كاتب الموضوع :
safsaf313
المنتدى :
القصص المكتمله
الــــــبــــــآرت الـــثــــــآمـــــــــــن؛؛
؛؛
؛
آتأملُْ فيڪْ !
بسُ مآ آشوٍِف شيّ } ..
وٍِ آتخيلُْ وٍِجهڪ !
{ وٍِآنتظرٍِ . . آقرٍِأ عيوٍِنڪ ‘‘
{ وٍِآنتظرٍِ . . آشوٍِف لوٍِنڪ ‘‘
.. | غٍ‘ َـَـَـآمضه ڪلُْ الملآمحٌْ
........ تشبهُْ ڪثيرٍِ | لغموٍِوٍِوٍِضڪ *
للآسفُْ مآفيه ‘‘ شيّ بآينُْ ‘‘
( مآبهُْ شيّ وٍِآضحُْ ~
وٍِآختفتُْ ڪلُْ الملآمحُْ } ..
" مآبقىُْ لڪ شيّ وٍِآإضح . . !
:::
:::
:::
بــــآلـــــمــــحــــل
فهد : ياريان .. شوف الناس اللي جو .. بشوف الموقع ويش فيه
ريان : طيب انت خلك على الموقع وانا بشوفهم ..
خالد : اقول رامي .. والله ماني مصدق اني بملك الاسبوع الجاي
رامي : وزواج بعد ثلاث اسابيع ... ياعمي مين قدك .. بتودعنا
خالد : هههههههههه ... اجل اقابل وجيهكم اللي تسد النفس
رامي : وي وي وي ... الحين وجيهنا تسد النفس ... شوف كيف البنات يرقمونا
خالد : بس هذا اللي رافع معنوياتك ؟؟!!
ريان : انت وياه شوفوا الزباين وخلوا الهرج الفاضي
خالد : طيب طيب لا ترجنا .. روح رامي شوفهم
رامي : وانت ويش موقعك بالاعراب بالله ؟؟
خالد : انا عريس دلعوني ... اول مره ترى اعرس
ريان : الله يرئف بحالك ... انخبلت ياخالد ماتوقعتك بعد الشوفه الشرعيه تنهبل
خالد يغمض عيونه : من اللي شفته ياريان ... وه بس فديتها
رامي يضربه على كتفه : اقول .. امش على الكاشير حاسب يالله رووووووووووووح
خالد : طيب لا تدف بروووح
..بالـــنــــــســـبـــه لـــلـــبــنــــآت ..
كانوا يلفون بالراشد .. ويتفرجون
هنادي : وـآآآآآآآآـو وربي جنآآآآآآآآآن ... يفتح النفس
شوق : وربي انك صادق مرره حلووو .. ويش رايك سحر
سحر : طبعا رائي مثلكم بس شوفوا السفينه .. عاجبتني مررره
ريم : تعالوا بشتري عطر ...
شوق : ويش بتشترين .. ؟؟
ريم : اممممممم ... ويش رايم مس ديور ميته اشتريه
شوق : لالا ريحته تهبل خلاص ادخلي اشتريه
ريم : لالالا ادخلي معي وخلي هذولي هنا اخاف يفشلوني
هنادي : يالله نستناكم عشان نروح محل الجوالات اللي دلتنا عليه لينا ونوره
سحر تدقها : قصدك عشان شوق تشتري لها جهاز
هنادي : ايـــــه .. ايــــه هذا قصدي .... يالله بسررررعه
شوق : يالله ريم هنادي مستعجله مدري علامها
ريم تكتم ضحكتها : ايه مررره مستعجله هيا ...
دخلوا المحل بعد ربع ساعه طلعوا معاهم كيسين ...
سمر : مشاء الله شوووقه ويش مشتريه
شوق : ماقدرت اقاوم العطور .. اشتريت لي عطر ..
هنادي : خلو الهذره وقدامي يالله ... ندور المحل
شوق بشك : انتي ويش فيك على هذا المحل تحسبيني ماني فاهمتك هناديوووه
سحر : شووق اووص ترانا بالسوووق
هنادي : شوق اقولك شي ... حنا جايين نشوف واحد البنات كلهم يقولون يخقق عليه جمال يوسفي ... يعني افهميها نبي نشوف وبس
شوق : يادنيا مافيك راحه ... صاروا البنات اللي يدورون الشباب
سحر : بتبدين محاضراتك ... يالله امشي
مشوا واتجهوا للمحل اللي قاصدينه .. وكل وحده تتخيل صورة الشاب المقصود بينهم
من كثر كلام البنات عن هذا القروب تحمسوا يشوفونهم .. دخلوا المحل وكل وحده بداخله لهفه
وفضول ..تبي تشبعه
شوق : لو سمحت ... اخر موديل جوال نازل
ريان : حددي اي نوع
شوق : مافي نوع معين ابي اشوف الجديد
ريان : حاضر .. شوفي هذا طلع لها n95 المطور ..
ريان : دقيقه بس ... اتجهه لخالد
ريان : اقولك روح شوف هذي البنت .. جوالي يدق ابي اتكلم فيه ..
جاء فهد لابس بنطلون جينز اسود .. وبلوزه كت اقرب للحفر لونها سماوي وفيها رسومات بالابيض .. وكاب اسود على شعره الطويل
فهد : سلام
ريان وخالد : وعليكم السلام ... قاطعهم جوال خالد ابتسم خالد
خالد: فهيدان ... شوف البنت ذيك روح شوف ويش تبي ... دقت ميسا
فهد : طيب ... بشوفها ... بس اخلصوا بسرعه لاني بجلس على الجهاز
ريان : اوك بس اخلص مكالمه واجي
سمر : لالا اللي لابس اورنج << تقصد خالد اللي لابس تي شرت سبورت اورنج وجينز >>
حلووو مررره
هنادي : واااااي ... شوفوا المزيون ذاك ابو شلخ بخده .. هو اطلق واحد بينهم
سحر : اكيد هذا اللي تقصده لينا ياريم ... من وصفها له
ريم : هي قالت بيده وشم ... وكلهم عليهم وشم
هنادي : بس قالت في شي تحت عينه زي الضربه ...
ريم : اجل اكيد هو اللي تقصده ... ريم تتأمل .. وسرحت فيه
سحر : مشاء الله يجنن ... وربي كلام لينا قليل عليه .. يدوخ
سمر : اووص لا تسمعنا شوق .. تورينا كيف نتغزل به
شوق تلتفت على البنات : شفتوا طنشوني انا ابي اخلص بسرررعه
سحر : الحين اقوله .. يخلصنا بس اصبري .. قبل ماتنطق بكلمه توجه لهم فهد
فهد : بويش اقدر اخدمك اختي
شوق لفت عليه : ابــــــي احــــدث موديل
:::
:::
:::
شهد : خلاص يارغد كفايه كلام يجرح ... ماتحسين فيني انتي
رغد : الحين ماحس فيك .. انا انصحك لمصلحتك .. اتركيه ياشهد صدقيني ماراح تستفيدين شي
شهد : حطي نفسك مكاني .. لو عبدالله يكلمك ويش بتسوين هاه ... يالله تكلمي
رغد : ويش جاب عبدالله على بالك انا ناسيته من زمان .. رجاء لاعاد تجيبين طاريه
شهد : لا ياقلبي ... هالكلام ما يمشي عندي ... على بالك ما اعرف ويش يدور براسك
انتي لسى تفكرين فيه
رغد : ويش افكر فيه .. لي شهرين معرف عنه شي اصلا شايلته من بالي نهائيا .. بتصدقين بكيفك .. مانتي مصدقه بعد بكيفك ... لكن هالموضوع قفلي عليه لانه كان بالنسبه لي نزوه وعدت
شهد : نزوه ؟؟!!... شي حلوو والله .. طيب لا عاد تكلميني انا كبيره واعرف مصلحتي
رغد : انتي حره ... لكن اذا صار لك شي لا تجيني اوكي
شهد تمسك جوالها : بليززز... بتكلم بهدوء ممكن
رغد ترمي جوالها اللي بيدها : مــــآآآآآ فـــــيــــــــك فـــــــآآآآآيـــــــــــــده ..
وطلعت معصبه من عندها ... وراحت بالمجلس .. والمكان مظلم .. تفكر بكلام شهد
رغد : ياربي بس منك ياشهد .. كل ماقربت انسى فتحتي الموال من جديد ...وهو اصلا
وينه .. مجرد اعجاب لا اكثر ... ولفت على الجهه الثانيه وغمضت عيونها
:::
:::
:::
دققت بملامحه اكثر واكثر ... حاولت تقطع الشك باليقين ... لكن مافي اي دليل يثبت لها صحه
ظنونها ... واوهامها ... كانت نظراتها غريبه .. ممزوجه بنظرة الاحتقار...و نظره حقد وكره
فهد (( علامها هاذي تطالعني كذا ... وبعدين كأني ماني عاجبها .. والله حاله ...))
سمر : قولي له ويش تبين
فهد لف على جنبه وبان وشمه ...اللي على كتفه .. ماقدرت تتحمل ... وطلعت بسرعه للسياره
لحقوها البنات مستغربين منها ومن ردة فعلها الانعكاسيه
ريم : شوق ويش فيك .. انقلبتي مرره وحده ..
شوق : ابي اروح البيت ... بطني تعورررني
سمر : رجع لك الالم من جديد ...
شوق : ايه .. جلالي بسرررعه وصلنا البيت ... راح اموت من الالم
سحر : تقدرين تتحملين .. والا نروح المستشفى على طول
شوق : لالالالالالالالالا ... ابي اروح البيت ... بسرررررررررررررررررررررررعــــــــه
ريم تمسك يدها : طيب طيب .. شوفينا قربنا من البيت بس اصبري شوي
كانت تتحمل الالم اللي تحس فيه ... ألــــم ينهش جسمها ... ماتقدر تتحمله ...
تحملته سنين وسنين ... لكنه مع مرور الزمن يزيد .. ويزيد ... صرخت بشكل جنوني
شوق : ابــــــــــــــي اوووصــــــــــــــــــــــــل البيت بسرررررررعه
:::
:::
:::
سيف : يبه .. تأخروا بالرد ... شكل البنت ما وافقت
ابو سيف : انا قلت لك من الاول هم مو من مؤاخيذنا ..
اخت سيف : اصلا يا سيف كيف تاخذ بنت اقل من مستواك ولاتعرف عنها شي
سيف عصب : انتي اسكتي ... مابي اسمع كلامك السم
اخت سيف : اقول ياسيف .. لاتنسى ان سمعتهم ماهي كويسه ... وانت تدري ليش
سيف : انا بكره بكلم ابو مها واشوف متى يعطينا الجواب النهائي
ام سيف : الله يقدم اللي فيه الخير
ساميه (( والله ماتاخذ هالبنت لو ايش مايصير .. راح اخرب عليك ياسيف ماتاخذ الا كوثر وبس ... ايه بنت عمي وبس ))
ام سيف (( الله يصلحك ياسيف ... بتجيب لنا وحده بكره الناس تتكلم علينا بسببها .. يارب ياكريم ابعد هالبنت عنه ... والله مدري ويش جابها لتفكيره ))
ابو سيف (( ان شاء الله مايكونوا موافقين ... هذا الامل الوحيد اللي باقي ))
سيف : تامروني بشي
الكل : سلامتك ... طلع من عندهم وهو متضايق حيييل .. خصوصا انهم معارضين لكن هو مصر على رائيه .. دايم يسمع كلام من خواته وبناتهم يزعله غصب عنه
ام محمد : يبه ... من جدك انت موافق على كلام سيف
ابو سيف : طبعا لا ... بس رحنا للناس وانا واثق انهم بيرفضونه
ام سيف : ويش اللي مخليك واثق يابو سيف
ابو سيف يبتسم بخبث : من عقلكم اخليه يتزوج بنت كل الناس يسبون اهلها
ام محمد ((اخت سيف الكبيره )) : انا من الاول رافضه ... لكن هو يبي كلامه يمشي علينا
فاطمه : والله يايبه عندك كوثر بنت عمي ... نعرفها ونعرف اخلاقها ليش ماتخطبها
ابو سيف : ان شاء الله من كانت صغيره وانا ناوي اخطبها له بس هو الله يصلحه دايم يرفض موضوع الزواج ومقفله .. ويوم طلبني اخطب له .. طلعت لي هالبنت مدري من وين
فاطمه : مستحييييييييييييييييييل يتزوجها ... لو كانت اخر بنت بالدنيا مايتزوجها
ام سيف : غيروا الموضوع
:::
:::
:::
كانت تبكي من درت بالخبر .... اسودت الدنيا بعينها ...
كيف بتقول لاهلها .. كيف راح تبرر لهم موقفها ؟؟!!
... بكت بحرقه والم .. ماحسبت حساب للي صار ... كل الافكار متضاربه في عقلها .. ماهي قادره تركز وتفكر بحل لمشكلتها
...: اهدي ياعمري اهدي ... مافي شي يستاهل بكاك
...: كيف اهدي .. قولي ويش بقول لابوي ... اكيد بطيح من عينه
...: ويش تطيحين من عينه .. ماسويتي شي حرااام
...: عارفه .. والله العظيم عارفه ... بس قدر موقفي خواتي ويش بتكون ردة فعلهم ... والاهم ابوي .. ابوي مايستاهل اللي اسويه فيه ... والله مايستاهل ... ائـــهههههههههى
...: الله يصلحك .. انا افهمه كل شي لا تخافين .. بس كفايه بكاء
:::
:::
:::
اول مادخلت البيت جريت على الحمام وبدت تستفرغ <وانتم بكرامه
رجعت لها حالتها لكن بشكل فظيع .. اتجهت لغرفتها وقفلت الباب ورمت نفسها على السرير وهي تشهق
بالبكاء ... الالم يعتصرها .. صوت انينها تشفق له حتى الجمادات .. فكيف قلوب البشر القاسيه عليها والظالمه ... رفعت وجهها وطلت بمرايتها الجريحه .. وجه شاحب لاينبض بالحياه ..
ملامح اكتساها الحزن منذ زمن ... رفعت بلوزتها وهي تتامل بطنها .. وكلها كره وحقد
ودموعها كانها نار تحرق خدها ...
شوق (( بعد ماغطاني الهم والحزن ... بعد ماضاع شرفي ...مت يبه وخليتني لحالي اعاني
..اعاني من كل شي بحياتي حتى من اقرب الناس لي .. وكله بسببه ... سمعتي راحت جمالي
ماعاد له داعي ..شوهني شووووووووووووووووووووووووووووووووهـــــنــــــــــ ـــــــي
... خلاني جسد بلا روح ... الله لا يسامحه ان شاء الله اشوفه يكتوي بالنار ... يارب لاتسعده في دنياه ولا يشوف يوم حلووو بحياته ... يارب ))
دق باب غرفتها
شوق تمسح دموعها : مـــــــــــيـــــــن ؟؟!!
هنادي : انــــا هنــــادي ابـــيـــك ..
شوق تفتح الباب : ادخلي وقفليه وراك .... دخلت هنادي وهي متفاجئه ماتوقعت ان شوق تبكي
هنادي بخوف : شوق .. ليش تبكين .. ويش يبكيك
شوق نزلت دمعه يتيمه من عينها : مافيني شي بس ويش تبين فيني ..
هنادي : كنت ابي اسولف معك ... بس قولي ويش مضايقك ..يمكن اقدر اساعدك
شوق انسدحت : محد يقدر يساعدني يا هنوده ... انسيني .. بس قولي ويش فيك
هنادي : قلت لك بدردش معك ... بس شكلك متضايقه حيييل ..
شوق : هنادي .. اعترفي ..ويش مخبيه عني
هنادي : مخبيه كل خير ياحلوه بس نخلي كلامنا بعدين .. ابي اشوف بسمتك الحلوه
شوق ابتسمت لها وهي تداري دموعها : ياعمري انتي ...
هنادي : ايووه خلك كذا مثل القمر اسم الله عليك
شوق : القمر وين وانا وين الله يسلمك
هنادي : ارفع معنوياتك والا انتي تيس ... رمت عليها المخده
شوق : تيس بعينك يادجاجه ...
هنادي : على الاقل الدجاجه منها فايده مو تيس الله لا يبلانا .. وطلعت من الغرفه
شوق : وربي انها رايقه ... احر ماعندي ابرد ماعندها ... طيب ليش الومها هي ماتدري عن شي
:::
:::
:::
خالد : انساها يابن الحلال اكيد مشبهه عليك
فهد : مشبهه علي .. وتطالعني كاني صرصور عندها
ريان : الحين ليش معصب البنت ومارجعت .. روق اعصابك
فهد : مو معصب بس مستغرب منها
خالد : اقول انسى يالله انا عازمكم على العشاء بمطعم يحبه قلبكم
:::
:::
:::
ريم : يبه ... ابي اتكلم معك ممكن
ابوها : اجلسي يبه .. ويش بغيتي
ريم : يبه انا استخرت اكثر من مرره .. ومرتاحه للي تقدم لي
ابوها : يعني نعطيهم خبر الموافقه
ريم : ايه يبه
ابوها : بس يبه انا رحت سألت عنه ..
ريم باهتمام : ويش صار ..؟؟
ابوها : والله يابنتي .. يقولون انه سكير .. ولعاب .. وانــــــــ...
ريم : ويش معنى لما رجعت سألت قالوا لك هالكلام ..
ابوها : هذا اللي وصلني يابنتي
ريم : خلاص انا موافقه يعني موافقه
ابوها : فكري زين ياريم ... هذا زواج مافيه لعب
ريم : يبه انا استخرت خمس مرات واكثر ومرتاحه .. يمكن الكلام كذب ...
ابوها : ويش مخليك متاكده ؟؟!!
ريم : احساسي ...
ابوها : ارجعي فكري زين ... لا تستعجلين
ريم : يبه انا فكرت شهر .. والحمدلله مقتنعه فيه
ابوها : بكيفك .. بكره بكلمهم .. وارد لهم
ريم تبوس راس ابوها : تسلم يبه ... يالله بروح انا ....بكره وراي مدرسه
ابوها : تصبحين على خير يابنتي
ريم : وانت من اهل الخير يبه .. واتجهت للغرفه وهي تفكر بكلام ابوها .. نامت على سريرها
تتقلب بكل اتجاه بس النوم مجافيها .. تفكر وتفكر
ريم (( آآآه بس من الحيره ..ويش اسوي ارفض او اوافق ... طيب انا ماشفته ولا اعرفه كيف اوافق عليه .. بس انا استخرت واحس اني مرتاحه ...لالالا لازم اراجع نفسي قبل ... يارب ساعدني ودلني على الطريق الصحيح ))
:::
:::
:::
يوسف : عبووود ... بويش تفكر ؟؟!!
عبدالله : افكر بأهلي .. مشتاق لهم .. باخذ اجازة وبروح لهم
يوسف : اي والله ذكرتني من زمان ماكلمت امي وخواتي
عبدالله : بتسافر لهم ؟؟
يوسف : لا ... خلني لما اخلص مره وحده الرياض مشوارها طوووويل
عبدالله : اجل روح معي لديرتنا ... منها تغير جو
يوسف : اممممم .. خلاص اجل بروح معك وامري لله
عبدالله : اقلك شي ...
يوسف : ويش ؟؟
عبدالله : جبت رقمها ... ويش رايئك ارسل لها رساله
يوسف : مين ذي اللي بترسل لها ؟؟
عبدالله : يعني مين .. رغد
يوسف عيونه طلعت قدامه : كيف جبت رقمها ... اثاريك منت سهل ياولد
عبدالله يضحك : جبته ... بطريقتي الخاصه ... بس هاه قولي ويش اسوي
يوسف : امممم .. دق عليها شوف اذا ردت كلمها .. قول انك غلطان فكر شوي
عبدالله : اقول .. باحتفظ برقمها عندي ... خايف من شي بس مدري ويش هو
يوسف : بكيفك ... بس لا تتعجل .. اركد شوي
عبدالله : والله ماتروح من بالي يايوسف .. افكر فيها ليل ونهار
يوسف : آآآآآآآه من الحب .. قطع قلوب البعارين
عبدالله يضربه على كتفه : بعارين بعينك
يوسف : الله واكبر ليش عيني عين فيل
عبدالله : هههههههههههههههههههه ... انا الغلطان اللي اشاورك والا انت منت كفو مشوره
يوسف : استاهل ... اجل لا تكلمني
عبدالله : عن الزعل ياسوسو
يوسف يطالعه بنظرات استغراب : لالالالالالالا .. لاتقول سوسو تذكرني بدلع البنات السامج
عبدالله : ههههههههههههههه ... اجل ليش تكلمهم
يوسف : تسليه .. بس وربي دلعهم يمغصني ... ووووووع .. مافي وحده دلعها طبيعي
كلها تصنع
:::
:::
:::
اليوم اللي بعده
هاني : ماودي ارفض بس الظروف اقوى مني ومنك
ماجد: والله ياهاني انت وعاصم كل ماعزمناكم اعتذرتوا والفريق ماينقصه غيركم
عاصم : حنا والله اشغالنا كثيره يعني اعذرونا
رائد : هذي المره مافي عذر .. بتحضرون يعني تحضرون
هاني : نقول ان شاء الله نقدر ونحضر ومايكون الوالد ملزم علينا نسافر معه
الكل : ان شاء الله
ماجد : اقول هاني .. ابيك بكلمه راس... اخذ هاني على جنب بعيد عن رائد وعاصم
عاصم (( بسم الله ... شوي وياكلني ... لايكون شاك فيني .. يؤؤؤؤؤؤؤ هذي روحت مع ماجد وتركتني الحين يفترسني .. بس خلوني اطلع سالفه اشيل الارتباك والقلق عشان ما يحس بخوفي .. ))
عاصم : اقول رائد .. انت من المدينه
رائد : لا والله انا من الجنوب .. بس ولدت وعيشت هنا بحكم شغل الوالد
عاصم : والله شكيت من طريقه كلامك والستايل حقك
رائد : ستآآآآآيـــــل ... ويش هذا ؟؟!!
عاصم : قصدي من طريقة لبسك وعقالك
رائد : والله ياعاصم اني مرتاح لك .. وودي نكون اصحاب طول العمر
عاصم (( بديت تخر علومك ... ياويلي بس عز الله رحنا وطي )) : لي الشرف اننا نكون اصحاب
رائد : انت من متى تعرف هاني ؟؟
عاصم : من زمان حنا جيران طول عمرنا .. وماتفرقنا .. وصداقتنا مستمره للحين
رائد : مشاء الله تبارك الله ... تقولي من زمان ... هــــــاه
عاصم : اي والله من زمان
جاء ماجد وهاني يضحكون .... وعاصم متوتر مررره من اسئله رائد الاستجوابيه
هاني : يالله استئذن اللحين ... بروح ارتاح تعبت اليوم
عاصم : خصوصا الجو حار اليوم
هاني : تبي اوصلك بطريقي
عاصم : ايه ياليت والله
هاني : اجل يالله مشينا ... تامرون بشي يا شباب
الكل : سلامتك
هاني : مـــــــــــع الــــســــلامـــــــــــــــه
:::
:::
:::
فيصل : هلا حبيبتي ... ويش مسويه
شهد : اشتقتلك ياظالم
فيصل : ظـــالــــم ؟؟!! ... ليش تقولين كذا ياقلبي
شهد : يومين ما تدق ... اكيد مو غاليه عليك والا كان كل يوم تدق تسمع صوتي
فيصل : انتي اغلى الناس على قلبي ... وانا ارسلت لك مسج وقلت لك اني مشغول
شهد : وصلني .. بس مايمنع تدق بس تسلم وتقفل والا شغلك اهم مني
فيصل : مافي شي اهم منك ياحياتي انتي ... خلينا من العتاب وقولي ويش اخر اخبارك
شهد : على حطت يدك .. بس انتظرك عشان اسمع صوتك
فيصل : كل ذا اشتياق لي ..
شهد : بلاك ماتدري ويش مسوي فيني .. متسلط على عقلي وقلبي وكل مافيني
فيصل : آآآآآه بــــــــــــس ... ما اتحـــمل الكلام هذا يجنني
دخلت رغد واعطتها نظره لكن شهد استرسلت بكلامها ولا اهتمت لوجود رغد
اللي النار شابه فيها ... هي خايفه عليها لكن ماقدرت عليها وغصب عنها تسكت عشان ما تأذيها .. وماتبي احد يزعل عليها او يحتقرها
:::
:::
:::
ابو مها : مبرووك ياولدي ..
سيف والفرحه بعيونه : الله يبارك فيك ياعمي .. يعني ابشر اهلي
ابو مها : اي ... وتقدرون تجيون البيت وتخطبون رسمي
سيف : ان شاء الله بكلم اهلي واحدد معك موعد
ابومها : على خير ان شاء الله ... مع السلامه
اول ماقفل الجوال .. بسرعه نزل للصاله
سيف : يممممممممممممه ....... ييـــــــــــــــــبـــــــــــــــــه
امه : خير يمه علامك تصارخ ... باس راس امه وضمها
سيف : ابشرك يمه .. ابشرك اهل البنت وافقوا
اخواته انصدموا بالخبر .. وانصبغت وجيههم بجميع الالوان .. نغزه قلبه .. ماشاف
الفرحه بوجههم .. تحطم وصابه برود ...
سيف بهدوء: انتم رافضين صح
ساميه بغرور : ايــــــه رافضــــيــــن
فاطمه : نفسي اعرف كوثر ويش ناقصها
سيف : انا ماهمني رايكم .. انا اللي بتزوج مو انتم ... يعني القرار قراري اولا واخيراً
ام محمد : اجل ليش تسالنا اذا موافقين والا لا .. روح اخطب وتزوج الله يوفقك
ساميه بعصبيه : حط براسك .. زواجك مستحيل احضره
ام سيف صرخت عليها : ســـــــآآآمـــــيـــــه .... هذا اخوك واكبر منك احترميه
ساميه : انا بفكه من شري وبطلع غرفتي ابرك لي وله .. وطلعت معصبه ومقهوره
دخل ابوه .. وشاف الجو متكهرب .. والكل معصب وزعلان ...
ابو سيف : خير ... ويش صاير ؟؟
الكل طالع بسيف وكانت نظراتهم كأنها اسهم مصوبه له
؛؛
؛
يـــــتــــــبــــــع
{[ لا إله إلا الله وحدة لا شريك له له الملكـ وله الحمد وهو على كل شيء قدير ]}159
قديم 30-07-2009, 01:29 AM
على شاطئ النسيان على شاطئ النسيان غير متصل
©؛°¨غرامي مجتهد¨°؛©
وحيده
:::
:::
:::جات على صوت نغمه الرسايل تنبها على رساله جديده
فتحت الرساله بكسل وخمول يصاحبها برووود طاغي على كيانها
ابحكيلَڪ عِن "آحَوالي" وآبيڪَ تشٍوف ليَ صرفِه
خيالَڪ دآيِم فـ بـَآلي وآحَس بشِئ ,,مآ آعرفه ,,
يودَيني الفڪَر ويجيِب وشَوقي لڪِ معَنيني
لأأنڪِـ لّما عنَي {تغيَب} تضِيق الدنيآ فيٍ عيَني
وش آحِڪي لڪَ وشَ آفسِر عَن آحِوآلي وعَن عِلومي
ڪثرَ شوقِي لڪِ تصَور آشوفِڪ حتَى فَي |نومِي ~!!
قفلت الجوال .. واسندت راسها على وسادتها .. تفكر بشي غريب عن احساسها ... شي ماتعرفه ولا جربته من قبل ...
بجهه ثانيه ..كانت جالسه لحالها تفكر وتفكر وتفكر .. ودمعتها تخونه بكل رمشه ترمشها
حوطتها اسوار الالم والحرقه .. تذكرت موقفها وآهاتها تنطلق من صدرها .. وتبدأ مسيرة عذابها مع الذكرى المؤلمه لها ..
كان عمرها 16 سنه .. لما صار لها الحادث ... لكن مو أي حادث ... ماكنت متوقعه انه مكتوب لها ومقدر عليها ...
كانت رايحه للمدرسه لحالها لان عندها اختبارايام المراجعه وهي بالصف الاول ثانوي ... والثانوي مسافتها بعيده شوي عن بيتهم القديم والطريق فاضي ... كانت تمشي بطريقها
وماحست بنفسها الا بسياره غريبه موقفه بجنبها ونزل القزاز شوي وكان فيها 3 شباب .. خافت منهم وطنشتهم وكملت طريقها بأمان الله .. لكن زادوا باذيتها .. لدرجه انهم مسكوا يدها وسحبوها لداخل السياره .. كانت تصارخ وتبكي .. وتترجاهم يتركونها لكن محد سمع لصراخها
وبكاها وطلبها للمساعده ... خافت منهم ومن اشكالهم ... بدوا يهدونها .. ويطمنونها انها اذا سكتت وماصارخت بيرجعونها .. لكن كل وعودهم كذابه ... اخذوها لمكان ماتعرفه بعد ماغطوا عيونها .. مكان كانت المره الوحيده اللي تزوره وتشوفه بعيونه وترك فيها اثر مستحيل تمحيه الايام بمرورها ...
...: يــــاكــــلــــــــــــــب ... اترررررركـــــنـــــــــــي ..
...: لا لا لا .. ترى ازعل عليك .. واذا زعلت عليك بيصير شي مو طيب بالمررره
...: ائـــهههههههئ ... رجعوني لاهلي ... ابي اهلي
...: بنرجعك بس مو قبل ما اشبع منك ياقمر
كانت تدافع عن نفسها وتحاول تهرب منه لكنه بجسمه وبطوله اقوى منها بكثير .. سحبها على غرفه كانت هي المكان اللي ماتت فيه ... واندفنت فيه جثتها
:::
:::
سمر : يابنات ... يابنات مها تقول بكره بتجي
رغد : متى كلمتك
سمر : قبل شوي .. تقول بكره راح توصل
هنادي توها داخله : من اللي بيجي ؟؟!!
سمر : مها .. اتصلت قبل شوي
هنادي : اهــــــــا ... ايه لها شهر ماجاتنا
رغد : ذاك اليوم دقيت عليها ماترد علي مدري ليش
جات شوق ..لقتهم بالصاله
شوق : ايش اسوي عشا
البنات : مانبي ... نبي من برا
شوق : انتم بس تحبون المطاعم .. الحمدلله على النعمه اكلهم ماله طعم
رغد : اقول ريم وينها مالها حس .. فيها شي ؟؟
سمر : ماتدرين انها وافقت ومستحيه ماعرفنا لها مره تبكي ماتبي تتزوج ومرره تقول ابي اتزوج
شوق : بروح اشوفها ... راحت للغرفه وقبل تفتح الباب
ريم تبكي : سحر انا خايفه .. بيجون يوم الخميس ابوي قال لي الظهر
سحر : مبرروووك ياحبيبتي ... بس ويش له داعي البكي
ريم : افهميني .. مين بيوقف معي .. مين بيقولي ويش اسوي لاتنسين ان ماسبق لاحد تزوج منا
سحر: عماتي ماراح يتركونك .. وبيوقفون معك وحنا معاك لاتخافين
ريم : سحر .... محتاجه لامي
سحر : ريم لا تقولين لاحد هذا الكلام خصوصا قدام مها وشوق
ريم : لا لا تخافين مستحيل اقول
سحر : وبعدين عن الدلع يالله .. المفروض تكون خدودك حمراء والضحكه شاقه حلقك مو تبكين
ريم تمسح دموعها : بروح اغسل وجهي عشان اطلع للصاله ومحد يشك
سحر تبوسها على خدها : هذي ريومه اللي اعرفها خليك قويه
شوق (( يــآآآآآرب ياكريم ... الطف بحالنا انت اعلم فينا .... كل يوم اشيل هم زياده عن
اللي قبله )) ..
راحت غرفتها ... وجلست على كرسيها وتطالع بالطاقه والغرفه مظلمه .. ظلام يشبهها
وملامح اختفت .. مثل ملامحها ..
فقير حظ وراس مالي ثيابي
وأبسط طموحاتي تهز أعمدتهم
فاتح لهم قلبي وطيبي وبابي
وعيونهم قبل الحكي فاضحتهم
قالوا وقالوا واشبعوا بأغتيابي
هذي نواياهم وذيك ألسنتهم
حتى وأنا اتألم وأموت فعذابي
دمعات عيني بالحزن
فرحتهم
:::
:::
يوم الاربعاء وصلت مها للبيت والكل فرحان ...
رغد : تاخرتي هذي المره
مها : ايه عشان صحباتي كانوا ينزلون والحين اخذت اجازة اسبوع
سمر : اشوى عشان في مجلس امهات بالمدره ابيك تحضرين
مها تبتسم : من عيوني كم سموره عندي .. طلت بشهد اللي تتحاشى الكلام معها
مها : شهد .. كيف حالك ؟؟!!
شهد طالعتها : الحمدلله بخير .. انتي كيفك
مها : تمام ولله الحمد .. كيف دراستك ان شاء الله شاده حيلك
شهد : الحمدلله اسوي اللي اقدر عليه
شوق : مهاوي وربي اشتقت لك ... فرحت يوم قالت سمر بتجين
مها : راح تشبعين مني جالسه عندكم اسبوع كامل
شهد (( اووف بتجلس على قلوبنا ))
سحر: مهاوي دريتي ان ريوم انخطبت
مها تضم ريم لانها بجنبها : ايه دق ابوي وقال لي .. باستها .. مبروووك ياقلبي
ريم : الله يبارك فيك
مها : ياحركات .. مستحيه ... سبحان مغير الاحوال
هنادي : الله يرزقنا بس
رغد وشوق : ههههههههههههههههههههههههه
سحر : ياويلي مستعجله على ويش انتي .. الزواج غثاء
مها : ابوي يقول بيجون بكره امه وخواته ... صح
شوق : ايه صح ... رحنا للسوق واشترينا لها لبس تلبسه
مها دمعت عينها : والله كبرتوا يابنات
ريم : يؤؤؤؤؤؤؤ الحين تقلبونها مناحه ...
شهد : عشانهم يعشقون النكد .. مايخلون فرصه للواحد يفرح
كلهم سكتوا
هنادي : اقول يا بنت .. قرري ويش بتسوين بشعرك
ريم : اممم مدري .. انتم ويش رايكم
شوق : استشوريه ... ولفلفي اطرافه يطلع حلوو
رغد : انا مع شوق .. وانتي سوي اللي تبين
مها : بوديك مشغل ياريم .. لازم تتكشخين
سمر وهنادي : ياهــــــــــــــــــــووووووووووووووو
وقفت مها بتروح الغرفه تبدل ملابسها ...
رغد بشهقه : مـــــــــــهـــــــآآآآآآآآآآآآوي
مها : بسم الله عليك ويش فيك
رغد : ويش هالسمنه يالدبه .... صاير لك كرش
مها تضحك : والله من الكسل .. ما اتحرك بس اكل وجالسه
سحر : الظاهر ماتشتغلون بالشقه اللي مستاجرينها انتي وصحباتك
مها : ا نشتغل بس الشغل قليل تحسبونا بزراين
شوق : بس وربي صايره دبه ... جسمك كان حلو الحين راح يخرب الحقي على عمرك
هنادي تلمس بطن مها .. لكن مها بعدت بسرعه وكأنها مقروصه
هنادي : ويش فيك بعدت عني ؟؟
مها : ماحب احد يمسك بطني .. بروح اغير ملابسي واجيكم ..
الكل : طـــــــيـــــــــــــب
ريم : بروح اسوي السلطه قبل ابوي يجي .. ونجهز العشاء
شوق : هيا نروح المطبخ
سحر : بجي معكم ...
سمر : هذي بس قاطه وجهها مع ريم
هنادي : يقولون لك ومن الحب ما قتل
قاطعهم صوت مسج .. على الجوال ...على طول فتحته وكان محتواه
ياكثر ماجيت في بالي
........... وانـا ناطـر
يمكن تحس بغلاك اللي سكن صدري
تدري وش اللي يحز [ويكسر الخاطر]
انك تمر بخيالـي وانـت ماتـدري
اول ماقرته ...ارتبكت وبان عليها .. نفس الرقم يرسل لها ثاني رساله .. رجعت قريت الرساله مره ومرتين وثلاث .. لكن ماقلت تفسير ... استولت على تفكيرها والاوهام والظنون
واكتفت بالسكوت والتفكير
شهد : رورو .. وين وصلتي
رغد : معاكم ... ليش تسالين
شهد : مجرد سؤال ... مين اللي ارسل المسج
رغد : ساره ... تقولي تنسي اللي وصيتك فيه
شهد : ويش وصتك فيه ؟
رغد : طلبتني انزل لها من النت اسماء كريمات .. وعطور عشان تكمل اغراض زواجها
شهد : ويش رايك احنا نجيب لها هديه ونتكفل بالعطورات .
رغد : والله فكره حلو .. اوكي بس نسويها لها مفاجأه
هنادي : اي مساعدة تراني جاهزة ..
مها : بويش تتكلمون ؟؟؟
رغد : نفكر بهديه لساره صديقتنا
مها : وليش تبون تجيبون لها هديه
شهد : عشان بتتزوج .. ولازم نجيب لها هديه
مها : اهــــــآآآ ... طيب وين البنات
سمر : بالمطبخ يجهزون العشاء
مها : غريبه ابوي تاخر مرره الساعه 10 .. وماوصل
هنادي : يمكن تاخر بالمكتب .. دايم يسويها ..
جات ريم ومعاها جوال مها اللي ازعجها بالاتصال
ريم : مهاوي خذي جوالك وربي يمكن 10 مرات دق
مها سحبت الجوال وراحت للغرفه تتكلم فيه ..
:::
:::
:::
هديل : ابي اروح يعني اروح ... تكفين يمه
ام هديل : قلت لا يعني لا .. كيف تروحين بيت خالك والناس بيجونهم
حنين : نبي نروح عن ريم .. نرقص ونفلها .. لا تنكدين يمه
امهم : لا ... لا تحاولون مافي روحه يعني مافي
هديل : يابخت خلود .. يابختها ... امها مو زيك معقده
امهم : ولي معقده عشانك مابيكم تروح تربشون الناس وهم مشغولين
حنين : يمه بنساعدهم اكيد بيحتاجوننا
امهم: انتن كيف تفهم اظن اتكلم عربي ... كلمتي ما اتراجع عنها
هديل تبكي : ياسلام ماتبيننا نوقف مع ريم بيوم مهم زي بكره .. اجل متى نوقف معاها
امهم : مو لازم تروحون ..
حنين بعناد : رجلي على رجلك .. والله ماتروحين الا وانا معك
امهم : اجل اجلس عندكم.... مو لازم انا اروح
هديل : انا بكلم شوق .. انتي يمه عنيده وراسك يابس
امهم : لو اخوي محمد يقول جيبيهم ما جبتكم .. اخوانكم الصغار وين اخليهم ؟؟
حنين : سهله احنا نحلقك بعد صلاة العشاء ننومهم.. ونجي
هديل : خلاص لقينا الحل .. وافقي يمه وافقي
امهم : افكر باتصل على اختي اشوف ويش قررت وبعدها اعطيكم قرار
هديل تشد شعرها : آآآآآآه منك يمه وربي راح تجننيني
امها : احسن انجني ويش وماسكك
هديل ترفع يدها للسماء : ياررررررررب اتزوج وافتك من سلطة امي يارررب
امها : تفضلين الزواج عشان ما اتحكم فيك هــــاه هين ياهديل اوريك
هديل : يمه انتي ماتتفاهمين كل شي عندك لا .. كذا مايصير لازم تخلين لنا فرصه
نثبت فيها شخصيتنا .. كذا نفقد الثقه بنفسنا ومانقدر نواجه المجتمع ونكون معقدين نفسيا
امها : لالا اخر ناس تتعقد نفسيا انتي واختك ... بس اسكتي ادوشتي راسي بكلامك
بــــــــــعـــــــــــد الــــحــــرب
بينهم وبين امهم ومحاولاتهم لأقناعها
سحر : ويش قالت عمتي
حنين : نشف ريقي وانا اتكلم .. اذن من طين واذن من عجين
هديل مع السبيكر : والله يا سوسو .. طفشت لدرجة اني بكيت .. بس امي عنيده
سحر : ههههههههههههههههههههه نفسي اشوفكم الحيين اكيد معصبات
حنين : مسكت زياد وطحت فيه قهرني ... ينكد علينا
هديل : امي تقول تفكر .. وبعدين تقولنا قرارها
سحر : وووووي .. قسم لو كانت رئيسه دوله ما احتاجت تفكر زي كذا
حنين : ويش نسوي .. لا حول لنا ولا قوه
سحر : وربي تحزنوني .... هههههههه ... اتخيل اشكالكم الحين
هديل : اشكالنا زي ماحنا .. بس تقدرين تقولين زعلانات خخخخخخخ
سحر : وربي ما الومكم .. عمتي صعب اقناعها بس اتوقع تجيبكم لا تخافون
حنين : الله يسمع منك يارررررررررررررررررررررررررررررررررررررررررب
سحر : من قلب طالعه يارب ..
هديل : ياليت تجربين امي بس يوم .. واشوف ويش تسوين
:::
:::
:::
ويش بيصير لريم ؟؟
وشوق .. ويش بتسوي .. وايش الماجأه اللي تنتظرنا ؟؟
هنادي ... وتهورها .. ويش نهايته ؟؟
ولاشخاص الغامضين ... من هم .. وهل بتكون في تطورات بالاحداث ؟؟
|
04-04-10, 06:32 PM
جديد مواضيع قسم القصص المكتمله
العرض العادي
