( الـــــدرب الثالث عشر )

اياآآم الربيع

مرت اياآم و شهــوـور .. و كلن على همه سرى .. تشرق الشمس و تغرب و تجدد الامل بقلوب ناآآس و تدفن اليأس بقلـــوـوب ناآآس ثانيه ..
و ياترى من الــ غ ــالب و من المــغــلوب الامل و الا اليــاآس !!
_ ريم حاولت تشد حيلها هالايام و ما تفكر غير با الدراسه .. بس الي في القلب شاغلها و شاغل تفكيرهاآ .. كانت تتعرض لازعاجات و مضايقات طول الفتره ..لاكنها ظلت ساكته و شايل الهم بقلبهاآ..!!


- اما بندر يضحك و يسولف و يشرب من الالم كاآآسات .. وصفنا شعور بندر و كيف انه حاس با النقص بس يكابر و يتغلى .. يروح عند الدكتور مره و يكابر الاآف المـــراآت .. الكبرياء يكون على اي شئ الا انه يكون على حساب نفسه هذا اكبر غلط . .!!

- بشاير و ماجد على نفس حالهم و ها الحين فتره تعارف بينهم .. خصوصا بعد ما مملكوا وعملوا ملكه صغير بعد الخطبه با أسبوعين
.
- هند و فهد .. هذا يصيع و يمشي بدروب الضياع حتى الجامعه فصل منهاآ .. و هذي تبكي و تتألم من وراآآآه . و تدعي بس الله كريم و الا ما يجي يوم و يتعدل .

- مها و نواف .. يلعب لعبته القذره من ورى ظهرها و هي لااحساس و لا ضمير.. مشت عليها اللعبه صح . و ما بعد انكشفت .. و يا ترى منا لين ذاك الوقت تقدر مها تصلح وضعها او لا !!

- سلطان .. ضياع بين الاستراحات ترويج مخدراآت .. و بين هاذي المصايب كلها يحاول يوصل لريم بأي طريقه ..
و ينتقم منهاآ .. ليــــش راآآح تعرفون بــ ع ــدين ؟!

-هيفاء و خالد .. بين الامل و اليــأس .. مشاعرهم متضاربه .. و كلن منهم يكــابر على الثاني ..!!

- مشاعل ( اخت ريم ) حملت .. خارج عن رغبتهاآ .. لانها تكمل دراسة الماجستير مع رجلهاآ و في نفس التخصص ..
لكن كان قضاء و قدر .

- نوير و ســعـد ( ابو بندر ) . لا جديد راميها في بيت لحالهاآ .. و تاركها لا يصرف عليها و لا تهمه .. بس الجديد في الموضوع انه قرر يجيب زوجته الثانيه ( نوره ) و يسكنها فوق نوير ..!!

- نايف في الشرقيه .. و لاهي في شغله من شركه لـ شركه .. و لايفكر مجرد تفكير با الزواج على الرغم من كبر سنه
( 34 ) سنه .


و اخيراآ
- متعب و رايد و فيصل و سعود ( اخويا بندر )) . بعد ما حسوا با الــيأس الي فيه .. التموا حوله و حاولوا بقدر الامكان انهم ينسونه ..!!






الســاآعه 4 الفجر .. جالسه على سريرها و ماسكه كتابهاآ و لايعه كبدها من المذاكره كلش .. !!
اطلعت من غرفتها للصالون لقت عبير تتفرج ع التي في !! و جات جلست عندها و رمت نفسها ع الكنبه ..
و تمتت بـ : الله يعين .
ناظرتها عبير بطرف عينها و رجعت تناظر في الفيلم الي تتابعه ..
: وش ذا الفيلم ؟!
: اسمه مجزرة تكساس .
: وع اكيد يلوع الكبد .
عبير الي حطت صحن الفشار ع الطاوله : لا با العكس حلوو .
رجعت سندت ظهرها ع الكنبه بتعب و غمضت عيونها : اآآه ياربي متى يعدي ها اليــوـوم على خير و اجاوب و انجح .
: الله يوفقك .
: ويـــاآك .
سكتت شوـوي و قالت : و ياليته بعد التعب و العناء ذا يودونا يسفرونا يرفهون عنا شوي .. هي كلها اسبوع و جايه الدراسه .
: وين على الله تبينهم يسفرونك باريس و الا لندن .
: لا جنيف و فيينا احلى .. خخخ بايخه .
سكتت شوي تابعت الفيلم مع اختهاآ .. رعب بس معليه حلو نوعا ماء ..
وصلها مسج فتحته بلهفه ..
( احبك ليش ما تحسين فيني و تعذبيني اكثر و اكثر .. ارجوووك ارحميني )) .
اخذت نفس عميق .. و فتحت الشبــاآك وراهاآ ..
و قالت بصــوـوت : يا جعلك با العذاب و الله .
عبير الي ترمي المخده على ريم : انتي دقيقه ما تسكتين كلش تلقلقين .
: اش اسوـوي ثرثاره . اقول عبيروه وش السواه مع ذا التبن .
عبير بدون نفس :انتي ورى ما تخلين مشاكلك بعد الفيلم .
قامت متجهه لغرفة النوم : فاضيتلك انا بعد الفيلم .. وراي مراجعه و هم .





مستنده ع السرير .. و حاضنه دبدوبها بيدينها اليسار .. و بيدها اليمين تكلم !!
: احلفي انك ما تحبيني .
: اموت ع الثقه .
: هههههههه .
قالت بشاير و هي تعدل جلستها عا السرير : وش فيك تضحك ؟!
: اقول بش بش ورى ما تروحين تراجعين .
قالت بلهجة الزعل : شكلك تبي الفكه مني .
: افا و الله ما عاش من يبي بــ ع ــدك .
صوت رعد قووي قالت بشاير : يا الله يا الله باااي .
ماجد بخبث : ها الحين من الي يبي الفكه .
: ماجد انت ما سمعت صوت الصاقعه .. تبيها تطيح علي .
: لا اسم الله عليك يا روحي . فيني و لا فيك .
: اجل يا الله بااي .
: دقيقه دقيقه ابي بوسه .
: يا الله باااااااي .
: هههههه والله ما ينقدر عليك باااي .
و قفلت السماآعه !!
و هي تحس برعب من صوت الرعــد الي من صغرها وهي تخاف منه ..!! و ها الايام الله يعينها على نفسها ..الجو الربيعي على غير العاآآده امطار قويه و بشكل يومي ..




وصل البيت قبل الفجر .. بعد ما نزله متعب عند البيت !!
ظل جالس في الحوش الجــو جميل .. ورائع ..السماء الســوداء ملبده با الغيــوـوم .. و يشع من البرق من جميع النواآآحي .. صوت المطر و هو ينزل على الارض !!.. و الاحلى من هذا كله ريحة المطر ممزوجه مع ريحة الزرع و ريحة الطين ..
غير وجهته من الباب و اتجهه لسيارته الي كانت في الحوش .. و جلس فيهاآ و فتح القزاز !! يستمتع با الاجواء الي ما تنتفوت ..!!
شغل شريط محمد عبدو و جلس يسمع من بــاآدي الوقت !!
و من خلاآل انسجامه أذن الفجر .. قفل الشريط و استغفر الله .. و دعى الله انه يهديه و يغفر له .. و يشفيه !!
تذكر ريم .. و ارسلها (( الله يوفقك )) ..




وصلتها ارساله و هي بين معمعة الاوراآآآق .. و ضايعه في السطور بين المعدلاآت و الارقام !! نزلت نظارتهاآ ..
و فتحت الرساله .. ابتسمت .. بس زبنت بــ ع ــد ما سمعت صوت رعد قووووي . و ارسلتله بسرعه
( وياآك .. و لا تنسى قفل جوالك مو زين مع الرعد )) .





وصلته .. ابتسم ..و قفل جواله .. و نزل من السياآره و هو يدعي بينه و بين نفسه ,,
قابله ابــوـوه كان رايح للمسجد .. و الي ما كمل الشهر و هو ساكن عندهم !!
: الله صباآح خير . من وين جاي ؟!
أشر له بندر بمعنى ( من السياره )) .
علت نبرة صوته : و وين كنت ؟!
أشر له بندر بمعنى ( رحت للسوبر ماركت )) .
ما فهم عليه و قال بقسوه و بدون رحمه : رووووح زين و انت تحرك لي بيدينك مدري وش تقول ؟!
مشى وهو يدف في نفسه .. و يحس بسكين انغرست في صدره .. من كلمة ابــوـوه !!
صحيح ابوه وقف معاه في المستشفى بعد الحادث .. و شال همه .. بس هذا ما يعني انه حنون و طيب .. هو با العكس قاآآسي عليهم .. و زادت قسوته اكثر و اكثر بعد ما سكن فوقهم و ابتدت المشاكل تصير با التدريح بين الحريم !!
دخل في البيت على صــوـوت ضحكــات مصدرها من فوق .. و كانت هاذي مرة ابوهم نوره المتسلطه على ابسط خصوصياتهم !!.






جت الســاآعه ست .. ابتدت ريم تجهز و تلبس .. عاد اليوم اآخر يوم با الكــوـورس .. و لازم تتزبط و تتكشخ !!
لبست تنوره جينز كحلي .. و بلوزه وردي فاتح و ايشراب تفاآآحي منقش بورود وردي على لون البلوزه ..
جلست قبال التسريحه و فتحت شعرها .. الي انسدل على ظهرهاآ .. رفعت قصتهاآ و حطت تحتهاآ البف عشان ينفخهاآ .. و مسكت القصه بفيونكه صغيره كاروهات وردي و تفاآحي !!
بعدها حطت واقي و كحلت عيونهاآ الوسيعه .. و حطت ما سكراآ .. و ارسمت حواجبهاآ .. و اضافه بعدها اللمسات الاخيره .. من باودر و بلاشر و روج وردي فاتح ..
عقبهاآ قامت من التسريحه و راحت للسرير الي حطت فيه شنطتهاآ و دخلت في الشنطه كتابهاآ .. الي حملها ثقيل في داخلهاآ ..
في ها الــوـوقت صارت تسمع صوت زخات المطر .. تنزل بقــوـوه ع المكيف !!
اطلعت من غرفتهاآ و راحت للبلكونه.. الي با الصــاآلون .. و فتحت الباب و جاتها ريحة المطر مندفعه بقــوـوه لتحسسها با السعــاآده و الراآحه شووي .. عكس ريحة الغبار الي دايم تعودت عليهاآ ..
ظلت واقفه عند الباب تتأمل ..بصمــــت
صوت العصاآآفير مع صوت زخات المطر و صوت الرعود !!
ناظرت للسماء .. ظلمه ممزوجه بشوية نــوـور .. الشمس لا توجد لها معاآآلم فقد اختفت ورى الغيــوـوم ..
ريحه الصباآآح مع ريحه المطر ..
تنفست بقــوـوه تبي تستنشق الريحه ..!!
: يا الله الجو جنان .
عبير الي قاعده عند التيلفزون مع امهاآ : ايه الحين الجو صار و قبل شوي تبين السفر .
: اي ابي اسافر طقيت طفش من الرياض .
: نعنبوك الرياض ها الايام ما تنعاآف .
قاطعتها هند : يما ريم افطري هني اليوم .
: ما يمديني السايق شويتين و يجي .
قالت و هي قايمه : معليه انا ها الحين اروح اسويلك ؟!
: يما لاتكلفين على نفسك السواق كل يوم يجيب لنا فطور من الكفتيريا الي قريبه مني .
: ما ورى ها المطاعم غير البلاء .

قفلت البلكونه .. و جلست جنب عبير ..!!
و بعد دقايق معدوده جتهاآ امهاآ .. بكوب حليب با الزنجبيل .. الي ريحته فاحت في الصالون .. مع خبز محشي با الجبن !!
: تسلمين يا احلى ام .
قالت عبير : و انا يما .
:عساك الوما انتي وش عندك غير الافلام و المسلسلات طا يحتن عليهاآ . قومي اخدمي نفسك بنفسك .
قاطعتها ريم : يما ليه حاطه زنجبيل .
: عشان الجو براد و يدفيك .
: اها . و الله الجو روووعه احسه نساني لوعة الاختبار .






في الباص ..
: يا بنات دقن على خويتكن.
بشاير الي تروعت : لالا ياعم جوالات و مع ذا المطر و الصواقع اللهم يا كافي .
دلال : و هي صادقه .
: اقول تدقن عليها و الا رحت عنها .
بشاير : طيب دق بوري .
: ما توحي مع صوت المطر .
: انزل دق الجرس .
: انتي الي انزلي .
رمت شنطتها الي كانت حاضنتها ع البنات : طيب .
و اهي نازله مع الباب ..!!
السواق عزيز : اصبري يا بنت خذي ذي و درقي بها عن المطر .
خذتها : شكرا .
و انزلت من الباب .. و على نزلتها تطيح صاعقه .. تزبن بشاير .. و راحت تجري .. و ادخلت العماآآره .. و طقت الباب بقووه ..!!
:مييين ؟!
قالتها هند و هي كانت متوقعه ان الي داق فهد و هو في حالة سكر ..
قالت بصوت خايف : انا .
افتحت هند الباب : بشاااير .
دخلت بشاير بدون اذن احد و هي ترتجف .. و راحت للصالون .. وجلست با الكنب .. و كان صوتها و هي تلهث واضح للكل ..
ريم : بشاير وش فيك ؟!
: و وانا نااا زله اندهلك ا انز انزلت صاقعه .
الكل ما يقدر يتحمل و اجلسوا يضحكون : ههههههههه .
هند الي جات و اجلست جنبهاآ : بسم الله عليك الرحمن الرحيم . يما الصواعق ما تنزل الا قليل .
و جلست تمسد شعرهاآ .. و تقرأ عليها المعوذاآت ..!!
لحد ما هدت .. و راحت هي و ريم لباآآص !!

عند نزولهم عند الباب ..
: ريم امسكيني .
: طيب هيا .
: لالا خايفه .
و يدق عزيز البوري بقووه ..!!
: بسرررعه لا يروح علينا الاختبار .
و مسكوا بعضهم و راحوا يمشون بسرعه للباآآص بعد ما تغرقوامن المطر ..
و اول ما دخلوا الباص ..
: و بعدين معتس انتي و هي تدلعن عساكن با الماحي .
ريم تتدخل : بس المطر قوي .
: قوي في عينتس انتي و هي الترم الثاني ما نيب ما خذكم روحوا مع سواق ثاني .
بشاير الي رمت نفسها في المقعده الاخيره عند البنات الي ماتوا ضحك على شكلهاآ : ارتاح ماني دارسه الترم الجاي .
ساره الي عقدت حواجبها : و ليييش ؟!
اخذت بشاير نفس عميق و قالت : ناسيه ان عرسي بعد شهرمن بدايه الكورس .
: اها لا تذكريني كل ما ااذكر تنسد نفسي .
قالت دلال الي حابسه دمعتها وسط عينها : الفرقا فينا فينا .
ريم الي ناظرتها بحزن و ضمت على يدينها بقووه : افا عليك وش فرقا و خرابيط لا تخرجنا ان شاء الله نسوي دوريه كل اسبوع عند وحده .
ساره الي تأيدها : اي صدق .
بشاير : موت يا حمار لين يجيك الربيع وينا و وين التخرج .
البنات : هههههههههههه .
ريم الي سانده رأسها ع القزاز : يا بنات خلونا نستمتع با الاجواء .
ساره : اوخص يا الرومنسيه .
بشاير : تمووت تستانس ليا منها شافت مطر .
ريم الي اتفت لها : ليييش شايفتني موسوسه زييك ؟! .
البنات : ههههههههه .

اندمجوا في السواآآليف .. و لأن اليـــوـوم آخر يوم .. يجتمعون فيه .. بشاير و الكورس الجاي تتجهز لعرسهاآ .. و عقبهاآ يمكن تكمل في جامعة الملك عبد العزيز في جده .. عند رجالهاآ ..
ريم الي مسنده رأسهاآ ع القزاز تتأمل و تفكر .. تحاول تشيل الهموم الي بقبها و تلعب بها .. يمين و شماآآل ..!!
تتذكر الحادث .. و تتذكر بندر في المستشفى و نايم و متألم .. و تتذكر يوم كانوا با المول .. و خذا الجوال منها و قبل لا يرد تذكر انه ما يتكلم و حنا رأسه و حبس الدمعه لا تطيح من عينه و تعلن انكساره ..!!
ناظرت في الرصيف الي تحول لونه من رماآدي الى اســـودبفعل الامطاآر .. و ارتفع نظرهاآ لفوق وهي تشوف
ولد عمره 12 سنه هو و ابوه يمشون و ابوه يسحبه بسرعه عن المطر عشان يدخله لمدرسته مدرسة التربيه الفكريه !! .. الولد كان مجنون و على الرغم من كبر سنه .. بس ابوه لا زال يرعاآه و يحيمه .. تمتمت بصــوـوت واضح للجميع : الحمد لله الذي عافانا مما ابتلى به غيرنا و فضلنا على كثير من خلقه تفضيلاآ .

ساره الفضوليه : اش فيه ؟!
ما انتبهت لها .. مسكتها ساره من كتفها و ضغطت عليها بقــوـوه : وش فيه ؟!
ازبنت : وش فيك انتي ؟!
: ما فيني شئ بس انتي وراك تقولين الحمد لله ع النعمه .
ناظرتها ريم بحقد : كل ذا عشان تعرفين وش شفت ؟!
ساره : ايه
: الله يشفيك من مرض اللقافه . الي فيه اني شفت ولد مجنون .
: لا صدق .
: ايه .
: وش يســوـوي ؟!
: ما يسوي شئ .
بشاير : يا الله لا تبلانا بس عن اللقافه . الحين قاطعه سالفتي عشان تعرفين وش شافت ريم ؟!
: معليش هاه كملي .
بشاير : ماني مكمله .
: بشاايروه عن العياره الزايده كملي .
: قلت لا يعني لا .
كشت في وجهها : من زينك انت وسواليفك الي كلها دق علي ماجد و قلي و قلت له .
البنات : هههههههههه .
: الشرهه مي عليك علي انا الي مقابله وجهك و اسولف لي ساعه .. اسكتت و كملت : اقابل دروسي ازين لي .
: و انا بعد .
ريم و دلال : هههههههههههه .
ريم : و الله بنشتاق لمناقرتكم كل يوم مع الصبح .
ساره و هي تناظر بشاير و تشمق فيهاآ : قولي بنفتك من مناقرة العووبا الي قبالي .
بشاير : ما عوبا غيرك .

و تموا يتناقرون .. اما ريم رجعت تتأمل في الطبيعه و الاجواء الرومنسيه مع الصباآآح ..!!
المطر مره يتقوى و مره ينقص .. و ها الحين صار رذاذ ..
ريم : ياه يا بنات منظر الرذاذ و هو ينزل على الماي و يسوي دواير كبيره رووعه .
بشاير : ههههه الله ع التعبير لا يكون الاخت شاعره و احنا ما ندري .
البنات : هههههههههه .
ساره : اقول قابلي دروسك بدال التأمل على غير فايده .
: انتي الي قابلي دروسك بدال الهذره الزايده .
البنات : هههههههههه .

و ارجعت تتأمل .. و فتحت القزازه ,, عشان تتأمل با الطبيعه اكثر و اكثر ..!! و تستنشق هواء الصبح النقي ..
بشاير: هيييييييييه عزيز يكلمك .
قالت وهي تناظر جهته :سم يا عم .
: وش تبين يا بنتي فطور ؟!
: مابي شئ .
: و تروحين بدون فطور .
: فطرت و الله با البيت .
: ايه هين عشان تسذا تاخرتي .
البنات : ههههههه .
بشاير : عم عزيز ابي منك طلب ؟!
: وش تبين ؟!
: جيب لنا من محل الخردوات الي بجنب المطعم مظلااآت .
: وش ؟!
: مظلاآت عشان المطر لا يغرقنا با الجاآآمعه .
: والله مدري عنها وش هي بس انزلوا ااشتروها و لا تأخرون علي .
البنات بفرحه : طيب .

و انزلوا من الباص .. و كانت اشكالهم تضحك .. الفرحه تشع من عيونهم ..!!
ساره : بشاير الحقي صاقعه .
ازبنت بشاير .. البنات : هههههههههه .
و راحوا يتخبطون في محل الخردوات ..!! و اشتروا مظلاآت و طلعواآ ..
و كان في اتظارهم عزيز الي شبعهم حش ..ليشنهم تأخروا عليه ..
و كملوا طريقهم للجاآمعه .. مع الاجواء الرائعه التي لا تنسى ..








اوصلو الجاآآمعه .. الساآعه 7:40 .. يعني ما باآقي الا ربع ساآآعه عن الاختباآر ..
دخلوا الساحه.. و طلعوا عباياتهم .. تحت جدر عازل عن المطر ..!!
و راحوا يمشون لمبناهم .. با المظلاآت الجديده ..!!



















راجع للبيت .. و واصله معه كا الــ ع ــاآده .. ماله خلق انه يكلم احد او احد يكلمه ..!!
و عند اخر درجه .. و قبل لا يوصل عند عتبة الباب ..
سمع وحده تقوله : اعوذ با الله من عيال نوير الي الواحد منهم ما يرجع البيت الا متأخر .
ناظر فوق بعيونه الحمراء من السهر و الشرب ..
و حس ان الي كانت تكلمه ما بعد ادخلت البيت .. و ظل يمشي في الدرج حبه حبه عشان ما تسمعه .. لانه عارف انهاآ نوره مرة ابوه ..
لين ما وصلها .. و هي ما حست فيه لأنهاآ كانت تكنس الدرج الي يودي للسطح و معطيته قفاآآه ..
شد على يدينه بقووه و شدها مع شعرهاآآ
:اي اي فك شعري .
: ماني فاكك الا لين تعرفين تلزمين لسانك يا.....
و شد على شعرها بقووه زياده لين ما طاحت الربطه من شعرها .. و هي تصارخ اكثر و اكثر ..
: فك فكككككني خلاص ما عاد اهرج .
: ماني فاكك الا لين اربيك .
.....

دخل سعد عليهم ..
: اش فيك تطقها ؟!
ناظر ابوه بحقد : اربيها .
و جلس و يتهاوش مع ابوه .. هو يحاول يطقها .. و ابوه يبي يفكك مرته منهاآ !!












نوير : بندر بندر .
ناظرها و هو مزعوج : .............
: يما روح شوف فوق في صوت هواش .
اشر لها بمعنى ( بكيفهم ) و انقلب ع الجهه الثانيه ..
: يما الله يعافيك روح اخاف سلطان معهم .. ذي حزته كل يوم .
ناظرها و هو عاقد حواجبه و قام بثقل .. وش يســـوـوي ذي الغاليه امه من يرفض لها طلب ..
و هي الي وافقت على اصعب طلب ..!!




















سعد : فكها و الا اناديلك الشرطه .
سلطان بصوت عالي يفجر الطبله : مانيب فاكها الا لين اطلع الشياطين الي في رأسها .
: سعد الحق علي بموووت بمووووووت .
سعد الي انتبه لبندر الجاآي : تعاال تعااال فكها من يدين ها المجرم .
و جاء بندر و ساعد ابوه عشان يفكون الحيه ( نوره ) من يدين سلطاآن ..!!
بندر يدف سلطان للورى .. و سعد يدخل نوره للبيت ..!
: و الله لا اناديلك الشرطه ياشرير .
قال و هو شاد بيدنه : ناديهم عادي .. و كمل بغرور : مو انا سلطان الي يخاف من الشرطه .
: و الله لتتحاسب على الضرب و تدفع ثمنه غالي .
بحر فيها و انفجر مره ثانيه و خذا المساحه الي كانت تمسح بها الدرج و رماها عليها و ما صابت الا جبهتها ..
و اجلست تصارخ و تسب .. قام سعد دفها للبيت و قفل الباب ..
سعد :حسبي الله عليك من ولد ضايع . و انتي تستاهلين ليه تنبشين فيه . ؟!
: انا اا نا ماسويت شئ هو الي جاء و اعتدى علي .
بندر وسلطان عند الباب و يسمعون ..!!
:ايه يا الكذووب اكذبي لا تخليني اكسر الباب الحين و أخذ عمرك .

اختفت اصواتهم ..!! و بندر واقف بذهول !! و يقول في نفسه : معقوله سلطان جاي يعتدي عليهاآ .. لالا مو معقوله سلطان ما يسويهاآ .
و جلس يناقض نفسه ,, و مو داآري عن نواآيا سلطان ,, و ما يدري هو مع الايام على مين يعتدي ؟!
ناظره بندر و مسك يده و انزلوا تحت ..!!
وسط استغراب من نوير .. و سخريه و استهزاء من مها .. الي راحت تلزوق عند سلطان عشان يعلمها وش سوى بنوره ؟!


و نوره مسكينه ما تدري من سلطان ؟! الي محد يقدر يدوس له بطرف .. بس اكيد انها بعد اليوم بتأخذ درس طول عمرها ماآراح تنساآه ..........

في الجاآمــ ع ــه ,,
: خااااايفه مره .
التفتت يمها ريم : لا تخافين يا بشاير هو دايم يسهل الاسئله .
: بس انا ما ذاكرت زين .
خزتها ساره و قالت : و الله حوف المكالمــاآت الي طول الليل .
البنات : ههههههههههههههه .
دلال الي شابكه يدينها في بعض : بنات وين نودي المظلاآت .
ساره الي تناظرفي الكتاب : في الشنطه .
: اخاف تنسرق .
: لا ان شاء الله ما تنسرق .
مرت الدقايق و الثواآني و هم جالسين في كراسي داخل المبنى !!
ريم الي قفلت كتابها و فتحت جوالهاآ بــ ع ــد ما سمــ ع ـــت صوت مسج : يا بناآت الساآعه ثمان هيا مشينا .
بشاير : انا بقعد وراك .
: بس انا ما اغشش .
: افا ما هقيتك كذا يا بنت خالتي تتركيني و انا في اشد الحاجه لك .
: الغش حراآآآآم .
: خلاص انتي بس غششيني اليوم و عقبها توبي .
البنات : هههههههههههه .


و دخلوا القاآآعهـ ,, و اجلست ريم في اول الصف و جلست بشاير وراها و ورى بشاير ساره و دلاآل !!
طبــ ع ــــا كلهم كانوا مــ ع ــــتمدين على ريم في الاجـــاآبات لأنها اهي اشطرهم ..



















في بيت نوير و ع الساآآعهـ 9 الصباآح !!
: عمى بعينها مدري على وش شايفه نفسها .
: يا بنتي اتركي المره بحالهاآ ما نقول الا الله يهديها
قالتها نوير لبنتها مهاآ ,, و كــان الحزن غامرها بسبب المشاكل الي تتعرض لهاآ .. و الحال الي تحول من استقراآر و هدوء مشاآكل مالها نهاآيهـ و ها الاشكال امثاآل نوره ما يردعهم رادع ..

بعد ما لاحظت مها الحزن على امهاآ حبت تلطف الجو ..
: يما هي اسمعي الاخباآر الزينه .
: وش هي ؟!
: بندر قاله الدكتور ان حالته تحسنت عن او و يمكن يهرج في اقرب وقت ممكن .
ابتسمت و تغيرت ملامحهاآ من حزن لفرح : با الله صدق .
: اي و الله يما .
التفتت نوير يم بندر الي متكي ع المركى و جالس يتابع في الاخباآر : صحيح يا بندر الي قالته مها .
ناظرها و ذهنه شاآرد و أشر لهاآ بمعنى ( وش ) ؟.
: تقول ان الدكتور قالك انك بتهرج قريب .
ابتسم لها و أشر لها بمعنى ( نعم ) .
: الله يبشرك با الخبر يا وليدي . ورفعت يدينها للسماء : يارب اسمع صوتك اليوم قبل بكره .
مها : اميييييين .


طق الباآب ..
نوير : من بيجينا ها الحزه ؟!
: مدري يما .
: بندر و انا امك افتح الباب .

حط الريموت ع الارض و راح يمشي للباب و فتح الباب ,,
: السلام عليكم . كيف حالك؟!
هز رأسه بمعنى ( بخير )
و ادخلت هيفاء .. بعد ما قفلت الباب وراآها ,, و طلعت عباآيتها و دخلت عن امهاآ و مهاآ و اخوهاآ ..
: السلام عليكم .
: و عليكم السلام .
: كيفكم ؟!
: و الله بخير , كيف انتي يا بنتي ؟!
: و الله بخير .
مها تتدخل : ما دريتي يا هيفاء وش سوت العقربه نوره .
عقدت حواجبها : وش سوت ؟!
حكتهاآ مها السالفه من الالف الى الياء ..
: حسبي الله و نعم الوكيل فيها . سكتت و كملت : و سلطان يا قلبي وينه ؟!
: سلطان هه في ساآآبع نومه .
قالت نوير : سلطان ما ينخاف عليه ذيب .
: بلاه ما يعرف يما غير الضرب مجنون ولدك مجنون .
هيفاء : انتبهي بس لا يطلع لنا الحين .
حطت مها يدها على قلبها : يا ويلي لو يسمعني يأخذ عقلي .
هيفاء : ههههههههههه .
نوير : الا كيف الامطاآر اليوم .
: و الله شئ انا ما قد شفت امطار زي كذا .
: ما شاء الله خير خير ها الايام .
: ايه الرعد ما يفصل و البرد ما نشوف غير الارض بيضاء .

طبعاآ في ذا الوقت خفت الامطاآر .. بس لازال فيه رذاذ .!ّ
قامت نوير : انا بطلع الحوش و اخيل النو .
: و انا بطلع معك يما اخاف السوسه نوره تهجم عليك .
قالت هيفاء : تخسي و الله الي تقول في امي كلمه .



و اطلعوا ..
و بعد دقايق ارجعــوا ..
: شفت النو اسود جهت الشمال يم الثمامه .
: ما شاء الله تبارك الله .
مها : بندوري خلنا نطلع نتمشى اليوم .
حقرها ..
هيفاء : ماله داعي الحين صباح وقت نوم مو وقت تماآشي .
:و هي صادقه .
: اوف يا ليت اليوم عندي اختبار كان تهنيت با المطر .
هيفاء : ههههههه . و التفتت يم امها : يعني بتجي امطار ان شاء الله .
: ايه اظن فيه امطار و خير في الشمال .












في الجاآمعه ..
لازالوا البنات في الاختبار .. و جت الاسئله لا سهله و لا صعبه وسط بس طويله و دشه ..,!

المراقبه : انتي لو سمحتي .
ناظروا فيها بشاير و ساره .
: انتي الي لابسه اسود .
بشاير : انا .
: ايه انتي اجل ظلك .
البنات : ههههههههه .
طاح وجه بشاير ..
: بس انتي و هيه احنا في اختبار مو في لعب . و ناظرت في بشاير : قومي اجلسي هناك في آخر الصف .
بشاير با استهبال : و ليش ؟!
: بس .
و قامت بشاير و هي حاطه عينها بعين المراقبه .. و ما نزلت نظرهاآ .. و كسرت نظر المراآقبه ..
: بنات ما يستحون .

و رجعت وافقه عند راس ساره و بشاير لانها شاكه انهم يغشون من بعضهم ..
جلست تخزها ساره .. و قالت : خير في شئ .
: لا ابد .
البنات : هههههه .
قالت : عاد هاذي ما اظن فيها شئ يضحك يا تافهات .


كانت الاجواء في القاعه لاتوصف ..و البنات ودهم لو يطلعون بدري عشان يلعبون في المطر ..!!














رن التيلفون ..
اطمرت مها ام التيلفونات : الوووو .
نايف : سلام .
مها اركدت : و عليكم السلام .
: كيفك ؟!
: و الله بخير و انت كيفك ؟!
: بخير الحمد لله . امي صاحيه ؟!
: ايه .
: اندهيلها ابي اكلمهاآ .
: حاضر .
و حطت السماآعه .. و ناظرت في امها : نايف يبيك .
قامت نوير ..
: الو .
: السلام عليكم .
: و عليكم السلام .
: كيفك يما ؟!
: بخير . و انت كيف حالك ؟!
: و الله الحمد لله تمام .
: هاه و انا امك تأكل تشرب زين .
: الحمد لله . الا كيف بندر الحين ؟!
ناظرت فيه : الحمد لله طيب و يقول الدكتور انه بيهرج قريب .
: الحمد لله . الا كيف الامطار و الخير عندكم ؟!
: عندنا الخير يا ولدي و الله ان برقها ما يفصل .
: ما شاء الله تبارك الله .
: و انتم .
: حنا دهر . بس ان شاء الله الخير جاي .
: انشاء الله .
: و الله اني متشوق اقضي الربيع عندكم خير و امطار .
: تعال و انا امك ريح شوي عن الشغل .
: انشاء الله . و انا و الله طرت في بالي فكره انا نقضي ايام الربيع في البر .
: ايه و الله و انا بعد نفسي اخيم من زمان .

طمرت مها عند امها و حطت اذنها عند السماآعه .. لانها تموت في التخييم و سيرته ..
ناظرها بندر و عقد حواجبه من رباشتهاآ و هبالتها و هو يقول في نفسه : مدري متى تعقل ها البنت ؟!

: خلاص يما دام نفسك في التخييم جهزي نفسك ها اليومين و ما يصير خاطرك الا طيب .
: الله يسعد و ودنا نخيم مع ناآس و جمعه و لمه .
: ابشري يا الغاليه انتي بس اشري عا الي تبينهم و انا اجهز معهم كل شئ .
قامت مها تقرصها و تقول عند اذنها نبي بنات خالتك هند و فوزيه يخيمون معنا .. مانبي بنات عمي الهيلق ..
التفتت يم مها و قالت: طيب طيب .. مها تقول انها تبي بيت مساعد و بيت حمد يخيمون معنا .
: و النعم فيهم خلاص تم .
: الله يسعدك ياولدي زي ما تبي توسع صدورنا .
: مابي غير سعادتك يا الغاليه . هاه توصيني بشئ .
: لا ما ابي غير سلامتك .
: الله يسلمك . يا الله فمان الله .
: مع السلامه .















طلعوا من القاآعه فاطسات ضحك ..
: الله يرجك يا بشاير بس توبه قعده وراي مافي .. بغيتي توهقيني .
: هههههههههههه احسن بعدين يا ست ريـموه يوم اقرصك ورى ما توضحين الورقه .
: خفت تنتبه لنا .
ساره الي ماسكه يدين بشاير : و الله خزيتها و شمقت فيها تستاهل .
بشاير : هههههههه احسن وجع مدري شلون شافتنا ؟!
: مدري .
: ههههه تدرين و انا جايه اسلم الورقه حطيتها بقووه و طلعت عيونها بسم الله علي تخرع .
البنات : ههههههههههه .
ريم : بس بس حرام تحشون فيهاآ .
ساره : جاتك الناصحه حرام عليها هي وجع في قلبها يا كرهي لها .
دلال : بس بس حنا آخر يوم نبي نفلها ما نبي هواآآش .
بشاير : الا متى نطلع ؟!
ساره : اممممم الساعه 12 .
بشاير با استغراب : 12 و الله واجد .
ريم : لا واجد و لاشئ .
: بس حنا مواصلين .
ساره : بنرجع البيت و ننوم الاجازه كلها .
ريم : وهي صادقه . بعدين اليوم آخر يوم لك هنا خلينا نفلها .
: خلاآص .
دلال : اجل نكذب على عزيز و نقوله عندنا اختبار ثاني .
ساره : مين يكلمه انا ما ابي اكلمه ؟!
بشاير : انا انا خليني اتودع من صوته .
البنات : ههههههههه .
ضربتها ساره على يدها : لا عاد اسمعك تقولين نتودع و وداع .
دمعت عيون دلال : ايه خلاص ما نبي نذكر .
: طيب طيب لا تسون لي فيلم هندي .
و اطلعوا في الساحه الخارجيه .. و كان فيه رذاذ .. و البنات يتمشون فيه .. اما ريم و شلتها كاشخات با المظلاآت ..
و جالسين يسيرون في الساآآحه عا العشب الاخضر ,,
ساره : يا بنات احس اني في باآريس .
بشاير الي تناظرها من طرف عين : الله و اكبر يا باآريس . الا وين تحسين نفسك فيه ؟! في الشانززليه و الا برج ايفيل .
البنات : ههههههههههههه .
ساره : لا احس اني واقفه عند برج ايفيل .
بشاير : با الله عليك . اجل هاتي تذاكر الطلوع للبرج .
ساره : طيب هذاهي في الشنطه .
البنات : ههههههههههه .
ريم : بسكم فشلتونا الي يشوف يقول مجانين .
بشاير : خليهم يقولون الي يقولون اهم شئ وناستنا .
ساره : و هي صادقه .
ريم : يا ربي منكم همج ودي اتبراء منكم .
بشاير الي خزتها بنظره عقبها ريم اسكتت و قالت : قصدي ما ودي اتبرئ منكم .
بشاير : ايه ايه هين لا تسحبين كلامك و لاشئ .ان ما خليتك اليوم همجيه ما اكون انا بشاير .
: لالا تكفين .
: لا تكفين و لاهم يحزنون .
ساره : ايه ايه يا الله نبدأ .
ريم : لا لا و الي يعـافيكم ها الحين وش يقولون عنا البنات يقولون بدو طالعين من الصحراء .
بشاير و هي معصبه و قالت بصوت عالي : و يقولون اصلا حنا بدو ارتحتي امي و امك عاشوا و تربوا في القريه يرعون في الغنم .
ريم الي تلون وجهها : اسكتي الله يفضحك .
:ما ني بساكته . يا الله يا ساره .
و قاموا يغنون (( سليم سليم وش اسوي بمحبوبي .. )) و يرقصون ..
ريم الي طاح وجهها : حشا مو صاحيات انا رايحه .
دلال : تصبري و انا اختك شويتين و يعقلون .
: و انا مجنونه اقعد شويتين بروح .
دلال : وين ؟!
قاطعتها : دلال ناظري البنات شون متجمعين يضحكون عا المهابيل .
دلال : ههههههههههه .
و راآحت ريم و خذت شنطتهاآ .. و جلست في كراآآسي بعد ما مسحتهاآ با المناديل لأنها كانت غرقانه عقب المطر ..
و فتحت جوالهاآ و لقت رساله من بندر ..
(( توكل على الحي الذي لا يموت .. أسال الله لي و لك و لجميع المسلمين و المسلمات التوفيق انه ولي ذلك و القادر عليه !!ّ ))

ابتسمت و ارسلت له ..
( الحمــــد لله جاوبت اليوم في الاختباآر حبيبتك ريم ))













وصلته الرساله ,, و هو جالس في مكاآنه و يناظر في التيلفزون ..
ما انتبه لهاآ ..
و خذت مها جواله و فتحت الرساله ,, و قرأتها بصوت عالي ..
ناظرها و هو مــ ع ـــصب .. و رمى عليها المركى عقبهاآ اشردت ..!!
نوير : مهبوله ها البنت مدري متى تعقل ؟!
هيفاء : تعقل لاجاها رجل يعقلها .
نوير : وينه ما جاء و الله اني انطره ليل نهاآر .
: يارب يا حبيبي انك تزوج مها .
: امييييييييين .
ادخلت عليهم : انا اصلا ما ابي الزواج .
نوير : و ليش يا حظي ؟!
: بس الزواج كله مسئوليات .
هيفاء : الله و اكبر يا المسئوليات .
: ايه و اطفال و ازعاج و هم .
هيفاء : و الله ما غير خوياتك في الجامعه غاسلات مخك .
نوير : هبي عليهم و ليه تماشينهم ؟!
: يما بنات عز بنات كيوت .
نوير : بنات كيتوت وش يعني ذا ؟!

البنات : ههههههههههههه .
و بندر يضحك في نفسه .. عل سواليف خواته الي تــ ع ـــود عليهاآ .. و حب انه يغير عليهم جو .. خصوصا ان مها من عقب اختباراتها ما اطلعت من البيت .. و هيفاء خالد زوجهاآ طالع مقناآص كم يوم ..
فقالهم بـلغة الاشاره .. انه يبي يمشيهم و يفطرون براآ ..
و وافقوا خصوصا مهاآ المطفوقه .. و جهزوا القهوه و حوها في ثلاجهـ و جهزوا الشاآي ,, و حطوه في ثلاجه ثانيه .. و البيلاآت حطوها في مطبقيه .. و كلها جمعوها في السله !!
و في ها الوقت الي قاعدين يتجهزون فيه راآآح بندر و جاب لهم الفطور .. الي كان عباره عن سندويشات طعميه ..,, !!
و بعد خمس دقايق تقريباآ .. وصل .. و اول من نزل له مهاآ الي حطت الاغراض في الشنطه حقت سيارته .. و راحت تتمشى في الحوش و الاجواء الخياليه ..

طلعت جوالهاآ و ما ترددت في لحظهـ انها تتصل على حبيب القلب نواآف ..
:الو .
قالت مهاآ : صباآح الخيـــر .
: صباآح النور .
: كيفك حبيبي .
: و الله تمام انتي با نظر عيني كيفك ؟!
: بخير .
: وينكـ ؟!
: و الله انا فيه انت الي وينك ؟!
تنحنح خلف السماآعه و ابتدأ يغير صوتهـ : انا مرت لي ظروف ما يعلم بها غير ربي .
: سلامات وش هي ظروفك ؟!
: ابوي طردني من البيت .. سكت شوي : و ولي يومين و انا ضايع بها الشوارع ليلي كله مقاهي انترنت و احيانا اروح المسجد .
عقدت حواجبهاآ و بدت تحس با الحزن يتغلغلهاآ : طيب كيفك الحين ؟!
:هه خليها على ربك . ما باقي معي و لا قرش على غداآي امس .. حتى اخوياي اطلب منهم فلوس يحقروني .
: لا حول و لاقوة الا با الله وش السواة طيب ؟!
: مدري انا محتار يا ليتني امــوـوت من الجوع و ارتاآح .
: لا لاتقول ها الكلام في ناس محتاجين وجودك .. بعدين يا ليتها فيني و لا فيك انا اعطيك فلوس .
: لا حشا ما تعطيني .
: الا اعطيك وش فيها ؟! و الا تبي تموت على حالك الردي .
: استغفر الله العظيم ادبر عمري يا روحي .
: وين تدبر نفسك .. سكتت و كملت : تبي تطر يعني .. لا انا اعطيك فلوس .
نواف و بنبرة حزن : ليه يا مها تحرجيني ؟!
: لا احراج و لاشئ انت حبيبي المهم اعطني رقم حسابك .
: طيب ارسله لك برساآله .
: في انتظاآرك .
: يا الله باآي .
: باآي .

قفل السماآعه من هناآ و جلس يضحك مع اصحابهـ .. الي كان مسمعهم مكالمته سبيكر ..!!
:هههههههههههه شفتوا انا ما قلت لكم هاذي البنت مهبوله تصدق كل شئ .
واحد من اخوياآه : ههههههه عاد الله الله لاتنسانا يا عبد الاله ( اسم نواآف الحقيقي )) .
: ابشر بس على قد ما ترسلي ها الخبله فلووس .
الشباب : هههههه .

هاذا ذنبي يوم انا حبيتك .. هاذا ذنبي يوم انا اغليك .. ليه تطعني في ظهري بسكاآكين .. و جعهاآ لو امــوـوت و اندفن تحت التراآب ما يطيب !!..

و هذا حال الدنيا و حال اغلب شباآب ها الآياآم .. يلعبون في البنت .. و هي مسكينه تصدقهم .. تظن انها بتلقى مع ها القلب القاسي الجاف الخالي من المشاعر و الاحاسيس حب و حنان و عاطفه .. وين الحب و وينهم ؟؟

قفلت الخط و ركبت في السياآره خلف بندر و هيفاء بجنبهاآ كلهم في المقعده الي ورى .. اما نوير جنب بندر ..
و راحوا يتمشون ع الامطاآر !!








في الجاآمعه ..
ريم و بشاير و ساره و دلاآل..,, استمتعوا بيومهم بكل ما فيه ..
تمشوا على المطر .. غنوا و رقصواآ .. تخبلوا عا الاخر .. في الاول تبرت منهم ريم بعدين اجلست معهم .. اذا جت سحابه قويه و امطرت .. راحوا يلعبون فيها لين ما تغرقوا .. و مو بس هم الي يلعبون !! لا كان في بنات مثلهم ..
في الاخير صارت تجلس ساآره في عربيه (( عربيه نقل الاغراض )) و تدفها بشاير .. و الــ ع ــكس ..
حتى انهكم اللعب .. و ما صدقوا على الله تجي الساآعه 12 و يخرجون ..
بلعوا غصتهم طول الاساآبيع الي راآحت .. و اكتموا عبراآتهم ..
و جاء الوقت الي لازم يتفارقون فيه من بــ ع ــد عشرة 13 سنه من اولى ابتدائي حتى اولى جامعه ..

جلسوا في كراسي و اتصلوا على عزيز و قال انه خلاآص جاآي ..
دنقت بشاير راسهاآ : يا الله راآح اشتاق للجامعه .
ساره : و الجامعه بعد راح تشتاآق لك و لهبالتك .. و الطاوله بعد مكانها خالي من بــ ع ــدك ..
دلال و عيونها مدمعه : بشاير تكفين لا تروحين و تخلينا .
ريم : هذا قضاء الله و قدره . بعدين بنتقابل الايام الجايه .
ساره و هي حابسه الدمـ ع ــه لا تطيح : هه متى بنتقابل يوم و الا يومين في الشهر و الشهرين .
و بكــــــت .. حطت يدها على وجهها .. هلت عبرتهاآ الي كتمتهاآ من اياآم و اسابيع ..
بشاير الي طاحت دمعتهاآ : بس يا ساره ما ابي اشوفك تبكين .
و راحت ضمتهاآ و حضتهاآ و حضنت معهاآ الامها و اوجاعهاآ .. اوجاع الفراآق و الــ غ ــياآب ..,,
شاركتهم دلاآل الموقف المؤلم .. و جلست تغني لانهاآ اذا غنت تحس انهاآ طلــ ع ــت حسراآت في قلبهاآ ..
غنت بصوتهاآ الشجي الرائع الملى با الاحساآس ..

في منطقه بر قريبه من الرياآض .. ربع ساآآعه تقريباآ .. وصل لها بندر و معه عائلته .. نزل من السياآآره و فتح الشنطهـ .. و راح يتمشى في الجو الي يرد الروح .. الارض روياآنه .. ولو يحفر فيهاآ شوي طلع طين ..,,
اتلثم بشماآغهـ عشان الجو كــان باآرد شوي .. و هذا شئ طبيعي بــ ع ــد الامطاآآر ,,
و راآح يمشي يتأمل .. و يفكر .. و وده لو يغني .. بس ما يقدر ..!!

بعد شوي رجع و جلس عند امه و خواته الي جهزوا الفطور .. و الشاآي .. أشر لهيفاء جهة المركى .. و جابت له المركى !!..
و اتكى عليه .. و شرب الشاآآي و فطر ..
في ها اللحظاآت ما غاآب عنه شكل مهاآ المتغير 180 درجه و حس ان فيهاآ شئ .. بس ما وده يسألها و يحرجهاآ ,,
نوير : الله يسعده نايف بيطلعنا البر كمن يوم نوسع صدورنا فيه .
هيفاء الي ارشفت من الشاآي و حطت البياآله : ايه وناآسه خصوصا انا بنطلع مع بنات خالتي .
: يا زين الطعه معهم ترد الروح .

فجـــأه تصرخ مهاآ باأعلى صوتهاآ و تتمسك فس عباة امهاآ بقوووه : يماااااااا .
: اش فيك ؟!
: شوفي الحيه تمشي من بــ ع ـــيد .
هيفاء الي اطمرت : يا ويلي شكلها يخرع لها رأس .
بندر حط بياله الشاآي ع الارض بقووه و قام .. ناظرها و راح السياآره و فتح الشنطه و طلع القطله ( عباره عن العصا الغليظة )..
نوير : يما بندر انتبه لا توذيك .
و راآح يمشي لهاآ و هي راآفعه رأسه و ما تتحرك من مكانهاآ ..
ضربهاآ ضربه قويه في راسه .. بس لا زال جسمهاآ يتحرك .. ضربهاآ مره و مرتين و ثلاآث و عقبهأآ ماتت .!!

رمى القطله و نفض يدينه .. و أشر لمها انها تعطيه جواآلهاآ ..
و عطته .. و يجلس يصور الحيه و هي ميته ..!!
هيفاء : بسم الله انت وش تصور؟!
مها : مو صاحي ها الولد من زينها عشان تصورها و ربي تخرع .
يضحك في نفسه على كلامهم .. و هو صورها عشان يوريها اخوياآه .. لانهاآ كبيره مره .. و تعتبر نوع من انواآع الكوبرا ,,
بعدها جلسواآ ..
مها : خلاص نبي نرجع الي فيني مكفيني .
ناظرها بندر با استغراب و أشر لها بمعنى ( وش فيك ؟! )
: طفشانه .
هيفاء : الله و اكبر و في البيت قلبتي روسنا ابي اطلع ابي اطلع .
نوير : هاذي البنت ما تأخذين منها لاحق و لا باطل .
: يووه وش فيكم علي خلاص انا سمعت خبر كدر لي حياآتي .
نوير الي حطت يدها على قلبهاآ : يا دافع البلاء .
: خبر ما يخصك .
تضايق بندر منهاآ .. و من تذمرها الزايد .. و أشر لها بمعنى ( روحي السياره ) ..
عقدت حواجبها : و لييييش ؟!
أشر لها بمعنى ( ازعجتيني )) ..
و قامت : فكه اصلا الجلسه معكم تجيب المرض .
ناظرها بأحتقار حتى ادخلت السياآره ..
قالت هيفاء : مي بصاآحيه انا اصلا ملاحظه عليها من ادخلت الجامعه و هي متغيره .
: الله يكفيها شر البنات .
: اي و الله .
جلس بندر يسمع سواليفهم .. و يشاآركهم بس مو كثير ..و يحرك في العود على الارض الرويانه .. يكتب في الارض اشعاآر .. و احيانا يكتب حرف الراء ,, و يتصرف مثل تصرفات المراآهقين يحق له .. لانه مجنون بريم من سنين !!..









في الباآص كل شوي ينزل بنت .. و كل ما انزلت بنت .. جلسن يبكن عليهاآ .. اليـــوـوم يوم الواآدع و حلاآل فيه الدمووع عليهم .. اليوم يوم ما تمنوه .. بس جاء و أخذ منهم اعز صديقه ( بشاير ) فاكهة الجلسهـ ..

و عند وصول الباآص لبيت بشاير ..
ريم : بشاير ابي انزل معك .
قالت بصوت مبحوح : حياآك .

ريم : يا عم انا ابي انزل بيت خالتي .
عزيز : خبرتي اهلتس .
: ايه كلمتهم .
: هي روحي الله يستر عليتس .
بشاير : يا عم سامحني .
: مسامحتس يا بنتي و انتي بعد سامحني .
: الله يسامحك .
قالتهاآ و بــ ع ــدها طاحت دمعتهاآ .. في اخر مكــاآن للذكرى !!..

نزلت ريم عند بشاير و تـ غ ــدت عندهاآ و ناآموا للــ ع ـــصر ..
و عقبهاآ صحوا و راحواآ يتمشون في مجمع !!.






و بــ ع ــد ثلاث اياآم .. كلم فيهاآ نايف حمد ( ابو بشاير )
و مساآعد ( ابو فهد ).. و سامي زوج مشاعل و خالد زوج هيفاء .. انهم يخرجون معهم للبر و يخيمون هناآك كمن يوم ..!!




في بيت سعد ابو نايف .. بعد صلاة الصبح ..!!
مها الي في المطبخ و فاتحه كتاب الطبخ تدور لهاآ على حلى : يما لقيت حلى حلو بس مقاديره مي موجوده .
نوير الي تسوي القهوه : دوري على غيره .
: مافي يما كلها شينه .
: استغفر الله . طيب و من وين نجيب لك مقادير .
: مدري ؟!
:ارسلي على بندر رساله .. هو ما بعد جاء للحين و وصيه .
مها الي حطت الي في يدها: فكره و الله .








ووصلت الرساله لبندر الي كان ينتظر متعب الي نازل يجيب فطور من المطعم ..
فتح الرساآلهـ .. و رجع قفلهاآ .. و هو في قمة الانسجام مع اصحابه الفلاآويهـ ..!!
سعود الي ورى بندر : تتذكرون ذاك اليوم يوم انا و بندر رايحين نتابع التفحيط و نمشي في شارع المفحطين و ازلقت السياآره من الزيت و مسكونا الشرطه .
الشباب : هههههههههه .
فيصل : و اتذكر اتصلت علي و جيتكم اشكالكم تحزن .
رايد : لا و سعود يقول للضابط لا ترفع صوتك علي ما تعرف انا ولد مين ؟! و عمي مين ؟! قال : ليتك ساكت .
الشباب : هههههههه .
فيصل : هذا ضابط ما تقدر تلعب عليه .

ووصل متعب و معه الفطور .. و أشر له بندر انه يوقف عند سوبر ماركت ووقف و نزل بندر يتقضى و عقبهاآ رجع ..!!
رايد : متعب حط لنا اغنيه .
: يا الله صباآح خير .
سعود : حط رابح صقر .
رايد : لا يا شيخ ..اقول متعب ناقصنا ازعاج حط عبد الحليم .
سعود الي عقد حواجبه : كح كح مغبر عليك غبار.
الشباب : هههههههههه .
متعب : لا انت و لا هو مانيب مأخذ ذنبكم .
فيصل : اقول متعب يا شينك لا تمطوعت .
رايد : ايه مو لا يق عليك .
سعود : هههههههه شباب تخيلوا متعب مربي لحيه .
متعب : هه يا ليتك بس تترك السماجه ابرك .
الشباب : هههههههههه .
سعود : اش فيك؟! مجرد دعاآبه .

و بــ ع ــد سكوت ثواآني ..!!
اشر لهم بندر بمعنى ( رايحين للبر ) ..
سعود : يا حظكم .
متعب الي التفت يمه : شباب و الا عوايل .
اشر له بمعنى ( عوايل ) ..
فيصل : اجل بنجي نخيم جنبكم .
خزه بندر و عقبهاآ سكت ..
رايد : هيه انت وش نخيم جنبهم عيب يا ابويا . هدولا البدو ما يحبوا احد يشوف حريمهم .
الشباب : ههههههههه .













دق الباب ..
: ادخلي .
قالتها بشاير و هي جالسه تكوي عباآتها حقت البر ..!!
فوزيه : عندي لك خبر يسوى ملايين .
: قولي وش هو ؟!
فوزيه الي تقلب في عيونه و تسوي حركات استهبال : ابوكـ اتصل على .. و اسكتت .
: اتصل على منو ؟!
: امممم على ماجد و قاله تعالوا خيموا عندنا .
بشاير الي اطمرت : صدق يما .
: ايه ووافقوا .
قامت بشاير وضمت امهاآ من كثر الفرحه .. لانها راآح تشوف حبيبها بعد طول انتظاآر .. من بعد يوم الملكه ما شافوا بعض ..







و في بيت مساآعد ..
البنات حايساآت الي تجمع في اغراضهاآ .. و الي تسوي حلاآ ..!!
هند الي ادخلت على ريم في المطبخ : يا الله يما اخلصي ابوك يقول بعد نص بنمشي .
ريم الي ترجع خصله من شعرها للورى : ان شاء الله بس الحلا يبيله شويات في الفريزر .
سكتت و قالت : يما فهد بيروح معنا .
زفرت بآه موجوعه : ما ظنيت .. الله يهديه بس .
: اميييييين .
ادخلت عليهم عبير : ريموه وين الاستشوار ؟!
: في درج التسريحه .
: دورته بس مالقيته .
: يا سلاآم يعني وين راآح با الله عليك .
: اسألي نفسك هو آخر من اخذه انتي .
: مـــــــدري .
: اوووف .
هند الي قاعده تخز عبير : استشوار وفي البر ؟!
عبير : ايه يما لازم من زيني و انا رايحه بكشتي .
: الحمد لله و الشكر .
و راحت تمشي ..










وصل بندر للبيت بعد ما فطر مع اخوياآه .. دخل للبيت .. و حط الاغراض عا الكنبه حقت الصاآلون .. و مر من عند المطبخ و أشر لمهاآ تجي تأخذ الاغراض ..
و دخل الغرفه .. و رمى نفسه عا السرير ..!!
دخلت عنده نوير : بندر تبي تروح معنا .
هز رأسه بمعنى ( نعم ) .
: هاه تجهز شويتين و ماشين.
اشر لها بمعنى ( بنام و الحقكم ) ..
: الي تشوفه .
**********

دخل نايف للبيت ..
: السلام عليكم .
نوير : و عليكم السلام .
جلس عا الكنب : يما انا ارسلت سلطان يشوف لنا مكان زين و ارسلت معه العــده .
نوير باأستغراب : سلطان بيخاوينا .
: ايه . انا رحت له و سنعته .
اسند ظهره عا الكنبه : و كلمت ابوي و بيخاوينا .
مها الي طالعه من المطبخ وفي يدينها المنشفه : يا ويلي ابوي بيروح معنا الله يعينا على مرته .. اجل انا ما نيب رايحه .
ناظرها نايف بطرف عينه .. بدون ما يعلق بس نظراته تكفي ..
سكتت و قاالت : قصدي بروح بس انا عارفه ان طلعتنا بتخرب .
نايف : اذا عاجبك اهلا وسهلا و اذا مو عاجبك طقي راسك با الطوفه .
رجعت للمطبخ زعلاآنه ..
نوير : و انا امك ما ألومها في مرة ابوك غثيثه .
: يعني وش اسوي ؟! اروح اقول لأبوي هونت ما نبيك تروح معنا .
سكت و قال : لا تنابشونهاآ ..ما تنابشكم ..






طق باب بيت مساآعد ..
ريم الي جايه مستعجله من المطبخ : مييييييين ؟!
: انا .
قالتها مشاعل , و هي جالسه تنتظر عند الباب .
فتحت ريم الباب : شعوله .
و ضمتهاآ و حبتها ..
و راحت تجري لغرفة النوم حقت امهاآ : يما يما مشاعل جت .
هند : صدق .
: ايه و هذاهي في الصالون .
و راحت عندهاآ ..! و جلست جنبهاآ .. مشاعل ما طلعت عباتها من السفر و مشواره ..
: ايوه شعوله اخبارك علومك ؟؟!
: بخير . و انتي بشري هاه نجحتي .
: الحمد لله .
دخلت عندهم هند : السلاآم عليكم .
: وعليكم السلام ..
قامت مشاعل و حبت رأس امهاآ .. و اجلست ..
: هاه يما كيفك اخبارك ؟!
: الحمد لله .
: و الله يما ما صدقت انك بخير لين شفتك .
: ايه ليــش ؟!
: صوتك و انتي تكلميني ما يوحي بخير .
: لا الحمد لله بخير .
و قالت ريم مصرفه الموضوع : بتروحين معنا البر .
: ايه اكيد .
: ياآآآآي وناسه .
: اصلا خالي حمد ( ابو بشاير ) .. اتصل علينا و قال تعالوا معناآ .
تدخلت هند : و سامي رجلك بيروح معنا .
: ايه .. و اتفق مع ابوي انا بنروح في سياآره وحده .
: حلو .
قامت و طلعت عباتهاآ و علقتها في المعلاآق :انا رايحه اخذ لي شور .
: هاه بسرعه ابوك و تعرفينه لا عصب .
: ان شاء الله و لا تأخرت اروح مع فهد .. سكتت : الا فهد وينه ؟!
سكتت هند لآنها ما تعرف تكذب على بنتهاآ .. و تداركت ريم الموقف : مع اخوياآه .
: اخ منه الدب زعلاآنه عليه ما عاد يتصل و لايسأل .
ما ردت عليهاآ ريم ... فضلت السكوت في مثل ها الواقف ..!!
قالت وهي ماشيه بتدخل الغرفه :ريموه وين الناشف و الارواب حقتك ؟!
: في الدولاآب .














و عند الساآعه 7 الصباآح .. تجهزوا بيت سعد ..
و في الخاآرج نايف ينتظرهم و واقف عند سياآرته البي ام دبليو السوداء ..!!
مها : نايف تعال اخذ السله .
: طيب بس انتي ادخلي السياآره لا تقــ ع ـــدين برا .
و دخلت السياآره و فتحت جواآلها ..
و لقت رساله من نواآف ( بلــ غ ــوه ان المسافه ما تأثر في غلاآه ,,, و خبـــروه اني اعزه حتى لو تبــ ع ــد خطاآه ))..
ابتسمت و حست بشـــوـوق داخلهاآ .. لا يمكن يوصف ..
رساله من حبيب القلب الــ غ ــاآيب ..
الي ما تتصل عليه الا اذا توفر معها رصيد .. و هو ما يتصل عليهاآ .. بحجة انه فقير و ما عنده فلوس .. و ابــوه طرده من البيت ..,,

ما قدرت تتحمل الشـــوـوق الي يتغلغل داآخلهاآ ..
و اتصلت عليه ..
و صلهاآ صدى صوته يقول : صباآح الخير .
ابتدى نبض قلبها يزيد اكثر و اكثر : صباآح النور و السرور .
: كيفك ؟!
: بخير و انت كيفك ؟!
: الحمـــد لله .
: وينك لا اتصال و لا سؤال .
: انت الي وينك ؟!
: انا ضايع في الدنيا .
: يا حـــــــراآآم .
: ابوي و راميني و ادور لي على شــ غ ــل في كل مكــان بس ما لقيت .
:طيب ورى ما تروح عن امك .
: امي في الطايف ..
: طيب وين عايشه ؟!
: عند بيت خالي و تشتغل تبيع .
: تبيع ايش ؟!
: مو مهم .
: تبيع فصفص و الا شراريب .
عصب و رفع صوته : مها احترمي نفسك .
: لا تصدق تراني كنت امزح .
: ما صار مزح
: ما علينا اسمع انا بروح البر .
قالها بدون نفس: ايه .
: و يمكن ما يكون اتصال .
: طيب وش اسوي فيك ؟!
: بس يكون عندك خبر عشان لا تعاتب .. انتبهة لامها و نايف جايين : يا الله باآي .
: بـــاي .

انقهر نواآف من كلمتهاآ لأنه يوم قفل السماآعه .. اجلسوا اخوياه يضحكــون عليه ..!!
: اوريها بنت ؟؟؟ ان ما ربيتهاآ .












اما في جمس مساآعد ..
فكـــاآن مساآعد و سامي رجاآل مشاعل قدام ..
و مشاعل و هند وراآهم .. و في المرتبه الخلفيه عبير و ريم ..
و كــان يمشي وراآهم مساآعد !!.







وصلوا المكـــان المتفق عليه .. في الضحى و اول من وصل له .. نايف و اهله .. الي كان وراهم ســ ع ــد و مرته ..!!

نزل نايف عند سلطــان الي سوى الخيمه و جهزهاآ : السلام عليكم .
: و عليكم السلام .. اررررررررحب يا نايف و يا ابو نايف .
نايف : و الله انك ذيبان يا سلطان .. المــكان زين .
تدخل ســ ع ـد : هو راآعي مقناآص و بر .
نايف : ما شاء الله عليك .

نزلوا الحريم في مخيم الحـــريم .. الي كـــان في الجهه المقابله من مخيم الرياجيل بس بــ ع ـــيد عنه شوي ..

مهاآ : المكــان حلو بس فيه ناآس بيخربوه علينا .
نوره ( مرة ســ ع ــد ) : وش تقصدين ؟!
: ابـــد ما اقصد شئ .

و دخلــوا الرياجيل في مخيم الحريم ..
نايف الي يمسك في العواميد : حلو ما شاء الله .
سعد : بس ورى ما بعدته عن مخيم الرياجيل و خليت بوابته من الجهه الخلفيه ازين .
سلطان : هو بــعيد بس لازم ندرق عليهم با السياآرات .
نوره تتدخل : يوه بعدين يصير كتمه .
سلطان الي خزها بنظره قويه : لا وش رايك تجون تجلسون معنا .
تدخلت نوير : و الله الجو حلو و الارض رويانه .. ورى ما نجيب عجايزينا .
نايف : افا وين راحت عنا ها الفكــره ؟! قم يا سلطــان رح جيبهم .
تدخلت نوير : لا سلطان من اول يشتغل خل بندر يمرهم و هم جايينا .
نايف : و انتي الصادقه في دربه الديره مهيب بــ ع ــيده .
بــ ع ــد ما ارسل نايف لبندر رساله ..
نوير : اجلسوا اجلسوا .. و انتي يا مها جيبي القهوه .
مها : حاظر يما .


و بــ ع ـــد ما جابت مهاآ اقهوه .. و تقهووا ..
سعد : هاه يا نايف كيف الشغل عساه ماشي معك .
نايف و هو يرشف من القهوه :الحمد لله .
سعد من طباآيعه يحب الفلـــوس يعبدها .. و على ذا كله بخيل ..!!
: انا حالي ماآش راتب التقاعد ما يأكل عيش .
عقد مها حواجبها و قالت عند اذن امها : من السوسه ماكله الاخضر و اليابس .
نوير بصوت شبه مسموع : اسكتي لا تسمعنا و تسوي لنا مشكله .

نايف : الا يبا انت ليش بعت البيت ؟!
: اشتريت سياره جديده .
سلطان باآسلوب هجوم : و ليه بعت سيارتك خابرها ما فيها شئ .
: لا و الله انها من خراب في خراب عفتهاآ و عفت اليوم الي شريتها فيه .
اكتفى نايف بهز رأسه ..
في ها اللحظه وصلوا بيت حمد و بيت مساآعد ..
قام نايف و معه ابوه و سلطــان .. و قال بصوت جهوري : البنات لا يمشون المكان فيه شباب .
قالت نوير : ان شاء الله .
لوت مها في وجهها و اكتفت با الصمـــــت ..!!





نايف يأشر لمســـاعد و حمد انهم يوقفون جموسهم قبال خيمة الحريم ..!!



عبير : ريموه من ذا الي يأشر لآبوي .
: مــــدري .
: ناظريه مزيون .
ريم بصوت جهوري : بعدي بعدي اشوف .
و بعد ما شافته : يا ويلي عليه يجنن .
عبير : مرررررره تهقين انه خالد رجال هيفاء .
: لالا ذا شكله اخو بندر لآنه يشبهه .
: مين ؟؟ لا تقوولين سلطان .
: لالا شكله نايف .

اعطتهم مشاآعل نظره .. عقبهاآ اسكتواآ و جلسوا يضحكــون ..!!







نزلوا الحريم .. للمخيم .. و اول من دخل فوزيه و هند .. و وراهم مشاعل و ريم و عبير و بشاير ..
قالوا السلاآم .. و ردوا عليهم ..!!
و حبوا بعضهم و اجلسواآ ..
طبعاآ الحريم نوره و نوير و هند في صدر الجلسه .. و في الجهه الي جنبهم .. مشاعل و فوزيه .. اما البناآت فكانوا جالسين في طرف الخيمه ..
مها : وحشتووووني ما صدقت اشوفكم .
بشاير : و انا بعد .. سكتت و كملت : ما دريتوا يا بنات حبيب القلب بيجي .
اطمرت عندها عبير : صدق .
:ايه صدق و بعدين بلاك طمرتي عندي لا يكون ناسيه انه خطيبي
البنات :ههههههه .
: يا ليل الحلوين .. و الله وناآسه .
البنات : ههههههه .


اما في جهة الحريم .. نويرتأشر جهة الحريم بتعرف نوره عليهم : هاذي هند بنت خالتي و ذيك فوزيه و الي جنبها بنت هند .
اكتفت نوره بهز رأسهاآ ..
مشاعل عند أذن فوزيه : احسها خبيثه .
فوزيه الي كاتمه الضحكه : نفس الشعور .

طبعا تقهوا الحريم الي باشروا عليهم البناآت .. و راحوا البنات يمشــون بس قريب ..!!
يستمتعون با الجو الربيعي .. الغيوم .. و الارض الرويانه الي ريحتها مطر .. و العشب الاخضر ..!!
طبــ ع ــا الناس في المنطقه الي هم فيهاآ كثير و خصوصا الشباآب ..

تغدوا و عقبهاآ نامواآ .. و بعد صلاة العصر الكـــل صحى ..
و أولهم ريم المتلهفه لشوفة حبيب القلب ..!!
مها : بسم الله علينا انتي صاحيه .
ريم و هي تفرك في عيونهااآ : توني صحيت .
عبير : ما تدرين هاذي جالسه تنتظر العاآشق الولهاآن .
مها : و انا اقول وراآها واقفه عا الاطلال .
البنات : ههههههههه .
مها الي التفتت يم بشاير المنسدحه عا الارض و ماسكه جوالها بيدها : و انتي عشيقك متى بجي .
بشاير الي مي يمهاآ : وش ؟!
: اقول حبيب القلب متى جاآي .
: يقول باقي لهم ساآعه .
: هيا هيا و انتي بس متبطحه و ناطه عيونك ع الجوال .
قالت بدون نفس : هيا وين ؟ّ!
: نتوضى و نصلي .
: ارتاحي ما علي صلاآه .










بــ ع ــد الصلاآه و صل بندر و معه جدته ( نوره )) و جدته ساره ام هند و فوزيه ..

دخلن العجايز و سلمن عليهن الحريم و البناآت ..
و جلسواآ البنات مع الحريم جلسه وحده ..
نوير : يما مها جيبي القهوه .
تدخلت هند : و نادي ريم مــ ع ــك .
قامت مهاآ .. و راحت تجيب القهوه ..
ووقفت ورى ريم بدون ما تحس و بغت فيهاآ ..
ازبنت ريم و اخذت نفس عميق: عمى في وجهك خرعتيني .
: تستاهلين احد قلك اقعدي تصبري .
: ابا اشوف حبيبي . قالتها بـــدلع ..!!
: لك ساآعه و ما شفتيه.
: الا شفته بس ما شبعت منه .
كشت مها في وجهها : هي لا شبعتي منه تعالي ذا اذا ما خلصت القهوه .
: روحي روحي بس .

و جلست تلتفت يمين و شمال تدور عليه .. تبي بس تلمح زوله الي انحرمت منه طول الفتره الي فاتت .. آخر مره شافته في المجمع .. و عقبهاآ ما شافتهـ ..!!

طلع من المخيم و اتجه لسياآرته .. لابس ثوب ابيض و غتره .. و لابس نظارات شمسيه كشخه معطيته شكل رزه ..
فتح باآب السياآره و جلس في المقعده حط رجل و الرجل الثانيه برا .. و ارتخى يدور على جواله ..

و من الناآحيه الثانيه قلبهاآ يــدق و تزيد نبضاآته .. ودها تروح تضمه .. و تشم ريحته الي غابت عنهاآ من شهــوـور ..
ودهاآ بس ما تقـــدر ..!!
غمضت عيونهاآ ..و طاحت دمعتهاآ .. دمعة الفـــرح لشوفته ..
الي يا ما تمنت و احلمت فيها اياآم و ايام ..
مسحت دمعتهاآ .. و استكثرت انهاآ ترمش .. تبي تشبع من زوله .. و من شوفته !! الثانيه طويله با النسبه لهاآ ..!!

قفل باب السياره .. و دخل يدينه في جيبه يتفقد اشيائه ..
و مشى .. و مشت معه دقاآت قلب ريم


رجعت للمخيم و الارض مي شايلتهاآ من الفرحه ..
وجلست جنب البناآت ..
هند على نياتها : وينك ؟!
: كنت منسدحه .

مهاآ بصوت منخفض : هاه شبعتي منه .
ناظرتها و ابتسمت : اقول صبي لي قهوه .
: اخلصت .
: عن العيــأره ترى رأسي بينفجر من الصداآع .
و صبت لها مهاآ القهــوه .. و جلسوا يسمعون لسوالف الحريم ..!!
نوره : فوزيه ما عندك عيال .
فوزيه بثقه : ايه . عندي بشورتي ماليه علي الدنيا كلهاآ .
: و زوجك ما يبي عيال .
: لا يقول بنت تكفي .
: و انتي ليه ما جبتي غيرهاآ .
:قضاء الله و قدره .
ناظرت نوره في بشاير : مسكينه ما عندها خوات و اخوان .
قالت بشاير : اهم شئ اني مبسوطه و ماني مسكينه المسكين المريض .. و الا الي ما يجيبون عيال . << قصدها نوره .
تغير وجه نوره و صار اشكــال الوان ..!!
غيرت نوير السالفه : الا مها ما اتصلتي على هيفاء شفتي هي وينها فيه . و متى بتجي ؟!
: لا و الله هني ما في شبكه زينه مره تشبك و عشر مرات تفصل .








اما الرياجيل جالسين في الخارج و شابين النـــاآر ..
و جلستهم ما تنمل .. و يغني لهم سعد شيلاآت و يسمعم قصاآيد .. و هم يرددون وراه ..,,







و قبل المغرب .. و صل مــاجد خطيب بشاير .. و معه ابـــوه و خواآته ..


دخلوا شذا و جوري : السلام عليكم .
الكــل : و عليكم السلام .

جلســوا بعد ماسلمــوا جنب بشاير و البنات ..
بشاير : كيفكم ؟!