سبحان الله مشكلتج شبيهه لمشكلة صديقتي
كانت نفس وضعج بالضبط مع اختلاف ان هي تزوجت منه
لكن فعلا اهله نفس اسلوب اهل خطيبك السابق
والله ان صديقتي دخلت المستشفى من بعد الطلاق وتنام فيه ايااام
تقول احبه ما اقدر استغني عنه حتى ابوها رجال كبير بالسن اخر شي قعد يبجي عندها يقول خايف افقدج ! مع ان زوجها اسلوبه ما كان جيد معاها
المهم انها كانت تدعي الله انه يرجعها له وهو الاخ موعلى باله وكان يدور له على بنت يكمل حياته معاها
لحد ما وحده جزاها الله كل خير نبهتها لشغله
قالت ادعي الله يغسله من قلبج مو يرجع لج لان طليقج ميؤس منه
بالاول بكت كثير شلون ادعي ان فلان ينتهي من حياتي؟؟
لكن ظليت اشجعها على فكرة هالحرمه وفعلا مرت الايام وهي تدعي من قلب ان الله يغسله من قلبها وحاليا والله والله لما اذكرها عن حالته تضححك تقول كنت مو صاحيه ولا الرجال اصلا بايعني واللحين لو يقول احد اسمه او يجيب طاريه ما تتاثر ويمر حاله حال اي اسم او اي شخص عقب ما كانت تموت من البكي لي جابو طاريه
ولحد اليوم تدعي للحرمه كل خير اللي من بعد الله كانت السبب بتغير حياة صديقتي من خلال تنبيهها بالدعاء الصحيح
صدقيني يا اختي من باعج بيعيه وادعي الله والله ما يخيب ظن من دعاه
والله انشالله يعوضج بخير منه يااارب
اتمنى اكون ساهمت في حل لو جزء يسير من مشكلتج
تقبلي ودي ومحبتي
اختك قند