بآلجآمعه
كآنت تمشي لوحدهآ بعد مآخلصت أول محاضراتهآ شآفت
عبير ومعهآ صديقاتها اللي لهم سنوات طويله مع بعض لكن أبتعدوآ عنهآ من كلام عبير اللي قررت أنهآ تبعد أي شبهه عنهآ
ركزت نظرآتهآ على البقيه متجاهله عبير لكن حدث اللي كاكانت تتوقعه اعطوهآ ظهورهم وتركوهآ منصدمه من فعلتهم وبدآخلها كانت ناويه تسلم عليهم وتأخذ وتعطي بالكلام معهم
هنادي بكره وحقده متأجج دآخلها( طلعوآ حقيرات زيهآ فعلا ماعرفت أختار لي صديقات اكيد قايله لهم كلام عشان يطالعوني باحتقار ونظرات استهزاء ..هين ياعبير والله لا أرد لك الصاع صاعين احسن شي صار انهم بآنوآ على حقيقتهم الدنيئه)
أكلت في نفسهآ ونار الحقد والبغض تكبر أكثر وأكثر ...كل شي فقدته بلمح البصر صديقاتها وحياتها واستقلاليتها ..جلست على كرسي أنفرآدي وهي تتامل البنات وكثرتهم وانساجمهم بجو الجآمعه ..أمآ هي سرحت بعالم ثاني ..حياتها الجديده اللي ماتوقعت في يوم من الآيام يصير لها كذآ..زوآجها الفوجائي وتهديدات باسل لها..خيانة عبير ورضوخها لطلبات ماجد ..وحقارة ماجد اللي كذب عليها وسلمها بنفسه للموت بسهوله
هنادي( أكرهكم ..أكرهكم كلكم ...الله ياخذكم وأرتآح منكم الله ينتقم منكم اشوف فيكم يوم ياخونه الله حسيبكم ) حاربت دمعتها اللي أوشكت على النزول ودفنت حزنها بين أضلاعها وغطته بأشرعه من المشاعر المتبلده ..دق جوالها شافت رقمه واحتدت ملامحها وبانت تجاعيد وجهها من العصبيه والبغض
ردت بدون نفس وهي تتمنى انه قدآمهآ عشان تقتله بيدها وتبرد من النار اللي فيها:نـــعـــم
باسل :الله ينعم عليك
هنادي بصوت زآجر:خلصني ليش متصل؟
باسل: متصل اسمع اخبار زوجتي واشوف اذا نآقصها شي
هنادي بنبره حاقده:دآمك بعيد عني أنا بألف خير ومرتاحه ماينغص علي حياتي الا صوتك البغيض
باسل:افا ياهنودتي بدل ماتقولين مشتاقه لك وحشتني ..مافقدتني حبيبي ..تقولين هذا الكلام الله يسامحك
هنادي:الله لا يسامحك يالحقير بعقلك أنت تبيني اقولك كلام حلو من زينك عاد ياربي لك الحمد
باسل يضحك:على مهلك حاس انك بتنجلطي
هنادي تنرفزت وظغطها ارتفع:منك هو يجي من وراك خير
باسل ابتسم: انا متصل اقولك ان زواجنا تم اثباته بالمحكمه مبروك علي وعليك
هنادي حست بشي يخنقها بعد كلمته:الله ياخذك اخذ عزيز مقتدر
باسل: الله ياخذني ويجيبني لك ياااارب
هنادي بعصبيه: جرب تدق علي مره ثانيه وشوف ايش بيصير فيك
باسل:زوجتي وحلالي اتصل بالوقت اللي أبيه سمعتي
هنادي بسخريه:من زين هالحلال اكرررهك ما اطيقك ماحب اشوف وجهك النحس ولاصوتك اللي يجلطني
باسل ضحك:مصيرك ترضين بالامر الواقع وقرريب بعد
هنادي:اقول لاتتعب نفسك وترجع للمدينه لانك لو تموت ماراح تشوفني
باسل :ههههههههههه شكوى في قسم الشرطه ويجيبونك لي
هنادي نفخت عليه:وآآطي "سكرت جوالهآ وأحدآث تلك الليله لا تغادر خيالها ابدآ ..ابتدأ من خروج مع عبير مرورآ بماجد وأخيرا عند باسل اللي اعطهآ خيآرين لآثالث لهم ..قررت تكون قد أختيارهآ أفضل من أنهآ تبين لها ضعفهآ من البدآيه
هنآدي(اصبر ياباسل الكلب وشوف أنآ ويش بسوي فيك ان ماخليتك تعلن زوآجنآ غصب عنك ومن فوق خشمك بعدها يصير ألـــف خير بس أنفذ هذي الخطوه أنآ أوريك كيف تأخذني للمتعه بس)
كانت تتوعد وتحيك بعض من الأفكار حتى تنفذهآ ف القريب العاجل وتكون انتصرت عليه بأول محآولآتهآ ...قاطع انسجآمهآ بتفكيره بوسة روآن اللي طبعتهآ على خد هنآدي ولفت بسرعه على جهتهآ زي المقروصه من حركتهآ اللي ماتوقعتها
هنادي شهقت:روآآن
روآن ابتسمت: كيفك ياقمر وحشتيني
هنادي أخفت رعبها من حركتها اللي فاجئتهآ ورجعت طبيعيه بعد مارمت كل شي ورآهآ:الحمدلله بخير
روان تمرر يدها على خد هنآدي وتمسح أثر الروج اللي بقى بخدها:سوري خربت كشختك ببوستي
هنادي ابتسمت مجامله لهآ:عادي ياقلبي ..اخبارك أنتي
روآن: منيحه ..توي مخلصه محاضراتي أأووف تعب مره وشفتك هنا سرحآنه وجيتك
هنادي:ههههه كنت افكر بالمحاضره والمشروع اللي طلبوه منا
روان توقف:ياختي طنشيه ولاتعطيهم وجه يالله قومي نروح نشتري شي نأكله ميته جوع وكمان ندردش شوي دآم القروب مشغولن مع بعض
هنادي وقفت وشالت شنطتها:يالله مشينآ (ياربي انا ويش بلآني بذي البنت ياليتها قدي بعد لا بسنه ثالث كملت والله ..بس غريبه انها تتودد لي ومهتمه فيني كل هذآ الأهتمام حاسه ورآهآ شي يالله ياخبر اليوم بفلوس بكره يبقى ببلاش )
العصر في ابو رياض
لمت أغراضهآ وهي تبكي ومنهاره وأمهآ تهدي فيهآ..جآء هزآع وريآض يشيلون الشنط مع بعض الخدم اللي رحلتهم بعد يومين
ابو فهد جلس على الدرج بتعب:حسبي الله ونعم الوكيل فيك يافهد الله لايوفقك
ام رياض تمسح دموعهآ:حرآم عليك يارجال ..لاتدعي عليه
هزآع بحقد:اجل اللي سوآه فينآ قليل حنآ بعد البيت الكبير هذآ نستأجر شقه وعمي ابو رزان يسكن معنا قولي لي يمه كيف بنأخذ رآحتنآ
ندى:يبه انا مابي أعيش مع أعمآمي خلنا نروح ان شاء الله خرابه بس مانسكن معهم
ابو رياض عصبيه:نآقصك أنت ودلعك مايكفي اللي سوآه أخوك فينا الله لايوفقه بدنيته وأخرته قلب غضبان عليه ...وعلى سواته فينا انا واعمامك احمدي ربك لقينا لنا بيت يضفنا عن الشارع
رياض تنهد:آآآه يايبه ماني متخيل ان فهد يسوي فينا كلنا كذا ..حتى بيتنا اللي عشنا وتربينا فيه بينباع في مزاد علني ..كله بسببه
ام رياض بحده:رياض خلاص يكفي كل وآحد يدعي عليه من جهه
ابو رياض بعصبيه وقف:انتي يامره علامك كل كلمه وثانيه تدآفعين عنه عآجبك الوضع اللي وصلنا له
ام رياض: يابو رياض الدنيا يوم لك ويوم عليك هذي حوبته طول عمرك متبري منه جاء الوقت اللي تدفع فيه الثمن
ابو رياض صرخ عليها: أسكتي ..أنتي بعد تتشمتين فيني مآهقيتهآ منك
أم رياض: أنآ ما أتشمت أنا أقول الصدق ...اتق الله في نفسك وولدك مآصار فيك كذآ الا ذنبه اللي في رقبتك
ابو رياض:خذوآ أمكم من قدآمي
ندى تمسك يد أمهآ:أمشي يمه خلينآ ننزل بقية الأغراض
هزآع يطالع أمه بعيون تآيهه هو وريآض أمآ أبو ريآض ترك البيت وطلع برى كل شي في هذآ البيت يخنقه ويزيد ألم صدره المتزآحمه أنفاسه
هزآع:والحل الحين
رياض يشيل بعض الشنآط:شيل وأنت ساكت لآيرجع أبوي ويعصب علينا
هزآع:طيب زوجتك وعيالك
رياض:مع اهلها لما نستقر بجيبهآ عندنا أسم ان ابوهآ مآخسر كثير مثلنا
هزاع بتحطم:الله يسامحك يافهد هذي سوآه تسويهآ الله يسامحك
ندى وقفت عند الدرج:بدل مآتتحسب على اخوك تعال ساعدني
هزاع بحده: طيب لاتنفخين وجع
ندى: تعال خلصني بروح اشوف امي
تركت الأغراض على طرف الدرج ورجعت عند امها
:::
:::
:::
بعد المغرب في المدينه
جآء يوسف عند شهد حتى يأخذ مشآري مع رغد ويودونه لعيآده خآصه
شهد بخوف:يوسف الله يخليك بشويش عليه هو صغير مايتحمل
يوسف ابتسم:لآتخافين ان شاء الله مايتعور
رغد اللي كآنت لآبسه عبايتهآ ومتحجبه:هذي خوآفه زياده عن اللزوم هو صغير مابيحس بألم كثير بس اعطينا الولد نوديه
بهذا الوقت دخلت شوق وفهد البيت وفتحت له المجلس
شوق :ارتاح هنآ بجيب لك القهوه
فهد:مآيحتاج بجلس أنتظرك هنآ أو انتظر يوسف
شوق تعدل طرحتهآ وتتغطى حتى لو يطلع يوسف صدفه بوجهها:طيب بروح للمطبخ واشوف خواتي وراجع لك
دخلت الصاله وشافت هنادي وسمر جالسين:اخبار الحلوين أيه
سمر: نبوس أيديك
هنادي:غريبه جايه وتاركه زوجك
شوق ضحكت:زوجي بالمجلس
هنادي بكره: ايه اقول مايفرط فيك فهيدآن
شوق نزلت عبايتهآ:وين زوج شهد شفنا سيارته تحت
سمر:جوآ عندهآ بالغرفه بيأخذ مشاري مع رغد ويطهرونه
شوق :الله يكون في العون شكل بيطفشنا اليوم بالبكآء ...الآ ماسويتوآ قهوه
هنادي بدون نفس تستند على الكنبه وتمدد رجولهآ:أضن عند شهد بالغرفه
دخلت رغد بتأخذ شنطتهآ شافت شوق وباستهآ على خدهآ:هلا والله متى وصلتي
شوق ابتسمت :من شوي "قاطعهم صوت الجرس "
رغد طلت في شوق:مين اللي جاي الحين
شوق تهز أكتآفهآ:الله أعلم ..بروح أشوف مين
أتجهت للباب بعد مآحطت الطرح على شعرهآ وسكرت الباب اللي يفصل المجلس وغرفة شهد عن بقية البيت فتحت الباب بهدوء وكآنت صدمه شلت كل حوآسهآ وأستيعآبها ..تفاجئت من وجود أشخآص مآتوقعتهآ بتآتآ
..:ايش فيك ياشوق بتخلينا مطولين برى
شوق اللي حست على نفسها وأستوعبت اللي يصير قدآمهآ:هــآه ..لا حياكم ..تفضلوآ زآرتنآ البركه
جدتهآ( أم أمهآ) سلمت عليهآ وباست راسهآ:كيفك ياشوق وكيف حال خوآتك
شوق تطالع في خالهآ اللي كآن ورى جدتهآ:كلنا بخير الله يسلمك ..تفضلي ياجدتي نورتي البيت
جدتهآ: من دريت أن شهد ولدت جيت ولو اني زعلانه عليكم لاتتصلون ونآسين جدتكم
شوق: منشغلين ياجدتي "فتحت الباب وقربت من المجلس وفتحت بابه على الأخير:حيآكم هنآ شهد عندهآ زوجهآ
خالهآ اللي ساعد جدتهآ بالدخول:كيفك ياشوق
شوق وعيونهآ على فهد اللي وقف على طول وألأف الأستفهامات تطري في باله:بخير انت بشرني عنك كيفك وايش مسوي
خالها: الحمدلله ماشي بدنيتي
جدتهآ وقفت على طول بتعدل نقابها:ياويلي من ذآ يابنت مدخلتنا على رجال مآنعرفه
شوق ارتبكت من نظرآت فهد اللي تحرقهآ ومن جدتهآ اللي تعرف طبعهآ خايفه انها تجرحه بكلمه او تصرف: هذآ زوجي فهد
جدتهآ نزلت الغطآء عن وجههآ وهي تطالعه بتفحص:هذآ زوجك ولد الجابر
شوق أخفت ارتباكهآ:ايه تفضلوآ تفضلوآ ارتآحوآ
خالهآ قرب من فهد:السلآم عليكم
فهد بصوته الرجولي الممزوج ببحه ثقيله:وعليكم السلام ..يآهلآ
جدتهآ: كيفك ياولدي ويش مسوي
فهد :بخير عسآك بخير ..كيف حالك ياخالتي
الجده: الحمدلله
شوق:استريحي جدتي بروح أجيب القهوه وأجي
خالها:خذي راحتك
طلعت جري للمطبخ وسوت قهوه بسرعه والأرتباك باين عليهآ مرت عليها رغد قبل تطلع مع يوسف
رغد: خير شوق ايش فيك مرتبكه كذا ومرعوبه
شوق بخوف:تخيلي مين جآء ؟
رغد عقدت حواجبها بأستغراب:مين ؟
شوق: جدتي وخالي ..تصوري
رغد شهقت شهقه قويه: شنو جدتك ..لا والله جاء الخير الله يستر منها ومن عيونها الحاره
شوق ترتجف: ياخوفي ناويه على الشر زي عادتها احنا مرتاحين في بُعدنآ عنهم ايش ذكرهم فينا
رغد:روحي شوفيهم يالله انا بروح لشهد أزف لها الخبر التعيس وبأخذ مشاري ونروح قبل تدخل جدتك تسمعنآ كلمتين
مشت رغد بسرعه لغرفة شهد وفتحت الباب انصدمت لما شافت الجده جنب شهد وتسلم على مشاري ..طلت في يوسف اللي باين على وجه علآمآت الخجل
الجده: مين هذي ياشهد
شهد تطل في رغد وتبلع ريقها:هذي ...هذي ..هذ.
الجده:علامك انتي يابنت ماتتكلمين زين الخلق
شهد تمالكت نفسها :هذي رغد بنت عمي محمد
الجده لفت على رغد وعدلت نظاراتها:هذي رغيد أم لسان طويل
رغد طلت فيها بحقد وكره( عجوز النار هي ويش جابها عندها أوووف ناقصه كلامها اللي زي السم الله يجيبك ياطولة البال): أيـه أنآ
الجده: وليش داخله وين الحياء يابنت ماتشوفين زوج شهد هنا بالغرفه والا تتعمين
رغد بتقهره:عادي انا قابل يوسف زي اخوي فيهآ شي ذي
الجده قهرها اسلوب رغد المتطآول: بلآك مآعندك أمك ترببيك تعلمك الحياء
يوسف بينهي النقآش اللي باين أخره حامي:يالله ياشهد بأخذ الولد ونوديه
شهد : أنتبه له
الجده:خلي الرجال مع ولده ويش يحشرك بينهم انتي بعد
شهد رفعت حاجبها:وولدي أنا بعد
رغد جات شالت مشاري بسرعه بدون مآتعطي أي اهتمام للجده وسبقت يوسف برى ولحقهآ هو بسرعه ...نزلوآ مع بعض للسياره متجهين للعياده اللي حجز عندهآ يوسف
23-08-10, 04:17 PM
جديد مواضيع قسم القصص المكتمله
العرض العادي
