الــــــبـــــــارت الـــــرابـــــــــع
؛؛
؛
..آآهـ لو تدري بـ قلبي وشـ يقول .. ؟
يوم تقطع خطوتك ' حبل الوصال '
تشهق أنفاسي ويملكني الذهول !
وتنرسم في نظرتي كلمة ' تعاااااااال '
:::
:::
:::
كانت نايمه بسلام وهدوء .. لكن نغص عليها الكابوس نومها الهادي قامت مفزوعه
وهي تشهق ..وكلها عرق وخوف .. ركضت للحمام تستفرغ <<وانتم بكرامه
حست روحها راح تطلع ... نص ساعه وهي بالحمام تستفرغ . ما ارتاحت الا لما صار تستفرغ دم ... تعودت تشوف هالمنظر .ذبحها الالم والصمت .. رجعت لسريرها
هالكها التعب ... او ما غمضت عيونها .. ترددت بذاكرتها ...ذكرياتها الاليمه
صوت صراخ كان بيفجر راسها ...تتردد باذنها الكلمات ... وهلت دموعها .. قامت عشان ما تزعج رغد .. طلعت بالصاله واخذت سجادتها تصلي .. وتقراء قران
:::
:::
:::
فهد يلمس خدها بنعومه : هاه حبيبتي ويش شعورك وانتي معي
راويه تضمه : احلى شعور .. دامك معي مابي من الدنيا شي .,
راويه بدلع: فهودي حياتي
فهد: عيونه .... فديت الغنج وراعيته
راويه : تحبني ؟؟
فهد: لا ما احبك ..انا امووت فيك ..اعشق الارض اللي تمشين عليها
راويه : الله لايحرمني منك ياحبيبي انت
فهد: ولا منك .. نامي الحين واذا اصبحنا يصير خير ...نامت ومانقشته ابد ..
فهد (( نامي ياحبي .. نامي ولا صحيتي بيكون لنا كلام ثاني ))...
:::
:::
:::
بعد ماخلصت من قراءة القرآن راحت تسوي لها نسكافيه لان النوم مجافيها ..
اول مادخلت المطبخ ..سمعت صوت شهد ..
شوق : معقوله تكون صاحيه للحين ؟؟...اتجه على طول لغرفة شهد ودقت الباب
شهد: اوكي حبيبتي بشوف الباب توصين شي
...: سلامتك سمعينا صوتك
شهد: اوكي قريب ان شاء الله ..قفلت الجوال وفتحت الباب
شهد: نعم تبين شي
شوق : فيك نوم
شهد : ايه الحين بنام .. ليش تسالين
شوق : سمعت صوتك قلت اكيد مافيها نوم
شهد : كنت اكلم فاتن دقت علي وسولفنا شوي بسالفه وقفلت
شوق : طيب نامي بكره وراك جامعه ... تصبحين على خير
شهد : وانتي من اهله .. سكرت الباب وراها وهي متاففه منها .. وراحت تنام
:::
:::
:::
يوسف : عبود .. شفت البنت اللي ضربت اختها بالمطعم اليوم
عبدالله يقفل الكتاب : ايه .. تتوقع في خوات كذا
يوسف: حزنتني البنت تفشلت قدام الكل وقدام صحباتها
عبدالله: شكل بينهم سوء تفاهم .. يالله هي الحياه كذا
يوسف : قلبي اشفق عليها باين انها مالها بالمهاوشات اما اختها واضح انها شرسه
عبدالله يتكي على التكايه: عيونها ....آآآآآآآآآآه ياعيونها
يوسف : فتاتك ... ألم تغادر خيالك ؟؟
عبدالله: كيف تغادر خيالي وهي من اول نظره ملكتني
يوسف : اقولك .. عندي لك حل
عبدالله : على ايدك ... الحقني فيه
:::
:::
:::
الساعه 3 الفجر ..
اندق باب الغرفه بقووووه فظيعه كان عاصفه وراه ... قامت مفجوعه .. تدوره ومالقته
والدق كل ماله ويقوى اكثر واكثر ... شوي انفتح الباب وهي لابسه روب القميص
ابوها : راويـــــــــــــــــــــــــه
راويه بخوف : بـــــابــــــا
ابوها يمسكها : امشي معاي امشي .. نتفاهم بالبيت
راويه تبكي : بس ... بـــ....ــس انـ...
ابوها يجرها : اقولك امشي وطيتي راسي ... فضحتيني ... امشي هيا
راويه تاخذ عبايتها : ائههههههههههئ ....
ابوها : الله لايبارك فيك من بنت ...انا الغلطان اللي رخيت لك الحبل ..سحبها بقوه وهي ميته بكاء
:::
:::
:::
فهد : ههههههههههههههههه هذي ورميته رميت الكلب خلي ابوها يلتهي فيها عني
خالد : حرام عليك ... صدقني بترجع باختك او بنات خواتك ....
<< خالد صديقه من ايام الطفوله وبينهم صله قرابه من جهه ام فهد وهو اللي يعرف كل صغيره وكبيره عن فهد
فهد : خلها الواطيه ... اصلا هي ماهي بنت يكون بعلومك
خالد تفاجأ : من جد تتكلم ؟؟ ... فهمني زين ..
فهد : اللي سمعته .. راويه ما كانت بنت .. يعني مو بس نامت معي
خالد : يوووووه .. اعوذ بالله الله يستر علينا ...سكت شوي بعدين طالع فهد بنظرات شك
خالد : لاتكون تقول هالكلام عشان تبعد الشبهه عنك
فهد : انا اذا سويت شي اقوله كان عيب او حرام ... وهالموضوع بالتحديد انا ما اكذب فيه
خالد : ماني متطمن ... احس انك راح تطيح بمشكله مالها اخر
فهد : قصدك انا اطيحهم بمشاكل مالها اخر ... بعدين هي اللي بايعه نفسها .. جاتني برضاها..
خالد : والله مدري عنك يافهد .. انتبه لنفسك ...
فهد : اقول خالد لاتسوي انك تركت بلاويك عشانك خطبت وبتتزوج
خالد : القصه ماهي كذا .. انا تبت الحمدلله والله تواب غفور وان شاء الله يقبل توبتي .. بس لازم انبهك عند الغلط
فهد : واللي يرحم والديك اعتقني من نصايحك .. وخلني بكيفي
خالد : اجل من راح بكيفه كيفه يوديه وكيفه يجيبه وانا سويت اللي علي
طلع من عنده معصب لان خويه مستحيل يتغير ابدا .. وراح لبيتهم .. اما فهد اتجه لقصره .. عشان ينام ويرتاح ..
:::
:::
:::
بعد اذان الفجر .. صحت البنات عشان يتجهزون للمدرسه ...بعد ما جهزت الفطور
على الفطور
ابو مها : شكلك مانمتي ياشوقه اللي مسويه لنا فطور معتبر
شوق : اي والله ماجاني نوم ياعمي ...
ابو مها : تسلم يدك على هالفطور ... يالله يابنات استعجلوا تاخرتوا على مدارسكم
هنادي : يبه الله يسلمك اللي يقول كل وحده بديره ترى كلنا بمدرسه وحده
ابو مها : طيب خلي الهرج اللي ماله داعي واخلصي علينا
هنادي قامت : طيب الحين بروح اخلص ... راحت للغرفه .. وطلعت مريولها البني ولبسته
وقفت قبال المرايه وشغلة الاستشوار تزبط قصتها .. لان شعرها قصير لحد شحمة اذنها
سمر : الله لا يبلانا .. شعرك كله شعرتين ويش تستشورين ؟؟
هنادي : ويش خصك خخخخخ ... شعري ازين من شعرك اللي كنه ليفه
سمر : على الاقل طويل شوي مو مثلك مسويه فيها بوي
هنادي : يارررربي بوي بكيفي عندك اعتراض
سمر: سلامتك ماعندي .. وفتحت الدرج تدور سلسالها الفضي
سحر : هيا بنات استعجلوا الساعه سبعه الا ربع اللحين تروح علي حصه الكيمياء
هنادي : يالله انا خلصت باقي سمر
سمر: وانا بعد بس اجيب طرحتي والنقاب واجي
بعد ماخلصوا ووصلوا للمدرسه ...
هنادي : خساره مشت الطوابير .. كان ودي افلها مع بنات العلمي
ريم : اقول روحي فصلك .. ونزلي عباتك اللي على الكتف لا تجيك ابله خديجه
هنادي : اقول باي يا خوافه انتي وهي .. اللي تلبس نقاب واللي عبايه على الراس
سمر: طيب روحي بس لاتشوفك ترى ملفك امتلى تعهدات
هنادي : باي .... مشت لفصلها .. وهي بالممر
المديره : تعالي تعالي .. على وين
هنادي : بلحق حصه التوحيد
المديره : لا حنا بناخرك حبيبتي .. عشان عبايتك
هنادي : ابله بسالك ما تملين وانتي تراكضين وراي .. انا عبايتي ماراح اغيرها لو ايش يصير ريح راسك
المديره : طيب ابيك تعطيني رقم امك
هنادي سكتت بعدين تكلمت : بعطيك رقم اختي
المديره : لالا .... رقم امك او ابوك
هنادي : طيب بعطيك رقم امي امري لله ..
المديره : الحقيني بالمكتب .... اعطت المديره الرقم وراحت
::
:::
:::
...: ابيك تجيب لي المعلومات كامله مابي معلومه ناقصه سامعني
...: حاضر تامر على شي ثاني
...: لا بس اذا طلع معك شي جديد على طول اتصل علي
...: ابشر ... بعد ماقفل الخط ... ارتكى على كرسيه
(( يارب يصير اللي براسي ))
دق التلفون
...: هلا يبه ..سم .... ثواني واكون عندك .. قفل الخط وراح لمكتب ابوه
:::
:::
:::
بالجامعه
كانت جالسه لحالها ... طنشتها اليوم في البيت وفي السياره ولا اعطتها اي اهتمام
اول ماشافت ريماس راحت لها ..
رغد : كيفك ريماس ؟؟
ريماس : الحمدلله بخير انتي كيفك ؟؟
رغد : الحمدلله زينه ..ريماس ممكن نجلس شوي مع بعض ابي اتلكم معك
ريماس : طيب .. وين تبين نجلس
رغد : خلينا نروح مكان بعيد ..مابي احد يشونا باخذ راحتي معك
ريماس : يالله اساسا انا ابي اتكلم معاك من زمان
راحوا للكوفي وجلسوا بزاويه بعيده عن الانظار .. وتكلموا مع بعض
بعد نص ساعه من الكلام
رغد : لا تجننيني ياريماس .. لاتلفين وتدورين بليزز اذا عندك شي قوليه
ريماس : رورو ويش تبيني اقولك مثلا ..اخترع لك سالفه
رغد : انتي تدرين انا ويش ابيك تقولين .. قولي ويش بينك وبين فاتن وشهد
ريماس : شهد مابيني وبينها شي .. فاتن هي اللي اذتني وشهد تركتني لانها .. وسكتت
رغد : لانها ويش تكلمي لاتسكتين
ريماس : ارجوك يارغد هالموضوع لاتفتحينه معي لاني كرهتهم ولا عاد يشرفني اكون صديقه لهم
رغد : والسبب ابي سبب يقنعني
ريماس وقفت : مابيك تنصدمين ببنت عمك وصديقتك .. وراحت
رغد تحس الدنيا تدور فيها حطت راسها على الطاوله ...تفكر بكلام ريماس
ساره لفت يدها على ظهر رغد : رورو .. تعبانه ؟؟
رغد : شوي احس بدوخه .. شوي وتروح
ساره : اجيب لك شي تشربينه
رغد : ياليت شي بارد ... لاني عطشانه
ساره : طيب ابشري من عيوني
رغد (( انصدم ببنت عمي وصديقتي ... انا لازم اسوي شي ... اكيد هالموضوع راح ياذي شهد .. وفاتن ..خير ان شاء الله ياريماس وراك وراك لين تنطقين باللي عندك ))
ساره وصلت معها عصير مانجو : احلى عصير لاحلى قمر
رغد : ويش اخبار خطيبك ؟؟
ساره : على حطت يدك .. بارد كالعاده ذبحني طول الوقت مكلج
رغد : ههههههههههه احسن شي عشان تضحكين على تكليجاته
ساره : ياربي ويش بلاني به قروي جاي من الديره .. تصوري مايعرف شي بالمدينه
طفشني ...ماعنده رومنسيه كل تفكيره غنم .. بر .. نار .. كشتات مع عيال ديرته
رغد : هههههههههههههه اللهم لاشماته .. ماعليك يتغير بعد الزواج انتي زبطيه
ساره : اي تزبيط ياحسره قسم بالله انه ثور ...
رغد : ثور ولقى بقرته ....خخخخخخخخخخخخخخخخخ
ساره تضربها : وجع الحين انا بقره يا دجاجه
رغد ترفع يده للسماء :يارب ارزقني بالديك اللي اكمل معه حياتي
ساره : هههههههههههههههههآآآآآآآآآآآآآآآآي ... يارب اجبر خاطر هالمسكينه
رغد : اقول ويش بقى لك من اغراض زواجك
ساره: باقي وباقي .. ويش اقول وايش اخلي ...
رغد : لاتكون نفسيتك متاثره اهم شي انك تتقبلين الزواج
ساره : آآآخ يارورو .. لما يكلمني بالجوال غير ادق عليه تصوري
رغد انسجمت : وليش طيب مو هو خطيبك المفروض هو يدق عليك
ساره : خايف على رصيده يضيع على سوالفنا اللي مالها داعي بنظره
رغد : ويــــــــش!!! .. بجد تتكلمين والا تمزحين
ساره : والله حتى قلت لابوي وقلت لاخواني .. بس يقولون ولد عمك ولازم ترضين فيه
بعيوبه ومزاياه...
رغد : الله يكون بعونك ... من جد ادعي لك
ساره : يالله ربك كريم ..
رغد (ياعيني عليك ياسوسو شكلك ماتبين هالزواج من اساسه .. الله يصبرك على مابلاك )
::
::
::
فاتن : هاه بشري ...وش صار معك
شهد تجلس على الكرسي : كل اللي قلبك يحبه .
فاتن : طيب ورغد ويش صار معاها
شهد: ولا شي مانكلم بعض
فاتن : طيب مو انتي وهي بغرفه وحده
شهد : صارت تنام عند شوق اختي بغرفتها
فاتن : شوق اختك اللي ....
شهد تغيرت ملامحها : فــــاتــن .. بليززز هالموضوع مابيك تجبينه على لسانك
فاتن : حقك علي حبيبتي .. وربي طلعت عفويه .. سوري
شهد تشيل شنطتها : طيب انا رايحه للبيت باي
فاتن : لاتكوني زعلتي شهوده .. وربي ماراح اسامح نفسي
شهد : لا والله مازعلت ... بس تاخرت وجلالي لقيت له مكالمتين ويستناني برى
فاتن : اوكي اشوفك بكره
شهد : مع السلامه .. لبست عبايتها وطلعت
بــالــسـيـاره
شهد : جلالي ابيك تمر الي سوبر ماركت ابي بطاقه شحن
جلالي : اوكي شهد .. كم يبي
شهد : بــ50 ريال
جلالي : شهد انا البارح في اشتري 50 بطاقه يعطي 30 زياده
شهد : طيب جيب لي يالله
جلالي : اوكي ... الحين اوقف عند محطة ..
شهد (( ياربي هذ كيف اتكلم معاها ... ويش اقول لها ..لالا خلوني اتركها هي اللي راح ترجع لي مو انا اراضيها ... مصيرها بتعتذر لانها هي الغلطانه ))
رغد (( توي عرفت انك ناركة معروف ... وما ينفع فيك الجميل .. حتى كلمه اسفه ماتبين تقولينها تستنيني انا اقولها لكن والله ما اقولها لك لو على موتي ... خلي غرورك ينفعك ))
وصلوا للبيت .. ونزلت شهد .. ورغد كانت تكلم جلالي .. بعدها بشوي نزلت ودخلت البيت
::
::
::
يوسف : الاولى صح
عبدالله : لا الثانيه عرفت عبايتها ..
يوسف: يؤؤؤ الاولى جسمها عذاب .. وبعد العبايه مخصره مبينه جسمها بزياده
عبدالله : اقول لا تقرب منهن ... خلك بالي عندك
يوسف : بدينا من الحين ... خخخخخخخخخخخخخخخخ
عبدالله : تحسبني ما اخبر سوالفك
يوسف : شوفها نزلت مره ثانيه
عبدالله : اي والله امش امش وراهم ... ولحقوا سيارتهم
نزلت رغد للصيدليه .. ونزل وراها عبدالله بسررعه
رغد : لو سمحت عندك حبوب ......
الصيدلي : ايوه
رغد : اعطيني ... راحت قسم الاطفال عجبتها لعبه صغيره على شكل ميكي ماوس اخذتها
عبدالله : اعطيني فيفادول ..
رغد : الحساب لو سمحت .. طلت بعبدالله حست ان شكله مالوف عندها تذكرت اللي امس صدم فيها بالمطعم .. وجاب لها جوالها واعتذر
رغد ( لالالا اكيد مشبهه عليه مو هو ... او اتوهم .. ) صرفت نظر عن الاوهام اللي تجيها
الصيدلي : 40 ريال .. وطلع الفاتوره .. دفعت الحساب وطلعت .. بعد ما نزلت مع الدرج ما انتبهت للدرجه الاخيره ... وطاحت تالمت مرره .. طلع عبدالله وشافها طايحه
راح لها بسرررعه ومسك يدها
عبدالله : سلامات .. تعورتي
رغد تبكي : لالا ما تعورت
عبدالله : اذا تعورك اوديك المستشفى ..
رغد : لا مايحتاج ..حاولت توقف بس ما قدرت الالم فظيع .. ساعدها بالوقف
عبدالله : جربي تقدرين تمشين .. اول ما ضغطت على رجلها صرخت
عبدالله : شكلها مكسوره ..خليني اوديك المستشفى
رغد تبكي : ائهههههههههههههئ .. جلالي .. جلالي
عبدالله : يابنت الناس امشي للمستشفى
رغد : ناد السواق ... اشر له عبدالله وجاء جلالي
جلالي : رغد .. ليش جالس على الارض
رغد : امسكني ركبني السياره ...انقهر عبدالله منها كيف تثق بالسواق وماتثق فيه
عبدالله: ودها المستشفى وانا بجي وراك
رغد تمسكت بجلالي : مايحتاج ... بروح البيت
عبدالله : رجلها مكسوره لازم تروح المستشفى ... اخذها جلالي وراح للمستشفى ..ولحقهم عبدالله ويوسف
يوسف : مالها داعي قطت الوجه .. باي صفه جايين
عبدالله : تكفى يوسف اسكت ماني ناقصك ..
يوسف : لنا ساعه واقفين ننتظر ... ماخلص من كلمته الا طلعت رغد بالكرسي المتحرك ورجلها مجبره ..
الممرضه : ماتشوفين شر ..
جلالي : يالله ماما شوق في ددق علي .. وشهد
رغد : شهد دقت عليك
جلالي : ايوا في يبكي قول ليش رغد مايجي البيت تاخرتوا
رغد فرحت : طيب يالله خلنا نرجع .. شافت عبدالله وانتفضت تذكرت موقفه الرجولي معاها
استحت منه ومن نظراته اللي تراقبها
رغد (( لاتطآلع في عـيوني خـآيفة // يضيع الكلَآمـ..
تدري إن الكون وآآآسـع ,, لكن عيونك زحــامـ..!))
جاء يوسف ومعه عبدالله يمشون بأتجاهها
عبدالله : ماتشوفين شر
رغد : الشر مايجيك ... حست في كلام تبي تقوله لكن منحرجه منه ماتدري كيف تتكلم
رغد : مشكور على وقفتك معي تعبناك
عبدالله : لا تعب ولا شي هذا الواجب
رغد : اسفه يـا.... وسكتت
عبدالله: معك عبدالله ...
رغد : على العموم اسفه اذا عطلتك عن اشغالك ..
يوسف : والله ماسوينا الا الواجب ...اهم شي سلامتك
رغد : الله يسلمك ...
جلالي : يالله رغد هذا شهد في ازعاج مررره .. في قول تعالي وديني مع رغد
رغد : عن اذنكم .
عبدالله : المره الجايه انتبهيي لطريقك .. مع السلامه ..
كل واحد اتجه لسيارته
يوسف: مابغيت تعتقنا ياعم .. قسم بالله انك شوي وتدخل بحلق البنت
عبدالله: ياويل حالي انا ... سمعت اسمها
يوسف مسوي دايخ : رغودتي .. ياحليلها
عبدالله : هيه .. انت ما اسمح لك
يوسف : اقول ترى البنت انحرجت من عيونك شوي وتاكلها
عبدالله: غصب عني اول مره احس عيني طويله
يوسف: بدري .. توك تدري ان عينك طويله
عبدالله: ماشفت عيونها ... عيونها دنيا ثانيه
يوسف: اي بالله عليها عيون تسدح
عبدالله : مكأنك صرت تتكلم عنها كانها خويتك
يوسف : عادي ياشيخ امون عليك حبيبتك هي حبيبتي
عبدالله : طالع طالع طريقك لا اسوي بوجهك خرايط
بعد ماوصلت للبيت نزلت لها شوق تساعدها تطلع الدرج ..لان شهد تصلي الظهر
شهد تضمها : الحمدلله على سلامتك ياقلبي
رغد : الله يسلمك
شهد ودمعتها تخونها : سامحيني يارغد سامحيني .. والله ماكنت اقصد
رغد تضمها : مسامحتك اهم شي عرفتي غلطك
شوق: كيف رجلك الحين
رغد : مررره تعورني .. عندك مسكن
شوق : ياقلبي انتي الحين اروح ادور لك
جات هنادي وسحر يركضون
هنادي : رغـــــــــــــــــد
سحر: وآآآآآآآآآآآآآآآآآآآو ... ويش ذا
رغد تضحك : من العمى والله
سمر اول مادخلت : كيف رجلك جلالي يقول انكسرت
رغد : ايه طحت وتعورت
جات ريم وجلست عندها : فتحي عيونك المره الجايه
رغد : كلامك نفس عبدالله
البنات : عبدالله ؟؟
رغد : هذا اللي ساعدني ووداني المستشفى
سحر : يؤؤؤؤؤؤؤؤؤؤؤؤؤؤؤؤؤؤؤ
شوق : وهذا المسكن حبيبتي .. الحين لازم تروحين غرفتك ترتاحين
هنادي : درى ابوي
شوق : لا ماقلت له عشان مايرتفع سكره وضغطه
ريم: الحمدلله لاتقولين له الين يجي .... جاهم صوت عمهم
ابو مها : يـــابــنـــآآآآآآآآت
سمر: حنا بالغرفه يبه
ابو مها بعد ماوصل الغرفه : علامكم كلكم مجتمعين هنا
شهد : عشان رغد .... انتبه لرجلها
ابو مها : رغدوتي فيك شي .. وعلام رجلك كذا
رغد : طحت وانكسرت رجلي وتوي جايه من المستشفى
ابو مها : ليه مادقيتي علي
شوق : انا قلت مانبي نخوفك .. عشان الضغط والسكر ياعمي
ابو مها : ومين وداك
رغد وجهها حمر :السواق واثنين ساعدوني
ابو مها : وشــــلــووووووووووووووون ؟؟
شهد : هي كانت رايحه للصيدليه تجي لها اغراض .. وماشافت الدرج وطاحت وبس
وساعدوها اثنين فيهم الخير
ابو مها : اهم شي رجلك .... صار لها شي تبيني اوديك المستشفى
رغد : لالا الحمدلله الحين بخير ..
ابوها : طيب يالله بشيلك اوديك غرفتك
رغد : لا يبه .. ويش تشيلني .. وقلبك
ابوها : قلبي مو اهم منك يابنتي
شوق : لا ياعمي انا وشهد بنساعدها ..نوصلها الغرفه لاتخاف
رغد : ايه شوق وشهد
ابو مها : اللي تشوفينه بس العصر بروح اشتري لك عكاز ترتكزين عليه
هنادي : والله كبرتوا السالفه اهم شي انها سالمه .. بروح انام
شوق : والغداء ؟؟!!
هنادي : ما ابي ... وراي صحيه من العصر
سمر : بغير ملابسي واروح المطبخ احط الغداء
شوق : طيب ... ريم ساعديها
ريم : من عيوني ..
:::
:::
:::
بــالـــريــاض
ندى : يبه ابي فلوس
ابوها : قبل اسبوع معطيك 3 الاف وين راحت
ندى : صرفتها .. وبعدين يبه 3 الاف ماتجيب لي ساعه وشنطه وجزمه حلووه
ابوها : الله واكبر 3 الاف راتب موظف ماتجيب اللي قلتيه
ندى : والله يبه انت خبرك الدنيا مثل اول ... ياحبيبي الدنيا تغيرت والاسعار ارتفعت
ابوها : الله المستعان .. كم تبين
ندى : اللي يطلع من خاطرك
ابوها : الفين غيرها لا
ندى : اوكي ماعندي مانع
ابوها : اجل احطها عند امك
:::
:::
:::
دخل مكتبه .. واخذ لوحته وقام يرسم وما بباله شي محدد .. فجاءه بدت ترجع له ذكرياته
ذكريات الطفوله .. ذكريات امه .. وجده .. كل شي بحياته مرتبط فيهم ... كسر الفرشه
ورمى اللوحه .. وصرخ
...: بـــــــــــس كــــفــــآآآآآآآآآآآآآآآآيــــه
حط راسه على مكتبه وهو يحاول ينفض الافكار .. لكن ماقدر .. بداخله بركان يغلي
بداخله اشخاص يصرخون ... يحاولون يخرجون خارج قضبانه ... وقف وطلع غرفته
اخذ له دوش سريع . وطلع لاف الفوطه على خصره .. وشعره اللي واصل للرقبته مبلل مويه ....طالع شكله ... حس المرايه تجامله .. وتكذب عليه .. ترك كل شي ولبس ملابسه وطلع ..
:::
:::
:::العصر .. ببيت ابو مها
شوق : ويش رايكم حلووو ... كانت لابسه بلوزه احمر كت طويله لنص الفخذ وبنطلون اسود ضيق .. ورافعه شعرها ذيل حصان .. وطالع شكلها جونان
نتكلم عن شوق
<< هي اجمل وحده من اخواتها وبنات عمها .. بشرتها بيضاء صافيه ...عيونه عسليه واسعه .. شعرها بني كستنائي طويل لاخر ظهرها .. وجهها دائري شفايفها توتيه ...جسمها مخصر وممتلى شوي لكن تقاسيمه روعه ...انوثتها ساحره وجاذبيه جاذبيه عربيه قاتله ...طولها حلو بس تميل للقصر اكثر .<<ريم: صراحه جنااااان ... بس ليه الشياكه الحين
سحر: عندك مشوار وماقلتي لنا
شوق تهز راسها : يس يس عمتى ام خلود بيجون صديقاتها يزورونها وقالت تعالي عندي ابيك تساعديني بالتقديم والحركات تعرفونها
ريم: اهــــــــا قولتي لنا ... طيب ومتى ترجعين
شوق : مدري .. بس ويش رايكم احط روج احمر والا وردي
سحر: بتخربين شياكتك بالوردي حطي الاحمر الهادي ..
شوق ترفع الروج: قصدك هذا
سحر: ايه يالله حطي .. خلينا نحكم ... كحلت عيونها بكحل اسود وبالاضافه للمسكارا والبلشر .. واخير الروج
ريم تغمض عيونها : يؤؤؤؤؤؤ .. بسم الله عليك تهبلين
شوق تكسر : تتريق حضرت جنابك .. بالله كيف شكلي مابي افشل عمتي مع صحباتها
سحر : ورب الكعبه يجنن .. بس قبل لاتروحي اقري المعوذات
شوق : بروح اشوف رغد وشهد ... اتجهت لرغد وشهد لانهم هم اللي يحبون الميك اب وعندهم ذوق فريد بهالاشياء بحكم طلعاتهم ...الــخ
شوق : اقول ويش رايكم فيني كذا
شهد : ويش ذا ليش مخربه شكلك
شوق تحطمت : ماهو حلووو ؟؟
رغد بتفحص : لفي على جنب ... اشوف ... طبعا لفت على طول
رغد : لالا حلوو مرره بس جيبي منديل اضغطي على الروج عشان يخف .. والا اقولك افتحي درجي تلاقين روجي الاحمر ..لونه غريبه حطي منه
شوق : طيب كيف كذا مبهذله والا شيك
شهد : شيك ....متى بتروحين لعمتي
شوق : كمان شوي .. بس بالله عليكم انتبهوا للبيت وللبنات .. واذا جاء عمي حطوا له العشاء انا قلت له اني رايحه بيت عمتي
رغد : اوكي روحي وتطمني كلنا كبار ونفهم
شوق : هنادي وينها ماشفتها
شهد : مدري عنها .. دوريها
:::
:::
:::
...: طيب .. خلك معها .. وسايرها الين اسوي اللي في بالي
...: لاتوصيني ... دام انها مزيونه بحطها بعيوني
...: اقول لاتسوي لها شي الين اعطيك الضوء الاخضر
...: ومتى ناويه تعطيني الاشاره
...: كل شي بوقته حلوو لا تستعجل على رزقك تونا ببدايه الطريق
...: على قولتك تونا بالبدايه ..
...: ولاتنسى بهاراتك الحلوه ترانا نحتاجها
...: افا عليك .. انا خدامك ..انتي امريني بس
...: مايامر عليك ظالم .. الحين بقفل توصي شي
...: سلامتك يالغلا .. باااي
:::
:::
:::
لبست عباتها وجهزت شنطتها
شوق : يالله بنات ..مثل ما وصيتكم
سمر: حفظنا اللي قلتيه .. انتي فكينا بس
شوق: هههههههه طيب بفكك مني بس لاتنسين
سمر: والله ماني بناسيه ... بس طسي
شوق : سلام ... اول ماطلعت مع الباب قابلتها هنادي طالعه
شوق باستغراب: وين كنتي
هنادي : عند
عبير اسولف عندها
شوق: وليش ماقلتي قلبت عليك البيت كله
هنادي : نسيت اقول لاحد
شوق : ويش ذا الكيس اللي بيدك
هنادي : هـا ه .. هذا لبس جبتهم من عند عبير عجبني قلت بقيسه
شوق : طيب انا رايحه .. مع السلامه
:::
:::
:::
الســــاعه 10 بالليل
رغد : اقول ريم سوي لي نسكافيه راسي يوجعني
ريم: بس تسهرك ..ماتخليك تنامين
رغد : طيب اعطيني مسكن راسي راح ينفجر
سمر: ويش السبب ... اكيد تفكرين
رغد : مالت عليك افكر بويش .. اسكت احسن لك
سحر: والله اني طفشانه كرهت الدراسه ضغط فظيع
رغد : الله يعينك يالله هانت مابقى شي راح الكثير مابقى الا القليل
قاطعه صوت الجرس ... وقامت هنادي فتحت الباب .. ولقت جلالي شايل كيس لونه اسود بوردي
هنادي : خير جلالي ... ويش تبي
جلالي : هنوده هذا في يجي واحد قول اعطي بنات هذا الكيس
هنادي : هاته
اخذت الكيس وفتحته ... وشافت سلسال ريم
هنادي تصارخ : ريم ريم ... شوفي
ريم مفجوعه : ويش فيك يالخبله ؟؟
هنادي ترفع سلسالها : سلسالك .. اللي مكتوب به اسمك
ريم ماهي مصدقه : سلسالي ... من وين جبتيه
؛؛
؛
ريم ... وحكاية سلسالها هل راح تنتهي عند هذا الحد ... او في مفاجأه تنتظرها ؟؟
شهد ورغد .... محورين اساسين بالروايه لـــــكـــــن :
رغـــــــــد ... ويش بيصير معاها ... وعبدالله هل راح يكون له اثر في حياتها ؟؟
شـــــهـــــد ... وغروها وكبريائها ... بينكسر او راح تقابل شي يغيررها ؟؟
هــــنــــادي .. وسرها بينكشف او بيظل مستور ؟؟
فــــــهـــــد ... من هو .. .. وهل له صله قرابه بالبنات ؟؟
شــــوق ... البنت الغامضه ... متى راح ينكشف الستار عنها ؟؟ 
04-04-10, 06:18 PM
يا خاطفي وين ألقى عزتي في زمان المذله / للكاتبة : على شاطئ النسيان ..
جديد مواضيع قسم القصص المكتمله
العرض العادي
