شذا : بخير .
جوري : الحمد لله طيبين . و انتي يا بيشو .
: الحمد لله .
شذا الي التفتت لـ ريم الي حبتها من اول جلسه : كيفك ؟؟!
ابتسمت : الحمد لله بخير .
بشاير : هاذي مها اخت بندر و بطلة الاكشن ايام العيد .
التفتت يمها شذا : كيفـــك ؟!
: بخير .. انتي كيفك ؟؟
: الحمد لله .
جوري : مو باين انك بطلة افلاآم .
البنات : هههههههههه .
: الكل يقولون اول ما يشوفوني اني هاديه و انا العكس .
اخذتهم الســواآليف و أذن المـــ غ ــرب وراآحوا يصلون عشاآن عقبهاآ يتعشون و يناآمون ..!!


في مخيم الرياجيل ..
بندر و نايف و ماجد جالسين و شابين النــاآر .. و يطبخون العشاء على الناآر ..
نايف : كيف الطيراآن معك ؟؟
: و الله يمشي الحــاآل . احسه يشغلني عن كل شئ .
: اجل الطيراآن شغل مهب هين .
: و انت يا نايف وش تشتغل ؟؟
: و الله ادير شركات خويي صاحبهاآ .
: ماشاء الله تباآرك الله .
: و الله مأخذه كل وقتي ما اعرف ليلي من نهاآري . حتى العرس ما افكر فيه ؟؟
ماجد با استغراب : ليش ؟؟
: الشغل زي ما انت شايف شاغلني و ما ابي اظلم بنت الناس معي .
: الله يعين .
و التفت يم بندر : و انت يا بندر وش تشتغل ؟؟
اشر له بندر بمعنى ( ما اشتغل )).



و من الناآحيه الثانيه البناآت ..
مها : بنات اش رايكم نطلع برا ؟؟
جوري : يا الله .
شذا : احس ضاق خلقي من كثر القعده هني .
مها : اجل هيا . و التفتت يم ريم و بشاير الي كل وحده منهم تقلب في جوالهاآ .. : هيا يا قوم الجوالات .
ناظرتها بشاير بنص عين : هيا وين ؟؟
: برا
و اطلعوا براآ .. خذو بساآط .. وطلعوا من الخلف عشان ما شوفونهم الرياجيل ..!!
جلسوا بعيد بس مو مره .. و كل شويتين تمر من جنبهم سياآرات شباب و مشغلين اغاني !!
بشاير : و الله يا بنات فيني رقص .
جوري : يا الله نقوم نرقص .
بشاير : تخيلي و نناظر الى طابور شباب قدامنا .
البنات : ههههههههه .
مها الي منسدحه و حاطه راسها على المخده : ياويلي لويشوفني نايف يذبحني .
شذا : ليـــــش ؟؟ وش ها التعقيد .
مها : يقول ما عندنا بنات يمشون و يتمخطرون قدام الشباب ..
البنات : هههههههههه .
علت اصواتهم و اصوات ضحكاتهم ..
طبعا البنات جالسين بدون عبي .. بس مأخذين معهم الطرح .. و لا بسين جاكيتات .
في جو كلمه روعه قليله فيه الليله 13 .. ليله قماآريه ..

عند الحـــريم .. الجــو ممل لأبــعد الحدود ..
نوره : انا اخواني واحد في السفاره و اثنين في الاستخبارات .
الكل : ما شاء الله .
: واحد منهم يقولي اخطبي لي من جماعة رجلك قلت: لا هم مو من مستواآك .
خرتها فوزيه من بعيد لبعيد ..
قالت مشاعل : يكون في علمك يا خاله المستوى في الدين مو في المنصب .
فوزيه الي تلوي في وجهها : و هي صادقه .









عند الرجال .. و في المخيم با التحــديد !!
سعد : سلطان و انا ابوك اتصل على خالد رجل اختك و خله يعجل العشاء بيولم .
سلطان يصرف : بس مافي شبكه .
يتدخل نايف الي توه دخل للمخيم بعد ماكان عند بندر و ماجد : الا فيه لا طلعت برا .
: اجل قم برا و اتصل عليه .
قام : يا الله انا رايح اعمر و ارجع .


و طلع براآ و مشى طوول ..
و اتصل على خالد ..
خــالد : الو .
: هلا يا ابو وليد << الكنيه الي يقولونها له .
: مرحبا .
: متى جاي العشاء بيولم .
: 10 دقايق و انا عندكم .
: يا الله فمان الله
و قفل الخــط ..
و راآآح يكمل مشي .. و يغني مع نفسه .. و يسولف ..
ناظر يمينه و شاف بنات جالسات ابتسم بخبث و قال : اجل ذي اول صيده يا سلطان ,




اما البنات .. منسجمات في السواليف ..!!
بشاير : خذيت مفرش السرير عنابي عشان ماجد قالي ان لون السرير ذهبي .
شذا : كان ما خذيتيه احنا اخذنا .
: عاد لازم مفرش سرير مع الدبش .
قال عبير الي كانت مستنده على ظهر بشاير و معطيه الكــل قفاها : بنات في واحد جاي يمشي يمنا .
اطمرت مها : لا يكون من ربعنا .
جوري : لا ما هقيت .
مها : طيب ليش جاآي ؟؟
جوري : اكيد بيرقم .
ريم : و الله قرب لا يكون حرامي بيخطفنا .
جوري : ههههه حرامي و يخطف 5 .
البنات : هههههههههههه .


وقف في مكــان قريب منهم شوي و يلصق فيهم ..
و طلع السيجاره .. و دخـــن .. و عطاهم قفاآه و هو راآفع رأسه !!
: يا باسط ضحكونا معكم .
طارت عيون مها عنده .. و وقف قلبهاآ من كثر الخوف لانها عرفت انه سلطان الي لو يدري انها عندهم ذبحهاآ ..!!
التفت يمهم و ناظر فيهم وحده وحده خصوصا عبير الي في وجهه اما مها ما انتبه لها زين ..
: اقولي يا حــلواآت عطونا وجه .
ردت شذا بثقه : لو سمحت احترم نفسك و روح .
جلس يغني : روح و روح ابعد في دنياآك ..
لاعت كبود البنات من صوته النشاز ,, و اكتفوا با الصمت .. اما ريم مذهوله و مصدومه مثل مها و اكثـــر اصلاآ تحس قلبها طايح من الخــوف ..
تنحنح و قال : الرقم ********05
عبير بصوت منخفض : صرفوه يا بناآت ..
شذا : هيه انت شفت السياره الي جايه ذولا اهلنا روح قبل يسون لنا ولك مشكله .
قال و هو يدلع و يقلد اسلوب شذا : يما خايف يسون لنا مشكله .. رجع تكلم بصوته العاآدي : اقول قطعتوا قلبي ابي اروح بس بشرط ؟؟
قالوا البنات : وشهو ؟؟؟
: تدقون على رقمي دقه .
صرخت عليه شذا : قليل ادب ما تربيت هيا بنات مشينا .
قامت مها قرصتها و قالت بصوت منخفض : لالا .
شذا الي التفتت يمها : و لييييييش ؟؟
: بعدين اقلك .

رمى السيجاآره و طاحت عندهم ..
قال : من زين خششكم عشان اقابلها .. بنات مو متربيات طياح في الخليان لا حسيب و لا رقيب .
ردت عليه شذا : الحمد لله متربيات انت الي مو متربي .. و جاي تضايق بنات الناس .
حقرها و مشى !!
و مشـــــت معه نظراآت ريم و مها المذهولاآت ..
مها لآنها عارفه انه اخوها .. و ريم لانها شبه متأكده انه هو الي يضايقهاآ ..
و كلن منهم ترتجف .. يا الله وش ها الصـــدفه القويه .. يا مها و ياآ ريم ؟؟,
قالت بشاير : بعدي حماتي و الله انك ذيبه .
شذا : وش اسوي قهرني .
عبير : الوسخ رامي السيجاره علينا .
قالت مها و ريم في نفس الوقت : بنات .
البنات : هههههههههه .
يضحون عشان ريم و مها نطقوا الكلمه في نفس الوقت .
مها : قولي .
ريم : لا انتي قولي .
مها : لا و الله ما اقول انتي قولي .
ريم : يا بنات بقولكم شئ يخووف .
اطمرت عندها بشاير و هي مبحلقه بعيونهاآ :وشو ؟؟
: الي قبل شوي جاء اعرفه .
بغت تقاطعها مهاآ بس فيه ردهاآ ..
عبير : مين ؟؟
: الي يضايقني .
بشاير عشانها تعرفه : لا صدق .
: و ربي .
: وش يدريك ؟؟
: صوته و هيئته .
تدخلت جوري : وش السالفه ؟؟
: بقولكم السالفه بس هاه لآحــد يدري .
بلعت مها غصتها و صدمتهاآ الثانيه ..
البنات : طيب .
: هذا واحد يزعجني من بعد العيد و يقولي كلام وسخ .. و يعرفني يقول اعرفك انتي ريم بنت مساعد .
جوري الي حطت يدها على قلبها بقووه : ايه
: و قبل شهرين صار يهددني انه بيفضحني المشكله انا ما سويت شئ غلط .. تأزمت و صرت ابكي .
شذا : يا غبيه ليه ما قلتي لأهلك ؟؟
:لا صعبه ما ابي مشاكل .
: طيب لو قلتي لبندر يمكن يفهمك شووي .
: ما حبيت اكبر المشكله .. سكتت و كملت : المهم شارت علي وحده من خوياتي قالت كلمي الهيئه .. و كلمتها قالولي تعالي مجمع و واعديه هناك و حنا نصديه قلت طيب
و طلعت انا و بشاير و ع الاتفاق و مسكوه .
قاطعتها جوري : احســــــــــن .
شذا : طيب عقبها صار يزعجك و الا لا .
: الا يزعجني و مجنني يقول و الله لا اجيب رأسك و تجين لنا زي الحمــاره في الاستراحه .
جوري : يا ويلي ذا مجرم .
: مرررررره . و ما عندي غير ادعي عليه ليل نهاآر .
عبير : ايه حسبي الله عليه .
ريم : بس و الله خايفه قلبي بيطيح شلون يتبعني و عارف اني هني .
شذا : مــدري و الله شئ غريب .
بشاير : الله يأخذ عمره و يريح الخلايق منه .
البنات باأستثناء مها : امييييييييييين .
ريم : طيب السواة ؟؟
شذا : مافي الا انك تعلمين اهلك او بندر .
تدخلت مها : لالا مو لازم اكيد صدفه .
ريم : ما اظن وش االصدفه الي تخلينا نتقابل في البر .
مها :الا اكيـــد و الا كان قالك شئ .. سكتت و كملت : بعدين انتي متأكده منه .
: ميه با الميه نفس صوته و حركاته .
سكتت مها و ما علقت .. و بلعت الغصه .. و الصدمه .. و جلست حيرانه في دوامة التفكيــــــــر .. معقوله سلطان يسوي كــذا ما زا يلاحقها هي و بندر و يفرق بينهم .. لالا ماني مصدقه .. انا في حلم و الا في علم وش ها الصـــدف .. ناظرت فوق في القمر .. و قالت في نفسها : يا ربي وش اسوي ؟؟ اسكت و الا اقول لبـــندر .. لالا انا مجنونه اقول يمكن مو هو يمكن ريم تتوهم ؟؟.. اسكت احسن لي .. سلطــــان ما يسويها ..!!
صحاها من دوامة التفكير يدين بشاير تضربها على كتفها ..
ناظرتها مها ..
بشاير : هيــــه وش فيك مفهيه هيا سرينا العشاء جاء .
اكتفت بهز رأسه .. لانها مالها نفس في الكلاآم ,,





و لازلنا نمشي في دوامة الصــــــدف .. سلطان جاء عند البنات با الصدفه .. ريم و مها اعرفوه .. مها يوم جت تتكلم تكلمت معها ريم .. و قالت قبلها السالفه .. يعني لو قالت مها السالفه قبل ريم .. كـــان انكشف الســـر المكنون طول الاياآم الي راحت ..
بس ربي ستر على سلطــان .. و كــان سكوت مها من لصالحه ,,

ادخلوا البناآت للخيمه .. و سلموا على هيفاء الي انهكها مشـــواآر السياآره ,,
عا العشاء ..
نوره : اكيـــــد سعد ما راح يعجبه العشاء ..
ردت نوير بلهفه : ليــــش ؟؟<< تـــساأل عن الحبيب الساآبق الي خطفته منها نوره .
: لانه مو من طبخي .
حقروهاآ ..
و سكتت نوير و بلعت غصتهاآ ..
اما هيفاء كــان ودها لو ترد عليها بــرد قاسي بس فضلت السكــوت ..
قالت الــجده نوره " ام نوير " : و الله ماني خابره عندتس طبخن صاحي .
الحريم كل وحـــده منهم كاتمه الضحكه في نفسهاآ .. عارفين ام نوير ما تسكت و لا تعرف اصلاآ تجامل ,,













اليـــوم الثاني في الصباآح و قبل حتى تطلع الشمس ..
قامت ريم من النــــوم و صلت .. و سبحت و قرأت اذكــار الصبـــاح .. و شمت ريح خبز على النــاآر ..
و طلعت .. لقت جدتها ساره و جدتهاآ نوره .. يخبزون .. اجلست عندهم تسمع لـ حكاويهم و سواليفهم .. الي كانت كلها عن ماضيهم .. يوم كــانوا عايشين في الخيـــام ..

وصلت لهاآ رســاله ""
ياشوق انا جيتك وانا داخلي شوق
.............تلطفي باللي ضنا الشوق حاله

رجواي هي لقياك يا اعز مخلوق
...............قلب(ن ) صفالك لا تدور بداله

بسمة رضاك ارجيك مع حلو منطوق
............يرخص لك العاشق حلاله وماله


ابتسمت .. و حست با أحســـاس غريب داخلهاآ الا و هو احســـاس الحب و الشوق ,,
حست ان الجــو مناآسب و حلو .. السماء مزرقه .. و ملبده با الغيــوم الي اضفت عليها لون غاآآمق .. جعلهاآ اكثر رومنسيه و شاعريه ,, و راحت تمشي لابسه عبايتها و راميه طرحتهاآ .. و شعرها منســدل على ظهرهاآ .. والهواء يلعب به يميني و شماآلي ,,

مشــــت لبعيد و هي ما تحس في نفسهاآ .. لانهاآ كـــانت تفكر في البــ ع ـــيد عن العين القريب من القلب ,,
فجــــــأه حست بصوت احـــد يمشي ورآها .. وقفت .. تجمدت في مكــانهاآ و هي تقول في نفسهاآ : اكيــــد هو بيسوي فيني شى ..عضت على شفايفها بقووه و قالت في نفسهاآ : انا وش مبعدني مع ذا الصبح .
زبنت بقوه يوم حست انه لمس كتفهاآ .و التفتت بسرعه .. و تفأجات يوم شافته بندر ..
ناظرت فيه في عيونه .. ما قدرت تغمض عيونها من هول الموقف الي هي فيه ..
وش ها الصـــدف الي تصير معها ها الآياآم ,,
مو اول مره يبحر في عيونهاآ و يتأمل في داخلهاآ لا دايم يبحر فيهاآ .. بس ها المــره غير .. حـــس با الشووق داخلها كل ماله يكبر و يكبر ,,

دنقت بعد ما حست في نفسهاآ .. اما هو جلس يتأمل فيهاآ .. وش ها المخلوقه المــلاآك الي قباآله ..,, شعرها الطويل المنسدل يتطاير مع الريح و يغطي وجهها و يكشف عنه ,, قرب منهاآ يبي يشوفها يتأمل ملامحهاآ الي انحرم منهاآ فتره طويله ,,
شال خصل شعرها الي على وجهها بيدينه .. رفعت راسهاآ له و ابتسمت .. ابتسامه .. ادفنت كل الجــروح العميقه داخله ,, و جددت الامل فيه اكثر و اكثــر ..
حــاول مره و مرتين انه يتكلم .. يقولهاآ .. و يبوح لهاآ .. يقول احبــــك بس ما قدر .. الصمت اقوى ..

اما هي ذابت من الخجــــل .. و الحياء الي داخلهاآ ,,
و ما قدرت تقول شئ و تتكلم مجبوره مثل ما بنــدر مجبور,,..

مشاآعر متناقضه ما بين فرحه و خجل و شوق و تغلي ,,
في اجـــواء لا تنسى ,,!!
بــ ع ــدت عنه شوي .. و لا حظ فيهاآ و تم واقف في مكــانه ,,
أشر لها بمعنى " كيفك ؟؟
قالت بصوت جهوري : بخير .
اسكتت و كملت : و انت كيفك ؟؟
أشر لها بمعنى " بخيـــر " ..
و راحت متمشي و هو يمشي معها..
وقف و شــال الشيله من على ظهرها و حطهاآ فوق رأسها على شعرهاآ ..
يــ غ ــار عليها من كــل شئ ما يبي احــد يشوفهاآ غيره ,,
حمر وجهها من حركته ,, استانست ليشنه يغاآر عليهاآ ,,
مشوا مساآفه طويله .. مســك يدنهاآ ضم على اصابعهاآ

و في مخيم الحــريم صحت بشاير .. و صحت جنبهاآ مها .,,
بشاير : مها ها الحين تهقين الساآعه كم ؟؟
مهاآ وهي تتثاوب : مدري يمكن 7 الصبح .
اسكتــــوا ,,
بشايرالي ماسكه الجوال بيدهاآ : الساعه 5 الفجر .
اسكتت و كملت : مهاآوي كني اشوفك الباآرح منتي على بعضك في شئ شاغلك .
مها الي انقلبت ع الجـــهه الثانيه : مافي شئ .
بشاير : اكيــــــــد .
مها : ايه .. يا الله اسكتي بنام ,,
تبيها تسكت عشان تفكر في الي صاآر تبيها تسكت عشان لا تضعف و تقولهاو تصير مشكله لها أول مالهاآ اخر ..
قالت في نفسهاآ : طيب سلطان وش يبي في ريم معقوله حاقد عليها كل ها السنين . و الله سلطان خطر على ريم و بندر .. بس انا في يديني اسوي
انا ما احب اسوي مشاكل و اظلم انسان و مو أي انسان اخوي .. انا لازم اتأكد بعدين يصير خير ..
,, و منا لين تتأكدين يا مهاآ يمكن يكون قد فات الفوت وقتهاآ مــا راآح ينفع الصوت ,,!!







في الخـــارج .. السماء ممزوجه بظلام الليل و نور الصباآآح .. الــ غ ـــيوم ملبده عليها من جميع الجــــهاآت ,,
و الارض يكسوها العشب الاخضر من جميع الجهــــاآت .. الرياآآح قويه .. هواءها نقي صافي .. يحمل معه ريحه العشب و الارض الرويانه ,,
هالارض الي بطبيعتها و جمالها الخلاب .. تحتضن بندر و ريم .. بحبـــــهم الكبير و شوقهم ..
يمشون و حاضنه يدينها يديه .. حاسه بخجل و خـــوف و حب و شوق شعور متناقض داخلهاآ لاكــن الحب اقوى ها اللمشاآعر
و أكثرها تمكن من الانســـان ,,
مستمتع با الطبيعه .. و ما وده يفارقهاآ و لا لحظــــه .. وهي يتردد في بالهاآ انها تقوله عا الي يصير معهاآ
تذكرت كلام شذا يوم تقول لها لازم تخبرين احــد .. و هي الحين من واجبها انهاآ تخبر بندر .. حاولت حاول لساآنها ينطق .. بس ما قدرت لانه ما ودهاآ تكـــدر عليه او تضايقه بشئ ..
و لانه هو ما يتكلم هي بــ ع ـــد خجلهاآ منعا من انهاآ تتكلم و تقول .. و خايفه انها تسبب احراج لبندر .. لان لغة الاشاآره صعبه با النسبه لريم ..
ســـاعات ما تفهمهاآ .. بس كفايه وجودهم مع بعض و كفايه .. انه شافهاآ و كحل عيونه بشوفتهاآ .. كفايه انه حسسها بحبه يوم انه يغار عليهاآ ,,
و يحط الشيله على رأسها بعد ما تطيح ..!!
لحــــظاآت حب حلوه لايمكن للعاآشق ان ينســــاآها ,, بل ستبقى مكتوبه في دفتر ذكرياآته الســـ ع ــــيده ,,
حست ان النور ابتدى يطلع و الناآس ابتدوا يطلعون .. و ما حبت انها تنحط في موقف محرج .. خصوصا ان البناآت متوعدينهاآ .. و امهاآ لو فقدتهاآ راح تدور عليهاآ ,,
قالت بعد ما اخــذت نفس عميق : بندر انا لازم ارجع .
وقف و ناظرهاآ بنظــرات حــأده و كــأنه وده يكحل عيونه بشوفتهاآ .. دنقت راسه لانهاآ ما تقوى على نظراآته ,,
سحب يدينه من يدنها .. و حطهاآ على خدهاآ ..
ذابت من الخجــل و ودها لو يجي احــد و ينقذها من الموقف ..
بعد ما بدت تحس ببروده يدينه على خدهاآ .. رفعت رأسها و هذا هو المطلوب .. يبي يناظر في عيونهاآ .. يبي يشوف الحب و الاحســـاس في عيونهاآ
اذا ما تقدر تتكلم من الخجل .. في شئ يعبر عن شعورها .. هي عيونهاآ .. !!
و اذا هو ما يقدر يتكلم من العــجز الي فيه .. ففي شئ يعبر عن شعوره و هو عينه ..,,
تعمق في عيونهاآ و ابحر فيهاآ .. ما وده يرمش ..
اخجلت و زاد خجلها نظراآته ..
التفتت على جنب و نزل كفوفه من خدهاآ .. و قالت : يا الله فمان الله انا رايحه .
و هي رايحه تمشي و قبل لا تخطي خطوتهاآ الاولي .. مسك يدينهاآ و شد على اصابعها بقووه ..!!
التفت عليه .. بنظراآت خايفه .. و ودها ترجع ..لآنها هي صح متوتره ..
حس بشــعورهاآ .. و انه ما وده يحرجهاآ .. بس ما يقدر وده يملكهاآ اليوم و بكـــــره ..
و قبل تروح ضمهــــاآ .. و تنهد بــآه قويه وصل مسمعها لأذنهاآ ..
ضمها دقيقه و الدقيقه الحيـــن دهر ..,, حس بنبضات قلبهاآ .. و رعشة يدينهاآ حس با انفاسهاآ ..سحبت نفسهاآ من احضاآنهـ ..
راحـــت تجري .. من الخجل و الخــوف و من الفرح ..
و هو لا زاآل واقف مكانه و ضام نفسه .. و يناظرهاآ و هي تجري .. و كــانهاآ طفله صغيره .. و الهواء يداآعب شعرهاآ .. التفتت للجهه الثانيه و تذكرها يوم انهاآ صغيره سبحــأن خالقها ما تغيرت .. و لا غيرها الــــزمن ..!!


حبهاآ ســاكن في قلبه من 14 سنهـ .. يكبر و يزيد يوم عن يومـ ..















بعد نصف ساآآعه ..
صحى الكــل و عــا الفطور الجمــاآعي ..
الرياجيل فارشين براآ ..
جتهم الجـــده ساآره بجلالهاآ .. حاطتها على رأسهاآ ..
: السلام عليكم .
الكل : و عليكم السلام .
: تعال يا بندر خذ القرص مني .
فز بندر عندهاآ و خذا الخبـــز ..
: هاه مرتك شاركتنا الخبز .
ابتسم لهاآ
و راحــــت تمشي ..بعصاآهاآ ..
وهاذي الجــده ساره ما تترك الاحراآج ..!!














اما في مخيم الحريم ,,
نوير : تسلم يمينك يا امي و خالتي .
تتدخل نوره : حلو بس فيه طعم حرق .
فوزيه : هو حلاة الخبز لا لــذع .
سكــوت ثواني ..,,
الجده ساره : اقول يا شذا متى عرس بشاير ؟؟
شذا :حددناه بعد ثلاث اساآآبيع .
: و وين بتسوونه ؟؟
: في الرياض اكيــد .
: ورى ما تسوونه في الــديره .
بشاير الي اشهقت : لالالالا فكينا من الديره و استراحاتها الباآيخه .
عبير :انا داريه حتى قصور افراح مافي .
الجده ساره : و انتي وش خصك ؟؟. عرسك و الا عرس بشاير . مير الله يزوجكن كلكن قبل العيد لا تجون و تحرقون مواعيني .
الكل : ههههههههه .
فوزيه : الله يصلحك يا خاله ما تنسين .
الجده ساره : من الحــره الي فيني .
سكــوت ثواني ..
لانهم كانوا عا الفطور ..الي كــان عباره قرص و فوقه سمن و عسل .. و شاآي ..!!
جوري : بشاير ابتديتي تقضين .
: ايه الحمد لله .
: و فستان العرس شريتيه .
: هو الحين عند المصمم .
تدخلت نوره : عند مصمم اكيد ما يقل عن 10 الاآف .
بشاير و هي تكلمهاآ بدون نفس : و اذا .. فستان عرسي و من حقي اتكلف فيه .
نوره : استغفر الله العظيم الاسلام حرم التكلف .
حقرتهاآ بشاير ,, و قامت مهاآ تخزها لانها فشلتهم عند النـــاآس ..!!!







عند الرجـــاآل ,,
الوليد والد ماجد : سعد وش هي وظيفتك ؟؟
سعد : عسكري في القوات المسلحه .
: ماشاء الله تبارك الله .
: و الله الراتب تعبان خصوصا اني اصرف على عائله كامله . و يا ليت يا ابو ماجد تدور لي على شغلن زين .
طــاح وجه عياله و تفشلواآ .. و هاذي شحده محترمه .. و الظــاهر انه داخل على طمع ,,
ابتسم نايف : هو ابوي دايم ادور له شغل بس ما يناسبه كون انه كبير في السن .. بس احنا نكفي و نوفي .
سعد : وش تكفون و توفون انت راتبك ما تعطيني منه غير 2000 و اخوانك عاطلين باطلين .
تدخل مساعد : فيهم الخير يا ابو نايف فيهم الخير .

الله يا دنيا .. في ابو قاآسي لهاآ الدرجه ما في قلبه رحمه و لا احســاس .. تزوج مرته الثانيه من 12 سنه .. و ترك عياله و مرته .. من غير لا احد يصرف عليهم ..
كــان معاشهم في الشهر 1000 راتب نايف يوم يدرس في الجــامعه .. و ما يكفيهم لين نهاآية الشهر .. كان غداءهو و عشاهم واحـــد ..
لين ما تخرج نايف و وظفه واحد من اخوياه في شركه حتىترقى و صار يدير شركــات االله كريم ..




ضـــاق خلق نايف بعد الي صار .. و تغير لونه !! اما بندر لازال بالع الغصه .. و سلطــأن عادي ما هزه من كــلام ابوه و لاشئ .. اصلاآ تعود على ابوه قسوته ,,
سامي رجال مشاعل : و الله اليوم باين عليه يوم امطــار .
حمد : خير ان شاء الله الربيع امطاره ما تفصل .
مساعد : و لا جاء مطر وش نسوي وين نودي عفوشناآ ..
نايف : نشيلها و نرحل لديرتن ثانيه .
الوليد : ماشاء الله عليك يا نايف باين عليك راعي بر .
: الله الله .. ما يمر شهر شهرين الا و انا في البر .
: اما انا مالي في البر .
تدخل ماجد : و انا بعد ما احب البر احب رحلاآت البحر .
نايف : و رحلات االجو ؟؟

: اوه عاد هاذي شئ اساسي .
سكــوت دقايق ,,
خالد رجال هيفاء : ورى ما نشوي الليله .
حمد : و الله فكره .
ماجد : و من الشــاطر في الشوي ؟؟
نايف الي التفت يم بندر : بندر خابره شاطر .
هز بندر رأسه ,,
ماجد : اجل الله الله الشوي الليله عليك .
ابتسم بندر و هز رأسه ,,
تدخل سعد : انت متى تهرج ؟؟
ناظره بندر بـألم و أشر له بمعنى ( مــدري ) ..
: انت وش تقول لا عاد تأشر زي المجنون .
طق نايف من القهر : يقول ما يدري و هو صادق الله العالم .
سعد : ياربي لا تبلانا هذا الولد لا قعد ما يهرج و الله ما يشغلونه لو حارس مدرسه .
نايف : الله يشفيه .
الكــل : امين .
بعد ما انتهت الســالفه ..!!
دنق رأسه من الالم .. و ما غابت عنه لهجة ابوه الحــاده و نظرات الرياجيل عيله بحزن و شفقتهم ,,
الحــــال الي هو فيه مؤلم مع الناس و مو معاآها .. يحاول يشاركهم بس ينسى و يحاول يتكلم و يتذكر انه ابكــم و يسكت ..
بندر في اسواء حــالآته ,,



قام سحب نفسه .. و راآح يمشي .. تلثم با الشمـــاآغ .. و عقب ما مشى مسافات طويله و خطــواآت مع كل خطوه كان يخطوهاآ الالم داخله يزيد اضعاآف ,,
طع علية السجاير من جيبه و ولعها و دخن ..
يمكن ينفس عن نفسه .. و يطلع كبت بداآخله .. بس غلطــان يا بندر عمر الدخــان ما كــان للفايده ..
جاه يمشي نايف .. ابوه الحـــنون ..يوفق معه دايم في الصعايب .. نايف با النسبه له ذراعه الايمن .. الي ينسند عليه لاطــاآح ..!!

رمى بندر السيجــاره هيبه من نايف .. و داآس عليهاآ ..
جاءه نايف .. و قال : و خر شوي ؟؟
مشى بندر ..!!
قال و هو مركز نظره عا السيجاره الي طايحه عا الارض : ماني خابرك تدخن؟؟
كمل بندر مشي ..
و راح يمشي معه نايف : لا تحسب ان الدخــان بينفعك لا و الله بيضرك .
أشر له بمعنى (( ادري )) ..
: و يوم انك عارف ليش تدخن ؟؟ و لا تلقوا بأ ايديكم الى التلهلكه ..
حقره بندر ..
: انا عرف ليش تدخن ؟؟!
مسكه مع كتفه .. و وقف ..
: خلك و انا اخوك قوي شامخ مثل الجبال ما يهزك ريح . انا ياما عانيت و عانيت و انذليت من ابوي بس عشت و ذا الــذل قواني و خلاآني رجــال .
مشى بندر و مشى معه نايف ينصحه ,,






ابتدت السماء .. تغيم .. و ينزل منهاآ رذاذ ..
و في مخيم الحــريم .. البنات لحالهم و الحريم لحــال ,,
الجــده ساره و الجده نوره .. يسولفون مع بعض .. و هند و فوزيه و نوره و نوير .. يسولفون مع بعض ,,
اما مشاعل و هيفاء الصديقات الروح با الروح منسجمأأ مع بعض .. و كل وحده تشكي همهاآ للثانيه ,,
و البـــاقين البنــات .. جمعتهم و وناستهم ما تنمل ..!!

فوزيه : يا ناس ما تسمعون صوت المطر ,
بشاير : ايه يما الي ينزل عا المخيم ذا المطــر .
هند : ماشاء الله تبارك الله .
فوزيه : يا زين صوته .. يذكرنا با ايــام زمــان تالي يوم كنا ساكنين بخيام .
و فضوهاآ سيره مع عجايزهم .. عن ايام زمــان .. و كيف كــانت حياتهم ؟؟ ..





عبير : هيا بنات نطلع برا نتمشى في المطــر .
مها : ما احب شئ يغرقني .
: قطع من زينك عاد . و انتي يا بشاير ؟؟
بشاير : لالالا انا فكيني .
ريم الي كانت نايمه عا الارض اقعدت : لالا بشاير لا تقربينها وقت المطر .
البنات : ليه .
حكتهم ريم السالفه آخر يوم في الجــامعه يوم جت تناديها و طاحت صاقعه ..
و جتهم تراجف ,,!!
ماتوا البنات من الضحك ..
شذا : الله يعين ماجد عليك .
جوري : بس زين انكم في جده كلش ما فيها امطاآر .
قاطعتهم عبير بملل و هي تلبس في جاكيتها الدقله الاسود الجلد : هاه من بيروح معي ؟؟
شذا: و الله انا حاطه قناآع .
جوري : و انا اخاف على بشرتي من الهوا .
ناظرت في ريم : و اختي حبيبتي .
ريم بعد ما رجعت حطت رأسهاآ عا المخــده :و انا بنام .
كشت عليهم و طلعت من المخيم على اصوات ضحــاتهم .. و او ما اطلعت حطت الشيله على رأسهاآ ,,
و راحت تمشي .. و تمد يدنهاآ و زخـــات المطر تنزل عليها بـــاآرده من السماء ..
لتزيد من برودتهاآ بروده ..!!
و تغني .. و تدندن ..





بندر و نايف الي يمشون .. مر من عندهم سلطــان با الكــابرس ,,
أشر له نايف .. و وقف ..
دخل نايف راسه من القزازه ..
: على وين يا الآخ ؟؟
سلطــان الي مميل العقال : ماسك خط الرياض .
: بدري .
: عندي شغل .
: وش الشــغل المهم الي يخليك تترك اهلك ؟؟
: شغل خطوط . يا الله فمــان الله .
: انتبه على نفسك . من شغل الخطوط يا الاخو .

و راحوا يمشون طبعاآ غيروا اتجاآهم و جو من ورى مخيم الحريم ,,
نايف الي وقف و قبض على يدينه بقوووه : من ذي المره الي واقفه عند مخيمنا .
بندر الي ناظرها .. أشر له بمعنى ( مــــدري ) ..
: تهقى انها من عربنا .
أشر له بندر بمعنى ( ايه) ..
الي جالس يناظرها و يتأملهاآ خايف انها تكون ريم غيره عليها ..
نايف : امش و الله لاأغسل شراعهاآ .
و راحوا يمشون ..
اما هي يوم شافتهم غطت على وجهها و اعطتهم ظهرهاآ .. و راحت تمشي بسرعه للمخيم ..!!
بس هم اسبقوهاآ ..
ووصلوها قبل لا توصل للمخيم ..
نايف : هيه يا انتي .
وقفت و التفتت ..
و يوم التفتت يمهم عطوها ظهرهم و دنقواآ ..
كمل نايف : ليه جايه هنا ؟؟
اسكتت ..
علت نبرة صوته : جاوبيني .
قالت بصوت خجول متقطع : طلعت اتمشى .
: و تمشين لحالك في الخلاء ..
: وش فيها ؟؟
علت نبرة صوته : فيها عيب المكــأن كله عزابيه و مشي مافي و الا احش رجولك .
قاعده ترتجف ..
التفت يمهاآ و حس بخوفها و رجفانهاآ ..
و قالت بنبرة عطف عليهاآ : ارجعي المخيم الله يستر عليك .
ناظرت فيه بعد ما وصلهاآ احساسه با الرفقه عليهاآ ..
و اخيرا جت عينها في عينه .. شال عينه بسرعه .. و مشى ,,
اما هي ظلت واقفه و مصدومه .. و ودها لو الارض بلعتهاآ و لاصار لهاآ ها الموقف ..
افتشلت مره قداآم الحـــلو الي عجبهاآ و شافته ذاك اليوم و جلست تتكلم فيه هي و ريم ..!!
موقف محرج و حـــلو في نفس الوقت ما تخيلت .. انه يجي و يهاآوشهاآ ..و يحط عينه في عينهاآ ..!!

رجعت للمخيم تلهث ..
مها : بسم الله عليك وش فيك كــأن احد يطرد فيك ؟؟
بشاير : اش فيك وجهك محمر ؟؟
عبير تحكيهم السالفه بعد ما ماتوا من الضحك ..
مهاآ : اكيد انه نايف .
: ايه صح لآن معه بندر .
اطمرت ريم : وشو وشو ؟؟ لا يكون شافك ؟؟
: لاتخافين متلثمه .
البنات : هههههههههه .
عرفت انه نايف رعب مهاآ .. و اخوها الكبير رأس العايله و سندهاآ ..
غمضت عيونهاآ و تذكرت الموقف و نظرت الحنيه الي في عيونه ,,











اما هو ما غابت عنه نظرتهاآ .. البريئه و عيونهاآ الناآعسه الواسعه ..!!
بس ما اعطى افكــاره اي اهتماآم ..,,

بعد صلاآة الــ ع ــصر .. ابتدى الـ غ ـــيم في السمـــاء يزيد اكثر و اكثر ..!!
و كـأنهـ ينبأ بوجــود امطــاآر غزيره ..


البنات في المخيــم يلــ ع ــــبون لعبة الفواآآكهـ ..
مهاآ : هيه جوريه كني اشوف عيونك طايره عندي .
: ههههههههه .
: هي غضي النظر .
جوري : بنات بناآت التفاآح الي حايسين فيه من اوليه طلع عند مهاآ .
اضربتها مهاآ في كتفهاآ : وجع يا الغشاآشه .
ريم : اقول يا الله مدي الورق خليني اختــاآر .
و اختـــاآرت با الصدفه التفاآآح .. و حطــــت يدهاآ بقووووه . و فاآآزت ..!!
مهاآ الي تخز جوري : كله منــك .
جوري : ههههههه . سوري امسحيها في وجهي ها المـــره .

صـــوت الرعد قوي ..
ازبنت بشاير : يماآ خايفه بروح .
ريم : وين حنا في صحراء ماكو مفــر .
عقدت حواجبهاآ : ياربي انا وش جايبني هني .
البنــات : هههههههههه .
قامت : خلاص انا بروح للسياآره يقولون فيهاآ مانع صواعق .
البنــات : هههههههههههه .


و راآآحت للسيــاآره و اركبت .. طلعت عباآتهاآ و اسندت ظهرهاآ على المقعــده بـــقووه ..
تدل على التـــ ع ـــب و الارهاآآق ودهاآ تنـــام .. و ترتاآح من الوساويس الي راسمتهآ في بالهاآ ,,





عنـــد الحــريم ..
الجــده ساره : و الله بروق اليوم ما تفصل .
فوزيه : وش يعني يماآ ؟؟
: الـــوكــاد بيجيناآ مطر قوي .
: الله يستر .
نوير : من اصبحنا و هو يمطر و يرشش .
فوزيه : اللهم اجعلهاآ سقياآ رحمه لا سقياآ عـــذاآب ..

و صوت الرع ـــد يزداآد اكثر و اكثــر ,,








عند البناآت ..
شذا : انا عندي فكره جهنميه .
البنــات بصوت واحد : وش هي ؟؟
: انا نوهق بشاير .
ريم : لا حرام .
عبير تخزهاآ : احرمت عيشتك انتي كل شئ عندك حراآم .
حقرتها ريم ..
مهاآ : قولي وش الفكره .؟؟
: اني انادي ماجد و اخليه يجي عند بشاير .
عبير : و الله فكره .
جوري : خطيررررررررره انتي يا أختي .
شذا : اجل انا قايمه اندهله يروح لهاآ .
ريم تناظرها و هي واقفه : بس اخاآف تزعل .
شذا : لا وش تزعل با الــعكس تفرح .
مهاآ : هه تدبيسه حلوه .



و اطلـــ ع ـــت تناآدي اخوهاآ ماجد ..!!







عند الرجــاآل الي جالسين في طرف الخيمه ,,!!
نايف الي متكي عا المركى و يرشف من بيالة الشاآي الي حطهاآ عا الارض و ارتفع نظره للسمــاء بتأمل : و الله اليوم الجــو ما يطمن .
ماجد الطيار و عنده خبره في الاجــواء : راح تجي امطار قويه .
مساعد الي يناآظر في السماء و حاط يدينه اليمين فوق عيونه : و الله النو اسود .
سعد الي جلس و كــان متكي عا المركى :هيا بس نشد عفوشناآ .
نايف : لا شفنا النو قرب سرينا و غرينا مكانا لمكــان ممطور .
خالد زوج هيفاء : ما يمدي يا أخوي وقت المطر و الغشنه نشد عفشنا خلنا نشد حيلنا من الحين .
اكتفى نايف بهز رأسه ,,
قال حمــد ( ابو بشاير ) : شورك و هدايتة الله .
سامي : هيا هيا ناظروا جيراننا كلهم مشوا .





اما في الرياض .. ..
وصل لبيت اهله .. و كـــان محتاآج اشــد الحاجه للفلووس .. لآنه في حالة ادمــان
من السم الي يتخذه ليل و نهــاآر ,,

رمى الغتره عا الكنبه .. و راح متجه لغرفة نومه .. فتح الباب .. فتش في جميع الدواليب ..
يــدور على فلــوس يبي يسرق ..!!
لآن السرقه في نظره حـــلاآل ..و ما فيهاآ و هذا الادمــان و ما يسوي ..!!
حط يدينه عند خشمه و تنفس بقوووه .. و آصدر آهـــاآت موجوعه .. لتعبر عن معاآناآتهـ ..
رمى كل شئ .. دمر كل شئ في الــ غ ــرفه ..
بس ما لقى فيهاآ شئ ..
صرخ بــ ع ــالي صوته ..
و راح لغرفة امه .. و كـــان الألم كل ثانيه و دقيقه يطعنه الــف مره في الصميم ..
طق البـــــــــــــــــاب مره و مرتين ..
حاول يفتحه .. بس بدون جدوى ..
و بعد عدة محــاولاآت يأئسه .. كسر الباآب .. و هنا ماآ خانته قوته و قواآآه ..
ضحك بخبث و هو يناآظر في تسريحة امه الي فتحـــهاآ ..
و ما طحـــت عينه الا على علبة الـــذهب المتواضعه حقت امه ..
فتحهاآ و أخـــــذ الذهب و الالمـــاس بلهفه ..
و في الاخيــــر ..!!
طاحت عينه على شئ مهم با النسبه لهـ شئ غـــالي ..
شئ راآح يحقق مراده من اياآآم وشهور و دهـــور ..


وشهو ها الـــــشئ ..
راآح نتــ ع ــرف عليه في البارت القادم ..!!