كاتب الموضوع :
safsaf313
المنتدى :
القصص المكتمله
في الرياض
كآن جآلس بمكتبه يرآجع بعض الأوراق الخاصه بممتلكآته ومنغمس بأشغاله المتأخره بسبب ظروفه القاهر يحاول قدر الأمكآن أن يعود بأقبال على عمله ... أنتهى من كل أشغاله بعد فتره طويله من الأنحنآء عليهآ ..تذكر شوق اللي مآغآبت عن باله دقيقه ..أخذ جواله من على المكتب وأتصل يتطمن عليهآ
فهد: المريضه شوق القايد
النيرس: الحين بخير أعطينآهآ مسكن ونآمت
فهد:أذا أستجد شي رقمي عندكم كلموني على طول
النيرس: أن شاء الله ..بس هي قبل الصباح ماراح تصحى من تأثير المسكن
فهد تنهد:طيب ..مع السلامه
قفل الخط وهو يحس بأرهآق وتعب يسري بجسده الذي لم يتذوق طعم الرآحه ..طلع لغرفته وبدل ملابسه ولبس بجآمه خفيفه رمى نفسه على السرير بكل قوته مدد يديه على عرض السرير وغمض عيونه حتى يهدى ألتهآبها ...سحب أكبر كميه من الأوكسجينات المحيطه به حتى يتجدد معهآ أحساسه ويبتعد تعبه وأرهاقه ويستكين تفكيره المتوآصله بكل ماحوله من أمور متصله به أتصال كلي ...صرخ بصوت عالي علا وعسى أن يفرغ ولو جزء بسيط ممآ فيه
يـــــــــــــــــآآآآآآآآآررررررب
ركز نظره على السقف الخشبي الفخم لفتره ليست بالبسيطه ..ألى أن أبحر بعالم أخرى ينتشله من مرآرة وصعوبة وآقعه الأليم
عند شهد ورغد
بعد مآ رجعوآ سمر وهنادي للبيت
شهد بحقد: بجد أنه حقير
رغد تبكي:كرهت حياتي منهم مدري ويش الذنب اللي سويته حتى تكون هذي عواقبه
شهد تهديها: استغفر الله لاتتسخطين
رغد:قوليلي ويش أسوي انا خلاص بترك الدراسه وارتاح
شهد بعصبيه: مجنونه أنتي هذا الشي شيليه من راسك
رغد تمسح دموعها:مافي حل ثاني ..الكل صار يتكلم والله ياشهد أني ابتعد عنه ودايم اتهاوش معه عشان كذا حاقد علي
شهد: ياربي هذا من وين طلع لك ماحنا ناقصينه
رغد نزلت راسها: انا كل تفكيري بشوق ومرضها شايله همهآ أكيد تعبانه لان الأدويه اللي يعطونها قويه مره وراح تزيد تعبها وهذا الأخ كل يوم يزيد علي
شهد: طنشيه
رغد:تعبت وأنا أطنشه هذا لزقه وربي لزقه مدري متى بيمل قرب الترم ينتهي وهو وراي
شهد تضحك: احسك حاقده عليه
رغد بنبرة حاقده جدا: لو بيدي كان قتلته
شهد: شوفي يارغد الرجال اهتمامه فيك غريب على كثر هواشك له مايمل اكيد براسه موآل
رغد تتخصر: زي ويش ؟
شهد تهز كتوفها: الله أعلم
رغد تهز راسها بعصبيه وتصرخ: أوووف اووف كرهت عمري
شهد:يابنت الناس روقي بعدين تراك مزودتها حبتين ماتسوى انك تعصبين
رغد بكره: هذا اليوم تعيس بكل شي ..ماكان ناقص الا عبدالله
شهد تضحك: ويش السر اللي مخليهم كلهم متيمين بحبك
رغد فتحت عيونها على الاخير وبحده :ويـــش قلتي؟!
شهد بقوة عين:أنا صادقه باين يحبونك
رغد: حبهم قرد أحوول قولي آمين
شهد انفجرت ضحك:يمممه قرد مره وحده "صارت تضحك بصوت عالي"
رغد تقلب عيونها: اكرهم هذول الاثنين أتعسوا حياتي كل ما فرحت نكدوا علي
شهد:قولي لا أله ألا الله وانسي كل اللي صار ترى محد بيتعب ألا أنتي ..فكري بالحفله وايش بتلبسين حتى تضيعيين تفكيرك فيهم
رغد تذكرت: يووه ماشريت فستآن
شهد: ولآ أنا بلبس حق شبكة سحر
رغد :وأنا مثلك مالي خلق اسوي شي اصلا الحفله مالها داعي كآن أخذها محد له نفس لشي
شهد ضربتها بخفه: خلينا نغير جو الحزن ..ياربي منك تحبين الحزن
صباح اليوم التالي
صحت على صوت جوالها المزعج ...قطع أحلى أحلامهآ لفت على الجهه الثانيه متجاهله رنينه المزعج وكملت نومتها بسلام ..رجع يدق مره ثانيه بكل تثاقل ردت
هنادي بصوت كله نوم: نعمم
روان تضحك:صباح الخير
هنادي: الله لا يصبح عليك
روان:قومي يالله غسلي وألبسي بمرك
هنادي تغمض عيونها بقوه وبصوت ناعس: أبي انام ماني فاضيه لك بعدين تعالي
روان صرخت بأذنها:قووووومي يالله بنمرك احنا والبنات
هنادي فتحت عيونها بتكاسل:أووف ابوي مايسمح لي
روان بسخريه: من متى ياعروس ...قومي بسك اعتذار لاحقه على النوم
هنادي بعصبيه جلست: وين بتروحون؟
روان: مايخصك انتي قومي الحين والبسي عشر دقايق ونوصل سيوو
رمت جوالها واخذت منشفتها ودخلت الحمام تغسل وجهها عشان تصحصح ..رجعت صلت صلاة الفجر ولبست بنطلون جينز سكيني وتيشرت تركوآز سحبت شنطتها وجوالها وعبايتها ولبست دخلت المطبخ فتحت الثلاجه أخذت لها كوب عصير ونزلت
أول مادخلت السياره انرعبت من صرختهم: صباااااااااح الخير
هنادي بدون نفس: صباح النور
أية: لآآآآ..عروستنا زعلانه
هنادي: ايه زعلانه ..شايفين اني عروس تنكدون علي نومي ليه
جاتها ضربه بكل دفاشه من علياء:مالت عليك هذا جزآتنا اللي بنروح نفطر كلنا مع بعض قلنا نمرك
منال:كله من روان قلنا لها مانبيك تروحين
هنادي لفت عليها وتخصرت: خيييير ليه ماتمروني ؟
روان نزلت طرحتها:شفتي قلبي مايرضى ينبسط بدونك
هنادي: فديتك انتي مو مثلهم دفشين
علياء بتمد يدها وتضربها مسكت يدها بحركه سريعه: انتي يالدفشه احد قالك يدك ثقيله
علياء:ههههههههه أجل اسكتي لا يجيك اللي اقوى منه
أيه: ماقلتي هنو كيف تحضيراتك لبكره
هنادي ببرود: عاديه حفله مختصره وانتهينا
منال:الله يوفقكم
روآن :راح نفقدك
هنادي تضحك:لآتخافين كل يوم مسنتره عندك
علياء فتحت شنطتها وطلعت بكت الدخان: لاتخلين الرجال يتحكم فيك يقولون الولد على ماربيتيه والرجال على ماعودتيه
منال تضحك بهستريا:شوفوا مين ينصح ..عليان خليك ساكت الله يرحم لي والدينك
روان تسحب سيجاره من علياء:وين نروح نفطر
هنادي صرخت: هيه جايبني وانتم مآ أتفقتوآ ..رجعوني اكمل نومي
أية: اول مره اشوف أنسانه تموت على النوم مثلك تراكِ بتودعين العزوبيه بكره
منال همست لأيه ..وانطلقت ضحكآتهم بالسياره
علياء تنفذ الدخان من فمها:ضحكونا معكم يالعربجيات
هنادي بتطالعهم بنص عين:انا فاهمتهم بس هين بترجع لكم
روان تضم هنادي لحضنها: ماعليك منهم حبيبتي
منال تغمض عيونها بكفوفها:تكفون لا تقلبونها فلم هندي نبي نفطر بدون مقبلات
أيه تدقها: خليهم يعيشون الجو
علياء قرصت أيه:انطمي
هنادي حطت راسها على صدر روان خمست بوجههم: مالت عليكم ...بكمل نومتي لا وصلنا المطعم قولولي
منال تطالع بعلياء وأيه:عجبهآ المكآن الآخت
روان بأنزعآج: منال اسكتي ادوشتي راسي "طلت على هنادي" احبك ياهنودتي
هنادي تغمز لها: مي تو بيبي
وصلوآ للمطعم وكآن شكلهم ملفت للأنتباه خآصه ان علياء وروآن كآشفين وجههم
بعد صلاة العصر
اجتمعوآ الكل ببيت ابو مهآ
{ مها وبنتها – شهد ومشاري – ريم- رغد – سحر-سمر-روآن-هنادي }
مها: واخباركم جميعآ
الكل:الحمدلله
شهد:انتي كيفك ؟
مها تلف : زي مآتشوفين بألف خير
هنادي بكسل: يالله رتبوآ شنطتي أنا عروس مايصير أشتغل
روآن تضحك: متأكده أنك عروس
هنادي تهز كتوفهآ: يقولون وأنا لآ أعلم
ريم وقفت: سحر خلينا نكسب فيها خير ونرتب شنطتهآ والله لو نعتمد عليها ماتسوي شي
هنادي تأشر لهم بيدها:اصلا اغراضي قليله ماراح تتعبكم ساعه بالكثير وانتم مخلصين منها
روان بنذاله: خلوها هي تسوي حاجاتها بنفسها
هنادي تطالعها بحقد: رونا اسكتي انتي هم يبون يكسبون خير
سحر تضحك: بنروح نرتب لك مع انك ماتستاهلين
مها : ويش دعوه تستاهل هنوده كل خير ...من قدهآ بتأخذ أطخم
روان تهمس:ايش قصدهآ ؟
هنادي تضحك: يعني بأخذ وآحد مُزه
روان صارت تضحك على نفسها: آهآ يعني زوجك حلوو يمكن احط عيني عليه
هنادي تتخصر: بس اشوفك توطوطين جنبه بحشلك رجلك
روان كشرت: يؤؤ انا يكفيني أنتي مالي وماله يموت احسن
هنادي تطالعها بنص عين وميلت فمها بابتسامه:ايه يموت ولا تقربين منه
روان تقرصهآ:حقيره المفروض تفرحين اني بشاركك فيه
رغد: لا تقربين منهآ ياروآن هذي شرسه
روآن ابتسمت: توي اكتشفتها على حقيقتها
مها :اقول رغد ليش مآدآومتي اليوم
رغد: مالي خلق ابي اتجهز نفسيا لبكره
روآن: كأنك مره قلتي أنو وليد ولد عمي يدرسك
رغد تعلقت عيونها فيها: ايه قلت
روان تضحك: ياحياتي عليه وليد حبوب ودمه زي العسل
رغد تميل فمهآ( ألا ثقيل طينه ويجلط الواحد ...مالت عليه):بالعكس شديد مره ومتوحش عن نفسي أكرهه ولا أحبه بس حظي الأقشر رمآني عنده
روان عبست:يمكن عشان طبيعة شغله وألا شخصيته طيب وحنون مره مافي احد بالعايله يكرهه الكل يحبونه
رغد عبست ومدت فمهآ:يمكن
روان: مع الأيام بتعرفينه كويس وتعرفي طيبة قلبه
رغد:كرهت الدراسه بسببه يعني لو ينقل من المستشفى برتاح نفسيا
شهد تدقها بخفه ابتسمت لروان: تعرفين الطلاب يكرهون دكاترتهم عشان يشدون عليهم بالدراسه
روان: اكيد ...الله يكون بعونك حبيبتي ويوفقك
رغد :سوري انفعلت شوي بس بجد حاقده على ولد عمك
روان تضحك وتغمز لها: حوصله كلامك
رغد بلا مبالاه:ايه وصليه توفرين علي التعب
شهد ترقع لها: تمزح معك هالايام صايره عصبيه
هنادي موع اجبها كلام رغد: ايييه محد كلم فهد يسأله عن شوق واخبارها
مها: كلمته واحنا بالطريق..يقول نايمه ماصحت للحين
رغد بتألم: ياحياتي عليهآ ...يعطونهآ مسكنآت قويه عشان العمليه
مها: اكثر شي يحس علي ولدهآ رآكآن والله بالحضانه محد يهتم فيه ولا يلتفتون فيه لو يبكي او يجوع
شهد بأنفعال: حسبي الله عليهم ..المفروض فهد يطلعه على مسؤوليته
رغد: مجنونه انتي لازم يحطونه بزجاجه دآفئه على حسب درجة حراره رحم الأم عشان يكتمل نومه ..خاصه انه انولد ببدآية السابع ما أكتملت حواسه
روآن بصدمه: يالله كل هذا عشان جآء بالسابع ..يالطيف
شهد تطالع بميشو وتبوسه بقوه:شوفي المزيون هذآ مآكمل التاسع ببطني وطالع يخقق ربي يخليه لي
رغد عصبت: يالله عليك ياشهد مليت وانا أفهم فيك
مها بترفع ضغطهآ قالت بسخريه: غبيه ويش ترجين منها
شهد شهقت: شنوو؟..مالغبي غيرك
هنادي: اووف خلاص اتركوا المناقرات عنكم
سمر دخلت: احلى قهوه لاحلى صبايا
روان: من يد ما نعدمها
سمر حمرت خدودها :تسلمين ..حياك تفضلي " مدت لها فنجان قهوه"
روان: يعطيك العافيه
هنادي:اقول روان خلاص اليوم تنامين عندنا
روان استحت: مابي اضايقكم
مها: افا عليك ..البيت بيتك
هنادي بأصرار: بتنامين عندنا يعني بتنامين عشان بكره تساعديني
روان: أوك بس اتصل على بابا اقوله
هنادي:اوك
|
23-10-10, 06:44 AM
جديد مواضيع قسم القصص المكتمله
العرض العادي
