام مادفعت له وهو يفكر طاحت عينه على خاتم سوليتير الماس وراح يطالعه : ممكن اشوف هذا الخاتم ..
طلعه له البياع وصار يطالع فيه ..واعجبه بكم هذا ؟؟؟
البياع : تسعه الاف ..
حسام في نفسه : راح يطلع على يد شجون جنااان ..اعطى البايع المبلغ واخذ الخاتم وطلع ..اللحين أنا وش فيني نسيت نفسي على بالي مثل أول العب بالفلوس..أبيع الساعه والخاتم ابغا افك ضيقه..اروح اشتري بها خاتم !!!!والله اني اثول ..
أبتسم : بس تستاهل شجون بعد قلبي ..
بيت وليد ..
ندى بعد اللي صار لها من ابرار صارت حابسه نفسها في غرفتها وماتطلع منها الا للضروره ..وطبعا بعد طلبها من وليد أنه ماعاد ينام عندها صارت تحس بخوف وقلق وتتمنى يرجع ينام عندها زي اول بس خايفه تطلب منه هالطلب ويفهمها غلط .. ماهي عارفه وش تسوي حاسه أنها تبغا تشوف وليد وبس ..قامت ونزلت مع الدرج ..الصاله فاااضيه مافي أحد ..والبيت هدووووء ..راحت عند التلفزيون وجلست تقلب فالقنوات بملل ..وسمعت باب البيت ينفتح وخافت ووقفت بخوف ..بس طلع وليد : ندى !! وش فيك ؟؟
ندى تنهدت براحه وجلست ..
وليد جلس عالكنبه المقابله : لاتخافين الساحرات الثلاث وديتهم كل وحده عند أهلها ..خذي راحتك ياقلـ...أحم ..
ندى أبتسمت له ..
وليد أرتبك وهو يطالع لبسها اللي كان شورت جنز كحلي وبدي أورنج ..وكانت لامه شعرها ذيل حصان ..
فتح أزرار ياقته برتباك وحاول يشغل نفسه ..شاف جريده عالطاوله وأخذها وصار يقلب فيها ويجاهد أنه مايطالع وحاس بعذاب داخلي من هالشي ..
ندى صارت تتامله وحاسه باحساس ماهي قادره تفسره ..وكل يوم يزيد أعجابها في وليد ..بالنسبه لها وليد غييير عن كل الناس هو اللي طلعها من مشكلتها اللي سببت لها عقده نفسيه وهواللي ستر عليها وأحتواها وكان طيب معاها لأبعد حد ويعاملها بطيبه قلب صادق ويميزها عن كل حريمه ..قامت وجلست جمبه حطت راسها على صدره ..
وليد ابا ماتوقع منها الحركه هذي ..تفاجأ وحضنها ..ندى في حضنه كانت حاسه بالأمان وحاسه بحنانه عليها .
وليد لما طولت في حضنه ماقدر يستحمل ..شم شعرها بهيام ورفع راسها له وباس كل جزء وفي وجهها ..
ندى أستوعبت الموضوع ودفته عنها بقوه وطلعت غرفتها تركض ودموعها على خدها وذكرى حمد القذره تطاردها ..
وليد جلس يطالع الفراغ وهو مصدوم ....وقف بيلحقها بس جلس في مكانه : اللحين لو أروح لها بتزيد الطين بله ..خلها لين تهدأ أعصابها ..طيب انا وش سويت ؟؟وين الغلط اللي سويته ..زوجتي ولي شهرين صابر وأنا أشوفها قدامي وماني قادر حتى المسها..انا أحبها احببببببببها ياناس ..
بيت أبوحسام ..
في غرفه مها ..
اروى : والله العظيم ..
مها : يافرحتي فيك ولييييييش ما قمتي صكيتيها كف خطافه الرجال ..
أروى : منجدك انتي ..ليش هي اللي قالت لأخوك تعال تزوجني ؟؟
مها : ايه هذي خبيثه وحراميه وتزوجت حسام عشان فلوسه ..
أروى : لاااااااااا وربي صادقه نجلاء طلعت غييير...
مها بقهر : حلوه ؟؟
أروى : وش اقووووول وش اخلي ..لو بقعد شهر مابخلص وأنا اوصفها ...
مها برمت شفتها : شينه ؟؟
اروى : أقولك مللللللللكه جماااااااااااال ..وااااو يامها وسم بالله جلست طول الوقت مانزلت عيني من عليها ..جمال على انوثه على دلع على أتيكيت ..منجد منجد حسام معذوووور باللي سواه ..
مها : بس بس بس أصلا أنتي اي وحده تعجبك ..حتى الشينات يعجبونك ..بعدين اشوفك تتكلمين نها بحماس لايكون صادقتيها بس ..
اروى : ايه كل يوم بروح لنجلاء عشان اقابلها بصراحه سوالفها ماتنمل ..
مها : اطلعي برااااا غرفتي يالخاينه بعلم عليك أمي ..
أروى : لااااا مها الله يخليك الا أمي لا تدري .
مها : طيب بس أنقاعي صدعتي راسي ورفعتي ضغطي ..مابغا غير هالقرويه تتعرفين عليها وتصاحبينها ..
بيت حسام ..
حسام دخل الشقه وهو يغني :
أنت الحب اللي تمنيته واللي عرفت الدنيا معاه
حلم حياتي اللي استنيته واللي ماعشتش أبله حياه
طب ارب مني حتعرف اني بدوب في غرامك وبدوب فيك
ارب وانت لوحدك تعرف اني ماليش أحلام بعديك
شجون طلعت من غرفه النوم وهي تضحك : وش هالروقان ..
حسام مسك يدها وصار يرقص معها سلو وكمل الأغنيه :
بعد الحب دا كله ياغالي أولي أزاي ابعد وانساك
ابعد ليه وانا البي وبالي وكل مافي بيتمناك
وشالها زي البيبي وصار يدوووور فها بسرعه ..
شجون متعلقه فيه رقبته : ههههههههههههههههههه حسام خلاااااااص نزلني ..حساااام والله راسي صار يلف ..
حسام باسها ونزلها : واللحين غمضي عيونك ...
شجون : ليش ؟؟
حسام : أول غمضي عيونك ..
شجون غمضت عيونها ..
حسام طلع الخاتم من جيبه ومسك يدها بنعومه ولبسها ورفعها لفمه وباسها : اللحين افتحي عيونك ..
شجون فتحت عيونها وطالعت الخاتم : وااااااااااااو حسام يجنننننننن ..وراحت نطت وحضنت حسام مع رقبته بقووووه وحسام رجع يدور فيها وهو يضحك ....
بيت ماهر ..
اليوم اللي بعده المغرب..
بعد ماأفطرو كانو جالسين فالصاله ويسولفون ومبسوطين بشجون اللي من زمان ماشافوها ...
أبوماهر : تعالي تعالي هنيا يابنيتي ..والله أن البيت من غيرك مايسوى ..
أم ماهر تمسك يد شجون اللي جالسه جمبها وتبتسم : لا خل بنيتي عندي ..خلني اروى ضما صدري لشوفتها ..
شجون تبتسم لحسام اللي كان يطالعها ويبتسم : خلاص يمه بروح عند ابوي شوي وبرجع لك ..وقامت جلست جمب أبوه اللي حضنها ..
ماهر مكتف يدينه : اشوف طاح كرتي بعد ماشفتو شجون ؟؟
حسام يبتسم : بالله تقارن نفسك بشجون ..وش جاب الثرا لثريا ..اكيد يحبون شجون اكثر ..
ماهر : لا ياشيخ ؟؟اشوف فاك الكشره وتوزع أبتسامات لشجون اللي تتنقل من حضن لحضن ..
حسام : طبعا زوجتي وابغاهم يدلعونها ..
ماهر طالع شروق جالسه على رجل شجون وتسولف عليها في اذنها : حتى أنتي ياشروق يالخاينه سبتيني ورحتي لشجون ..طييييب انا زعلان ..
شروق ك دق راثك فالذدار ..
ماهر : طيييييب خلي هالكلام ينفعك لارحتي الجنوب ..
حسام يبتسم : تعالي شروق من أول ماجيت وانتي ماسلمتي علي ..
شروق مدت لها لسانها ..
حسام : افااااا ليييش ؟؟
ماهر : هههههههههههههههههه شكلها كرهت الكل بعد ماشافت شجون ..
شروق : بث كيفي عثان المره الثانيه ماتاحذ شذون من بيتنا وماترذعها ..
الكل : هههههههههههههههههه ..
ماجد كان جالس على يد الكنب فوق شجون وهو فرررررحاااان بشجون : صادق حسام وش جاب الثرا للثريا ..
ماهر : اي يالله قولي وش معنى الثرا والثريا ..
مساعد قام وجلس فالأرض تحت عند رجول شجون : والله انك صادق ياماجد ..
أبوماهر : يالله قومو عن بنيتي سديتو عنها الهوا ..
حسام كان يتأمل شجون وهي مبسووطه بين اهلها وكيف هم يحبونها ومتعلقين فيها ..
ماهر : متى تبون تروحون عمره يبا ؟؟
أبوماهر : بكره الصبح ..
أم ماهر : من بعد اذنك ياحسام أباخذ بنتي شجون معانا العمره ..
حسام ..أناعمري ماطبيت الحرم ..اروح ادعي ربي يفرج كربتي : خلاص وانا بعد رايح معاكم ..
بعد عشره ايام ..
اول أيام عيد الفطر المبارك ...
بيت أبونواف ..
الكل كان صاحي من الصبح ..
في غرفه نواف ..كان عند التسريحه يعدل شماغه وهو لابس ثوب ابيض ..تعطر ونزل ..وتحت لقى لجين جالسه فالصاله ..تأفف في داخله : وين ابوي وخاتي وهديل ..
لجين : طلعو كلهم صلاه العيد ..
نواف : وانتي ليش مارحت حضرتك ..ولا الصلاه محذوفه من قاموسك ...أووووه صح نسيت انك *** ..وهالنوعيه من البشر ماتعرف طريق الصلاه ..صح ولا انا غلطان ..
لجين حاولت ماتفكر في كلامه وطنشته وقامت بتطلع غرفتها ..
نواف مسكها بيده بقووه : أنا لما اكلمك لاتمشين وتسيبيني ..
لجين طالعت يده اللي ماسكه يدها وكان يألمها..وطالعت فيه : يعني هذا بدل ماتقول كل عام وأنتي بخير ؟؟
نواف يصر على ضروسه : لاتحديني على شي مابيه ..
لجين : هه وش بتسوي يعني اكثر من اللي سويته ..
نواف دفها بقسوه على ورا وفسخ عقاله .........................
نهايه الفصل السادس عشر الجزء الثاني ..
توقعاتكم ؟؟؟
القاكم على خير في الفصل السابع
عشر الجزء الأول ..
تحياتي ...
...سهر ...
|
16-04-10, 05:45 AM
30 الصبح ..تثاوب بكسل وقام طلع الصاله شجو ماهي فيها ..راح المطبخ مافي أحد ..عقد حواجبه : يمكن فالبلكون تنشر الملابس ..راح البلكونه برضو ماهي فيه ..رجع الغرفه وندى بصوت عالي : شجووووووووون ..أفففففف وين راحت هذي ..جلس على السرير بكسل ..طالع مكان شجون وطاحت عينه على جواب وردي ..عقد حواجبه بستغراب ..أخذ الجواب بتردد ..وفتحه وقراه وكااااااااااااااانت الصدمه ........................
جديد مواضيع قسم القصص المكتمله
العرض العادي
