كاتب الموضوع :
safsaf313
المنتدى :
القصص المكتمله
البارت السآبع والثلاثون
متى نلتـقي وأعـلمك كيف || مشتـاق ||
وأبين || غـلاك || اللي ساكن داخـل أعـماقي
أخـلي الـلقاء بس || ضـمّ , دفـا , عـناق ||
وإذا قلت لـي يـكفـي ؟ قلـت لك : || لا بـ ع ـد بـآآقـي ||
بآلمجلس وصل أبو مهآ ولقى شوق بالصاله سلم عليهآ وأتجه للمجلس
ابو مهآ : الحمدلله على السلآمه
فهد يوقف : الله يسلمك .. كيف الحآل ياعمي ؟
ابو مهآ بعد السلآم الحآر : بخير ولله الحمد بشرني عن صحتك
فهد :بخير
أبومهآ : ابوك وأخوآنكم كيفهم عسآهم بخير ؟
فهد : الحمدلله بصحه وعآفيه
ابو مهآ: الله يدومهآ عليهم يارب
فهد بدون نفس : أمين
ابو مهآ : اقول ياولدي ترى غدآكم بكره عندي بنطلع لمزرعتي ونسوي الغدآء هنآك
فهد : خيرك وآصل ياعمي بس انآ مسافر الليله لجده
ابو مهآ بأصرآر : أقول مآترد عزيمة عمك
فهد ابتسم : أفــآ والله مآ اردهآ بس عندي شغل ضروري خلهآ لمآ أرجع من جده
ابو مهآ انشرح صدره : تم .. اذا رجعت نسويهآ ونجمع العآيله بالمزرعه
فهد : بأذن الله
:
:
::
بآلصآله
كلهم مصدومين
هنآدي : بذمتك العقرب ذيك مآت اللي ببطنهآ
شوق : أي والله مآت
مهآ بحزن : مسكينه ويش شعورهآ الحين ؟
شوق تقلب عيونهآ بكره : ويش شعورهآ هذيك الادميه عديمة أحسآس ومشآعر أشك انهآ تأثرت أصلا
هنآدي قالت متضآمنه مع شوق : صح كلامك.. يآشينهآ كيف زوجك متحملهآ قسم انهآ تلوع الكبد
شوق تغير الموضوع : ماحنآ ناقصين ذنوب انتم " غيرت الموضوع " طمنوني عنكم احس كلكم متغيرين وأولكم رغد وريم
رغد ضحكت : أنآ متغيره ؟!... من أي نآحيه
شوق تطالعها بتفحص : جسمك وجهك صايره احسن من اول
رغد : الله يجبر بخآطرك اخيرآ احد قال شي صح 100%
شوق لفت على ريم وحطت يدهآ على كتفهآ : أمــآ ريوم حآسه انها متضايقه بس مدري من شنو؟
كلهم سكتوآ وبان الأرتباك على وجيههم ... حاولت مهآ تغير الجو
مهآ : رنومتي تعالي سلمي على خالتك
شوق تطالعهآ من بعيد : يآنــآس تززنن ... اقول وين مشآري مآعآد شفته أو سمعت بسيرته
تعلقت العيون كلهآ بشهد اللي صآرت خدودهآ حمراء نآريه وتجمعت الدموع بعيونهآ ..وهي تحاول ماتبين لهم
شوق أستغربت سكوتهم قبضهآ قلبهآ وحست أنهم يخفون عنهآ اشياء كثيره : أيش فيكم سآكتين ... حآسه صاير شي وأنآ ماكنت أدري... صــــــــح ؟!
سحر قالت بتبرير: بنقول لك بس روقي وتمآلكي نفسك .. بغيبتك صآرت حآجآت كثيره ماقلنآهآ لك
شوق توترت وأنقلب وجههآ للون الأحمر: تكلمي بسرعه ايش صار ؟
سحر طلت بشهد اللي وقفت ودموعهآ بدت تسيل بهدوء ورآحت لغرفتهآ ولحقتهآ رغد توآئمهآ السيآمي التي لاتنفصل عنهآ قلبيآ أو حسيآ
شوق بحده :سحر تكلمي توترت
سحر بتردد :مشآري مآت
كأن أحد صفعهآ على غفله منهآ ... وقع الكلمه كآن مفاجئ لهآ شقهت بقوه وقالت : صــــدق ؟!
مهآ نزلت رآسهآ تلعب بسلسالها : ايه صدق .. هذا المكتوب له
شوق ذرفت دمعآتهآ : ماني مصدقه
سحر : لا صدقي .. حتى ريم طلقهآ سيف
شوق النجمت عن الكلام واكتفت انها تطالع بريم ودموعها مثل السيول على خدها : صحيح اللي تقوله
ريم ببرود : ايه صحيح .. وقفت ومشت لغرفتهآ
شوق صآرت تبكي بصمت
شوق ( كل هذآ صار وأنآ ما أدري عنهم .. معقوله لهذي الدرجه بعدتني الدنيآ عنهم وأخذتني لعالم ثاني .. أنشغلتي بنفسك ياشوق ونسيتي خوآتك نسيتي وصية أمك قبل موتهآ .. نسيتي أنك قطعتي عهد على نفسك أنك مآتخليهم يذقون العذآب اللي ذقتي مرآرته ليه أخلفتي بوعدك ؟!... لــــــيـــــــه ؟!.. شوفي حآلتهم كيف متغيرين جذريآ )
وقفت وقبل تمشي قالت سحر : وين رايحه ؟!
شوق تمسح دموعها : بشوف شهد وأتكلم معهآ شوي
مهآ اللي أغتنمت الفرصه : ياليتك تعقلينهآ ياشوق تعرفينهآ عنيده وتاركه زوجهآ بدون سبب
شوق عقدت حوآجبهآ وهي تمسح دموعهآ : مجنونه .. ايش فيهآ تصرفآتهآ صايره غريبه
مها تهز كتوفهآ : الله أعلم
هنادي تمسك يد شوق: أبي اسولف معك بعد ماتخلصين من شهيد مشتاقه لك مووت
شوق ابتسمت أبتسآمه سرى مفعولهآ بشرآيين وأوردت قلبهآ :من عيوني غالي والطلب رخيص
بآلغرفه
رغد تهدي شهد : مايصير كل شوي تبكين ياشهد
شهد تشهق : كل مآ اتذكره أحسه قطعه من قلبي ورآحت
رغد بحزن : كلنآ كنآ نموت عليه مو بس أنتي .. استغفري ربك وتذكري "أن لنفسك عليك حق "
شهد : جيبي لي مويه
دخلت شوق ووقفت عند الباب : رغد ممكن تخلينآ شوي بتكلم مع شهد
رغد ابتسمت : اوك خذوآ رآحتكم .. وهي مآشيه بتطلع غمزت لشوق ومشت
قفلت الباب ورى رغد وأتجهت لعند شهد وجلست جنبهآ
شوق مسحت دموع شهد : قولي كل اللي فيك
شهد نزلت رآسهآ وقالت بهدوء : مآعندي شي أقوله
شوق : لوتكذبين على الكل مآتقدرين تكذبين علي
شهد رفعت رآسهآ وبدت عيونهآ يتجمع الدمع فيهآ: ليش تركتينآ أنآضايعه بدونك .. أحس أني تآيهه ومشتته ..مدري وين الصح من الغلط
شوق تلعب بخصلآت شعرهآ متوسطة الطول : عآدي اللي تحسين فيه يمكن أثر الصدمـه
شهد شوي وتبكي :صرت مآ أطيقه ولآ أطيق أجلس معه .. مآصآر معي زي أول مشغول بنفسه وعمله
شوق بحنيه : يآقلبي الدنيآ ماتسمتر على حآل وآحد دآئم في تغير مستمر
شهد : أنآ فاقده الكل ياشوق أمي وأبوي حتى أنتي فقدتك .. بعد موت مشآري مآصار للدنيا لون
شوق : نسيتي أن رب العآلمين موجود هو سندك في ضيقتك وحزنك
شهد ضمت شوق وجلست تبكي في حضنهآ
::
::
أمــآ في المجلس
فهد يوقف : الحين أستأذن ياعمي بمشي لجده
ابو مهآ : الله يسهل لك توصل سآلم ياولدي
فهد : الله يسلمك .. مآعليك امر ياعمي بغيت شوق شوي
أبو مهآ : ابشر الحين أروح انآديهآ ... ثوآني وطلع ابو مهآ من المجلس وسمع فهد صوت ورى الباب لف عن جهة الباب خآف تكون وحده من البنآت ... سمع صوتهآ
هنآدي : ويش عندك جآلس بروحك ياروميو
فهد كتم ضحكته وهو يقول : هذآ انتي يالخنفساء
هنآدي كآنت ورى الباب وتكلمه : خنفساء تقرصك وتورمك يالدب
فهد : هههههههههه أعوذ بالله صدق انك حقوده
هنآدي : شخبارك ماتقول نسلم ولا مسوي فيهآ مؤدب
فهد : أنآ رجآل ثقيل مآ أتكلم مع مين مآكآن
هنآدي : أفـــقــــــــــع .. ابوك يالنصاب لايطيح السقف علينآ ترى نبي بيتنآ
فهد ميت ضحك على كلامهآ وأسلوبهآ الفكآهي معه : الحين ويش تبين مني ؟
هنآدي : قلنآ نسلم على ذي الخشه المقروده والله أنك مآتستآهل اني احشمك
فهد : أفــآآ ويش مسوي لكِ
هنآدي : هذآ بدل مآ تأخذني بالأحضآن وتفرح أن هنآدي بنت محمد القايد تسلم عليك .. تقولي ويش تبين ..الله يكون بعون شوق عليك يآفهد خشبه
فهد عقد حوآجبه : ويش خشبه ذي ؟
هنآدي تضحك : أسئل مدآمتك .. سيوو ياوجه النحس
فهد : هههههههآآآي والله انهآ مجنونه ذي البنت
ثوآني ودخلت شوق مع الباب وهي تشوف الأبتسآمه على وجهه
شوق : عسآهآ دوم يارب هالبسمه .. ويش سرهآ ؟
فهد : قبل لا أقولك قولي ويش معنى خشبه
شوق عقدت حوآجبهآ : أكيد هنآديوه قالتهآ لك
فهد ابتسم : ايه .. بس ويش معنهآ
شوق قامت تضحك وجلست جنبه : معنآهآ أنك ثقيل طينه ومآحد يحبك هههههههههه
فهد : أهب عليهآ أختك ذي عليهآ مصطلحآت غريبه عجيبه
شوق : اتركك منهآ وقولي أيش تبي
فهد : أنآ بسآفر الحين جده .. أذا بغيتي أي شي كلميني
شوق : الحمدلله مآني محتآجه شي
فهد : على العموم أنآ اسبوع بالكثير ورآجع
شوق : توصل بالسلآمــه يارب
فهد وقف : الله يسلمك .. يالله شوفي لي الدرب
شوق وقفت ورآحت لجهة الباب وقبل ينزل بآسهآ ورآح
:::
:::
بآلسيــآرهـ
أتصل على اخوه بعد مآنسآه فتره ليست بالبسيطه ... جآهـ رده بصوت خآفت يادوب ينسمع
فهد : سلآم
بآسل : وعليكم السلآم
فهد : كيف حالك ؟!
بآسل أحتد صوته : بدري توكـ تتذكر أن لك أخو تسأل عنه
فهد :أسئل نفسك ليش تنآسيتك
بآسل : أنت مآتركت لي فرصه اشرح لك
فهد : ولا أبيك تشرح لي .. وينك فيه الحين ؟!
بآسل بصوت لآمبآلي: بأرض الله الوآسعه
فهد : أنآ عارف انك بالممكله بس وين بالتحديد
بآسل : ويش يهمك فيه ؟!
فهد بحده : شوف بكره لازم تكون بجده أبيك ضروري أنآ الحين بمشي لهآ ..
باسل : مقدر أسآفر
فهد عصب عليه وعلى صوته : مآني مسؤل عنك غصب عنك تجي سآمع لو يصير الظهر وأن مآجيت لآتلوم ألا نفسك ..قفل الخط بوجهه وحرك سيآرته وأتجه لطريق جده – المدينه
أمــآ بالنسبه لبآسل .. أنقهر من سلطة أخوه اللي يفرضهآ عليه بالقوه أو بالطيب هو متوآجد بجده حاليآ لكن مآكآن يبي يشوفه او يقآبله بعد الفتره اللي مرت بدون مآيتصل عليه او يسأل ويشوف أخبآرهـ .. لكنه متأكد أنه يبيه لأمر ظروري وألا مآ أتصل وعنآء نفسه بهذآ الشي
بآسل : نشوف ويش ورآك يافهد ... عسى خير بس
بآلمدينه وتحديدآ ببيت أهل سيف
أم سيف : لآ يآولدي مآيصير اللي تسويه أنآ بكره بروح لبيتهم وأكلم أبوهآ وخوآتهآ وبحآول أقنعهآ ترجع .. العنآد يخرب البيوت
سيف يطآلع سآميه بنظرآت نآريه : كله من بنتك الخبله الغبيه تسمع كلآم وحده حآقده وتنسى أني أخوهآ من دمهآ ولحمهآ
سآميه تغيرت ملامحهآ : قلت لك تبت مآتفهم أنت
سيف : بعد ويش ياحلوه .. شوفي حيآتي كيف صآرت بسببكم
سآميه وقفت : بروح غرفتي
امهآ : الله يسآمحك يابنتي روحي لغرفتك ... "طلعت لغرفتهآ ولفت على ولدهآ " ..يمه لا تقسى على أختك شوف حآلتهآ كيف مترديه
سيف : مآذبحنآ الا دلعكم لهآ لازم تتعاقب أكثر على سوآتهآ ذي
امه : جاهله ياولدي
سيف : مآفيهآ جهل فيهآ الشر أعوذ بالله والنفس الخآيسه
امه : الله يصلحهآ ويهدي الجميع يارب
:::
:::
دق جوآلهآ من رقم غريب ماتعرفه .. مآدرت بالمرهـ الأولى لكن وصلهآ مسج محتوآه
( ردي علي ياعبير )
استغربت جآء في بالهآ انهآ تكون وحده من صديقآتهآ .. أنتظرت الأتصال دقايق معدوده ورن جوآلهآ
عبير : هــلآ
...: ســـلآم
سكــت ماقدرت ترد السلآم انصدمت من نبرة الصوت الرجوليه .. : ترى رد السلآم وآجب
عبير بحده : مــيــن أنــت وويــش تبي مني ؟!
..: أول شي لا تعصبين ثآني شي أنآ متصل عشآن هدف وآحد بس
عبير زآد جنونهآ : اللي هــو ؟!
...: أنتي
عبير بصدمه : أنــآ .. هيه أنت مين مفكر نفسك ياغبي المره هذي بطنشك وبعتبر أنك مآ اتصلت ولآ شفت رقمك على شآشتي .. ولآعآد تفكر تتصل .. قفلت الخط بوجهه
عبير : صدق نآس وقحه .. وبعد يعرفني يآويلي والله لو يدري نوآفوه غير يقتلني .. أحسن شي أسويه مآ ارد عليه وألا أعطيه وجه ومصيره يتركني بحآلي ..أيه هذا اللي لآزم أسويه
فتحت لآبهآ ودخلت المسن شآفت هنآدي متوآجده وبدت تسولف معهآ متجآهله االي صار قبل دقايق
بغرفه في بيت ابو مهآ
{شوق – مها – ريم – رغد – شهد}
مهآ كآنت منشغله مع بنتهآ اللي طفشتهآ .. أمـآ البقيه كآنوا مندمجين مع بعض في السوالف
رغد : الا ماقلتي ليه زوجك راح جده
شوق : يقول عنده شغل بيخلصه ويرجع مايطول
مها ضحكت : تدرون احلى شي اننا اجتمعنا زي أول لا أزوآج ولآهم يحزنون
رغد ترفع حآجبهآ الأيسر : بس في أنفآر زآدت .. زي رنومه "واشرت على شهد" يعني مارجعت ذيك الأيآم زي مآكآنت
شوق : صدقتي الدنيا مآتبقى على حال وآحد كل وحده فينآ تغيرت مآبقت على حالهآ
شهد : حتى أنتي يآشوق أحس بعيونك التعب .. بس مآودك تتكلمين
مهآ التفت لهآ وصآرت تدقق فيهآ : أمم معك حق شهوده أحسهآ نحفآنـه عن أول
شوق حست أنهم لاحظوآ عليهآ النحف والذبول ..أبتسمت : يمكن عشان لي فتره مآشفتوني .. طبيعي أكون متغيره عليكم شوي
ريم تمسك يدهآ : مآ أتوقع شوفي لأي درجه نحفتي
شوق سحبت يدهآ : وبعدين معكم ... أكيد عشآنكم مآشفتوني من شهور ..أنآ رآيحه أشوف هنآدي قالت تبيني بموضوع
رغد ضحكت بقوه : حركآت هنآدي صارت عندهآ موآضيع
شوق طآلعتهآ بحده : ليش مآعندهآ أحسآس زيكم ..كلكم مآتحسون فيهآ
مشت وتركتهم بالغرفه
رغد عقدت حوآجبهآ: لايكون زعلت مني ؟
شهد تدقهآ : الله يصلحك تعرفين أن هنآدي غاليه على شوق مآتحب أحد يتكلم عليهآ
رغد : بس انا ما أتكلمت عليهآ قلت حركآت ماهي سبه
مهآ : بس بس رجيتوني خلوني أنوم رنومه
شهد : خذي بنتك وروحي غرفتك
بغرفــه ثآنيه
دخلت عليهآ شافتهآ جالسه على سريرهـآ ومنسجمه بالأب رفعت عيونهآ لشوق اللي مآشيه بأتجآههـآ
هنآدي : بغيتي شي؟!
شوق جلست على طرف السرير ورجعت شعرهآ على ورى:مآتذكرين ويش طلبتي مني
هنآدي تذكرت وقفلت الاب : ايه تذكرت
شوق ابتسمت : أحس عندك سوآلف .. نفسي أعرف ويش هي ؟
كآنت بين يديهآ ربطه تلعب فيهآ وتمغطهآ بكل الأتجآهآت: شوق بسئلك سؤال بس احلفي تجآوبين عليه بصرآحه وماتخبين عني
شوق استغربت جديه هنآدي :أذآ قدرت أجآوب بجآوبك
هنآدي رفعت رآسهآ وشافت بعيونهآ نظره الخوف والأرتباك: أنا متأكده أن عندك أجابه
شوق تملكهآ الأستغراب : خير شنو سؤالك ؟
هنادي : أنتي مريضه صح ؟
شوق انصدمت وبآنت أثرصدمتهآ على ملامحهآ اللي أنقلبت 180 درجه :مين قالك هذآ الكلام
هنآدي : لما كنت عندكم بالرياض حسيت أن فيك شي بس مآقدرت اتكلم وأسئلك لأني شفت ان نفسيتك تعبانه وصحتك متدهوره .. وبعد مآرجعت اختفيتي حتى أتصال ماتتصلي بالعربي انقطعتي وقلبي يقول فيك شي
شوق: شوفيني قدآمك مافيني الا العافيه كلهآ أوهآم مستحله تفكيرك وشيليهآ من راسك لأنهآ خطاء
هنآدي بنظره كأنهآ متأكده من اللي تقوله : مآ أظن
شوق ركزت بنظرآت هنآدي لهآ : ويش اللي يخليك متأكده ؟!
هنآدي : أمممم أحسآسي
شوق وقفت : بس هذآ اللي عندك ؟
هنآدي : أيه بس هذآ
شوق ابتسمت لهآ : أعطيتك الجواب ..اذا باقي شي مآقلتيه أنآ موجوده وأستنآك
هنآدي : اوكـ اذا تذكرت شي بجيك
شوق : أوكِ .. الحين بروح عند البنآت وبعدين أرحمي نفسك من النت وتعالي عندنآ
هنآدي أبتسمت بحب وصفاء لأغلى أنسانه بحياتهآ:أكلم عبوره وأجيكم
:::
:::
ببيت ام يوسف
توه دآخل البيت وغير ملابسه بسرعه ورمى نفسه بتعب لأنه جوعــآن وكرف اليوم بالعمل
يوسف : غدير تكفين أبي أكل ميت جوع
أمه : قومي يمه سوي لأخوك أكل
غدير وقفت بأنصيآع تآم ورآحت للمطبخ تسوي له شي يخفف من جوعــه
أمه : مآيصير اللي تسويه أنت ومرتك .. قوم روح ردهآ لبيتك
يوسف : هي رآحت من حآلهآ ترجع من حآلهآ
أمه : ويش زعلهآ منك أكيد مسوي شي عشآن تزعل منك مآفي مره تترك زوجهآ وبيتهآ بدون سبب
يوسف بتعب بان عليه : أنآ مازعلتهآ بس هي مدري علآمهآ ... مصيرهآ ترضى من روحهآ وترجع
أمـه : الله يسهل أمورك أنت أدرى بمصلحتك
دخلت مريم : سلآم
الكل : وعليكم السلآم
مريم : كيفك يوسف ؟
يوسف : بخير ..وأنتي كيفك ؟
مريم : الحمدلله ... أقول يمه أتصلت خالتي أم سيف تقول بتروح لبيت أبو مهآ تبيك تروحين معهآ
أمهآ : خير ويش في ؟
مريم : عشآن سيف وريم تقول ..تبيك تروحين معهآ
أمهآ : بنآت أبو مهآ مآهن مريحآت أزوآجهن .. هذآ عيب النآس اللي مآينعرف طبعهم
يوسف بدا يعصب : يمه عن الكلام اللي يجرح .. بنآت ابو مهآ مافي أحسن منهآ
أمه تميل فمهآ : ايه باين ياوليدي كل وحده تآركه بيتهآ وزوجهآ من جهه أكيد مآفي أحسن منهن بذآ الشي
مريم : والله يايمه مره طيبات ليش مآتحبينهم ؟!
أمهآ : ماقلت مآ احبهم .. بس تصرفاتهن مآهي زينه
يوسف : كل وآحد ينآم على الجنب اللي يريحه
امه : أنآ شآكه ان شهيد مسويه لك بلى اللي حتى غلطهآ ما تعترف فيه
يوسف عصب وأبتدت ملامحه يطغى عليهآ اللون الأحمرار وعيونه يطلع منهآ الشرار : يمه ويش تقولين .. مآتوصل لهذي الدرجه
أمه : طيب روح رجعهآ كآن بك خير
وقف وهو بقمه عصيبته كآن طالع من الغرفه وغدير داخله بالصينيه رمى الصينيه بكل قوته على الأرض ودف غدير عن طريقه بقوه ...وطلع من البيت
غدير بأستغراب : ايش فيه معصب ؟
مريم تطلع أمهآ بلوم : الله يهديك يمه لاتكرهينه بزوجته أنتي مآتبين ألا سعادته
ام يوسف : خليه يتمرجل ويروح يردهآ ..مآهو ينتظرهآ ترجع متى مابغت عيال أخر زمن
غدير : هو أدرى بحيآته خلوه على كيفه لاتضغطون عليه
:::
اليوم اللي بعدهـ
جــده – التوقيت الساعه 2 الظهر
جلس على مكتبه يقلب بأورآقــه من زمآن ماجلس بهذآ المكآن طغى على تفكيره ذكريآت وذكريآت زلزلت كيآنه الهادي .. سكر الملف اللي بيده وتكى على الكرسي غمض عيونه ولف الكرسي على الجهه الخلفيه تنهد وبنفسه كلام كثير مآيدري كيف يكسر حآجز صمته المؤلم
( أكيد مرتآح لهذي الخطوه أخوك مآرآح يخيب ظنك فيه لأن فيه جزء مشترك بيننا اتمنى مآ تخيب ظني فيك يآباسل بمحي كل اللذي فات وأعطيك هذي الفرصه على طبق من ذهب والباقي عليك أنت وشطارتك )
سمع صوت صحآه من نوبه سرحآنه العميقه ..نبرهـ مآ نسى صآحبتهآ
...: مآتوقعت أنك بترجع لنآ من جديد
لف ببطئ وشآفهآ كعآدتهآ خمس سنين مآغيرتهآ ابدأ ...أرتسمت ابتسآمه صفراء باهته على شفآيفه : لايكون جيتي غير مرغوب فيهآ ؟!
جلست على الكرسي وحطت رجل على رجل بثقتهآ المعهوده : بالعكس فرحآنين برجعة فهد الجابر كأني فهمت أنك أستقلت من هذي الوظيفه
فهد : ويش يهمك فيه أستقلت وألا بقيت
...: مآيهمني بشي ...مبروك سمعت أنك تزوجت ولو أنهى متأخره مرهـ
فهد : الله يبارك فيك ..عقبالك
...: الله يسمع منك
وقف وهي تتأمل هيبته اللي تعجبهآ وتـاخذهآ لعالم ثآني كل مآكبر بالعمر زآدت وسآمته وجآذيبته ... وأحتدت ملآمحه الرجوليه الأسِرَهْ وأشتدت معهآ الفتنه بـه
فهد : عن أذنك عندي شغل كثير لآزم أخلصه
...وقفت وقبل تمشي : موفق ...لنآ لقاء ثاني
فهد أبتسم وقال بلئم : مآ أظن
...رفعت حآجبهآ بحده وميلت فمهآ : تأكد بيننآ لقاءات كثيره "مشت وخلته بمكتبه "
فهد ( ويش قصدهآ ؟!.."فجأهـ" أنت تفكر بكلامهآ يافهد ترآهآ بنت لارآحت ولآجت ماهزتك أبدآ أرمهآ ورآك ولآتفكر فيهآ ) طلع وأتجهه لقصر جدهـ اللي أشتاق له وأشتآق يستنشق أنفاسه اللي تنعش فيه الروح حتى يقابل فيه اخوه
نزل من الدور الرابع وكآن السوآق بأنتظآره حتى يوصله للبيت .. بعد مآدخل السيآره دق جوآله
فهد : هــلآ والله
خالد : هلابك ... أشوف جده ترقص فرحآ وطربآ أثاريك عندنآ
فهد يضحك : شآيف كيف ... المهم كيفك أنت ؟شخبارك ؟
خالد : بألف خير والحمدلله .. انت كيفك يالقاطع ياللي ماتسأل عن أصحابك
فهد : والله الدنيآ مشاغل ...تعرف الشغل وزحمته
خالد بتهديد : لآتقول مانت جاي للشليه اليوم .. ترى أنا عآزم الشباب كلهم وبنجتمع عشان جيتك
فهد بدون أي اعتراض : أبشر رآح أجي للشاليه اي أوآمر ثانيه استاذ خالد
خالد : والله ودي أخذ اخبارك احس في بلآوي من ورى سكوتك
فهد : مافي الآ كل خير ... انا رآيح البيت ارتآح شوي وبعدين بأخلص كم شغله وأجيكم على العشاء في الشاليه
خالد : اقول لاتنسى باسل أخوك .. جيبه معك
فهد ابتسم : يعني هو وصل جده
خالد : من فتره هنآ بس طلبني مآ اقولك .. وانا قدرت موقفه وماقلت لك
فهد : تلعبون من ورآي انت وهو
خالد : أقول المدآم تنآدي .. يالله أشوفك باليل مع السلامه
قفل الخط وكآن قريب من بيت جده اللي يعشقه .. أنفتحت البوآبه ودخلت السيآره تمشي في الممر الطويل وعلى جوآنبهآ فخآمة تصميم ومناظر طبيعيه رآئعه
أنتبه لسيآرة باسل وآقفه بأخــر الممرالطويل اللي يطلع على مدخل القصر ... نزل من السيآره ودخل البيت وأستقبلته المشرفه على البيت بأكمله .. مشى على طول لمكتب جده اللي كآن نقطه بدآيته في عالم التجآره والأعمال الحره
فهد : مآيآ قولي لبآسل اني في بالمكتب
مايا " جنسيتهآ سوريه " : حآضر بدك شي تاني أستاز فهد
فهد : No , thanks
طلعت بسرعه لبآسل اللي كآن نآم بغرفته .. دقت الباب لكن مآحصلت رد ظلت تدق ومآفي أمل انه يرد عليهآ .. فتحت الباب ودخلت شوي وشآفت الغرفه في حاله يرثى لها من العشوآئيه اللي متكور فيهآ ويتعايش معها .. نآدت بأسمه لكنه مآرد عليهآ
مايا : العمى .. ليش عآمل هيك بالـ Room
سمعت صوت همه جآيه من زآوية السرير : أوووفـ مين اللي مزعجني ؟!
مايا بخوف : سوري أستاز باسل بس استاز فهد عم بنتظرك تحت بالمكتب بديآك تنزله حالآ
باسل صرخ عليهآ : Outttt
طلعت بسرعه وهي خآيفه من صرآخه عليهآ وعصبيته ... نزلت لفهد في المكتب وحكت له اللي صار .. ترك كل شي بيده وطلع لغرفة بآسل وهو متمالك نفسه لأينفجر عليه
دف الباب بقوه وصرخ : بـــآآآســــل
بكل برود بعد اللحاف عن وجهه وهو فاتح عين ومغمض عين وبكسل قال : نــعــم
فهد قرب منه أكثر وعيونه تطلق شرار ..بنبره حاده وحاسمه : قـــوم قدآمي
بآسل : مآشبعت نوم
فهد رجع يصرخ عليه وسحب اللحاف عنه بقوه : قــلـت قـــوم .. معك ربع ساعه اذا مالحقتني بصير شي مايرضيك
طلع من الغرفه وهو بقمه عصبيته تارك أخوه بالغرفه يتأخذ القرار بنزوله أو بقائه في سريره
قابل مايا عند الدرج وقال لها : سوي لي قهوه وهاتيها لي بالمكتب
بعد ربع ساعه بالزبط نزل باسل وكان لابس بجآمه أسود فيها خطوط بيضاء وتيشرت حفر ابيض عليه كلمات بالاسود وشعره مبلول والمنشفه على كتفه ... دخل المكتب
لف فهد بالكرسي على الطاوله : اخيرا.. مابغيت تجي
عبال جلس قباله وحط رجل على رجل : ويش الموضوع المهم اللي تبيني فيه ومنكد علي نومي
فهد ابتسم : شي راح يعجبك انا متاكد من ذا الشي
باسل عقد حواجبه باستغراب : غريبه .. واثق انه بعجبني ؟
فهد طلع اوراق من الملف اللي على الطاوله ومدهآ لباسل اللي اخذها بفضول وصار يقراها بتمعن ... رفع راسه مصدوم من اللي يقراه : ويش هذآ اللي مكتوب
فهد رجع على ورى وقال بهدوء : زي ماقريت... بس اتمنى ياباسل تثبت لي انك قد هذآ الشي وتنجح فيه
باسل : انت مستوعب ايش كاتب ...لاتكون هذي فكرتك ؟
فهد حط عينه بعين باسل : أيه فكرتي .. بشوف أنت قد هذآ الشي أو ..." سكت "
باسل : فهد صاير لك شي .. معقوله انت تكتب لي ممتلكات بهذي الثوره الكبيره
فهد : هذآ حقك اللي حفظته لك من سنين .. وجاء الوقت اللي اسلمه لك انت صرت كبير وتعرف تدبر امورك ... وهذي فرصه لك عشان تغير نظرتي لك
باسل بتردد : بــس شركــتــك ..ليه ..؟!
فهد قاطعه : انا مالي شي هنآ وصعب اني اجي كل اسبوع دام انك هنآ انت المسؤول عنها
بــآسل سكت وطآلت فتره سكوته حس أنه مو قد كُبر هذي المسؤوليه
فهد : غريبه سكوتك .. شكل مآعجبك قرآري
باسل : الا عاجبني بس المسؤليه كبيره علي .. هذي فيهآ مليآرآت
فهد ابتسم بخبث : وريني شطآرتك اثبت لأبوك اللي يقول عنك فاشل أنك تقدر تكون رجل أعمآل نآجح
باسل اقتنع بكلام أخوه طالع فهد وقال بنبره وآثقه : بتشوف أخوك كيف بـيــكون
:::
:::
بنفس التوقيت في بيت أبو مهآ
كآنت صاحيه من الصبآح مشتاقه لجلستهآ من بدري .. تذكرت أيآمهآ الماضيه لمآكانت تصحى تسوي الفطور وتصحي أخوآتهآ وترتب .. كآنت شايله البيت كله ومآهي مخليه أحد من خوآتهآ أو بنات عمهآ يحتاجون شي .. غرفتهآ , سريرهآ , مرآيتهآ , زوآيآ البيت ..كلهآ مرتبطهآ بألف ذكرى وذكرى ... دخلت المطبخ تسوي لهآ قهوه عشآن تصحي مهآ وتنتظر وصول عمهآ ويجلسون مع بعض ..خطفتهآ ألـه الزمن ورجعتهآ الى الوراء برهــه من الــزمــآن
سكنهآ الحنين وعشقهآ الدآئم لممتلكآتهآ فقدت أشياء كثيره وتغيرت حيآتهآ جذريآ كآنت في حدود الصفر .. وأستفاقت على تغيير في نطاق الصفر والصعود الى حيآه مختلفه بتآتآ البتَ
كآنت في مآمضى تتألم وتتعذب .. حيآتهآ مجرده من كل مآتريده وترغب به حُرمت من روعـه أيآم المرآهقه ونُحِرت في عنقهآ بـبـزوغ فـجـر صبآهآ وفي شبآبهآ جُبرت على الزوآج من قآتلهآ ووآئدهآ في مقبره عآرهـآ
أرتعشت من أستحلال هذي الأفكار على تفكيرهآ .. والمؤلم الى حد الأجترآر أن محيط دآئرة الألم في توسع مستمر
المسأله لوهي على ضيقة الخلق هونتها
و آقول : ضيقة دقايق !
المسأله ,،/ عبرة سجينه بهالحلق
ترقى دموع
و ترجع لـ صدرضايق ..!
حست بوخز في بطنهآ تذكرت أنهآ نست تأخذ دوآهآ رجعت للغرفه وفتحت شنطتهآ بهدوء عشآن مآتزعج مهآ أخذت الدوآء وشربت بعده مويه رجعت دوآهآ بالشنطه وحطتهآ على الكمودينه وقفت بترجع للمطبخ لكن أستوقفتهآ مهآ
مهآ: ويش الدوآء اللي أخذتيه ؟!
شوق عضت شفآيفهآ ولفت ببطي وهي تفكر بأجابه تقولهآ لهآ : مسكن
مهآ عدلت جلستهآ وحطت عينهآ بعين شوق : مسكن لأيش !
شوق : مسكن لصدآع .. لأني مصدعه مررهـ
مهآ بنظره قويه : مآتوقعت تكذبين ياشوق .. هذي أخرتهآ " سحبت الشنطه وطلعت الدواء مشت شوق بسرعه تبي تسحبهآ من يدهآ لكن مهآ سبقتهآ وطلعت كيس الأدويه
شهقت بحده : أيش هذآ " رفعت رآسهآ وحطت عينهآ بعين شوق " كل هذي مسكنآت ؟
شوق أرتبكت وتغيرت ملآمح وجههآ : مهآ أعطيني الكيس
مهآ بنبره حآده : مابي أعطيك الكيس .. أبي افهم ويش قصة هذآ الشي "وأشرت على الادويه الموجوده "
شوق تصبر نفسهآ حتى ماتعصب : لا قصه ولا حكآيه قلت لك مسكنآت
مهآ تتأمل الأدويه : أممم أسمآئهآ غريبه أول مره أشوف اشكال زي كذآ مآ اتوقع أنهآ للصدآع
شوق سحبتها من يدهآ ودخلتهآ في الشنطه : مو مهم شكلهآ .. ورجاء مره ثانيه لا تمسكي أغراضي
مهآ انصدمت من كلام شوق : انتي تقولي كذآ ياشوق ؟
شوق : في أغرآض خآصه مابي أحد يشوفهآ
مهآ تأكدت من طريقة كلامهآ والعبسه اللي على وجههآ انهآ مخبيه شي : لالا ياقلبي انتي فيك شي .. مهمآ حاولتي تقنعيني ماتقدري يبين في عيونك أذآ كنتِ كذآبه
شوق : مها الله يسعدك خليني في حالي ولآتقلبي رآسي بأسئلتك اللي تسبب قلق
مهآ بعدت البطآنيه عنهآ ووقفت : مآرآح أزعل منك لأنك بالاول والأخير رآح تقولين لي أوكيشن .."أخذت منشفتهآ ورآحت للحمام وأنتم بكرآمه "
تركت شوق لوحدهآ بالغرفه ...تنهدت وبدآخلهآ ألف هم وهم تعرف مهآ اذا حطت شي برآسه توصله لو على موتهآ .. أخذت جوآلهآ ورآحت للمطبخ تكمل سوآت القهوه لقيت ريم بالمطبخ تسوي لهآ فطور
شوق بأبتسآمه تخفي فيهآ كل أوجآعهآ عن الجميع : صبآح الخير
ريم أبتسمت لها : صباح النور والسرور .. بشري كيف كآنت النومــه ؟
شوق غمضت عيونهآ وتكت على الطاوله : وآآآآو احلى نومه نمتهآ حسيت بالرآحه والأمــآن كأني طفل تآيه ولقى ملجئ الأمــآن
ريم : يؤؤؤ على التشبيه بليغ جدآ
شوق : اقولك متى يصحون البقيه طولوآ بالنوم ؟
ريم طلت بشوق نظره غريبه : أنتي مآتركتي عآدتك ؟
شوق استغربت : أي عآده ؟
ريم : أنك تصحين بدري وتسببين لنآ قلق
شوق انفجرت بالضحك : ههههههههههآآآآآي .. شسوي تعودت والله
ريم : زوجك مآيهآوشك يقلك أخمدي وطولي بالخمده
شوق : لبى قلبه زوجي فديته انآ يطلع من بدري للشغل ومآيرجع الا الساعه 3 وكمآن يرجع للشركه بعد العصر
ريم طلعت عيونها : يآسآتر ...ويش ذآ حشى مو دوآم
شوق : ياقلبي هو مآدآوم هو يهتم بأعماله وأملآكه .. صح ذكرتيني " طلعت جوآلهآ من جيب البجآمه ورآحت للصآله ودقت عليه .. أنتظرت دقايق
فهد : ألـــووو
شوق : صبآح الخير
فهد : قصدك مسآء الخير
شوق : ههههههههه
فهد :دوم الضحكه
شوق : تدوم أنفآسك .. شمسوي اليوم ؟
فهد : الحمدلله مآشي .. أنتي طمنيني كيف صحتك ؟
شوق : تمآم الحمدلله
فهد بأستفسآر : مآتحسين بألم
شوق : يعني يجي ويروح الألم
فهد : لآتنسين موآعيد الأدويه ترى مهمه عشآن يكون مفعولهآ مزبوط
شوق : أن شاء الله مآ أنسى
ريم تقاطعهآ : شوق خلصت القهوه
شوق : مضطره أقفل الحين .. توصي شي
فهد : سلآمتك
شوق : بحفظ المولى " قفلت منه وتحس بشوية ألم لكنهآ تجآهلته "
أخذت الصينيه وطلعت بالصاله .. وكآن عمهآ توه رآجع من مكتبه
شوق : هلآ والله ياعمي .. حيآك تقهوى معي
أبو مهآ جلس معها بالغرفه يسولفون ويسألهآ اذا مرتآحه مع زوجهآ أو لآ
شوق : الحمدلله ياعمي مبسوطه معه
ابو مهآ أبتسم : فهد مآتلقين زيه
شوق حمرت خدوهآ : أكيد .. أقول عمي ليش سيف طلق ريم
ابو مهآ : الله أعلم ريم مآتكلمت وقالت السبب وهو من يوم طلقهآ مآشفته ولاكلمني
شوق طلعت عيونهآ : وأنت ساكت ياعمي . مايصير اللي تسويه بالمره ..لازم ترجعهآ له
أبو مهآ : هي رآفضه تتكلم بالموضوع وخوآتك مآقصروآ تكلموآ معهآ
شوق : لا ياعمي اللي تسويه أكبر غلط ... لازم تصالحهم وترجعهم لبعض
ابو مهآ حس بتأنيب الضمير : بحاول
شوق شهقت قالت بحده : ويش تحاول هذي بنتك لاتسمح لها تخرب حياتها وهي في أول مشوار حيآتهآ
أبو مهآ : أنآ بكلمهآ بس اذا زوجهآ ماجاء وقال بيرجعهآ أكون مثل اللي يرمي بنته
شوق بأعتراض : أنت مآترميهآ ياعمي انت تبيهآ سعيده بحياتها مع زوجهآ
أبومهآ : الله يكتب اللي فيه الخير
قآطعهم نغمة جوآل أبو مهآ ... رد بكل ثقل وكعآدته مرحب بالمتصل
قآمت شوق تنآدي ريم ومهآ عشآن يجلسون معهم
:::
:::
بغرفــة ثآنيه
كآنت تتقلب على سريرهآ من مده وهي صآحيه لكن تحس بكسل يمنعهآ انهآ تقوم ..حست بحركه قويه في بطنهآ تألمت بسببهآ وبعدهآ أبتسمت وحطت يده على بطنهآ
شهد ( ويش تسوين يآشهد يوسف حلف أنه بيتزوج عليك ) رد عليهآ صوت بآطني
( انتي مصدقه أنه بيتزوج هذآ مجرد تهديد ... لآتفكرين بذآ الشي لأنه مستحيل يصير ومصيره بيجي ويرآضيك هو مآيقدر على فرآقك )
شهد ( فرضاً لو مآجاء أنآ اللي بتعب .... والله أني أحبه وموت فيه بس هو صاير ينرفزني ومآيدآري شعوري )
رد عليهآ نفس الصوت (أعذريه أختلقي له مليون عذر وعذر حتى لو مآ أرتكب خطاء اللي يحب لآزم أنه يغفر زلآت حبيبه )
شهد : أوووف ... قآمت من سريرهآ بهدوء عشآن مآتزعج رغد
قآبلت مهآ في الصآله
شهد : صبآح الخير
طلت مهآ في سآعتهآ : قصدك مسآء الخير .. صرنآ الظهر ياختي
شهد أبتسمت : وين شوق ؟
مهآ : عند أبوي بالغرفه
شهد بتعب : طيب في أحد بالمطبخ
مهآ : يس ريم تفطر بالمطبخ
شهد بهلفه مشت بسرعــه : أجل بروح افطر معهآ
مهآ تضحك : بشويش يالمفجوعه .. مشت لغرفة الجلوس عند أبوهآ وشوق
شوق : متى بيجون ؟
ابو مهآ : المغرب
مهآ بفضول : مين اللي بيجي ؟!
شوق : أهل سيف
مهآ فتحت عيونهآ : ولـــــــيـــــــش ؟!
أبو مهآ : يقول الولد بيتفآهمون هو وريم
مهآ : ابوه بيجي معه ؟
أبو مهآ : ايه اللي كلمني أبوه
شوق بحيره : ايش رآيك ياعمي نقول لريم والا نسكت على اساس أنهم جآيين فجأه
أبو مهآ بنفس الحيره : والله مدري ... بس أفضل مانقولهآ الا العصر خليهآ تأكل وتفوق وبعدين نفتح معهآ الموضوع
مهآ : أجل لاتلمحون على أي شي لمآ بعد العصر وأنآ اللي بقولهآ وأحآول اقنعهآ
أبو مهآ : زين ترى بعتمد عليك.... قد ماتقدرين حاولي تقنعيهآ
مهآ : أن شآء الله ببذل جميع السُبل لأقنآعهآ رغم أنني وآثقه بقسوة عنآدهآ
شوق ضحكت : شو غيرتي مودك عربي
مهآ : يـــس يــس
دخلت ريم ومعهآ شهد
ابو مهآ : هلآ والله بالغاليات
شوق تتخصر : ماشاء الله ليش غاليات يعني احنآ مالنا سوق عندك
ريم بآست يد أبوهآ وجلست جنبهآ : بليز لآتنآفسينآ بالغلآ حنآ التوب عند أبو مهآوي
مهآ : لالالا ... ظلم أنآ أعترض وأحتج على هذا الفعل المنكر منك يآ أبتآه
شهد : ياربي على غيرتكم ..حُسم الأمر احنآ التوب يعني التوب
مهآ : انا ازعل كذآ
ريم بضحكه : صكي راسك بالجدآر
الكل : ههههههههههههههههههه
مهآ : أكيد بصك راسي بآلجدآر ولا أحد بيدري عني
أبو مهآ :الله يشهد علي أن كلكم غاليات على قلبي ولآ أفضل وحده على وحده .. أخذ من عمري وعطيكم
الكل : الله يخليك تآج على روسنآ
ابو مهآ : ويخليكم لي ... وأشوفكم مبسوطآت وسعيدآت في حيآتكم
الكل : يارب
شهد : اشوفكم مبسوطين الله يدومهآ عليكم يارب
شوق : اي والله رجعنآ زي قبل
ابو مها : الله لايفرقكم يارب ... وين هنادي وسحر وسمر
ريم : نايمين
ابو مهآ : أعوذ بالله للحين .. روحي صحيهم يالله رآحت عليهم صلاة الظهر
مهآ : ههههههه انا بروح أنكد عليهم
شوق : ياحبك للنكد
ريم : هذي وظيفتهآ بالحيآه
مهآ : بروح انكد على الكل ورآجعه لكم ... بعد دقايق معدوده
ابو مهآ : يبه ريم .. افطرتي ؟
ريم : ايه يبه .. خير تبي أسويلك شي
أبو مهآ : لآ يابوك .. بس كنت بتكلم معك عــن
قآطعته شوق: مو وقته ياعمي نآسي أيش قلنا
ابو مهآ : دآمهآ افطرت ليش نأجل الموضوع خلينآ نقول لها يابنتي
ريم عقدت حوآجبهآ باستغراب : خير يبه ويش صاير ؟
ابو مهآ :سيف وأهله بيجون اليوم
ريم تغييرت ملامحهآ وأصفر لونهآ وارتبكت قالت بصوت متردد : وليه بيجون ؟
ابو مهآ : اذا جوآ نعرف ليه .. المهم يابنتي لو بيرجعك زوجك انتي موآفقه
ريم : لآآآ
أبوهآ : ليه طيب .. ويش اللي يخليك ترفضين الرجعه له ؟
ريم : مآبي أرجع له وبــس
شوق : بس لآزم يكون في سبب
ريم شوي وتبكي : هو مايبيني ليه اجبر نفسي اعيش معه دآمه مايبيني .. مخليني زي الشغاله عنده .. أخدمه واشوف طلباته
شهقت شهد : معقوله ريم بدت تبكي وتنوح وأحتد صوتهآ : يرضيك يبه يصير فيني كذآ
أبوهآ : يابنتي يمكن أنتي فاهمه غلط أنتي مجبوره تخدمين زوجك هو جنتك ونآرك
ريم : بس مو لدرجه أنه على كل شي ينفخ علي ويهزئني .. مآيجلس بالمكآن اللي أنآ فيه
" وأنفجرت بالبكآء "
ضمتها شوق : ياقلبي أنتي ... من البدآيه مآتحملتي كيف بعدين أذا جبتي أطفال
ريم : أنآ مابي أرجع له
أبوهآ : يايبه صلي النبي وأذكري ربك ... سيف طيب وأخلاقه زينه ليه مآتعطينه فرصه ثانيه
ريم : طيب معكم لكن معي مآهو طيب
شوق : يمكن يكون عنده ضغط بالعمل
ريم : لآ .. القصه مآهي كذآ
أبوهآ : أنآ سمعت منك باقي أسمع من زوجك ... وبعدهآ نشوف ونقرر
ريم رفعت رآسهآ وتعلقت عيونهآ بأبوهآ : يبه لآتحاول ترجعني له أنآ طاب خاطري منه
شوق تمسح عليهآ وتقرأ : أذكري الله ياقلبي ... مآتدرين الخيره وين ؟
ريم وقفت ورآحت لغرفه شوق ومهآ
أبو مهآ : ألحقيهآ يا شوق شوفي علآمهآ وعقليهآ
شوق لحقتهآ على طول .. دخلت الغرفه وقفلت الباب
شآفتهآ تبكي بحرقه وألم ..قربت منهآ وحطت يدهآ على ظآهر كفهآ
شوق : ريومتي .. صآرحيني ليش كل هذآ البكي ؟!
ريم وهي لآزالت دآفنه وجههآ بالوسآده : تعبآآنــه
شوق : أيش اللي تآعبك
سآعدتهآ أنهآ تجلس سحبت منديل ومسحت لهآ دموعهآ المتبعثره على وجههآ
شوق : قولي لآاله الآ الله
ريم بأنصيآع رددت : لآاله الا الله
شوق ضمت كفوف ريم وقربت منهآ أكثر : قولي كل اللي فيك يمكن أقدر أسآعدك وأدلك على الشي الصح
ريم ذرفت دمعه يتيمه : اوعديني مآتقولي لأبوي
شوق : أوعدك
:::
:::
في الدور الأرضي صحت على صوت جوالهآ .. اخذت جوالها بكل كسل وردت بدون
عبير : ألــــووو
...: السلام عليكم
فتحت عيونهآ وبدت تركز وبنفس بحة صوتها : وعليكم السلام
...: أسف صحيتك من النوم
عبير : أنت ماتفهم قلت لك لا تتصل علي
...: أنتي مآعرفتي أنآ ليش متصل عليك
عبير : ولآ ابي اعرف .. فكني يابن الناس
...: ماراح أفكك ورآك ورآك لين تسوين اللي أبي
عبير : تخسي أسوي اللي تبيه أنت ... تــفـــووو عليك ياقليل الأدب " قفلت جوآلها وهي تفكر بالشخص الغريب اللي متصل عليهآ ... كيف جآب رقمهآ وكيف يعرفهآ "
عبير : استغفر الله .. ويش اسوي فيه هذآ .. اقول لهنآدي والا لا .. لالا مارآح اقول بشوف نهآيتهآ معه .. الله يستر بس
قامت من سريرهآ وأتجهت على طول للحمآم وأنتم بكرآمه
::
::
بعد العصر
توهم صحوآ .. مآقدرت عليهم مها ابدا
هنآدي وهي تفرك عيونهآ : سويتوآ فطور ؟
شهد : صح النوم ... بدري لو كملتي للمغرب
هنآدي : أقول في فطور وألا لا
مهآ : عندك المطبخ سوي اللي تبين
سمر وقفت جنب هنآدي : ماعليش وحده فيكم تسوي لنا والله انا مره تعبانه ومابحالي اسوي فطور
شوق : خلاص ارتآحوآ وصلوآ انآ أسوي لكم
شهد بحده : شوق ويش ذا الدلع .. بنآت كل وحده فيهم صكت 17 هم يروحون يسون لعمرهم
شوق : مآعليه أنآ من طيب خاطر بسوي لهم حرآم توهم صاحين
هنآدي : ياعسى عيني مآتبكيك يآ أحلى وأرق وأعذب شوآقه بالدنيآ كلهآ
سمر ضمت شوق وبآستهآ على خدهآ:ياليتهم زيك كنآ بألف خير
شوق ضحكت : هذا كله عشآن بسوي الفطور
هنآدي : أنتي غلآك متمكن دآخل الروح
شوق مشت للمطبخ وهي تضحك على كلامهم .. جهزت لهم فطور مآيحلمون فيه ولآ قد سووآ زييه بعد ماتزوجت شوق
سحر فرحت : وآآآآآو ويش ذي الصينيه
شوق : تعالي شيلي معآي ... أفرحوآ صايره أدلعكم
سحر ابتسمت : وي وي وربي شي ولآ أحلى منه كآمل من كله
شوق ترفع حآجبهآ : أشوف العالم نحفآنه شكلكم ماتأكلون زين .. طول ماني جالسه هنآ بغذيكم زين
سحر : وي بسم الله علي جسمي يجنن مايحتآج أزيد كم كيلو
شوق : بالعكس تحتآجين خمسه كيلو زيآده
سحر فتحت عيونهآ على الأخير : خمسه .. حشى اصير اسطوآنه
شوق فطست ضحك : هههههههههههه اقول خذي الصينيه احسن ووديهآ للغرفه الحين الحقك بالصينيه الثانيه
سحر : من عيوني كم شوقه عندنآ
بآلغرفه بعد مآ افطروآ
هنآدي : تسلم يديك شوق من زمآن ما أكلت كذآ
شوق : عوآفي على قلبك
هنآدي : الله يعافيك
شهد : يالله شيلوآ الحوسه ذي أهل سيف شوي وجآيين
سحر : أحلفي .. ليه بيجون ؟
شهد : شكلهم بيرجعون ريمآ
سحر ورغد : الله يسمع منك يارب
شوق : أنآ قايمه أشوف ريم ورآجعه ... مشت بسرعه لغرفتهم وتفكيرهآ بكلام ريم اللي نآمت بعد البكاء اللي بكته .. شآفتهآ نآيمه بسلآم
شوق ( آآه ياقلبي عليك ... ويش بيدي أقدر اسويلك عشآن مآ تحسين بالوحده ..أنآ نفسي حآسه بالضياع والشتآت ..بالأول أحسب ان مافي أحد حياته أخس من حيآتي كل شي سويته مجبوره عليه حتى زوآجي كنت أحسه تعاستي لكن الحمدلله تحسن الحال شوي .. أمــآ أنتي حتى زوآجك ما تهنيتي فيه...يآصعبهآ لمآ تحسي انك مكروهـه وزوجك مآيبيك ..فهد كآن يعذبني ويجبرني على أشياء مابيهآ بس الحين حسيتهآ أهون منك ياريم أهــــــــون بــكــثــيــر ..ويش أقول غير ربي يكتب لك الخير ويسعدك بدنيتك )
قفلت الباب بشويش ورجعت للغرفه عند بقية أخوآتهآ
بعد سآعـه جوآ اهل سيف
{ أبوه – أمـه – أم يوسف – سيف }
بآلمجلس
أبو مهآ بطيبته المعهوده وكرمه : يآحي الله من جآنآ .. تفضلوآ
ابو سيف : زآد فضلك
ابو مهآ : كيف حالكم .. عسآكم بخير
ابو سيف : بشوفتك حنآ بألف خير
ابو مهآ : تسلم يابو سيف .. حيآك تقهوى
سيف وقف وسحب الدله من عمه وقام يقهويهم
ابو سيف : يابو مهآ حنا جايينك بطلبه
ابو مهآ : أذا قدرت عليها .. ابشروآ مالكم الا اللي يرضيكم
سيف : مآتقصر ياعمي طول عمرك رآعي وآجب
أبو مها : أمرني يابو سيف .. عسآه خير
أبو سيف : بخصوص سيف وزوجته .. أنآ بقولك القصه وابي منك بالأول تسآمحنآ والثاني أنك ماتلوم ولدنآ
ابو مهآ بدأ يقلق كلام ابو سيف مايريح أبدآ .. دخل الشك قلبه وركز بكل كلمه ينطقها ابو سيف وهو متفاجئ من اللي يسمعه ويحسه شي غير معقول
:::
:::
بغرفه الضيوف الدآخليه
كآنوآ شوق ومهآ اللي أستقبلوآ اهل سيف
أم يوسف : كيفك ياشوق ؟
شوق : الحمدلله بالف خير .. أنتي ياخاله كيفك وكيف يوسف وأخوآنه ؟
ام يوسف : بخير عساك بخير
ام سيف : وين ريم مآشفتهآ
مها : شوي وتجي .. وانتي يأم سيف ويش أخبارك ؟
ام سيف : الحمدلله
شوق وقفت : عن اذنكم
الكل : تفضلي ... طلعت بسرعه للصاله شآفت شهد وآقفه عند باب المطبخ تكلم رغد
شوق : انتي كمآن ماراح تسلمي على خالتك
شهد تميل فمهآ : مآبي
شوق : عيب ياشهد مايصير ... أيش تبينهم يقولوآ عنآ
شهد : شوق والله مالي خلق
شوق : لك خلق وألا لا .. اضغطي على عمرك وتعالي يالله روحي البسي أقل شي سلمي وأخرجي
رغد مؤيده لكلام شوق : وانآ مع شوق .. روحي البسي وتعوذي من الشيطآن يمكن خالتك تقولك شي عن يوسف
شهد كشرت ورآحت للغرفه تلبس بدون نفس ... أمآ شوق رآحت لريم بغرفتهآ شافتها وآقفه عند المرآيآ وجنبهآ سحر وسمر وهنآدي يقنعونهآ
شوق ابتسمت : اكيد بتجين معي
سحر بقلة حيله : رآفضه مره
شوق : علامك انتي وشهد وش صاير لكم ... يالله ماراح ارجع لهم الا وانتي معي
ريم شوي وتبكي : مقدر أشوف امه والله مقدر
شوق مسكت يدهآ وسحبتهآ : ألا تقدرين .. يالله قدآمي
هنآدي تدفهآ هي وسمر : يالله برآآآ مع شوقه
ريم : الله المستعآن
وقفوآ عند الباب وقالت لهآ شوق وعلى وجههآ ابتسآمه : ابتسمي وجآمليهم أوكي
ريم تنهدت وتشجعت : طيب يالله ندخل
دخلوآ الغرفه وسلمت على أم يوسف وام سيف
ام سيف : تعالي حبيبتي جنبي .. مشتآقه لك
ريم أستحت : تشتاق لك العافيه
أم سيف : ويش أخبارك ياحبيبتي
ريم : بخير .. وأنتي ياخالتي كيفك
ام سيف : بشوفتك أنا بخير
:::
:::
المغرب بــجـــده
أجتمعوآ بعد غيبة سنتين في شاليه فهد زي عآدتهم قبل
خالد : من زمآن عن هذي الجلسه ياشباب
فهد : اي والله صدقت ...هذي اللمـه فقدتهآ
وليد : مشاريعنآ وبدآيتنآ كلها كآنت من هذآ المكآن
ريآن : فعلآ كنآ كل يوم نسهر هنآ .. وقروب مآيعدي يوم الا نسوي أكشن ..بعدتنآ الدنيا ومشاغلها
فهد : بشرني ياوليد ايش صار على دراستك
وليد : الحمدلله ابشرك خلصت درآسه والحين دكتور
فهد فرح : مشاء الله مبروك
وليد : الله يبارك فيك
خالد : كل وآحد فينا صارت له دنيا وعالم مشغول فيه اللي تزوج والا توظف واللي مشغول بأعمآله
ريان : صدقت ياخالد التهينآ عن بعض وبعد فهد ما أستقر بالرياض ماصرنا نجتمع كثير
وليد : اهم شي القلوب تسأل عن بعض
فهد ابتسم : على قولتك ... ألآ ماقلت لي بأي مستشفى
مآحسوآ بنفسهم الآ الوقت مآر بسرعه البرق مع السوآلف والأخبار
::
::
بالمدينه
عبدالله :مطول على ذآ الحال يايوسف
يوسف ينفث دخآن سيجآرته خآرج رئتيه : يؤؤؤ مطول مـــره
عبدالله : يابرودك ياخي
يوسف لف على خويه وتكى على ركبته: ويش تبيني اسوي ؟
عبدالله : قم تحرك رجع زوجتك
يوسف : كذ انا مبسوط ومرتاح ويش عليك مني
عبدالله : يعني كلام امك مايأثر فيك .. كل يوم هايت من فندق لفندق عشان ماتسمع لك كلام يسمك
يوسف بتأفف : أنا مرتاح كذا ومريح راسي اللي زعل من حاله يرضى من حاله
عبدالله : والله محد درى عنك انت اللي بتاكلها على راسك
يوسف : خلني كذا مبسوط .. وبعدين ترانا جايين نراقب مو نقلبها سوالف بشوف شغلي
عبدالله يطالع قدآمه : اللي يريحك
بعد سكوت طال فتره غير بسيطه .. قطعه يوسف بسؤآله : لسى تحبهآ ؟
عبدالله طل فيه وهو عاقد حواجبه مافهم سؤاله : أحب مين
انصدم يوسف وشهق وهو يلف عليه : نـــســيــتــهــآ ؟!
عبدالله زآد ذهوله : من هي ؟
يوسف : رغـــــــــد
سكت عبدالله ونزل رآسه مآعنده أجآبه على سؤاله .. أمآ يوسف انقهر من عبدالله وقال وهو يمز(يدخن) سيجآرته
يوسف : انا الى هذا اليوم مادري ليه تزوجت أمل ..والحين منصدم ان رغد ماعادت تعني لك شي ... يعين كنت تتسلى معهآ ولا وفيت لها
عبدالله بحده : ويش درآك عن اللي بنفسي لاتحكم علي وانت ماتعرف شي
يوسف : حكمت من تصرفاتك الغريبه ... كل اللي سويته ياعبدالله مايشفع لك بالعكس ضدك
عبدالله : ماني مجبور ابررلك
يوسف : أيه ما أنت مجبور ...بس تأكد انك ضيعت بنت مافي زيها وحبتك بأخلاص
عبدالله بدأ يميل للعصبيه وأحمرت عيونه وتشنجت عضلات وجهه : لو تكرمت ممكن تقفل هالسالفه
يوسف لف على القزآز يرآقب الرايح والجاي وهو يفكر بكلام شهد
" يعني ماتبين أقآرن بينه وبين رغد المسكينه اللي عآيشه بهم وغم من طلع بحيآتهآ مره ثانيه .. ليته مآت جد ولارجع وخربط كيآنهآ"
" وتدآفع عنه كمآن انت أكثر وآحد تعرف ايش قد رغد عآنت بحيآتهآ وبعدك وآقف معه .. قلوبكم ميته "
تردد صوت بدآخله " مآقالت شهد كذآ ألا وهي حآسه أنه مايحبهآ بس انا مآ أنسى حلفه لي بأنه يحبهآ ... ويش اللي تقوله يايوسف يمكن الرجال صارله شي مايبي يتكلم عنه مهمآ صار عبدالله صديق عمرك لاتفكر فيه بذي السلبيه "
عبدالله:وين وصلت
يوسف : قريب مو بعيد
عبدالله : طيب خلنا نمشي
حرك السيآره ومشى بطريقه وشغل المسجل وأنطلقت الحآن يتمتم فيهآ رآشد الماجد
يآقلـب لاتحـزن عـلـيـنا لا تـحـزن
يمكن يكـون البُـعـد لأثنينا أحـسـن
قلب العنا وشفيك مكتوم من حبك
تبعد تبي قربه يشـكـي يـبـي قربك
يـسـعد بـفـرقـتـنا حاسـد مـحبـتـنا
يـبكـي لفرحـتـنا يضـحك لدمعـتـنا
مازال يذكرني على البعد يذكرني
ادري به الوافي لو غبت يعذرني
ياسائلاً عني مـحـدن درى عـنـي
خل العتب واللوم كل السبب مني
عُزفت أنغآمهآعلى الوتر الحسآس لقلب العبدالله هُـنـآ وأثنآء هذه اللحظآت حدث نفسه وأهلكهآ طوآرئ الذكرى المُتعبه
عبدالله ( ليه ذكرتني فيهآ يايوسف ... أنآ مابي أذكر أي شي من المآضي ..قلبي بعده يحبهآ ويموت على طاريهآ بس لآزم أنسهآ عشان أعيش حيآتي ومآ أظلم زوجتي بذنب أرتكبته أنآ وأحملهآ اللي مآتطيقه ..متأكد أنك يارغد لوعرفتي السبب بتعذريني مــــتـــأكـــد)
ببيت أبو مهآ
بعد مآرآحوآ أهل سيف ... أجمتعوآ كل البنآت بالصاله مع عمهم
أبو مهآ : انا رايح غرفتي ... الحقيني ياريم
ريم مسكت يد مهآ وهي ترجف ورآقبت أبوهآ اللي أتجه لغرفته بهدوء وسكر الباب
ريم ولمعة الخوف بعينهآ : أنا خايفه قلبي مو متطمن
مها :حسيت إن ابوي فيه شي ..قومي شوفي ويش يبي منك
ريم بتردد: مــآبي اصلا نظرآت ابوي تقول في مصيبه
شوق تهديهآ : انتي لسى ماعرفتي عمي ويش يبي تعوذي من الشيطان وامشي له يمكن يبشرك بكل خير
ريم وقفت وأخذت نفس طويل ولحقت ابوهآ لغرفته
هنآدي تغمز لشهد : وأنتِ امك زوجك مآقالت لك شي
شهد بتأفف وهي تقلدهآ : والله مبين عليك الرآحه عند أهلك .."بنبرة حقد".. قهرتني
الكل: ههههههههههههههههههههه
شهد : كآن ودي أرد عليهآ
شوق ميته ضحك : هذي بمقام أمك
شهد تميل فمهآ: مقدر أعلق لأنهآ أم الغالي ..بس كلامهآ زي السم أعوذبالله
مهآ : وه بس فديت خالتي ام بندر زي العسل فيهآ حنيه وطيبه لو يوزعونهآ على البشر تزود
رغد تدق شهد وبصوت ساخر: شوفي الناس مو أنتي
شهد : أجل لآ اوصيك عليهآ حطيهآ بعيونك
مهآ : بدون ماتوصين أم بندر بعيوني وقلبي وروحي
شوق : هن بمقام الأم لابد نبرهم
هنآدي : يابختك ماعندك أم زوج هههههههههههه
شوق : لاتحسدوني
مها : نحسدك على أيش .. اسكتي بس
دخلت غرفة أبوهآ وجلست قباله
ريم : أمرني يبه
أبوهآ : مايأمر عليك ظالم يابنتي ..بس أبيك تفهمين اللي أقوله زين
ريم : خير يبه أقلقتني ويش في ؟
أبوهآ :ســيــف يابنتي
ريم بدأت نبضات قلبها تتسارع والارتجاف يسكن أضلاعهآ : ويش فيه ؟
:::
:::
:::
بعد يومين
بآلمدينه
عصبت مره لها يومين تتصل عليه ومآيرد خافت يكون صاير معه شي أو تعبان .. توترت كثير مآهي قادره تركز بشي معين
رغد قربت منهآ : وين سرحآنــه ؟!
شوق تهز رجلهآ : ماني سرحانه
رغد تغمز لها : المشكله أن عيونك فاضحتك
شوق ابتسمت : أوك .. لاتسألين أجل
رغد : تفكرين بفهيدآن
شوق رجعت تطل في جوآلهآ وتتأمله بعيونهآ : أتصل من يومين ومآيرد أخآف صاير له حاجه
رغد : لا أن شاء الله مافيه الا كل خير بس شيلي الوساوس هذي من رآسك
شوق : اعوذبالله من الشيطآن .. ألآ تعالي هنآ سولفي لي عن الطب وتعبه كيف عسى ماشيه فيه
رغد جلست قبال شوق : يب يب زي العسل على قلبي تدرين ان رغبتي من زمان أصير دكتوره مو حآسه أبدا بالصعوبه بالعكس مستمتعه فيه
شوق : الله يوفقك ويسعدك
رغد : أمـــــيــــن
شوق : أممم طيب لو بتتخصصين أيش بتختارين ؟
رغد تفكر : يمكن سرطآن وأورآم أو جرآحة قلب
شوق طلت فيها : أممم طيب لو أسئلك سؤال تجآوبيني ؟
رغد : اذا عرفت اجابته بس هاتي سؤالك اول
شوق : التليف يمكن يتطور ويصير سرطان ؟
رغد : شوفي حبيبتي التليف يعتبرونه نوع من السرطان بس حميد لكن أذا تأخروآ ما أكتشفوآ او أتعالج ممكن يكون خطير
شوق : أهــآآآ
رغد أستغربت سؤال شوق وقالت بنبرة شك : ليش تسألين ؟
شوق ابتسمت لها : كذا مجرد فضول
رغد تسلل الشك لقلبهآ : فضول !! أتحدى أذا فضول
شوق : الصراحه خالة فهد فيهآ ذا المرض وحبيت أسئلك
رغد : ايوه .. الله يشافيهآ ويعافيها
شوق بقلبهآ ( يارب سامحني على الكذب يارب)
رغد ( مدري ليه حسيت ان شوق تصرفني ...سؤالهآ غريب ) وقفت ورآحت لغرفتهآ
شوق ( شكلهآ حست اني أكذب الله يستر لايعرفون أنا مابيهم يدرون بشي ) تذكرت موآعيد أدويتهآ قامت للمطبخ أخذت كأس مويه وأتجهت لغرفتهآ سكرت الباب وفتحت شنطتهآ تدور أدويتهآ لكنهآ مالقتهآ
شوق بخوف : ياربي وينهآ ؟.. أنا متأكده أني حطيتهآ بالشنطه وين رآحت
قلبت الغرفه فوق تحت تدور كيس الأدويه لكن مالقت أي شي حآولت تتذكر وين حطتهآ اخر مره لكن ماقدرت تتذكر اللي متأكده منه انهآ الصباح حطتهآ بالشنطه بعد مآ أخذت منهآ .. فتحت درج الكمودينه وكآنت مهآ توهآ دآخله طلت بشوق اللي تفتش بآلدروج .. قفلت باب الغرفه ورمت عبايتهآ على السرير
مهآ : على ايش تدورين ؟
شوق رفعت راسها : ادور اغراضي
مها فتحت شنطتها ورمت كيس الادويه على السرير جنب شوق .. انصدمت شوق لما طلعتها وتعلقت عيونها مها اللي باين عليها العصبيه من تعابير وجهها
مها : ليش ما تكلمتي من زمان ؟.. ليه مخبيه علينا ؟!.. أحنا ماحنا اهلك ونخاف عليك زي روحنا ... ليه ماتبينا نعرف اي شي يخصك ؟
سكتت شوق ماتعرف بأي طريقه ترد عليها بدت تحس بحراره تجمع الدمع في محاجر عيونها
مهآ بحده صرخة عليهآ : جآوبي ليه سآكته ؟!.. أخر شي كنت أتوقعه منك
شوق : مهآ افهميني أرجوك
مهآ : ويش أفهم ..انتي مريضه تعرفين أيش معنى مريضه مستكثره أننآ نكون معك بأهم فتره بحياتك
شوق : أنا مابي أقلقكم معي يكفي المشاكل اللي في البيت مآبي أزيدكم وأتعبكم معي
مهآ جلست على الكرسي وهي تتنهد من العصبيه : قال ماتبي تزيدنآ ...أنـآ مستحيل اسامحك على اللي سويتيه كذا انتي تبعدينآ عنك ياشوق ...انتي بحاجتنا
شوق بدت تتسل دمعآتهآ على خدهآ : أيش بيدي أسوي قلت أنا في مدينه وأنتم في مدينه مابيكم تشغلون بالكم فيني
مهآ : هذا مايشفع لك ابدآ
شوق تبكي : مهآ كآفيني اللي فيني لاتزيدين عليا
مهآ تفتح الكيس : طيب خذي الدوآء الحين .. وبعدين نتفاهم
شوق رمت كيس الأدويه على الأرض وبصوت حاد صرخت: أتركيني لحآلي
بغرفه ثانيه
سحر قفلت المجله اللي بيدها : هذا مو صوت شوق ؟!
ريم كآنت سرحآنه وهذا حالهآ من بعد كلام ابوها فاقت على صوت سحر : مدري
هنآدي وقفت ووقفت معهآ سحر بيروحون لغرفة شوق .. قبل يوصلون للغرفه قابلتهم مهآ طالعه من الغرفه
سحر : خير ليه شوق تصرخ ؟
مهآ والحزن على وجههآ : تعبانه
هنادي بخوف: ايش فيهآ؟
مها : معرف .. امشوآ نروح عند ريم
سحر : انا رايحه لرغد وشهد بشوف ايش يسوون
أمــآ عند شهد ورغد كانوآ يسولفون ويضحكون مع فاتن اللي اتصلت عليهم من بعد فتره انقطاع طويله
رغد : ألـــف مبــروك .. بس زعلانه عليك كذا تقطعيننا
فاتن تضحك : والله انشغلت وانتي بعد ماتزوجتي ليه ماتتصلين تسألين علي انا حرمه مشغوله
رغد : مشاء الله انا اللي اتصل والا انتي
فاتن : هههههههه حقك علي انا مقصره معكم والله
شهد : توك تدرين
فاتن : حاطه سبيكر يالنذله
رغد : من حلاة هالصوت عشان نحط سبيكر اخاف يسمع ابوي صوتك ويهج
فاتن : يوم سعده لو يسمع صوتي
شهد : بس بس ترآكِ متزوجه
فاتن : وه ياربي فديت هالزوج
رغد : ايه صح ماقلتي لنآ كيف تروك معك
فاتن : مره طيب معي وحنون ربي عوض صبري خير
شهد : الله يوفقكم مع بعض
فاتن : بشريني عنك ياشهد ويش مسويه ؟
شهد طلت برغد وقالت : بخير الحمدلله ماشيه بدنيتي
فاتن : وأنتي رغد أخبآرك ؟
رغد ابتسمت : الحمدلله مستقره بحياتي وحاطه همي كله بدرآستي
فاتن : الله يوفقكم يارب
شهد : عآد اذا ولدتي بشرينآ
فاتن : يــؤؤؤ باقي كم شهر ياشهد توني بالرابع
شهد : هههههههههههه
فاتن : وأنتي بعد اذا ولدتي بشريني مو مآ أدري عنك
رغد : لآتشيلي هم أنآ اكلمك بس خليهآ تولد وتخلصنا
فاتن : اقولكم مضطره اقفل الحين جآء تركي توصون شي
رغد وشهد: سلآمتك
فاتن : مع السلآمه
:::
:::
:::
بجده
يعني من قلّ آلمصآيب ?!
صآب هـذآ آلصـدر " ضيـق "
وَ إلآ يعني من حلآة آلحظ وَ [ علوّ آلمگآنـه !!
ذي حيآتي من مضيقٍ . . في مضيقٍ . . في مضيق ,
وَ لو بحثت آلصبر فيني ,
مآ أجـد لـ/ آلصبـر خآنـه !
عآدتي . . لآ ضقت آدوّر حضن وَ عيون آلرفيق ~
مشگله ..!
لآ صآر ضيقي " منه " وَ . . أحزآني { عشآنـه ,
صحى من النوم متأخر لأنه ما نآم الا بعد الفجر .. قام متكآسل وأخذ له دش عشان ينشط نزل في الحديقه حتى يفطر بدأ يقرأ الجرايد كعادته اليوميه في حين تجهيز الأكل .. تذكر جواله طلعه من جيبه وفتحه شاف 6 مكالمات فائته لها مده طويله ومكآلمات في الصباح تردد يدق عليها او مايدق لكن تذكر انه تأخر على الشركه واخوه باسل أفطر بسرعه وطلع لغرفته يلبس وبعدهآ أتجه للشركه
في الشركه
دخل المكتب وشاف خوه منغمس بالشغل
فهد : سلآم
باسل رفع رآسه من بين زحمه الملفات : وعليكم السلآم
فهد يبتسم على شكله : بشر كيف الشغل معك
باسل : زي ماتشوف حآيس بين المعاملات والصفقات
فهد يجلس : أممم ويش في صفقات جديده ؟
باسل يرفع حاجبه : مو أنت قلت لي حرية الأختيار
فهد استغرب لهجته : أيه
باسل يرجع لأورآقه : أجل لا تسأل أنا اللي أقرر
فهد ابتسم على شكل اخوه الجآد بالكلام والشغل : على راحتك كنت بشوف الشغل يمكن في شي صعب عليك
باسل : الحمدلله كل شي مآشي تمآم
فهد وقف بهيبته المعهوده : الحمدلله ..انا طالع عندي مشوآر ضروري
بآسل : وين ؟
فهد رفع حآجبه الأيمن : مشوآر خآص .. مع السلآمه
بآسل : مع السلآمه
طلع من المكتب وتنهد تذكر المشوآر اللي بيروح له رفع جوآله وأتصل على الرقم اللي مخزنه بجوآله من سنين ... عدت الرننه الأولى والثانيه
فهد : ألــــو... بخير ..أنآ بالطريق للمكآن اللي أتفقنآ عليه ...ساعه بالكثير وأكون هنآك ...لآتتأخر\ي ..
^^^^^^^^^^^^
^^^^
^^
^
من كآن يكلم فهد ؟!... وأيش سر شغله الخفي ؟!
شوق ..بعد مآعرفت مهآ سرهــآ ..معقوله تقول لأبوهآ ؟!..والأهم أيش موقفهم لو يدرون ؟!
من الشخص المجهول المتصل على عبير ؟!.. كيف يعرفهآ ..وأيش يبي منهآ ؟!
عبدالله ..هل ممكن يكشف لنآ عن سبب زوآجه وهجرآنه لرغد ؟
وقلب سيقتحمه الحب .. من سيكون صآحبه ؟!
مآجد & هنآدي .. الى أين المطآف..ولمآذا غآب عن أحدآثنآ برهـه ؟!
هل سيكون هنآك توآجد لأشخآص نجهلهم ؟!
سحر &معآذ .. أين نهآيتهم ؟!
عآصفه هوجآء قـآدمــه ستدمر قـلـوب وتٌــحــي قلوب
وستعـصف بنآ معــهــآ ...ولـكـن !!
بأي خطـوهـ ستبتدأ
|
10-05-10, 08:50 PM
جديد مواضيع قسم القصص المكتمله
العرض العادي
