كاتب الموضوع :
dali2000
المنتدى :
القصص المكتمله
* الفصل الخامس *
الجزء الأول :
&الجنوب &
حسام ماشي بأسرع ماعنده وشويه وينفقع الطبلون ...وكل اللي في باله ..
شجون تزوجت سعود ...بس ..لحظه ...هي موافقه على هالزواج ؟؟؟
هدى السياره ولف راجع بعد مامشى 400 كم ...وبأسرع من أول ...
""""""""""""""""""""""""""""
&جده &
فالمستشفى ...راحو كلهم مابقى غير ندى ومها وهديل..
جهاد دخل الحمام ..
مها بصوت عالي: بالله لا تغرق فالبانيو تبلشنا..سمعت بتسطيحه جهاد بعدين فتح الدش ..
هديل : شرايكم نستهبل ..
مها : بحماس وش نسوي ..
هديل : نسوي تعبانين ونروح لدكتور ..
مها : طالعت ندى : تروحين . .
ندى هزت راسها بلا ..
مها : ليش ؟؟ أمشي تونسي ..
ندى أشرت لها أنها ماتحب هالحركات ..
مها لهديل : يالله ..
هديل : يالله ..
راحو يتمشون فالممرات ..أول غرفه دكتور قابلهم دخلو عنده ..
مها تسوي مريضه : آه آه دكتور الحقني بموت آه آه بيغمى عليا آه أممم أييي ييي هو هو ..
هديل شويه وتنفجر ضحك : لا لا مها لا تموتين أرجوكي أرجوكي ياقره عيني >>صار مسلسل مدبلج ..
مها قلبت مصري :أنا حموت ياضنايا ..حموت موته قامده ..
هديل عاشت الدور : أمي أمي لا لا ترحلي عني . .أه أه ها ها هي هي ..
طخ طخ طخ > > الدكتور يصفق ..
طالعو فيه كان شاب في بدايه العشرين لقيوه واقف ويضحك على هبالتهم : وش عنوان هالمسرحيه ..رائعه أبداع أهنيكم من كل قلبي على طرحكم الشيق والمجدي ..ويروح لهم يصافحهم : أنشالله التهنئه الكبير ه لما تاخذون جايزه كان الدوليه >>طلع أجن منهم...
هديل ومها أنفجرو ضحك : ههههههههههههههههه ههههههههههههه
الدكتور يستهبل معاهم ويمسك بطنه : هههههههههههههههههههههههه
هيهي هوهو ها ها ..
مها وهديل عجبهم الجو وكل وحده أخذتلها كرسي وجلسو ..
الدكتور : أشوفكم آخذين راحتكم جالسين ..ويتطنز : ماتبون أقهويكم بعد ..
مها : ياريت والله ..الا وش أسمك أنت شكلك صغير مايوحي بأنك دكتور ..
الدكتور يستهبل يمسك قلاب البلوزه : أحم أحم معاك الدكتور المتدرب زياد ..
هديل : هههه يعني شبه دكتور ..
زياد : لا ياحلوه دكتور ونص ..
هديل : هههه طيب ليش عصبت ..دق جوالها بأسم جهاد وطلعت برا ترد ..
مها : دكتور متدرب يعني لسا تدرس فالجامعه صح ..
زياد أبتسم على برائتها : صح ..وانتي شكلك صغيره ..بأي سنه ؟
مها : أول ثانوي طالعه ثاني ..
زياد : آها .وأنا سنه ثاني جامعه طب ..طلت هديل : مها جهاد يقول أرجعو ياهبل ..يالله ..
مها وقفت : أنا رايحه الكفتريا أبغا كبتشينو أنتي روحي وأنا الحقك ..والتفت لزياد : فرصه سعيده دكتور زياد ..
زياد وقف وهو يضحك : وأنا الأسعد ..أنشالله نتقابل فمهرجان كان ههههه ..
مها : ههههههه . . يالله باي ..وطلعت ..
زياد : فديتك أنتي وكشتك الحمرا ههههه ... ورجع يكمل شغله ..
(لأنها طبعا مسويه شعرها كدش وراميه الطرحه)
عند جهاد وندى قبل هديل تطب عليهم ..
جهاد يسولف فوق راس ندى وهي بس تبتسم له وهو متخدر من أبتساماتها
فالأخير قام ينكت نكت مليغه زي وجهه بس عشان يشوف ضحكة ندى ..
جهاد : يقولك فيه واحد يجري يجري يجري وفالأخير طاح ..
ويضحك نفسه غصب : هههههه ..طالعها وأنها برضو تبتسم ....
دخلت هديل بسرعه مسويه ذكيه : ههههااااي كشفتكم على أيش تضحكون ..أعترفووو ..
جهاد :أقول أنثبري بس ....
موضي طفشانه رايحه جايه فالغرفه ..أخذت جوالها بتدق
على شجون تشوفها ملكت ولا لا ..أول مافتحت جوالها جاتها رساله طلال :
" موضي بصراحه وبدون لف ودوران أنا أحبك وأبغا أخطبك وش قلتي ردي بليز "
موضي : هه ألعب غيرها ..
دقت على شجون ..
شجون بصوت باكي : ألو ..
موضي : شجون ياقلبي وش فيك تبكين ..
شجون زاد بكاها : موضي أنا صرت زوجه سعود ..أكرهه أكرهه ..
موضي : طيب خلاص ياقلبي أنا لا تبكين ..
شجون : وش تبيني أسوي يعني ؟؟أضحك مثلا ؟؟
موضي : أنا ماقول كذا ..بس خفي على نفسك شوي ..
شجون : خلاص حياتي أنتهت من هالحظه ياموضي ..
موضي : متى ملكتي ؟؟
شجون : قبل ساعه ..أهي أهي ..يعني حبي لحسام أنقتل من بدايته ..أهي أهي
موضي : لاتقولين كذا شجون ..يمكن لك خيره في زواجك من سعود ...
شجون : أي خيره ياموضي ..هذا سعود اللي أكرهه وضليت طول عمري وأنا رافضته ..أفهميني..
موضي : شجون خلاص الله يخليك أرضي بالواقع خلاص..
وصارت تهدي عليها وكل وحده تحكي الثانيه وش صار لها اليوم ....
نرجع لنفس اللحضه اللي توقفنا عندها
عند أروى ..
شدها بيدها ووقفها وهو كابت غضبه عشان الناس لا ينتبهون : هذي آخرتها يالحقيره..
وجرها بقوه قدامي ..قدامي يالخاينه ..وطالع عمار : وأنت يالحقير أنا أوريك وشال كوب العصير
بالفروله ورشه فوجهه وملابسه ..تفوووووه عليك وعلى أشكالك..
أروى : نواف الله يخليك فك يدي شوف الناس كيف تطالعنا ..أنت فاهم غلط ..
نواف : أنا فاهم غلط هاه ..ويسحبها لسياره ويفتح الباب الخلفي ويدفها بقوه ويسكر ..
ويحرك بسرعه وبصراخ : أنا تلعبين علي يأروى ..تلعبين بمشاعري ..ويضرب الدركسون بقوه ..
أروى بوقاحه : شسويلك أذا أنت غبي وينلعب عليك ..
نواف ضرب بريك ..ووقف السياره والتفت لها بصراخ : أنا غبي ..حبي لك ومشاعري غباء ..
أروى : أيه غباء وسذاجه ..أنت مو من ستايلي ولا عمري حبيتك بيوم ..وكل اللي قبل
كان تمثيل في تمثيل ..حنيت عليك قلت مسكين يكسر الخاطر خلوني العب عليه منه اتسلى ..ومن
أضحك شوي على غباءه ..
نواف نزل من السياره بسرعه وراح عندها وفتح الباب وسحبها بقوه ونزلها : عارفه ..أنك وقحه
وحقيره ..وسيارتي تعذر أشكالك ...,ودفها ..وركب سيارته وشخط وخلى أروى واقفه فالشارع لوحدها..
أروى : على باله بزعل من حركته ذي طز فيك ولا هميتني ..دقت على السواق وجاها
ورجعت البيت ولا كأنها سوت شي ..
دخلت البيت لقيت مها توها داخله قبلها ..
مها شافتها : أروى من زمان ماشفتك ..
أروى بطفش : طيب ؟؟
مها بحماس : شوفي جايبه معاي افلام أكشن ورعب ..وش رايك نسهر عليها اليوم ؟؟
أروى دق جوالها بأسم عمار : أنتي وحده فاضيه وأنا موفاضيه لتفاهاتك ..وهي
تطلع الدرج ردت وتعالت صوت ضحكاتها ..لا لا عادي عموري هذا ولد عمي ..........
لا لا مايقدر يسويلنا شي .............أمممممم واحد متخلف ..وكملت سوالفها
كالعاااااده ..
عند مها تحت : أفففف شفيها هذي كذا ؟؟نفسي يوم نجلس مع بعض أنا وهي ونسولف
زي كل أختين ..نسهر نتفرج أفلام ..أففففف شلون اللحين أسهر لوحدي يعني ؟؟
ملل ملل وش هالبيت الكئيب الممل ..راحت عند أبوها المكتب ودقت الباب ودخلت :هاااااي
بابا ..
أبو حسام وهو مشغوووول ويحوس في الأوراق : نعم ..
مها في نفسها ..الحين لو أني أروى كان سبت اللي في يدك وجلست تهلل
وترحب فيني : ممكن أجلس أسولف معاك ؟؟؟
الأب وعينه علأوراق : ماتشوفيني مشغول ؟؟
مها بضيق : بس أنا طفشاااانه ومافي أحد أسولف معاه ..
الأب : ومالقيتي غيري يعني ؟؟عندك أمك ..أروى ..
مها : أمي ماهي موجوده ..وأروى ماتبغا تسولف معاي ..
الأب : مها ترا صجيتيني ..ممكن تطلعين برا وتسكرين الباب ..
مها بقهر : حاضر ..وطلعت وسكرت الباب ..طلعت جوالها خل اجرب ادق
على المهبوله نجلاء ..
مها : الو نجول أخبارك علومك ..
نجلاء بصوت كله نوم : نعم مها فيه شي ؟؟
مها بخيبه أمل : لا مافيه شي بس قلت أدق عليك أسولف معاك ..
نجلاء : كويس صحيتيني من النوم نمت وانا مدري عن نفسي في الصاله ..
كنت قاعده أستنى يوسف ..
مها : وانتي ماعندك شغله غير هاليوسف ..كل يوم تستنين فيه..
نجلاء : أقول تراني عطيتك وجه يالله يالله بقفل ..
مها : لا نجلاء تكفين طفشااااااااااانه أبغا أسولف مع أحد ..
نجلاء :دقي على هديل سولفي معاها ..
مها : هديل توني قبل شوي كنت معاها بالمستشفى عند جهاد ..مليت من خشتها
أبغا أحد ثاني ..
نجلاء : أفففففف أصنع لك مخلوق تتسلين معاه يعني ..
مها : ههههههههههههههه هههههههههههههههههههههه الله لو كذا ونااااااااااسه ..كان
صنعت لي ثلاثه واحد يشبهك وواحد يشبه أروى وواحد يشبه أمي ههههههههههههههههه..
نجلاء :والله أنك رايقه .. يالله باي ..وقفلت بسرعه في وجهها ..
مها أنقهرت ..طيب يانجول تقفلين في وجهي أنا أوريك ........
بيت أبو نواف ..
زهور : جهاد هذا يبغاله تكسير راس عشان يسمع الكلام مره ثانيه ..
أبو نواف منسدح عالسرير : وش نسويله يعني نربطه في البيت عشان يسمع الكلام ..
جهاد ماهو بزر تخافين عليه تراه كبير ويعرف مصلحه نفسه ..وبكره يتعلم من أخطائه ..
زهور : طيب قلتله لا تدخل المسبح ووعدني وماطاع ..وش أسويله يعني ..
وهو عارف أنه عنده ربو وفي أي لحظه ممكن يغمى عليه ..بالله هذي تصرفات واحد
كبير وعاقل ؟؟
أبو نواف يتثاوب : المهم أنتي خفي عليه شوي من هالمراقبه وحظر التجوال ترا
الولد ممكن يمل وتقل ثقته في نفسه ويصير يسوي أشياء كبيره عشان يثبت لنفسه
أنه رجال ..مو بزر يستأذن أمه في كل شي يسويه ..
زهور : والله ماقدر أخاااف عليه ....طالعت وأنه في سابع نومه ..لا ويشخر بعد..
أبتسمت ..شكله تعباااان غطته وسكرت النور وطلعت ..نزلت تحت لقيت نواف
توه داخل البيت وشكله متضاااااااايق ومهمووووم ..
حطيت يدها على صدرها بخوف : نواف!!! وش فيك يماا ..
نواف بضيق : مافيني شي ياخاله ..
زهور : الا فيك ..وش بلاك وجهك متغير ..جهاد فيه شي ؟؟
نواف : لا مافيه شي ..بس تعبان شوي مانمت زين ..
زهور : أكيييييد !!!
نواف بابتسامه مغصوبه : أكيد ..ويسلم على راسها : تصبحين على خير
يالغاليه ..وطلع ينام وهو عارف أن النوم أبعد مايكون عنه ..كيف ينام
وهو ذاق طعم الخيانه بأبشع صورها ..كيف ينام وهوحاس بالأستغفال
والغدر والطعن في الظهر ..من أنسانه أعطاها كل مشاعره وحبها بأخلاص وتفاني ...
بيت ساره ..
ندى في غرفتها ..حست أنها جوعانه نزلت تشوفلها شي تاكله من المطبخ ..
وهي نازله البيت هدوووء طالعت الساعه عالجدار 1:25 اليل ..راحت
المطبخ فتحت الثلاجه وجلست تحوس فيها طلعت لها جبن وتوست ..ولمن
لفت لقيت حمد واقف عالباب ويطالعها بنظرات تخوف ..بلعت ريقها وطرحت
الأشياء اللي في يدها عالطاوله ..وجات بتطلع بس هو كان واقف عالباب
ويطالعها بنظرات مقرفه : على وين ياحلو ؟؟
ندى أشرت له أنها طالعه غرفتها ..
حمد : وأذا قلت لك مابتطلعين وش بتسوين ؟؟
ندى دمعت عيونها وطالعت فيه برجا أنه يخليها تمر ..
حمد قرب منها بس سمع صوت خطوات ساره نازله من الدرج طلع من المطبخ
بسرعه وأبتسم : مساء الورد ياحبي ..
ساره تبتسم : قصدك صباح الورد ..وشافت ندى طالعه من المطبخ : ندى حبيبتي
متى جيتي من المستشفى ؟؟
ندى أشرت لها أنها جات قبل ساعه ..وجات عندها وباستها وطلعت غرفتها ..
ساره طالعت حمد : ليش حبيبي اليوم جاي متأخر ؟؟
حمد يجي عندها ويحاوط كتوفها بيده ..ويطلع معاها الدرج : كنت سهران أنا والشباب ..مشتااااااق
يابعدي ..
ساره تبتسم : وأنا أكثر حياتي ...
"""""""""""""""""""""""""""
& الجنوب &
وصل حسام بيت أبو ماهر الساعه 3:30 الفجر ..نزل من السياره وتوجه لشباك شجون ..رفع
يده بيدق بس وقف ..وش بتقول عني اللحين وأنا ضارب زوجها ..زوجها ؟؟ أيخسي الكـ**..
تنهد وطق عالشباك ..
شجون كانت تبكي وقفت بكا لمن سمعت الصوت ..من هذا !!
طق طق طق..
شجون بتردد : مين ؟؟
حسام : أنا حسام ..أفتحي شجون الله يخليك ..
شجون بخوف ..هذا وش رجعه ..وش يبي ..أنا لازم أحسم معاه الموضوع..قامت فتحت
الشباك ووقفت على جنب بحيث ان حسام مايشوفها : نعم ..
حسام : شجون ..أنتي موافقه على زواجك من سعود ..وبتردد: تـ..تحبينه ؟؟؟؟؟؟
شجون بأقتضاب : أيه موافقه ..وأنا وسعود نحب بعض ..والحمدلله تزوجنا ..وأرجوك حسام ..تشيلني
من بالك لأني ماأحبك ..وأرجو منك كمان ماتوقف مره ثانيه عند شباك غرفتي ..لأن
حركاتك هذي تجيب لي شبهه ...آسفه على جرأتي بس هذي الحقيقه ..
حسام هنا تقفلت كل الابواب في وجهه وصار يااااائس : ط يـ ب ..أنا آسـ ف ..وومشى من عندها
وهو يجر نفسه جر ..حس بهبوط وتعب ..وحزن ...راح وهو محطم مذبوح ...خايب ...
فالطريق أخذ جواله ودق ...
ألو فادي أسمعني ..جهزو الطياره الخاصه أنا مسافر على لندن الصبح .....................أيه
أنا وش لي بوليد ........................جاي من اليابان ولا من الصين يدبر نفسه .................أيه
قوله حسام مستعجل عنده شغل ضروري مايضر أذا أجل رحلته يوم ..........................سلام ..
وزود صوت المسجل ..وصوت ماجد المهندس الحزين ..
خلاص أبا أبعد خلاص أبا أرحل
خلاص ماجا القلب منك يكفي
حب من طرف واحد لابد يذبل
وشلون وردي يعيش من دون ساقي
هالأغنيه جاته عالوتر ............انا لازم اسافر ابعد اهاجررر ..
ليش ؟؟؟ ليش ياشجون ؟؟؟؟؟؟؟ليش حبيتك ؟؟؟
ليش علقتيني فيك ؟؟؟؟؟ أكيد هذا ذنب كل البنات اللي لعبت عليهم ........
"""""""""""""""""""""""""""
&جده&
نواف حاله مايختلف عن حال حسام ..مقهور ومجروح ماتوقع
أنه فيوم ينجرح من الأنسانه اللي يحبها ..سلمتها قلبي وداست عليه ..تلعب على الحبلين الخاينه ..الغداره ..تستغفلني ؟؟وبكل وقاحه تقولي أمثل عليك ؟؟
قام بتكاسل أخذ شور ولبس ثوب أبيض وغتره بيضا وتعطر ونزل رايح الشركه ..سمع هديل تناديه مارد عليها ماله خلقها ..وطلع ..
هديل تخصرت : شفتي يماا طنشني
الأم : طيب روحي مع السواق ..ولو أنو روحتك مالها داعي ..جهاد بيطلع اليوم بعد الظهر ..
هديل : لا بروح أسليه ..ولبست عبايتها وطلعت ..
نواف يسوق وهو عايش
الأغنيه ..
قهر ماكنت أنا أدري تعيش بقلبي كذابه
قهر توي عرفت أنك على الحبلين لعابه
كذب كانت سواليفك وكل كلمه على كيفك
وهذا اليوم أنا كلي ندم من راسي لا قدامي
ندم من راسي لا قدامي ..
صحت أروى بسرعه تبا تلحق على أبوها قبل يروح الشركه
ونزلت جري ..لقيته جالس يفطر وعنده نجلاء تسولف معاه : هاي..
الأب : هلا بحبيبه أبوها ..
أروى : أهلين دادي ..وطالعت نجلاء ..غريبه اليوم زايرتنا..
نجلاء : طفشت لوحدي طول اليوم ..قلت أجي أغير جو ..
أروى : آها ..>>علاقه نجلاء بأروى بارده .. ..وأروى علاقتها بكل أخوانها كذا ..
أروى : بابي ..
الأب : نعم ..
أروى : أممم أبغا أسافر أيطاليا ..
الأب : ليش ؟؟
أروى : تغيير جو..
الأب : مابتسافرين معانا لندن ..
أروى : لا ما أبغا ..
الأب : لوحدك ..
أروى : لا مع صديقاتي ..
الأب : أوكي روحي ..
أروى : أحبك ياأحلى داد فالعالم وباسته بقووووه ..
وطلعت جري على غرفتها ..
نجلاء : ليش توافق يبا..كيف تخليها تسافر لحالها ..
الأب : وش فيها ؟ ؟
نجلاء : منت خايف عليها ؟؟
الأب وهو يوقف : أنا واثق في أروى وبعدين مقدر أرد لها طلب ..هذي أروى الغاليه ...يالله سلام ..
عند أروى فاتحه المسن وتدردش مع سحر صديقتها
سحر :
" والله وافق "
أروى :
"أكيد أصلا دادي مايرد لي طلب "
سحر :
"يعني أجهز الشنط ؟؟"
أروى :
"أيه ولا تشيلين هم المصاريف كله علي ..وكلمي وجدان عشان نصير ثلاثي فله "
سحر :
" كلمتها البارح وقالتلي تبا تجيب صديقتها أمل "
أروى :
" مين أمل ؟؟؟؟؟"
سحر :
"مادري عنها ..وحده صديقتها "
أروى :
" طيب تجيبها عادي "
سحر :
" أوك ياقمر..طيب نبغا البويات فرند حقينا يروحون معانا "
أروى :
"لا سحر نبغاها بناتي مانبغا أحد يغثنا ..ملينا منهم هنا وكمان نسفرهم معنا "
سحر فنفسها أذا أنتي مليتي أنا مامل من جنس الرجال :
"أوكي ياعسل ..أسيبك مواعده "
أروى :
"والله أنك مخفه ..مواعده الصباح؟؟"
سحر ..ولو تدرين أنه في شقه وش بتقولين عني وأنا عاملتلك الشريفه اللي ماتتعدى المكالمات :
" هههه والله وناسه مع الصبح "
أروى :
"طيب الوعد في فينيسيا هههه"
سحر :
" ههههه أحلى وعد والله"
قفلت سحر الأب توب وطلعت لبسها ولبست بسرعه وتمكيجت ..وطلعت الصاله
شافت آثار سهره البارح أخواتها الأثنين وأمهم مع مجموعه شباب..كلهم يشتغلون نفس
الشغلانه ..لبست عبايتها المزركشه اللي فلوسها من الحرام وجات بتطلع ..
: سحر ..
التفتت سحر : نعم أمي ..
الأم : شوعلى وين حبيبتي ..
سحر : كالعاده زبون يبغاني أروح له الشقه ..
الأم : وليش مايجي عنا البيت هون؟؟
سحر : أمي هذا ولد ناس مريش ..يقول مايبغا يدخل الحاره حقتنا عشان مانجيب
له شبهه ..وبيدفع كثييير ..
الأم أبتسمت : منيح..أولك تئبريني سحوره أنت أكتر وحده في أخواتك عم بتجيبي
مصريات ..طالعتلي حبيبتي ..طالعه لأمك .. ..
سحر بفرح :أكيد طالعتلك أمي لأني آخذه الجمال منك والزباين دوم يخقون علي
وعلى جمالي ..زعلى فكره بعد كم يوم مسافره يطاليا مع ثلاثه شباب كل واحد أغنى من الثاني..
لبست الطرحه : يالله باي مامي ..
الأم : باي ياعمر المام ....أولك روحي ربي يفتحها بوشك ياحـء >>الأم سوريه ...
فالمستشفى ..
هديل فتحت الباب بدفاشه : هاي ..تفشلت لقيت رائد جالس يسولف مع جهاد ..أحم ..سوري مادري أنو فيه أحد ..
جهاد : طيب ..أستني برا ولا روحي الكفتريا ..
رائد : لـ..ليش خلها تدخل عادي ..شاف نظرات جهاد ..أحم أقصد أنا شوي وطالع ..
جهاد :لا تستنى برا أحسن ..
برا الغرفه ..هديل ..رايحه جايه ..دق جوالها ..
هديل : هلا وعوده وينك من زمان لاتتصلين..ولا تسألين ..
وعد : ظروف ..وش أخبارك..
هديل : الحمدلله ..وحشتيني ياهبله ؟
وعد : هههه ..وأنا مادقيت الا من شوقي لك ..
هديل : بعدي والله ..وشرايك تجيني ولا أنا أجيك ..
وعد أرتبكت >>مفهمه هديل أنها بنت عز مثلها وأنها عايشه في قصر : هاه لا لا مو أنا داقه عشان أقولك أبغا أروح السوق وأبغاك تجين معاي ..وأبغا منك طلب بس مستحيه ..
هديل : آمري وعوده ..
وعد : بطاقه الصراف حقتي خربانه ومحتاجه فلوس وبابا مسافر ومدير أعماله مشغول >>الله الله يالخرط ..
هديل : بطاقتي تحت أمرك وعد لا تشيلين هم حتى لو تشترين كل البضاعه اللي في السوق ..
وعد : تسلمين ياعسل ..
هديل : متى نتقابل وأنا كمان قاعده أجهز للسفر ..مسافره لندن بعد يومين ..
وعد بغيره : آها ..حتى أحنا بعد أسبوع مسافرين ميلانو >>كثري منها ..
هديل : لا ليش ماتروحو معانا لندن والله وناسه ..
وعد : لا طفشنا من لندن ..نبغا مكان ثاني ..
وجلسو يسولفون شوي ..
(وعد من عايله فقيره جدا وأستغلاليه جدا دايما تستغل طيبه هديل وتاخذ منها فلوس حتى لو وصلت لسرقه تسرق وحقوده وغيوره درجه أولى )
شويه طلع رائد من الغرفه شاف هديل رايحه جايه ..أرتبك..
رائد : أحم ..هـ..هدوله..
هديل ..مين هذا اللي يدلعني ..التفت ..وااااه بس يدلعني: نعم ..
رائد : كيفك ؟؟
هديل ..خدودها حمرت : الحمدلله ..و..وأنت ..
رائد بارتباك : أنا ..وش فيني ..
هديل أستحت أكثر : كيفك ..
رائد ..يابعدي : تمام ..
هديل شافته طول ساكت رفعت عينها لقيته واقف يتأملها أرتبكت : عن أذنك أنا رايحه عند جهاد ..ومشت ..
رائد : لـ..لحظه ..هدوله ..
هديل لفت عليه وقلبها يرقع ..دلعها من لسانه غير : نعم ..
رائد : و ..وش رايك فالورده اللي أمس ..
هديل بخجل : حلوه مشكور ..
رائد : أنتبهي على نفسك ..
هديل ولعت : أنشالله ..ومشت لين باب الغرفه ولمن جات بتدخل التفت بسرعه : وأنت بعد أنتبه على نفسك ودخلت بسرعه وهي تضحك ..
رائد نقز وبصوت عالي : يــــــــــــــــــــــــــــــــــــــــــــس ..قالتلي أنتبه على نفسك ..واااااااااااااااااااااااااو
وطلع من المستشفى وهو طاير من الفرحه وحاس بشعور جديد عليه ......
ركب سيارته البنتلي وحرك ومشى وهو شاااق الضحكه ويفكر في هديل ..تعجبني هالبنت فيها براءه
العالم كله ..مالي يومين من شفتها ومدري شصار لي ..حاس اني فرحاااااان طاااااير من الفرحه ..
وصل البيت نزل دخل الصاله الواسعه لقى أمه وأبوه يفطرون ..
الأم : أهلين رائد حبيبي تعال أفطر ..
جا رائد جلس : صباح الخير على أحلى أثنين ..
الأب : كنت عند جهاد ؟؟؟؟
رائد : أيه ..
الأب : وكيف حاله الحين ؟؟
رائد : طيب مابه شي ..
الأب : هو ولد مين ؟؟
رائد : محمد البدر ؟؟
الأب : محمد البدر أخو عبدالله البدر ؟؟؟
رائد : أيه تعرفهم ؟؟؟
الأب : أيه كيف ماعرفهم ..بينا وبين شركاتنا مراسلات وصفقات ..يعني علاقه
عمل ..
رائد فرح وبصوت عالي : يــــــــــــس قود ..
الأم والاب طالعو في بعض بأستغراب ..
رائد تفشل : هه هه هه يعني شي حلو أنك تعرف أبو جهاد ..وأنتي يما ياليت
تتعرفين على أمه ..
الام : أنشالله .....
الاب : هاه وش سويت في دراستك ..وين بتدرس ..
رائد يطالع في أمه : كنت بسافر أدرس في لندن ..بس الوالده الله يهديها رافضه ..
الأب : ليش يام رائد ..
الأم : كفايه علي واحد راح يدرس لندن ومبغا الثاني يلحقه ..أذ بيدرس يدرس هنا
كل التخصصات اللي يبغاها موجوده ..
الأب : خلاص مدام امك رافضه بلاش منها ..ادرس هنا ..
رائد : أوكي مو مشكله ..
نهايه الفصل الخامس الجزء الاول ..
توقعاتكم يابنات تهمني حيل....
القاكم على خير في الفصل
الخامس الجزء الثاني ...
تحياتي ..
....سهر.....
|
16-04-10, 05:18 AM
جديد مواضيع قسم القصص المكتمله
العرض العادي
